கோவிலுக்கு வரும் பக்தர்களின் எண்ணிக்கையை குறைக்கவே செல்போன் தடையா?

 

கோவில்களில் செல்போனுக்கு தடை தொடர்பாக பரவும் தவறான தகவல்!

பரவும் செய்தி

“கோவிலுக்கு வரும் பக்தர்களின் எண்ணிக்கையை குறைக்க மட்டுமே செல்போன் தடை விதிக்கப்பட்டுள்ளது” என்று இயக்குநர் மோகன் ஜி தெரிவித்துள்ளார்.

உண்மை என்ன?

மாண்பமை சென்னை உயர்நீதிமன்ற மதுரை கிளை 2022-ஆம் ஆண்டு அளித்த தீர்ப்பின்படி, கோவில்களின் கண்ணியம் மற்றும் புனிதத்தன்மையை பேணும் வகையில், தமிழகத்தில் உள்ள அனைத்து கோவில்களிலும் செல்போன் பயன்பாட்டை தடுக்க வேண்டும், செல்போன்களுக்கான பாதுகாப்பு மையங்களை (Safety Deposit Counters ) அமைக்க வேண்டும் என்று இந்து சமய அறநிலையத்துறைக்கு உத்தரவிட்டுள்ளது. நீதிமன்ற உத்தரவின்படி, முதற்கட்டமாக 52 முதுநிலைத் திருக்கோயில்களில் மட்டும் செல்போன்களை எடுத்துச் செல்வதற்கான தடை செயல்படுத்தப்பட்டுள்ளது.

தவறான தகவலை பரப்பாதீர்!

கொடுமுடி மகுடேஸ்வரர் கோயில் வரலாறும், சிறப்புகளும்

 

கொடுமுடி மகுடேஸ்வரர் கோயில் வரலாறும், சிறப்புகளும்

நம் ஜாதகத்தில் இருக்கும் தோஷங்கள் நீங்கவும், பித்ரு தோஷம், நாக தோஷம் உள்ளிட்ட பல்வேறு தோஷங்கள் நீங்கவும் மன நோய்களை நீக்கி மனஅமைதி தரும் தலமாக உள்ளது கொடுமுடி மகுடேஸ்வரர் ஆலயம். கொடுமுடி மகுடேஸ்வரரை வழிபட்டால் சகல பிணிகளும் நீங்கும், பேய், பிசாசு, பில்லி சூன்யம் போன்ற பாதிப்புகளும் விலகும் என்பது நம்பிக்கை.

மலையத்துவச பாண்டியனின் மகனுக்கு பிறவியிலேயே விரல்கள் சரியாக வளராமல் இருந்தன. கொடுமுடிநாதரிடம் வேண்டியபின் இக்குறை தீர்ந்தது. எனவே பாண்டியன் இக்கோவிலுக்கு மூன்று கோபுரங்களையும், மண்டபங்களும் கட்டி, பல திருப்பணிகளைச் செய்தான். பாண்டிய மன்னனால் திருப்பணிகள் செய்யப் பெற்றதால் இத்தலம் பாண்டிக்கொடுமுடி ஆயிற்று.

இன்றைக்கு பல பேருக்கு திருமணம் நடைபெறாமல் தடை ஏற்படுகிறது. சிரமப்பட்டு திருமணம் நடைபெற்றாலும் புத்திரபாக்கியம் கிடைப்பதில் சிரமம் ஏற்படுகிறது. ராகு கேது தோஷம் திருமணம், புத்திர பாக்கிய தடையைத் தருகிறது. இந்த தோஷங்களும் தடைகளும் நீங்க சிறந்த பரிகார தலமாக உள்ளது கொடுமுடி மகுடேஸ்வரர் ஆலயம்.

சிவன், பிரம்மா, விஷ்ணு:

இது சிவன், பிரம்மா, திருமால் ஆகிய மும்மூர்த்திகளும் கோவில் கொண்டிருக்கும் ஒரே ஆலயமாக இது விளங்குகிறது. திருவண்ணாமலையில் மலையே சிவனாக இருப்பதாக ஐதீகம். அதுபோல இங்கு மலையின் முடியே சிவலிங்கமாக காட்சியளிப்பதால், இது கொடுமுடி என்று அழைக்கப்படுகிறது. இங்கு எழுந்தருளியுள்ள சிவபெருமானை மகுடேஸ்வரர் என்று அழைக்கிறார்கள். இத்தல இறைவன் சுயம்பு மூர்த்தியாவார்.

தல வரலாறு

மகுடேஸ்வரரின் திருக்கல்யாணத்தைக் காண்பதற்காக, படைப்புக் கடவுளான பிரம்மதேவனும், காக்கும் கடவுளான திருமாலும் இந்தத் திருத்தலத்திற்கு வந்ததாக தல வரலாறு சொல்கிறது. ஒரு முறை ஆதிசேஷனுக்கும், வாயு பகவானுக்கும், தங்களில் யார் பெரியவர்? என்ற போட்டி எழுந்தது. அவர்கள் தங்கள் பலத்தை நிரூபிக்க மேரு மலையை கையாண்டனர். 

ஆதிசேஷன் மேரு மலையை சுற்றி வளைத்துக் கொள்ள, வாயு பகவான் தனது வேகத்தால் ஆதிசேஷனிடமிருந்து மேரு மலையை விடுவிக்க முயற்சித்தார். இந்த போட்டியில் மேரு மலை சிறு சிறு துண்டுகளாகி, நாலா பக்கமும் சிதறியது. அவை ஒவ்வொன்றும் சிவலிங்கமாக மாறியது. அப்படி உருவானதே கொடுமுடி மகுடேஸ்வரர் கோவில் என்று சொல்லப்படுகிறது.

அமுதபுரி ஆலயம்

பிரம்மன் இந்த தலத்துக்கு வந்து வழிபட்டதால் ‘பிரம்மபுரி' என்றும், திருமால் பூஜித்ததால் ‘அரிகரபுரம்' என்றும், கருடன் இத்தல இறைவனை பூஜித்து தேவலோகம் சென்று அமுதம் கொண்டு வந்ததால் ‘அமுதபுரி' என்றும் இந்த தலத்துக்கு பல பெயர்கள் உள்ளன.

திருமண வரம் கிடைக்கும்

வடக்கிலிருந்து தெற்காக ஓடிவரும் காவிரி நதி கொடுமுடி சிவஸ்தலத்தில் கிழக்கு நோக்கி திரும்பி ஓடுகிறது. காவிரி நதியின் மேற்குக் கரையில் கொடுமுடிநாதர் கோவில் அமைந்துள்ளது. கொடுமுடியில் இருந்துதான் காவிரி கிழக்கு நோக்கி திரும்பி பாய்ந்து செல்கிறது. 

இந்த ஆற்றில் பக்தர்கள் புனித நீராடியபின் கோவிலுக்கு செல்வது வழக்கமாக உள்ளது. தோஷங்கள் நீக்கும் தலமாகவும் இது விளங்குகிறது. இந்தக் கோவிலில் வேப்பமரமும், அரச மரமும் இணைந்துள்ள மரத்தடியில் விநாயகர் வீற்றிருக்கிறார். இவருக்கு காவிரியில் இருந்து தண்ணீர் கொண்டு வந்து அபிஷேகம் செய்து வழிபட்டால் திருமண வரமும் குழந்தை வரமும் கிடைக்கும் என்பது நம்பிக்கையாக உள்ளது.

ஆலய வழிபாடு:

கிழக்குப் பார்த்து அமைந்துள்ள இக்கோவில் சுமார் 640 அடி நீளமும், சுமார் 484 அடி அகலமும் உடையதாய் அமைந்திருக்கிறது. இக்கோவிலில் மும்மூர்த்திகளான சிவன், விஷ்ணு, பிரம்மா ஆகிய மூவருக்கும் தனித்தனி கோபுரங்களும், தனித்தனி சந்நிதிகளும் அமைந்துள்ளன. 

இக்கோவிலுக்கு மூன்று வாயில்கள் கிழக்குப் பக்கம் அமைந்துள்ளன. நடு கோபுர வாயில் வழியாக உள்ளே சென்றால் விஷ்ணு மற்றும் பிரம்மாவின் சந்நிதிகளுக்குச் செல்லலாம். நடு வாயிலுக்கு வடபுறம் உள்ள கோபுர வாயில் வழியாக உள்ளே சென்றால் மூலவர் கொடுமுடிநாதர் சந்நிதிக்குச் செல்லலாம். நடு வாயிலுக்கு தென்புறம் உள்ள கோபுர வாயில் வழியாக இறைவி வடிவுடை நாயகியின் சந்நிதிக்குச் செல்லலாம்.

சுயம்பு லிங்கம்:

இக்கோவிலில் உள்ள சிவலிங்கம் சுயம்பு லிங்கம் ஆகும். குட்டையான சிவலிங்கத்தின் ஆவடையார் சதுர வடிவில் உள்ளது. பாணத்தின் மீது விரல் தடயங்களைக் காணலாம். அகத்தியர் இத்தல இறைவனை பூஜை செய்தபோது ஏற்பட்ட விரல் தடயங்கள் என்பது ஐதீகம். 

மூலவர் சந்நிதி கோஷ்டங்களில் நர்த்தன விநாயகர், தட்சிணாமூர்த்தி, மகாவிஷ்ணு, பிரம்மா, துர்க்கை ஆகியோரைக் காணலாம். சுவாமி சந்நிதிக்கு வலதுபுறம் அம்பாள் சந்நிதி அமைந்துள்ளது. இதுபோன்று அமைந்துள்ள தலங்கள் கல்யாண தலங்கள் என்று போற்றப்படும். 

அம்பாள் சந்நிதி உட்பிரகாரத்தில் வல்லப கணபதி, சோழீஸ்வரர், விஸ்வேசர், காசி விஸ்வநாதர், விசாலாட்சி, சப்தமாதர்கள் ஆகியோரை தரிசிக்கலாம். அம்பாள் சந்நிதியில் சரஸ்வதிக்கும் தனி சந்நிதி உள்ளது.

பிரம்மா:

இங்குள்ள வன்னிமரம் சுமார் 2 ஆயிரம் ஆண்டுகள் பழமையானது. சிலர் இந்த மரம் அதையும் விட பழமையானது, இதன் வயதை கணக்கிட முடியவில்லை என்றும் சொல்கிறார்கள். வன்னி மரத்தடியில் பிரம்மாவின் சந்நிதி உள்ளது. 

இந்த வன்னி மரத்தின் ஒரு பகுதியில் முட்களும், மற்றொரு பகுதி முட்கள் இல்லாமலும் உள்ளது. ஆண் மரமாக கருதப்படும் இந்த வன்னி மரத்தில் பூக்கள் பூப்பதில்லை, காய்கள் காய்ப்பதில்லை என்பது சிறப்பம்சம். 

இந்த மரத்தின் இலையை தண்ணீரில் போட்டால் எவ்வளவு நாட்களானாலும் தண்ணீர் கெடுவதில்லை. பழநி பங்குனி உத்திர விழாவிற்கு தீர்த்தக்காவடி கொண்டு செல்லும் போது காவிரி தீர்த்தத்தில் இந்த இலைகளை போட்டுத் தான் பக்தர்கள் பாதயாத்திரையாக கொண்டு செல்கிறார்கள்.

