தி.மு.க.வின் அரசியல் பயணம் தொய்வில்லாமல் தொடரும் - தி.மு.க. தலைவர் திரு.மு.க.ஸ்டாலின் அவர்கள்

 தி.மு.க.வின் அரசியல் பயணம் தொய்வில்லாமல் தொடரும் - தி.மு.க. தலைவர் திரு.மு.க.ஸ்டாலின் அவர்கள்

மக்கள் தீர்ப்பைத் தலைவணங்கி ஏற்கிறோம். வெற்றி பெற்றவர்களுக்கு வாழ்த்துகள்!

கடந்த ஐந்தாண்டு காலத்தில் ஏராளமான திட்டங்களை உருவாக்கி, தமிழ்நாட்டு மக்களுக்கு நல்லாட்சியை வழங்கினோம். தமிழ்நாட்டை அனைத்து வகையிலும் உயர்த்தினோம். தேர்தல் களத்தில் எங்களது சாதனைகளைச் சொல்லியே வாக்குகளைக் கேட்டோம்.

மக்களுக்குச் செய்து கொடுத்த நலத்திட்டங்கள் தொடருவதற்கு வாக்கு கேட்டு நாங்கள் பரப்புரை செய்தோம்.

திராவிட முன்னேற்றக் கழகத்தின் தலைமையிலான மதச்சார்பற்ற முற்போக்குக் கூட்டணியை ஆதரித்து வாக்களித்த தமிழ்நாட்டு மக்கள் அனைவருக்கும் நான் எனது மனமார்ந்த நன்றியைத் தெரிவித்துக் கொள்கிறேன்.

வாக்களித்தவர்களுக்கு மட்டுமல்ல, வாக்களிக்க மறந்தவர்களுக்கும் சேர்த்தே ஆட்சி நடத்தினேன்.

அனைத்து மக்களுக்கும் உண்மையாக இருந்தேன். நான் எனது மனச்சாட்சிப்படியே செயல்பட்டேன்.

நான் எனது சக்தியை மீறி உழைத்தேன். என்னைப் போன்றே களத்தில் உழைத்த என் உயிரோடு கலந்திருக்கும் தலைவர் கலைஞரின் அன்பு உடன்பிறப்புகள் அனைவருக்கும் எனது நெஞ்சார்ந்த நன்றி!

எங்களோடு தோளோடு தோள் நின்ற தோழமை இயக்கத் தலைவர்கள், நிர்வாகிகள், தொண்டர்கள்

அனைவருக்கும் நன்றி !

எனது அரசியல் பொதுவாழ்வில் அதிகப்படியான வெற்றியையும் பார்த்துள்ளேன்; தோல்விகளையும் சந்தித்துள்ளேன்.

எனவே இலட்சியமும் கொள்கையும்தான் முக்கியமே தவிர, வெற்றி தோல்விகள் மட்டுமல்ல என்று செயல்படக் கூடியவன் நான்.

அதனால் திராவிட முன்னேற்றக் கழகத்தின் அரசியல் பயணம் தொய்வில்லாமல் தொடரும்.

இதுவரை மக்களுக்காகச் சிறப்பான ஆளும்கட்சியாகச் செயல்பட்ட தி.மு.க. - இனி சிறப்பான எதிர்க்கட்சியாகச் செயல்படும்.

DMK Election Manifesto 2026

 

சட்டப்பேரவைத் தேர்தல் 2026 : தி.மு.க. தேர்தல் அறிக்கை

DMK Election Manifesto : Tamilnadu Legislative Assembly Election 2026

தி.மு.க. வின் தேர்தல் வாக்குறுதிகள்

>>> தரவிறக்கம் செய்ய இங்கே சொடுக்கவும் 

📌 காலை உணவு திட்டம் 8ஆம் வகுப்பு வரை விரிவுப்படுத்தப்படும் 

📌 15 லட்சம் மாணவர்கள் பயன்பெறும் வகையில் காலை உணவு திட்டம் விரிவாக்கம்

📌 மகளிர் உரிமைத் தொகை ரூ.2,000-ஆக அதிகரிக்கப்படும்

📌 விவசாயிகளுக்கு  நவீன மின்சார பம்பு செட்டுகள் வழங்கப்படும்

📌 5 ஆண்டுகளில் 10 லட்சம் புதிய வீடுகள் கட்டித்தரப்படும்

📌 மருத்துவ காப்பீடு ஆண்டு வருமான வரம்பு ரூ.5 லட்சமாக உயர்வு

📌 மருத்துவ காப்பீடு தொகை ரூ.10 லட்சமாக   உயர்த்தப்படும்

📌 புதுமைப் பெண், தமிழ் புதல்வன் திட்ட உதவித்தொகை ரூ.1500-ஆக உயர்த்தப்படும்

📌 நெல் குவிண்டாலுக்கு ரூ.3500-ஆக உயர்த்தப்படும்

📌 பால் கொள்முதல் விலை லிட்டருக்கு ரூ.5-ஆக உயர்த்தப்படும்

தி.மு.க.வின் தேர்தல் வாக்குறுதிகள்

📌5 ஆண்டுகளில் 35 லட்சம் கல்லூரி மாணவர்களுக்கு மடிகணினிகள் வழங்கப்படும்

📌நான் முதல்வன் திட்டத்தில் ரூ.1500 மாத உதவித் தொகையுடன் பயிற்சி

📌அனைத்து மாவட்டங்களிலும் நியோ டைட்டல் பூங்கா 

 

📌ரூ.18 லட்சம் கோடி அந்நிய முதலீடு ஈர்க்கப்பட்டு 50 லட்சம் வேலைவாய்ப்பு 

📌தமிழ்நாட்டின் ஏற்றுமதி 120 பில்லியன் டாலராக உயர்த்த நடவடிக்கை

📌தகவல் தொழில்நுட்ப ஏற்றுமதி ரூ.5 லட்ச கோடியாக உயர்த்தப்படும்

📌5,000 கோவில்களுக்கு குடமுழுக்கு செய்யப்படும்

📌1,000 கிராம கோவில்கள் மறுசீரமைக்கப்படும்

📌சிறுபான்மையினருக்கான தொழில்கடன் உச்சவரம்பு ரூ.30 லட்சமாக உயர்த்தப்படும்

📌கிராம சாலைகள் ரூ.10,000 கோடியில் சீர் செய்யப்படும்

📌மாநகராட்சி, நகராட்சிகளில் 50 புதிய செம்மொழி பூங்காக்கள்

📌திருச்சி, மதுரை, சேலம், கோவை அருகே நவீன வசதிகளுடன் கூடிய நகரங்கள் உருவாக்கப்படும்

📌5 ஆண்டுகளில் 10,000 புதிய பேருந்துகள் இயக்கப்படும்

📌தொழிற்சாலைகளுக்கு செல்லும் மகளிருக்கு உதவ 1000 குழந்தைகள் காப்பகங்கள் 

📌BC, MBC பிரிவினர் தொழில் கடன் பெறும் உச்சவரம்பு ரூ.30 லட்சமாக உயர்த்தப்படும்

📌மதுரை, சேலம் உள்ளிட்ட மாவட்ட அரசு மருத்துவமனைகளில் புற்றுநோய்க்கு நவீன சிகிச்சை வசதிகள்

📌தமிழ்நாட்டில் 10 கைத்தறி பூங்காக்கள் அமைக்கப்படும்

📌ஊரகப்பகுதிகளில் 10,000 புத்தொழில்கள் தொடங்கப்படும்

📌மீன்பிடித் துறைமுகங்கள், மீன் இறங்குதளங்கள் புதிதாக அமைக்கப்படும்

📌அனைத்து அரசு கலைக்கல்லூரிகளில் டிஜிட்டல் கற்றல் மையங்கள்

தி.மு.க.வின் தேர்தல் வாக்குறுதிகள்

📌முதியோர் உதவித்தொகை ரூ.2000-ஆக அதிகரிக்கப்படும்

📌மாற்றுத்திறனாளிகளுக்கான உதவித்தொகை ரூ.2500-ஆக உயர்த்தப்படும்

📌மீன்பிடித் தடைக்கால உதவித்தொகை ரூ.12,000-ஆக உயர்த்தப்படும்

📌சென்னையில் செம்மொழி மாநாடு நடத்தப்படும்

📌மத்திய - மாநில உரிமைகளை நிலைநாட்ட நடவடிக்கை - முதலமைச்சர்

📌சுய உதவிக்குழுவில் உள்ள பெண்களுக்கு பிணையில்லாமல் ரூ.5 லட்சம் வரை வங்கிக்கடன்

📌பேரிடர் கால இழப்பீடுகள் ஹெக்டேருக்கு ரூ.25,000 வரை உயர்த்தப்படும்

📌அரசு மருத்துவமனைகளில் டயாலிசிஸ் கருவிகள் இருமடங்காக்கப்படும்

📌8ஆவது ஊதியக் குழு அறிக்கையை செயல்படுத்த குழு அமைக்கப்படும்

📌1.5 லட்சம் காலிப்பணியிடங்கள் கால தாமதம் இன்றி நிரப்பப்படும்

சட்டமன்றத் தேர்தல் 2026 - 164 தொகுதிகளில் போட்டியிடும் தி.மு.க. வேட்பாளர்கள் பட்டியல்

 DMK candidates contesting in 164 constituencies in 2026 Assembly Elections

சட்டமன்றத் தேர்தல் 2026 - 164 தொகுதிகளில் போட்டியிடும் தி.மு.க. வேட்பாளர்கள் பட்டியல்

தேர்தலில் திமுக 164 தொகுதிகளில் போட்டியிடுகிறது. திமுக கூட்டணி கட்சிகள் 70 தொகுதிகளில் போட்டியிடுகின்றன. திமுக கூட்டணியில் போட்டியிடும் 70 தொகுதிகள் பட்டியல் வெளியான நிலையில் தற்போது திமுக போட்டியிடும் 164 தொகுதிகள் மற்றும் வேட்பாளர்கள் பட்டியலை முதலமைச்சர் மு.க.ஸ்டாலின் அவர்கள் வெளியிட்டார்.

தி.மு.க. போட்டியிடும் தொகுதிகள், வேட்பாளர்கள் முழு விவரம்:-

வ.எண்  தொகுதி வேட்பாளர்

1 கன்னியாகுமரி ரெ.மகேஷ் பி.ஏ.,பி.எல்.

2 நாகர்கோவில் எஸ்.ஆஸ்டின் எம்.ஏ.

3 இராதாபுரம் மு.அப்பாவு

4 பாளையங்கோட்டை மு.அப்துல் வஹாப் பி.காம்.

5 திருநெல்வேலி சு.சுப்பிரமணியன் பி.இ.எம்.பி.ஏ.

6 ஆலங்குளம் முனைவர். பால் மனோஜ் பாண்டியன் எம்.ஏ. எம்.எல்.,பி.எச்டி

7 தென்காசி டாக்டர் கலை கதிரவன் எம்.பி.பி.எஸ்.

8 வாசுதேவநல்லூர் ஈ.ராஜா பி.காம்., எம்.எல்.

9 கோவில்பட்டி கா.கருணாநிதி

10 ஓட்டபிடாரம் பி.எம்.ராமஜெயம் பி.எஸ்.சி.

11 திருச்செந்தூர் அனிதா ராதாகிருஷ்ணன்

12 தூத்துக்குடி திருமதி கீதா ஜீவன் எம்.காம்., பி.எட்.

13 விளாத்திகுளம் ஜி.வி.மார்கண்டேயன் பி.ஏ.பி.எல்.

14 முதுகுளத்தூர் ஆர்.எஸ்.ராஜகண்ணப்பன் பி.எஸ்.சி. பி.எல்.

15 இராமநாதபுரம் காதர்பாட்சா (எ) முத்துராமலிங்கம்

16 பரமக்குடி கே.கே.கதிரவன் பி.ஏ.பி.எல்.

