இந்திய ரயில்வேயில் 3144 வேலைவாய்ப்புகள் - RRB அறிவிப்பு
1. ரயில்வே ஸ்டேஷன் மாஸ்டர் - 1,265 காலியிடங்கள்
2. சட்ட உதவியாளர், அரசு வழக்கறிஞர், விளம்பர ஆய்வாளர், இந்தி மொழிபெயர்ப்பாளர், பணியாளர் நல ஆய்வாளர், அறிவியல் மற்றும் ஆய்வக உதவியாளர் - 191 காலியிடங்கள்
3. வணிகம் மற்றும் பயணச்சீட்டு எழுத்தர், கணக்கு எழுத்தர் மற்றும் தட்டச்சு செய்பவர், இளநிலை எழுத்தர் மற்றும் தட்டச்சு செய்பவர், ரயில் எழுத்தர் - 1688 காலியிடங்கள்.
விண்ணப்பிக்க
👇👇👇
Children's Film for October - 'The Song of Sparrows' - Synopsis - In Tamil
அக்டோபர் மாத சிறார் திரைப்படம் - 'தி சாங் ஆஃப் ஸ்பாரோஸ்' (அ) 'குருவிகளின் பாடல்' (The Song of Sparrows) - கதை சுருக்கம் - தமிழில்
மாணவர்களுக்கான அக்டோபர் மாத சிறார் திரைப்பட முழு கதை சுருக்கம்
ஈரான் தலைநகரான தெஹ்ரான் நகருக்கு வெளியே உள்ள தீக்கோழிப் பண்ணை ஒன்றில் வேலை செய்துகொண்டிருப்பவர் கரீம். அவரது மனைவி நர்கிஸ். அவர்களுக்கு இரண்டு மகள்கள் மற்றும் ஒரு மகன். இந்தக் குடும்பம் அவர்களுடைய ஒரு சிறிய வீட்டில் எளிமையான, நிறைவான வாழ்க்கையை நடத்திக் கொண்டிருக்கிறது. பாசமும் பண்பும் மிக்கவர் கரீம். ஆனால் குடும்ப பாரம் மற்றும் பொறுப்பு காரணமாக அவ்வப்போது கோபக்காரராக இருக்கிறார்.
மூத்த மகள் ஹனீயே பிறப்பு முதலே காது கேளாதவள். அரசு இலவசமாகக் கொடுத்த காது கேட்கும் இயந்திரத்தைப் பயன்படுத்துபவள். ஆனாலும் உதட்டசைவை வைத்து பிறரின் பேச்சைப் புரிந்து கொள்ளப் பழகியவள். ஒரு நாள் அவளுடைய காதுக் கருவி அவர்களுடைய வீட்டுக்கு அருகில் உள்ள ஒரு பெரிய மழைநீர்த் தொட்டியில் விழுந்துவிடுகிறது. இதைக் கேள்விப்பட்டு கரீம் கோழிப் பண்ணையில் இருந்து விரைவாக வீடு திரும்புகிறார். கரீமின் மகன் ஹுசைன் அக்கம் பக்கத்து வீட்டுச் சிறுவர்களுடன் சேர்ந்து அக்காவின் காதுக் கருவியை - தூர் வாரப்படாத, சகதியான அந்த நீர்த் தேக்கத் தொட்டியில் தேடிக் கொண்டிருக்கின்றான்.
தொட்டியில் இறங்கியதற்காகக் கரீம் அவர்களைத் திட்டுகிறார். பிறகு தானும் தொட்டியில் இறங்கித் தேடுகிறார். தேடலுக்கு இடையே ஹுசைனும் அவனது நண்பர்களும் 'அந்தத் தொட்டியைத் தூர்வாரி, சுத்தம் செய்து அதில் மீன் வளர்த்து பெரும் பணக்காரர்கள் ஆகலாம்' என்று கூறுகின்றார்கள். கரீம் அந்த யோசனையை நிராகரிக்கிறார். ஒரு வழியாக அவர்கள் காதுக் கருவியைக் கண்டுபிடிக்கின்றனர். ஆனாலும் அது சரியாக வேலை செய்யவில்லை. அருகில் உள்ள அரசு மருத்துவமனையில் இலவச மாற்று கருவி கிடைக்க நான்கு மாதங்கள் ஆகும் என்கின்றனர். அவசரமாக வேண்டுமென்றால் தலைநகர் தெஹ்ரான் நகருக்குச் சென்றால் கடைகளில் கிடைக்கும் என்று தெரிய வருகிறது.
