>>>2012-2013ம் கல்வியாண்டில் 9000 மாணவ - மாணவியர் மற்றும் 900 பாதுகாவலர்களைக் கல்விச்சுற்றுலா அழைத்துச் செல்லுதல் - SSA SPD செயல்முறைகள்

>>>2012-2013ம் கல்வியாண்டில் 9000 மாணவ - மாணவியர் மற்றும் 900 பாதுகாவலர்களைக் கல்விச்சுற்றுலா அழைத்துச் செல்லுதல் - SSA SPD செயல்முறைகள் - தரவிறக்கம் செய்ய இங்கே சொடுக்குங்கள்...

Kanyakumari,  Coimbatore, Dindigul, Erode, Madurai, Nagapattinam, Namakkal, Nilagiri, Pudukottai, Ramanathapuram, Salem, Sivagangai, Thanjavur, Theni, Tirunelveli, Tiruvarur, Trichy, Tuticorin மற்றும் Virudhunagar மாவட்ட மாணவர்கள் Chennai -Mahapalipuram அழைத்துச் செல்லப்பட உள்ளனர்.

Chennai, Cuddalore, Kanchipuram, Karur, Perambalur, Thiruvannamalai, Tiruvallur, Vellore மற்றும் Villupuram மாவட்ட மாணவர்கள் Kayakumari-Tirunelveli அழைத்துச் செல்லப்பட உள்ளனர்.

Dharmapuri மற்றும் Krishnagiri  மாவட்ட மாணவர்கள் Madurai அழைத்துச் செல்லப்பட உள்ளனர்.

>>>ஆகஸ்ட் 10 [August 10]....

• இந்திய அணுசக்தி கழகம் ஜவஹர்லால் நேருவால் துவக்கி வைக்கப்பட்டது(1948)
• முகம்மது நபி, குர் ஆனை பெற்ற நாள்(610)
• மெகலன் விண்கலம் வெள்ளிக் கோளை அடைந்தது(1990)
• மிசெளரி, அமெரிக்காவின் 24வது மாநிலமாக ஏற்றுக் கொள்ளப்பட்டது(1821)

>>>தனியார் ஐ.டி.ஐ கல்லூரிகளுக்கு இந்த மாதம் கலந்தாய்வு

தமிழகத்தில் உள்ள தனியார் ஐ.டி.ஐ.,க்களில், 50 சதவீதம் இடங்களை அரசே நிரப்பும் என அறிவித்துள்ள நிலையில், இம்மாத மத்தியில், மாணவர் சேர்க்கை கலந்தாய்வை நடத்த, வேலைவாய்ப்பு மற்றும் பயிற்சித்துறை முடிவு எடுத்து உள்ளது.

தமிழகத்தைப் பொறுத்தவரை தற்போது, 67 அரசு ஐ.டி.ஐ.க்கள் உள்ளன. இவற்றில், 22 ஆயிரத்திற்கும் மேற்பட்ட இடங்கள் உள்ளன. இதுதவிர, தமிழகம் முழுவதும், 627 அங்கீகரிக்கப்பட்ட தனியார் ஐ.டி.ஐ.,க்கள் செயல்பட்டு வருகின்றன. இவற்றில், ஆண்டுதோறும், 40 ஆயிரம் இடங்கள் வரை நிரப்பப்படுகின்றன.

அரசு ஐ.டி.ஐ.,க்களில் கலந்தாய்வின் மூலம், அரசே அனைத்து இடங்களையும் நிரப்புவது போல், தனியார் ஐ.டி.ஐ.,க்களில், 50 சதவீதம் இடங்களை நிரப்ப, அரசு முடிவெடுத்தது. தனியார் கல்லூரியில் பெறப்படும் இடங்கள், அவற்றை நிரப்புவது தொடர்பாக, சமீபத்தில் தலைமைச் செயலகத்தில், அமைச்சர் தலைமையில் கலந்தாய்வுக் கூட்டம் நடந்தது.