17 திருச்சுழி தங்கம் தென்னரசு பி.இ.

18 அருப்புக்கோடை கே.கே.எஸ்.எஸ்.ஆர்.ராமச்சந்திரன்

19 சாத்தூர் அ.கடற்கரை ராஜ்

20 ராஜபாளையம் சௌ.தங்கப்பாண்டியன்

21 கம்பம் நா.ராமகிருஷ்ணன் எம்.ஏ.

22 போடிநாயக்கனூர் ஓ.பன்னீர்செல்வம் பி.ஏ.

23 ஆண்டிப்பட்டி ஆ.மகராஜன்

24 திருமங்கலம் சேடப்பட்டி மு.மணிமாறன்

25 திருப்பரங்குன்றம் கிருத்திகா தங்கபாண்டி பி.இ.

26 மதுரை மேற்கு ரகு பாலாஜி பி.ஏ.பி.எல்.

27 மத்திய மதுரை முனைவர் பி.டி.ஆர்.பழனிவேல் தியாகராஜன் பி.டெக்., எம்.எஸ்., பி.எச்டி.

28 மதுரை வடக்கு கோ.தளபதி

29 சோழவந்தான் ஆ.வெங்கடேசன் பி.ஏ.

30 மதுரை கிழக்கு பி.மூர்த்தி பி.ஏ.

31 மானாமதுரை ஆ.தமிழரசி ரவிக்குமார் பி.காம்.

32 திருப்பத்தூர் கே.ஆர்.பெரியகருப்பன் பி.காம்.,பி.எல்

33 ஆலங்குடி சிவ வீ மெய்யநாதன் எம்.சி.ஏ.

34 திருமயம் எஸ்.ரகுபதி பி.எஸ்.சி., பி.எல்.

35 புதுக்கோட்டை டாக்டர் வை.முத்துராஜா எம்.பி.பி.எஸ்.

36 விராலிமலை கே.கே.செல்லபாண்டியன் எம்.காம்.,பி.எல்.

37 பேராவூரணி நா.அசோக்குமார்

38 பட்டுக்கோட்டை கா. அண்ணாதுரை பி.எஸ்.சி.,பி.எல்.

39 ஒரத்தநாடு ஆர்.வைத்திலிங்கம் பி.ஏ.

40 தஞ்சாவூர் சண்.ராமநாதன் எம்.பி.ஏ.

41 திருவையாறு துரை.சந்திரசேகரன் பி.ஏ.எல்.எல்.பி.

42 கும்பகோணம் சாக்கோட்டை கா.அன்பழகன்

43 திருவிடைமருதூர் முனைவர்.கோவி.செழியன் எம்.ஏ.பி.எல். பி.எச்டி.

44 திருவாரூர் பூண்டி கே.கலைவாணன்

45 மன்னார்குடி முனைவர். டி.ஆர்.பி.ராஜா பி.எச்டி.

46 வேதாரண்யம் மா.மீ.புகழேந்தி

47 பூம்புகார் நிவேதா முருகன்

48 புவனகிரி துரை கி.சரவணன் எம்.ஈ.

49 குறிஞ்சிப்பாடி எம்.ஆர்.கே.பன்னீர்செல்வம் பி.எஸ்.சி. பி.எல்.

50 நெய்வேலி சபா.ராஜேந்திரன் பிஎஸ்சி.,பிஇ.

51 திட்டக்குடி சி.வி.கணேசன் எம்.ஏ.,பி.எட்., டி.காப்

52 ஜெயங்கொண்டம் க.சொ.க.கண்ணன் எம்.காம்.

53 அரியலூர் திருமதி.லதா பாலு எம்.ஏ.

54 குன்னம் சா.சி.சிவசங்கர் பி.இ.எம்.பி.ஏ.

55 பெரம்பலூர் டாக்டர். எஸ்.டி.ஜெயலட்சுமி எம்.பி.பி.எஸ்.,டி.ஜி.ஓ.

56 முசிறி என்.எஸ்.கருணைராஜா பி.டெக். எம்.பி.ஏ.

57 மண்ணச்சநல்லூர் சீ.கதிரவன் பி.இ.

58 லால்குடி த.பாரிவள்ளல் பி.ஏ.

59 திருவெறும்பூர் முனைவர் அன்பில் மகேஸ் பொய்யாமொழி எம்.சி.ஏ., பி.எச்.டி.

60 திருச்சி கிழக்கு முனைவர் இனிகோ இருதயராஜ் எம்.எஸ்.டபிள்யூ. பி.எச்டி

61 திருச்சி மேற்கு கே.என்.நேரு

62 ஸ்ரீரங்கம் எஸ்.துரைராஜ் எம்.காம். எம்.பில்.

63 குளித்தலை சூரியனூர் அ.சந்திரன் எம்.ஏ.

64 கிருஷ்ணராயபுரம் சி.கே.ராஜா

65 கரூர் ஆசி.எம்.தியாகராஜன்

66 அரவக்குறிச்சி மொஞ்சனூர் ஆர்.இளங்கோ பி.இ.

67 வேடசந்தூர் டி.சாமிநாதன் பி.காம்.

68 திண்டுக்கல் ஐ.பி.செந்தில்குமார் எம்.ஏ.,பி.எல்.

69 நிலக்கோட்டை நாகஜோதி பி.காம்.

70 ஆத்தூர் இ.பெரியசாமி பி.ஏ.,பி.ஜி.எல்.

71 ஒட்டன்சத்திரம் அர.சக்கரபாணி

72 மடத்துக்குளம் இரா. ஜெயராமகிருஷ்ணன் பி.எஸ்.சி., பி.எல்.

73 உடுமலைப்பேட்டை மு.ஜெயகுமார் பி.எஸ்.சி., எம்.ஏ.

74 வால்பாறை ஆ.சுதாகர் பி.காம்.

75 கிணத்துக்கடவு கே.வி.கே.எஸ்.சபரி கார்த்திகேயன் பி.ஏ.

76 கோயமுத்தூர் தெற்கு வி.செந்தில்பாலாஜி பி.காம்.

77 தொண்டாமுத்தூர் என்.ஆர்.கார்த்தியேன் பி.ஏ.

78 கோயமுத்தூர் வடக்கு செந்தமிழ்செல்வன் பி.டெக்.

79 சூலூர் தளபதி முருகேசன் எம்.ஏ.

80 பல்லடம் க.செல்வராஜ்

81 திருப்பூர் தெற்கு ந.தினேஷ்குமார் எம்.ஐ.பி.

82 அவினாசி டாக்டர். கோகিলা மணி எம்.பி.பி.எஸ்.

83 மேட்டுப்பாளையம் கவிதா கல்யாணசுந்தரம் எம்.காம்.

84 குன்னூர் கே.எம்.ராஜூ பி.காம்.

85 கூடலூர் மு.திராவிடமணி எம்.ஏ.,பி.எல்.

86 கோபிச்செட்டிபாளையம் என்.நல்லசிவம் டி.எம்.இ.

87 அந்தியூர் எம்.சிவபாலன் பி.காம்.

88 பவானி கே.ஏ.சேகர் (எ) கே.ஏ.சந்திரசேகர் எம்.ஏ.

89 பெருந்துறை தோப்பு என்.டி.வெங்கடாசலம் பி.ஏ.

90 காங்கேயம் மு.பெ.சாமிநாதன் பி.ஏ.

91 தாராபுரம் டாக்டர். இந்திராணி எம்.பி.பி.எஸ்.,டி.சி.எச்

92 ஈரோடு மேற்கு சு.முத்துசாமி எம்.ஏ.

93 குமாரபாளையம் எஸ்.பாலு

94 பரமத்திவேலூர் கே.எஸ்.மூர்த்தி பி.எஸ்சி.

95 நாமக்கல் ப.இراணி எம்.ஏ.எல்.எல்.பி.

96 சேந்தமங்கலம் பி.பூமலர்

97 இராசிபுரம் டாக்டர் மா.மதிவேந்தன் எம்பிபிஎஸ்.எம்.டி.

98 வீரபாண்டி டாக்டர் ஆ.கா.தருண் எம்.பி.பி.எஸ்., எம்.எஸ்., எம்.பி.ஏ.

99 சேலம் தெற்கு எம்.லோகநாதன் பி.எஸ்.சி.

100 சேலம் வடக்கு இரா.இராஜேந்திரன் பி.ஏ.பி.எல்.

101 சங்ககிரி மு.மணிகண்டன்

102 எடப்பாடி காசி

103 மேட்டூர் மிதுன் சக்ரவர்த்தி பி.இ.

104 ஏற்காடு டி.எம்.ரேவதி மாதேஸ்வரன்

105 கெங்கவல்லி கு.சின்னதுரை பி.இ.

106 சங்கராபுரம் தா.உதயசூரியன் பி.எஸ்சி.

107 ரிஷிவந்தியம் வசந்தம் கார்த்திகேயன் பி.எஸ்சி.

108 உளுந்தூர்பேட்டை ஜி.ஆர்.வசந்தவேல் பி.இ.

109 திருக்கோயிலூர் டாக்டர் பொன்.கௌதமசிகாமணி எம்பிபிஎஸ்., எம்.எஸ்.

110 விக்கிரவாண்டி அன்னியூர் சிவா (எ) அ.சிவசண்முகம் பிஏ.

111 விழுப்புரம் டாக்டர் இரா.லட்சுமணன் எம்.பி.பி.எஸ்., டி.ஆர்த்தோ

112 வானூர் கௌதம் திராவிடமணி பி.இ.

113 செஞ்சி கே.எஸ்.மஸ்தான்

114 வந்தவாசி எஸ்.அம்பேத்குமார்

115 செய்யாறு ஓ.ஜோதி பி.ஏ.

116 ஆரணி மகாலட்சுமி கோவர்த்தனன் டிப்ளமோ

117 கலசப்பாக்கம் பெ.சு.தி.சரவணன் எம்.ஏ.

118 கீழ்பென்னாத்தூர் கு.பிச்சாண்டி எம்.ஏ.

119 திருவண்ணாமலை எ.வ.வேலு எம்.ஏ.

120 செங்கம் மு.பெ.கிரி

121 அரூர் அ. சண்முகம் பி.எஸ்.சி.

122 பாப்பிரெட்டிப்பட்டி முனைவர். பெ.பழனியப்பன் எம்.எஸ்.சி.,பி.எச்டி.

123 பாலக்கோடு டாக்டர் டி.என். வி.செந்தில்குமார் எம்.பி.பி.எஸ்.,எம்.டி.ஆர்.டி.

124 பென்னாகரம் எஸ்.ஏ. சத்யா

125 வேப்பனஹள்ளி பி.எஸ்.சீனிவாசன்

126 பர்கூர் தே.மதியழகன் பி.எஸ்சி., டி.எஃப்.டெக்.

127 திருப்பத்தூர் அ.நல்லதம்பி

128 ஜோலார்பேட்டை கவிதா தண்டபாணி பி.ஏ.

129 ஆம்பூர் அ.செ.வில்வநாதன்

130 கீழ்வைத்தினாங்குப்பம் டாக்டர். ராஜேஸ்வரி மோகன்காந்தி எம்.பி.பி.எஸ்.

131 அணைக்கட்டு ஏ.பி.நந்தகுமார் எம்.ஏ.

132 வேலூர் ப.கார்த்திகேயன்

133 ஆற்காடு ஜெ.எல்.ஈஸ்வரப்பன் பி.இ.

134 இராணிப்பேட்டை வினோத் காந்தி பி.எஸ்.சி.

135 காட்பாடி துரைமுருகன் எம்.ஏ.,பி.எல்.

136 காஞ்சிபுரம் திருமதி. நித்யா சுகுமார்

137 உத்திரமேரூர் க.சுந்தர் பி.எஸ்.சி.

138 மதுராந்தகம் எஸ்.அமுலு பொன்மலர்

139 செங்கல்பட்டு எம்.கே.டி.கார்த்திக் தண்டபாணி பி.ஏ.பி.எல்.

