05-09-2026 அன்று ஆசிரியர் தின விழாவில் டாக்டர் இராதாகிருஷ்ணன் விருது வழங்க சிறந்த ஆசிரியர்களை தேர்ந்தெடுத்தல் - பள்ளிக்கல்வி இயக்குநரின் செயல்முறைகள்
Selection of outstanding teachers for the Dr. Radhakrishnan Award to be presented at the Teachers' Day celebration on 05-09-2026 – Proceedings of the Director of School Education
தமிழ்நாடு பள்ளிக்கல்வி இயக்குநரின் செயல்முறைகள், சென்னை - 06
ந.க.எண். 010095/ஐ/இ1/2026, நாள்.15.07.2026
பிறப்பிப்பவர்: முனைவர் ச.கண்ணப்பன்
பொருள்:
பள்ளிக் கல்வி - டாக்டர் இராதாகிருஷ்ணன் பிறந்த நாளான 05.09.2026 அன்று ஆசிரியர் தின விழா கொண்டாடுதல் - சிறந்த ஆசிரியர்களை தேர்ந்தெடுக்க ஏதுவாக EMIS இணைய தளம் மூலம் ஆசிரியர்களின் விவரங்கள் பதிவேற்றம் செய்திட மென்பொருள் உருவாக்குதல் - நல்லாசிரியர் விருதுக்கு விண்ணப்பிக்கும் ஆசிரியர்கள் தங்கள் விவரங்களை EMIS இணைய தளம் மூலம் பதிவேற்றம் செய்ய தெரிவித்தல் - தொடர்பாக.
பார்வை: அரசாணை (1டி) எண்.220 பள்ளிக் கல்வி (பொது-II) துறை. நாள் 05.08.2022
தமிழ்நாடு பள்ளிக் கல்வி துறையின் கீழ் இயங்கும் தொடக்க/நடுநிலை/உயர்நிலை/ மேல்நிலை/ தனியார் பள்ளிகள்/ ஆங்கிலோ இந்தியப் பள்ளிகள்/சமூக பாதுகாப்புத்துறை / ஆதிதிராவிடர் பழங்குடியினர் நலத்துறை மற்றம் பிற்படுத்தப்பட்டோர் நலத்துறையின் கீழ் இயங்கும் பள்ளிகளில் ஒவ்வொரு ஆண்டும் செப்டம்பர் மாதம் 5-ம் தேதி முன்னாள் குடியரசுத் தலைவர் டாக்டர் இராதாகிருஷ்ணன் பிறந்த நாளினை ஆசிரியர் தின விழாவாக கொண்டாடப்பட்டு வருகிறது. இவ்விழாவில் சிறந்த ஆசிரியர்களுக்கு மாநில அரசு விருதான டாக்டர் இராதாகிருஷ்ணன் விருது வழங்கி சிறப்பிக்கப்பட்டு வருகிறது. விருது பெறும் ஆசிரியர்களுக்கு ஆசிரியர் தின விழாவில் ரூ.10,000/- (ரூபாய் பத்தாயிரம் மட்டும்) ரொக்கப் பரிசும், வெள்ளிப் பதக்கமும், பாராட்டுச் சான்றிதழ் மற்றும் பயணப்படியும் வழங்கப்பட்டு வருகிறது.
பார்வையில் காணும் அரசாணையில் டாக்டர் இராதாகிருஷ்ணன் விருது பெறும் ஆசிரியர்களை தேர்வு செய்திட கீழ்கண்டவாறு 38 வருவாய் மாவட்டத்திற்கான விருதுகள் நிர்ணயம். மாவட்ட / மாநில குழு அமைத்தல், மற்றும் வழிகாட்டு நெறிமுறைகள், ஆகியவை தெரிவிக்கப்பட்டுள்ளது.
