பள்ளி காலை வழிபாட்டுச் செயல்பாடுகள் 08-11-2024

   

 

 பள்ளி காலை வழிபாட்டுச் செயல்பாடுகள் 08-11-2024 - School Morning Prayer Activities...

திருக்குறள்:

"பால்: பொருட்பால்

அதிகாரம்: பழைமை

குறள் எண்:808

கேள்இழுக்கம் கேளாக் கெழுதகைமை வல்லார்க்கு

நாள்இழுக்கம் நட்டார் செயின்.

பொருள்:பழகிய நண்பர் செய்த தவறு பற்றிப் பிறர் சொன்னாலும் கேளாமலிருக்கும்

உரிமை வல்லவர்க்கு, அந் நண்பர் தவறு செய்வாரானால் அது பயனுள்ள நாளாகும்."

பழமொழி :

கருணை உள்ளமே கடவுள் வாழும் அமைதி இல்லம்.  

Where mercy lives that mind itself where GOD lives peacefully.

இரண்டொழுக்க பண்புகள் : 

‌

*பிறரைக் குறித்து அநாகரீகமான வார்த்தைகளை உபயோகிக்க மாட்டேன்.

* தினமும் என்னாலான சிறு சிறு உதவிகளை செய்வேன்.

பொன்மொழி :

நேரம் இலவசமானது, ஆனால் அது விலைமதிப்பற்றது. உங்களால் அதை சொந்தமாக்கிக்கொள்ள முடியாது, ஆனால் உங்களால் அதைப் பயன்படுத்த முடியும். உங்களால் அதை வைத்திருக்க முடியாது, ஆனால் உங்களால் அதை செலவிட முடியும். நீங்கள் ஒருமுறை அதை இழந்தால் அதை உங்களால் திரும்பப் பெற முடியாது. --ஹார்வி மேக்கே

பொது அறிவு :

"1. ஏழாவது ஐந்தாண்டு திட்டத்தின் (1985-90) முக்கிய நோக்கம் என்ன?

விடை: வேலைவாய்ப்பை உருவாக்குவது.      

  2.  ஐந்தாவது ஐந்தாண்டு திட்டம் யார் காலத்தில் கொண்டுவரப்பட்டது?

விடை:  இந்திராகாந்தி"

English words & meanings :

Clove-கிராம்பு,

Coriander-கொத்துமல்லி

வேளாண்மையும் வாழ்வும் :

உயிர்ச்சூழல் மற்றும் சுழற்சிக்கேற்ப இயைந்து செயல்பட்டு சுற்றுச்சூழலின் வாழ்வியல் மேம்பட உதவ வேண்டும் (உயிர்ச்சூழல் பற்றிய கோட்பாடு)

நவம்பர் 08

வீரமாமுனிவர் அவர்களின் பிறந்தநாள்

வீரமாமுனிவர் (ஆங்கிலம்: Constanzo Beschi, நவம்பர் 8, 1680 – பெப்ரவரி 4, 1747)[1] என்று அழைக்கப்படும் கான்சுடான்சோ பெசுக்கி என்பவர் இத்தாலிய நாட்டு கிறித்தவ மத போதகர் ஆவார். இவர் இத்தாலி நாட்டிலுள்ள கேசுதிகிலியோன் என்னும் இடத்தில் பிறந்தார். தொன்னூல் விளக்கம் என்ற நூலில் எழுத்து, சொல், பொருள், யாப்பு, அணி ஆகிய ஐந்து இலக்கணங்களை 370 நூற்பாக்களில் எடுத்துரைத்தார்

திருக்குறளில் அறத்துப்பாலையும், பொருட்பாலையும் இலத்தீன் மொழியில் பெயர்த்தவர் வீரமாமுனிவர்.

காவியத்தில் தேம்பாவணி இவர் இயற்றியது. மூன்று காண்டங்களில் 36 படலங்களைக் கொண்டு மொத்தமாக 3615 விருத்தம்|விருத்தப் பாக்களால் ஆனது இந்தக் காவியம்.

நீதிக்கதை

இரண்டு மரங்கள்!