140 தாம்பரம் டாக்டர் ஆர்.எஸ்.கிருத்திகாதேவி எம்.பி.பி.எஸ்.டி.ஜி.ஓ.

141 ஆலந்தூர் தா.மோ.அன்பரசன்

142 சோழிங்கநல்லூர் ச.அரவிந்த் ரமேஷ்

143 மயிலாப்பூர் தா.வேலு பி.ஏ. எல்.எல்.பி.

144 தியாகராயநகர் ராஜா அன்பழகன் பி.காம்.

145 சைதாப்பேட்டை மா.சுப்பிரமணியன் பி.ஏ.எல்.எல்.பி.

146 விருகம்பாக்கம் பிரபாகர்ராஜா எம்.டெக்., எம்.பி.ஏ.

147 அண்ணாநகர் நே.சிற்றரசு எம்.ஏ.எம்.பில்.

148 ஆயிரம் விளக்கு டாக்டர் எழிலன் நாகநாதன் எம்.பி.பி.எஸ். எம்.டி.

149 சேப்பாக்கம்-திருவல்லிக்கேணி உதயநிதி ஸ்டாலின் பி.காம்.

150 துறைமுகம் பி.கே. சேகர்பாபு

151 இராயபுரம் டாக்டர். சுபேர்கான் எம்.பி.பி.எஸ்., டி.ஆர்த்தோ

152 எழும்பூர் தமிழன் பிரசன்னா பி.எல்.

153 திரு.வி.க.நகர் கே.எஸ்.ரவிச்சந்திரன் பி.எஸ்.சி.,பி.எல்.

154 வில்லிவாக்கம் கார்த்திக் மோகன் பி.இ., எம்.எஸ்.

155 பெரம்பூர் ஆர்.டி.சேகர் பி.காம்., பி.எல்.

156 டாக்டர் ராதாகிருஷ்ணன் நகர் ஜே.ஜே.எபினேசர் எம்.காம், .பி.எல்.

157 மாதவரம் எஸ்.சுதர்சனம் எம்.ஏ.பி.எல்.

158 அம்பத்தூர் டாக்டர் அ.பு.பூர்ணிமா எம்.பி.பி.எஸ். எம்.டி.

159 மதுரவாயல் காரம்பாக்கம் கணபதி

160 ஆவடி சா.மு.நாசர்

161 பூந்தமல்லி ஆ.கிருஷ்ணசாமி பி.ஏ.பி.எல்.

162 திருவள்ளூர் வி.ஜி.ராஜேந்திரன் பி.இ.

163 கும்மிடிப்பூண்டி டி.ஜெ. கோவிந்தராஜன்

164 கொளத்தூர் முத்துவேல் கருணாநிதி ஸ்டாலின்

>>> PDF கோப்பாக தரவிறக்கம் செய்ய இங்கே சொடுக்கவும் 

D.M.K. தேர்தல் அறிக்கை தயாரிப்பு குழு ஆலோசனை

தி.மு.க. தேர்தல் அறிக்கை தயாரிப்பு குழு ஆலோசனை

2026 சட்டசபை தேர்தலுக்கான திமுகவின் தேர்தல் அறிக்கை தயாரிப்பு குழுவின் முதல் கூட்டம் கனிமொழி எம்.பி. தலைமையில் நேற்று (22-12-2025) கூடியது. 

சென்னை அண்ணா அறிவாலயத்தில் காலை 10.30-க்கு தொடங்கிய இந்த கூட்டத்தில் டி.கே.எஸ்.இளங்கோவன், வர்த்தகரணி துணைத்தலைவர் அமைச்சர் கோவி.செழியன், சொத்து பாதுகாப்புக்குழு செயலாளர் அமைச்சர் பி.டி.ஆர்.பழனிவேல் தியாகராஜன், 

தகவல் தொழில்நுட்ப அணி செயலாளர் அமைச்சர் டி.ஆர்.பி.ராஜா, அயலக அணி செயலாளர் எம்.எம்.அப்துல்லா, செய்தி தொடர்பு செயலாளர் கான்ஸ்டன்டைன் ரவீந்திரன், மருத்துவ அணி செயலாளர் எழிலன் எம்.எல்.ஏ., சுற்றுச்சூழல் அணி செயலாளர் கார்த்திகேய சிவசேனாபதி, மகளிர் தொண்டரணி துணை செயலாளர் தமிழரசி ரவிக்குமார், 

ஓய்வுபெற்ற ஐ.ஏ.எஸ். அதிகாரி ஜி.சந்தானம், ‘கனவு தமிழ்நாடு' அமைப்பின் ஒருங்கிணைப்பாளர் சுரேஷ் சம்பந்தம் ஆகியோர் பங்கேற்க உள்ளனர்.

Bare Anatomy Ultra Smoothing Hair Mask For Dry & Frizzy Hair | Restores Smoothness & Texture by 27% | Powered By Carbohydrate Complex & Niacinamide | For Women & Men | SLS & Paraben Free | 250gm

https://amzn.to/3Ld1ese

Resolutions of DMK MPs meeting

இன்று 29-11-2025 நடைபெற்ற தி.மு.க எம்.பி.க்கள் கூட்டத்தில் நிறைவேற்றப்பட்ட தீர்மானங்கள்

Resolutions of DMK MPs meeting 

ஆசிரியர் தகுதித் தேர்வு விலக்கு உட்பட இன்று நடைபெற்ற இன்று நடைபெற்ற தி.மு.க நாடாளுமன்ற உறுப்பினர்கள் கூட்டத்தில் நிறைவேற்றப்பட்ட தீர்மானங்கள்

>>> தற்போதைய அதிநவீன (Flagship) , நடுத்தர (Mid-range) மற்றும் பட்ஜெட் (Budget) பிரிவில் சிறந்த Mobile Phones குறித்த தகவல்... 

SIRஐ ஏன் எதிர்க்கிறோம்? - தி.மு.க. தலைவர் திரு.மு.க.ஸ்டாலின் அவர்கள் பேட்டி

 S.I.R-ஐ ஏன் எதிர்க்கிறோம்? - தி.மு.க. தலைவர் திரு.மு.க.ஸ்டாலின் அவர்கள் பேட்டி 

SIR குறித்து எதிர்க்கட்சிகள் செய்யும் பரப்புரைக்குப் பதில்

S.I.R குறித்த பொதுமக்களின் சந்தேகங்களுக்கு உதவி எண்: 08065420020

>>> காணொளியை காண இங்கே சொடுக்கவும் 

#தமிழ்நாடு_தலைகுனியாது #தமிழ்நாடு_போராடும் #தமிழ்நாடு_வெல்லும்

Microtek Pulse Oximeter with Oxygen Saturation Monitor, Heart Rate and SpO2 Levels Oxygen Meter with OLED Display

இதயத் துடிப்பின் அளவையும், இரத்தத்தில் ஆக்சிஜன் அளவையும் அறிந்து கொள்ள உதவும் கருவி

Limited Time Offer

Actual Price: 1129

Offer Price : 669

Benefit : Rs. 460

Amazon வலைதள முகவரி இணைப்பு:

https://amzn.to/3LvU02v

DMK came to power because of us - Government employees speaking with evidence

 திமுக ஆட்சிக்கு வந்ததே எங்களால்தான் - ஆதாரங்களுடன் பேசும் அரசு ஊழியர்கள்

DMK came to power because of us - Government employees speaking with evidence

தி.மு.க., ஆட்சிக்கு வந்ததே எங்களால் தான்; ஆதாரங்களுடன் பேசும் அரசு ஊழியர்கள்

'தி.மு.க., கடந்த சட்டசபை தேர்தலில், 43 தொகுதிகளில் குறைந்த ஓட்டு வித்தியாசத்தில் வெற்றி பெற்றதற்கு, நாங்களும் எங்கள் குடும்பத்தினரும் காரணம் என்பதை அரசு உணர்ந்து, கோரிக்கைகளை நிறைவேற்ற வேண்டும். இல்லையெனில், வரும் தேர்தலில் அதன் பலனை அனுபவிக்க நேரிடும்' என, அரசு ஊழியர்கள் மற்றும் ஆசிரியர்கள், அரசுக்கு எச்சரிக்கை விடுத்துள்ளனர்.

பங்களிப்பு ஓய்வூதிய திட்டத்தை கைவிட்டு, பழைய ஓய்வூதிய திட்டத்தை அமல்படுத்த வேண்டும்; காலவரையின்றி முடக்கி வைக்கப்பட்டுள்ள சரண் விடுப்பு ஒப்படைப்பு, உயர் கல்விக்கான ஊக்கத்தொகை, ஊதிய உயர்வு ஆகியவற்றை, உடனடியாக வழங்க வேண்டும்; ஆசிரியர்களுக்கு மத்திய அரசுக்கு இணையான ஊதியம் வழங்க வேண்டும் என்பது உட்பட பல்வேறு கோரிக்கைகளை வலியுறுத்தி, தொடர் போராட்டம் நடத்தப் போவதாக, ஜாக்டோ - ஜியோ கூட்டமைப்பு மற்றும் பல்வேறு அரசு ஊழியர் சங்கங்கள் அறிவித்தன.

கடந்த 10ம் தேதி, ஜாக்டோ - ஜியோ, மாவட்ட அளவில் வேலைநிறுத்தப் போராட்ட ஆயத்த மாநாடு நடத்தியது. கடந்த 15ம் தேதி ஒரு நாள் அடையாள வேலை நிறுத்தத்தை அறிவித்தது. அதற்கு முந்தைய நாள், ஜாக்டோ - ஜியோ ஒருங்கிணைப்பாளர்களை அழைத்து, முதல்வர் ஸ்டாலின் பேசினார்.

அதைத்தொடர்ந்து, தமிழக பட்ஜெட் கூட்டத்தொடர் முடிவதற்குள் கோரிக்கைகள் நிறைவேற்றப்படும் என்ற நம்பிக்கையில், வேலை நிறுத்தத்தை தற்காலிகமாக ஒத்தி வைப்பதாக அறிவித்தனர்.

இது, அரசு ஊழியர்கள் மற்றும் ஆசிரியர்களிடம் கடும் கொந்தளிப்பை ஏற்படுத்தி உள்ளது. அதை சமூக வலைதளங்களில் வெளிப்படுத்தி வருகின்றனர். போர்க்களத்தில் நிற்கும்போது, புறமுதுகிட்டு ஓடுவது வெறுப்பாக உள்ளதாக கூறும் அவர்கள், அரசுக்கு எச்சரிக்கை விடுக்கும் விதமாக, தேர்தல் சார்ந்த புள்ளி விபரங்களையும் வெளியிட்டு வருகின்றனர்.

அதன் விபரம்:

கடந்த சட்டசபை தேர்தலில், தி.மு.க., 6,000க்கும் குறைவான ஓட்டுகள் வித்தியாசத்தில் வெற்றி பெற்ற தொகுதிகள், 29. இவற்றில் தி.மு.க., கூட்டணிக்கும் இரண்டாவதாக வந்த அ.தி.மு.க., கூட்டணிக்கும் இடையிலான மொத்த ஓட்டுகள் வித்தியாசம் 86,490.

இது தவிர, 10,000 ஓட்டுகளுக்கும் குறைவான வித்தியாசத்தில், 14 தொகுதிகளில் தி.மு.க., வெற்றி பெற்றது. இவற்றில் மொத்த ஓட்டுகள் வித்தியாசம், 1 லட்சத்து 11,879.

அதாவது, தி.மு.க.,வை விட குறைவாக, 2 லட்சம் ஓட்டுகள் பெற்ற காரணத்தாலேயே, 43 தொகுதிகளை, அ.தி.மு.க., இழந்துள்ளது. அ.தி.மு.க., கூட்டணி 75 இடங்களில் வெற்றி பெற்றது. அதோடு சேர்த்து, இந்த 43ஐயும் கைப்பற்றி இருந்தால், ஆட்சியை பிடித்திருக்கும்.

