கல்லூரி இறுதியாண்டு வகுப்புகள் இன்று திறப்பு... மருத்துவ படிப்பில் அனைத்து வகுப்பும் உண்டு...

கொரோனா தொற்று பரவலால், பல மாதங்களாக மூடப்பட்டிருந்த கல்லுாரிகள், பல்கலைகள் அனைத்தும், இன்று முதல் திறக்கப்பட்டு, இறுதியாண்டு மாணவர்களுக்கு நேரடி வகுப்புகள் நடத்தப்பட உள்ளன. மருத்துவம், மருத்துவம் சார்ந்த கல்லுாரிகளில் மட்டும், இளநிலை, முதுநிலை என, அனைத்து வகுப்புகளும் இன்று துவங்கப்படுகின்றன.

கொரோனா தொற்றுநோய் பரவலால், மார்ச்சில் பள்ளி, கல்லுாரிகள் மூடப்பட்டன. இதையடுத்து, புதிய கல்வி ஆண்டு துவங்கிய பிறகும், பள்ளி, கல்லுாரிகள் திறக்கப்படவில்லை. ஆன்லைனில் பாடங்கள் நடத்தப்பட்டு வந்தன. இந்நிலையில், ஊரடங்கு விதிகள் தளர்த்தப்பட்டுள்ளதால், கல்லுாரிகள், பல்கலைகளை திறக்க, தமிழக அரசு அனுமதி அளித்து உள்ளது.

இதன்படி, அறிவியல் மற்றும் தொழில்நுட்ப கல்லுாரிகளில், முதுநிலை படிப்பில், இறுதியாண்டு மற்றும் ஆராய்ச்சி படிப்பு மேற்கொள்ளும் மாணவர்களுக்கு, டிச., 2 முதல் நேரடி வகுப்புகள் துவங்கின. இதையடுத்து, அனைத்து வகை கல்லுாரிகள் மற்றும் பல்கலைகளில், இளநிலை மற்றும் முதுநிலை இறுதியாண்டு படிக்கும் மாணவர்களுக்கு, இன்று முதல் நேரடி வகுப்புகள் துவங்க உள்ளன.

எந்தெந்த கல்லுாரிகள்?

கலை, அறிவியல், தொழில்நுட்பம், இன்ஜினியரிங், வேளாண்மை, மீன் வளம், கால்நடை மருத்துவ அறிவியல் கல்லுாரிகளில், இறுதியாண்டு மாணவர்களுக்கு நேரடி வகுப்புகள் துவங்கப்படுகின்றன. ஹோட்டல் மேனேஜ்மென்ட் மற்றும் பாலிடெக்னிக் கல்லுாரி இறுதியாண்டு மாணவர்களுக்கும், நேரடி வகுப்புகளுக்கான அனுமதி வழங்கப்பட்டுள்ளன.

இவை தவிர, மருத்துவம் மற்றும் அனைத்து மருத்துவம் சார்ந்த கல்லுாரிகளில், இளநிலை மற்றும் முதுநிலை வகுப்புகள், இன்று முதல் துவங்கப்படுகின்றன. மருத்துவத்தில் மட்டும், அனைத்து வகுப்பு மாணவர்களும், இன்று முதல் கல்லுாரிக்கு வர வேண்டும் என, உத்தரவிடப் பட்டுஉள்ளது. நடப்பு கல்வியாண்டில் புதிதாக சேரும் மருத்துவ மாணவர்களுக்கு மட்டும், பிப்., 1 முதல் வகுப்புகள் துவங்கப்படும் என, அறிவிக்கப்பட்டுள்ளது. மாணவர்களுக்கான விடுதி களையும், இன்று முதல் திறக்கலாம் என, அனுமதி அளிக்கப்பட்டுள்ளது. நீண்ட காலத்திற்கு பின், கல்லுாரி, பல்கலைகள் திறக்கப்படுவதால், மாணவர்கள் குஷியடைந்துள்ளனர்.

அனைத்து வகை கல்லுாரிகளும் திறக்கப்படும் நிலையில், மாணவர்கள், ஆசிரியர்கள், கொரோனா தடுப்பு பாதுகாப்பு வழிமுறைகளை கட்டாயம் கடைபிடிக்கும்படி, அரசு உத்தரவிட்டுள்ளது.இது தொடர்பான பாதுகாப்பு வழிமுறைகளும் அறிவிக்கப்பட்டுள்ளன.

வழிமுறைகள் என்ன?

