>>>டிசம்பர் 23 [December 23]....

நிகழ்வுகள்

• 1783 - ஜோர்ஜ் வாஷிங்டன் இராணுவத்தளபதி பதவியில் இருந்து விலகினார்.
• 1914 - முதலாம் உலகப் போர்: அவுஸ்திரேலிய மற்றும் நியூசிலாந்துப் படைகள் கெய்ரோவில் தரையிறங்கினர்.
• 1916 - முதலாம் உலகப் போர்: எகிப்தின் சினாய்க் குடாவில் கூட்டுப் படைகள் துருக்கியப் படைகளுடன் இடம்பெற்ற சமரில் வெற்றி பெற்றனர்.
• 1941 - இரண்டாம் உலகப் போர்: ஜப்பானிய இராணுவம் வேக் தீவைக் கைப்பற்றியது.
• 1947 - முதலாவது டிரான்சிஸ்டர் பெல் ஆய்வுகூடத்தில் வெற்றிகரமாகப் பரிசோதிக்கப்பட்டது.
• 1948 - பிரதமர் டோஜோ உட்பட ஏழு ஜப்பானியப் போர்க் குற்றவாளிகளுக்கு டோக்கியோவின் சுகோமோ சிறையில் மரண தண்டனை நிறைவேற்றப்பட்டது.
• 1954 - முதலாவது மனித சிறுநீரக மாற்று அறுவை சிகிச்சை அமெரிக்காவின் பாஸ்டன் நகரில் மேற்கொள்ளப்பட்டது.
• 1958 - டோக்கியோ கோபுரம், உலகின் மிகப்பெரிய இரும்பினாலான கோபுரம், திறக்கப்பட்டது.
• 1972 - நிக்கராகுவா நாட்டின் தலைநகர் மனாகுவாவில் இடம்பெற்ற நிலநடுக்கத்தில் 10,000க்கு மேற்பட்டோர் இறந்தனர்.
• 1972 - தென்னமெரிக்காவில் ஆண்டீஸ் மலைத்தொடரில் இடம்பெற்ற விமான விபத்தில் உயிர் தப்பிய 16 பேர் 73 நாட்களுக்குப் பின்னர் காப்பாற்றப்பட்டனர்.
• 1979 - சோவியத் படையினர் ஆப்கானிஸ்தானின் தலைநகர் காபூலைக் கைப்பற்றினர்.
• 1986 - எங்கும் தரையிறங்காமல் முதன் முதலில் உலகைச் சுற்றி வந்த வொயேஜர் விமானம், டிக் ரூட்டன், ஜீனா யேகர் ஆகிய விமானிகளுடன் கலிபோர்னியாவில் தரையிறங்கியது.
• 1990 - 88% சிலொவேனிய மக்கள் யூகொஸ்லாவியாவில் இருந்து பிரிந்து செல்வதற்கு ஆதரவாக வாக்களித்தனர்.
• 2004 - தெற்குப் பெருங்கடலில் உள்ள மக்குவாரி தீவில் 8.1 அளவு நிலநடுக்கம் ஏற்பட்டது.
• 2005 - அசர்பைஜான் விமானம் புறப்பட்டு சில நிமிடங்களில் பக்கூ நகரில் வீழ்ந்து நொருங்கியதில் 23 பேர் கொல்லப்பட்டனர்.
• 2005 - சாட் சூடானுடன் போரை அறிவித்தது.

பிறப்புக்கள்

• 1902 - சரண் சிங், இந்தியக் குடியரசின் 7வது பிரதமர் (இ. 1987)

இறப்புகள்

• 1907 - பியேர் ஜான்சென், பிரெஞ்சு வானியலாளர் (பி. 1824)
• 1972 - அந்திரே தூப்பொலியெவ், சோவியத் விமான வடிவமைப்பாளர் (பி. 1888)
• 2004 - பி. வி. நரசிம்மராவ் ஒன்பதாவது இந்தியப் பிரதமர் (பி. 1921)

>>>சிறப்பு கூகுள் டூடுல்

கணித மேதை சீனிவாச ராமானுஜன் 125வது பிறந்த நாளையொட்டி சிறப்பு டூடுல் மூலம் கெளரவித்துள்ளது கூகுள்.

இன்று : டிசம்பர் 22 - தேசிய கணித தினமாகவும் கொண்டாடப்படுகிறது

>>>சித்தர்கள் சொன்ன மருத்துவக் குறிப்புக்கள்..!

1. சோற்றுக் கற்றாழையைச் சித்த மருத்துவத்தில் ‘குமரி’ என அழைப்பர். காய கல்பத்தில் அதுவும் ஒரு மூலிகையாகச் சேர்க்கப்படுகின்றது. அதன் நடுப்பகுதியைப் பிளந்து அதன் கசப்பான சாற்றை எடுத
்துச் சற்றே அலசிப் பின் மோரில் கலந்து தினம்தோறும் உண்டு வந்தால், அல்சர் போன்ற நோய்கள் குணமாகும். மேலும் உடலில் இளமைத் தன்மை அதிகரிக்கும்.

2. தினம் தோறும் ஒரு நெல்லிக்காய் சாப்பிட்டு வந்தால் நாள் பட்ட தோல் நோய்கள் குணமாகும். நோய் எதிர்ப்பு சக்தி உடலில் அதிகரிப்பதுடன், முகப்பொலிவும் உண்டாகும்.

3. சர்க்கரை நோய் கட்டுப்பட வெந்த்தயத்தைப் பொடி செய்து தினம்தோறும் ஒரு டீஸ்பூன் வெந்நீரில் கலந்து சாப்பிட்டு வர வேண்டும். மேலும் சிறியாநங்கை, பெரியாநங்கையின் சாற்றையும் பயன் படுத்தலாம்.