ஒரு ஆற்றங்கரையில் இரண்டு பெரிய மரம் இருந்தது. அந்த வழியாக வந்த ஒரு சிட்டு குருவி, மரத்திடம் கேட்டது."மழை காலம் தொடங்க இருப்பதால், நானும் என் குஞ்சிகளும் வசிக்க கூடு கட்ட அனுமதிக்க முடியுமா?"

என்றது.

முதலில் இருந்த மரம் முடியாது என்றது. அடுத்த மரத்திடம் கேட்டது அது அனுமதித்தது.

குருவி கூடு கட்டி சந்தோசமாக வாழ்ந்து கொண்டு இருந்த நேரம்.

அன்று பலத்த மழை ஆற்றில் வெள்ளம் வந்து முதல் மரத்தை அடித்து சென்றது. தண்ணீரில் இழுத்து செல்லும் பொழுது குருவி சிரித்து கொண்டே சொன்னது, "எனக்கு வசிக்க கூடு கட்ட இடம் இல்லை என்று சொன்னதால் இப்போது தண்ணீரில் அடித்து செல்லப்படுகிறாய்" என்றது.

அதற்கு மரம் கூறிய பதில் 'எனக்கு தெரியும் நான் வழுவடைந்து விட்டேன். எப்படியும் இந்த மழைக்கு நான் தாங்க மாட்டேன். தண்ணீரில் அடித்து செல்லபடுவேன். நீயும் உன் குழந்தைகளும் நல்ல வாழ்க்கையை வாழ வேண்டும் என்று தான் உனக்கு இடம் இல்லை என்றேன். மன்னித்து விடு'என்றது.

நீதி :உங்களை யாரும் நிராகரித்தால் அவர்களை தவறாக நினைக்காதீர்கள். அவர்கள் தரப்பு நியாயத்தை கேளுங்கள்.

இன்றைய செய்திகள்

08.11.2024

* மலைப் பகுதி மக்களுக்காக ரூ.1.60 கோடியில் 25 பைக் ஆம்புலன்ஸ் வாங்க தமிழக அரசு உத்தரவு.

* அரசுப் பள்ளிகளில் பணிக்கு வராத ஆசிரியர்கள் மீது நடவடிக்கை: கண்காணிப்பை தீவிரப்படுத்த பள்ளிக்கல்வித் துறை திட்டம்.

* கார் ஓட்டுநர் உரிமம் வைத்திருப்போர் வணிக போக்குவரத்து வாகனம் இயக்கலாம்: உச்ச நீதிமன்றம் தீர்ப்பு.

* ஆஸ்திரேலியாவில் 16 வயதுக்குட்பட்ட சிறுவர்கள் சமூக வலைதளங்களைப் பார்க்க தடை விதிக்கும் வகையில் புதிய சட்டம் கொண்டு வரப்படும் என அந்நாட்டு பிரதமர் தகவல்.

* பெண்கள் டென்னிஸ் சாம்பியன்ஷிப் இன்றைய ஆட்டத்தில் ஜாஸ்மின் பயோலினியை வீழ்த்தி சீன வீராங்கனை கின்வென் ஜெங் வெற்றி.

* முதல் ஒருநாள் கிரிக்கெட் போட்டி: வங்காளதேச அணியை வீழ்த்தி ஆப்கானிஸ்தான் அபார வெற்றி.

Today's Headlines

* Tamil Nadu government orders to buy 25 bike ambulances for hilly people at Rs 1.60 crore.

* Action on absentee teachers in government schools: School Education Department plans to intensify monitoring.

* Car driving license holders can drive commercial vehicles: Supreme Court judgement.

* Australia's prime minister has announced that a new law will be introduced to ban accessing social media of children under the age of 16  .

* China's Qinwen Zheng wins today's Women's Tennis Championship by beating Jasmine Piolini.

