பள்ளி மேலாண்மைக்குழு கூட்டம் 06.02.2026 அன்று நடைபெறுதல் - மாநில திட்ட இயக்குநரின் செயல்முறைகள்
அனைத்து வகை அரசு பள்ளிகளிலும் பிப்ரவரி 2026 மாதத்திற்கான பள்ளி மேலாண்மைக்குழு கூட்டம் 06.02.2026 (வெள்ளிக்கிழமை) அன்று நடத்தப்படுதல் வேண்டும். இணைப்பில் கண்டுள்ள மாநில திட்ட இயக்குநரின் செயல்முறைகளை பின்பற்றி பள்ளி மேலாண்மைக்குழு கூட்டத்தினை நடத்திடும் வகையில், மேலாண்மைக்குழு உறுப்பினர்களுக்கு கூட்டத்திற்கான அழைப்பினை தெரிவித்திட அனைத்துப்பள்ளி தலைமை ஆசிரியர்களும் கேட்டுக்கொள்ளப்படுகிறார்கள்.
SMC Meeting on 06-02-2026 - SPD Proceedings
>>> தரவிறக்கம் செய்ய இங்கே சொடுக்கவும்
ஒருங்கிணைந்த பள்ளிக் கல்வி, சென்னை-600 006
மாநிலத் திட்ட இயக்குநரின் செயல்முறைகள்
ந க.எண்:1077/A1/பமேகு/ஒபக/2025-26, நாள் : 27/01/2026
பொருள் : ஒருங்கிணைந்த பள்ளிக் கல்வி பள்ளி மேலாண்மைக் குழு- அனைத்து வகை அரசுப் பள்ளிகளில் 2026 பிப்ரவரி மாதத்திற்கான பள்ளி மேலாண்மை குழு கூட்டம் 06.02.2026, வெள்ளிக் கிழமை அன்று நடத்துதல் கூட்டப் பொருள் மற்றும் வழிகாட்டுதல்கள் வழங்குதல்-சார்பு
பார்வை : (1) அரசாணை (நிலை) எண். 144, பள்ளிக் கல்வித் (அக.இ2) துறை, நாள். 28.06.2024
(2) பள்ளிக் கல்வி மற்றும் தொடக்கக் கல்வி இயக்குநர்களின் இை செயல்முறைகள் நக.எண்.9111/கே2/2025, நாள்: 02.07.2025
(3) பள்ளிக் கல்வி மற்றும் தொடக்கக் கல்வி இயக்குநர்களின் இணைச் செயல்முறைகள் ந.க.எண். 012381/ஜெ2/2025, நாள்: 11.07.2025
(4) தமிழ்நாடு பள்ளிக்கல்வி இயக்குநரின் செயல்முறைகள், நக. எண். 32841/b1/1/2025.: 02.07.2025.
(5) பள்ளிக் கல்வி இயக்குநரின் செயல்முறைகள் ந.க.எண். 034785/m/51/2025, 30.06.2025.
பார்வை-1-இன்படி அனைத்து வகை அரசுப் பள்ளிகளிலும் பள்ளி மேலாண்மைக் குழு மறுகட்டமைப்பு செய்யப்பட்டு பள்ளி மற்றும் குழந்தைகளின் ஒட்டுமொத்த வளரச்சியில் சிறப்பாகப் பங்காற்றி வரும் அனைத்துவகைப் பள்ளிகளின் தலைமையாசிரியர்கள் மற்றும் பள்ளி மேலாண்மைக் குழு உறுப்பினர்களுக்கு 2026-புத்தாண்டு பொங்கல் நல்வாழ்த்துகளைத் தெரிவிப்பதில் பள்ளிக் கல்வித் துறை பெருமைகொள்கிறது.
பார்வை-2 மற்றும் 3-இன்படி பள்ளி மேலாண்மைக் குழு உறுப்பினர்கள் மாணவர்களின் வளர்ச்சிக்கும், பள்ளியின் முன்னேற்றத்தில் பங்களிக்கும் வகையில் மாதம் தோறும் பள்ளி மேலாண்மைக் குழு கூட்டம் நடத்தப்பட்டு வருகிறது. அதன்படி 2026 பிப்ரவரி மாதத்திற்கான பள்ளி மேலாண்மைக் குழுக் கூட்டமானது அனைத்து வகை அரசுப் பள்ளிகளிலும் வருகின்ற 06.02.2026, வெள்ளிக்கிழமை மாலை 3.00 மணி முதல் 4.30 மணி வரை கீழ்காண் கூட்டப் பொருள்கள் மற்றும் பள்ளியின் முக்கியத் தேவைகளைக் கவனத்தில் கொண்டு நடத்தப்பட வேண்டும்.