4. செம்பருத்திபூவைக் காயவைத்து பொடி செய்து தலையில் சீயக்காய்போலத் தேய்த்துக் குளித்து வந்தால், பொடுகுத் தொல்லை போகும். நன்கு தலை முடி வளரும். முடி கொட்டுவதும் நின்றுவிடும். மேலும் கண்களுக்கும் உடலுக்கும் குளிர்ச்சி தரும்.

5. தேனை தினமும் வெந்நீரிலோ, பாலிலோ சிறிதளவு கலந்து குடித்து வர உடலில் நோய் எதிர்ப்பு சக்தி உண்டாகும். நாள் பட்ட இருமல், சளி குணமாகும்.

6. மூச்சுக்கூட விடமுடியாமல் அதிகப்படியான இருமலாலும் சளியாலும் சிரமப்படும் குழந்தைகளுக்கு, குப்பை மேனியின் சாற்றைப் பிழிந்து சிறிதளவு கொடுத்தால் உடன் அனைத்துச் சளியும் வாந்தியாக வெளியில் வந்து விடும். ஆனால் சரியான அளவில் கொடுக்க வேண்டும். இல்லாவிட்டால் வயிற்றுப் போக்கு ஏற்படும்.

7. ஆண்மைக்குறைவைப் போக்க விரும்புபவர்கள் முருங்கை விதையைப் பொடி செய்து, பாலில் கலந்து, இரவில் படுக்கப் போகும் முன் சாப்பிட்டுவர விரைவில் பலன் கிடைக்கும். துரித ஸ்கலிதம் ஆகுபவர்களுக்கு இம்மருந்து கை கண்டதாகும்.

8. இரவில் தினந்தோறும் தூக்கம் வராமல் அவதிப்படுபவர்கள் சிறிதளவு வெந்நீரை அருந்திப் பின் படுக்கைக்குச் செல்ல வேண்டும். சர்க்கரை நோய் இல்லாதவர்கள் சிறிதளவு கருப்பட்டி அல்லது வெல்லம், அல்லது சர்க்கரையைச் சாப்பிட்ட பின் உறங்கச் செல்லலாம்
9. அருகம்புல்லைச் சாறாகவோ அல்லது பொடியாகவோ வாரம் ஒருமுறை சேர்த்துக் கொண்டால் இரத்தம் சுத்தமாவதுடன், உடல் உஷ்ணமும் தணியும்.

10. எந்த மருந்துகளை உட் கொள்பவராக இருந்தாலும் மது அருந்தும் பழக்கம் உடையவராகவோ அல்லது புகைப்பிடிப்பவராகவோ இருந்தால் அது உடலில் மருந்தின் செயல்பாட்டு வீரியத்தைக் குறை
க்கும்.

11. உடல் வெளுப்பு மற்றும் தேமல் குணமாக வெள்ளை பூண்டை வெற்றிலை சேர்த்து மசிய அரைத்து தினமும் தோலில் தேய்த்துக் குளித்து வரக் குணமாகும்.

12. குருதிக் கொதிப்பு எனப்படும் இரத்த கொதிப்பு நோய் குணமாக இரண்டு அல்லது மூன்று நாளைக்கு ஒருமுறை அகத்திக் கீரையை உணவில் சேர்க்க குணம் ஏற்படும்.

>>>இராமானுஜன்

 

டிசம்பர் 22-ந்தேதி கணிதமேதை இராமானுஜன் அவர்களின் பிறந்த தின விழா

இந்தியாவின் மிகப்பெரிய கணித மேதைகளுள் ஒருவராகக் கருதப்படுபவர் சீனிவாச இராமானுஜன் அவர்கள். எண்களுக்கான பகுப்புமுறைகோட்பாடு, (Analytical theory of numbers) நீள் வட்ட சார்புகள் (elliptic functions), தொடர் பின்னங்கள் (continued fractions), முடிவிலாத் தொடர்கள்(infinite series) முதலியவற்றில் செறிவான, கருத்துள்ள பங்களிப்புகளை (substantial contributions) வழங்கினார்.

தமிழ்நாட்டில் சென்னையிலிருந்து தென் மேற்கில் 400 கிமீ தொலைவில் உள்ள ஈரோடு என்ற ஊரில் 1887ஆம் ஆண்டு டிசம்பர்த்திங்கள் 22ஆம் நாள் அவருடைய பாட்டி வீட்டில் இராமானுஜன் பிறந்தார். பிறந்து ஒரு வருடம் ஆன பிறகு இவருடைய தந்தை பணியாற்றிக்கொண்டிருந்த தஞ்சாவூர் மாவட்டத்தில் உள்ள கும்பகோணம் ஊருக்குத் தாயாருடன் சென்றார். இவருடைய தந்தை சீனிவாசர் கும்பகோணத்தில் சாரங்கபாணி தெருவில் வாழ்ந்து வந்தார். அவர் அவ்வூரில் துணிக்கடை ஒன்றில் பணியாற்றி வந்தார். இவருடைய தாயார் பெயர் கோமளம். இவருடைய மூன்றாவது வயது தொடக்கத்தில், 1889 ஆம் ஆண்டு பெரியம்மை நோயினால் பாதிக்கப்பட்டார். அப்போது பெரியம்மை நோய் கண்டு பல பேர் இறந்து போனார்கள். இவர் தப்பிப் பிழைத்தார். இவருக்குச் சடகோபன் என்ற சகோதரர் பிறந்து மூன்று மாதத்தில் இறந்து போனார். அம்மை நோயால் பாதிக்கப்பட்டதால், தாயாருடன் அவருடைய பெற்றோர் வாழ்ந்து வந்த காஞ்சிபுரம் சென்றார். இங்கு ஒரு தெலுங்கு வழிப்பள்ளியில் சேர்க்கப்பட்டார். இங்கும் இவருடைய தாயாருக்கு இரண்டு பிள்ளைகள் பிறந்து இருவரும் சில நாள்களில் இறந்தனர். அந்த நேரம் இவருடைய தாத்தா வேலையை இழந்தார். அவர்கள் சென்னைக்குச் சென்றதால் இவரும், இவர் தாயாரும் மீண்டும் கும்பகோணம் திரும்பினர். இங்கு ஓர் ஆரம்பப் பள்ளியில் சேர்க்கப்பட்டார். இவருக்கு ஐந்து வயதான போது, அந்த ஊரில் உள்ள காங்கேயன் ஆரம்பப் பள்ளியில் சேர்க்கப்பட்டுக் கல்வி பயின்று வந்தார்.

