>>>கோர்ட் மேலாளர் தேர்வுக்கு ஹால் டிக்கெட் வெளியீடு

கோர்ட் மேலாளர் தேர்வுக்கான ஹால் டிக்கெட், சென்னை உயர் நீதிமன்ற இணையதளத்தில் வெளியிடப்பட்டுள்ளது.

தமிழக நீதிமன்றங்களில், 33 மேலாளர் பணியிடங்களை நிரப்ப, சென்னை பாரிமுனையில் உள்ள, புனித அன்னாள் மகளிர் மேல்நிலைப் பள்ளியில், 23ம் தேதி, காலை 10 மணி முதல், பகல் ஒரு மணி வரை, போட்டித் தேர்வு நடக்கிறது.

தேர்வுக்கு விண்ணப்பித்த, 207 பேரின் முகவரிக்கு, "ஹால் டிக்கெட்" அனுப்பப்பட்டு உள்ளது. சென்னை உயர் நீதிமன்ற இணையதளம் (www.hcmadras.tn.nic.in) மற்றும் டி.என்.பி.எஸ்.சி., இணையதளம் (www.tnpsc.tn.nic.in) வழியாகவும், ஹால் டிக்கெட்டை பதிவிறக்கம் செய்து கொள்ளலாம் என டி.என்.பி.எஸ்.சி., தெரிவித்துள்ளது.