இந்த தொகுதிகளில், ஆசிரியர்கள், அரசு ஊழியர்களின் தபால் ஓட்டுகள் மற்றும் அவர்கள் குடும்பத்தினரின் ஓட்டுகளே, தி.மு.க., வெற்றிக்கு கைக்கொடுத்தன. இது புரிய வேண்டியவர்களுக்கு புரிந்தால் சரி.

அரசு ஊழியர்கள், ஆசிரியர்கள் கோபத்தை தணிக்காவிட்டால், அது இந்த தேர்தலில் நிச்சயம் எதிரொலிக்கும்.

இவ்வாறு அவர்கள், தங்கள் குமுறலை கொட்டியுள்ளனர்.

கடந்த 2021 சட்டசபை தேர்தலில், 6,000க்கும் குறைவான ஓட்டுகள் வித்தியாசத்தில், தி.மு.க., கூட்டணி வென்ற தொகுதிகள்:

தொகுதி - வித்தியாசம்

தியாகராய நகர் - 137

தென்காசி - 370

காட்பாடி - 746

விருத்தாசலம் - 862

நெய்வேலி - 977

ஜோலார்பேட்டை - 1,091

அந்தியூர் - 1,275

திருமயம் - 1,382

தாராபுரம் - 1,393

உத்திரமேரூர் - 1,622

திருப்போரூர் - 1,947

ராசிபுரம் - 1,952

வாசுதேவநல்லுார் - 2,367

மயிலாடுதுறை - 2,742

திருச்செங்கோடு - 2,862

அரியலுார் - 3,234

பூம்புகார் - 3,299

ராஜபாளையம் - 3,898

செய்யூர் - 4,042

குன்னுார் - 4,105

வேளச்சேரி - 4,352

பண்ருட்டி - 4,697

திருப்பூர் தெற்கு - 4,709

கடலுார் - 5,151

உளுந்துார்பேட்டை - 5,256

சங்கரன்கோவில் - 5,297

ஊட்டி - 5,348

ஜெயங்கொண்டம் - 5,452

ராதாபுரம் - 5,925

10,000த்துக்கும் குறைவான ஓட்டுகள் வித்தியாசத்தில் வெற்றி பெற்ற 14 தொகுதிகள்:

தொகுதி பெயர் - ஓட்டுகள் வித்தியாசம்

குன்னம் - 6,329

அணைக்கட்டு - 6,390

மதுரை தெற்கு - 6,515

குடியாத்தம் - 6,901

நாகப்பட்டினம் - 7,238

காங்கேயம் - 7,331

சேலம் வடக்கு - 7,588

ஒட்டப்பிடாரம் - 8,510

ஆண்டிபட்டி - 8,538

ஈரோடு கிழக்கு - 8,904

வேலுார் - 9,181

கலசப்பாக்கம் - 9,222

விக்கிரவாண்டி - 9,573

பொன்னேரி - 9,689***

Has DMK dared to lose its strong vote bank?

பலமான வாக்கு வங்கியை இழக்க துணிந்துவிட்டதா தி.மு.க.?

பொறுப்பாளர் ஒருவரது வாட்ஸ்அப் பதிவு கீழே... பெரும்பாலான அரசு ஊழியர்கள் ஆசிரியர்கள் எண்ணத்தை பிரதிபலிக்கும் வகையில் அமைந்துள்ளது

கடந்த இரு வாரங்களாக சிபிஎஸ் ஒழிப்பு பிரச்சாரத்துக்காக உறுப்பினர் சந்திப்புக்காக பல்வேறு அரசு ஊழியர்கள் ஆசிரியர்கள் மற்றும் பொதுமக்களை சந்திக்க நேர்ந்தது. 

 திமுக, அதிமுக, விசிக, பாமக, பாஜக, நாதக ஆகிய பல கட்சி அபிமானிகள் ஆசிரியர்கள் அரசு ஊழியர்களின் இருக்கிறார்கள். அவர்களுடன் உரையாடிய போது கிடைத்த தகவல்கள்.

# கலைஞர் தனது ஆட்சி காலத்தில் நிறைய அரசு பணிகளை உருவாக்கினார் நிறைய பேருக்கு வேலை வாய்ப்பு கிடைத்தது.

# ஆசிரியர்கள் அரசு ஊழியர்களுக்கு ஒரு சில கோரிக்கைகளை நிறைவேற்றாமல் இருந்தாலும் நிறைய உரிமைகளை ஆசிரியர்களுக்கு, அரசு ஊழியர்களுக்கு கலைஞர் ஆட்சி காலத்தில் தந்திருக்கிறார்.

# கலைஞர் தலைமையிலான திமுக அவ்வப்பொழுது தோற்ற போதும், மீண்டும் ஆட்சியை பிடிக்க ஆசிரியர்கள் அரசு ஊழியர்களின் வாக்கு வங்கி கணிசமாக அவருக்கு உதவி இருக்கிறது. 

இதை கலைஞர் அவர்களும் பதிவு செய்திருக்கிறார். செல்வி ஜெயலலிதா அவர்கள் சட்டமன்றத்திலேயே பதிவு செய்து இருக்கிறார்.

 தற்போதைய தேர்தல் வரை உதவி இருக்கிறது என்பதை ஜாக்டோ ஜியோ வாழ்வாதார மாநாட்டில் இன்றைய முதல்வர் அவர்களே தெரிவித்துள்ளார்.

 # கலைஞர் செய்த செயல்களுக்காக அவருக்கென்று அரசு ஊழியர் ஆசிரியர் வாக்கு வங்கி இருந்தது. தற்போதைய முதல்வர் பொறுப்புக்கு வந்த பிறகு எவ்வித கோரிக்கையும் நிறைவேற்றப்படவில்லை. மாறாக இழப்புகளே அதிகமாக உள்ளன.

# பழைய ஓய்வூதியம் நடைமுறைப்படுத்தும் வாக்குறுதி குறித்து நிதியமைச்சர்கள் திரு. பி டி ஆர் பழனிவேல் தியாகராஜன் அவர்களும், திரு. தங்கம் தென்னரசு அவர்களும் தெரிவித்த கருத்துகள் சுமார் ஆறு லட்சம் ஊழியர்கள் மனதில் பெரிய காயத்தை ஏற்படுத்தியுள்ளது. 

# மத்திய அரசை காரணம் காட்டுவதையோ, குழு அமைப்பதையோ ஆசிரியர்கள் அரசு ஊழியர்கள் நம்பவில்லை.  தாங்கள் ஏமாற்றப்படுவதாகவே உணர்கின்றனர். அரசாணை பிறப்பித்தால் மட்டுமே நம்பப் போவதாக தெரிவிக்கின்றனர். 

# தந்தைக்கு வாக்களித்ததால் மகனுக்கும் வாக்களிக்க வேண்டிய கட்டாயம் இல்லை இல்லை. 

#  இந்த வாக்கு வங்கியை தக்க வைக்க வேண்டும் என்றால் அவருடைய ஆட்சிக் காலத்தில் ஏதாவது செய்தாக வேண்டும். 

பழைய கதைகளை சாதனைகளை சொல்லி வாக்கு கேட்க முடியாது.

# 2000 ரூபாய் மகளிர் உரிமைத்தொகை வழங்கப்பட்ட கர்நாடக மாநிலத்திலேயே நாடாளுமன்றத் தேர்தலில் வாக்குகள் கிடைக்கவில்லை. 

# மகளிர் உரிமைத் தொகை, இலவச பேருந்து பயணம் போன்ற திட்டங்களால் புதிய வாக்கு வங்கி வேண்டுமானால் உருவாகலாம். ஆனால் ஆசிரியர் அரசு ஊழியர் வாக்கு வங்கி சிதறி பல கட்சிகளுக்கு செல்லும்.

# ஒன்பதரை லட்சம் அரசு ஊழியர் ஆசிரியர்களில் ஆறரை லட்சம் பேர் சி.பி.எஸ் ஊழியர்கள். அவர்கள் நம்பிக்கை துரோகத்துக்கு உள்ளாக்கப்பட்டதாக உணர்கிறார்கள். 

மீதம் உள்ள மூன்று லட்சம் பழைய ஓய்வூதிய திட்டத்தில் உள்ள ஊழியர்களும் திருப்தியாக இல்லை சரண்டர், ஊக்க ஊதிய உயர்வு போன்றவை நிறுத்தப்பட்ட பாதிப்புகளால் மனம் வெறுத்து உள்ளனர்.

# பட்டயக்கல்வி முடித்து பணியில் சேர்ந்த செவிலியர்கள், பொறியியல் துறை பணியாளர்கள் அனைவருக்கும் முந்தைய தி.மு.க. ஆட்சிக் காலத்தில் 1.6.2009 முதல் ஆறாவது ஊதியக் குழுவில் ரூ.4200 தர ஊதியம் நிர்ணயம் செய்யப்பட்டுள்ள நிலையில், இடைநிலை ஆசிரியர்களுக்கு மட்டும் ரூ.2800 தர ஊதியம் நிர்ணயம் செய்யப்பட்டது. அந்த பாதிப்பு தற்போது வரை தொடர்ந்து வருகிறது.

# கண்டிப்பாக கொடுத்த வாக்குறுதிகள் அனைத்தையும் நிறைவேற்றி வாக்கு வங்கியை தக்க வைத்துக் கொள்வார் என ஆளுங்கட்சிக்கு ஆதரவான சங்க பொறுப்பாளர்கள் கூறுகின்றனர். ஆனால் அமைச்சர்களின் பேச்சு வேறு விதமாக உள்ளது.

அரசு ஊழியர்கள், ஆசிரியர்களின் புலம்பல்கள் அவர்கள் குடும்ப வாக்குகளையும் நிச்சயம் திசை திருப்பும்.

பழைய ஓய்வூதியம் குறித்த சாதகமான அரசாணைகள் வெளியானால் மட்டுமே ஆதரவு தொடரும் என்பது தான் ஆசிரியர்கள் அரசு ஊழியர்களின் தற்போதைய  மனநிலையாக உள்ளது.

Steps will be taken to implement the Unified Pension Scheme for Government Employees and Teachers - Tamil Nadu Finance Minister Mr. Thangam Thennarasu

 அரசு ஊழியர்கள், ஆசிரியர்களுக்கு ஒருங்கிணைந்த ஓய்வூதிய திட்டம் (Unified Pension Scheme) அமல்படுத்த நடவடிக்கை எடுக்கப்படும் - தமிழ்நாடு நிதி அமைச்சர் திரு.தங்கம் தென்னரசு அவர்கள் அறிவிப்பு

Steps will be taken to implement the Unified Pension Scheme for Government Employees and Teachers - Tamil Nadu Finance Minister Mr. Thangam Thennarasu

 ஆசிரியர்கள், அரசு ஊழியர்களுக்கு குறைந்தபட்ச ஓய்வூதியத்தை உறுதி செய்யும் வகையில் மத்திய அரசு கொண்டு வந்துள்ள ஒருங்கிணைந்த ஓய்வூதிய திட்டத்திற்கான வழிகாட்டுதல்கள் விதிமுறைகளை மத்திய அரசு வெளியிட்டவுடன், அதனை ஆராய ஒரு குழு அமைத்து விரைவில் தி.மு.க. தேர்தல் அறிக்கையில் வாக்குறுதி எண் 309ல் அறிவித்த  பழைய ஓய்வூதியத் திட்டத்துக்கு (Old Pension Scheme) பதிலாக அரசு ஊழியர்கள், ஆசிரியர்களுக்கு ஒருங்கிணைந்த ஓய்வூதிய திட்டம் (Unified Pension Scheme) அமல்படுத்த நடவடிக்கை எடுக்கப்படும்

- தமிழ்நாடு நிதி அமைச்சர் திரு.தங்கம் தென்னரசு அறிவிப்பு

>>> காணொளியை காண இங்கே சொடுக்கவும்...