கூட்டத்தில், ஐ.டி.ஐ.,க்களில் மாணவர்கள் சேர்க்கைக்கான கலந்தாய்வை, இந்த மாதம் மத்தியில் துவக்கி, இறுதிக்குள் முடிக்கலாம் என, முடிவு எடுத்துள்ளதாகக் கூறப்படுகிறது. தற்போது, ஐ.டி.ஐ.,க்களில் இறுதித் தேர்வு நடந்து வருகின்றன. தேர்வு முடிந்ததும், கலந்தாய்விற்கான நடவடிக்கைகள் துவக்கப்படும்.

இதுகுறித்து, வேலைவாய்ப்புத் துறை அதிகாரி ஒருவர் கூறியதாவது: ஆண்டுதோறும், அரசு ஐ.டி.ஐ.,க்களில் சேர, 60 ஆயிரத்திற்கும் மேற்பட்டோர் விண்ணப்பிக்கும் நிலையில், குறைந்த அளவே இடங்கள் இருப்பதால், அனைவருக்கும் வாய்ப்பு அளிக்க முடியவில்லை.தற்போது, தனியார் ஐ.டி.ஐ.,க்களில் இருந்து, 20 ஆயிரம் இடங்களை அரசே நிரப்புவதால், அதிகளவில் தொழிற்பயிற்சி பெறுபவர்களை உருவாக்க முடியும்.

மேலும், நகர்ப்பகுதிகளில் உள்ள ஐ.டி.ஐ.,க்களில், கலந்தாய்வு மூலம் சேரும் மாணவர்களுக்கு, 12 ஆயிரம் ரூபாய் கட்டணமும்; கிராமப்புற ஐ.டி.ஐ.,க்களில் சேரும் மாணவர்களுக்கு, 10 ஆயிரம் ரூபாய் கட்டணமும் அரசே செலுத்துகிறது.

அதிக எண்ணிக்கையில் தொழிற்பயிற்சி அளிக்கவும்; புதிய ஐ.டி.ஐ.,க்கள் துவக்கவும்; தேவையான பணிகளில் தொழிலாளர் பற்றாக்குறையை கருத்தில் கொண்டு, புதிய பாடத் திட்டங்கள் துவக்கவும் முடிவெடுக்கப்பட்டு உள்ளது.

>>>SABL CARD - EVS - in .ppt format

>>>Click here to Download SABL ppt File.rar (358MB)

>>>9, 10ம் வகுப்பு மாணவர்களுக்கு அறிவியல் ஆய்வக கையேடு வினியோகம்

தமிழக கல்வித்துறையில், அனைவருக்கும் இடைநிலை கல்வி திட்டத்தின் கீழ், அனைத்து அரசு பள்ளிகளில் ஒன்பது மற்றும் பத்தாம் வகுப்பு மாணவர்களுக்கு, அறிவியல் ஆய்வக கையேடு இலவசமாக வினியோகிக்கப்படுகிறது.

கடந்தாண்டு முதல், பத்தாம் வகுப்பிற்கும் அறிவியல் ஆய்வக பயிற்சி துவங்கப்பட்டது. மாணவர்களுக்கு தனியாக பயிற்சி புத்தகம் வழங்கவில்லை. ஆசிரியர்களுக்கு மட்டும் புத்தகம் வழங்கப்பட்டது. இதை வைத்து ஆய்வக பயிற்சி அளிக்கப்பட்டது. இந்தாண்டு முதல், அறிவியல் ஆய்வகத்திற்கு தனியாக, அனைவருக்கும் இடைநிலை கல்வி திட்டத்தின் கீழ் புத்தகம் வெளியிடப்பட்டுள்ளது.

அரசு பள்ளிகளில் ஒன்பதாம் மற்றும் பத்தாம் வகுப்பு மாணவர்களுக்கு, வழங்கப்பட்டு வரும் புத்தகத்தில் ஆய்வக வசதிகள், பயன்படுத்தும் முறை, செய்முறை பயிற்சி குறித்தும், இயற்பியல், வேதியியல், உயிரியியல் பாடங்களில் உள்ளவைகளை தெரிந்து கொள்ளும் வகையில் தெளிவாக விளக்கப்பட்டுள்ளது.