* First ODI: Afghanistan beat Bangladesh

Prepared by

Covai women ICT_போதிமரம்

Vaanavil Madram - Activities and guidelines for the academic year 2024 - 2025 - DSE Proceedings

 

 வானவில்‌ மன்றம்‌ - 2024 - 25ஆம்‌ கல்வியாண்டிற்கான செயல்பாடுகள்‌ மற்றும்‌ வழிகாட்டு நெறிமுறைகள்‌ - தொடர்பாக பள்ளிக்கல்வி இயக்குநரின் செயல்முறைகள் ந.க.எண்‌ : 073040/எம்‌2/இ2/2022 நாள்‌. 18.09.2024

Vaanavil Madram - Activities and guidelines for the academic year 2024 - 2025 - Proceedings of Director of School Education  

>>> தரவிறக்கம் செய்ய இங்கே சொடுக்கவும்...

தமிழ்நாடு - பள்ளிக்‌ கல்வித்‌ துறை

பள்ளிக்‌ கல்வி இயக்ககம்‌

அனுப்புநர்‌ 

முனைவர்‌.ச.கண்ணப்பன்‌, 

பள்ளிக்கல்வி இயக்குநர்‌, 

பள்ளிக்கல்வி இயக்ககம்‌,

பேராசிரியர்‌ அன்பழகன்‌ கல்வி வளாகம்‌,

சென்னை-6.

பெறுநர்‌

முதன்மைக்கல்வி அலுவலர்கள்‌,

அனைத்து மாவட்டங்கள்‌.

ந.க.எண்‌ : 073040/எம்‌2/இ2/2022 நாள்‌. .09.2024

பொருள்‌: பள்ளிக்‌ கல்வி - கணிதம்‌ மற்றும்‌ அறிவியல்‌ பாடங்களில்‌ கற்றலை மேம்படுத்துதல்‌ - வானவில்‌ மன்றம்‌ - 2024 - 25ஆம்‌ கல்வியாண்டிற்கான செயல்பாடுகள்‌ மற்றும்‌ வழிகாட்டு நெறிமுறைகள்‌ - தொடர்பாக.

பார்வை : அரசாணை (நிலை) எண்‌.154 பள்ளிக்கல்வித்‌ (SSA 1) துறை, நாள்‌.03.07.2024

மாண்புமிகு தமிழ்நாடு முதலமைச்சர்‌ அவர்களால்‌ கணிதம்‌ மற்றும்‌ அறிவியல்‌ பாடங்களை தானாக பரிசோதனை செய்து கற்றலை மேம்படுத்துவதற்காக திருச்சியில்‌ 2022 நவம்பர்‌ 28 அன்று வானவில்‌ மன்றம்‌ - நடமாடும்‌ அறிவியல்‌ ஆய்வகம்‌ தொடங்கி வைக்கப்பட்டது. தமிழ்நாட்டில்‌ உள்ள 13,236 அரசு நடுநிலை, உயர்நிலை மற்றும்‌ மேல்நிலைப்‌ பள்ளிகளில்‌ கல்வி பயிலும்‌ மாணாக்கர்கள்‌ பயன்‌ பெறும்‌ வகையில்‌ இத்திட்டம்‌ செயல்படுத்தப்பட்டு வருகிறது.

2024-25ஆம்‌ கல்வி ஆண்டிற்கான வானவில்‌ மன்ற செயல்பாடுகள்‌ மற்றும்‌ வழிகாட்டு நெறிமுறைகள்‌ பின்வருமாறு திட்டமிடப்பட்டு உள்ளது. 

வானவில்‌ மன்றம்‌ - சிறப்பு நோக்கங்கள்‌

* 

மாணாக்கர்கள்‌ சிந்தனையில்‌ புதிய ஆய்வு மாதிரிகளை உருவாக்க ஆர்வமூட்டுதல்‌ மற்றும்‌ அவர்களால்‌ உருவாக்கப்படும்‌ மாதிரிகளுக்கு உரியகாப்புரிமையை பெற வழிகாட்டுதல்‌.