இவருடைய தாத்தா இறந்து போனதால் தாயாருடன் சென்னை சென்ற இவர் அங்கேயே தங்கியதால், சென்னையிலுள்ள ஒரு ஆரம்பப்பள்ளியில் சேர்க்கப்பட்டார். ஆனால் அங்கு படிப்பதில் இவர் ஆர்வம் செலுத்தவில்லை. பள்ளி செல்வதைத் தவிர்த்தார். இவர் பள்ளி செல்கிறாரா என்பதைக் கண் காணிக்க ஓர் ஆளையே உடன் அனுப்பி வைத்தனர். ஆறே மாதங்களில் அங்கு இருக்கப் பிடிக்காமல் மீண்டும் கும்பகோணம் திரும்பினார்.

தந்தையார் அவருடைய பணியிலேயே அதிக நேரம் செலவழிக்க வேண்டி வந்ததால், இவரை முழுமையாகக் கவனித்து வழி நடத்தியது இவருடைய தாயார் கோமளம்மாள் அவர்கள்தான். புராணக் கதைகளைச் சொல்லியும், நமது நாட்டுக் கலாச்சாரம் மற்றும் பண்பாடுகளைப் போதிப்பதையும் அவர் வழக்கமாகக் கொண்டிருந்தார். மதப் பாடல்களைப் பாடுவது, கோவிலில் நடைபெறும் பூஜைகளுக்குத் தவறாமல் செல்வது, சரியான நேரத்தில் உணவை உண்ணுவது என்று பல பழக்கங்களைத் தாயாரிட மிருந்து கற்றுக்கொண்டார்.

1898 ஜனவரியில் கும்பகோணம் நகர உயர்நிலைப்பள்ளியில்(Town High School) சேர்ந்தார். 11 வயதான போது இவருடைய வீட்டில் தங்கிப் பயின்று வந்த இரு கல்லூரி மாணவர்களிடம் முதன் முறையாகத் தன்னுடைய கணித அறிவை வெளிப்படுத்தினார். எஸ்.எல். லோனி(S.L. Loney) என்பவரால் எழுதப்பட்ட ‘முன்னேறிய முக்கோணவியல்’(Advanced Trignometry) என்ற நூலை அவர்களிடமிருந்து வாங்கி, இரண்டு வருடங்களில் அந்த நூலில் உள்ள பயிற்சிகளை முடித்ததோடு, தானாகவே சில தேற்றங்களை உருவாக்கினார். பள்ளியில் படித்த பொழுது அங்கு பயின்ற 1200 மாணவர்கள், பயிற்றுவித்த 35 ஆசிரியர்கள் அனைவருக்கும் கணிதவியலில் அதிக அளவு உதவி புரிந்து தன்னுடைய கணித ஆற்றலை வெளிப்படுத்தினார். பல நற்சான்றிதழ்கள், விருதுகளைப் பெற்றார்.

1903இல், இவருடைய 16ஆவது வயதில், நூலகத்திலிருந்து ஒரு நூலைப் பெற்றார். அது ஜி.எஸ். கார் (G.S.Car)என்பவர் எழுதிய ‘தூய, பயனுறு கணிதவியலின் அடிப்படை முடிவுகளின் சுருக்கம்’ (A synapsis of Elementary Results in Pure and Applied Mathematics)என்ற நூல். இதில் 5000 தேற்றங்கள்(theorems) இருந்தன. இந்த நூலை இவர் கையாண்ட விதம் இவருடைய கணித மேதைத் தனத்தை முழுமையாக வெளிப்படுத்தியது. அடுத்த ஆண்டில், இவர் தன்னுடைய முயற்சியில் பெர்னௌலி எண்களை(Bernoulli Numbers) உருவாக்கினார். 15 பதின்பகுப்பு(decimal) இடங்கள் உள்ள ‘ஆய்லர் மாறிலி’(Euler’s constant)யைக் கணக்கிட்டார்.

1904இல் பள்ளிப் படிப்பு முடியும் போது, அப்பள்ளித் தலைமை ஆசிரியர் கிருஷ்ணசாமி அவர்களால் முதன்மை மாணவனாகப் பாராட்டப் பெற்று கே.ரங்கநாதராவ் அவர்களின் பெயரிலான சிறப்புப் பரிசையும் வழங்கினார். கும்பகோணத்தில் உள்ள அரசு கலைக்கல்லூரியில் பயில்வதற்கான உதவித்தொகையும் வழங்கப்பட்டது.

கல்லூரியில் படிக்கும்போது, கணிதத்திலேயே தீவிரமாக ஈடுபட்டுப் படித்ததன் காரணம், மற்ற பாடங்களில் சரியான கவனம் செலுத்தாததால் அந்தப் பாடங்கள் பலவற்றில் தோல்வியடைந்தார். அதனால் உதவித்தொகை நிறுத்தப்பட்டது.