உதட்டசைவால் பேச்சைப் புரிந்துகொள்ளும் மகள் ஹனீயே, தன் தந்தையிடம் அதிகம் பணமில்லை எனத் தெரிவதால் 'கருவி இல்லாமலேயே காது ஓரளவு கேட்கிறது' எனப் பொய் சொல்கிறாள். மகளின் நிலையை உணர்ந்து கலங்குகிறார் கரீம்.
அந்தக் கவலையோடே வேலைக்குப் போகிறார் கரீம். வேலை செய்யும் பண்ணைக்குப் புதிய தீக்கோழிகளை இறக்கிக் கொண்டிருக்கும்போது அதில் ஒரு கோழி தப்பி ஓடிவிடுகிறது. அதற்கு கரீமின் அலட்சியம் தான் காரணம் என்று காரணம் காட்டி அவரை வேலையை விட்டு நீக்குகின்றனர். அதன் பின் ஓரிரு தினங்களில் ஹனீயேவின் கருவியைச் சரி செய்ய விசாரிக்கலாம் என்று தெஹ்ரானுக்குச் செல்கிறார் கரீம். அங்கு கருவியை சரி செய்ய 350000 தோமான்கள் செலவாகும் என்று தெரிய வருகிறது. திரும்பி வரும்போது தெஹ்ரான் கடைத் தெருவில் அவரை 'வாடகைச் சவாரிக்கு மோட்டார் பைக் ஓட்டுபவர்' என்று ஒருவர் தவறாகப் புரிந்துகொண்டு பைக்கில் சவாரி ஏறி, அதற்காக பணம் கொடுக்கிறார். அதனால் அவர் மோட்டார் பைக்கில் வாடகைக்கு ஆட்களையும் பொருட்களையும் ஏற்றிச் செல்வதையே புதிய தொழிலாக்கிக் கொண்டு தினமும் நகரத்துக்கு வருகிறார்.
அப்போது அவர் சந்திக்கும் மனிதர்களும் நேரும் அனுபவங்களும் அவரது நேர்மையான, பெருந்தன்மையான குணத்தைக் கொஞ்சம் கொஞ்சமாக மாற்றுகின்றன.
நகரத்தில் பணக்காரர்கள் பார்த்தால் பணம் பொருள் எதுவும் கொடுப்பார்கள் என்பதற்காக அவர்களுக்குத் தெரிகிற மாதிரி சாலையில் நின்று தொழுகிறார். பணத்துக்காகப் பொய் கூறுதல், அதிக ஆசை, குறுக்கு வழியில் சிந்திப்பது என அவருடைய நற்குணங்களில் ஏற்படும் இந்த மாற்றங்கள் அவரது மனைவி மற்றும் மகளுக்கு வேதனையை அளிக்கின்றன. ஒரு நாள் கூரியர் கம்பெனி காரர்கள் கொடுத்தனுப்பிய ஒரு சிறிய ஃப்ரிட்ஜை திருட்டுத்தனமாக வீட்டுக்கு எடுத்து வந்துவிடுகிறார். நாளுக்கு நாள் பேராசை பெருக, நகரத்தில் தெருவிலும் குப்பைத் தொட்டியிலும் கிடக்கும் சில பொருட்களை பைக்கில் ஏற்றிக் கொண்டு வந்து வீட்டில் சேர்த்து சேர்த்து வைக்கிறார். பழைய கதவு, பழைய மின் சாதனப் பொருட்கள் போன்றவற்றை கிராமத்தில் குறைந்த விலைக்கு விற்கிறார். மகளின் காதுக் கருவியைப் பற்றி மறந்தும் போகிறார். இந்நிலையில் அவருடைய உறவினர்கள் அவருக்கு அறிவுரை கூறுகின்றனர்.