* வகுப்புகளில் நெருக்கமாக மாணவர்கள் அமரவோ, நிற்கவோ கூடாது. சமூக இடைவெளிக்கு வாய்ப்பில்லாத நிலையில், பாட திட்டம் சாராத இணை கல்வி நடவடிக்கைகளுக்கு அனுமதிக்க வேண்டாம்

* வெளியாட்கள், செயல்முறை வகுப்பு எடுக்கவும், வேறு பணிகளுக்கு வருவதையும் அனுமதிக்க வேண்டாம்

* மாணவர்கள் கட்டாயம் முக கவசம் அணிய வேண்டும். சானிடைசர் மற்றும் சோப்பால், கைகளை சுத்தம் செய்ய, ஏற்பாடுகள் மேற்கொள்ள வேண்டும்

* கல்லுாரிக்கு வர இயலாத மாணவர்களுக்கு, ஆன்லைனில் பாடம் நடத்த வேண்டும். வெளிநாட்டு மாணவர்களுக்கும், ஆன்லைனில் பாடம் நடத்த வேண்டும் 

சுழற்சி வகுப்புகள்

* இட பற்றாக்குறை இருந்தால், 50 சதவீத மாணவர்களை வைத்து, சுழற்சி முறையில் பாடம் நடத்தலாம். வாரம் ஆறு நாட்களும் கல்லுாரிகள், பல்கலைகள் இயங்க வேண்டும்

* பேராசிரியர்கள், பணியாளர்களும், கொரோனா தடுப்பு முறைகளில் அக்கறை காட்ட வேண்டும்

* விடுதிகளில் தங்கியுள்ள மாணவர்கள், உணவை பார்சலாக பெற்று செல்ல அனுமதிக்க வேண்டும். உணவறையில் கூட்டம் கூடக் கூடாது. உணவு வழங்கும் நேரத்தை அதிகரிக்க வேண்டும்

* நுழைவு வாயிலில், மாணவர்களின் உடல் வெப்பநிலை சோதித்த பின் அனுமதிக்க வேண்டும். கொரோனா பாதித்து, சிகிச்சை பெற்று வரும் மாணவர்களிடம், பாரபட்சமாக நடந்து கொள்ளக் கூடாது

* தொற்று அறிகுறி உள்ளவர்களை அருகில் உள்ள மருத்துவமனைக்கு பரிந்துரைக்க வேண்டும். இவ்வாறு, பல்வேறு வழிகாட்டு முறைகள் கூறப்பட்டுள்ளன.

புதிய பள்ளிகள் தொடங்க மாவட்ட வாரியாக பட்டியல் - பள்ளிக்கல்வித்துறை உத்தரவு...

 குடியிருப்பு பகுதிகளில் புதிதாக தொடக்க, நடுநிலைப்பள்ளிகள் தொடங்க மாவட்ட வாரியாக பட்டியல் தயாரித்து அறிக்கை அனுப்ப பள்ளிக்கல்வித்துறை உத்தரவிட்டுள்ளது. தமிழ்நாடு ஒருங்கிணைந்த பள்ளி கல்வி இணை இயக்குநர், அனைத்து மாவட்ட முதன்மைக்கல்வி அலுவலர்களுக்கும் அனுப்பி உள்ள சுற்றறிக்கை: தமிழ்நாடு இலவச கட்டாய கல்வி உரிமை விதிகள் 2011ல், ஒவ்வொரு குடியிருப்பு பகுதியிலும் 1 கி.மீ. தொலைவிற்குள் தொடக்கப்பள்ளி வசதியும், 3 கி.மீ. தொலைவிற்குள் நடுநிலைப் பள்ளி வசதியும் இருத்தல் வேண்டும் என வரையறுக்கப்பட்டுள்ளது. பள்ளி வசதி இல்லாத குடியிருப்புகள் விவரம் ஒருங்கிணைந்த பள்ளிக்கல்வி கட்டமைப்பில் கூறியுள்ளவாறு புவியியல் தகவல் முறை மற்றும் கள ஆய்வு மூலம் கடந்த 2018-19ம் ஆண்டு கண்டறியப்பட்டுள்ளது.