5 மாணாக்கர்கள்‌ பல்வேறு திறனறித்‌ தேர்வுகளில்‌ ஆர்வமுடன்‌ பங்கேற்க தேவையான அடிப்படை விவரங்களை வழங்கி ஊக்கமளித்தல்‌. ( International National Science and Math Olympiad, NSTSE, Geogenius, NBO, ASSET, NSEJS, HBBVS, NMMS, TRUST, Inspire Award, etc)

*. ஆய்வு மாதிரிகள்‌ தயாரித்தலில்‌ சிறந்த பங்களிப்பை வழங்கி பரிசு பெறும்‌ மாணாக்கர்களை ISRO, Kudankulam Atomic Power Station, IIT, Kavalur Observatory, CLRI போன்ற மாநில / தேசிய அறிவியல்‌ மையங்கள்‌ மற்றும்‌ ஆய்வுக்‌ கூடங்களுக்கு கல்வி சுற்றுலா / களப்பயணம்‌ அழைத்துச்‌ செல்லுதல்‌.

* புதிய செயல்திட்ட மாதிரிகளை உருவாக்கி பரிசு பெறும்‌ மாணாக்கர்களை அயல்நாடுகளில்‌ உள்ள உயர்கல்வி /அறிவியல்‌ மையங்களுக்கு பார்வையிட வாய்ப்பு அளித்தல்‌.

8 ஆம்‌ வகுப்பில்‌ உள்ள கணிதம்‌ மற்றும்‌ அறிவியலில்‌ மீத்திறன்‌ மிக்க மாணாக்கர்களை இனங்கண்டு மாதிரி பள்ளிகளில்‌ சேர்க்கை செய்து தொடர்ந்து கண்காணித்து IIT, NIT மற்றும்‌ IISC போன்ற உயர்‌ கல்வி நிறுவனங்களில்‌ சேர்க்கை செய்திட உதவுதல்‌.

Group 4 தேர்வு முடிவுகள் - சான்றிதழ் சரிபார்ப்பிற்காக தேர்வானவர்களின் பட்டியல் - TNPSC வெளியீடு

 

Group 4 தேர்வு முடிவுகள் - சான்றிதழ் சரிபார்ப்பிற்காக  தேர்வானவர்களின் பட்டியல் - TNPSC வெளியீடு

Group 4 Exam Results - List of Candidates for Certificate Verification - TNPSC Released

>>> TNPSC செய்தி வெளியீடு - தரவிறக்கம் செய்ய இங்கே சொடுக்கவும்...

Combined Civil Services Examination-IV (Group-IV Services) Notification No. 01/2024 dated 30.01.2024

1. The candidates who have been admitted provisionally to the

Onscreen Certificate Verification should upload the scanned copy of original documents in support of the claims made in their online application from 09.11.2024 to 21.11.2024 through their One Time Registration (OTR) Platform available in the Commission’s website. 2. Intimation regarding Onscreen Certificate Verification will be

informed through the Commission’s website, SMS and e-mail through registered mobile number and email ID only. No individual communication shall be sent to the candidates by post. 3. The list of Register Number of candidates who have been

provisionally admitted to Onscreen Certificate Verification based on the results of the written examination conducted by the Commission on 09.06.2024 FN and Marks and Rank published on 28.10.2024 are mentioned below.

>>> சான்றிதழ் சரிபார்ப்பிற்காக  தேர்வானவர்களின் பட்டியலை தரவிறக்கம் செய்ய இங்கே சொடுக்கவும்...

குரூப் 4 தேர்வு முடிவுகள் வெளியான நிலையில், சான்றிதழ் சரிபார்ப்பிற்காக  தேர்வானவர்களின் பட்டியலை TNPSC வெளியிட்டுள்ளது

 குரூப் 4 சான்றிதழ் சரிபார்ப்பு - டிஎன்பிஎஸ்சி அறிவிப்பு.

குரூப் 4 தேர்வு முடிவின் படி தற்காலிகமாக தேர்வானவர்களின் பட்டியலை வெளியிட்டது டிஎன்பிஎஸ்சி.

சான்றிதழ் சரிபார்ப்பிற்காக தற்காலிகமாக தேர்வானவர்களின் பட்டியல் வெளியீடு.