தி.மு.க. முப்பெரும் விழா மற்றும் பவள விழாவில் - AI மூலம் கலைஞர் உரை - காணொளி...

 தி.மு.க. முப்பெரும் விழா மற்றும் பவள விழாவில் - செயற்கை நுண்ணறிவு AI Artificial Intelligence தொழில்நுட்பம் மூலம் கலைஞர் உரை - காணொளி...

>>> காணொளியை காண இங்கே சொடுக்கவும்...

“அரசு ஊழியர்கள், ஆசிரியர்களின் கோரிக்கைகள் நிறைவேற்றப்படும்” - அரசு ஊழியர்கள், ஆசிரியர்களின் நலன்களுக்காக தி.மு.க. கொண்டுவந்த திட்டங்களைப் பட்டியலிட்டு முதலமைச்சர் திரு.மு.க.ஸ்டாலின் அவர்கள் உறுதி...

 “அரசு ஊழியர்கள், ஆசிரியர்களின் கோரிக்கைகள் நிறைவேற்றப்படும்” - அரசு ஊழியர்கள், ஆசிரியர்களின் நலன்களுக்காக தி.மு.க. கொண்டுவந்த திட்டங்களைப் பட்டியலிட்டு முதலமைச்சர்  திரு.மு.க.ஸ்டாலின் அவர்கள் உறுதி...

 

“இந்தியா கூட்டணி அரசு மத்தியில் அமைந்தவுடன், தமிழ்நாடு அரசு ஊழியர்கள் மற்றும் ஆசிரியர்களின் கோரிக்கைகள் நிறைவேற்றப்படும். இந்தியா கூட்டணிக்கு உங்களது ஆதரவைத் தாரீர்” என்று முதல்வர் ஸ்டாலின் கோரியுள்ளார்.

இது தொடர்பாக முதல்வர் ஸ்டாலின் விடுத்துள்ள அறிக்கையில், “தமிழகத்தில் எப்போதெல்லாம் திமுக ஆட்சி அமைகிறதோ, அப்போதுதான் ஆசிரியர் அரசு ஊழியர்களின் வாழ்வில் நிம்மதி பிறக்கும். 53 ஆயிரம் தொகுப்பூதிய ஆசிரியர்களை காலமுறை ஊதியத்துக்குக் கொண்டு வந்தது; அரசு ஊழியர்கள் இறந்து போனால் கருணை அடிப்படையில் குடும்ப நல நிதி வழங்கியது; ஊதியக் குழு மாற்றத்தைப் பலமுறை கொண்டு வந்தது; அதிமுக ஆட்சியில் முடக்கி விட்டுப் போன அகவிலைப்படி உயர்வினையும் சேர்த்து 2021-இல் திமுக ஆட்சிப் பொறுப்பு ஏற்றதும் ஒரே நேரத்தில் 14 விழுக்காடு வழங்கியது என திமுகவின் சாதனைகளைப் பட்டியலிடத் தொடங்கினால் நாளும் பொழுதும் சொல்லிக் கொண்டே இருக்கலாம்!.

கடந்த அதிமுக ஆட்சியில் கஜானாவைத் தூர்வாரி மாநிலத்தைக் கடும் நிதி நெருக்கடியில் விட்டுவிட்டுச் சென்றார்கள். இந்தச் சூழலிலும் இன்றைக்கு மத்திய அரசுக்கு இணையான, மத்திய அரசு உயர்த்துகிற அகவிலைப்படி உயர்வை அப்படியே வழங்கி வருகிறது திமுக அரசு. அரசு ஊழியர்கள் இறந்து போனால் வழங்கப்பட்டு வந்த மூன்று லட்ச ரூபாய் குடும்பநல நிதியை தற்போது 5 லட்சம் ரூபாயாக உயர்த்தி வழங்கி இருக்கிறோம்.

கடந்த அதிமுக ஆட்சியில் ஆசிரியர் - அரசு ஊழியர்கள் பேரமைப்பான ஜாக்டோ-ஜியோ போராடியபோது, போராட்டத்தின்போது எடுக்கப்பட்ட பழிவாங்கும் நடவடிக்கைகளான வழக்குகள், துறைரீதியான நடவடிக்கைகள் இவற்றையெல்லாம் ரத்து செய்து, போராடிய காலத்தைப் பணிக்காலமாகக் கருதி, தேர்தல் அறிக்கையில் சொன்னபடி ஊதியத்தை வழங்கி இருக்கிறோம். நாங்கள் ஆட்சிக்கு வந்தவுடன் ஆசிரியர்கள் வைத்த கோரிக்கையான, தொடக்கக் கல்வித் துறையைத் தனியாகப் பிரித்துத் தர வேண்டும் என்ற கோரிக்கையை ஏற்று, தொடக்கக் கல்வித் துறையைப் பள்ளிக்கல்வித் துறையிடமிருந்து பிரித்துத் தனியாகச் செயல்பட ஆணை பிறப்பித்து இருக்கிறோம்.

பள்ளிக் கல்வித் துறை ஆணையர் பணியிடத்தை மாற்றி இயக்குநர் பணியிடத்தை மீண்டும் கொண்டு வரவேண்டும் என்று பல ஆசிரியர் சங்கங்கள் வைத்த கோரிக்கையை ஏற்று இயக்குநர் பணியிடத்தை மீண்டும் கொண்டு  வந்திருக்கிறோம்.

ஒளிவுமறைவற்ற பொது மாறுதல் கலந்தாய்வு; இடைநிலை மற்றும் பட்டதாரி ஆசிரியர்களுக்குக் கைக்கணிணி வழங்கும் திட்டம் செயல்படுத்தியது, ஆசிரியர்களின் குழந்தைகளின் உயர் கல்விக்கு 10 ஆயிரம் ரூபாயாக இருந்த நிதியை 50 ஆயிரம் ரூபாயாக உயர்த்தியது, 50 வயதுக்கு மேற்பட்ட ஆசிரியர்களுக்கு மூன்றாண்டுகளுக்கு ஒருமுறை முழு உடல் பரிசோதனை மேற்கொள்வது, கனவு ஆசிரியர் விருது வழங்கி கௌரவித்தது, அறிஞர் அண்ணா தலைமைத்துவ விருது வழங்குவது திராவிட மாடல் அரசு.

ஒவ்வொரு பள்ளியிலும் ஒரு உடற்கல்வி ஆசிரியர் இருப்பதை உறுதி செய்வது, 2800 முதுகலை ஆசிரியர்களை நியமனம் செய்தது, பகுதி நேர சிறப்பாசிரியர்களுக்குக் கடுமையான நிதிநிலை நெருக்கடியையும் கடந்து 2500 ரூபாய் ஊதியத்தை உயர்த்தி வழங்கியது, மாற்றுத்திறனாளி மாணவர்களுக்காகப் பணிபுரியும் சிறப்பு பயிற்றுநர்களுக்கு ரூபாய் 5000 தொகுப்பூதியத்தை உயர்த்தி வழங்கியது என அடுக்கடுக்கான திட்டங்களை நிறைவேற்றிக் கொடுத்துள்ள அரசுதான் திராவிட மாடல் அரசு.

ஆனால், இப்போது திடீரென்று அரசு ஊழியர்கள் மீது கரிசனம் வந்துள்ளது போல் தேர்தலுக்காக நாடகமாடும் பழனிசாமியின் வரலாறும், அதிமுகவின் வரலாறும் எப்படிப்பட்டது? ஆட்சியில் இருந்தபோது அரசு ஊழியர்கள், ஆசிரியர்களின் ஊதியம் பற்றியெல்லாம் முழுப்பக்க விளம்பரம் கொடுத்து, அசிங்கப்படுத்தி, எள்ளி நகையாடி, அவர்களை கோரிக்கைகளுக்காக அழைத்துக் கூடப் பேசாமல் புறக்கணித்து அவமதித்தவர்தான் பழனிசாமி. இப்படிப்பட்டவருக்கு ஆசிரியர்கள் மற்றும் அரசு ஊழியர்கள் பற்றிப் பேச என்ன தகுதி இருக்கிறது?

தொடக்கப் பள்ளித் தலைமை ஆசிரியர்கள் ஊதியத்தை முதலமைச்சராக இருந்துகொண்டே மிக மோசமாகக் கிண்டலடித்து மேடையில் பேசி, அவர்களை மனவேதனைக்கு உள்ளாக்கிவிட்டு, இப்போது கபட நாடகமாடி ஏமாற்றத் துடியாய் துடிப்பது யார்? பழனிசாமிதான்!

அதிமுக என்றைக்காவது அரசு ஊழியர்கள் மற்றும் ஆசிரியர்களுக்குத் துணையாக நின்றுள்ளதா? அதிமுகவால் அரசு ஊழியர்கள் அனுபவித்த வேதனைகளும், துன்பங்களும் வரலாறு முழுக்க நிறைந்திருக்கிறதே!. அரசு ஊழியர்களுக்குத் திமுக ஆட்சி, பொற்கால ஆட்சி என்றால், அவர்களது வேதனையில் உள்ளம் மகிழும் இருண்ட ஆட்சியை நடத்தியது அதிமுக. எஸ்மா மற்றும் டெஸ்மா சட்டங்களை கொண்டு வந்து நள்ளிரவில் அரசு ஊழியர்களைக் கைது செய்ததும், அடக்குமுறை செய்ததும்தானே அதிமுக ஆட்சியின் அலங்கோலம். அந்த எஸ்மா, டெஸ்மா வழக்குகளை ரத்து செய்து, அரசு ஊழியர்களின் பெரும்பாலான கோரிக்கைகளை நிறைவேற்றியது திமுக ஆட்சியில்தான் என்பது வரலாறு!

இந்தியாவிலேயே முதன்முதலாகப் புதிய ஓய்வூதியத் திட்டத்தை அமல்படுத்தியது அதிமுக ஆட்சி. இப்படிப்பட்ட அரசு ஊழியர் விரோத ஆட்சி நடத்திவிட்டு உத்தமபுத்திரன் போல் பேச பழனிசாமிக்கு என்ன அருகதை இருக்கிறது? ஆட்சியில் இருந்தபோது பழனிசாமிதானே அரசு ஊழியர், ஆசிரியர்களுக்கான அகவிலைப்படி உயர்வினை முடக்கி வைத்து விட்டுப் போனார். ஆசிரியர்கள் பெற்று வந்த உயர் கல்விக்கான ஊக்க ஊதிய முறையை ரத்து செய்து விட்டுப் போனார்? இன்று அவர் வடிக்கும் நீலிக்கண்ணீருக்குப் பின்னால் அதிகாரப் பசியும், துரோகத்தின் ருசியும்தான் இருக்கிறதே தவிரே; அரசு ஊழியர்களின் மீதான அக்கறை எள்முனையளவும் இல்லை.

பழனிசாமியும் அவரது கட்சியும், தமிழ்நாட்டை வஞ்சித்து, கஜானாவைத் தூர்வாரிவிட்டு சென்றபோதும், தமிழ்நாட்டை மீட்டெடுத்து, நிதி நிலைமையைச் சீர்செய்து திட்டங்களைச் செயல்படுத்தி வருகிறோம். அப்படிச் செய்யப்பட்ட திட்டங்களைத்தான் பட்டியலிட்டேன்.

மீதியுள்ள கோரிக்கைகளுக்காக அரசு ஊழியர்கள், ஆசிரியர்களை ஒவ்வொரு முறையும் அமைச்சர்கள் அழைத்துப் பேசுவதும், ஏன், நானே அழைத்துப் பேசி தீர்வு காண்பதும், தீர்வு காணப்படும் என உறுதியளிப்பதும் என அரசு ஊழியர்களின் கோரிக்கைகளை நிறைவேற்ற வேண்டும் என்ற எண்ணத்துடன் முன்னெடுப்புகளை மேற்கொண்டு வருகிறோம்.