மகாலட்சுமி அருள்:

பிரம்மாவின் கோவிலுக்கு வடமேற்கில் பெருமாள் கோவில் உள்ளது. இங்குள்ள பெருமாளின் பெயர் பள்ளிகொண்ட பெருமாள் மற்றும் வீரநாரயண பெருமாள். பெருமாள் கோவிலுக்கு வெளியே திருமங்கை நாச்சியாருக்கும், ஹனுமானுக்கும் சந்நிதிகள் இருக்கின்றன. இக்கோவிலில் உள்ள பிரம்மாவும், பெருமாளும் சிவபெருமானை வழிபடுவதாக ஐதீகம்.

மன நோய் தீர்க்கும் ஆலயங்கள்:

காவிரி நதி, வன்னிமரம் அருகிலுள்ள தேவ தீர்த்தம், பாரத்வாஜ தீர்த்தம், மடப்பள்ளிக்கு அருகிலுள்ள பிரம்ம தீர்த்தம் ஆகியவை இக்கோவிலின் தீர்த்தங்களாகும். காவிரி மற்றும் தேவ தீர்த்தத்தில் நீராடி, இறைவனையும், மகா விஷ்ணுவையும் வழிபட பிணிகளும், பேய், பிசாசு, பில்லி சூன்யம் போன்ற குற்றங்களும், மனநோயும் நீங்கும்.

நாக தோஷங்கள் நீங்கும்:

ஆதிசேஷனால் உருவான ஆலயம் என்பதால், இங்கு நாகர் வழிபாடு மிகவும் விசேஷம். இந்த ஆலயத்தைச் சுற்றிலும் நாகர் சிலைகள் பிரதிஷ்டை செய்வது தற்போதும் நடைபெற்று வருகிறது. வேண்டுதல் நிறைவேற வேண்டும் என்பதற்காக பக்தர்கள் இதுபோன்று செய்கிறார்கள். 

இந்த ஆலயத்தில் ராகு-கேதுவால் பாதிக்கப்பட்டவர்கள் வழிபாடு செய்தால், அந்த தோஷங்கள் விரைவில் நீங்கும். மேலும் திருமணத் தடை உள்ளவர்களும் இங்கு வந்து வழிபடுகிறார்கள். குழந்தைப் பேறு கிடைக்கவும் வழிபடுபவர்களின் எண்ணிக்கை ஏராளம். நாக தோஷம் இருப்பவர்கள், வன்னி மரத்தடியில் கல்லால் செய்யப்பட்ட நாகரை பிரதிஷ்டை செய்ய வேண்டும்.

எங்கு எப்படி செல்வது:

திருஞானசம்பந்தர், திருநாவுக்கரசர், சுந்தரர் ஆகிய 3 பேராலும் பாடப்பட்ட இந்த ஆலயம், தேவாரப் பாடல்கள் பெற்ற 274 சிவாலயங்களில், 210-வது திருத்தலமாகத் திகழ்கிறது. கரூர் - ஈரோடு தேசிய நெடுஞ்சாலையில் கொடுமுடி உள்ளது. கோவிலின் அருகிலேயே ரயில் நிலையம் அமைந்து உள்ளதால், வெளியூர் மற்றும் வெளிமாநில பக்தர்கள் எளிதாக வந்து செல்லலாம்.

 

அண்ணாமலையார் கோயிலுக்குள் செப்டம்பர் 1 முதல் செல்போன்களை உள்ளே எடுத்துச் செல்ல தடை

 

திருவண்ணாமலை அண்ணாமலையார் கோயிலில் வரும் செப்டம்பர் 1ம் தேதி முதல் பக்தர்கள் செல்போன்களை உள்ளே எடுத்துச் செல்ல தடை

பக்தர்கள் வசதிக்காக 5 இடங்களில் கட்டண பாதுகாப்பு அறைகள் அமைப்பு

இன்றைய 𝟭𝟵-𝟬𝟱-𝟮𝟬𝟮𝟲 ராசி பலன்கள் , நட்சத்திர பலன்கள்

 இன்றைய 𝟭𝟵•𝟬𝟱•𝟮𝟬𝟮𝟲  ராசி பலன்கள் , நட்சத்திர பலன்கள்

*_🔯 மேஷம் -ராசி: 🐐_*

மறைமுக எதிர்ப்புகளை அறிந்துகொள்வீர்கள். வெளியூர் தொடர்பான பயண செயல்பாடுகளில் மாற்றங்கள் காணப்படும். இயந்திரம் தொடர்பான பணிகளில் புதிய ஒப்பந்தம் சாதகமாகும். எந்த ஒரு சூழ்நிலையை சமாளிக்க முடியும் என்ற தன்னம்பிக்கை அதிகரிக்கும். வீட்டிற்கு தேவையான புதிய பொருட்களை வாங்குவீர்கள். பாகப்பிரிவினை தொடர்பான எண்ணங்கள் ஈடேறும்.

💠அதிர்ஷ்ட திசை : தென்மேற்கு

💠அதிர்ஷ்ட எண் : 7

💠அதிர்ஷ்ட நிறம் : சந்தன நிறம்.

⭐️அஸ்வினி : மாற்றங்கள் ஏற்படும்.

⭐️பரணி : தன்னம்பிக்கை அதிகரிக்கும்.

⭐️கிருத்திகை : எண்ணங்கள் ஈடேறும்.

*◄•━━━━━━━━━━━━━━•►*

*_♉ ரிஷபம் - ராசி: 🐂_*

உத்தியோக ரீதியான வெளிவட்டார நட்புகள் அதிகரிக்கும். பார்வை தொடர்பான இன்னல்கள் குறையும். கணவன் மனைவிக்கிடையே புரிதல் உண்டாகும். மற்றவர்களின் தேவைகளை அறிந்து நிறைவேற்றுவீர்கள். துரிதமான செயல்பாடுகள் மூலம் எண்ணங்களை நிறைவேற்றிக் கொள்வீர்கள். பேச்சுகள் மூலம் புதிய வாய்ப்புகள் கிடைக்கும்.

💠அதிர்ஷ்ட திசை : தெற்கு

💠அதிர்ஷ்ட எண் : 6

💠அதிர்ஷ்ட நிறம் : வெண்மை நிறம்.

⭐️கிருத்திகை : நட்புகள் அதிகரிக்கும்.

⭐️ரோகிணி : புரிதல் உண்டாகும்.

⭐️மிருகசீரிஷம் : வாய்ப்புகள் கிடைக்கும்.

*◄•━━━━━━━━━━━━━━•►*

*_♊ மிதுனம்- ராசி: 🤼‍♀‍_*

பெற்றோர் வழியில் அனுசரித்து செல்லவும். விதண்டாவாத பேச்சுகளை தவிர்க்கவும். கல்வியில் ஏற்ற இறக்கமான சூழல் உண்டாகும். நண்பர்களிடம் எதிர்பார்த்த சில உதவிகள் தாமதமாகும். புதிய முயற்சிகளில் சிந்தித்து செயல்படவும். அக்கம் பக்கம் இருப்பவர்களிடம் விட்டுக்கொடுத்து செல்லவும். உயர் அதிகாரிகளிடம் விவேகத்துடன் செயல்படவும்.

💠அதிர்ஷ்ட திசை : மேற்கு

💠அதிர்ஷ்ட எண் : 4

💠அதிர்ஷ்ட நிறம் : வெள்ளி நிறம்.

⭐️மிருகசீரிஷம் : அனுசரித்து செல்லவும்.

⭐️திருவாதிரை : உதவிகள் தாமதமாகும்.

⭐️புனர்பூசம் : விவேகத்துடன் செயல்படவும்.

*◄•━━━━━━━━━━━━━━•►*

*_♋ கடகம் - ராசி: 🦀_*

சுற்றி இருப்பவர்கள் பற்றிய புரிதல்கள் உண்டாகும். மனதில் இனம் புரியாத சிந்தனைகள் மூலம் குழப்பங்கள் தோன்றும். தம்பதிகளுக்குள் அனுசரித்து செல்லவும். வாக்குறுதிகள் அளிப்பதை தவிர்க்கவும். தவறிய சில பொருட்கள் பற்றிய தகவல்கள் கிடைக்கும். உயர்கல்வி ரீதியான பயணங்கள் உண்டாகும். வியாபார அபிவிருத்தி உண்டாகும்.

💠அதிர்ஷ்ட திசை : வடக்கு

💠அதிர்ஷ்ட எண் : 8

💠அதிர்ஷ்ட நிறம் : சிவப்பு நிறம்.

⭐️புனர்பூசம் : புரிதல்கள் உண்டாகும்.

⭐️பூசம் : அனுசரித்து செல்லவும்.

⭐️ஆயில்யம் : அபிவிருத்தி உண்டாகும்.

*◄•━━━━━━━━━━━━━━•►*

*_♌ சிம்மம் - ராசி: 🦁_*

எதிலும் தனித்தன்மையுடன் செயல்படுவீர்கள். உடன்பிறந்தவர்கள் ஆதரவாக இருப்பார்கள். சமூகப் பணிகளில் ஆர்வம் உண்டாகும். செயல்பாடுகளில் இருந்து வந்த சோர்வுகள் குறையும். சேமிப்பு சார்ந்த சிந்தனைகள் மேம்படும். நெருக்கமானவர்களின் தேவைகளை நிறைவேற்றுவீர்கள். வியாபாரம் நிமித்தமான உதவிகள் கிடைக்கும்.

💠அதிர்ஷ்ட திசை : கிழக்கு

💠அதிர்ஷ்ட எண் : 7

💠அதிர்ஷ்ட நிறம் : மஞ்சள் நிறம்.

⭐️மகம் : ஆதரவான நாள்.

⭐️பூரம் : சோர்வுகள் குறையும்.

⭐️உத்திரம் : உதவிகள் கிடைக்கும்.

*◄•━━━━━━━━━━━━━━•►*

*_♍ கன்னி - ராசி: 👩_*

உடன்பிறந்தவர்களிடம் அனுசரித்து செல்லவும். மனதிற்கு பிடித்த பொருட்களை வாங்குவீர்கள். வெளிவட்டார தொடர்புகள் அதிகரிக்கும். கோபமான பேச்சுக்களை குறைத்துக் கொள்வது நல்லது. இனம் புரியாத சிந்தனைகளால் மனப்போராட்டம் மேம்படும். வியாபார வளர்ச்சிக்கான முயற்சிகள் அதிகரிக்கும்.

💠அதிர்ஷ்ட திசை : தென்கிழக்கு

💠அதிர்ஷ்ட எண் : 5

💠அதிர்ஷ்ட நிறம் : சாம்பல் நிறம்.

⭐உத்திரம் : அனுசரித்து செல்லவும்.

⭐அஸ்தம் : பேச்சுக்களில் கவனம்.

⭐சித்திரை : முயற்சிகள் அதிகரிக்கும்.

*◄•━━━━━━━━━━━━━━•►*

*_♎ துலாம் - ராசி: ⚖_*

திட்டமிட்ட காரியங்களில் சாதகமான பலன்கள் கிடைக்கும். எதிர்பாலின மக்களால் நன்மை உண்டாகும். உடன் பிறந்தவர்கள் ஒத்துழைப்பாக இருப்பார்கள். உத்தியோகத்தில் உயர்வான சூழல் ஏற்படும். புதிய துறை சார்ந்த எண்ணங்கள் அதிகரிக்கும். தர்ம காரியங்களில் ஈடுபாடு ஏற்படும்.

💠அதிர்ஷ்ட திசை : தெற்கு

💠அதிர்ஷ்ட எண் : 3

💠அதிர்ஷ்ட நிறம் : மஞ்சள் நிறம்.

⭐சித்திரை : சாதகமான நாள்.

