புதிய தேசிய கல்வி கொள்கை, இயக்குனர் பதவி ஒழிப்பு - பள்ளிக் கல்வியில் ஜெயிப்பாரா உதயச்சந்திரன்?

 

புதிய தேசிய கல்வி கொள்கை, இயக்குனர் பதவி ஒழிப்பு - பள்ளிக் கல்வியில் ஜெயிப்பாரா உதயச்சந்திரன்? - குமுதம் ரிப்போர்ட்டர்...

புதிய தேசிய கல்வி கொள்கை ஆலோசனைக் கூட்ட புறக்கணிப்பு பள்ளிக்கல்வி இயக்குனர் பதவி ஒழிப்பு என்று புதிதாக பொறுப்பேற்றுள்ள திமுக அரசின் அதிரடி நடவடிக்கையால் கல்வித்துறை வட்டாரம் கலகலத்து நிற்கிறது. 

 இது தொடர்பாக தமிழ்நாடு ஆசிரியர் முன்னேற்ற சங்க மாநில தலைவர் தியாகராஜன் இடம் பேசினோம் .

பள்ளிக்கல்வி இயக்குனர் என்ற பதவி அதிகாரம் சார்ந்த பணி அல்ல. ஆசிரியர் அனுபவம், மாணவர்களின் மனநிலை ஆகிய அனுபவங்களைப் பெற்று பணியாற்றக்கூடிய பதவி கடந்த அதிமுக ஆட்சியில் ஐஏஎஸ் தலைமையிலான பள்ளிக்கல்வி ஆணையர் என்ற பணியிடம் உருவாக்கப்பட்டது 

திமுக ஆட்சியில் பள்ளிக்கல்வி ஆணையர் பதவி ரத்துச் செய்யப்படும் என்று ஆசிரியர்கள் எதிர்பார்த்தனர். ஆனால் மாறாக பள்ளிக்கல்வித்துறை இயக்குனர் பதவியை நீக்கிவிட்டு பள்ளிக்கல்வி ஆணையரிடம் எல்லா அதிகாரங்களையும் தாரைவார்க்கும் வேலைகள் நடந்து வருகிறது. ஒட்டுமொத்த பள்ளிக்கல்வித்துறை முதன்மை செயலாளர் என்ற ஐஎஎஸ் இருக்கிறார்.

பிறகு எதற்கு தனியாக பள்ளிக் கல்வி ஆணையர் என்ற பணியிடம் உருவாக்கி தனி அதிகாரியை நியமனம் செய்ய வேண்டும் இந்த விஷயம் ஆசிரியரிடம் கடும் அதிர்ச்சியை ஏற்படுத்தியுள்ளது என்றார்.

பொதுப் பள்ளிக்கான மாநில மேடை யின் பொதுச் செயலாளர் பிரின்ஸ் கஜேந்திரபாபு

2019ஆம் ஆண்டு பள்ளிக் கல்வி ஆணையர் என்ற பணியிடம் உருவானது மே பள்ளிக்கல்வி ஆணையர் இயக்குனர் என்ற இரு அதிகார மையங்கள் வேண்டாம் என்றும் திமுக ஆட்சியில் ஆணையர் பதவி நீக்கப்படும் என்று எதிர்பார்த்தோம். ஆனால் பள்ளிக்கல்வி இயக்குனர் பதவியை ஒழித்துவிட்டு அந்த இடத்துக்கு பள்ளிக்கல்வி ஆணையர் என்ற ஐஐஎஸ் நியமிக்கப்பட்டுள்ளார். இதுவரை கல்விப்பணியில் அனுபவம் அனுபவம் உள்ளவர்கள் பள்ளிக்கல்வி இயக்குனர் ஆகி உள்ளனர். எதிர்காலத்தில் வடநாட்டை சேர்ந்த ஐஏஎஸ் அதிகாரியை தமிழக பள்ளிக்கல்வி ஆணையராக நியமிக்கும் போது அவருக்கு தமிழக பள்ளிகளில் தரம் மற்றும் ஆசிரியர்களிடம் நிலை தெரியாது. அப்போது அது பெரும் குழப்பத்தை ஏற்படுத்தும் என்றார்.

உதயச்சந்திரன் ஐஏஎஸ்

முதல்வர் ஸ்டாலின் அவர்களின் முதன்மை செயலாளர் உதயச்சந்திரன் ஐஏஎஸ் ஏற்கனவே பள்ளிக்கல்வித் துறை செயலாளராக இருந்தவர். அதனால் பள்ளிக் கல்வித் துறையில் எல்லா விஷயங்களும் அவருக்கு அத்துப்படி.

 பள்ளிக்கல்வி இயக்குனர் பதவி ஒழித்துவிட்டு பள்ளிகளில் கல்வி ஆணையராக மே 14ஆம் தேதி நந்தகுமார் பதவியேற்றார். பள்ளிக் கல்வி இயக்குனராக இருந்த கண்ணப்பன் தற்போது தற்போது காத்திருப்போர் பட்டியலில் இருக்கிறார். 