ஒரு நாள் வீட்டில் விற்பனைக்காகக் குவித்து வைத்திருக்கும் பழைய பொருட்களை அடுக்கிக் கொண்டிருக்கும்போது அவை சரிந்து விழுந்து அவர் மேல் விழுந்துவிட கால் முறிந்து, வேறு சில காயங்களும் ஏற்படுகின்றன. இதனால் அவரால் வேலைக்குச் செல்ல முடியாமல் போகவே, அவரது பத்து வயது மகன் ஹுசைன் வேலைக்குப் போகத் துவங்குகிறான். வேலை பார்த்துக் கொண்டே ஹுசைன் தன் தன் நண்பர்களுடன் சேர்ந்து முன்னர் யோசித்து வைத்திருந்தது போல மீன் குஞ்சுககளை வாங்கி அந்தத் தொட்டியை சுத்தம் செய்து அதில் மீன் வளர்க்கின்றனர். பூச்செடிகளையும் வளர்க்கின்றனர். வளர்ந்த மீன்களையும் பூந்தொட்டிகளையும் நகரத்திற்கு எடுத்துச் சென்று விற்கின்றனர் சிறுவர்கள். கால் உடைந்த கரீமும் அவர்களுடன் செல்கிறார். ஒரு நாள் ஒரு பண்ணைக்குச் செடிகளை வழங்கச் செல்லும்போது அவர்கள் மீன் குஞ்சுகள் வாங்கி வைத்திருந்த பிளாஸ்டிக் பீப்பாய் ஒழுகத் தொடங்குகிறது. அதில் மீண்டும் நீர் நிறப்ப முயற்சி செய்கிறார்கள். ஆனாலும் அந்த பீப்பாய் உடைந்து மீன்கள் தரையில் சிந்துகின்றன. அவற்றை அப்படியே இறந்து போக விட்டுவிடாமல் ஹுசைன் அவற்றை அருகில் ஓடிக் கொண்டிருக்கும் நீரோட்டத்தில் தள்ளி விடுகின்றான். கரீம் இதனைக் கண்டு தன் மகன் மீது பெருமை கொள்கிறார். மீன்களை இழந்த ஹுசைனும் அவனுடைய நண்பர்களும் கவலையாக இருப்பதைக் கண்டு அவர்களின் மனதை மாற்ற பாடல் பாடுகிறார் கரீம். "உலகம் நிலையானதல்ல... உள்ளதை வைத்து மகிழ்ச்சியாக இரு" என்ற பொருளில் அமைகிறது அந்தப் பாடல்.
இறுதிக் காட்சியாக - கரீமின் உடல்நலம் சரியாகிக் கொண்டிருக்கும் போது அவருடன் முன்பு வேலை செய்த நண்பர் ஒருவர், பண்ணையில் தொலைந்து போன தீக்கோழி திரும்ப வந்துவிட்டது என்று கூறுகின்றார். அடுத்த காட்சியில் கரீம் பண்ணையில் அந்தத் தீக்கோழியை கண்ணீர் மல்கக் காண்கிறார் என்பதுடன் படம் நிறைவடைகிறது.
பல அடையாளங்களால் பல கருத்துக்களை உணர்த்துகிறார் இயக்குநர். கவனக் குறைவால் காணாமல் போன தீக்கோழி மனம் திரும்பும்போது திரும்பி வருகிறது என்பதன் மூலம் 'கவனச் சிதறலால் காணாமல் போகும் நல்ல குணங்கள் மனம் வருந்தும்போது திரும்ப வந்துவிடுகின்றன' என்பது அவ்வகை அடையாளக் கருத்துகளில் ஒன்றாகும் எனக் கொள்ளலாம்.