மாவட்டத் தேர்வுக்குழு
வ. எண் பதவி குழுவில் பதவி
1. முதன்மைக் கல்வி அலுவலர்
தலைவர்
2. முதல்வர், மாவட்ட ஆசிரியர் பயிற்சி நிறுவனம்
உறுப்பினர்
3. மாவட்டக் கல்வி அலுவலர்கள்
உறுப்பினர்
4. மேல்நிலைப் பள்ளி முதுநிலை தலைமையாசிரியர்
உறுப்பினர்
5. உயர்நிலைப் பள்ளி முதுநிலை தலைமையாசிரியர்
உறுப்பினர்
6. முதுநிலை வட்டாரக் கல்வி அலுவலர்
உறுப்பினர்
மாநிலத் தேர்வுக் குழு
1. பள்ளிக் கல்வி இயக்குநர், சென்னை -6
தலைவர்
2. இயக்குநர், மாநிலக் கல்வியியல் ஆராய்ச்சி மற்றும் பயிற்சி நிறுவனம். சென்னை -6
உறுப்பினர்
3. தொடக்கக் கல்வி இயக்குநர். சென்னை-6
உறுப்பினர்
4. அரசு தேர்வுகள் இயக்குநர், சென்னை - 6
உறுப்பினர்
5. தனியார் பள்ளிகள் இயக்குநர், சென்னை-6
உறுப்பினர்
6. இயக்குநர், ஆதிதிராவிடர் (ம) பழங்குடியினர் நலத்துறை, சென்னை 8 (அல்லது) அன்னாரின் பிரதிநிதி
உறுப்பினர்
7. சென்னை மாநகராட்சி ஆணையாளர். சென்னை 8 (அல்லது) அன்னாரின் பிரதிநிதி
உறுப்பினர்
8. முதல்வர், கல்வியியல் மேம்பாட்டு நிறுவனம், சைதாப்பேட்டை சென்னை
உறுப்பினர்
9. சிறப்பு ஆணையர் (ம) இயக்குநர். மிகவும் பிற்படுத்தப்பட்டோர் நலம் சென்னை - 5 (அல்லது) அன்னாரின் பிரதிநிதி
உறுப்பினர்
10. இயக்குநர், சமூக பாதுகாப்புத்துறை, சென்னை (அல்லது) அன்னாரின் பிரதிநிதி
உறுப்பினர்
11. பள்ளிக் கல்வி இணை இயக்குநர் (இடைநிலை) சென்னை - 6
உறுப்பினர் செயலர்
விருது வழங்கிட ஆசிரியர்களைத் தேர்வு செய்திட பின்பற்றப்பட வேண்டிய நடைமுறைகள் மற்றும் நெறிமுறைகள்.
1. விருதிற்குத் தகுதியுள்ள ஆசிரியர்கள் உரிய படிவத்தில் விபரங்களை இணையதளத்தில் பதிவேற்றம் செய்து தெரிவித்தல் வேண்டும்.
2. போதிய ஆசிரியர்கள் விண்ணப்பிக்கவில்லை என்று தெரிவிக்காமல் ஆய்வு அலுவலர்கள் தங்கள் பள்ளிகள் பார்வையின் போது கண்டறிந்த சிறந்த ஆசிரியர்களை பள்ளிக் தலைமையாசிரியரிடம் இணையதளத்தில் பதிவு செய்திடல் வேண்டும். அறிவுறுத்தி
3. முதன்மைக் கல்வி அலுவலர் தலைமையிலான குழு விண்ணப்பித்த அனைத்து ஆசிரியர்கள் செயல்பாடுகளை இணையதளத்தில் மதிப்பீடு செய்ய வேண்டும்.
4. விண்ணப்பித்த ஆசிரியர்கள் பணிப்பதிவேடுகள் மற்றும் பிற சான்றுகள் மாவட்ட அளவில் உரிய அலுவலர்களால் சரிபார்க்கப்பட வேண்டும்.
5. விண்ணப்பித்த ஆசிரியர்கள் மாவட்டத் தேர்வுக்குழுவின் நேர்காணலுக்கு வரவழைக்கப்பட்டு, மதிப்பீடு செய்தல் வேண்டும்.
6. மாவட்டத்தேர்வுக்குழுவினர் தேர்வு செய்யப்பட்ட ஆசிரியர்களின் பட்டியல் /கருத்துருக்களை இணையவழியாக மதிப்பீடுகளின் அடிப்படையில் மாநிலத் தேர்வுக்குழுவின் பரிசீலனைக்கு ஆகஸ்டு மாதம் 14ஆம் தேதிக்குள் பரிந்துரை செய்யப்பட வேண்டும்.
7. மாநிலத் தேர்வுக்குழு மாவட்டக்குழு அளித்த பரிந்துரையின் அடிப்படையில் இறுதி மதிப்பீடு செய்து தகுதியானவர்களின் பட்டியலைத் தயாரிக்க வேண்டும்.
வழிகாட்டு நெறிமுறைகள் (GUIDELINES)
1. மாநில பாட திட்டத்தின் கீழ் செயல்படும் அரசுப் பள்ளிகள் / ஆதிதிராவிட பழங்குடியினர் நலத்துறை / பிற்பட்டோர் நலத்துறை / சமூக பாதுகாப்புத் துறை / நிதி உதவி பெறும் பள்ளிகள் / ஆங்கிலோ இந்திய பள்ளிகள் மற்றும் அயநிதி / மெட்ரிக் பள்ளிகள் ஆகிய மேலாண்மைகளின் கீழ் செயல்படும் தொடக்க / நடுநிலை / உயர்நிலை மற்றும் மேல்நிலைப் பள்ளிகளில் பணிபுரியும் அனைத்துவகை ஆசிரியர்களும் விருதிற்குத் தகுதியுடையவர்கள் ஆவார்கள்.