>>> குமுதம் ரிப்போர்ட்டர் வார இதழ் செய்தி...

பள்ளிக் கல்வி செயலர் முனைவர். உதயச்சந்திரன் அவர்களை சந்தித்து ஆசிரியர் கூட்டணி முறையீடு...

 முதல்வர் அவர்களின்   தனிப்பிரிவு முதன்மைச் செயலர் முனைவர். உதயச்சந்திரன் அவர்களை சந்தித்து முறையீடு

தமிழ்நாடு உயர்நிலை மேல்நிலைப்பள்ளி பட்டதாரி ஆசிரியர் கழகத்தின் நிறுவனத் தலைவர் *டாக்டர் அ.மாயவன் அவர்களின்* வழிகாட்டுதலின்படி  மாநிலத்தலைவர்     *திரு.சு. பக்தவச்சலம் அவர்கள்* சென்னை மாவட்ட தலைவர் *திரு. சாந்தகுமார் அவர்கள்* மாவட்ட செயலாளர் *திரு.சீனிவாசன் அவர்கள்*  உள்ளிட்ட நிர்வாகிகள் இன்று தலைமைச் செயலகத்தில் மாண்புமிகு தமிழக முதலமைச்சர் அவர்களின் தனிப்பிரிவு முதன்மைச்செயலாளர் *மதிப்புமிகு.முனைவர் உதயசந்திரன் அவர்களை* சந்தித்து  கோரிக்கைகளை முன்வைத்தனர்.

 *கோரிக்கைகள் விபரம்* 

 *1* . நூறு ஆண்டுகளுக்கு மேலாக இருந்து வரும் *பள்ளிக்கல்வி இயக்குநர் பணியிடத்தை ரத்து* செய்து அதற்கு பதிலாக ஆணையர் என்ற பதவியை உருவாக்கி அதில் ஒரு *IAS அதிகாரியை* நியமித்திருப்பதை உடனடியாக ரத்து செய்ய வேண்டுகிறோம். 

 *2* .புதிய கல்விக் கொள்கையை புறக்கணித்து விட்டு *மாநில கல்விக் கொள்கையை நடைமுறைப்படுத்து வதற்கு ஒரு ஆணையம்* அமைக்க வேண்டுகிறோம்

 *3* .மாண்புமிகு தமிழக முதல்வர் அவர்களின் நிவாரண நிதிக்கு *ஆசிரியர்கள்- அரசு ஊழியர்களின் ஒருநாள் ஊதியத்தை இந்த மாதமே* பிடித்தம் செய்திட அரசாணை பிறப்பிக்க வேண்டுகிறோம்.

 *4* கடந்த ஆட்சிக்காலத்தில் நடந்த *ஜாக்டோ-ஜியோ* போராட்டத்தில் பாதிக்கப்பட்டு சஸ்பெண்ட் செய்யப்பட்டும், பணி மாறுதல் பெற்றவர்களுக்கு எந்த பதவி உயர்வும் வழங்கப்பட வில்லை எனவும் அதோடு *பணி மாறுதல் செய்யப்பட்டவர்களை மீண்டும் பழைய இடத்திற்கு மாற்றம் செய்யவில்லை எனவும் கோரிக்கை* வைத்தோம்.அதனை ஏற்ற *மாண்புமிகு முதல்வரின் தனிப்பிரிவு முதன்மைச் செயலாளர் *மதிப்புமிகு. முனைவர். உதயசந்திரன் அவர்கள்* உடனடியாக பள்ளிக் கல்வி துறையிடம்  தொடர்புகொண்டு விசாரித்தார். அவைகளை உடனடியாக சரி செய்வதாக நம்மிடம் தெரிவித்துள்ளார்

5. 2011க்கு பிறகு பணியில் நியமனம் செய்யப்பட்டு  *TET தேர்வில் தேர்ச்சி பெறாத ஆசிரியர்களுக்கு* பணிவரன்முறை, தகுதிக்காண் பருவம், மருத்துவ விடுப்பு, ஈட்டிய விடுப்பு உட்பட எந்த பலன்களும்  பெறாமல் தவித்து வருகின்றனர். அவர்களுக்கு *புதிய அரசு* விலக்கு அளிக்க வேண்டும் என கோரிக்கை வைத்தோம். அதையும் விரைவில் செய்து தருவதாக நம்பிக்கை தெரிவித்துள்ளார்.

தகவல்

திண்டுக்கல் மு.முருகேசன்

மாநில செய்தித் தொடர்புச் செயலாளர் தமிழ்நாடு உயர்நிலை மேல்நிலைப்பள்ளி பட்டதாரி ஆசிரியர் கழகம்