ராமநாதபுரம் மாவட்ட முதன்மை கல்வி அலுவலர் அரங்கநாதன் கூறியதாவது: கடந்தாண்டில் ஆய்வகம் குறித்து, ஆசிரியர்கள் நடத்திய பாடங்கள் தெளிவாக புரிந்து கொள்ள முடியாமல் இருந்தது. தற்போது மாணவர்களின் கையில் புத்தகம் இருப்பதால், ஆசிரியர் நடத்தும்போது மாணவர்கள் எளிதில் புரிந்து கொள்ள முடியும். சந்தேகங்களை உடனடியாக கேட்டு தெளிவுபடுத்திக் கொள்ள முடியும், என்றார்.

நன்றி-தினமலர்

>>>9,10ம் வகுப்புகளுக்கு 2012- 13ல் முப்பருவ கல்விமுறை அமல்

நடப்பு கல்வியாண்டில், ஒன்று முதல் எட்டாம் வகுப்பு வரை அமல்படுத்தப்பட்டுள்ள முப்பருவ மற்றும் தொடர் மதிப்பீட்டு முறையை, அடுத்த கல்வியாண்டில் (2013-14) 9, 10ம் வகுப்புகளுக்கு அமல்படுத்த, மாநில கல்வியியல் ஆராய்ச்சி மற்றும் பயிற்சி நிறுவன இயக்குனர் தலைமையில் குழு அமைத்து, தமிழக அரசு உத்தரவு பிறப்பித்து உள்ளது.

பள்ளிக் கல்வித்துறை செயலர் சபிதா பிறப்பித்துள்ள அரசாணை விவரம்: வரும் 2013-14ம் கல்வியாண்டில், 9, 10ம் வகுப்புகளுக்கான பாட நூல்களை, முப்பருவ முறை மற்றும் தொடர் மதிப்பீட்டு முறையை உள்ளடக்கி தயாரிக்க ஏதுவாக, ஒவ்வொரு பாடத்திற்கும், ஒரு இணை இயக்குனரை, பொறுப்பு அலுவலர்களாக நியமனம் செய்ய வேண்டும்.

பாடப் புத்தகங்கள் எழுதும் பணிக்கு, மாநில கல்வியியல் ஆராய்ச்சி மற்றும் பயிற்சி நிறுவன இயக்குனர் தொடர்ந்து செயல்பட அனுமதிக்க வேண்டும் எனவும், அரசுக்கு, இயக்குனர் கருத்துரு அனுப்பினார். இதை பரிசீலித்து, மாநில கல்வியியல் ஆராய்ச்சி மற்றும் பயிற்சி நிறுவன இயக்குனர் தலைமையில், பாட வாரியாக பொறுப்பு அலுவலர்களை நியமனம் செய்து, தமிழக அரசு உத்தரவிடுகிறது. இவ்வாறு சபிதா தெரிவித்து உள்ளார்.

அரசு உத்தரவுப்படி, தமிழ் பாடத்திற்கு - உமா; ஆங்கிலம் பாடம் - செல்லம்; கணிதம் - செல்வராஜ்; அறிவியல் - பாலமுருகன்; சமூக அறிவியல் பாடத்திற்கு - குப்புசாமி என ஐந்து இணை இயக்குனர்கள் நியமிக்கப் பட்டு உள்ளனர்.

ஒன்று முதல், 10ம் வகுப்பு வரை, ஏற்கனவே புதிய பாடத் திட்டங்கள் அமல்படுத்தப்பட்டு உள்ளன. ஒன்பது மற்றும் பத்தாம் வகுப்பு பாடப் புத்தகங்களை, முப்பருவ கல்வி முறைக்கு ஏற்றார்போல், சில மாற்றங்களை கொண்டு வருவது, பாடப் புத்தகங்களை பிரிப்பது மற்றும் தொடர் மதிப்பீட்டு முறைக்கான விதிமுறைகளை வகுப்பது உள்ளிட்ட பணிகளை குழு செய்யும்.