நவம்பர் 9 முதல் 21-ஆம் தேதிக்குள் இணையதளத்தில் சான்றிதழை பதிவேற்றம் செய்ய டிஎன்பிஎஸ்சி அறிவுறுத்தல்.

தேர்வு முடிவு வெளியான 6 நாட்களில் இந்த பட்டியல் வெளியிடப்பட்டுள்ளது - டிஎன்பிஎஸ்சி.

Impersonation in Govt School - Suspension of Teacher

 

அரசுப் பள்ளியில் அரங்கேறிய ஆள்மாறாட்டம் - ஆசிரியர் பணியிடை நீக்கம்

தமிழ்நாடு அரசு பள்ளிக்கல்வித்துறை மேம்பாட்டுக்கு பல்வேறு நலத்திட்டங்களை செய்து வருகிறது.

ஆசிரியர் பள்ளிக்கே வராமல், மாற்று நபரை வகுப்பு எடுக்க அனுப்பிவிட்டது ஆய்வில் கண்டுபிடிக்கப்பட்டது.

பள்ளிக்கூடம் கல்வியை மட்டுமல்ல... நல் ஒழுக்கம், பண்பாடு, நீதிபோதனை போன்றவற்றை கற்றுத்தரும் இடம். அங்கு மாணவர்களை நல்லவர்களாகவும், வல்லவர்களாகவும் உருவாக்கும் போற்றுதலுக்குரிய பணியை செய்து வருபவர்கள் ஆசிரியர்கள்.

எல்லோரும் அவ்வாறு ஆசிரியப்பணியை அறப்பணியாக செய்கிறார்களா என்றால் பதில் கேள்விக்குறிதான்.

எங்காவது ஒருவர் தங்களது பணிக்கு இழுக்கை தேடிக்கொண்டு விடுகிறார்கள். அப்படியொரு ஆசிரியர் செய்த காரியம் தர்மபுரி மாவட்டத்தில் பெரும் பரபரப்பை ஏற்படுத்தி இருக்கிறது.

தமிழ்நாடு அரசு பள்ளிக்கல்வித்துறை மேம்பாட்டுக்கு பல்வேறு நலத்திட்டங்களை செய்து வருகிறது. பள்ளி மாணவ-மாணவிகள் முறையாக வகுப்புகளுக்கு வரவேண்டும், சிறப்பாக படிக்க வேண்டும் என்பதற்காக ஆண்டுதோறும் பட்ஜெட்டில் கோடிக்கணக்கில் நிதி ஒதுக்குகிறது. அதில் மாணவர்களுக்கு இலவச பாடப்புத்தகங்கள், காலை உணவுத்திட்டம் போன்ற பல திட்டங்கள் செயல்படுத்தப்பட்டு வருகின்றன.

அரசுப்பள்ளிகளில் மாணவர்களுக்கான கற்றல், கற்பித்தல் திறன் எந்த அளவுக்கு இருக்கிறது? அவர்களுக்கான உள்கட்டமைப்பு உள்ளிட்ட வசதிகள் எந்த அளவில் உள்ளது? மாணவர்களுக்கான அரசின் திட்டங்கள் முறையாக சென்றடைகிறதா? என்பதை கண்காணிக்க மாவட்ட முதன்மை கல்வி அலுவலர்களுக்கு அரசு உத்தரவிட்டுள்ளது.

அதன்படி, மாவட்ட முதன்மை கல்வி அலுவலருக்கு கீழ் உள்ள கல்வி அலுவலர்கள் இந்த ஆய்வுப் பணியில் ஈடுபட்டு வருகின்றனர். கடந்த சில தினங்களுக்கு முன் தங்களுக்கு ஒதுக்கப்பட்ட பள்ளிகளில் முறையாக ஆய்வு செய்யாத வட்டாரக் கல்வி அலுவலர்களின் பட்டியலையும் கல்வித் துறை வெளிப்படையாக வெளியிட்டது.

