கனமழை காரணமாக இன்று (20.11.2021) பள்ளி, கல்லூரிகளுக்கு விடுமுறை அறிவிக்கப்பட்டுள்ள மாவட்டங்கள்...

 

1)திருப்பத்தூர் மாவட்டம் பள்ளிகளுக்கு மட்டும் விடுமுறை

2)காஞ்சிபுரம் மாவட்டம் பள்ளிகள் மற்றும் கல்லூரிகளுக்கு விடுமுறை

3)வேலூர் மாவட்டம் பள்ளி கல்லூரிகளுக்கு விடுமுறை

 4)கள்ளக்குறிச்சி மாவட்ட பள்ளி, கல்லூரிகளுக்கு விடுமுறை

5)கடலூர் மாவட்ட பள்ளி ,  கல்லூரிகளுக்கு விடுமுறை

6)ராணிப்பேட்டை மாவட்டம் பள்ளி, கல்லூரிகளுக்கு  விடுமுறை

7)விழுப்புரம் மாவட்ட பள்ளி கல்லூரிகளுக்கு விடுமுறை

8)செங்கல்பட்டு மாவட்டத்தில் பள்ளிகளுக்கு மட்டும் விடுமுறை

9) திருவண்ணாமலை மாவட்ட பள்ளிகளுக்கு விடுமுறை

10)திருவள்ளூர் மாவட்டம் பள்ளிகளுக்கு விடுமுறை

வினாடி-வினா போட்டியில் சிறந்து விளங்கிய 89 மாணவர்கள் மற்றும் 6ஆசிரியர்களை துபாய் நகரத்திற்கு சுற்றுலாப் பயணம்(Dubai Tour) அனுப்பி வைத்தல் சார்ந்து பள்ளிக் கல்வி ஆணையரின் செயல்முறைகள்(CSE Proceedings) ந.க.எண்:56590/எம்/இ2/2021, நாள்:18-11-2021& பெற்றோர் ஒப்புதல் கடிதம்(Parents Consent Letter)...

 

>>> வினாடி-வினா போட்டியில் சிறந்து விளங்கிய 89 மாணவர்கள் மற்றும் 6ஆசிரியர்களை துபாய் நகரத்திற்கு சுற்றுலாப் பயணம் அனுப்பி வைத்தல் சார்ந்து பள்ளிக் கல்வி ஆணையரின் செயல்முறைகள் ந.க.எண்:56590/எம்/இ2/2021, நாள்:18-11-2021 & பெற்றோர் ஒப்புதல் கடிதம்..

திருமலை - திருப்பதியில் கனமழை - வெள்ளம் (Heavy Rain - Flood in Tirumala Tirupati)...

>>> திருமலை - திருப்பதியில் கனமழை - கபில தீர்த்தம் வெள்ளம் (Heavy Rain - Flood in Tirumala Tirupati - Kapila Theertham)...

>>> திருமலை - திருப்பதியில் கனமழை - சாலைகளில் பெருக்கெடுத்த வெள்ளம்...

>>> திருமலை - திருப்பதியில் கனமழை - சாலைகளில் வெள்ளம் - இழுத்து செல்லப்படும் மனிதர்...

>>> திருமலை - திருப்பதியில் கனமழை - ஆட்டோக்களை இழுத்து செல்லும் வெள்ளம்... 

பள்ளி காலை வழிபாட்டுச் செயல்பாடுகள் 19-11-2021 - வெள்ளி - (School Morning Prayer Activities)...

 பள்ளி காலை வழிபாட்டுச் செயல்பாடுகள் - 19.11.21

திருக்குறள் :

தகுதி யெனவொன்று நன்றே பகுதியாற்

பாற்பட் டொழுகப் பெறின். 

பொருள் 

பகைவர், அயலோர், நண்பர் எனப்பகுத்துப் பார்த்து ஒருதலைச் சார்பாக நிற்காமல் இருத்தலே நன்மை தரக்கூடிய நடுவுநிலைமை எனும் தகுதியாகும்.

பழமொழி :

If you run after two hares you will catch neither.

இரண்டு படகில் காலை வைப்பவன் கரை சேருவதில்லை.