இந்த குடியிருப்புகளில் உள்ள குழந்தைகள் 2021-2022ல் பாதுகாப்பாக பள்ளிக்கு செல்ல மேற்கொள்ள வேண்டிய உத்திகள் குறித்த விவரங்கள் மற்றும் பள்ளி வரைபட பயிற்சி மூலம் பெறப்பட உள்ளது. அதன்படி குடியிருப்பிற்கு அருகில் 5 கி.மீ தொலைவில் உயர்நிலைப்பள்ளி இல்லையென்றால், நடுநிலைப்பள்ளியை உயர்நிலைப் பள்ளியாகவும், 8 கி.மீ தொலைவில் மேல்நிலைப்பள்ளி இல்லாத நிலையில், உயர் நிலைப்பள்ளியை மேல்நிலைப் பள்ளியாகவும் தரம் உயர்த்தலாம். 8ம் வகுப்பில் 70 மாணவர்களுக்குக் குறையாமல் சேர வாய்ப்பு உள்ள நடுநிலைப்பள்ளிகள் உயர் நிலைப்பள்ளியாகவும், 10ம் வகுப்பில் குறைந்தபட்சம் 100 மாணவர்கள் உள்ள உயர்நிலைப்பள்ளிகளை மேல்நிலைப் பள்ளிகளாகவும் தரம் உயர்த்தலாம்.

எஸ்சி மக்கள் அதிகமாக உள்ள இடங்கள், பெண்கள் பள்ளிகளை தரம் உயர்த்தலாம். போக்குவரத்து வசதி இல்லாத மற்றும் பள்ளி வசதி இல்லாத குடியிருப்புகளில் உள்ள குழந்தைகள் பயில உண்டு உறைவிட பள்ளிகள், விடுதிகள் வழங்கவும் கூறப்பட்டுள்ளது.இவ்விவரங்கள் அனைத்து மாவட்ட முதன்மைக் கல்வி அலுவலர்கள், மாவட்ட கல்வி அலுவலர்கள், வட்டாரக் கல்வி அலுவலர் அலுவலகங்களில் வட்டார வள மையங்கள் சார்ந்த பள்ளிகளில் பராமரிக்கப்பட வேண்டும்.இவ்வாறு அதில் கூறியுள்ளார்.

பொதுமக்களின் பங்களிப்பு

நடுநிலைப்பள்ளியினை உயர்நிலைப் பள்ளியாக தரம் உயர்த்த பொதுமக்கள் பங்குத் தொகை ₹1 லட்சமும், உயர்நிலைப்பள்ளியை மேல்நிலைப்பள்ளியாக தரம் உயர்த்த ரூ2 லட்சமும் அரசு கணக்கில் செல்லுத்தப்பட வேண்டும். மாநகராட்சிக்கு 8 கிரவுண்டு, மாவட்ட தலைமையகம் 8 கிரவுண்டு, நகராட்சிக்கு 10 கிரவுண்டு, பேரூராட்சியில் ஒரு ஏக்கர், ஊராட்சியில் 3 ஏக்கர் இருக்க வேண்டும் என்று குறிப்பிடப்பட்டுள்ளது.

397 ஆண்டுகளுக்குப் பின்னர் நடைபெறும் 'கிரேட் கஞ்சங்ஷன்' - வானியல் நிகழ்வு...

வரும் டிசம்பர் 24ம் தேதி 397 ஆண்டுகளுக்குப் பிறகு வியாழனும் சனியும் மிக அருகில் சந்திக்க உள்ளன.

கடந்த 1623 ஆம் ஆண்டுக்குப் பின்னர் இந்த இரு கிரகங்களும் இவ்வளவு அருகில் சந்தித்ததில்லை என்று புகழ்பெற்ற பிர்லா கோளரங்கத்தின் தலைவர் தேவி பிரசாத் துரை தகவல் அளித்துள்ளார்.

டிச.,21 அன்று இந்த இரு கிரகங்களும் ஒரே நேர்கோட்டில் இருப்பதால் ஒரு பெரிய நட்சத்திரம்போலக் காட்சியளிக்கும் என அவர் கூறியுள்ளார். இதற்குப் பெயர் கஞ்சங்ஷன். வியாழனும் சனியும் இணையும் இந்த நிகழ்வின் பெயர் கிரேட் கஞ்சங்ஷன் ஆகும். இதற்குப் பின்னர் வரும் 2080ஆம் ஆண்டு மார்ச் 15-ஆம் தேதி அன்று இந்த இரு கிரகங்களும் மிக அருகில் சந்திக்கும் என்பது குறிப்பிடத்தக்கது.