⭐சுவாதி : உயர்வு உண்டாகும்.

⭐விசாகம் : ஈடுபாடு ஏற்படும்.

*◄•━━━━━━━━━━━━━━•►*

*_♏ விருச்சிகம் - ராசி: 🦂_*

சமூகப் பணிகளில் விவேகம் வேண்டும். உத்தியோகப் பணிகளில் பொறுப்புகள் அதிகரிக்கும். வியாபார பணிகளில் அழுத்தங்கள் அதிகரிக்கும். புதிய கொள்முதல்களில் கவனம் வேண்டும். அக்கம் பக்கம் இருப்பவர்களிடம் அனுசரித்து செல்லவும். சமூகப் பணிகளில் விவேகத்துடன் செயல்படவும். அரசு சார்ந்த செயல்களில் பொறுமையுடன் செயல்பட வேண்டும்.

💠அதிர்ஷ்ட திசை : வடக்கு

💠அதிர்ஷ்ட எண் : 6

💠அதிர்ஷ்ட நிறம் : அடர் பச்சை நிறம்.

⭐விசாகம் : விவேகம் வேண்டும்.

⭐அனுஷம் : கவனம் வேண்டும்.

⭐கேட்டை : பொறுமை வேண்டும்.

*◄•━━━━━━━━━━━━━━•►*

*_♐ தனுசு - ராசி:  🏹_*

சில முடிவுகளை தன்னம்பிக்கையுடன் எடுப்பீர்கள். தேவைக்கு உகந்த வரவுகள் கிடைக்கும். உங்கள் கருத்துக்களுக்கு மதிப்புகள் உயரும். நண்பர்கள் வழியில் ஆதரவுகள் கிடைக்கும். தொழில் ரீதியான இழுபறியான வரவுகள் கிடைக்கும். குடும்பத்தில் சுபசெலவுகள் உண்டாகும். சகோதரிகள் மூலம் அனுகூலம் கிடைக்கும்.

💠அதிர்ஷ்ட திசை : தெற்கு

💠அதிர்ஷ்ட எண் : 8

💠அதிர்ஷ்ட நிறம் : நீல நிறம்.

⭐மூலம் : வரவுகள் கிடைக்கும்.

⭐பூராடம் : ஆதரவுகள் கிடைக்கும்.

⭐உத்திராடம் : அனுகூலம் கிடைக்கும்.

*◄•━━━━━━━━━━━━━━•►*

*_♑ மகரம் - ராசி: 🦌_*

அலுவலகத்தில் உயர் அதிகாரிகளின் ஆதரவுகள் கிடைக்கும். வியாபாரம் ரீதியான பிரச்சனைகளில் தெளிவுகள் பிறக்கும். வழக்குகளில் சில மாற்றங்கள் ஏற்படும். எதிர்பார்த்த சில வேலைகள் சாதகமாகும். தன வரவுகள் மேம்படும். புதிய வாகனம் வாங்குவதற்கான வாய்ப்புகள் அமையும். அரசால் ஆதாயம் ஏற்படும்.

💠அதிர்ஷ்ட திசை : தென்மேற்கு

💠அதிர்ஷ்ட எண் : 4

💠அதிர்ஷ்ட நிறம் : ஆரஞ்சு நிறம்.

⭐உத்திராடம் : ஆதரவுகள் கிடைக்கும்.

⭐திருவோணம் : மாற்றங்கள் ஏற்படும்.

⭐அவிட்டம் : ஆதாயம் ஏற்படும்.

*◄•━━━━━━━━━━━━━━•►*

*_♒  கும்பம் - ராசி: 🍯_*

சேமிப்பு குறித்த சிந்தனைகள் மேம்படும். வெளியூர் பயணம் சார்ந்த செயல்களில் கவனம் வேண்டும். உடன்பிறந்தவர்களின் எண்ணங்களை புரிந்து கொள்வீர்கள். வியாபார நிமித்தமான முயற்சிகள் கைகூடும். பொருளாதாரத்தில் ஏற்ற இறக்கமான சூழ்நிலைகள் ஏற்படும். வியாபார பணிகளில் கூடுதல் லாபங்கள் உண்டாகும்.

💠அதிர்ஷ்ட திசை : மேற்கு

💠அதிர்ஷ்ட எண் : 6

💠அதிர்ஷ்ட நிறம் : பச்சை நிறம்.

⭐அவிட்டம் : செயல்களில் கவனம்

⭐சதயம் : முயற்சிகள் கைகூடும்.

⭐பூரட்டாதி : லாபகரமான நாள்.

*◄•━━━━━━━━━━━━━━•►*

*_♓ மீனம் - ராசி:  🐟_*

பெரியோர்களின் கருத்துக்களால் மனதில் மாற்றம் பிறக்கும். புதிய முயற்சிகளில் சிந்தித்து செயல்படுவீர்கள். மக்கள் பணிகளில் இருப்பவர்களுக்கு மேன்மை ஏற்படும். முக்கிய பிரமுகர்களின் அறிமுகமும் ஆதாயமும் கிடைக்கும். தாய் வழி உறவுகளால் மகிழ்ச்சியான சூழல் ஏற்படும். உடன் இருப்பவர்கள் பற்றிய புரிதல்கள் மேம்படும்.

💠அதிர்ஷ்ட திசை : மேற்கு

💠அதிர்ஷ்ட எண் : 3

💠அதிர்ஷ்ட நிறம் : அடர் மஞ்சள் நிறம்.

⭐பூரட்டாதி : மாற்றம் பிறக்கும்.

⭐உத்திரட்டாதி : மேன்மை ஏற்படும்.

⭐ரேவதி : புரிதல்கள் மேம்படும்.

*┈┉┅━•• 🔔🔔🔔••━┅┉┈*

திருவட்டாறு ஆதிகேசவ பெருமாளின் அதிசயம்

 

ஒரே சிற்பத்தில் 1,60,008 சாளக்ராம கற்கள் – திருவட்டாறு ஆதிகேசவ பெருமாளின் அதிசயம்!

 கன்னியாகுமரி மாவட்டத்தில் அமைந்துள்ள திருவட்டாறு ஆதிகேசவ பெருமாள் திருக்கோயில், 108 வைணவ திவ்ய தேசங்களில் 76வது திவ்ய தேசமாகப் போற்றப்படுகிறது.

இங்கு அருள்பாலிக்கும் பெருமாள்:

மூலவர் – ஆதிகேசவப் பெருமாள்

தாயார் – மரகதவல்லி நாச்சியார்

தீர்த்தங்கள் – கால்வாய் தீர்த்தம், காட்டாறு, ராம் தீர்த்தம்

இந்த ஆலயம் பல அதிசயங்களையும், புராண மரபுகளையும் தன்னுள் கொண்ட ஒரு அற்புதத் தலம்.

🐍 ஆதிகேசவன் என்ற பெயரின் பின்னணி

இத்தலத்தின் பெருமாள் “ஆதிகேசவன்” என அழைக்கப்படுவதற்கு ஒரு புராணக் காரணம் உண்டு.

பண்டைய காலத்தில் கேசன் என்ற கொடூர அசுரன் வாழ்ந்தான். அவன் பிரம்மாவிடம் இருந்து “மரணம் இல்லாதவன்” என்ற வரத்தைப் பெற்றிருந்தான். அந்த வரத்தால்: தேவர்களை கொடுமைப்படுத்தினான்

சூரியன், சந்திரனையும் அவமதித்தான். உலகில் அநீதியை வளர்த்தான்

அவனது சகோதரி கேசி, இந்திரனை மணக்க விரும்பினாள். இந்திரன் மறுத்ததால் கோபமுற்ற கேசி, தன் சகோதரனிடம் பொய்யான குற்றச்சாட்டைச் சொன்னாள். இதனால் கோபம் கொண்ட கேசன், இந்திரனையே தோற்கடித்தான்.

⚔ கேசனை வெல்ல முடியாத பெருமாள்

அசுரனின் கொடுமையை தாங்க முடியாத தேவர்கள் மகாவிஷ்ணுவிடம் சரணடைந்தனர். பெருமாள் கேசனுடன் போர் புரிந்தார். ஆனால் அவனுக்கு மரணமற்ற வரம் இருந்ததால், அவனை அழிக்க இயலவில்லை.

அப்போது பராசக்தி விஷ்ணுவிடம் கூறினாள்:“கேசனை நேரடியாக வீழ்த்த முடியாது. ஆதிசேஷன் அவனைச் சுற்றி அணையாக மடக்கட்டும்.

நீ அதன் மேல் சயனிக்க வேண்டும்.” 

அதன்படி:ஆதிசேஷன் கேசனைச் சுற்றி வளைத்து அடக்கினான் அதன் மேல் பெருமாள் பள்ளிகொண்டார் . அந்தக் கோலமே இன்றைய திருவட்டாறு ஆதிகேசவன்.

🌊 கங்கையின் தாக்குதல் – பூதேவியின் அருள் கேசனின் சகோதரி கேசி, பெருமாளை அழிக்க நினைத்து கங்கையை வேண்டினாள். கங்கை இரு கிளைகளாகப் பிரிந்து, ஆதிகேசவனை அழிக்கப் பாய்ந்துவந்தது.

அப்போது பூதேவி பெருமாள் இருந்த தலத்தை உயர்த்தினாள்.

அதனால் அந்த நீர் ஓட்டம் தலத்தை ஒன்றும் செய்ய முடியாமல்,

இரு நதிகளாகப் பிரிந்து ஓடத் தொடங்கின. அந்த நதிகளே இன்று: கோதையாறு , பரளியாறு

இரு நதிகளால் சூழப்பட்டதால் இந்த ஊர் “திருவட்டாறு” என அழைக்கப்பட்டது.

🛕 ஆலயத்தின் தனிச்சிறப்புகள்

இந்த ஆலயம் தரைமட்டத்திலிருந்து 16 அடி உயரத்தில் அமைந்துள்ளது

நம்மாழ்வார் காலத்தில் சிறிய கோயிலாக இருந்தது . காலப்போக்கில் மிகப்பெரிய திருக்கோயிலாக வளர்ந்தது

108 திவ்ய தேசங்களில், அளவில் மிகப்பெரிய பெருமாள் திருமேனி இங்குதான் உள்ளது.

🪨 1,60,008 சாளக்ராம கற்கள் – அபூர்வ அதிசயம்

இந்த ஆலயத்தின் மிகப்பெரிய அதிசயம்:

👉 பெருமாளின் திருமேனி முழுவதும் 1,60,008 சாளக்ராம கற்களை இணைத்து உருவாக்கப்பட்டது!

பெருமாளின் நீளம் – 22 அடி

உலகிலேயே இத்தகைய அமைப்பு வேறு எங்கும் இல்லை . மூன்று வாசல்கள் வழியாக மட்டுமே தரிசனம் செய்ய முடியும் . 

ஒரு வழியில் திருமுகம்

மற்றொரு வழியில் திருக்கரம்

இன்னொரு வழியில் திருப்பாதம்

கருவறையில்:

ஸ்ரீதேவி , பூதேவி ,கருடன் ,சூரியன் , பஞ்சாயுத புருஷர்கள் , மது, கைடபர்கள் என பல தெய்வீக உருவங்கள் காணப்படுகின்றன.

சிரசின் அருகே ஹாதலேய மகரிஷி மண்டியிட்டு நிற்கும் சிற்பமும் உள்ளது.