அதனால்தான், இன்றைக்கு

திராவிட முன்னேற்றக் கழக அரசு, அரசு ஊழியர்களின் நண்பனாகத் திகழ்கிறது. தங்கள் கோரிக்கைகளை அரசு ஊழியர்களால் எளிதில் எங்களிடம் வந்து சொல்ல முடிகிறது. அவற்றைப் படிப்படியாக நிறைவேற்றுவதிலும் இந்த அரசு உறுதியாகச் செயல்பட்டு வருகிறது. சில கோரிக்கைகளை நிறைவேற்றுவதில் தாமதம்தானே தவிர, அவை நிராகரிக்கப்படவில்லை.

அந்தத் தாமதம் கூட பழனிசாமி உருவாக்கிவிட்டுச் சென்ற நிதி நெருக்கடியால் ஏற்பட்டுள்ளதுதான். கோரிக்கைகளை உடனே நிறைவேற்ற இயலாத நிலைமை பற்றி அரசு ஊழியர்கள், ஆசிரியர்களிடம் ஒளிவு மறைவின்றி விளக்கிச் சொல்லும் ஒரே அரசு திமுக அரசுதான். “உங்களுடைய அத்தனை கோரிக்கைகளையும் அச்சுப்பிசகாமல் நிறைவேற்றி தருவேன்” என்ற உறுதியை அவர்களை நேரில் அழைத்துப் பேசிச் சொல்லியிருக்கிறேன். இதெல்லாம் திமுக ஆட்சியில் மட்டுமே நடைபெற்றுக் கொண்டிருக்கிறது என்பது பொது வாழ்க்கை நடவடிக்கையில் இருந்து வெகுதூரம் விலகிச் சென்றுவிட்ட பழனிசாமிக்குத் தெரிய வாய்ப்பில்லை.

எனவே, திமுகவின் சாதனைகளை மறைக்க அவர் போடும் வேடம், பகல் வேடமாகவே கலைந்து போகும் என்பது மட்டும் நிச்சயம். அரசு ஊழியர்கள் மற்றும் ஆசிரியர்களுக்கு நான் உறுதியளிக்கிறேன்… நிச்சயம் மத்தியில் ஆட்சி மாற்றம் ஏற்படும். நாம் விரும்பும் மாற்றம் வந்தவுடன், தமிழகத்தின் நிதிநிலை விரைவில் சீராகும். அப்போது அரசு ஊழியர்கள் மற்றும் ஆசிரியர்களின் எஞ்சியுள்ள அத்தனை கோரிக்கைகளும் நிறைவேறும்.

எனவே, “

திராவிட மாடல் அரசுக்கு அரசு ஊழியர்கள், ஆசிரியர்களின் கோரிக்கையை நிறைவேற்ற மனது இருக்கிறது. மார்க்கமும் விரைவில் வரும்” என்பதை உணர்ந்துள்ள அரசு ஊழியர்களும், ஆசிரியர்களும் நல்லதொரு மாற்றம் ஏற்பட இண்டியா கூட்டணிக்கு ஆதரவளிக்க வேண்டும் எனக் கேட்டுக் கொள்கிறேன்" என்று கூறி ஆதரவு கோரியுள்ளார் முதல்வர் ஸ்டாலின்.

மக்களவைத் தேர்தலுக்கான தி.மு.க. வேட்பாளர் பட்டியல் வெளியீடு...

மக்களவைத் தேர்தலுக்கான தி.மு.க. வேட்பாளர் பட்டியல் வெளியீடு..

1‌ ) வடசென்னை - கலாநிதி வீராசாமி

2) தென்சென்னை - தமிழச்சி தங்கபாண்டியன்

3 ) மத்திய சென்னை - தயாநிதி மாறன்

4 ) காஞ்சிபுரம் (தனி) - செல்வம்

5 ) அரக்கோணம் - ஜெகத்ரட்சகன்

6) வேலூர் - கதிர் ஆனந்த்

7 ) தருமபுரி - அ.மணி

8 ) திருவண்ணாமலை - சி.என்.அண்ணாதுரை 

9 ) சேலம் - செல்வ கணபதி

10 ) கள்ளக்குறிச்சி - மலையரசன்

11 ) நீலகிரி (தனி) - ஆ.ராசா

12 ) பொள்ளாச்சி - கே.ஈஸ்வரசாமி

13 ) கோவை - கணபதி ராஜ்குமார்

14 ) தஞ்சாவூர் - ச.முரசொலி

15 ) தூத்துக்குடி - கனிமொழி கருணாநிதி

16 ) தென்காசி (தனி) - ராணி ஸ்ரீ குமார்

17 ) ஸ்ரீபெரும்புதூர் - டி.ஆர்.பாலு

18 ) பெரம்பலூர் - அருண் நேரு

19 ) தேனி - தங்க தமிழ்செல்வன்

20 ) ஈரோடு - பிரகாஷ் 

21 ) ஆரணி - தரணி வேந்தன்

2024 நாடாளுமன்ற மக்களவைத் தேர்தலுக்கான தி.மு.க.வின் தேர்தல் அறிக்கை வெளியீடு...

 

தி.மு.க.வின் தேர்தல் அறிக்கையின் முக்கிய அம்சங்கள் :-

2024 நாடாளுமன்ற மக்களவைத் தேர்தலுக்கான தி.மு.க.வின் தேர்தல் அறிக்கை வெளியிடப்பட்டது...

Release of DMK manifesto for Parliament Lok Sabha elections 2024...

>>> தரவிறக்கம் செய்ய இங்கே சொடுக்கவும்...

✨மாநிலங்கள் சுயாட்சி பெரும் வகையில் அரசியலமைப்பு சட்டம் திருத்தப்படும்

✨ஆளுநர்களுக்கு அதிக அதிகாரம் வழங்கும் சட்ட பிரிவு நீக்கப்படும்

✨திருக்குறள் தேசிய நூலாக அறிவிக்கப்படும்

✨ஒன்றிய அரசு அலுவலங்களில் தமிழ் பயன்படுத்தப்படும்

✨இலங்கை தமிழர்களுக்கு இந்திய குடியுரிமை வழங்கப்படும்

✨காலை உணவு திட்டம் இந்தியா முழுவதும் விரிவுபடுத்தப்படும்

✨விவசாயிகளுக்கு குறைந்தபட்ச ஆதரவு விலை உறுதி செய்யப்படும்

✨நாடு முழுவதும் உள்ள சுங்கச்சாவடிகள் அகற்றப்படும்

✨குடியுரிமை திருத்தச் சட்டம் ரத்து செய்யப்படும்

✨நீட் தேர்வு ரத்து செய்யப்படும்

✨மகளிர் சுய உதவிக்குழுவிற்கு ரூபாய் 10,00,000 லட்சம் ரூபாய் வரை வட்டியில்லாக் கடன் வழங்கப்படும்

✨பொது சிவில் சட்டம் கொண்டுவரப்படாது

✨மாணவர்களுக்கு வட்டி இல்லா கல்விக் கட 4 லட்சம் ரூபாய் வரை வழங்கப்படும்

✨100 நாள் வேலை திட்டம் 150 நாளாக மாற்றப்படும்

✨தமிழ்நாட்டில் புதிதாக IIT, IIM அமைக்கப்படும்

✨பெட்ரோல் விலை 75 ரூபாயும், டீசல் 65 ரூபாயும், சிலிண்டர் விலை 500 ரூபாயும் குறைக்கப்படும்

✨நாடு முழுவதும் மாணவர்களின் கடன் ரத்து செய்யப்படும்

- திமுகவின் தேர்தல் அறிக்கையில் அறிவிப்பு...

2024 மக்களவைத் தேர்தலுக்கான தி.மு.க.வின் தேர்தல் அறிக்கை...

ஆசிரியர்கள், அரசு ஊழியர்களின் கோரிக்கைகள் நிறைவேற்றம் குறித்து திமுக தலைவர் அவர்கள் சேலம் தேர்தல் பரப்புரையில் பேச்சு...

 ஆசிரியர்கள் அரசு ஊழியர்கள் பற்றி திமுக தலைவர் சேலம் தேர்தல் பரப்புரையில் பேச்சு.

ஆசிரியர்கள் மற்றும் அரசு ஊழியர்களின் நீண்டகால கோரிக்கைகள் திமுக ஆட்சிக்கு வந்தபிறகு நிறைவேற்றப்படும் என உறுதி.

அரசு ஊழியர்கள் மற்றும் ஆசிரியர்கள் நியாயமான போராட்டத்தில் அரசின் நிலைப்பாடு பற்றி எடுத்து விளக்கிய திரு.மு.க.ஸ்டாலின் அவர்கள்...

>>> காணொளியைக் காண இங்கே சொடுக்கவும்...

பழைய ஓய்வூதிய திட்டத்தை எவ்வாறு செயல்படுத்தமுடியும்? தி.மு.க தலைவர் ஸ்டாலின் விளக்கம்...

 

பழைய ஓய்வூதிய திட்டம் செயல்படுத்துவதன் மூலம் அரசுக்கு ஆண்டு ஒன்றுக்கு ரூபாய் 5000 கோடி நிதிச் சுமை ஏற்படும். இச்செலவினத்தை புதிய தொழில் முனையங்கள் உருவாக்கப்பட்டு அதன் மூலம் பெறப்படும் வருமானத்தைக் கொண்டும் கனிம வளத்துறை வாரியத்தின் மூலம் அரசு ஒழுங்குமுறை விற்பனையின் மூலம் பெறப்படும் நிதியில் இருந்தும் இச்செலவினம் ஈடு கட்டப்படும் என்றும் எதிர்க்கட்சி தலைவர் மு.க. ஸ்டாலின் தெரிவித்துள்ளார்.

(வாட்ஸ் அப் தகவல்)

2021 சட்டமன்ற தேர்தலுக்கான தி.மு.க தேர்தல் அறிக்கை வெளியீடு (ஆசிரியர்கள் மற்றும் அரசு ஊழியர்களுக்கான வாக்குறுதிகள்)...

 DMK Election Manifesto for 2021 Assembly Elections - Released...

ஆசிரியர் மற்றும் அரசு அலுவலர்கள் நலன்

• மாநில அரசு ஓய்வூதியம் பெறுபவர்களுக்கு 80-வயது நிறைந்தவுடன் 20 சதவிகிதம் உயர்த்தி வழங்கப்பட்டு வருகிறது. இதனை மாற்றி 70-வயது நிறையும் பொழுது 10 சதவிகிதமும், 80-வயது நிறையும் பொழுது மேலும் 10 சதவிகிதமும் ஓய்வூதியம் வழங்கப்படும்.

பழைய ஓய்வூதியத் திட்டம்

• புதிய ஓய்வூதியத் திட்டம் கைவிடப்பட்டு பழைய ஒய்வூதியத் திட்டம் மீண்டும் நடைமுறைக்குக் கொண்டு வரப்படும்.

• தமிழக அரசு அலுவலர்களின் பணி தொடர்பான பிரச்சனைகளைத் தீர்த்து வைக்க மாநில நிர்வாகத் தீர்ப்பாயமும் (STATE ADMINISTRATIVE TRIBUNAL) தலைமைச் செயலாளர் / துறைச் செயலாளர் / துறைத் தலைவர் தலைமையிலான கூட்டு ஆலோசனைக் குழுக்களும் மீண்டும் அமைக்கப்படும்

சம வேலைக்கு சம ஊதியம்

• ரூ.8000/- அடிப்படை ஊதியத்தில் நியமனம் செய்யப்பட்ட இடைநிலை ஆசிரியர்கள் சம வேலைக்கு சம ஊதியம் வழங்கப்பட வேண்டும் என அ.தி.மு.க ஆட்சியில் பல ஆண்டுகளாகப் போராடி வருகிறார்கள். அத்தகைய ஆசிரியர்களின் கோரிக்கையை ஏற்றுக் கழக ஆட்சி, அவர்களுக்கு மற்ற ஆசிரியர்களுக்கு வழங்குவது போல் காலமுறை ஊதியம் வழங்கும். 