இரண்டொழுக்க பண்புகள் :

1. படுத்த படுக்கையை மடித்து வைப்பேன். 

2. உணவு உண்ட தட்டை கழுவி வைப்பேன்.

பொன்மொழி :

இந்த உலகில் பிறந்த அனைத்து மனிதர்களுக்கும் வரலாற்றின் பக்கங்களில் ஒரு பக்கம் ஒதுக்கப்பட்டுள்ளது. ஆனால் அந்த ஒரு பக்கத்தை உலகத்தையே படிக்க வைப்பது உங்கள் கைகளில் தான் உள்ளது. - அப்துல் கலாம்

பொது அறிவு :

1. இந்தியாவின் மிகப் பெரிய நூலகமான தேசிய நூலகம் எங்கு அமைந்துள்ளது?

கொல்கத்தா

2. இந்தியாவில் கயிறு தயாரிக்கும் தொழிலில் முக்கியத்துவம் பெறும் மாநிலம்?

 கேரளா

English words & meanings :

Not in my book - not according to my views, என் கருத்துக்கு ஒத்தது அல்ல, 

give me a break - leave me to relax, என்னை சற்று ஓய்வு எடுக்க விடு

ஆரோக்ய வாழ்வு :

நுரையீரலுக்கு முள்ளங்கி

அகத்திக்கீரையின் பூவும் முள்ளங்கியும் நுரையீரலுக்கான சிறந்த உணவு. அகத்திப்பூ, உடலில் இருக்கும் நிக்கோட்டினின் அளவைக் குறைக்க உதவும். உடலில் உள்ள நஞ்சை வெளியேற்றிவிடும்.

மேலும், கண் சிவந்து போதல், கண்களில் நீர் வழிதல், அலர்ஜி காரணமாகக் கண்களில் பிரச்னை, சூரிய வெப்பம், தூசு, புகையால் ஏற்படும் கண் எரிச்சல், கண் அழுத்தம் (Glucoma),கண் அரிப்பு ஆகிய பிரச்னைகளுக்கு அகத்திப்பூ கலந்த நீரால் கண்களைக் கழுவினால், மேற் சொன்ன பிரச்னைகள் அனைத்தும் குணமாகும். முள்ளங்கியில் உள்ள ராபனைன் (Raphanine)என்ற ரசாயனம் புற்றுநோயை நீக்கக் கூடியது. ராபனைனை எலிக்குக் கொடுத்துப் பரிசோதனை செய்ததில், எலியின் நுரையீரலில் உள்ள கட்டிகளின் வளர்ச்சி வெகுவாகக் குறைந்தன.

எம்பிசெமா(Emphysema)என்ற நுரையீரல் பாதிப்புப் பிரச்னையும் முள்ளங்கி சாற்றால் குணமாகிறது. நிமோனியா, புகையிலையால் வந்த புற்றுநோய் போன்றவைக்கு, இந்தச் சாறு அருமருந்து. தொடர்ந்து குடித்து வந்தால் மூச்சுக்குழாய் சுருக்கநோய் (Chroni cobstructive pulmonary disease) குணமாகத் தொடங்கும். நுரையீரல் பலப்படும். நுரையீரல் தொடர்பாக ஏற்பட்ட பிரச்னைகளின் வீரியமும் வெகுவாகக் குறையும். இதனுடன், பத்மாசனம், சித்தாசனம் (யோகமுத்திரை) , பிராணயாமம் போன்றவற்றை செய்து வந்தால், இயற்கையாகவே நுரையீரல் பலப்படும். பாதிக்கப்பட்ட நுரையீரல் கூட புத்துயிர் பெறும்.

கணினி யுகம் :

Alt + 0198 - Æ. 

Alt + 0231 - ç

நவம்பர் 19

இந்திரா காந்தி அவர்களின் பிறந்தநாள்... 