🙏 மறுபிறவி இல்லாத தரிசனம்

இந்த ஆலயத்தில் பெருமாளின் நாபியில் பிரம்மா இல்லை. எனவே, இத்தலப் பெருமாளை மனமுருகி தரிசித்தால்: 👉 மறுபிறவி கிடையாது என்பது பக்தர்களின் ஆழ்ந்த நம்பிக்கை.

☀ சூரியக் கதிர்களின் அற்புதம்

ஆண்டில் இரண்டு காலங்களில்:

பங்குனி மாதம் 3 முதல் 9 வரை

புரட்டாசி மாதம் 3 முதல் 9 வரை

சூரியக் கதிர்கள் நேராக மூலவரின் மீது பட்டு தரிசனம் தரும் அதிசயம் நடைபெறுகிறது.

🛐 தனித்துவமான வழிபாட்டு முறை

இந்தக் கோயிலின் மற்றொரு தனிச்சிறப்பு: இங்கு பூஜைகள் பிராமணர்களால் செய்யப்படுவதில்லை . போத்தியர் சமுதாயத்தினரே பூஜைகள் செய்கின்றனர் . இது பல நூற்றாண்டுகளாக பின்பற்றப்படும் மரபாகும்.

🌅 மேற்கு நோக்கிய அருள்கோலம்

திருவட்டாறு பெருமாள்:

மேற்கு நோக்கி சயனக் கோலத்தில், திருவனந்தபுரம் பத்மநாபரை நோக்கிய நிலையில் அருள்பாலிக்கிறார்.

மேற்கு நோக்கிய பெருமாளை தரிசிப்பது மிகச் சிறப்பானதாகக் கருதப்படுகிறது.

🏛 கேரள பாணி கட்டிடக்கலை

இந்த ஆலயத்தின் கட்டிட அமைப்பு முழுக்க முழுக்க: மரத்தால் ஆன தூண்கள்

அழகிய கதவுகள் பாரம்பரிய கூரைகள் என கேரள கோயில் கட்டிடக்கலை பாணியில் அமைந்துள்ளது.

🍯 திருக்கோயில் பிரசாதம்

இத்தலத்தின் சிறப்பு பிரசாதங்கள்:

அப்பம் ,பால் பாயசம்

இவை மிகுந்த சுவையுடனும், தெய்வீக மணத்துடனும் வழங்கப்படுகின்றன.

🌸 புராண வரலாறு, கட்டிடக்கலை, ஆன்மீக அதிசயம், அபூர்வ சாளக்ராம திருமேனி என அனைத்தையும் ஒருங்கே கொண்ட புண்ணியத் தலம் – திருவட்டாறு ஆதிகேசவ பெருமாள் கோயில்.

வாழ்வில் ஒருமுறையாவது இத்தலத்தை தரிசிப்பது, பிறவிப் பிணிகளை நீக்கி பேரருள் தரும் என்பது ஐதீகம்.

தைப்பூச ஜோதி தரிசன விழா

தைப்பூச ஜோதி தரிசன விழா

கடலூர் மாவட்டம் வடலூரில் வள்ளலார் நிறுவிய சத்திய ஞான சபையில் 155 வது தைப்பூச ஜோதி தரிசன விழா கோலாகலம்.  

சத்திய ஞான சபையில் 7 திரைகள் நீக்கி ஜோதி தரிசனத்தை கண்டுகளித்த பக்தர்கள்.

ஆண்டாள் நாச்சியார் வரலாறு

 

ஸ்ரீ ஆண்டாள் வரலாறு: 

ஸ்ரீ ஆண்டாள் நாச்சியாரைப் பற்றிப் பார்க்கலாம். 

பல நூறு ஆண்டுகளுக்கு முன் பாண்டிய நாட்டில் ஸ்ரீவில்லிப்புத்தூரில் நந்தவனம் அமைத்து, வடபத்ரசாயி எனப்படும் வடபெருங் கோயிலுடையானுக்குப் பூ மாலைகள் சமர்ப்பித்துக் கைங்கரியம் செய்து வந்தவர் பெரியாழ்வார் . 

குழந்தைப் பேறு இல்லாத அவருக்கு, அவரது நந்தவனத்திலே, ஒரு துளசிச் செடியின் கீழ், ஒரு பெண் குழந்தை கிடைத்தது. 

அன்று திருவாடிப்பூரம். அக்குழந்தைக்குக் கோதை எனப் பெயரிட்டு, சீரும் சிறப்புமாய் வளர்த்து வந்தார் பெரியாழ்வார். 

கோதை என்றால் தமிழில் மாலை என்று பொருள்.  

வடமொழியில் வாக்கைக் கொடுப்பவள் என்று பொருள். 

கோதை சிறு வயதிலேயே கண்ணன்பால் பிரேமை கொண்டு காதல் வசப்பட்டாள். 

தினந்தோறும் பெருமாளுக்குப் பெரியாழ்வார் தொடுக்கும் மாலையைத் தன் கழுத்தில் சூடி அழகு பார்த்து, இப்படிச் சூட்டினால் பெருமாளுக்கு அழகாக இருக்குமா என்று பார்த்து விட்டு, அந்த மாலையைக் கழற்றி வைத்து விடுவாள். 

தினந்தோறும் இவ்வாறு நடந்து வந்தது. 

ஒரு நாள் பெரியாழ்வார் இதைப் பார்த்து விட்டார். 

“இதென்ன அபத்தம்” எனக் கோதையைக் கடிந்து கொண்டு, அன்றைக்குச் கோயிலுக்குப் போகாமலும், எம்பெருமானுக்கு மாலை சூட்டாமலும், தூங்கி விட்டார்.  

அவரது கனவில் பெருமாள் தோன்றி, ‘உன் மகள் சூடிக்களைந்த மாலையே எனக்கு உவப்பானது’ எனக் கூறி மறைந்தார். 

பெரியாழ்வார் வியந்து, தன் மகள், பிராட்டியின் அம்சம் என்று உணர்ந்து போற்றினார். 

கோதை மணப் பருவம் எய்த, 

“மானிடர்க்கென்று பேச்சுப்படில் வாழகில்லேன்” என்று கூறி விட்டாள். 

அத்துடன், திருவரங்கத்துப் பெருமாளையே மணக்க விரும்புவதாகவும் சொல்லி விட்டாள். 

ஶ்ரீமத் பாகவத காலத்தில் விரதம் இருந்து, ஆயர் பெண்கள் கண்ணனை அடைந்ததை எண்ணியும், தமிழர் மரபுப்படி பாவை நோன்பு இருத்தலையும், கருத்தில் கொண்டு திருப்பாவைப் பாடல்களாலேயே பாவை நோன்பு நோற்றார் ஆண்டாள். 

நாச்சியார் திருமொழிப் பாடல்களால் பெருமானுக்குத் தூது விட்டார். 

சூடிக்கொடுத்த சுடர்கொடி நாச்சியார் பாடிக் கொடுத்த நாச்சியாராகவும் ஆனார். 

ஆழ்வாரின் கனவில் மீண்டும் தோன்றிய திருவரங்கத்துப் பெருமான், கோதையைத் தம்மிடம் அழைத்து வரக் கூறினான். 

அதேபோல, பாண்டிய மன்னன் வல்லவதேவனும்,  தன்னிடமும் இறைவன் கனவில் கூறியபடி, ஆண்டாளின் பயணத்துக்கு ஏற்பாடு செய்ய, பெரியாழ்வார் அவளை அழைத்துக்கொண்டு ஸ்ரீரங்கம் சென்றார். 

எல்லோரும் பிரமிப்புடன் பார்த்திருக்க, அரங்கனின் கருவறையை அடைந்து, நேராக உள்ளே சென்று பெருமானின் திருவடி பற்றி அமர்ந்ததும், ஆண்டாள் மறைந்து பகவானுடன் கலந்தாள். 

இங்கே, 

“ஒரு மகள் தன்னையுடையேன், உலகம் நிறைந்த புகழால், திருமகள் போல வளர்த்தேன், செங்கண்மால்தான் கொண்டு போனான்” என்னும் பெரியாழ்வார் திருமொழி (3-8-4) பாசுரம் நினைவு கூறத் தக்கது. 

இது தான் ஆண்டாளின் திருக்கல்யாணம். 

ஆன்மாவான உயிர், இறைவனின் திருவடிகளில் இணைவதைக் குறிப்பதே இது. 

வைணவத்தில் ஆண்டாளுக்கும், திருப்பாணாழ்வாருக்கும் மட்டுமே கிடைத்த பேறு இது. 

பின்னர், பெரியாழ்வார் மற்றும் ஸ்ரீவில்லிபுத்தூர் பெருமக்கள் வேண்ட, “வாரணம் ஆயிரம்” என்ற அன்னையின் கனவுத் திருமணத்தை நனவாக்கி, முறைப்படி திருமணம் புரிந்து கொண்டான் அரங்கன் என்பது வழி வழியான கதை. 

இன்றும் ஸ்ரீ வில்லிபுத்தூரில் ஆண்டாள் நாச்சியாருடன் ஶ்ரீரங்கமன்னார் எழுந்தருளி பக்தர்களைக் காத்தருளுகிறான். 

ஆண்டாளின் பாடல்களின் அகச்சான்றுகளை வைத்து டாக்டர் மு. இராகவன், இவரது காலத்தை ஆராய்ந்திருக்கிறார். 

திருப்பாவை 13-ம் பாசுரத்தில் வரும் ‘வெள்ளி எழுந்து, வியாழம் உறங்கிற்று’ எனும் சொற்றொடரில் இருக்கும் வானவியல் சம்பவத்தை நிபுணர்களுடன் ஆராய்ந்து, அது கி.பி. 885, நவம்பர் மாதம் 25ஆம் தேதி என்று சொல்லியிருக்கிறார் டாக்டர் இராகவன், தமது ‘ஆழ்வார்கள் கால நிலை’ எனும் புத்தகத்தில். 

எனவே ஆண்டாளின் காலம் ஒன்பதாம் நூற்றாண்டு எனக் கொள்ளலாம். 

ஆண்டாளின் பாடல்களின் அமைப்பு, சொல்லாட்சி, பாவை நோன்பு, காதல் முதலியவற்றை ஆராய்ந்தால், இரண்டு விஷயங்கள் தெளிவாகும்.

1. ஒரு பெண்ணால்தான் இத்தனை நளினமான உணர்ச்சிகளை வெளிப்படுத்த முடியும். 

ஆண்டாள் நிஜமானவர் என்பதை அவரது பெண்மை மிளிரும் பாடல்களே அறிவிக்கின்றன.

“அவரைப் பிராயம் தொடங்கி என்றும் ஆதரித்து எழுந்த தட முலைகள் துவரைப் பிரானுக்கே சங்கற்பித்துத் தொழுது வைத்தேன்”.      

  – நாச்சியார் திருமொழி (1-4).

என்ற வரிகளில் மிளிரும் பெண்மையும் காதலும் கவனிக்கத் தக்கது.

2. ஆண்டாள் தமிழில் மிகுந்த புலமை பெற்றிருந்திருக்கிறார்; அவர் தம் தந்தை பெரியாழ்வாரிடம் கற்றிருக்கவேண்டும்.

திருப்பாவை எளிமையானது. 

ஆனால் அதன் யாப்பு கடினமானது. 

’இயற்றரவினை கொச்சக் கலிப்பா’ என அதனை வகைப் படுத்துகிறார்கள். 

கடுமையான பா அமைப்பு அது. 

கடுமையானதொரு யாப்பில், மிக எளிய பாடல்கள் அமைக்கும் திறமை ஒரு சிறிய பெண்ணிடம் இருந்தது என்பது ஒரு மிகப் பெரிய விஷயம்.