இந்த நிலையில் ஆய்வின்போது, கற்பித்தல் பணிகளில் சுணக்கம் காட்டிய ஆசிரியர்கள் மீது கடந்த சில மாதங்களாக உடனடி நடவடிக்கை எடுக்கப்பட்டு வருகிறது. அதாவது, கற்பித்தல் பணிக்கு செல்லாமல் நீண்டநாட்கள் விடுப்பில் இருப்பது, பள்ளிக்கு வந்தது போல் கணக்கு காண்பிப்பது என்பது போன்ற குற்றச்சாட்டுக்கு ஆளான ஆசிரியர்களை கல்வித்துறை இடைநீக்கம் செய்து உத்தரவு பிறப்பித்து வருகிறது.

அந்த வரிசையில் தர்மபுரி மாவட்டம், அரூர் கல்வி மாவட்டத்துக்குட்பட்ட காரிமங்கலம் வட்டாரம், ராமியாம்பட்டி பஞ்சாயத்து நடுநிலைப் பள்ளி ஆங்கில ஆசிரியர் கே.பாலாஜி மீதும் நடவடிக்கை எடுக்கப்பட்டுள்ளது. இவர் பள்ளிக்கே வராமல், மாற்று நபரை வகுப்பு எடுக்க அனுப்பிவிட்டது ஆய்வில் கண்டுபிடிக்கப்பட்டது.

அதன்படி, ஆசிரியர் பாலாஜி மீது தமிழ்நாடு அரசுப் பணி (ஒழுக்கம் மற்றும் மேல்முறையீடு) 17-வது விதியின் கீழ் இடைநீக்கம் செய்யப்பட்டுள்ளார். இந்த சம்பவம் அங்கு பரபரப்பை ஏற்படுத்தி இருக்கிறது.

தமிழ்நாடு முழுவதும் பல அரசு பள்ளிகளில் இதுபோன்ற நிலைதான் நீடிக்கிறது எனவும், கல்வித்துறை சார்பில் ஆய்வு, கண்காணிப்பை தீவிரப்படுத்துவதோடு, சம்பந்தப்பட்டவர்கள் மீது நடவடிக்கை எடுப்பதிலும் பாரபட்சம் காட்டக் கூடாது எனவும் கல்வியாளர்கள் அரசுக்கு கோரிக்கை வைத்து இருக்கின்றனர்.

அரசுப் பள்ளிகளில் பணிக்கு வராத ஆசிரியர்கள் மீது நடவடிக்கை: கண்காணிப்பை தீவிரப்படுத்த பள்ளிக்கல்வித் துறை திட்டம்

அரசுப் பள்ளிகளில் ஆசிரியர்கள் முறையாக பணிக்கு வருவதை கண்காணித்து உரிய நடவடிக்கைகள் எடுக்கவுள்ளதாக பள்ளிக்கல்வித் துறை தகவல் தெரிவித்துள்ளது.

தமிழகத்தில் உள்ள அரசுப் பள்ளிகளில் கற்றல், கற்பித்தல் செயல்பாடுகளை மேம்படுத்த பல்வேறு முன்னெடுப்புகள் பள்ளிக்கல்வித் துறையால் மேற்கொள்ளப்படுகின்றன. அதன்படி பள்ளிகளில் மாணவர்களின் கற்றல் நிலை, உட்கட்டமைப்பு வசதிகள், அரசின் திட்டங்கள் முறையாக சென்றடைகிறதா என்பதை தொடர்ந்து கண்காணிக்க வேண்டுமென அனைத்து அலுவலர்களுக்கும் துறை அமைச்சர் அன்பில் மகேஸ் பொய்யாமொழி அறிவுறுத்தியிருந்தார். அதன்படி மாநிலம் முழுவதும் அரசு மற்றும் அரசு உதவி பெறும் பள்ளிகளில் முதன்மை, மாவட்ட, வட்டாரக் கல்வி அலுவலர்கள் தொடர்ந்து ஆய்வுப் பணியில் ஈடுபட்டு வருகின்றனர்.