1905-ல் வீட்டைவிட்டு வெளியேறி விசாகப் பட்டினம் சென்றார். பின்னர் அங்கிருந்து அழைத்து வரப்பட்டு மீண்டும் சென்னையில் உள்ள பச்சையப்பன் கல்லூரியில் சேர்க்கப்பட்டார். இங்கும் தன்னுடைய கணிதப் புலமையை வெளிப்படுத்தினார். ஆனால் உடல்நூல்(Physiology) போன்ற பாடங்களில் தோல்வியடைந்தார். எந்தவிதப் பட்டமும் பெறாமல் கல்லூரியை விட்டு வெளியேறினார்.

தனிப்பட்ட முறையில் கணித ஆராய்ச்சிகளில் ஈடுபட்டார். அதற்கெதிராக வருமானமின்றி வறுமை இவரை விரட்டியது.

இந்த நிலையிலும், 1909ஆம் ஆண்டு, இவருக்கு 23 வயதான போது, ஜூலை 14 ஆம் நாள் 9 வயதான ஜானகி என்ற சிறுமியை இவருக்குத் திருமணம் செய்து வைத்தனர்.

சில மாதங்களுக்குப் பிறகு இவர் நீர்விரை நோயால்(hydrocele testis) பாதிக்கப்பட்டார். அதற்கான அறுவை சிகிச்சையை மேற்கொள்ள இவரிடம் போதிய பண வசதி இல்லை. 1910 ஜனவரியில் ஒரு மருத்துவர் இலவசமாக இவருக்கு அந்த அறுவை சிகிச்சையைச் செய்தார்.

அதற்குப் பிறகு சில நண்பர்கள் வீடுகளில் தங்கி வேலை தேடும் முயற்சியில் ஈடுபட்டார். சென்னை முழுவதும் பல இடங்களில் வேலை தேடி அலைந்தார். எழுத்தர் பணியாவது கிடைக்காதா என்று ஏங்கினார். மாநிலக் கல்லூரி மாணவர்கள் சிலருக்குத் தனி வகுப்பு நடத்தி அதில் கிடைக்கும் வருவாயில் குடும்பத்தை நடத்தினார்.

மீண்டும் உடல்நலம் குன்றியது. அதிலிருந்து குணமாகியதும் அப்போது பிரெஞ்சு அரசின் கட்டுப்பாட்டில் இருந்த விழுப்புரம் நகருக்குத் தொடர் வண்டியில் சென்றார். அங்கு வி.இராமசாமி என்ற துணை ஆட்சியரைச் சந்தித்தார். அவர் இந்தியக் கணிதக் கழகம் ஒன்றைத் தொடங்கி நடத்தி வந்தார். அவரிடம் வருவாய்த் துறையில் வேலை கேட்டு விண்ணப்பித்தார். அவரிடம் தான் எழுதி வைத்திருந்த கணிதக் குறிப்புகளைக் கொண்ட ஏடுகளைக் காட்டினார். அந்த ஏடுகளைப் புரட்டிப் பார்த்து வியந்து போன அவர் சென்னையிலுள்ள தன்னுடைய நண்பர்கள் சிலரைப் பார்க்குமாறு கூறிப் பரிந்துரைக் கடிதங்களை அளித்தார். அதில் சிலர் இவருடைய திறமையை உணர்ந்து இந்தியக் கணிதக் கழகச் செயலர், நெல்லூர் மாவட்ட ஆட்சியராகப் பணியாற்றி வந்த ஆர்.இராமச்சந்திரராவ் அவர்களிடம் அனுப்பினார். இவருடைய கணிதத் திறமையைக் கண்டு அவர் வியந்துபோனார். ஆனாலும், அவை இவருடைய சொந்தத் திறமைதானா என்ற ஐயம் அவருக்கு ஏற்பட்டது. இவருடைய நண்பர் சி.வி. இராஜகோபாலாச்சாரி, அவருடைய ஐயங்களைப் போக்க முயற்சித்தார்.

நீள்வட்டத் தொகையீடு(Elliptic integrals), குவிபிறை வடிவியல் தொடர்(Hypergeometric), அவருடைய விரி தொடர்(Divergent series) பற்றிய விளக்கங்களை அளிக்குமாறு பணித்தார். அதற்குரிய பணி ஆணையையும், நிதி உதவியையும் அளிக்குமாறு இராமானுஜம் கேட்டார். சென்னைக்கு இவரை மீண்டும் திருப்பி அனுப்பிய அவர், இவருடைய தினசரித் தேவைகளைப் பூர்த்தி செய்யும் வகையில் உதவிகளை அளித்தார். அதன் பின் ஆய்வுகளை மேற்கொண்ட இவர் அதன் விளக்கங்களை இராமசாமி ஐயரின் உதவியால் இந்தியக் கணிதக் கழகத்தின் பருவ இதழில் வெளியிட்டார். 17 பக்கக் கட்டுரை ஒன்றில் ‘பெர்னௌலி எண்களின் சில பண்புகள்(Some properties of Bernoulli’s Numbers)’ என்பதில் மூன்று விதமான நிறுவல்களைத் (Proofs) தந்திருந்தார். இது போல வேறு சில ஆய்வுக் கட்டுரைகளும் இவரால் அளிக்கப்பட்டன. சில கட்டுரைகள் சாதாரண கணித வல்லுநர்களால் புரிந்துகொள்ளக்கூடிய வகையில் அமையவில்லை.