அரசுத் தேர்வுகள் இயக்ககம் - தென்காசி, கள்ளக்குறிச்சி, திருப்பத்தூர், ராணிப்பேட்டை மற்றும் செங்கல்பட்டு ஆகிய புதிய வருவாய் மாவட்டங்களில் புதிய முதன்மைக் கல்வி அலுவலகங்கள் தோற்றுவித்தமை - புதிய மாவட்டங்களை உள்ளடக்கிய முதன்மைக் கல்வி அலுவலகங்கள் பட்டியல் தயாரித்துள்ளமை - கல்வி மாவட்டம் மாறியுள்ள பள்ளிகளின் விபரங்களை அனுப்பி வைக்கக் கோரி அரசுத் தேர்வுகள் இயக்குநர் கடிதம்... 💥 இணைப்பு புதிதாக தயாரிக்கப்பட்ட முதன்மைக் கல்வி அலுவலகங்கள் மற்றும் அதனை சார்ந்த மாவட்ட கல்வி அலுவலகங்களின் பட்டியல்...

 அரசுத் தேர்வுகள் இயக்ககம் - தென்காசி, கள்ளக்குறிச்சி, திருப்பத்தூர், ராணிப்பேட்டை மற்றும் செங்கல்பட்டு ஆகிய புதிய வருவாய் மாவட்டங்களில் புதிய முதன்மைக் கல்வி அலுவலகங்கள் தோற்றுவித்தமை - புதிய மாவட்டங்களை உள்ளடக்கிய முதன்மைக் கல்வி அலுவலகங்கள் பட்டியல் தயாரித்துள்ளமை - கல்வி மாவட்டம் மாறியுள்ள பள்ளிகளின் விபரங்களை அனுப்பி வைக்கக் கோரி அரசுத்  தேர்வுகள் இயக்குநர் கடிதம்...

💥 இணைப்பு புதிதாக தயாரிக்கப்பட்ட முதன்மைக் கல்வி அலுவலகங்கள் மற்றும் அதனை சார்ந்த மாவட்ட கல்வி அலுவலகங்களின் பட்டியல்...

>>> அரசுத் தேர்வுகள் இயக்குநர் கடிதம் தரவிறக்கம் செய்ய இங்கே சொடுக்கவும்...

ஒருங்கிணைந்த பள்ளிக் கல்வி - 2020-21ஆம் ஆண்டிற்கான பள்ளித் தரநிலை மற்றும் மதிப்பீடு (Shaala Siddhi)உட்கூறு சார்ந்த வழிகாட்டு நெறிமுறைகள் வெளியீடு...

 ஒருங்கிணைந்த பள்ளிக் கல்வி - 2020-21ஆம் ஆண்டிற்கான பள்ளித் தரநிலை மற்றும் மதிப்பீடு (Shaala Siddhi) உட்கூறு சார்ந்த வழிகாட்டு நெறிமுறைகள் வெளியீடு...

>>> Click here to Download SPD Letter...

தமிழ்நாடு மருத்துவ சேவைகளில் வேலைவாய்ப்பு - காலிப்பணியிடங்கள்: 76, விண்ணப்பிக்க கடைசி நாள்: 24-12-2020...

 

(எம்ஆர்பி) இந்த ஆண்டு 76 சிகிச்சை உதவி வேலைகளை 2020 இல் வெளியிட்டுள்ளது. ஆர்வமுள்ளவர்கள் மற்றும் அனைத்து தகுதிகளையும் பூர்த்தி செய்தவர்கள் அறிவிப்பைப் படித்து ஆன்லைனில் விண்ணப்பிக்கலாம். மருத்துவ சேவைகள் ஆட்சேர்ப்பு வாரியம் (எம்ஆர்பி) ஆட்சேர்ப்புக்கு விண்ணப்பிக்க அதிகாரப்பூர்வ வலைத்தளம்

www.mrb.tn.gov.in

வேலை காலியிட விவரங்கள்

மொத்த காலியிடம் - 76 பதிவுகள்

இடுகையின் பெயர்: சிகிச்சை உதவியாளர்

வயது எல்லை :

குறைந்தபட்ச வயது 18 வயது

அதிகபட்ச வயது 58 வயது

சம்பளம்:

ரூ .18000 - 56900 /

கல்வி தகுதி:

விண்ணப்பதாரர்கள் அங்கீகரிக்கப்பட்ட  டிப்ளோமா தேர்ச்சி பெற வேண்டும்.

விரிவான விண்ணப்ப கட்டண தகவல்களுக்கு அதிகாரப்பூர்வ அறிவிப்பை தயவுசெய்து சரிபார்க்கவும்.