பள்ளி காலை வழிபாட்டுச் செயல்பாடுகள் 11-11-2026 | School Morning Prayer Activities
>>> தரவிறக்கம் செய்ய இங்கே சொடுக்கவும்
Information regarding the 2027 electoral roll revision
வாக்காளர் பட்டியல் திருத்தம் 2027 குறித்த தகவல்கள் - உங்கள் வாக்கு, உங்கள் உரிமை
தமிழ்நாடு தலைமை தேர்தல் அதிகாரி அறிவித்துள்ள முக்கிய அறிவிப்பு.
இந்த வாய்ப்பை தவறவிட்டால், அடுத்த 1 வருடத்திற்கு உங்கள் பெயரை சேர்க்க முடியாது
முக்கிய தேதிகள் - குறித்து வைத்துக் கொள்ளுங்கள்!
நிலை தேதி
* வரைவு வாக்காளர் பட்டியல் வெளியீடு 12.11.2026
* பெயர் சேர்க்க / நீக்க / திருத்த விண்ணப்பிக்கும் காலம் 12.11.2026 முதல் 11.12.2026 வரை
* விண்ணப்பங்கள் மீது முடிவு 28.12.2026க்குள்
* இறுதி வாக்காளர் பட்டியல் வெளியீடு 04.01.2027
🙋 யாரெல்லாம் விண்ணப்பிக்கலாம்?
1. புதிய வாக்காளர்கள்: 01.10.2026 அன்று அல்லது அதற்கு முன் 18 வயது பூர்த்தியான அனைவரும், இதுவரை பெயர் சேர்க்காதவர்கள்.
2. 18 வயதை நெருங்குபவர்கள்: 01.01.2027 அன்று 18 வயது பூர்த்தியாகிறவர்கள் இப்போதே விண்ணப்பிக்கலாம்.
3. முன்கூட்டிய விண்ணப்பம்: 2027 ஆம் ஆண்டில் ஏப்ரல் 1, ஜூலை 1, அக்டோபர் 1 ஆகிய தேதிகளில் 18 வயது பூர்த்தியாகிறவர்கள் கூட இப்போதே முன்கூட்டியே விண்ணப்பிக்கலாம். 18 வயது வந்ததும் தானாக பட்டியலில் பெயர் சேர்ந்துவிடும்.
📝 எப்படி விண்ணப்பிப்பது? - மிக எளிது!
1. ஆன்லைன் மூலம்:
- Website: https://voters.eci.gov.in/
- App: ECINet App - ஐ பதிவிறக்கம் செய்து விண்ணப்பிக்கலாம்.
2. நேரடியாக:
- உங்கள் பகுதி *BLO (Booth Level Officer)*-ஐ தொடர்பு கொள்ளுங்கள்.
- BLO விவரம் அறிய: https://www.elections.tn.gov.in/ -> "Know your BLO"
3. உதவிக்கு:
- வாக்காளர் உதவி எண்: 1950- க்கு அழைக்கவும்.
📄 எந்த படிவம் எதற்கு? குழப்பம் வேண்டாம்!
- FORM 6: புதிதாக பெயர் சேர்க்க
- FORM 6A:vவெளிநாட்டில் வசிக்கும் இந்தியர் (Overseas Voter) பெயர் சேர்க்க
- FORM 7: பெயரை நீக்க அல்லது ஆட்சேபனை தெரிவிக்க
- FORM 8: வீடு மாற்றம், முகவரி திருத்தம், வாக்காளர் அட்டையில் திருத்தம், மாற்றுத்திறனாளி (PwD) என குறிப்பிட
🔥 இது ஏன் மிக மிக முக்கியம்?
> பட்டியலில் பெயர் இல்லையென்றால், வாக்களிக்க முடியாது!
> வாக்களிக்கவில்லை என்றால், கேள்வி கேட்கும் உரிமையை இழப்பீர்கள்!
> ஒரு வாக்கு வெறும் வாக்கு அல்ல - அது உங்கள் குடும்பத்தின், உங்கள் தெருவின், உங்கள் சமுதாயத்தின் அதிகாரம்!
- 18 வயது முடிந்தும் இன்னும் வாக்காளர் அட்டை இல்லாத இளைஞர்கள் இதை பயன்படுத்துங்கள்.