இதற்குப் பிறகு, சென்னையிலுள்ள பொதுக் கணக்கர் அலுவலகத்தில்(Accountant General’s Office) பணியில் சேர்க்கப்பட்டார். அப்போது இவருடைய மாதச் சம்பளம் ரூ 20/-. சில வாரங்கள் மட்டுமே அப்பணியில் நீடித்தார். சென்னைத் துறைமுகப் பொறுப்புக் கழக முதன்மைக் கணக்கர் அலுவலகத்தில்(Chief Accountant of the Madras Port Trust) பணிக்கு விண்ணப்பித்தார். ஈ.டபிள்யூ மிடில்மஸ்ட்(E.W. Middlemast) என்ற மாநிலக் கல்லூரிக் கணிதப் பேராசிரியர் பரிந்துரை செய்திருந்தார். மூன்று வாரங்களுக்குப் பிறகு அங்கு எழுத்தர் வேலை கிடைத்தது. மாதச் சம்பளம் ரூ.30/-. அலுவலகத்தில் இவரிடம் அளிக்கப்பட்ட பணிகளை விரைந்து முடித்தார். ஓய்வு நேரங்களில் கணித ஆய்வுகளை மேற்கொண்டார். இவருடைய முதன்மைக் கணக்கர் சர் பிரான்சிஸ் ஸ்பிரிங்(Sir Francis Spring), இவருடன் பணியாற்றி வந்த எஸ். நாராயணர் ஆகியோர் இவருடைய ஆய்வு களுக்கு ஊக்கமளித்தனர். நாராயணர் இந்தியக் கணிதக் கழகத்தில் பொருளாளராகப் பணியாற்றி வந்தார்.

1913இல் இவருடைய கணித ஆய்வுகளை, நாராயணரும், இராமச்சந்திர ராவ் மற்றும் மிடில்மஸ்ட் ஆகியோரும் ஆங்கில நாட்டுக் கணித மேதைகளிடம் கொண்டு சேர்க்கும் முயற்சியில் ஈடுபட்டனர். லண்டன் பல்கலைக்கழகக் கல்லூரியின் கணித ஆசிரியர் எம்.ஜே.எம்.ஹில் என்பவர் இவருடைய ஆய்வு முடிவுகள் சற்றுக் குழப்பமாக இருப்பதாகத் தெரிவித்தார். அதற்குக் காரணம், இவருடைய கல்விப் பின்புலம், கணித அடிப்படை அறிவு குறைவாக இருப்பதுதான் என்பதை உணர்த்தினார். அதனால், கேம்பிரிட்ஜ் பல்கலைக் கழகக் கணித அறிஞர்களுக்கு இராமானுஜன் கடிதங்கள் எழுதி அனுப்பினார். சில பேர் எந்த விதப் பதிலுமின்றித் திருப்பி அனுப்பினர். சிலர் இவருடைய ஆய்வு முடிவுகளை நம்ப முடியவில்லை என்றனர். ஆனால், ‘முடிவில்லாத் தொடர் (Infinite Series)’ என்ற இவருடைய ஆய்வு ஜி.எச்.ஹார்டி என்பவரைக் கவர்ந்தது.

ஜே.ஈ.லிட்டில்வுட்(J.E.Littlewood) என்ற உடன் பணிபுரியும் அறிஞரிடம் ராமானுஜன் ஆய்வுக்கட்டுரைகளை அளித்துப் பார்வையிடும்படிக் கூறினார். அவர் அவற்றைப் பார்த்துப் படித்தபின் இராமானுஜன் அவர்களின் கணித மேதைத்தனத்தைக் கண்டு வியந்து போனார்.

ஹார்டி, லிட்டில்உட், மற்றும் ஈ.எச்.நெவில்லே (E.H.Neville)முதலிய அறிஞர்கள் இராமானுஜனின் கணிதத் திறமையை உணர்ந்து வியந்து பாராட்டினர். அவர்களுடைய உதவியினால் லண்டனுக்குச் செல்ல வாய்ப்பு ஏற்பட் டது. ஆனால், இராமானுஜன் அவர்களுடைய குல வழக்கப்படி, ‘நாடு விட்டு நாடு போவது கூடாது’ என்பதால் வெளிநாடு செல்ல மறுத்து விட்டார். இதனால், ஜி.டி.வாக்கர் (G.T.Walker) என்பவர் சென்னைக்கு வந்து இராமானுஜத்துடன் கலந்துரையாடினார்.

பல்வேறு முயற்சிகளுக்குப் பிறகு இராமானுஜன் 1914 மார்ச் 17-ல் இங்கிலாந்து புறப்பட்டுச் சென்றார். அங்கு ஹார்டி, லிட்டில்உட் ஆகியோருடன் கணித ஆய்வுகளை மேற்கொண்டார். இங்கு ஏ.எஸ். இராமலிங்கம் என்ற பொறியாளர் இராமானுஜன் அவர்கள் இலண்டனில் தங்குவதற்கு உதவினார். அவர்கள் இராமானுஜன் எழுதி வைத்திருந்த ஏடுகளைப் புரட்டிப் பார்த்தனர். சில முடிவுகள் தவறாகவும், சில ஏற்கனவே கண்டறிந்ததாகவும் இருந்தன. ஆனால், வேறு பல முடிவுகள் அவர்களை வியப்பில் ஆழ்த்தின. ஆய்லர் (Euler)மற்றும் ஜகோபி(Jacobi) போன்ற கணித மேதைகளுடன் ஒப்பிடக் கூடிய ஆற்றல் படைத்தவர் இராமானுஜன் என்று புகழ்ந்தனர். அங்கு ஐந்து வருடங்கள் தங்கி அவர்களுடன் ஆய்வுகளை மேற்கொண்டு லண்டன் கணிதக் கழகப் பருவ இதழில் ‘உயர் இணைவு எண்கள்(Highly composite numbers)’ என்ற தலைப்பில் வெளியிட்டார். இந்த ஆய்வு முடிவுகளை ஏற்றுக்கொண்டு இவருக்கு பி.ஏ.பட்டம் (முனைவர் பட்டத்திற்கு இணையானது) வழங்கப்பட்டது.