இந்திரா காந்தி (இந்திரா பிரியதர்சினி காந்தி) இந்தியாவின் மூன்றாவது பிரதமர் ஆவார். அவர், இந்தியாவின் முதல் பிரதமரான ஜவகர்லால் நேருவின் ஒரே மகளும் ஆவார். இவரது இயற்பெயர் இந்திரா பிரியதர்சினி நேரு, ஃபெரோஸ் காந்தியுடனான திருமணத்திற்கு பின் இந்திரா பிரியதர்சினி காந்தியாக மாறினார், சுருக்கமாக இந்திரா காந்தி. இந்தியாவின் இரண்டாவது பிரதமராக இருந்த லால் பகதூர் சாஸ்திரியைத் தொடர்ந்து சில நாட்கள் தற்காலிகப் பதவி வகித்த குல்சாரிலால் நந்தாவுக்குப் பின்னர் ஜனவரி 19 1966 இல், பிரதம மந்திரியாகப் பதவியேற்ற இவர் மார்ச் 24 1977 வரை பதவியில் இருந்தார். 1977 இல் நடைபெற்ற பொதுத் தேர்தலில் பெரும் தோல்வியடைந்த இவர் மூன்று ஆண்டுகளுக்குப் பின்னர் நடைபெற்ற தேர்தலில் மீண்டும் வெற்றி பெற்றார். 14 ஜனவரி 1980 ல் பிரதமராக மீண்டும் பொறுப்பேற்றுக் கொண்ட இவர் 1984 இல் கொலை செய்யப்படும் வரை பதவியில் இருந்தார்.

உலகக் கழிவறை நாள்

உலகக் கழிவறை நாள் (World toilet day) ஆண்டு தோறும் நவம்பர் 19 ஆம் நாள் கொண்டாடப்பட்டு வருகிறது. இந்நாளிலேயே 2001 ஆம் ஆண்டில் உலகக் கழிவறை அமைப்பு ஆரம்பிக்கப்பட்டது.[1] அன்று முதல் இவ்வமைப்பின் உறுப்பு நாடுகள் இந்நாளை உலகளாவிய முறையில் சிறப்பாகக் கொண்டாடி வருகின்றன. அடிப்படைக் கழிவறை வசதிகள் பற்றியும், அது குறித்த விழிப்புணர்வை மக்களுக்கு ஏற்படுத்துவதுமே இந்நாளின் முக்கிய நோக்கமாகும்.

நீதிக்கதை

சுத்தம் தேவை

புத்தக மூட்டையுடன் பள்ளிக்குக் கிளம்பிய அப்பு அம்மாவுக்கு டாட்டா சொல்லிக் கொண்டு புறப்பட்டான். ஏண்டா இன்னைக்கு குளிச்சியா என்றாள் அப்புவின் அம்மா. நேரமாச்சும்மா, நாளைக்கு குளிக்கிறேன் என்று சொல்லிவிட்டு ஓடினான்.

அப்பு ஐந்தாவது படித்துக் கொண்டிருந்தான். வகுப்பில் அவன்தான் முதல் மாணவன். அப்புவின் அம்மாவிற்குப் பெருமையாக இருந்தது. அடுத்தநாள் வகுப்பிற்குள் நுழைந்ததும் ஆசிரியர் அப்புவிடம்தான் வந்தார். ஏன் அழுக்கு சட்டையை போட்டுக் கொண்டு வந்திருக்கிறாய். துவைத்துப் போடக்கூடாதா? என்று ரகசியமாக அவனிடம் கேட்டார்.

மறந்துட்டேன் சார் சமாதானம் சொன்னான் அப்பு. படிப்பில் கெட்டிக்காரனாக விளங்கிய அப்பு ஏனோ தன்னை சுத்தமாக வைத்துக் கொள்வதில் அக்கறை காட்டவில்லை. பல நாட்கள் அப்பு பல் விளக்காமலேகூட பள்ளிக்குப் போயிருக்கிறான். அப்போது பையன்கள் இவனிடம் கேட்டால், யானை பல் விளக்குகிறதா என்று கிண்டலாகப் பதில் சொல்வான்.

அப்புவின் அம்மாவும் வகுப்பு ஆசிரியரும் பலமுறை கூறியும் அவன் தன்னை சுத்தமாக வைத்துக் கொள்வதில் கவனம் செலுத்தவே இல்லை. அவன் கவனம் முழுவதும் படிப்பிலேயே இருந்தது. ஆனால் பையன்கள் இவனை அழுக்குமாமா என்று அழைத்தனர்.