- திருமணமாகி ஊர் மாறி வந்த பெண்கள், வீடு மாறியவர்கள் FORM 8 மூலம் முகவரியை மாற்றுங்கள்.
- இறந்தவர்கள் பெயர் பட்டியலில் இருந்தால் நீக்குங்கள்.
* இந்த 30 நாட்கள் தான் உங்களுக்கான நேரம். அலட்சியமாக இருக்காதீர்கள்!
* தொடர்புக்கு:
🌐 http://elections.tn.gov.in | http://voters.eci.gov.in
📞 1950 ( Toll Free )
WhatsApp: 9444 123 456
Social Media: TNelectionsCEO
இந்த தகவலை அனைவருக்கும் பகிருங்கள். ஒரு புதிய வாக்காளரை உருவாக்குவது, ஒரு தலைமுறைக்கு வழிகாட்டுவதற்கு சமம்.
01.01.2027ஐ அடிப்படையாகக் கொண்டு வாக்காளர் சிறப்பு சுருக்கமுறைத் திருத்த நடவடிக்கைகள் (Special Summary Revision Measures) - தலைமை தேர்தல் அதிகாரி செய்தி வெளியீடு எண் : 980, நாள் : 03-11-2026
>>> தரவிறக்கம் செய்ய இங்கே சொடுக்கவும்
TNPSC Group 4 : 6,574 காலிப் பணியிடங்களுக்கு 14.89 லட்சம் பேர் விண்ணப்பம்
TNPSC குரூப் 4 தேர்வுக்கு இந்தாண்டு 14.89 லட்சம் பேர் விண்ணப்பித்துள்ளதாக தகவல். நாளை இரவு வரை தேர்வர்கள் விண்ணப்பத்தில் திருத்தம் செய்ய அனுமதி
6,574 காலிப் பணியிடங்களை நிரப்ப 2027ஆம் ஆண்டு ஜனவரி 10ஆம் தேதி எழுத்துத் தேர்வு நடைபெற உள்ளது.
தமிழ்நாடு அரசுப் பணியாளர் தேர்வாணையம் (TNPSC) நடத்தும் குரூப்-4 தேர்வு விவரங்கள்:
• மொத்த காலிப் பணியிடங்கள்: 6,574
• விண்ணப்பித்தவர்கள்: 14,89,025 பேர் (சுமார் 14.89 லட்சம் பேர்)
• போட்டி நிலவரம்: ஒரு இடத்திற்கு சுமார் 226 பேர் போட்டியிடுகின்றனர்.
• எழுத்துத் தேர்வு தேதி: 2027-ஆம் ஆண்டு ஜனவரி 10-ஆம் தேதி நடைபெற உள்ளது.
• விண்ணப்பத் திருத்தம்: விண்ணப்பங்களில் திருத்தம் செய்யக் நவம்பர் 11 கடைசி நாள் அறிவிக்கப்பட்டுள்ளது.
Local holiday declared for Mayiladuthurai district on November 16
துலா உற்சவ விழாவினை முன்னிட்டு மயிலாடுதுறை மாவட்டத்திற்கு நவம்பர் 16ஆம் தேதி (16-11-2026) உள்ளூர் விடுமுறை அறிவிப்பு
துலா உற்சவத்தின் முக்கிய நிகழ்வான கடைமுகத் தீர்த்தவாரி விழாவை முன்னிட்டு, நவம்பர் 16ஆம் தேதி மயிலாடுதுறை மாவட்டத்திற்கு உள்ளூர் விடுமுறை அறிவிக்கப்பட்டுள்ளது.
முக்கிய விவரங்கள்:
• விடுமுறை நாள்: நவம்பர் 16, 2026 (திங்கட்கிழமை)
• காரணம்: ஐப்பசி மாத துலா உற்சவத்தின் 'கடைமுகத் தீர்த்தவாரி' விழா
• விடுமுறை அளிக்கப்படும் நிறுவனங்கள்: மயிலாடுதுறை மாவட்டத்தில் உள்ள அனைத்துப் பள்ளிகள், கல்லூரிகள் மற்றும் அரசு அலுவலகங்கள்.