இன்றைக்கு நம்மிடம் உள்ள நம் சிறந்த கவிஞர்கள் கூட, திருப்பாவையின் யாப்பமைதியில் பாட்டு எழுதினால், இத்தனை எளிமையாக, அத்துனை அழகாக, கருத்தாழமிக்கதாக அமைப்பது கடினம்.

அவரது நாச்சியார் திருமொழியில், அறுசீர், எழுசீர், ஆசிரிய விருத்தங்கள், கலி விருத்தங்கள், கலிநிலை விருத்தங்கள், கலிநலத்துறை பாடல்கள் என்று எடுத்து, வரிக்கு வரி அதில் உள்ள எழுத்துக்களை, ஒற்றெழுத்து இல்லாமல் எண்ணிப் பார்த்தால், ஒரே எண்ணிக்கையில் வருமாம். நீங்கள் யாராவது இதனை சோதனை செய்துதான் பாருங்களேன்!

boAt Rockerz 255 Pro+, 60HRS Battery, Fast Charge, IPX7, Dual Pairing, Low Latency, Magnetic Earbuds, in Ear Bluetooth Neckband, Wireless with Mic Earphones (Active Black)

https://amzn.to/4qpbtsI

திருச்செந்தூர் முருகன் பற்றிய தகவல்கள்

திருச்செந்தூர் முருகன் பற்றிய  தகவல்கள் :

1. திருச்செந்தூரில் பாலசுப்பிரமணிய சுவாமி, சண்முகர் என்று 2 மூலவர்கள் உள்ளனர். பாலசுப்பிரமணிய சுவாமி கிழக்கு பார்த்தும், சண்முகர் தெற்கு பார்த்தும் அருள்பாலிக்கிறார்கள். 

2. திருச்செந்தூரில் வீரவாகு தேவர் காவல் தெய்வமாக உள்ளார். இதனால் இத்தலத்துக்கு வீரவாகு பட்டினம் என்றும் ஒரு பெயர் உண்டு.

3. திருச்செந்தூர் தலத்தில் தினமும் வீரவாகு தேவருக்கு பூஜை நடத்தப்பட்ட பிறகே மூலவருக்கு பூஜை நடத்தப்படுகிறது.

4. மூலவர் பாலசுப்பிரமணியருக்கு தினமும் தூய வெள்ளை நிற ஆடையே அணிவிக்கப்படுகிறது. சண்முகருக்கு சிறப்பு பச்சை நிற ஆடைகள் அணிவிக்கப்படும்.

5. மூலவருக்கு பின்புறம் சுரங்க அறை உள்ளது. ரூ.5 கட்டணம் செலுத்தி உள்ளே சென்றால் முருகன் பூசித்த பஞ்சலிங்கங்களைக் காணலாம். இந்த அறைக்கு பாம்பறை என்றும் ஒரு பெயர் உண்டு. 

6. திருச்செந்தூர் கோவில் இடது பக்கத்தில் வள்ளிக்குகை உள்ளது. இந்த குகைக்கு முன்புள்ள சந்தன மலையில் தொட்டில் கட்டினால் குழந்தை பாக்கியம் விரைவில் கிடைக்கும். 

7. திருச்செந்தூர் தலத்தில் சண்முகர், ஜெயந்தி நாதர், குமரவிடங்கர், அலைவாய் பெருமான் என நான்கு உற்சவர்கள் உள்ளனர். இவர்களில் குமரவிடங்கரை மாப்பிள்ளை சுவாமி என்று அழைக்கிறார்கள். 

8. திருச்செந்தூர் கோவில் கோபுரம் 17-ம் நூற்றாண்டில் கட்டப்பட்டது. 9 அடுக்குகளை கொண்ட இந்த கோபுரம் 157 அடி உயரம் கொண்டது. 

9. திருச்செந்தூர் முருகனே போற்றி என்ற தலைப்பில் அருணகிரி நாதர் 83-திருப்புகழ் பாடி உள்ளார். இந்த பாடல்களை பக்தி சிரத்தையுடன் பாடினால் பாவங்கள் நீங்கும் என்பது ஐதீகம். 

10. திருச்செந்தூர் கோவில் வடிவம், பிரணவ மந்திரமான ஓம் எனும் வடிவில் அமைந்துள்ளது. 

11. மூலவருக்கு பக்தர்கள் கட்டணம் செலுத்தி தங்க அங்கி அணிவித்து வழிபடலாம். இந்த வழிபாட்டின் போது முருகருக்கும், பரிகார தெய்வங்களுக்கும் தங்க அங்கி, வைர வேல் அணிவிக்கப்படும்.

12. திருச்செந்தூர் கோவிலில் உள்ள சண்முக விலாசம் எனும் மண்டபம் 120 அடி உயரமும், 60 அடி அகலமும் கொண்டது. 124 தூண்கள் இதை தாங்குகின்றன. 

13. திருச்செந்தூர் கோவில் மூலவர் முன் உள்ள இடம் மணியடி எனப்படுகிறது. இங்கு நின்று பாலசுப்பிரமணியரை தரிசிப்பது சிறப்பானதாகக் கருதப்படுகிறது. 

14. நாழிக்கிணறு 24 அடி ஆழத்தில் உள்ளது. இங்கு நீராடிய பிறகே கடலில் நீராட வேண்டும் என்பது ஐதீகம். 

15. திருச்செந்தூர் கோவில் திருப்பணிக்காக மவுனசாமி, காசிநாத சுவாமி, ஆறுமுகசாமி மூவரும் தங்கள் வாழ்நாளை அர்ப்பணித்தனர். அவர்களது சமாதி நாழிக்கிணறு அருகே உள்ளது. 

16. தமிழகத்தில் முதன் முதலில் நாகரீகம் தோன்றிய நகரங்களுள் திருச்செந்தூரும் ஒன்று. 

17. முருகப் பெருமானோடு போரிட்ட படை வீரர்கள் அய்யனார்கள் என்று அழைக்கப்பட்டார்கள். 

18. திருச்செந்தூர் கோவில் இரண்டாயிரம் ஆண்டுகளுக்கு முன்பிருந்தே நிலைபெற்று இருப்பதாக வரலாற்று ஏடுகள் கூறுகின்றன.

19. இத்திருத்தலம் மன்னார் வளைகுடாக் கடலின் கரையோரத்தில், அலைகள் தழுவ அமைந்திருப்பதால், அலைவாய் என்று அழைக்கப்பட்டது. பின்னர், திரு என்றும் அடைமொழி சேர்க்கப்பட்டு, ‘திருச்சீரலைவாய்’ என்று அழைக்கப்படுகின்றது. 

20. இக்கோயிலுக்குச் செல்லும் வழியில், தூண்டுகை விநாயகர் கோவில் உள்ளது. இவ்விநாயகரை வணங்கிய பின்னர்தான் முருகப் பெருமானை வணங்கச் செல்ல வேண்டும். 

21. இத்திருக்கோயிலில் பன்னிரு சித்தர்களில் எட்டுச் சித்தர்கள் சமாதியாகி உள்ளதாகக் கூறப்படுகின்றது. 

22. முருகப்பெருமானின் வெற்றி வேல் மாமரமாக மாறி நின்ற சூரபத்மனை பிளவுபடுத்திய இடம் திருச்செந்தூரில் இருந்து மூன்று கிலோ மீட்டர் தூரத்தில், கடற்கரை ஓரமாக உள்ள மாப்பாடு என்ற இடம் ஆகும். இப்பகுதி தற்போது, மணப்பாடு என்று அழைக்கப்படுகின்றது.

23. அலைவாய், திரச்சீரலைவாய், வெற்றி நகர், வியாழ சேத்திரம், அலைவாய்ச் சேறல், செந்தில், திரிபுவளமாதேவி சதுர்வேதி மங்கலம், சிந்துபுரம், ஜெயந்திபுரம், வீரவாகு பட்டி னம், என்றெல்லாம் திருச்செந்தூர் முன்பு அழைக்கப்பட்டது.

24. முருகனின் அறுபடை வீடுகளில் இது 2-வது படை வீடு எனப்படுகிறது. ஆனால் இதுதான் முதல் படை வீடு என்ற குறிப்புகளும் உள்ள.ன

25. முருகனின் அவதார நோக்கமே அசுரர்களை அழிப்பதுதான். திருச்செந்தூரில்தான் அந்த அவதார நோக்கம் பூர்த்தியானது. எனவே முருகனின் தலங்களில் திருச்செந்தூர் தலமே தெய்வீக சிறப்பும், தனித்துவமும் கொண்டதாகும்.

26. முருகப்பெருமானின் அறுபடை வீடுகளில் மிகப்பெரிய கோவில் கொண்ட தலம் என்ற சிறப்பும் திருச்செந்தூர் கோவிலுக்கு உண்டு.

27. முருகன் சிவந்த நிறம் உடையவன். அவன் உறைந்துள்ள தலம் என்பதால்தான் இத்தலத்துக்கு செந்தில் என்ற பெயர் ஏற்பட்டது.

28. திருச்செந்தூர் ஊர் மத்தியில் சிவப்கொழுந்தீசுவரர் கோவில் உள்ளது. இதுதான் ஆதிமுருகன் கோவில் என்று ஆய்வாளர்கள் கருதுகிறார்கள்.

29. கிறிஸ்தவ மீனவர்கள் திருச்செந்தூர் முருகனை உறவுமுறை சொல்லி அழைக்கிறார்கள். திருச்செந்தூர் கோவில் திருப்பணிகளுக்கு காயல்பட்டினத்தில் வசித்த சீதக்காதி எனும் வள்ளல் நன்கொடை அளித்துள்ளார். எனவே திருச்செந்தூர் முருகன் ஆலயம் சமய ஒற்றுமைக்கு எடுத்துக் காட்டாகத் திகழ்கிறது.

30. அருணகிரி நாதர் தன் பாடல்களில் பல இடங்களில் திருச்செந்தூரை குறிப்பிட்டுள்ளார். அவர் திருச்செந்தூரை மகா புனிதம் தங்கும் செந்தில் என்று போற்றியுள்ளார்.

31. திருச்செந்தூர் கோவில் ராஜகோபுரம் வாசல் ஆண்டு முழுவதும் அடைக்கப்பட்டே இருக்கும். சூரசம்ஹாரம் முடிந்ததும் தெய்வானை திருமண நாளில் மட்டுமே அந்த வாசல் திறக்கப்படும்.

32. திருச்செந்தூர் கோவிலில் நடைபெறும் பூஜைகளில் விசுவரூப தரிசனம் எனும் நிர்மால்ய பூஜையே மிக, மிக முக்கியமான பூஜையாகும்.

33. குமரகுருபரர், பகழிக் கூத்தர், ஆதி சங்கரர், உக்கிரபாண்டியனின் மகள் உள்பட ஏராளமானவர்கள் திருச்செந்தூர் முருகனின் நேரடி அருள் பெற்றனர்.

34. முருகன், மால், ரங்கநாதப் பெருமாள் ஆகிய சைவ, வைணவ மூர்த்தங்கள் இத்தலத்தில் உள்ளன.

35. செந்திலாண்டவருக்கு ஆறுமுக நயினார் என்றும் பெயர் உள்ளது. திருச்செந்தூர் தாலுகா பகுதியில் வாழும் பலருக்கு நயினார் எனும் பெயர் சூட்டப்பட்டிருப்பதை காணலாம். இசுலாமியரும் நயினார் எனும் பெயர் சூட்டிக் கொண்டுள்ளனர்.