• ஆசிரியர் பணிக்காலத்தில் உயர்கல்வி கற்று பட்டம் பெறும் ஆசிரியர்களுக்கு கழக ஆட்சியில் அறிஞர் அண்ணா அவர்கள் அறிவித்து வழங்கி வந்த ஊக்கத்தொகை அ.தி.மு.க அரசினால் நீக்கப்பட்டுவிட்டது. இந்த ஊக்கத்தொகை மீண்டும் தொடர்ந்து வழங்கப்படும்.

பாதிக்கப்பட்ட ஆசிரியர்களுக்கு நிவாரணம் 

• பல்வேறு கோரிக்கைகளுக்காகப் போராடிய ஆசிரியர்கள் மீது 17B பிரிவின் கீழ் எடுக்கப்பட்ட நடவடிக்கையின் காரணமாக ஏற்பட்ட ஊதிய உயர்வு, மற்றும் பணி உயர்வு முரண்பாடுகள் குறித்து ஆய்வு செய்வதற்குக் குழு ஒன்று நியமிக்கப்பட்டு ஆசிரியர்களுக்குப் பாதிப்பிலிருந்து விரைவில் நிவாரணம் கிடைத்திட ஆவன செய்யப்படும்.

அங்கன்வாடி மற்றும் சத்துணவு ஊழியர்கள் பணி நியமனக் கோரிக்கை

• தமிழகத்தில் பணியாற்றும் சத்துணவு மற்றும் அங்கன்வாடி ஊழியர்களை அரசுப் பணியாளர்களாகப் பணியமர்த்தி காலமுறை ஊதியம் வழங்கப்படும். அவர்களுக்குக் குறைந்தபட்ச ஓய்வூதியமும் பணிக்கொடையும் வழங்கப்படும்.

• அரசு அலுவலர்கள், ஆசிரியர்கள் பணிக் காலத்தில் இறந்தால் அவர்களது குடும்பத்தினருக்குத் தற்போது வழங்கப்பட்டுவரும் குடும்ப நலநிதி ரூபாய் 3 இலட்சம் என்பது 5இலட்சம் ரூபாயாக உயர்த்தி வழங்கப்படும்.

• பள்ளிக்கல்வித் துறையில் பகுதி நேரப் பணியாளர்களாகப் பணிபுரிந்து நிரந்தரமாக்கப்பட்ட தொழிற் கல்வி ஆசிரியர்கள் உட்பட அனைவருக்கும் 50விழுக்காடு பகுதிநேரப் பணிக் காலத்தை ஓய்வூதியம் நிர்ணயிப்பதற்குக் கணக்கில் எடுத்துக் கொள்ள நடவடிக்கை மேற்கொள்ளப்படும்.

• அரசுப் பணியாளருக்கான மருத்துவக் காப்பீட்டுத் திட்டத்தில் குடும்ப மருத்துவச்செலவு வரம்பை உயர்த்துவதுடன், அறுவை சிகிச்சைக்கு மட்டுமின்றித் தனியார் மருத்துவமனையில் உள் நோயாளியாக In-Patient) சேர்ந்து சிகிச்சை பெறும் அனைத்து வகையான மருத்துவ செலவினங்களும் அடங்கும் வகையில் அரசு ஊழியர்களுக்கான புதிய மருத்துவக் காப்பீட்டுத் திட்டம் மாற்றியமைக்கப்படும்.