அரையாண்டுத் தேர்வு வந்தது. அப்பு விழுந்து விழுந்து படித்தான். முதல் மார்க்கை வேறு யாரும் தட்டி போய்விடக்கூடாது என்பதில் கவனமாக இருந்தான். டேய் குளிச்சிட்டுப் போய் படிடா இது அப்புவின் அம்மா. குளிக்கிற நேரத்துல ஒரு பாடம் படிக்கலாம்மா என்பான் அப்பு.

பரிட்சைக்கு இன்னும் இரண்டு நாள் இருந்தது. அப்போது அப்புவுக்கு திடீரென்று பல்வலி வந்தது. வலியோடு பள்ளிக்கூடம் சென்றான். மாலை வீட்டிற்கு வருவதற்குள் அவன் முகத்தில் தாடைப்பகுதி பெரியதாக வீங்கிவிட்டது. விண் விண் என்று வலித்தது. உடம்பு அனலாக கொதித்தது.

அப்புவின் அம்மாவும் அப்பாவும் கை வைத்தியமாக ஏதோ செய்தார்கள். எதுவும் சரிப்படவில்லை. விடிந்தால் அரையாண்டுத் தேர்வு. அப்பு புலம்பிக் கொண்டே இருந்தான். அவனால் வலியைத் தாங்க முடியவில்லை. ஆசிரியர் அவனை மதுரை அரசு மருத்துவமனைக்கு அழைத்துச் செல்லும்படி கூறினார்.

அடுத்த நாள் மதுரையில் அப்புவுக்கு சிகிச்சை அளிக்கப்பட்டது. பல்வலிக்கு காரணமாக இருந்த சொத்தைப் பல்லை உடனடியாக எடுக்கவில்லை என்றால் உயிருக்கே ஆபத்து என்றார் டாக்டர். அப்பு அரையாண்டுத் தேர்வுக்கு போகமுடியவில்லையே என்று அழுது கொண்டிருந்தான். தினந்தோறும் பற்களை சுத்தம் செய்தால் இப்படிப்பட்ட பிரச்சனையெல்லாம் வரவே வராது என்றார் டாக்டர்.

அப்பு ஒருவாரம் மருத்துவமனையில் இருந்தான். அரையாண்டுத் தேர்வு முடிந்து அன்றுதான் பள்ளிக்கூடம் திறந்தது. அன்று வகுப்பில் ரேங்க் கார்டு கொடுக்கப்பட்டது. முதல் மார்க் ரங்கராஜன் என்று ஆசிரியர் பெயரைப் படித்தபோது அப்பு தேம்பி அழுதான். ஆசிரியர் அவனை சமாதானப்படுத்தினார்.

சுவற்றை வைத்துதான் சித்திரம் எழுத வேண்டும் நமது உடலை ஆரோக்கியமாக வைத்துக் கொண்டால்தான் எதையும் வெற்றிகரமாகச் செய்ய முடியும் என்றார். அப்பு மௌனமாக இருந்தான். அடுத்தநாள் அவன் பள்ளிக்கு பளிச் என்று வந்தான். அழுக்குமாமா இப்போ உஜாலாவுக்கு மாறிட்டாண்டா என்று ஒருவன் சொல்ல பையன்கள் கொல்லென்று சிரித்தனர். அப்புவுக்கும் சிரிப்பு வந்தது.

இன்றைய செய்திகள்

19.11.21

★18 வயதிற்கு உட்பட்ட இளம் எழுத்தாளர்கள் ரூ.25,000 ரொக்கம் மற்றும் கேடயத்துடன் கூடிய கவிமணி விருதுக்கு விண்ணப்பிக்கலாம் என்று தமிழக அரசு தெரிவித்துள்ளது.

★இந்த நூற்றாண்டின் அபூர்வ நிகழ்வான, மிக நீண்ட சந்திர கிரகணம் இன்று நிகழவுள்ளதாக வானியல் அறிஞர்கள் தெரிவித்துள்ளனர்.

