>>>புதுச்சேரி மாணவர்களுக்கு மனிதவள மேம்பாட்டு பயிற்சி

புதுச்சேரி மாநிலத்தில் உள்ள அனைத்து பள்ளி, கல்லூரி மாணவர்களுக்கும் மனிதவள மேம்பாட்டு பயிற்சியை இலவசமாக அளிக்க புதுச்சேரி மனிதவள மேம்பாட்டு பயிற்சி மற்றும் ஆலோசனை மையம் திட்டமிட்டுள்ளது.

புதுவை நகரம் மற்றும் கிராமப்புறங்களில் இயங்கிக் கொண்டிருக்கும் அனைத்து உயர்நிலை, மேல்நிலைப்பள்ளி, கல்லூரிகளில் மனிதவள மேம்பாடு பயிற்சி நடத்தப்பட உள்ளது.

தன்னம்பிக்கை, மனக்கட்டுப்பாடு, உலக அளவில் சாதித்தவர்களின் வரலாறுகள், ஐஏஎஸ், ஐபிஎஸ் போன்ற போட்டித்தேர்வுகள் குறித்த விளக்கம் போன்ற பல தலைப்புகளில் இந்த பயிற்சி இலவசமாக நடத்தப்பட உள்ளது.

இந்த பயிற்சியை நடத்த விரும்பும் பள்ளி, கல்லூரி முதல்வர்கள் கடிதம் அனுப்பி தங்களை பதிவு செய்து கொள்ளலாம். இயக்குனர், மனிதவள மேம்பாட்டு பயிற்சி மற்றும் ஆலோசனை மையம், 72, முதல் குறுக்குத்தெரு, ஆனந்த ரங்கபிள்ளை நகர், புதுச்சேரி௮ என்ற முகவரிக்கு கடிதங்களை அனுப்ப வேண்டும் எனத் தெரிவிக்கப்பட்டுள்ளது.