தேர்வு செயல்முறை

எழுத்துத் தேர்வு

தனிப்பட்ட நேர்காணல்

ஆவண சரிபார்ப்பு

எப்படி விண்ணப்பிப்பது :

Download MRB official Notification 2020 and Online Apply

http://www.mrb.tn.gov.in/pdf/2020/Therapeutic_Assistant_Male_Female_Notification_03122020.pdf

இன்றைய செய்திகள் தொகுப்பு... 07.12.2020 (திங்கள்)...

 🌹கண்ணீர் சிந்தும்போது துடைக்க யாரும் வருவதில்லை.

கவலை கொள்ளும் போது ஆறுதல் சொல்ல யாரும் வருவதில்லை.

ஆனால் அறியாமல் ஒரு  

தவறு செய்து பாருங்கள்.

உங்களை விமர்சிக்க 

இந்த உலகமே கூடிவரும்.!

🌹🌹சந்தோஷம் என்பது நாம் வாழும் இடத்தில் இல்லை.

நாம் வாழும் விதத்தில் தான் உள்ளது.!!

🌹🌹🌹இதுவும் கடந்து போகும் என்பதை விட இதுவும் பழகிப் போகும் என்பதே சில சமயம் வாழ்க்கைக்கு பொருத்தமானதாக அமைகிறது.!!!

அனைவருக்கும் இனிய காலை வணக்கம்.

🙏🙏🙏🙏🙏🙏🙏🙏🙏🙏

📕📘கொவிட்-19 தடுப்பூசி ஒரிரு வாரங்களில் தயாராகிவிடும் - பிரதமர் நம்பிக்கை. 

📕📘ஜனவரியில் பள்ளிகளை திறக்க அனைத்து மாநில முதல்வர்களுக்கும் கடிதம் - நாளிதழ் செய்தி. 

📕📘மத்திய மனிதவள மேம்பாட்டு அமைச்சகம் தரப்பில் அறிவுறுத்தப் பட்டால் CBSE பள்ளிகளை திறக்கலாம் - பள்ளிக்கல்வித்துறை ஆலோசனை. 

📕📘பழங்குடியினர் உண்டு உறைவிடப் பள்ளிகளில் காலியாக உள்ள ஆசிரியர் பணியிடங்களை தொகுப்பு ஊதியத்தில் நிரப்புதல் தொடர்பாக இயக்குநரின் செயல்முறை வெளியீடு.

📕📘கோவை பாரதியார் பல்கலைக்கழக கல்லூரிகளில் இளநிலை, முதுநிலை பட்டப்படிப்பு மாணவர்களுக்கு செமஸ்டர் தேர்வு டிசம்பர் 23 என  அறிவிப்பு.

📕📘M.Phil, P.Hd. ஆய்வறிக்கையைச் சமர்ப்பிக்க ஜுன் 2021 வரை கால அவகாசம் நீட்டிப்பு.

📕📘ஆரோக்ய சேது' ஆப் அவசியம்... கல்லூரிகளுக்கு தமிழக அரசின் நெறிமுறைகள் அறிவிப்பு!

📕📘அரசு அலுவலகம்/ பள்ளிகளில் தினக்கூலியாக பணியாற்றுபவர்களுக்கு கால முறை ஊதியம் வழங்க உரிய வழிமுறையாக புள்ளிவிபரம் கோருவது சார்ந்த அரசாணை வெளியிடப்பட்டுள்ளது.

📕📘ஜிப்மரில் முதுகலை மருத்துவப் படிப்புகளுக்கு நுழைவுத் தேர்வு; 71 சதவீதத்தினர் பங்கேற்பு: வரும் 11-ம் தேதிக்குள் தேர்வு முடிவுகள்

📕📘தொழில்நுட்ப களப்பணிக்கு 640 ஆசிரியர்கள் தேர்வு பள்ளிக்கல்வித் துறை அதிகாரிகள் தகவல்

📕📘20 துறைகளில் உள்ள 52 பிரிவுகளில் பணிபுரியும் அரசு ஊழியர்களுக்கு ஊதியத்தை மறுசீரமைப்பு செய்ய உத்தரவு.

டிசம்பர் மாத ஊதியத்துடன் மறுசீரமைக்கப்பட்ட ஊதியத்தை வழங்க உத்தரவிட்டு அரசாணை வெளியீடு.