★இன்று நடக்கவிருந்த அமைச்சரவைக் கூட்டம் கனமழை காரணமாக ஒத்தி வைக்கப்படுவதாகத் தமிழக அரசு தெரிவித்துள்ளது.

★இந்தியாவின் பூடான் எல்லைப்பகுதியில் சீனா ஒரு வருடத்தில் 4 கிராமங்களை நிர்மாணித்து உள்ளது. இது குறித்த செயற்கை கோள் படங்கள் வெளியாகி உள்ளன.

★நிலவு சுற்றுப்பாதையில் இந்திய-அமெரிக்க விண்கலங்கள் ஒன்றோடு ஒன்று மோத இருந்த நிகழ்வை விஞ்ஞானிகள் துரிதமான நடவடிக்கை மூலம் தடுத்து உள்ளனர்.

★கனடாவை தாக்கிய சக்தி வாய்ந்த புயல் மற்றும் அதனை தொடர்ந்து பெய்த மழை  வெள்ளத்தால் 100 ஆண்டுகளில் இல்லாத அளவுக்கு பாதிப்பு ஏற்பட்டுள்ளது.

★அரசுப் பணியில் விளையாட்டு வீரர்களுக்கான 3% இட ஒதுக்கீட்டில் சிலம்பம் விளையாட்டும் சேர்ப்பு: தமிழக அரசு அறிவிப்பு.

★இந்தோனேசிய மாஸ்டர்ஸ் பேட்மிண்டன்:காலிறுதி சுற்றுக்கு முன்னேறினார் பி.வி.சிந்து.

★ஆசிய வில்வித்தை சாம்பியன்ஷிப் போட்டியில் இந்திய வீராங்கனை ஜோதி சுரேகா தங்க பதக்கம் வென்றுள்ளார்.

Today's Headlines

 ★ The Tamil Nadu government has announced that young writers under the age of 18 can apply for the Kavimani Award with Rs. 25,000 cash and a shield.

 ★ Astronomers predict that the longest lunar eclipse of this century will occur today.

 ★ The Tamil Nadu government has announced that the cabinet meeting scheduled to be held today will be postponed due to heavy rains.

 ★ China is building 4 villages a year on the Bhutan border with India.  Satellite images of this have been released.

 ★ Scientists have swiftly prevented the collision of INDO-US Space craft which is going to collide with each other in lunar orbit.

 ★ The worst hurricane to hit Canada, followed by flash floods, has caused unprecedented damage  in 100 years.

 ★ The game Silampam is included in the 3% reservation for sportspersons in government service

 ★ Indonesian Masters Badminton: PV Sindhu advanced to the quarterfinals.

 ★ Indian archer Jyoti Sureka wins gold at the Asian Archery Championships.

 Prepared by

Covai women ICT_போதிமரம்

ஆண்டு ஒன்றுக்கு ரூ.10/- முதல் ரூ.50/- வரை மட்டுமே பெற்றோர் ஆசிரியர் கழக நிதி பெற்றோர்களிடமிருந்து பெறவேண்டும் - பள்ளிக் கல்வி ஆணையர் மற்றும் முதன்மைக் கல்வி அலுவலர்களின் செயல்முறைகள்(Only Rs.10 / - to Rs.50 / - per annum should be received from the parents by the Parent Teachers Association - Proceedings of the School Education Commissioner and Chief Educational Officers)...

 உறுப்பினர் கட்டணமாக ஆண்டு ஒன்றுக்கு ரூ.10/- முதல் ரூ.50/- வரை மட்டுமே பெற்றோர் ஆசிரியர் கழக நிதி பெற்றோர்களிடமிருந்து உறுப்பினர் கட்டணம் பெறவேண்டும் - பள்ளிக் கல்வி ஆணையர், திருவண்ணாமலை மற்றும் வேலூர் முதன்மைக் கல்வி அலுவலரின் செயல்முறைகள்...

>>> பள்ளிக் கல்வி ஆணையரின் செயல்முறைகள்...

>>> வேலூர் முதன்மைக் கல்வி அலுவலரின் செயல்முறைகள்...

>>> திருவண்ணாமலை முதன்மைக் கல்வி அலுவலரின் செயல்முறைகள்...