வழக்கமாக இதுபோன்ற பணிகளுக்கு, ஓய்வுபெற்ற ஆசிரியர் அல்லது அதிகாரிகள், பொறுப்பு அலுவலர்களாக நியமிக்கப்படுவர். தற்போது, பணியில் உள்ள அதிகாரிகளையே நேரடியாக பொறுப்பு அலுவலர்களாக நியமித்து அரசு உத்தரவிட்டுள்ளது. இந்தப் பணியில், அரசு மற்றும் தனியார் பள்ளிகளில் பணிபுரியும் அனுபவம் வாய்ந்த ஆசிரியர்களும் ஈடுபடுத்தப்படுவர் என, துறை வட்டாரங்கள் தெரிவித்தன.

முப்பருவ கல்வி முறையில், 60 மதிப்பெண்கள் எழுத்துத் தேர்வுக்கும், 40 மதிப்பெண்கள் செய்முறைக்கும் பிரிக்கப்பட்டு உள்ளது. 10ம் வகுப்பு மற்றும் பிளஸ் 2 மாணவர்களுக்கு, முழு ஆண்டுத்தேர்வில் பெறும் மதிப்பெண்களை மட்டுமே அடிப்படையாக வைத்து, தேர்ச்சி முடிவு வெளியிடப்படுகிறது. அப்படியிருக்கும் போது, முப்பருவ கல்வி முறை மற்றும் தொடர் மதிப்பீட்டு முறையை, பத்தாம் வகுப்பிற்கு எப்படி அமல்படுத்துவர் எனத் தெரியவில்லை.

இதுகுறித்து, பள்ளிக்கல்வித்துறை வட்டாரங்கள் கூறியதாவது: பத்தாம் வகுப்பிற்கு, அடுத்த கல்வியாண்டில் அமல்படுத்துவது குறித்து முடிவெடுக்கவில்லை. முதலில், 9ம் வகுப்பிற்கு திட்டத்தை நீட்டிப்பு செய்துவிட்டு, அதற்கு அடுத்த கல்வியாண்டில் (2014-15), பத்தாம் வகுப்பிற்கு அமல்படுத்தலாம் என, யோசித்து வருகிறோம்.

பள்ளிக்கல்வி அமைச்சர் தலைமையில், உயர்மட்டக்குழு அமைக்கப் பட்டு உள்ளது. இக்குழு கூடி, 10ம் வகுப்பிற்கு முப்பருவ கல்வி முறை மற்றும் தொடர் மதிப்பீட்டு திட்டத்தை அமல்படுத்துவது குறித்து விவாதித்து, விதிமுறைகளை வகுக்கும்.

சி.பி.எஸ்.இ., பள்ளிகளில், 10ம் வகுப்பிற்கு, கட்டாய பொதுத்தேர்வு ரத்து செய்யப்பட்டு, பள்ளி நடத்தும் தேர்வு, போர்டு நடத்தும் தேர்வு என, இரு வகையான தேர்வு நடத்தி, "கிரேடு" முறையில் மதிப்பெண் சான்றிதழ் வழங்கப்படுகிறது. இத்திட்டம் எந்தளவிற்கு வெற்றி பெற்றுள்ளது என்பதையும் ஆய்வு செய்வோம். இவ்வாறு துறை வட்டாரங்கள் தெரிவித்தன.

நன்றி-தினமலர்

>>>ஆகஸ்ட் 09 [August 09]....

• சிங்கப்பூர் விடுதலை தினம்(1965)
• தென்னாப்பிரிக்க தேசிய பெண்கள் தினம்
• தாமஸ் ஆல்வா எடிசன் தனது இருவழி தந்திக்கான காப்புரிமம் பெற்றார்(1892)
• பைசா சாயும் கோபுரத்தில் கட்டிட வேலைகள் ஆரம்பிக்கப்பட்டன.இது 200 ஆண்டுகளுக்கு பின்னரே முடிவுற்றது(1173)