2. இவ்விருது வகுப்பறையில் ஆசிரியர்களுக்கு மட்டுமே கற்பித்தல் ஈடுபடும் வழங்கப்படும். அலுவலகங்களில் பணியில் நிர்வாகப்பணி மேற்கொள்ளும் ஆசிரியர்கள் விண்ணப்பிக்ககூடாது.
3. கல்வியாண்டில் செப்டம்பர் 30ஆம் தேதிக்கு முன் வயது முதிர்வின் காரணமாக ஓய்வு பெற்ற ஆசிரியர்களைப் பரிந்துரை செய்யக்கூடாது. ஆசிரியர்கள் கல்வியாண்டில் குறைந்தது 4 மாதங்கள் (செப்டம்பர் 30ஆம் தேதிவரை -in Regular Service) பணிபுரிந்தவராக இருத்தல் வேண்டும். (மறுநியமன காலத்தைக் கணக்கில் எடுத்துக் கொள்ளக்கூடாது).
4. பரிந்துரைக்கப்படும் ஆசிரியர்கள் எவ்விதக் குற்றச்சாட்டிற்கும். ஒழுங்கு நடவடிக்கைக்கும் உட்படாதவராகவும், பொதுவாழ்வில் தூய்மையானவராகவும். பொது சேவைகளில் நாட்டம் கொண்டவராகவும், பள்ளி மாணவர்களின் இடைநிற்றலைக் குறைத்தல், பள்ளி மாணவர் சேர்க்கை. தேர்வில் தேர்ச்சி சதவீதத்தை உயர்த்துதல், கல்வித்தரத்தில் பின்தங்கிய மாணவர்களின் தரத்தை முன்னேற்ற பாடுபடுபவராகவும் இருத்தல் வேண்டும்.
5. அரசியலில் பங்கு பெற்று அரசியல் கட்சிகளுடன் தொடர்புடைய ஆசிரியர்களின் பெயர்கள் கண்டிப்பாகப் பரிந்துரைக்கப்படக் கூடாது.
6. கல்வியினை வணிகரீதியாகக் கருதி செயல்படும் ஆசிரியர்களையும், நடத்தை விதிகளுக்கு முரணாக இருக்கும் ஆசிரியர்களையும் இவ்விருதிற்குத் தகுதியற்றவர்களாகக் கருத்தப்பட வேண்டும்.
7. சிறந்த முறையில் பணிபுரியும் தமிழாசிரியர்கள் மற்றும் சிறப்பு ஆசிரியர்களான ஓவிய ஆசிரியர்கள், உடற்கல்வி ஆசிரியர்கள். கைத்தொழில் ஆசிரியர்கள், இசை ஆசிரியர்கள் மற்றும் மாற்றுத் திறன் ஆசிரியர்களில் தகுதியானவர்களையும் விருதிற்குப் பரிந்துரைக்கும் போது கவனத்தில் கொள்ளவேண்டும்.
8. பரிந்துரைக்கப்படும் ஆசிரியர்களின் கருத்துருக்கள். பெயர்பட்டியலினை மாவட்டத் தேர்வுக்குழுத் தலைவர் தமது சொந்தப் பொறுப்பில் வைத்துக் கொள்ள வேண்டும். தேர்வுக்குழு உறுப்பினர்களும் இது தொடர்பாக மந்தணம் காத்திடல் வேண்டும்.
9. டாக்டர் இராதாகிருஷ்ணன் விருதிற்காக வரையரை செய்யப்பட்ட படிவத்தில் மட்டுமே ஆசிரியர்களின் இணையவழியாக EMIS தளத்தில் பதிவேற்றம் செய்திடல் வேண்டும்.
10. ஆகஸ்டு மாதம் 14ஆம் தேதிக்குள் முதன்மைக் கல்வி அலுவலர்கள் தங்கள் மாவட்டத்திற்கு ஒதுக்கப்பட்ட விருதுகளின் எண்ணிக்கை அடிப்படையில் பட்டியல் தயார் செய்து 1:2 என்ற வீதத்தில் தேர்வு செய்து, நல்லாசிரியர் விருதிற்கான ஆசிரியர்களின் கருத்துருக்களை இணையதளத்தில் பதிவேற்றம் செய்திடல் வேண்டும்.
11. வருவாய் மாவட்டத்தில் உள்ள ஆசிரியர்களைத் தேர்வு செய்து பரிந்துரை செய்யப்படும் பொழுது, அனைத்து வகை ஆசிரியர்கள் மற்றும் அனைத்துப் பள்ளிகளையும் உள்ளடக்கியதாக உள்ளதைக் கவனத்தில் கொள்ள வேண்டும்.