• ஈடு செய்யும் நாள் : இந்த விடுமுறையை ஈடு செய்யும் வகையில், நவம்பர் 21, 2026 (சனிக்கிழமை) பணி நாளாக அறிவிக்கப்பட்டுள்ளது.
• சார்நிலைக் கருவூலங்கள்: அவசரப் பணிகளுக்காகக் குறிப்பிட்ட பணியாளர்களுடன் செயல்படும்.
மயிலாடுதுறை மாவட்ட ஆட்சியர் அவர்களின் செயல்முறைகள்
தமிழ்நாடு முழுவதும் உள்ள அரசு பள்ளிகள், அரசு உதவி பெறும் பள்ளிகளில் சிசிடிவி பொருத்த உயர்நீதிமன்ற மதுரைக்கிளை ஆணை
Madurai Bench of the High Court orders the installation of CCTV cameras in Government and Government-aided Schools across Tamil Nadu.
தமிழ்நாடு முழுவதும் உள்ள அனைத்து அரசு மற்றும் அரசு உதவி பெறும் பள்ளிகளில் சிசிடிவி (CCTV) கேமராக்களைப் பொருத்த சென்னை உயர்நீதிமன்ற மதுரை கிளை உத்தரவிட்டுள்ளது.
முக்கிய விவரங்கள்:
• வழக்கின் பின்னணி: திண்டுக்கல் மாவட்டம், மானூர் ஊராட்சி ஒன்றிய தொடக்கப் பள்ளி மாணவர் பயன்படுத்திய தண்ணீர்த் தொட்டிக்குள் மனித மலம் கலக்கப்பட்ட சம்பவம் தொடர்பான வழக்கை நீதிபதிகள் வேல்முருகன் மற்றும் ராமகிருஷ்ணன் கொண்ட அமர்வு விசாரித்தது.
• உயர்நீதிமன்றத்தின் உத்தரவுகள்:
• தமிழ்நாட்டில் உள்ள அனைத்து அரசு மற்றும் அரசு உதவி பெறும் பள்ளிகளிலும் சிசிடிவி கண்காணிப்பு கேமராக்களைப் பொருத்த வேண்டும்.
• தற்போது எத்தனை பள்ளிகளில் சிசிடிவி கேமராக்கள் பொருத்தப்பட்டுள்ளன?
• இனி எத்தனை பள்ளிகளில் கேமராக்கள் பொருத்தப்பட வேண்டும்?
• சிசிடிவி கேமராக்களை பொருத்துவதற்கு ஆகும் திட்ட மதிப்பீடு எவ்வளவு?
• என்பன போன்ற விவரங்கள் குறித்து நவம்பர் 27-ம் தேதிக்குள் தமிழ்நாடு பள்ளிக்கல்வித்துறை செயலாளர் பதில் மனு தாக்கல் செய்ய வேண்டும் என உயர்நீதிமன்றம் உத்தரவிட்டுள்ளது.
ஆசிரியர் பதிவேடு Log book (1-3) Standard (10.11.2026-13.11.2026)
பள்ளி காலை வழிபாட்டுச் செயல்பாடுகள் 10-11-2026 | School Morning Prayer Activities
>>> தரவிறக்கம் செய்ய இங்கே சொடுக்கவும்
தமிழ்நாடு அரசின் புதிய மருத்துவ காப்பீட்டு திட்டத்தின் (NHIS) கீழ் ஒரு சில நோய்களுக்கு வழங்கப்படும் சிகிச்சை தொகை விவரம்
NHIS 2026 குறித்த முழுமையான அரசாணை G.O.Ms.No.122, Dated : 24-06-202
>>> தரவிறக்கம் செய்ய இங்கே சொடுக்கவும்
இந்திய ரயில்வேயில் 3144 வேலைவாய்ப்புகள் - RRB அறிவிப்பு 1. ரயில்வே ஸ்டேஷன் மாஸ்டர் - 1,265 காலியிடங்கள் 2. சட்ட உதவியாளர், அரசு வழக்கறிஞர்,...