இதுதவிர முறையாக ஆய்வு செய்யாத அலுவலர்களின் பட்டியலையும் பொதுவெளியில் வெளியிட்டு தொடர் நடவடிக்கைகள் எடுக்கப்பட்டு வருகின்றன. மேலும், பள்ளி ஆய்வின்போது கற்பித்தல் பணிகளில் சுணக்கம் காட்டிய ஆசிரியர்கள் மீதும் உடனடி நடவடிக்கை எடுக்கப்படுகிறது.  

மாநிலம் முழுவதும் உள்ள அரசுப் பள்ளிகளில் கண்காணிப்பை தீவிரப்படுத்த உள்ளதாக துறைசார்ந்த அதிகாரிகள் தகவல் தெரிவித்தனர். இந்த சம்பவம் பள்ளிக்கல்வித் துறை வட்டாரத்தில் பெரும் சலசலப்பை ஏற்படுத்தியுள்ளது குறிப்பிடத்தக்கது.

புது ஊஞ்சல் - 01-15 நவம்பர் 2024 இதழ் - Puthu Oonjal - 01-15 November 2024 Magazine

புது ஊஞ்சல் - 01-15 நவம்பர் 2024 இதழ் - Puthu Oonjal - 01-15 November 2024 Magazine

 புது ஊஞ்சல் - புது ஊஞ்சல் - 01-15 நவம்பர் 2024 மாதமிருமுறை இதழ் - 4, 5ஆம் வகுப்புகளுக்கான இதழ் - படிக்கலாம்! பறக்கலாம்! - பள்ளிக்கல்வித்துறைக்காக தமிழ்நாடு பாடநூல் மற்றும் கல்வியியல் பணிகள் கழகம் வெளியீடு (Pudhu Oonjal - 01-15 November 2024 Fortnightly Magazine - Magazine for Classes 4 & 5 - Published by Tamil Nadu Textbook and Educational Works Corporation for School Education Department)...

>>> புது ஊஞ்சல் - 01-15 நவம்பர் 2024 இதழ் தரவிறக்கம் செய்ய இங்கே சொடுக்கவும்...

தேன்சிட்டு - 01-15 நவம்பர் 2024 இதழ்

   

தேன்சிட்டு - 01-15 நவம்பர் 2024 இதழ்  - Then Chittu - 01-15 November 2024 Magazine 

தேன்சிட்டு - 01-15 நவம்பர் 2024 மாதமிருமுறை இதழ் - உலக அறிவுக்குத் தமிழ்ச் சாளரம் - 6 முதல் 9ஆம் வகுப்புகளுக்கான இதழ் - பள்ளிக்கல்வித்துறைக்காக தமிழ்நாடு பாடநூல் மற்றும் கல்வியியல் பணிகள் கழகம் வெளியீடு (ThenChittu - 01-15 November 2024 Fortnightly Magazine - Magazine for Classes 6 to 9 - Published by Tamil Nadu Textbook and Educational Works Corporation for School Education Department)...

>>> தேன்சிட்டு - 01-15 நவம்பர் 2024 இதழ் (Then Chittu - 01-15 November 2024 Magazine)...

Special buses run to Sabarimala for 60 days - TNSTC

60 நாட்களுக்கு சபரிமலைக்கு சிறப்பு பேருந்துகள் இயக்கம்

முன்பதிவு மற்றும் விபரங்களை tnstc.in மற்றும் TNSTC செயலி மூலம் அறியலாம்.

சபரிமலையில் மண்டல பூஜை மற்றும் மகர விளக்கு விழாவை ஒட்டி தமிழ்நாட்டின் பல நகரங்களில் இருந்து 60 நாட்களுக்கு சிறப்புப் பேருந்துகள் இயக்கம்.

SETC சார்பில் வரும் நவம்பர் 15ஆம் தேதி முதல் அடுத்தாண்டு ஜனவரி 16ஆம் தேதி வரை சென்னை, திருச்சி, மதுரை, கடலூர் ஆகிய இடங்களில் இருந்து படுக்கை வசதி, மிதவை பேருந்துகள் இயக்கப்படும் என தெரிவிப்பு. 

குழுவாக செல்லும் பக்தர்களுக்கு வாடகை அடிப்படையிலும் பேருந்து வசதி உண்டு.