I. கூட்டப் பொருள்
1. திறன் இயக்கம்
திறன் மாணவர்களில் டிசம்பர் மாத மதிப்பீட்டு முடிவுகளின் அடிப்படையில் 'அடிப்படைக் கற்றல் விளைவில்" (Basic Learning Outcome) பாடவாரியாகத் தேர்ச்சி அடைத்த மாணவர்கள் எண்ணிக்கை மற்றும் முந்தைய மாத மதிப்பீட்டிலிருந்து அதில் ஏற்பட்டுள்ள முன்ணேற்றம் குறித்து விவாதிக்க வேண்டும்.
b) திறன் மாணவர்களுக்கென உருவாக்கப்பட்டுள்ள தாநிலை அறிக்கை (Report Card) பதிவிறக்கம் செய்யப்பட்டு மாணவர்களுக்கு வழங்கப்பட்டுள்ளதைக் குறித்து விவாதிக்க வேண்டும்.
2. எண்ணும் எழுத்தும்
a) இரண்டாம் பருவ தேர்வு முடிவுகளின் அடிப்படையில், வகுப்பு நிலையில் (Grade Proficiency) உள்ள மாணவர்களின் எண்ணிக்கை மற்றும் அதில் ஏற்பட்டுள்ள முன்னேற்றம் குறித்து விவாதிக்க வேண்டும்.
Grade Proficiency: (வகுப்பு நிலை)
வகுப்பு 2-மொட்டு,
வகுப்பு 3-மலர்,
வகுப்பு 4.வகுப்பு நிலை (Grade Level)
வகுப்பு 5-வகுப்புநிலை (Grade Level)
b) பருவத் தேர்வு முடிவுகளின் அடிப்படையில் வகுப்பு 1 முதல் 5 வரை உள்ள மாணவர்களுக்கு Holistic Report Card வழங்கப்பட்டுள்ளது என்பதையும் அதில் உள்ள சிறப்பம்சங்கள் குறித்தும் விவாதிக்க வேண்டும்.
3. உயர்கல்வி வழிகாட்டி
a) 2026 ஜனவரி மாதம் நடைபெற்ற உயர்கல்வியே எங்கள் இலக்கு" நிகழ்வு அனைத்து அரசு மேல்நிலைப் பள்ளிகளில் 11-ஆம் வகுப்பு பயிலும் மாணவர்களுக்கு நடைபெற்றதா என்பதை உறுதிசெய்திட வேண்டும்.
b) இக்கல்வியாண்டில் (2025-2026) அரசு பள்ளிகளில் 10 மற்றும் 12ஆம் வகுப்புகளில் பயிலும் அனைத்து மாணவர்களும் பொதுத் தேர்வுகளை எழுதுவதை உறுதிசெய்திட வேண்டும்.
4. அனைத்து குழந்தைகளும் பள்ளியில் (ACiS)
a) இடைநின்ற மற்றும் இடைநிற்க வாய்ப்புள்ள குழந்தைகள் 9 -12 வகுப்பில் இருப்பதற்கு வாய்ப்புள்ளதால், பள்ளி மேலாண்மைக் குழுவில் உள்ள இல்லம் தேடிக் கல்வியாளர், முன்னாள் மாணவர்கள், சுய உதவிக் குழுவினர். தலைவர் மற்றும் செயலர் இவர்களைக் கொண்ட ஒரு குழுவை அமைத்து இடைநின்ற மாணவர்களின் பட்டியலை பகிர்ந்து அவர்களை மீண்டும் பள்ளிக்கு அழைத்து வர தீர்மானம் நிறைவேற்ற வேண்டும்
மேலும் விவரங்களுக்கு...
>>> தரவிறக்கம் செய்ய இங்கே சொடுக்கவும்
கருத்துகள் இல்லை:
கருத்துரையிடுக
குறிப்பு: இந்த வலைப்பதிவின் உறுப்பினர் மட்டுமே ஒரு கருத்துரையை வெளியிடக்கூடும்.