1917 டிசம்பர் 6-ல் லண்டன் கணிதக் கழகத்தின் உறுப்பினராகத் தேர்ந்தெடுக்கப்பட்டார். 1918இல் இலண்டன் இராயல் கழகத்தின் ஆய்வாளராகச் சிறப்பிக்கப்பட்டார். இந்தச் சிறப்பு இரண்டாவது இந்தியராக, அதுவும் வயதில் சிறிய இவருக்கு அளிக்கப்பட்டது. ‘நீள் வட்டச் சார்பு மற்றும் எண்களின் கோட்பாடு(Elliptic functions and Theory of Numbers)’ என்ற ஆய்வறிக்கை வெளியிட்டபின் 1918-ல் முதலாவது இந்தியனாக கேம்பிரிட்ஜ் டிரினிடி கல்லூரியின்(Cambride Trinity College) ஆய்வாளராகத் தேர்ந்தெடுக்கப் பட்டார்.

இந்த நிலையில் இவர் மீண்டும் நோயில் வீழ்ந்தார். முதல் உலகப் போரின் போது இவருடைய உணவு முறையினால் ஏற்பட்ட பற்றாக்குறையும் இதற்கு ஒரு காரணமாக அமைந்தது. அதன் விளைவாக என்புருக்கி நோயால்(tuberculosis) பாதிக்கப்பட்டார்.

1919-ல் இந்தியா திரும்பி, கும்பகோணம் சென்றார். 1920ஆம் ஆண்டு ஏப்ரல் திங்கள் 6ஆம் நாள் தன்னுடைய 32ஆவது வயதில் காலமானார். இவருடைய விதவை மனைவி சென்னையில் வாழ்ந்து 1994இல் காலமானார்.

இவருடைய 75ஆவது பிறந்த நாளில் இந்திய அரசு முதல் நாள் உறையும், அஞ்சல் தலையும் வெளியிட்டு இவரைப் பெருமைப் படுத்தியது.

1993இல் திரு பி.கே. சீனிவாசன் என்ற கணித ஆசிரியரால் இராயபுரத்தில் ஒளவைக் கழகத்தில் ‘இராமானுஜன் அருங்காட்சியகம்’ ஒன்று தொடங்கப் பெற்றது.

>>>10ம் வகுப்பு பொதுத்தேர்வு எழுதும் மாணவர்களுக்கு உத்தரவு

பத்தாம் வகுப்பு பொதுத் தேர்வு எழுத உள்ள மாணவ, மாணவியர், அந்தந்த பள்ளிகளில் உள்ள, இணையதள வசதியைப் பயன்படுத்தி, தங்களைப் பற்றிய விவரங்களை, பதிவு செய்ய வேண்டும் என, தேர்வுத் துறை இயக்குனர், வசுந்தரா தேவி உத்தரவிட்டுள்ளார். ஜன., 4ம் தேதிக்குள், இந்தப் பணிகளை முடிக்க வேண்டும்.
தமிழகத்தில் அடுத்த ஆண்டு, மார்ச் மாதம், 10ம் வகுப்பு பொதுத் தேர்வு துவங்கி, ஏப்ரலில் முடிகிறது. இந்த தேர்வை, 10.5 லட்Œம் மாணவ, மாணவியர் எழுதவுள்ளனர்.பொதுத் தேர்வு எழுதும் மாணவ, மாணவியர் குறித்த விவரங்கள், "சிடி'யில் சேகரிக்கப்பட்டு, கல்வி மாவட்ட வாரியாக, குறிப்பிட்ட மையங்களில் ஒப்படைத்து, பின் அவை, தேர்வுத் துறை இயக்குனரகத்திற்கு அனுப்பி வைக்கப்படும்.தேர்வுத் துறையில், பல்வேறு திட்டங்கள், இணையதளம் வழியாக செயல்படுத்தப்பட்டு வருகின்றன. இதனால், பொதுத் தேர்வு எழுதும் மாணவ, மாணவியர் விவரங்களையும், இணையதளம் வழியாக பதிவு செய்ய, தேர்வுத் துறை உத்தரவிட்டுள்ளது.மாணவ, மாணவியர், தங்களது பள்ளிகளில் உள்ள இணையதள வசதியை பயன்படுத்தி, ஆசிரியர் உதவியுடன், தங்களைப் பற்றிய விவரங்களை, இணையதளத்தில் பதிவு செய்ய வேண்டும் என, தேர்வுத் துறை கேட்டுக் கொண்டுள்ளது.பதிவு செய்யப்படும் தகவல்களில் தவறுகள் இருந்தால், அதை உடனடியாக சரி செய்து கொள்ளவும், வழி செய்யப்பட்டுள்ளது. ஜன., 4ம் தேதிக்குள், இந்தப் பணிகளை முடிக்க வேண்டும் என, தேர்வுத் துறை இயக்குனர், வசுந்தரா தேவி, வலியுறுத்தி உள்ளார்.

