>>> கல்வி அஞ்சல் Youtube Channel-ஐ Subscribe செய்ய...
தமிழ்நாடு அறிவியல் தொழில் நுட்ப மையம், சென்னை-25
2021-22ஆம் ஆண்டுக்காக புத்தாக்க அறிவியல் ஆய்வு விருதுக்குத் (INSPIRE MANAK AWARD) தேர்ந்தெடுக்கப்பட்ட மாணவர்களுக்கு புத்தாக்க அறிவியல் ஆய்வு விருதுக்கான மாவட்ட அளவிலான கண்காட்சிகள் (DISTRICT LEVEL EXHIBITION AND PROJECT COMPETITION) நடத்தப்பட நடவடிக்கைகள் மேற்கொள்ளப் பட்டுள்ளது. அது குறித்து ஒன்றிய அரசின் அறிவியல் தொழில்நுட்பத் துறை (Department of Science and Technology) மற்றும் தேசிய புத்தாக்க நிறுவனம்(NIF INDIA) ஆகியவை அனுப்பிய சுற்றறிக்கையின்படி மாவட்ட அளவிலான கண்காட்சிகள் இணைய வழியில் நடைபெற ஏற்பாடு செய்யப்பட்டுள்ளது.
மாவட்ட அளவிலான கண்காட்சிகளை இணைய வழியில் நடத்த தனிப்பட்ட கணினி அல்லது செல்பேசி மென்பொருள் இப்பயன்பாட்டிற்காக உருவாக்கப்பட்டுள்ளது. MANAK Competition APP என்ற இதனை Google Play Store மூலம் பதிவிறக்கிக் கொள்ளலாம்.
புத்தாக்க அறிவியல் ஆய்வு விருதுக்குத் தேர்ந்தெடுக்கப்பட்ட மாணவர்கள் (1506) மட்டுமே தங்களது அறிவியல் காட்சிப்பொருள் குறித்த விவரங்களை அனுப்ப வேண்டும். அவர்கள் விருதுக்கான குறியீட்டு எண் (Award Code Number (எடு 2171713104433) ஒவ்வொரு மாணவருக்கான Used ID(Reference Code) ஆகும். இந்த எண்ணைப் பதிவிட்டு Get Password என்பதை அழுத்தினால் அவர்கள் முன்னரே பதிவு செய்துள்ள செல்பேசி எண்ணுக்கு OTP வாயிலாகக் கடவுச்சொல் அனுப்பப்படும்.
இதற்கான வழிமுறைகள் www.youtube.com/watch?v=vlleWTYBe8o என்ற காணொளி இணைப்பில் வழங்கப்பட்டுள்ள. இணைப்பில் குறிப்பிட்டுள்ளபடி மாவட்ட அளவில் தேர்ந்தெடுக்கப்பட்ட மாணவர்கள் தங்களுடைய அறிவியல் செயல்முறைகளை ஒளி, ஒலி காட்சிகள் மூலம் தயாரித்து செல்பேசி அல்லது இணையதளம் மூலமாக அனுப்ப வேண்டும். காட்சிப்பொருள் குறித்த விளக்கக் குறிப்பையும் 1000 வார்த்தைகளுக்கு மிகாமல் இணைக்க வேண்டும்.
இம்முறையில் தமிழகத்திற்கான பதிவேற்றம் செய்யும் வாய்ப்பு 2022, டிசம்பர் 4- ந்தேதி வரை மட்டுமே வழங்கப்பட்டுள்ளது. அதன் பின் இணையம் பதிவுகளை ஏற்காது. எனவே டிசம்பர் 4-ந்தேதிக்குள் பதிவுகளை அனுப்பி வைக்கும்படி கேட்டுக்கொள்கிறோம்.
23-11-2022 செயல் இயக்குநர்
கருத்துகள் இல்லை:
கருத்துரையிடுக
குறிப்பு: இந்த வலைப்பதிவின் உறுப்பினர் மட்டுமே ஒரு கருத்துரையை வெளியிடக்கூடும்.