டிசம்பர் 15க்குள் மறுசீரமைப்பு செய்து அறிவிக்கையை கருவூலத்துறைக்கு சமர்ப்பிக்கவும் அறிவுறுத்தல்

📕📘நாள்கள் குறைவாக உள்ளதால் பாடங்களை மேலும் குறைக்க முடிவு.                  👉பாடத்திட்டத்தை குறைப்பது குறித்து மற்றொரு ஆய்வு செய்யப்படும் - அமைச்சர் செங்கோட்டையன்                                                                                                                                                                                                                                                    📕📘அரசு ஒதுக்கீட்டு பணியிடங்களில் தற்காலிக பணியாளர்களை நிரந்தரம் செய்ய கூடாது தலைமை   செயலாளர் சண்முகம் எச்சரிக்கை.                                            

📕📘தமிழகத்தில், புயல் மற்றும் கன மழையால் பாதிக்கப்பட்ட பகுதிகளில், போர்க்கால அடிப்படையில் நிவாரண பணிகள் மேற்கொள்ள,11 அமைச்சர்களை நியமனம் செய்துள்ள முதலமைச்சர் எடப்பாடி பழனிசாமி நிவாரண நடவடிக்கைகளை துரிதப்படுத்துமாறு  உத்தரவிட்டுள்ளார்.

📕📘டெல்லியில் 861.90 கோடி செலவில் கட்டப்பட உள்ள புதிய நாடாளுமன்ற கட்டிடத்துக்கான பூமி பூஜை வரும் 10ம் தேதி நடைபெறுகிறது. இதில், பிரதமர் மோடி கலந்து கொண்டு அடிக்கல் நாட்டுகிறார். 

📕📘கொரோனா வைரஸ் தடுப்பூசி சோதனைகளின் முடிவுகள் நம்பிக்கை தருவதாக அமைந்துள்ளன. எனவே கொரோனா வைரஸ் பெருந்தொற்று முடிவுக்கு வருவதை உலகம் கனவு காண தொடங்கலாம் - டெட்ரோஸ் அதனோம்.

📕📘நிலவில் இருந்து மாதிரிகளை எடுத்துக் கொண்டு, சீன விண்கலம் பூமிக்குத் திரும்பும் பயணத்தை வெற்றிகரமாகத் தொடங்கியது.

📕📘நிர்வாக வசதிக்காக தற்போது 38 மாவட்டங்களாக உள்ள ரஜினி மக்கள் மன்றங்களை 60ஆக விரிவுப்படுத்த ரஜினிகாந்த் முடிவு.

மாவட்டங்களை பிரிவுக்கும் பணிகளை மேற்கொள்ள ஒருங்கிணைப்பாளர்  அர்ஜூன மூர்த்திக்கு அதிகாரம் வழங்கினார் ரஜினி

📕📘எந்த ஒரு கட்சி உதயமாவதற்கும் முன்னணி, பின்னணியில் பாஜக இல்லை

 எங்கள் கட்சியை தமிழகத்தில் வளர்க்க உள்ளோம், பிற கட்சிகளை வளர்க்க வேண்டிய அவசியம் இல்லை

- வானதி சீனிவாசன்

📕📘நடிகர் ரஜினிகாந்த் தமிழக மக்களை முட்டாள்கள் என நினைத்துக்கொண்டிருக்கிறாரா?

ரஜினியின் தேவை தமிழ்நாட்டிற்கு தேவையே இல்லை

- சீமான்

📕📘காங்கிரசுடன் கூட்டணி வைத்ததன் மூலம் மிகப்பெரிய தவறை செய்து விட்டேன்.நான் சேர்த்து வைத்த நற்பெயரை எல்லாம் இழந்து விட்டேன்.

பாஜகவுடன் கூட்டணி வைத்திருந்தால் முதலமைச்சராக நீடித்திருப்பேன்.

- கர்நாடக முன்னாள் முதல்வர் குமாரசாமி

📕📘வேளாண் சட்டங்களை எதிர்த்து இந்தியாவில் போராடும் விவசாயிகளுக்கு ஆதரவாக அமெரிக்காவில்  போராட்டம்.

சான் பிரான்ஸிஸ்கோ - ஆக்லாந்து பே பாலத்தின் மீது கார்களை நிறுத்தியது உட்பட பல்வேறு இடங்களில் போராட்டம்.