36. வீரபாண்டிய கட்ட பொம்மனும் அவர் மனைவி சக்கம்மாவும் செந்திலாண்டவருக்கு ஏராளமான தங்க நகைகள் காணிக்கையாக வழங்கியுள்ளனர்.

37. மூலவர் தவக் கோலத்தில் இருப்பதால் காரம், புளி ஆகியன பிரசாதத்தில் சேர்க்கப்படுவதில்லை. ஆனால் சண்முகருக்குரிய பிரசாதங்களில் காரம், புளி உண்டு.

38. முருகனுக்கு படைக்கப்படும் நிவேதனப் பொருள்களில் சிறுபருப்புக் கஞ்சி, பால்கோவா, வடை, சர்க்கரை பொங்கல், கல்கண்டு, பேரீச்சம் பழம், பொரி, தோசை, சுகியன், தேன் குழல், அதிரசம், அப்பம், பிட்டமுது, தினைமாவு ஆகியன இடம் பெறுகின்றன. 

39. உச்சிக்கால பூஜைக்கு முன் இலை போட்டுச் சோறு, மோர்க் குழம்பு, பருப்புப் பொடி, நெய், தயிர் போட்டுத் தீர்த்தம் தெளித்த பின்னரே மூலவருக்கு போற்றிகள் பூஜையை தொடங்குவார்கள்.

40. இரவு பூஜையில் பால், சுக்கு வெந்நீர், ஆகியன நிவேதனம் செய்வர்.

41. சண்முகருக்கு ஆண்டுக்கு 36 திருமுழுக்கு மட்டுமே நடைபெறுகிறது.

சித்திரை, ஐப்பசி, தை    - 3

ஆடி, தை அமாவாசை    - 2

ஆவணி, மாசித் திருவிழா    - 10

ஐப்பசி, பங்குனி திருக்கல்யாணம்    - 2

மாத விசாகம்    - 12

ஆனி தை வருடாபிஷேகம்    - 3

தீபாவளி, மகாசிவராத்திரி    - 4

மொத்தம்         36

42. திருச்செந்தூர் முருகன் கோவிலின் ஆண்டு வருமானம் தற்போது சுமார் ரூ.30 கோடியாக அதிகரித்துள்ளது.

43. திருச்செந்தூர் கோவிலில் தர்ம தரிசனம் எனப்படும் பொது தரிசனம், சிறப்பு தரிசனம் எனப்படும் ரூ.10, ரூ.20 கட்டண தரிசனம், வி.ஐ.பி.க்களுக்கான விரைவு தரிசனம் எனப்படும் ரூ.100, ரூ.250, ரூ.500 கட்டண தரிசனம் ஆகிய 3 வகை தரிசனங்கள் நடைமுறையில் உள்ளன.

44. திருச்செந்தூர் கோவிலுக்கு ஐ.எஸ்.ஓ தரச்சான்றிதழ் பெறப்பட்டுள்ளது.

45. இத்தலத்தில் கோவில் வெளிப் பிரகாரங்களில் தூண்களில் கந்த சஷ்டி கவசம் எழுதப்பட்டுள்ளது. அதுபோல உள்பிரகாரங்களில் தல வரலாற்றை கூறும் வரை படங்களை அமைத்துள்ளனர்.

46. திருச்செந்தூரில் உச்சிக்கால பூஜை முடிந்ததும் மணி ஒலிக்கப்பட்ட பிறகே வீரபாண்டிய கட்டபொம்மன் சாப்பிடுவர் என்பது எல்லோருக்கும் தெரிந்ததே. 250 ஆண்டு பழமையான, அந்த 100 கிலோ எடை கொண்ட அந்த பிரமாண்ட மணி தற்போது ராஜகோபுரம் 9-ம் அறையில் பொருத்தப்பட்டுள்ளது.

47. சூரசம்ஹாரம் முடிந்ததும் முருகன் தாமரை மலர் கொண்டு சிவபூஜை செய்தார். அதை உணர்த்தும் வகையில் இன்றும் மூலவர் சிலையின் வலது கையில் தாமரை மலர் உள்ளது. முதல் 6 நாட்கள் சஷ்டி விரதம், சூரசம்ஹாரம் நடைபெறும். 7-ம் நாள் முருகன்-தெய்வானை திருமணம் நடைபெறும். அதன் பிறகு 5 நாட்கள் கல்யாண ஊஞ்சல் சேவை நடைபெறும்.

48. திருச்செந்தூரில் கருவறைக்கு எதிரில் இரண்டு மயில்கள் மற்றும் ஒரு நந்தி இருக்கின்றன. அது ஏன் தெரியுமா? முருகனுக்கு ஏற்கனவே ஒரு மயில் வாகனமாக இருந்து வருகிறது. பின்னர் சூரனைப்பிளந்தும், ஒரு பகுதி மயிலாகவும், மற்றொரு பகுதி சேவல் கொடியாகவும் ஆனதல்லவா? சூரசம்ஹாரம் முடிந்ததும், ஏற்கனவே இருந்த மயிலோடு, இந்த மயிலும் (சூரன்) சேர்ந்து வந்து செந்தூரில் இரண்டு மயில்களாக நின்றுவிட்டன. சூரசம்ஹாரத்திற்கு முன்புவரை இந்திரனே முருகனுக்கு மயில் வாகனமாக இருந்தான். முருகன் சூரனை வென்றபின் இந்திரனுக்கு தேவலோக தலைமை பதவியை கொடுத்து அனுப்பிவிட்டு, மயிலாக மாறிய சூரனையே தன் வாகனமாகக் கொண்டார்.பஞ்சலிங்ககளை வைத்து முருகன் பூஜை செய்யும் கோலத்தில் சிவனுடன் இருக்கிறார். எனவே, சிவனுக்குரிய நந்தி, மயில்களுடன் சேர்ந்து கருவறைக்கு எதிரே இருக்கிறது.

49. ஆவணி திருவிழாவின்போது முருகப்பெருமான், சிவன், விஷ்ணு, பிரம்மா ஆகிய மூம்மூர்த்திகளின் அம்சமாக காட்சி தருகிறார்.

50. திருச்செந்தூரில் தினமும் உச்சிக்கால பூஜை முடிந்த பின்பு ஒரு பாத்திரத்தில் பால், அன்னம் எடுத்துக்கொண்டு, மேளதாளத்துடன் சென்று கடலில் கரைப்பார்கள். இதற்கு கங்கை பூஜை என்று பெயர்.

51. மூலவருக்கு போற்றிமார், சண்முகருக்கு திரிசுதந்திரர், திருமாலுக்கு வைணவர்கள், தனித்தனியே 3 இடங்களில் நைவேத்தியம் தயாரிக்கின்றனர்.

52. கோவில் திருப்பணி செய்த துறவிகளில் காசி சுவாமி கி.பி. 1882-ல் வசந்த மண்டபம் கட்டினார். மவுன சாமி 1895-ல் மண்டபத்தை கட்டி முடித்தார். வள்ளிநாயக சுவாமி - கிரிப்பிரகாரத்துக்கு தகரக் கொட்டகை அமைத்தார். ஆறுமுக சுவாமி - கோவிலுக்குள் கருங்கல் தூண்கள் அமைத்தார். தேசியமூர்த்தி சுவாமி - ராஜகோபுரத்தை கட்டினார்.

53. திருச்செந்தூர் கோவில் தங்க தேரில் அறுங்கோண வடிவில் அறுபடை வீட்டு முருகன் சிலைகள் உள்ளன.

54. சஷ்டித் தகடுகளில் எழுதப்பட்ட மந்திரம் ஓம் சரவணபவ என்பதாகும்.

55. திருச்செந்தூர் தலத்தில் பழங்காலத்தில் பல மணற் குன்றுகள் முருகனது சிறிய சந்நிதியைச் சூழ்ந்திருக்க வேண்டும். அவற்றுள் பெரிய மணற்குன்று ஒன்றைக் கந்த மாதன பர்வதம் என்ற பெயரால் குறித்திருக்க வேண்டும். நாளடைவில் மணற் குன்றுகள் தேய்ந்து தேய்ந்து பிராகாரங்கள் ஆகியிருக்க வேண்டும். வடக்குப் பக்கத்தில் மணற்குன்றே ஒரு மதிலாக அமைந்திருப்பதை இப்போதும் காணலாம். இம்மணற்குன்றின் தாழ்வரையில்தான் ரங்கநாதப் பெருமாள் பள்ளி கொண்டிருக்கிறார்.

56. கந்த சஷ்டி என்றால், கந்தவேளுக்குரிய ஆறாவது நாள் என்று பொருள்.

57. மாறாத உடல் அழகும் மாறாத உள்ளத்தழகும் என்றும் இளமை நிலையும் கொண்டருள்பவன் திருமுருகன்.

58. சிவப்பு, கருப்பு, மஞ்சள், நீலம், பச்சை ஐந்து நிறங்கள் கொண்ட வண்ண மயில் ஏறி வருபவன் திருமுருகன்.

59. யோகம், போகம், வேகம் என மூவகை வடிவங்களைக் கொண்டருள்பவன் திருமுருகன்.

60. திருச்செந்தூரில் ஒரு தினமாவது உபவாச விரதம் இருப்பது நல்லது 

boAt Rockerz 255 Pro+, 60HRS Battery, Fast Charge, IPX7, Dual Pairing, Low Latency, Magnetic Earbuds, in Ear Bluetooth Neckband, Wireless with Mic Earphones (Active Black)

https://amzn.to/4qpbtsI

செல்வம் அதிகரிக்க வணங்க வேண்டிய கடவுள்

 இந்த அம்மன் படம் வீட்டில் இருந்தால் திருஷ்டிகள் விலகும்; பணவரவு பெருகும்!

மீன் செல்வத்தின் அடையாளம். அதன்மீது வீற்றிருப்பது போன்ற அம்பாளின் திருக்கோலம் அபூர்வமானது; மிகவும் விசேஷமானது. இந்த அம்பிகையின் படம் வீட்டில் இருந்தாலே சகல சம்பத்துகளும் வந்து சேரும்; வீட்டில் செல்வம் வற்றாமல் நிறைந்திருக்கும்' என்பது நம்பிக்கை. இந்த அம்பிகையை `ஐஸ்வர்ய மகா கெளரி' எனப் போற்றுகின்றன ஞானநூல்கள்!

ஆம்! வீட்டில் எப்போதும் பணம் புழங்க வேண்டும்; கடன் பிரச்னைகள் விரைவில் தீரவேண்டும் என விரும்புகிறீர்களா? எனில், மகா சக்தியை ஐஸ்வர்ய மகாகெளரியாக தியானித்து வழிபடவேண்டும். இந்த கெளரிதேவியின் அருளால் வீட்டில் உள்ள திருஷ்டி தோஷம் முற்றிலும் விலகும். குலதெய்வங்களின் திருவருளும் பரிபூரணமாகக் கிடைக்கும்!

அகத்திய மாமுனிவர் ஐஸ்வர்ய மகா கெளரி வழிபாடு குறித்து அருளியுள்ளார். அதுபற்றி அறியும் முன் இந்த தேவியின் தோற்றம் குறித்து புராணங்கள் சொல்லும் தகவலை அறிவோம்.

முன்பு ஒருமுறை பெரும் ஊழி ஏற்பட்டது. ஊழிக்காலம் முடிந்ததும் மீண்டும் படைப்புகள் நிகழ்ந்தன. அப்போது அலைகடலின் நடுவில் சுவர்ணலிங்கம் தோன்றியது.