• திருக்குறளை தேசிய நூலாக ஆக்க மத்திய அரசை வற்புறுத்துவோம்!
• கடும் ஊழல் புகார்களுக்கு ஆளாகியுள்ள அ.தி.மு.க. அமைச்சர்கள் மீதான புகார்களை விசாரிக்க, தனி நீதிமன்றம் அமைக்கப்படும்!
• முதலமைச்சரின் நேரடிக்கட்டுப்பாட்டில் தனித் துறை உருவாக்கப்பட்டு, 'உங்கள் தொகுதியில் ஸ்டாலின்' என்ற திட்டத்தின் கீழ் பெறப்பட்ட மனுக்களுக்கு 100 நாட்களுக்குள் தீர்வு காணப்படும்.
• அனைத்துச் சட்டமன்றத் தொகுதிகளிலும் மக்கள் குறைகேட்கும் முகாம்கள் நடத்தப்படும்.
• சட்டப்பேரவை நிகழ்ச்சிகள் தொலைக்காட்சிகளில் நேரடியாக ஒளிபரப்பப்படும்.
• பொங்கல் திருநாள் மாபெரும் பண்பாட்டுத் திருநாளாக மாநிலம் முழுவதும் கொண்டாடப்படும்.
• சென்னையில் திராவிட இயக்கத் தீரர்கள் கோட்டம் அமைக்கப்படும்.
• கொரோனாவால் பாதிக்கப்பட்ட பொருளாதாரம் மேம்படுத்தப்படும் வரையில், சொத்து வரி அதிகரிக்கப்படாது.
• கொரோனா கொடுந்தொற்று காலத்தில் வாழ்வாதாரம் இழந்து தவித்த அரிசி அட்டை வைத்துள்ள குடும்பங்களுக்கு நிவாரணத் தொகையாக ரூ.4 ஆயிரம் வழங்கப்படும்.
• ஆவின்பால் லிட்டருக்கு 3 ரூபாய் குறைக்கப்படும்.
• அனைத்துத் தரப்பு மக்களின் நலத்தையும் கருத்தில் கொண்டு பெட்ரோல் விலை லிட்டருக்கு 5 ரூபாயும், டீசல் விலை லிட்டருக்கு 4 ரூபாயும் குறைக்கப்படும்.
• சமையல் எரிவாயு சிலிண்டருக்கு 100 ரூபாய் மானியமாக வழங்கப்படும்.
• பெரிய மாநகராட்சிகளில் பறக்கும் சாலைத் திட்டம் செயல்படுத்தப்படும்.
• மாதம் ஒரு முறை மின் கட்டணம் செலுத்தும் முறை அமல்படுத்தப்படும்.
• நியாய விலைக் கடைகளில் மாதம் ஒரு கிலோ சர்க்கரை கூடுதலாகத் தரப்படும். உளுந்தம் பருப்பு மீண்டும் வழங்கப்படும்.
• அனைத்து அரசு வேலை வாய்ப்புகளிலும் பெண்கள் இடஒதுக்கீடு 30 விழுக்காட்டில் இருந்து 40 விழுக்காடு ஆக்கப்படும்.
• சட்டம் ஒழுங்கை காக்கும் பணியின் போது உயிரிழந்த காவலர் குடும்பத்துக்கு ஒரு கோடி ரூபாய் வழங்கப்படும்.
• பெண்களுக்கு எதிரான சைபர் குற்றங்களை களைய, சைபர் காவல் நிலையங்கள் உருவாக்கப்படும்.
• குடிசைகளே இல்லாத தமிழகம் உருவாக்க 'கலைஞர் சிறப்பு வீட்டு வசதித் திட்டம்' கொண்டு வரப்படும்.
• நகர்ப்புறங்களில் ஆட்சேபனை இல்லாத இடங்களில் குடியிருப்போருக்கு வீட்டு மனைப் பட்டா வழங்கப்படும்.
• கிராம நத்தத்தில் உள்ள வீட்டு மனைகளுக்கு பட்டா வழங்கப்படும்.
• சென்னை உள்ளிட்ட மாநகராட்சிகளில், லாரிகள் மூலமாக நீர் வழங்குவதை தவிர்க்க, குழாய் மூலம் குடிநீர் வழங்கப்படும்.
• அனைத்துக் கிராமங்களுக்கும் தூய்மையான குடிநீர் வழங்கப்படும்.
• கடலோர மாவட்டங்கள் அனைத்திலும் கடல்நீரை குடிநீராக்கும் திட்டம் செயல்படுத்தப்படும்.
• முக்கியமான மலைக்கோவில்கள் அனைத்திலும் கேபிள் கார் வசதி ஏற்படுத்தித் தரப்படும்.
• கிராமப்புற பூசாரிகளின் ஊதியமும், ஓய்வூதியமும் அதிகரிக்கப்படும்.
• இந்து ஆலயங்கள் புனரமைப்பு, குடமுழுக்கு பணிக்கு 1000 கோடி ஒதுக்கீடு செய்யப்படும்.
• மசூதி, தேவாலயங்களை சீரமைக்க 200 கோடி ரூபாய் ஒதுக்கீடு செய்யப்படும்.
• அனைத்து சாதியினரும் அர்ச்சகராகலாம் என்ற சட்டத்தின் படி முறையான பயிற்சி பெற்று 14 ஆண்டுகளாக வேலையின்றி காத்திருக்கும் 205 அர்ச்சகர்களுக்கும் உடனடி பணி நியமனம் செய்யப்படும்.
• 60 வயதுக்கு மேற்பட்ட முதியோர் உதவித் தொகை 1500 ரூபாயாக உயர்த்தப்படும்.
• 32 லட்சம் ஆதவற்ற பெண்கள், கைம்பெண்கள், 50 வயதைக் கடந்த மணமாகாத பெண்கள், மாற்றுத் திறனாளிகள், உழவர் பாதுகாப்புத் திட்ட பயனாளிகள், இலங்கை அகதிகள் ஓய்வூதியம் 1500 ரூபாயாக ஆக்கப்படும்.
• ஏழை மக்கள் பசி தீர, முதல் கட்டமாக 500 இடங்களில் 'கலைஞர் உணவகம்' அமைக்கப்படும்.
• நடைபாதைவாசிகளுக்கு இரவு நேரக் காப்பகங்கள் அமைக்கப்படும்.
• சத்துணவு மற்றும் அங்கன்வாடி ஊழியர்களை அரசு பணியாளர்களாக பணியமர்த்தி கால முறை ஊதியம் வழங்கப்படும்.
• கலைஞர் காப்பீட்டு திட்டமும், வருமுன் காப்போம் திட்டமும் மேம்படுத்தப்படும்.
• தமிழக ஆறுகள் அனைத்தும் மாசு அடையாமல் காக்க தமிழ்நாடு ஆறுகள் பாதுகாப்புத் திட்டம் உருவாக்கப்படும்.
• இயற்கை எரிவாயுவில் இயங்கும் புகையில்லா பேருந்துகள் தமிழக மாநகராட்சி பகுதிகளில் இயக்கப்படும்.
• கொரோனா தொற்று தாக்கி உயிரிழந்த மருத்துவர்கள், அரசு அலுவர்கள், முன்களப் பணியாளர்கள் குடும்பத்துக்கு உரிய இழப்பீடு வழங்கப்படும்.
• பணிக்காலத்தில் இறக்கும் அரசு ஊழியர், ஆசிரியர் குடும்பத்துக்கு வழங்கப்படும் நிதி, ரூ.3 லட்சம் என்பது ரூ.5 லட்சம் ஆக்கப்படும்.
• குழந்தைகளுக்கு ஊட்டச்சத்து நிறைந்த உணவுக்கூடைத் திட்டம் அமல்படுத்தப்படும்.
• பத்திரிகையாளர் மற்றும் ஊடகத் துறையினர் நலன் காக்க தனி ஆணையம் அமைக்கப்படும்.
• பத்திரிகையாளர், ஊடகத்துறையினர் ஓய்வூதியமும் குடும்ப நிவாரண நிதியும் உயர்த்தப்படும்.
• சிறு குறு விவசாயிகளுக்கு புதிய மின் மோட்டார் வாங்க 10 ஆயிரம் ரூபாய் வரை மானியம் வழங்கப்படும்!
• ஆட்டோ ஓட்டுநர்கள் சொந்தமாக ஆட்டோ வாங்கிட 10 ஆயிரம் ரூபாய் மானியம் வழங்கப்படும்!
• மகளிருக்கு பேறுகால உதவித் தொகை 24 ஆயிரம் ரூபாயாக உயர்த்தப்படும்.
• நீட் தேர்வை ரத்து செய்ய கழக அரசு அமைந்ததும் முதல் சட்டப்பேரவைக் கூட்டத் தொடரிலேயே சட்டம் இயற்றப்படும்.
• முதல் தலைமுறை பட்டதாரிகளுக்கு அரசுப் பணிகளில் முன்னுரிமை வழங்கப்படும்.
• வேலை வாய்ப்பு அலுவலகங்கள் இளைஞர்களின் திறன் பயிற்சி மையங்களாக செயல்படும்.
• ஐந்து ஆண்டுகளில் 50 லட்சம் மாணவர்களுக்கு திறன் மேம்பாட்டு பயிற்சி வழங்கப்படும்.
• அரசுத் துறைகள், கல்வி நிலையங்களில் காலியாக உள்ள 3.5 லட்சம் பணியிடங்கள் நிரப்பப்படும்.
• புதிதாக 2 லட்சம் வேலைவாய்ப்புகள் உருவாக்கப்படும்.
• தமிழகத்தில் உள்ள தொழில் நிறுவனங்களில் 75 விழுக்காடு வேலை வாய்ப்புகள் தமிழர்களுக்கே வழங்க, சட்டம் கொண்டு வரப்படும்.
• அரசு ஊழியர்களுக்கான ஓய்வூதியம் 80 வயதுக்கு மேல் 20 விழுக்காடாக உயர்த்தி வழங்கப்படுகிறது. அதனை 70 வயதுக்கு மேல் 10 விழுக்காடாகவும், 80 வயதுக்கு மேல் 10 விழுக்காடாகவும் வழங்குவோம்!
• வேலையில்லா பட்டதாரிகள் குறுந்தொழில் தொடங்க 20 லட்சம் வரை கடன் வசதி வழங்கப்படும்.
• அரசுப் பணி மகளிருக்கு பேறுகால விடுமுறை 12 மாதமாக உயர்த்தப்படும்.
• சிறப்பு தாய் சேய் நலத்திட்டம் என்ற பெயரால் கருவுற்ற பெண்களுக்கு வீடு தேடி மருத்துவ வசதி வரும்.
• புதிய தனி கனிம வள அமைச்சகம் உருவாக்கப்படும். கனிமங்கள், தாது மணல், மணல் ஆகிய தொழில்கள் அமைத்தும் டாமின் நிறுவனத்தின் கீழ் அரசே நடத்தும்.
• அரசுப் பள்ளி, கல்லூரி மாணவர்களுக்கு இலவச டேட்டாவுடன் கைக்கணினி வழங்கப்படும். கல்வி நிறுவனங்களில் வை-ஃபை வசதி செய்து தரப்படும்.
• அரசுத் துறை நிறுவனங்களில் பத்து ஆண்டுகளுக்கு மேல் தற்காலிகப் பணியில் உள்ள அனைத்துப் பணியாளர்களும் பணி நிரந்தரம் செய்யப்படுவார்கள்.
• போக்குவரத்துத் தொழிலாளர்களுக்கு மீண்டும் பழைய ஓய்வூதியத் திட்டம் அமல்படுத்தப்படும்.
• நெல் குவிண்டால் ஒன்றுக்கு குறைந்தபட்ச ஆதார விலை ரூ.2500-ஆக உயர்த்தி வழங்கப்படும்.
• கரும்புக்கு ஆதார விலை டன் ஒன்றுக்கு ரூ. 4000-ஆக உயர்த்தி வழங்கப்படும்!
• உழவர் சந்தைகளுக்கு உயிரூட்டப்பட்டு, அது அனைத்து நகரங்களுக்கும் விரிவுபடுத்தப்படும்!
• நீர்ப்பாசனத் துறைக்கு மாற்றாக புதிய நீர்வள ஆதாரங்கள் அமைச்சகம் உருவாக்கப்படும்!
• நீர் மேலாண்மை ஆணையம் அமைத்திடச் சட்டம் கொண்டு வரப்படும்!
• முதலமைச்சரின் நேரடி கண்காணிப்பில் 10 ஆயிரம் கோடியில் பெரிய ஏரி, குளங்கள் பாதுகாப்புச் சிறப்புத் திட்டம் அறிமுகப்படுத்தப்படும்.
• 2 ஆயிரம் கோடி ரூபாய் மதிப்பீட்டில் 200 தடுப்பணைகள் கட்டப்படும்!
• ஏழை - எளிய, சிறு வணிகர்களுக்கு ரூ.15 ஆயிரம் வரை வட்டியில்லா கடன் வழங்கப்படும்.
• அ.தி.மு.க. அரசால் ஏற்படுத்தப்பட்டுள்ள கடன் சுமையை சீர்செய்ய பொருளாதார உயர்மட்டக் குழு அமைக்கப்படும்!
• மீனவர் சமுதாயத்தினர், பழங்குடியினர் பட்டியலில் சேர்க்கப்படுவார்கள். அனைவருக்கும் உரிய பிரதிநிதித்துவம் வழங்கப்படும்.
• அம்மையார் ஜெயலலிதாவின் மரணம் குறித்து அமைக்கப்பட்ட விசாரணை ஆணையத்தின் அறிக்கையை விரைந்து வழங்க நடவடிக்கை எடுக்கப்படும்.
• அரசியலமைப்புச் சட்டத்தின் பொதுப்பட்டியலில் உள்ள கல்வித் துறையை மீண்டும் மாநிலப் பட்டியலுக்கு கொண்டு வர முயற்சிகள் மேற்கொள்ளப்படும்.
• மத்திய அரசுப் பள்ளிகள் உள்பட தமிழகப் பள்ளிகள் அனைத்திலும் 8-ஆம் வகுப்பு வரை தமிழ் கட்டாயப்பாடம் ஆக்கிட சட்டம் கொண்டு வரப்படும்.
• சென்னை நகரை வெள்ளப்பெருக்கத்தில் இருந்து பாதுகாக்க, சென்னைப் பெருநகர் வெள்ளத் தடுப்பு மேலாண்மைக் குழு அமைக்கப்படும்!
• வேளாண்மைத் துறைக்கென தனி நிதிநிலை அறிக்கை தாக்கல் செய்யப்படும்.
• வாழை, மஞ்சள், மரவள்ளிக் கிழங்கு, பருப்பு, மிளகாய், சிறுதானியங்கள், தேயிலை, எண்ணெய் வித்துக்களுக்கு குறைந்தபட்ச ஆதார விலை நிர்ணயிக்கப்படும்.
• இயற்கை வேளாண்மைக்கு என தனிப்பிரிவு உருவாக்கப்படும்.
• தமிழ் எழுத்து வரிவடிவம் சிதைக்கப்படுவதைத் தடுக்க புதிய சட்டத்திருத்தம் கொண்டுவரப்படும்!
• இலங்கையில் நடந்த இனப்படுகொலை குறித்து சர்வதேச விசாரணை நடத்த உலகநாடுகளை மத்திய அரசு வலிறுத்த நடவடிக்கை எடுக்கப்படும்.
• இந்தியாவில் வசிக்க விரும்பும் அகதிகளுக்கு இந்தியக் குடியுரிமை பெற்றுத்தர நடவடிக்கை எடுக்கப்படும்.
• வெளிநாடு வாழ் தமிழர்களின் நலனைப் பேண வெளிநாடு வாழ் தமிழர்கள் துறை அமைக்கப்படும்.
• மீனவர்களுக்கு 2 லட்சம் வீடுகள் கட்டித் தரப்படும்.
• அரசு பள்ளி, கல்லூரி மாணவியர்க்கு இலவச நாப்கின் வழங்கப்படும்.
• பகுதிநேர ஆசிரியர்கள் அனைவரும் பணி நிரந்தரம் செய்யப்படுவார்கள்.
• மத்திய அரசின் இடஒதுக்கீட்டில் இதர பிற்படுத்தப்பட்டோருக்கான வருமான உச்சவரம்பு 25 லட்சமாக உயர்த்திட மத்திய அரசை வலியுறுத்துவோம்.
• தனியார் துறையிலும் இடஒதுக்கீடு வழங்க வற்புறுத்துவோம்.
• ஆதிதிராவிடர், பழங்குடியினருக்கான காலிப் பணியிடங்கள் நிரப்பப்படும்.
• நரிக்குறவர், குருவிக்காரர், வேட்டைக்காரர், லம்பாடி, படுகர் சமுதாயத்தினர் பழங்குடியினர் பட்டியலில் சேர்க்கப்படுவார்கள்.
• மாற்றுத் திறனாளிகளுக்கு ஸ்மார்ட் கார்டு வழங்கப்படும்.
• மாற்றுத் திறனாளிகளுக்கு கட்டணமில்லா பயணச் சலுகை வழங்கப்படும்.
• மாற்றுத்திறனாளி மாணவர்க்கு 3 சக்கர மோட்டார் வாகனம் வழங்கப்படும்.
• வடலூரில் வள்ளலார் பெயரில் சர்வதேச மையம் அமைக்கப்படும்.
• புகழ்பெற்ற இந்துக் கோவில்களுக்கு ஆன்மீக சுற்றுலா செல்ல 1 லட்சம் பேருக்கு தலா 25 ஆயிரம் வழங்கப்படும்.
• பக்கிங்காம் கால்வாய் சீரமைக்கப்படும்.
• சென்னை சிறுசேரி பகுதியில் நவீன பேருந்து நிலையம் அமைக்கப்படும்.
• தமிழகத்தில் ரயில் பாதை இல்லாத 16 முக்கிய வழித்தடங்களில் புதிய ரயில் பாதை அமைக்க வலியுறுத்துவோம்.
• திருச்சி, மதுரை, சேலம், நெல்லை, கோவையில் மெட்ரோ ரயில் திட்டங்கள் கொண்டு வரப்படும்.
• வேலூர், கரூர், ஓசூர், இராமநாதபுரத்தில் புதிய விமான நிலையங்கள் அமைக்கப்படும்.
• பள்ளி மாணவர்களுக்கு காலையில் ஊட்டச்சத்தாக பால் வழங்கப்படும்.
• கூட்டுறவு வங்கிகளில் 5 பவுனுக்கு உட்பட்ட நகைக்கடன் தள்ளுபடி செய்யப்படும்.
• 100 நாட்கள் வேலைத் திட்டம், 150 நாட்களாக உயர்த்தி வழங்கப்படும்.
• 30 வயதுக்கு உட்பட்ட தமிழகக் கல்லூரி மாணவர்களின் கல்விக் கடன்கள் தள்ளுபடி செய்யப்படும்.
• மகளிர் சுய உதவிக்குழுவினரின் நிலுவையில் உள்ள கூட்டுறவு வங்கிக் கடன் தள்ளுபடி செய்யப்படும்.
• அரசு உள்ளூர் பேருந்துகளில் மகளிருக்கு கட்டணமில்லா பயண வசதி வழங்கப்படும்.
• இந்த வாக்குறுதிகள் அனைத்தையும் நிறைவேற்ற தனி அமைச்சகம் அமைக்கப்படும். இதற்கு திட்டங்கள் செயலாக்க அமைச்சகம் என்று பெயரிடப்படும்.
• தலைவர் கலைஞர் அவர்களின் புகழ்பெற்ற வாசகம் உங்கள் அனைவருக்கும் நினைவில் இருக்கும். அது, "சொன்னதைச் செய்வோம்; செய்வதைச் சொல்வோம்" என்பதாகும்.
• அவர் வழியில் நானும் சொன்னதைச் செய்வேன். செய்வதைத் தான் சொல்வேன் என்பதைத் தமிழக மக்களுக்கு எனது உறுதிமொழியாக வழங்குகிறேன்.

>>> 2021 சட்டமன்ற தேர்தலுக்கான தி.மு.க தேர்தல் அறிக்கை (PDF)...