CPS Final Settlement கருத்துருக்கள் அனுப்புதல் - கருவூலம் மற்றும் கணக்குகள் துறை உத்தரவு
CPS Final Settlement Proposal
CPS Final Settlement தொடர்பான கருத்துருக்கள் IFHRMS வழியாக Online மூலம் மட்டுமே அனுப்ப வேண்டும் - கருவூலகங்கள் மற்றும் கணக்குகள் துறை கடிதம்
>>> தரவிறக்கம் செய்ய இங்கே சொடுக்கவும்
கருவூலம் மற்றும் கணக்குத்துறை
அனுப்புநர்:
இயக்குநர்,
கருவூலம் மற்றும் கணக்கு இயக்குநரகம், 5வது தளம், பங்களிப்பு ஓய்வூதிய திட்ட பிரிவு, பேராசிரியர் க.அன்பழகன் மாளிகை, சென்னை-35.
பெறுநர்:
அனைத்து மண்டல இணை இயக்குநர்கள்/சம்பளம் மற்றும் கணக்கு அலுவலர்கள்/கருவூல அலுவலர்கள்.
ந.க. எண்.: 1299356/CPS/2023 , நாள்:05.10.2026
ஐயா/அம்மையீர்,
பொருள்:
பங்களிப்பு ஓய்வூதிய திட்டம் பங்களிப்பு ஓய்வூதிய திட்ட இறுதி ஒப்பளிப்பு ஆணைக்கான முன்மொழிவுகளை களஞ்சியம் (IFHRMS) இணையதளம் வழியாக மட்டுமே 01-09-2026 முதல் அனுப்பக் கோரியது கருத்துரு IFHRMS மூலமாக அனுப்பப்படாதது அறிவுறுத்துதல் - தொடர்பாக.
பார்வை:
1. அரசாணை எண் 59, நிதி (PGC) துறை நாள்: 22.02.2016.
2. இவ்வலுவலகக் கடித எண்: 1299356/CPS/2023, நாள் : 13.08.2024.
3. அரசாணை எண் 111, நிதி (TAPS) துறை, நாள்: 16.06.2026.
4 இவ்வலுவலகக் கடித எண்: 1299356/CPS/2023, நாள்: 14.08.2026.
பார்வை 4-ல் காணும் இவ்வலுவலகக் கடிதத்தின் வாயிலாக, 01.09.2026 முதல் CPS இறுதி ஒப்பளிப்பு (CPS Final Settlement) வழங்குவதற்கான அனைத்து கருத்துருக்களும் சம்பந்தப்பட்ட பணம் பெற்று வழங்கும் அலுவலரால் (DDO) online மூலமாக IFHRMS-ல் மட்டுமே இவ்வலுவலகத்திற்கு சமர்ப்பிக்கப்பட வேண்டும் என் ஏற்கனவே அறிவுறுத்தப்பட்டுள்ளது.
மேற்கண்ட அறிவுறுத்தல் வழங்கப்பட்ட பின்னரும், சில பணம் பெற்று வழங்கும் அலுவலர்களால் CPS இறுதி ஒப்பளிப்பு தொடர்பான கருத்துருக்கள் online மூலமாக IFHRMS-ல் சமர்ப்பிக்கப்படாமல், offline முறையில் தபால் மூலமாக / நேரடியாக இவ்வலுவலகத்திற்கு அனுப்பப்பட்டுள்ளது.
இது ஏற்கனவே வழங்கப்பட்டுள்ள அறிவுறுத்தலுக்கு முரணானதாக உள்ளது. எனவே, 01.09.2026 முதல் CPS இறுதி ஒப்பளிப்பு தொடர்பான கருத்துருக்கள் அனைத்தும் online மூலமாக IFHRMS-ல் மட்டுமே சமர்ப்பிக்கப்பட வேண்டும்.
Online மூலமாக IFHRMS-ல் அனுப்பப்படாத CPS இறுதி ஒப்பளிப்பு கருத்துருக்கள் எவ்விதத்திலும் பரிசீலனைக்கு எடுத்துக்கொள்ளப்படமாட்டாது. குறிப்பாக, தபால் மூலமாகவோ, நேரடியாகவோ அல்லது வேறு எந்த அலுவல் வழிமுறையிலோ அனுப்பப்படும் கருத்துருக்கள், IFHRMS-ல் மட்டுமே சமர்ப்பிக்குமாறு சம்பந்தப்பட்ட பணம் பெற்று வழங்கும் அலுவலர்களுக்கு அறிவுறுத்த கேட்டு கொள்ளப்படுகிறது.
அனைத்து சம்பளம் மற்றும் கணக்கு அலுவலர்கள் மற்றும் மாவட்டக் கருவூல அலுவலர்கள், தங்களது கட்டுப்பாட்டிலுள்ள அனைத்து பணம் பெற்று வழங்கும் அலுவலர்களுக்கு இவ்வறிவுறுத்தலை உடனடியாகவும், தெளிவாகவும் தெரிவித்து, இனிவரும் காலங்களில் CPS இறுதி ஒப்பளிப்பு தொடர்பான கருத்துருக்கள் online மூலமாக IFHRMS-ல் மட்டுமே சமர்ப்பிக்கப்படுவதை உறுதி செய்ய வேண்டும்.
இவ்வறிவுறுத்தலுக்கு பிறகும் தபால் / நேரடி முறையில் கருத்துருக்கள் அனுப்பப்படும் பட்சத்தில், அதனால் ஏற்படும் காலதாமதம் அல்லது கருத்துரு திருப்பி அனுப்பப்படுவதற்கான முழுப் பொறுப்பும் சம்பந்தப்பட்ட பணம் பெற்று வழங்கும் அலுவலரையே சாரும்.
எனவே, CPS இறுதி ஒப்பளிப்பு கருத்துருக்களை online மூலமாக IFHRMS-ல் மட்டுமே சமர்ப்பிக்கும் நடைமுறையை அனைத்து சம்பந்தப்பட்ட பணம் பெற்று வழங்கும் அலுவலர்களும் தவறாது கடைப்பிடிக்க வேண்டும். இவ்வறிவுறுத்தலைக் கண்டிப்பாக நடைமுறைப்படுத்தி, எந்தவொரு தாமதமும் ஏற்படாதவாறு தங்களின் கட்டுப்பாட்டிலுள்ள அனைத்து பணம் பெற்று வழங்கும் அலுவலர்களுக்கும் உரிய முறையில் தக்க அறிவுரை வழங்குமாறு அனைத்து சம்பளம் மற்றும் கணக்கு அலுவலர்கள் மற்றும் கருவூல அலுவலர்கள் அறிவுறுத்தப்படுகிறார்கள்.
மேலும், அனைத்து மண்டல இணை இயக்குநர்களும் இப்பொருள் தொடர்பாக உரிய நடவடிக்கைகள் மேற்கொள்ளுமாறு அறிவுறுத்தப்படுகிறது.
ஒம்/-
கூடுதல் இயக்குநர் (ஓய்வூதியங்கள்). கருவூலக் கணக்கு இயக்குநரகம்.
// ஆணைப்படி அனுப்பப்படுகிறது//
கணக்கு அலுவலர்
கருத்துகள் இல்லை:
கருத்துரையிடுக
குறிப்பு: இந்த வலைப்பதிவின் உறுப்பினர் மட்டுமே ஒரு கருத்துரையை வெளியிடக்கூடும்.