இது குறித்து, வசுந்தரா தேவி கூறுகையில், ""தேர்வுத் துறை இணையதளத்தில், ஒவ்வொரு பள்ளியும், அவர்களுக்கென ஒதுக்கப்பட்டுள்ள, "பாஸ்வேர்டை' பயன்படுத்தி, இணையதளத்திற்குள் சென்று, விவரங்களை பதிவு செய்ய வேண்டும். தகவல்கள் சரியாக இருக்கிறதா என்பதை, தலைமை ஆசிரியர்கள் உறுதி செய்து கொள்ள வேண்டும்,'' என,தெரிவித்தார்.இணையதளத்தில் பதிவு செய்யப்படும் தகவல்கள், "நிக்' மையங்கள் மூலம் பெறப்பட்டு, சென்னையில் உள்ள தகவல் தொகுப்பு விவர மையத்திற்கு அனுப்பப்பட உள்ளது.பின், மாணவ, மாணவியர் குறித்த விவர பட்டியல், தேர்வுத் துறைக்கு அனுப்பி வைக்கப்படும்.இந்த புதிய திட்டத்தால், தேர்வுப் பணிகள், பெரும் அளவிற்கு குறைக்கப்பட்டுள்ளதாக, தேர்வுத் துறை வட்டாரங்கள் தெரிவித்தன.
இணையதள பதிவின் போது, மாணவ, மாணவியர்கவனிக்க வேண்டிய, முக்கிய அம்சங்கள் குறித்து, தேர்வுத் துறை கூறியிருப்பதாவது:
* தேர்வர்களின் பெயர், பிறந்த தேதி, இனம், மொழி, எந்த மொழிகளில் தேர்வை எழுதுகின்றனர் என்ற விவரங்களை, ஒன்றுக்கு பலமுறை, மாணவர்கள் சரிபார்க்க வேண்டும்.
* மாணவர்களின் புகைப்படங்கள் மிகவும் முக்கியம். சமீபத்தில் எடுத்த புகைப்படத்தை, "அப்லோட்' செய்ய வேண்டும்.
* உடல் ஊனமுற்றவர்களாக இருந்தால், குறிப்பிட வேண்டும். இந்த விவரங்கள் மிகவும் முக்கியம் என்பதால், தலைமை ஆசிரியர் மேற்பார்வையில், பணிகளை மேற்கொள்ள வேண்டும்.
* சரியான தகவல்களை பதிவு செய்தால்தான், பிழையில்லாத மதிப்பெண் பட்டியலை வழங்க முடியும். இதை உணர்ந்து, தலைமை ஆசிரியர்கள் செயல்பட வேண்டும். தவறுகள் நடந்தால், சம்பந்தபட்ட தலைமை ஆசிரியர் மீது, கடுமையான ஒழுங்கு நடவடிக்கை எடுக்கப்படும்.இவ்வாறு, தேர்வுத் துறை கூறியுள்ளது.

பிளஸ் 2 மாணவர்கள் திருத்தம் செய்யலாம்:பிளஸ் 2 தேர்வெழுதும் மாணவர்கள், தங்களை குறித்த விவரங்களை, பழைய முறையில், ஏற்கனவே வழங்கி உள்ளனர். எனினும், அந்த விவரங்களில், ஏதேனும் தவறுகள் இருந்தால், உடனடியாக, இணையதளம் வழியாக, திருத்தம் செய்யலாம் என, தேர்வுத் துறை இயக்குனர் தெரிவித்தார். ஜன., 4ம் தேதி வரை, இந்த திருத்தங்களை, அந்தந்த பள்ளிகளில் உள்ள இணையதளம் வழியாகச் செய்ய வேண்டும் என, அவர் அறிவுறுத்தி உள்ளார்.

>>>கட்டாயக்கல்வி சட்டம், நேரடி தனி தேர்வுக்கு பொருந்தாது : தேர்வுத்துறை அறிவிப்பு

"இலவச மற்றும் கட்டாயக் கல்வி சட்டம், நேரடி தனி தேர்வுக்கு பொருந்தாது' என, தேர்வுத்துறை அறிவித்துள்ளது. இந்த சட்டத்தில், எட்டாம் வகுப்பு வரை, எந்த மாணவரையும் தோல்வி அடைய செய்யக்கூடாது என, தெரிவிக்கப்பட்டுள்ளது. இந்த சட்டம், நேரடி தனி தேர்வுக்கு பொருந்துமா என்ற கேள்வி எழுந்தது. 8ம் வகுப்பு தேர்வு, நேரடியாக, தனி தேர்வாக ஆண்டுதோறும் நடத்தப்படுகிறது.

ஓட்டுனர் உரிமம் வேண்டுபவர்கள், ரயில்வே துறையில், "கலாசி' வேலையை எதிர்பார்ப்பவர்கள் மற்றும் அலுவலகங்களில், உதவியாளர் வேலைக்குச் செல்பவர்கள், எட்டாம் வகுப்பு தேர்ச்சி பெற்றிருக்க வேண்டும். இதுபோன்ற காரணங்களுக்காக, ஆண்டுதோறும், 10 ஆயிரம் முதல், 15 ஆயிரம் பேர், எட்டாம் வகுப்பு, தனி தேர்வை எழுதுகின்றனர். இதற்கு, வயது வரம்பு இல்லை என்பதால், 30 வயதிற்கு மேற்பட்டவர்கள், அதிகளவில் எழுதுகின்றனர்.
இந்த தேர்வை எழுதுபவர்கள் அனைவரையும், தேர்ச்சி அடையச் செய்வதா அல்லது வழக்கமான முறையில், விடைத்தாள்களை மதிப்பீடு செய்து, தேர்வு முடிவை வெளியிட வேண்டுமா என, தெரியாமல், தேர்வுத்துறை தவித்தது.
பின், சட்ட வல்லுனர்களிடம், தேர்வுத்துறை அதிகாரிகள் ஆலோசனை பெற்று, அதனடிப்படையில், "இலவச மற்றும் கட்டாய கல்வி சட்டம், நேரடி தனி தேர்வுக்கு பொருந்தாது' என, தேர்வுத்துறை அறிவித்துள்ளது.

