மிகச்சிறந்த மேதைகள் தனக்கு இணையான வல்லுனர்களை
புகழ்வது அரிதிலும் அரிது. அந்த அரிய வகையை சேர்ந்தவர் காட்பிரே ஹரால்ட்
ஹார்டி. அவர் கண்டறிந்த பொக்கிஷம் ஸ்ரீனிவாச ராமானுஜன்!
ஹார்டி இளம்வயதிலேயே அதுவும் இரண்டு வயதிலேயே பத்து லட்சம் வரைக்கும் எழுதும் ஆற்றல் படைத்த மேதை. எளிய மனிதனுக்கும் புரியும் வகையில் கணிதம் விளக்கப்பட வேண்டும் என்பது இவரின் உறுதியான எண்ணம். அதைசார்ந்தே ஒரு கணிதவியலாளரின் மன்னிப்பு எனும் நூலை எழுதினார்.
கணிதத்தை போர் மற்றும் ராணுவத்தில் பயன்படுத்துவதை அமைதி விரும்பியான இவர் வெறுத்தார். இங்கிலாந்தில் கணிதத்தை வளர்த்ததில் இவருக்கு மிகப்பெரும் பங்குண்டு.
ராமானுஜம் சென்னைத் துறைமுக நிறுனத்தில் எழுத்தராக இருந்தபொழுது அந்நிறுவனத்தின் பிரிட்டீஷ் எஞ்சினியர், ஸர் பிரான்ஸிஸ் ஸ்பிரிங் மற்றும் மேலாளரும் இந்திய கணிதக் குழுவை நிர்மாணித்த வி. ராமசுவாமி ஐயர் ஆகியோரும் ராமானுஜத்தின் ஒப்பற்ற கணித மேதமையை உணர்ந்து அவரின் கணிதப் படைப்புகளை இங்கிலாந்திற்கு அனுப்பி வைத்தனர்.
ஜனவரி பதினாறு அன்று 1913 இல் அக்கடிதம் ஹார்டியின் கைக்கு போனது; எதோ கிறுக்கல் என நினைத்து முதலில் எடுத்து வைத்த ஹார்டி இரவு படிக்கும் பொழுது மெய்சிலிர்த்து போனார்; இரவெல்லாம் தூக்கத்தை தொலைத்து ஒரு இணையற்ற கணித மேதையை கண்டுவிட்டதற்கு பூரித்தார். உடனே ராமானுஜத்தை கேம்பிரிட்ஜ் வரும்படிக் கடிதம் எழுதி அழைப்பு விடுத்தார்.
சென்னைப் பல்கலைக் கழகமும், டிரினிடிக் கல்லூரியும் அவருக்கு உதவிநிதி கொடுக்க கப்பலேறினார் ராமானுஜன். ராமானுஜத்தை தொடர்ந்து கொண்டாடிய அவர் எனக்கு 25 மதிப்பெண்ணும், தலைசிறந்த ஜெர்மன் கணித வல்லுநர் டேவிட் ஹில்பெர்ட்டுக்கு 80 மதிப்பெண்ணும், சந்தேகமே இல்லாமல் ராமானுஜனுக்கு 100 மதிப்பெண்ணும் வழங்குவேன் என்றார்.
ஒரு டேக்சியை காட்டி 1729 அதிர்ஷ்டமில்லாத எண் என இவர் சொல்ல, அதன் சிறப்பை ராமானுஜன் விளக்க அதுவே ராமானுஜன் எண் ஆனது.
நாற்பதாண்டு காலம் கணிதத்துக்கு ஒப்பற்ற சேவைகள் செய்த இவர், அவரின் மிகச்சிறந்த கண்டுபிடிப்பு என்ன எனக்கேட்டபொழுது, "கண்டிப்பாக ஸ்ரீனிவாச ராமானுஜன் தான்" என்றார் கம்பீரமாக.
கூச்ச சுபாவம் கொண்டிருந்த அவர் தன் வாழ்நாளின் ஒரே ரொமான்டிக்கான நிகழ்வு ராமானுஜனின் சந்திப்பே என்று சிலாகித்தார்.
ஒரு இந்திய கிளார்க் தானே என்று ஒதுக்காமல் திறமையை திக்கெல்லாம் தெரியும் வண்ணம் வெளிச்சம் பாய்ச்சிய ஒப்பற்ற ஹார்டியின் பிறந்தநாள் இன்று (பிப்.7).