📕📘வீரப்பனை வீழ்த்திய குழுவில் இருந்தவர்களுக்கு வழங்கப்பட்ட இரட்டைப் பதவி உயர்வு செல்லாது - உயர் நீதிமன்றம்

📕📘மத்திய அரசு வேளாண் சட்டங்களை திரும்பப் பெறும்வரை போராட்டம் தொடரும் - விவசாயிகள் அறிவிப்பு

📕📘மக்கள் நீதி மையம் கட்சி தலைவர் கமலஹாசன்-க்கு அண்ணா பல்கலைக்கழக துணைவேந்தர் சுரப்பா நன்றி

என்னுடைய நேர்மை, அர்ப்பணிப்பு, கல்வித்துறைக்கான எனது சேவையை கருத்தில் கொண்டு ஆதரவளிப்பது என்பது எனக்கான ஆதரவு அல்ல, இந்த நாட்டின் எதிர்காலத்திற்கான ஆதரவு அது 

-சூரப்பா

📕📘அண்ணாத்த படப்பிடிப்புக்காக ஐதராபாத் புறப்பட்டார் ரஜினிகாந்த்; பிறந்தநாளன்று போயஸ் இல்லத்திற்கு ரசிகர்கள் வரவேண்டாம் என ரஜினிகாந்த் வேண்டுகோள்

📕📘புரட்சியாளர் அம்பேத்கரின் நினைவு நாளான நேற்று ஊடகவியலாளர் விக்ரமன் எழுச்சித்தமிழர் முன்னிலையில் விடுதலைச் சிறுத்தைகள் கட்சியில் இணைந்தார்.

📕📘வேளாண் சட்டங்களை திரும்பப்பெறாவிட்டால் கேல்ரத்னா விருதை திருப்பித்தருவேன் என ஒலிம்பிக் போட்டியில் இந்தியாவுக்காக பதக்கம் வென்ற குத்துச்சண்டை வீரர் விஜேந்தர் சிங் எச்சரிக்கை. 

📕📘தமிழகத்தில் சென்னை, காஞ்சிபுரம், திருவள்ளூர் மாவட்டங்களில் நிவர் மற்றும் கன மழையால் பாதிக்கப்பட்ட பகுதிகளை மத்தியக் குழுவினர் நேற்று முதல் ஆய்வு செய்து வருகின்றனர். 

📕📘வேளாண் சட்டங்களால் விவசாயிகளுக்கு பாதிப்பு இல்லை என்பது பற்றி நாங்கள் விவாதிக்கத் தயார் 

- அமைச்சர் மாஃபா பாண்டியராஜன்

📕📘ஆஸ்திரேலியாவுக்கு எதிரான 2 -வது டி-20 கிரிக்கெட் போட்டியில் இந்தியா 6 விக்கெட் வித்தியாசத்தில் வெற்றி பெற்று தொடரை கைப்பற்றியது. 

📕📘ஆட்ட நாயகனாக தேர்வு செய்யப்பட்ட ஹர்திக் பாண்டியா : 

"நடராஜன்  ஆட்ட நாயகனாக தேர்வு செய்யப்படுவார் என்று நினைத்தேன். அனைத்து பந்து வீச்சாளர்களும் தடுமாறினர் , ​​ஆனால் நடராஜன் மிக சிறப்பாக பந்து வீசினார். நடராஜனுக்கு எனது வாழ்த்துக்கள்."

📕📘டெல்லியில் நடக்கும் போராட்டத்திற்கு ஆதரவு கோரி வரும் 8 ஆம் தேதி,விவசாய சங்கங்கள் அழைப்பு விடுத்துள்ள பாரத் பந்திற்கு பல்வேறு அரசியல் கட்சிகளும், அமைப்புகளும் ஆதரவு தெரிவித்துள்ளன.

📕📘திட்டமிட்டப்படி தமிழகத்தில் இன்று கல்லூரிகள் திறக்கப்படும் என உயர்கல்வித்துறை அமைச்சர் கே.பி.அன்பழகன் அறிவிப்பு

📕📘டிசம்பர் 8ம் தேதி நடக்கவிருக்கும் நாடு தழுவிய வேலை நிறுத்தத்தில் மக்கள் நீதி மய்யம் பங்கேற்கிறது.                        