இது குறித்து, தேர்வுத்துறை வட்டாரங்கள் கூறியதாவது: இலவச மற்றும் கட்டாயக் கல்வி சட்டத்தில், நேரடி தனி தேர்வர்கள் குறித்து, எந்த கருத்தும் தெரிவிக்கப்படவில்லை. பள்ளிகளில் பயிலும் மாணவர்களை மட்டுமே, 8ம் வகுப்பு வரை, தோல்வி அடைய செய்யக்கூடாது என, தெரிவிக்கப்பட்டுள்ளது. நேரடி தனி தேர்வை, நிர்ணயிக்கப்பட்ட வயதை விட, அதிகமாக உள்ளவர்கள் தான் எழுதுகின்றனர். எனவே, அவர்களுக்கு, இந்த சட்டம் பொருந்தாது என, சட்ட வல்லுநர்கள் தெரிவித்தனர். அவர்களின் ஆலோசனைப்படி, இந்த முடிவை எடுத்தோம். இவ்வாறு, தேர்வுத்துறை வட்டாரங்கள் தெரிவித்தன.

புதிய முடிவை, கடந்த ஏப்ரலில் நடந்த, நேரடி எட்டாம் வகுப்பு தனித்தேர்வில், தேர்வுத்துறை அமல்படுத்தியுள்ளது. 8,918 பேர், தேர்வை எழுதியதில், 2,018 பேர் (22.62 சதவீதம்) தேர்ச்சி பெற்றனர்.

மொத்த தேர்வர்களில், 194 பேர், 14 வயதிற்கு உட்பட்டவர்கள் என்றும், மற்ற அனைவரும், கூடுதல் வயதை கொண்டவர்கள் என்றும், தேர்வுத்துறை வட்டாரங்கள் தெரிவித்தன. 194 பேரில், 99 பேர், தேர்ச்சி பெற்றனர் என்றும், தேர்வுத்துறை தெரிவித்தது. இவர்கள் அனைவருக்கும், ஜனவரி முதல் வாரத்திற்குள், மதிப்பெண் சான்றிதழ்கள் வழங்கப்பட உள்ளன.

>>>அரசு ஊழியர்களுக்கு அறிமுகமாகிறது இணையதள கல்வி

அரசு ஊழியர்களுக்கு, இணையதளம் மூலமாக, கணினி பயிற்சி வழங்குவதற்கான பாடத் திட்டத்தை அரசு தயார் செய்துள்ளது.
கணினி தொடர்பான, அடிப்படை பயிற்சி மற்றும் அரசு அலுவலகங்களை கணினி மயமாக்கல் குறித்த பயிற்சி, அரசு ஊழியர்களுக்கு அளிக்கப்படுகிறது. இப்பயிற்சிகளை அன்றாட அலுவலக பணியில், பயன்படுத்த வேண்டும்.
இதற்கு, போதியளவு வாய்ப்பு இல்லாததால், கணினி தொடர்பான பயிற்சிகள் முழுமையான பயன் தருவதில்லை என, அரசு நடத்தியுள்ள ஆய்வில் தெரிய வந்துள்ளது. எனவே, பயிற்சி தொடர்பான பாடங்களை, "ஆன்-லைனில்' சேர்த்து விட்டால், எப்போது வேண்டுமானாலும், அந்த விவரங்களை ஊழியர்கள் தெரிந்து கொள்ள முடியும். மென்பொருள் சூத்திரங்களை, ஆன்-லைனில் வைத்திருந்தால், எளிதாக அறிந்து கொள்ளமுடியும். மேலும், பாடத் திட்டத்தை ஆன்-லைன் மூலம், எவர் வேண்டுமானாலும் பார்க்க முடியும் என்பதால், பயிற்சி ஒரே நேரத்தில் பரவலாக்கப்படும் போன்ற காரணங்களுக்காக, கணினி பயிற்சி தொடர்பான, ஆன்-லைன் பாடத் திட்டத்தை அரசு தயார் செய்கிறது.

பாடத் திட்டங்களை வாசிக்கவும், வீடியோ மற்றும் ஆடியோவில் பார்த்து கேட்கும் படியான வசதிகளும் செய்யப்படுகின்றன.
ஊழியர்களின் வசதிக்கு ஏற்ப, அவர்கள் வசிக்கும் இடத்தில் இருந்தே, பாட வகுப்புகளில் பங்கேற்று தேர்வுகளை எழுத முடியும். ஆன்-லைனிலேயே, கணினி தொடர்பான வகுப்புகள் நடத்தி, அதற்கான தேர்வுகளை அறிவித்து, சான்றிதழ்கள் வழங்கவும் திட்டமிடப் பட்டுள்ளது. தமிழக அரசின் தகவல் தொழில்நுட்பத் துறை, இதற்கான, பாடத் திட்டங்களை வகுத்து ஆன்-லைனில் வெளியிடுதல், வகுப்புகள் மற்றும் தேர்வுகளை நடத்தும் பணியை செய்கிறது.
ஆன்-லைன் கணினி படிப்புக்காக, 11 லட்சம் ரூபாயை அரசு ஒதுக்கியுள்ளது. பாடத் திட்டங்களை வகுக்கவும், அதற்கான, ஆன்-லைன் வசதிகளை மேம்படுத்தவும், தனியார் நிறுவனங்களுக்கு டெண்டர் விடப்பட்டு உள்ளது.
டெண்டர் இறுதி செய்யப்பட்ட நாளிலிருந்து, ஆறு மாதங்களில், அரசு ஊழியர்களுக்கான ஆன்-லைன் கணினி வகுப்புகள் தொடங்கும் என, தகவல் தொழில்நுட்பத் துறையினர் கூறுகின்றனர்.