12 மாநில அரசால் பரிந்துரைக்கப்பட்டு தேசிய விருது பெற்ற எந்த ஆசிரியரையும் பரிந்துரை செய்தல் கூடாது.
ஆசிரியர்கள் இணையவழியில் விண்ணப்பிக்கும் பொழுது கீழ்க்காணும் வழிகாட்டு நெறிமுறைகளை கவனத்தில் கொள்ளுமாறு அறிவுறுத்தப்படுகிறது
1. விண்ணப்பங்கள் அனைத்தும் இணையவழியிலான EMIS வழியாக மட்டுமே ஆசிரியரின் EMIS login மூலம் பதிவேற்றம் செய்யப்பட வேண்டும்.
2. விண்ணப்பம் பதிவேற்றம் செய்து சமர்ப்பிப்பதற்கான இறுதி நாளான 03.08.2026 வரை மட்டுமே EMIS-ல் பதிவேற்றம்/Reset/Edit செய்ய இயலும். அதன்பிறகு விண்ணப்பத்தில் மாற்றம் செய்ய இயலாது.
3. அனைத்து வினாக்களுக்கும் உரிய உள்ளீட்டினை பதிவேற்றம் செய்யுமாறும், பதில் எதுவும் இல்லை எனில் (Not applicable) கலத்தில் இல்லை அல்லது 0 (பூஜியம்) - னை உள்ளீடு செய்து (whichever is applicable) சமர்ப்பிக்கவும். noor
4. விண்ணப்பத்தில் பதிவேற்றம் செய்யும் pdf/link ஆனது மாவட்ட/மாநிலத் தேர்வுக்குழுவால் சரிபார்க்க ஏதுவாக இருக்க வேண்டும் (Expiry ஆகாமலும் viewable ஆகவும் இருத்தல் வேண்டும்)
5. Presentation to State Selection Committee எனும் கலத்தில் ஆசிரியர்கள் மாநிலத் தேர்வுக்குழுவிற்கு தங்களுடைய பங்களிப்பை தெரிவிக்கும் வகையிலான உள்ளடக்கத்தினை ஒருங்கிணைந்த pdf ஆக பதிவேற்றம் செய்ய வேண்டும்.
6. இணைப்பில் கண்டிப்பாக உள்ள சான்றிதழ்களை அவற்றிற்குண்டான கலத்தில் பதிவேற்றம் செய்ய வேண்டும். அவ்வாறு பதிவேற்றம் செய்யப்படாத விண்ணப்பங்கள் ஏற்றுக்கொள்ளப்பட மாட்டாது.
7. விண்ணப்பம் பதிவேற்றம் செய்வதற்காக இக்கடிதத்துடன் இணைத்து அனுப்பப்பட்டுள்ள demo video-வினை முழுமையாக பார்த்து மின் விண்ணப்பிக்கவும்.
எனவே. அனைத்து மாவட்டங்களிலும் உள்ள தொடக்க/நடுநிலை/உயர்நிலை/ மேல்நிலை/ தனியார் பள்ளிகள்/ ஆங்கிலோ இந்தியப் பள்ளிகள்/சமூக பாதுகாப்புத்துறை / ஆதிதிராவிடர் பழங்குடியினர் நலத்துறை மற்றும் பிற்படுத்தப்பட்டோர் நலத்துறையின் கீழ் இயங்கும் பள்ளிகளில் மாநில நல்லாசிரியர் விருதுக்கு விண்ணப்பிக்கும் ஆசிரியர்கள் தங்களின் விவரங்களை EMIS இணைய தளம் மூலம் 17.07.2026 அன்று முதல் 03.08.2026-க்குள் முழுமையாக பதிவேற்றம் செய்ய அறிவுறுத்துமாறு அனைத்து மாவட்ட முதன்மைக் கல்வி அலுவலர்கள் கேட்டுக் கொள்ளப்படுகிறார்கள்.
பள்ளிக்கல்வி இயக்குநர்
இணைப்பு: சான்று படிவங்கள் மூன்று
பெறுநர்:
அனைத்து மாவட்ட முதன்மைக் கல்வி அலுவலர்கள்
நகல்:
1. இயக்குநர், தொடக்கக்கல்வி இயக்ககம், செ-06
2. இயக்குநர். தனியார் பள்ளிகள் இயக்ககம், செ-06
>>> தரவிறக்கம் செய்ய இங்கே சொடுக்கவும்
கருத்துகள் இல்லை:
கருத்துரையிடுக
குறிப்பு: இந்த வலைப்பதிவின் உறுப்பினர் மட்டுமே ஒரு கருத்துரையை வெளியிடக்கூடும்.