📕📘தமிழ்வழி கல்வி பயின்றோருக்கு அரசு பணியில் 20 சதவீத இடஒதுக்கீடு சட்டத்திருத்தத்துக்கு 8 மாதங்களாக ஆளுநரின் ஒப்புதலை பெறாதது ஏன் மு.க. ஸ்டாலின் கேள்வி

📕📘சேலத்தில் சாலை விதிகளை மீறுவோரை சிசிடிவி கேமரா மூலம் கண்காணித்து வழக்குப் பதிவு செய்யும் முறை அறிமுகம்                                            

📕📘ஊடக செய்திகளின் அடிப்படையில் நடவடிக்கை எடுக்க வேண்டும்: போலீஸாருக்கு உயர் நீதிமன்றம் உத்தரவு

📕📘அமெரிக்க அதிபர் தேர்தலில் வெற்றி பெறுவதற்கு தேவையான வாக்குகளை திரு. ஜோ பைடன் பெற்றுள்ளதாக அதிகாரபூர்வமாக அறிவிக்கப்பட்டுள்ளது

📕📘நாகை மாவட்டம் கொளப்பாட்டில் திமுக தலைவர் மு.க.ஸ்டாலின் மழை சேதங்களை பார்வையிட்டார்.

மழையால் பாதிக்கப்பட்ட மக்களுக்கு ஸ்டாலின் நிவாரணப் பொருட்களை வழங்கினார்.

📕📘வேளாண் சட்டங்களை ரத்து செய்யக்கோரி நடைபெறும் நாடு தழுவிய போராட்டத்துக்கு திமுக தோழமை கட்சிகள் ஆதரவு அளித்துள்ளனர்.

வருகின்ற 8ம் தேதி நடைபெறும் பாரத் பந்த் முழு அடைப்பை வெற்றி அடைய செய்வோம் என்று தெரிவித்துள்ளனர்.

📕📘பாஜக & ஆர்எஸ்எஸ் அச்சுறுத்தல் காரணமாகவே ரஜினி கட்சி தொடங்குகிறார்.

ரஜினி பாஜகவின் முகமே , உடல்நலம் சரியில்லை எனக் கூறியவர் கட்சி தொடங்கியது அச்சுறுத்தல் காரணமாகதான்

துணைவேந்தர் சூரப்பாவை கமல் ஆதரிப்பது ஏன் என தெரியவில்லை ?

திருமாவளவன் எம்பி

📕📘சேலம் இரும்பாலையை தனியார் மயமாக்குவது தொடர்பான பணிகள் நடைபெற்று வருகின்றன

இரும்பாலை தனியார் மையத்தால் தொழிலாளர்களுக்கு எந்த பாதிப்பும் ஏற்படாது

மத்திய அமைச்சர் பக்கன்சிங் குளாஸ்தே

📕📘அண்ணல் அம்பேத்கரின் நினைவு நாளில் சமூகநீதி சுடரை அணையாமல் காப்போம்

இந்தியாவில் தோன்றிய அறிவு சூரியன் ,  நூற்றாண்டின் புதிய புத்தர் ,  ஒடுக்கப்பட்டோரின் ஒளிவிளக்கு அம்பேத்கர்

திமுக தலைவர் முக.ஸ்டாலின்                                      

📕📘தேசத்தைக் கட்டியெழுப்புவதில் அம்பேத்கரின் பங்களிப்பை நாம் நினைவில் கொள்வோம் என ராகுல் காந்தி கூறினார். மேலும் இந்தியாவை அனைத்து விதமான பாகுபாடுகளிலிருந்தும் விடுவிக்க உழைப்பதே அவருக்கு செலுத்தும் உண்மையான மரியாதை என தெரிவித்தார்.

📕📘கொரோனா தடுப்பு மருந்து வரும் வரையில் கவனக்குறைவு வேண்டாம்     முகக் கவசம் அனைவரும் அணிய வேண்டும்! சுகாதாரத்துறை செயலாளர் ராதாகிருஷ்ணன்                                                           📕📘ஊதியத்தில் வருமான வரி பிடித்தம் (TDS) செய்தல் தொடர்பான அனைத்து தகவல்களையும்  உள்ளடக்கிய வருமான வரித் துறையின் சுற்றறிக்கை வெளியீடு

📕📘தமிழ் வழியில் படிப்பவர்களுக்கு தமிழகத்தில் வாய்ப்பு வழங்குங்கள் -உயர்நீதிமன்ற மதுரை கிளை

🙏🙏🙏🙏🙏🙏🙏🙏                               

 என்றும் அன்புடன்

சு.வேலுமணி M.A.,B.Ed.,

தலைமையாசிரியர்                                                         & மாவட்டச் செயலாளர்.

தமிழ்நாடு தொடக்கப்பள்ளி ஆசிரியர் மன்றம்,

கரூர் மாவட்டம்.

அலைபேசி:9003599926