ஹார்டி இளம்வயதிலேயே அதுவும் இரண்டு வயதிலேயே பத்து லட்சம் வரைக்கும் எழுதும் ஆற்றல் படைத்த மேதை. எளிய மனிதனுக்கும் புரியும் வகையில் கணிதம் விளக்கப்பட வேண்டும் என்பது இவரின் உறுதியான எண்ணம். அதைசார்ந்தே ஒரு கணிதவியலாளரின் மன்னிப்பு எனும் நூலை எழுதினார்.
கணிதத்தை போர் மற்றும் ராணுவத்தில் பயன்படுத்துவதை அமைதி விரும்பியான இவர் வெறுத்தார். இங்கிலாந்தில் கணிதத்தை வளர்த்ததில் இவருக்கு மிகப்பெரும் பங்குண்டு.
ராமானுஜம் சென்னைத் துறைமுக நிறுனத்தில் எழுத்தராக இருந்தபொழுது அந்நிறுவனத்தின் பிரிட்டீஷ் எஞ்சினியர், ஸர் பிரான்ஸிஸ் ஸ்பிரிங் மற்றும் மேலாளரும் இந்திய கணிதக் குழுவை நிர்மாணித்த வி. ராமசுவாமி ஐயர் ஆகியோரும் ராமானுஜத்தின் ஒப்பற்ற கணித மேதமையை உணர்ந்து அவரின் கணிதப் படைப்புகளை இங்கிலாந்திற்கு அனுப்பி வைத்தனர்.
ஜனவரி பதினாறு அன்று 1913 இல் அக்கடிதம் ஹார்டியின் கைக்கு போனது; எதோ கிறுக்கல் என நினைத்து முதலில் எடுத்து வைத்த ஹார்டி இரவு படிக்கும் பொழுது மெய்சிலிர்த்து போனார்; இரவெல்லாம் தூக்கத்தை தொலைத்து ஒரு இணையற்ற கணித மேதையை கண்டுவிட்டதற்கு பூரித்தார். உடனே ராமானுஜத்தை கேம்பிரிட்ஜ் வரும்படிக் கடிதம் எழுதி அழைப்பு விடுத்தார்.
சென்னைப் பல்கலைக் கழகமும், டிரினிடிக் கல்லூரியும் அவருக்கு உதவிநிதி கொடுக்க கப்பலேறினார் ராமானுஜன். ராமானுஜத்தை தொடர்ந்து கொண்டாடிய அவர் எனக்கு 25 மதிப்பெண்ணும், தலைசிறந்த ஜெர்மன் கணித வல்லுநர் டேவிட் ஹில்பெர்ட்டுக்கு 80 மதிப்பெண்ணும், சந்தேகமே இல்லாமல் ராமானுஜனுக்கு 100 மதிப்பெண்ணும் வழங்குவேன் என்றார்.
ஒரு டேக்சியை காட்டி 1729 அதிர்ஷ்டமில்லாத எண் என இவர் சொல்ல, அதன் சிறப்பை ராமானுஜன் விளக்க அதுவே ராமானுஜன் எண் ஆனது.
நாற்பதாண்டு காலம் கணிதத்துக்கு ஒப்பற்ற சேவைகள் செய்த இவர், அவரின் மிகச்சிறந்த கண்டுபிடிப்பு என்ன எனக்கேட்டபொழுது, "கண்டிப்பாக ஸ்ரீனிவாச ராமானுஜன் தான்" என்றார் கம்பீரமாக.
கூச்ச சுபாவம் கொண்டிருந்த அவர் தன் வாழ்நாளின் ஒரே ரொமான்டிக்கான நிகழ்வு ராமானுஜனின் சந்திப்பே என்று சிலாகித்தார்.
ஒரு இந்திய கிளார்க் தானே என்று ஒதுக்காமல் திறமையை திக்கெல்லாம் தெரியும் வண்ணம் வெளிச்சம் பாய்ச்சிய ஒப்பற்ற ஹார்டியின் பிறந்தநாள் இன்று (பிப்.7).
கருத்துகள் இல்லை:
கருத்துரையிடுக
குறிப்பு: இந்த வலைப்பதிவின் உறுப்பினர் மட்டுமே ஒரு கருத்துரையை வெளியிடக்கூடும்.