தேவர்களும், முனிவர்களும், அசுரர்களும், நாகர்களும் அதை வணங்கிப்போற்றினர். அந்த லிங்கத்திலிருந்து பொன் மேனியராக சிவபெருமான் வெளிப்பட்டார். அவரைத் தழுவிய பொற்கொடியாக சக்தியும் தோன்றினாள். அவளைத் தேவர்கள் `சுவர்ண வல்லி' எனப் போற்றினர்.

கடல் அரசனும் நாகலோக வாசிகளும், அந்த அம்பிகையைத் தங்கள் உலகுக்கு வந்து இருக்கும்படி வேண்டினர். அம்பிகையும் பாதாள லோகம் சென்று தங்கினாள். அவள் அருளால் பூமியில் தங்கம், இரும்பு, வெள்ளி முதலான உலோகங்கள் விளைந்தன.

இதற்குப் பிறகு, தேவர்கள் ஒருமுறை செல்வம் வேண்டி தவம் புரிந்தனர். அவர்களுக்கு அருளும் பொருட்டு, பாதாளத்திலிருந்து வெளிப்பட்டாள் அம்பிகை. பொன்மயமான பிரகாசத்துடன், கடல் பரப்பில் பெரிய மீன் மீது அமர்ந்த நிலையில் தோன்றினாள் சுவர்ண மகா கெளரி.

அந்த அன்னை, தம்முடைய திருக்கரங்களில் ஞானத்தைக் குறிக்கும் தாமரை, போகத்தைக் குறிக்கும் நீலோற்பல மலர், நோயற்ற வாழ்வுடன் ஆயுள் விருத்தியைத் தரும் அமிர்தக் கலசம், செல்வங்களின் வடிவமான பணப்பேழை ஆகியவற்றை ஏந்தியபடி காட்சி தந்தாள்!

அவளை வணங்கிப் போற்றிய அனைவருக்கும் அள்ளக் குறையாத செல்வம் தந்து அருள்பாலித் தாள். அன்னையின் அந்த அற்புத வடிவை பொன்னால் செய்து அனைவரும் வழிபடத் தொடங்கினர். அதுவே ஐஸ்வர்ய கெளரி வழிபாடாகத் தொடர்கிறது.

இந்த அம்பிகையின் படம் வீட்டில் இருந்தாலே சகல சம்பத்துகளும் வந்து சேரும். வீட்டில் செல்வம் வற்றாமல் நிறைந்திருக்கும்; ஏதேனும் ஒருவகையில் பணவரவு இருந்து கொண்டே இருக்கும்; கடன் பிரச்னைகள் ஏதேனும் இருப்பின், இவளை வழிபடத் தொடங்கியதும் மெள்ள மெள்ள கடன்சுமை குறையும். திருஷ்டி தோஷங்கள் முற்றிலும் விலகும்.

ஏதேனும் காரணங்களால் குலதெய்வ வழிபாடு விடுபட்டுப் போனவர்களுக்கு, அந்த வழிபாட்டைத் தொடர வழிவகை பிறக்கும். குலதெய்வத்தின் பூரண அருள் கிடைக்கும் என்கின்றன ஞானநூல்கள்.

இந்த தேவியை ஆவணி மாத வளர்பிறை திருதியை வழிபடுவது விசேஷம். அன்பர்கள் சிலர், மாசி மாதத்திலும் வழிபடுவார்கள். மட்டுமன்றி, அம்பாளுக்கு உகந்த ஞாயிற்றுக் கிழமைகளிலும், பெளர்ணமி தினங்களிலும்கூட இந்த அம்பிகையை வழிபட்டு வரம் பெறலாம்.

அன்று விளக்கேற்றிவைத்து, ஐஸ்வர்ய மஹா கெளரியின் படத்துக்குச் சந்தன - குங்குமத் திலகம் வைத்து, மலர்கள் சாற்றி அலங்கரிக்க வேண்டும். அவள் கடலில் தங்க மீனின் மீது தோன்றினாள் அல்லவா? அந்தக் கோலத்தில்... தாமரையும் நீலோத்பலமும், அமிர்தக் கலசமும், பணப் பேழையும் கொண்டவளாக மனதில் தியானித்து வணங்கலாம். சர்க்கரைப் பொங்கல் நைவேத்தியம் செய்து வழிபடலாம்.

இந்த அம்மனை வழிபடுவதால் வீண் விரயங்களும் மனச் சலனங்களும் விலகும். பாடுபட்டு சம்பாதித்த பணம் கையைவிட்டுப் போகாமல் பயன் தந்து சுகமளிக்கும்; சொத்தும் பொருளாதாரமும் பன்மடங்கு பெருகும்!

சபரிமலைக்கு சிறப்பு பேருந்துகள்

சபரிமலைக்கு சிறப்பு பேருந்துகள்

   மண்டல பூஜை, மகர விளக்கை முன்னிட்டு தமிழ்நாட்டிலிருந்து சபரிமலை செல்லும் ஐயப்ப  பக்தர்களின்  வசதிக்காக சென்னை, திருச்சி, மதுரை, கடலூரில் இருந்து பம்பைக்கு அரசு விரைவு போக்குவரத்துக் கழகம் சார்பில் சிறப்பு பேருந்துகள் இயக்கப்பட உள்ளது. 

அதன்படி,  பம்பைக்கு நவம்பர் 16-ம் தேதி முதல் ஜனவரி 16-ம் தேதி வரை இரண்டு மாதங்களுக்கு சிறப்பு பேருந்துகள் இயக்கப்படுகிறன.

 டிசம்பர் 27 முதல் 30 வரை சபரிமலை ஐயப்பன் கோவில் நடை சாத்தப்படுவதால் அந்த தினங்களில் சிறப்பு பேருந்துகள் இயக்கப்படாது .

சென்னை கோயம்பேடு, கிளாம்பாக்கம், திருச்சி, மதுரை, புதுச்சேரி, கடலூர் ஆகிய இடங்களில் இருந்து பம்பைக்கு சிறப்பு பேருந்துகள் இயக்கப்படும் 

 அதிநவீன சொகுசு மிதவைப் பேருந்துகள்   AC,  சாதாரண இருக்கை மற்றும் படுக்கை வசதி  வசதிகள் கொண்ட சிறப்பு பேருந்துகள் இயக்கப்படும் 

இந்த சிறப்பு பேருந்துகளுக்கு 60 நாட்களுக்கு முன்னதாக www.tnstc.in மற்றும் TNSTC Offical App ஆகிய இணையதளங்களில் முன்பதிவு செய்துகொள்ளலாம் என்று அரசு விரைவுப் போக்குவரத்துக் கழகம் அறிவித்துள்ளது.

Boat Airdopes 163 in Ear Wireless Earbuds with 40 HRS Battery, Fast Charge, 13mm Drivers, IPX5, Quick Touch Response Control (Active Black)

Actual Price: Rs. 2490

Offer Price : Rs. 999

Benefit : Rs. 1491

Amazon வலைதள முகவரி இணைப்பு:

https://amzn.to/47uAvPb

ஸ்ரீரங்கத்தில் திருவேங்கடமுடையன் திருக்கோலத்தில் ஆண்டாள் கண்ணாடி அறை சேவை

ஸ்ரீரங்கத்தில் திருவேங்கடமுடையன் திருக்கோலத்தில் ஆண்டாள் கண்ணாடி அறை சேவை

ஸ்ரீரங்கம் அருள்மிகு ரங்கநாத சுவாமி கோயில், பரமபத நாதர் சன்னதியில் நடைபெற்று வரும் ஆடிப்பூர உற்சவத்தின் 8ஆம் நாளான 26.07.2025 அன்று கண்ணாடி அறை சிறப்பு சேவையில், ஆண்டாள் மூலவர் - திருவேங்கடமுடையான்

உற்சவர் -  பூவராகவன் திருக்கோலத்திலும் பக்தர்களுக்கு சேவை சாதித்தனர்.

ஆடிப் பூரத்தின் பின்னணி

 

ஆடி பூரத்தின் பின்னணியில் உள்ள புராணக் கதைகள்

ஆடிப் பூரம்

புராணங்களின்படி, ஆழ்வார் துறவியான பெரியாழ்வார் ஸ்ரீவில்லிபுத்தூரில் வசித்து வந்தார். குழந்தை இல்லாததால், தனது துயரத்தைத் தீர்க்க விஷ்ணுவிடம் பிரார்த்தனை செய்தார். ஒரு நல்ல நாள், அவர் ஒரு கோயில் வழியாக நடந்து செல்லும்போது, கோயிலின் தோட்டத்தில் ஒரு பெண் குழந்தையைக் கண்டார். அந்தப் பெண்ணைத் தத்தெடுக்க முடிவு செய்து, அதற்கு 'கோதை' என்று பெயரிட்டார். அந்தக் குழந்தை விஷ்ணுவை வழிபடும் வைணவ மரபில் வளர்க்கப்பட்டது. சிறிது காலத்தில், கோதையின் ரங்கநாதர் (விஷ்ணு) மீதான பக்தி கற்பனைக்கும் எட்டாத அளவுக்கு வளர்ந்தது. அவள் மாலையை இறைவனுக்குக் கொடுப்பதற்கு முன்பே அணியத் தொடங்கினாள். ஒரு நாள், பெரியாழ்வார் மாலையைத் தேடிக்கொண்டிருந்தபோது, கோதை இறைவனுக்குக் கொடுக்கப்பட்ட மாலையை அணிந்திருப்பதைக் கவனித்தார். மிகவும் அதிர்ச்சியடைந்த அவர், உடனடியாக அவளுடைய நடத்தைக்காக அவளைக் கண்டித்தார்.

அன்றிரவு, பெரியாழ்வார் தூங்கிக் கொண்டிருந்தபோது, விஷ்ணு பகவான் தனது கனவில் தோன்றி, ஆண்டாள் அதை அணிந்த பிறகுதான் மாலையை அணிய விரும்புவதாகக் கூறினார். ஸ்ரீரங்கம் ரங்கநாதர் கோயிலுக்கு அவளை அழைத்துச் செல்லும்படியும் இறைவன் அறிவுறுத்தினார். ஆச்சரியத்தால் நிறைந்திருந்தாலும், பெரியாழ்வாரின் மகிழ்ச்சிக்கு எல்லையே இல்லை. ஆண்டாள் தன் தந்தையிடம், தான் ரங்கநாதரைத் தவிர வேறு யாரையும் திருமணம் செய்து கொள்ளப் போவதில்லை என்று சொன்னாள். ஆண்டாள் கருவறைக்குள் நுழைந்ததும், ரங்கநாதருடன் (விஷ்ணு) இணைந்ததாக நம்பப்படுகிறது.

மற்றொரு புராணத்தின் படி, ஆடி பூரம் தினம், உலகத் தாயான பார்வதி தேவிக்கு 'வளைகாப்பு' (வளையல் விழா) விழாவாகக் கொண்டாடப்படுகிறது. இந்த விழாவிற்குப் பின்னால் ஒரு கதை உள்ளது. தமிழ்நாட்டின் திருச்சி மாவட்டத்தில், சிவன் மற்றும் பார்வதி தேவிக்கு ஒரு விழா நடத்தப்பட்டது. திருவிழா முடிந்ததும், கூட்டம் மெதுவாகக் கலையத் தொடங்கியது. கூட்டத்தில், ஒரு கர்ப்பிணிப் பெண் இருந்தாள், அவள் உடலைத் தளர்த்த ஓய்வெடுக்கும்போது, திடீரென்று பிரசவ வலியால் அவதிப்பட்டாள். சுற்றி யாரும் இல்லை, சிறிது நேரம் உதவி கேட்டு அலறிய பிறகு, பார்வதி தேவி மயக்கமடையவிருந்தபோது, அவளைக் காப்பாற்றினாள். அவள் ஒரு மருத்துவச்சி வேடத்தில் வந்து அந்தப் பெண்ணுக்கு குழந்தையைப் பெற்றெடுக்க உதவினாள். ஆனால் அந்தப் பெண் தெய்வத்தை அடையாளம் கண்டுகொண்டு, அந்த நாளை பார்வதி தேவிக்காக ஒவ்வொரு ஆண்டும் வளையப்பு நாளாக (கர்ப்பத்தின் ஏழாவது மாதத்தில் கர்ப்பிணிப் பெண்களுக்கு வளையல் விழா, வளைகாப்பு போன்றது) கொண்டாடுவதாக சபதம் செய்தார்.

ஆடி பூரத்தின் சடங்குகள்

ஆடி பூரத்தன்று, பல வைணவ கோயில்கள் ஹோமங்கள் (தீபமேடைகள்) மற்றும் பூஜைகள் (வழிபாட்டிற்கான சடங்குகள்) நடத்துகின்றன. ஆண்டாளின் பிறப்பிடமான ஸ்ரீவல்லிபுத்தூரில் ஆடி பூரம் கோலாகலமாக கொண்டாடப்படுகிறது. இந்த விழா ஸ்ரீரங்கம் கோயிலிலும் 10 நாட்கள் கொண்டாடப்படுகிறது. 10 ஆம் நாளில், ஆண்டாள் மற்றும் ரங்கநாதர் (விஷ்ணு) ஆகியோரின் தெய்வீக திருமணம் கொண்டாடப்படுகிறது. இன்னும் திருமணம் ஆகாத அல்லது சரியான மணமகனைத் தேடாத பெண்கள், 10 ஆம் நாளில் (அதாவது, தெய்வீக திருமண நாள்) ஆண்டாளிடம் பிரார்த்தனை செய்கிறார்கள், விரைவில் திருமணம் செய்து கொள்ளவும், சரியான துணையைப் பெறவும் ஆசீர்வதிக்கப்படுவார்கள் என்று நம்பப்படுகிறது.

ஆண்டாள் ரங்கநாதரைப் புகழ்ந்து பல பாசுரங்களை (பக்திப் பாடல்கள்) இயற்றியுள்ளார். திருப்பாவை (30 பாசுரங்கள்) மற்றும் நாச்சியார் திருமொழி (143 பாசுரங்கள்) ஆகியவை அவளுடைய பாசுரங்கள். திருமண விழாவிற்குப் பிறகு, பக்தர்கள் திருப்பாவை மற்றும் பிற பாசுரங்களைப் பாடுகிறார்கள்.

அனைத்து சக்தி கோயில்களிலும், இந்த நாளில், தேவி அழகாக அலங்கரிக்கப்படுகிறாள், மேலும் பல கண்ணாடி வளையல்கள் பல்வேறு வடிவங்களில் தேவிக்கு படைக்கப்படுகின்றன. பின்னர், வளையல்கள் அனைத்து பக்தர்களுக்கும் விநியோகிக்கப்படுகின்றன. இந்த வளையல்களை அணிவது தம்பதிகளுக்கு சந்ததியினரை ஆசீர்வதிக்கும் என்று நம்பப்படுகிறது. மேலும், கர்ப்பிணிப் பெண்கள் இந்த வளையல்களை அணியும்போது, அது அவர்களின் குழந்தையை தீய சக்திகளிடமிருந்து பாதுகாக்கும் என்று நம்பப்படுகிறது.

ஆண்டாள் நாச்சியார் திருவடிகளே சரணம்

திருவண்ணாமலை அருணாச்சலேஸ்வரர் கோயிலில் குழந்தைகள், முதியோருக்கான நேரடி நுழைவு சலுகை

10-07-2025 பௌர்ணமி அன்று திருவண்ணாமலை அருணாச்சலேஸ்வரர் கோயிலில் குழந்தைகள், முதியோருக்கான நேரடி நுழைவு சலுகை

Om Arunachaleswara

Arulmigu Arunachaleswarar & ApithaKuchambika Temple

Tiruvannamalai District, Tamilnadu -606601[TM020343]

PRESS RELEASE

07-07-2025

Tiruvannamalai

SRI ARULMIGU ARUNACHALESWARAR TEMPLE, TIRUVANNAMALAI

On the auspicious occasion of Guru Pournami falling on Thursday, 10th July 2025, Sri Arulmigu Arunachaleswarar Temple, Tiruvannamalai, has made special arrangements for the convenience of devotees:

Special Entry Arrangements.

Senior Citizens (above 60 years) and parents with children below 6 years are allowed direct entry through the North Gate (Ammani Amman Gopuram) from:

• Morning-10:00 AM to 12:00 PM

 Evening- 3:00 PM to 5:00 PM

Entry during this period will be direct, without diversion or delay.

Entry for Physically Disabled Devotees (Wheelchair Assistance):

Devotees requiring wheelchair assistance must enter only through West Gate (Peyi Gopuram).

Allowed timings:

 Morning: 10:00 AM to 12:00 PM

Evening: 4:00 PM to 6:00 PM

Battery Car Facility is available for aged and specially-abled persons inside the temple premises.

. For assistance batter car please contact: +919487555441

Emergency Medical Support:

In case of health emergencies, First Aid and Ambulance services are availabfe

Contact: Medical team

+91-8072619454.,+91 9791556353

மருதமலை முருகன் கோயில் கும்பாபிஷேகம் 04-04-2025

 

மருதமலை முருகன் கோயில் கும்பாபிஷேகம் 04-04-2025

Maruthamalai Murugan Temple Kumbabhishekam 04-04-2025

>>> காணொளியை காண இங்கே சொடுக்கவும்...

சனிப்பெயர்ச்சி நிகழ்வு - திருநள்ளாறு சனீஸ்வரர் கோவில் நிர்வாகம் விளக்கம்

 சனிப்பெயர்ச்சி நிகழ்வு - திருநள்ளாறு சனீஸ்வரர் கோவில் நிர்வாகம் விளக்கம்

Saturn Transition - Shani Peyarchi Event - Thirunallar Saneeswarar Temple Administration Explains

>>> தரவிறக்கம் செய்ய இங்கே சொடுக்கவும்...

Madurai Meenakshi Amman Temple closed today (18-03-2025)

இன்று (18-03-2025) மதுரை மீனாட்சி அம்மன் கோயில் நடை அடைப்பு

Madurai Meenakshi Amman Temple closed today (18-03-2025)

 திருப்பரங்குன்றம் சுப்பிரமணிய சுவாமி கோயிலில் சுவாமிக்கும், தெய்வானைக்கும் இன்று (மார்ச் 18) மதியம் 12:15 முதல் 12:45 மணிக்குள் திருக்கல்யாணம் நடக்கிறது.

இதற்காக இன்று அதிகாலை 4:00 மணிக்கு அம்மனும், சுவாமி சுந்தரேஸ்வரரும் மீனாட்சி அம்மன் கோயிலில் இருந்து புறப்பாடாகி திருக்கல்யாண உற்ஸவத்தில் பங்கேற்கின்றனர்.

இதையொட்டி இன்று அதிகாலை முதல் அம்மனும், சுவாமியும் கோயிலுக்கு இரவில் திரும்பும் வரை நடை சாத்தப்பட்டிருக்கும்.

Tirupati Darshan Ticket via WhatsApp

வாட்ஸ்-அப் மூலம் திருப்பதி தரிசன டிக்கெட்

Tirupati Darshan Ticket via WhatsApp

திருப்பதி ஏழுமலையான் கோயில் தரிசன டிக்கெட் வாட்ஸ் அப் மூலம் பெறலாம். 

சேவையை பெற, 95523 00009 என்ற அரசு வாட்ஸ்அப் எண்ணுக்கு `Hai' என்று குறுஞ்செய்தி அனுப்ப வேண்டும். 

விருப்பங்களை தேர்ந்தெடுத்து விவரங்கள் வழங்கியவுடன் டிஜிட்டல் ரொக்கப்பணம் செலுத்தும் `கேட்வே' உடனடியாக தோன்றும். 

பணம் செலுத்திய உடன், டிக்கெட்  வாட்ஸ்அப் வாயிலாக அனுப்பப்படும். 

டிக்கெட்டை பிரிண்ட் அவுட் எடுத்துக் கொண்டு கோயில்களுக்கு செல்லலாம். 

`மன மித்ரா` என்ற பெயரில் வாட்ஸ்அப் மூலம் பல்வேறு சேவைகள் வழங்கும் திட்டத்தை தொடங்கியுள்ளது ஆந்திர அரசு..

On the occasion of Hanuman Jayanthi, Namakkal Anjaneyar in 1,00,008 Vadai Malai special decoration

அனுமன் ஜெயந்தியை முன்னிட்டு நாமக்கல் ஆஞ்சநேயர் 1,00,008 வடை மாலை சிறப்பு அலங்காரத்தில்

On the occasion of Hanuman Jayanthi, Namakkal Anjaneyar in 1,00,008 Vadai Malai special decoration

மார்கழி மாதம் மூலம் நட்சத்திரம் அனுமன் ஜெயந்தியை முன்னிட்டு நாடு போற்றும் நாமக்கல் நாயகன் அருள்மிகு ஆஞ்சநேயர் பகவான் 1,00,008 வடை மாலை சிறப்பு அலங்காரத்தில் பக்தர்களுக்கு இன்று (30-12-2024) அதிகாலை  முதல் அருள் பாலித்து கொண்டிருக்கிறார்

 

>>> காணொளியை காண இங்கே சொடுக்கவும்...

Special darshan arrangement introduced for devotees going to Sabarimala by Peruvazhi Pathway - identity card to be issued to them

சபரிமலைக்கு பெருவழிப்பாதை வழியாக செல்லும் பக்தர்களுக்கு சிறப்பு தரிசன ஏற்பாடு இந்த ஆண்டு முதல் அறிமுகப்படுத்தப்பட உள்ளது. 

இதற்காக அவர்களுக்கு வழங்கப்பட இருக்கும் அடையாள அட்டை

Special darshan arrangement introduced for devotees going to Sabarimala by Peruvazhi Pathway - identity card to be issued to them

At Palani Temple at 3 AM, trekking is permitted

பழனி கோயிலில் அதிகாலை 3 மணிக்கு மலையேற அனுமதி

At Palani Temple at 3 AM, trekking is permitted

பழனி அருள்மிகு தண்டாயுதபாணி சுவாமி திருக்கோவிலில் 16-12-2024 முதல் 32 நாட்களுக்கு அதிகாலை 3 மணிக்கு மலையேற அனுமதி

திண்டுக்கல் மாவட்டம் பழனி அருள்மிகு தண்டாயுதபாணி சுவாமி திருக்கோவிலில் மார்கழி மாதம் முழுவதும் திருப்பள்ளி எழுச்சி பூஜை நடைபெறுவதால் அதிகாலை 3 மணி முதல் பக்தர்கள் மலையேற நிர்வாகம் அனுமதி வழங்கியது.

அதிகாலை 4 மணிக்கு நடை திறக்கப்பட்டு மூலவருக்கு சிறப்பு அபிஷேக பூஜைகள் நடத்தப்படும், அதிகாலை 4.30 மணி முதல் பக்தர்கள் தரிசனம் செய்ய அனுமதிக்கப்படுவார்கள்.