இன்றைய (19-11-2021) ராசி பலன்கள், நட்சத்திர பலன்கள்...

மேஷம்

நவம்பர் 19, 2021

உயர் பொறுப்புகளில் இருப்பவர்களின் அறிமுகம் கிடைக்கும். நண்பர்களின் ஆலோசனைகளால் முன்னேற்றம் உண்டாகும். சுபகாரியம் தொடர்பான பேச்சுக்களில் சில தடைகளுக்கு பின்பு சாதகமான முடிவு கிடைக்கும். புதிய நபர்களின் அறிமுகத்தின் மூலம் மாற்றங்கள் ஏற்படும். மனதில் இனம் புரியாத சிந்தனைகள் ஏற்பட்டு நீங்கும். சஞ்சலங்கள் நிறைந்த நாள்.

அதிர்ஷ்ட திசை : மேற்கு

அதிர்ஷ்ட எண் : 5

அதிர்ஷ்ட நிறம் : இளநீலம்

அஸ்வினி : அறிமுகம் கிடைக்கும்.

பரணி : முன்னேற்றம் உண்டாகும். 

கிருத்திகை : மாற்றங்கள் ஏற்படும்.

---------------------------------------

ரிஷபம்

நவம்பர் 19, 2021

குடும்ப உறுப்பினர்களை பற்றிய சிந்தனைகள் மேம்படும். உடல் ஆரோக்கியத்தில் கவனம் வேண்டும். உடனிருப்பவர்கள் பற்றிய புரிதல் உண்டாகும். பூர்வீக சொத்துக்களின் மூலம் நன்மைகள் ஏற்படும். உழைப்புக்கேற்ற பலன்கள் கிடைக்கும். குடும்ப பெரியவர்களிடத்தில் இருந்துவந்த கருத்து வேறுபாடுகள் குறையும். சிந்தித்து செயல்பட வேண்டிய நாள்.

அதிர்ஷ்ட திசை : வடகிழக்கு

அதிர்ஷ்ட எண் : 1

அதிர்ஷ்ட நிறம் : சிவப்பு நிறம் 

கிருத்திகை : கவனம் வேண்டும்.

ரோகிணி : புரிதல் உண்டாகும். 

மிருகசீரிஷம் : கருத்து வேறுபாடுகள் குறையும்.

---------------------------------------

மிதுனம்

நவம்பர் 19, 2021

தொழில் ரீதியான முயற்சிகளுக்கு தேவையான உதவிகள் கிடைக்கும். மறைமுகமான பிரச்சனைகளை அறிந்து கொள்வீர்கள். உத்தியோக பணிகளில் இருந்துவந்த பொறுப்புகள் குறையும். உடன்பிறந்தவர்களின் ஆதரவு கிடைக்கும். எதிர்பாராத பயணங்களின் மூலம் மாற்றங்கள் உண்டாகும். நிம்மதியான நாள். 

அதிர்ஷ்ட திசை : தெற்கு

அதிர்ஷ்ட எண் : 6

அதிர்ஷ்ட நிறம் : வெளிர் பச்சை

மிருகசீரிஷம் : உதவிகள் கிடைக்கும்.

திருவாதிரை : பொறுப்புகள் குறையும். 

புனர்பூசம் : ஆதரவு மேம்படும்.

---------------------------------------

கடகம்

நவம்பர் 19, 2021

குடும்ப உறுப்பினர்களிடம் இருந்துவந்த கருத்து வேறுபாடுகள் குறையும். மனதில் புதுவிதமான சிந்தனைகள் மேம்படும். நிலுவையில் இருந்துவந்த தனவரவுகள் கிடைக்கப் பெறுவீர்கள். புதிய முயற்சிகளில் முன்னேற்றமான பலன்கள் உண்டாகும். பணி சார்ந்த இன்னல்கள் குறையும். லாபகரமான நாள்.

 

அதிர்ஷ்ட திசை : வடகிழக்கு

அதிர்ஷ்ட எண் : 2

அதிர்ஷ்ட நிறம் : வெள்ளை நிறம்

புனர்பூசம் : சிந்தனைகள் மேம்படும்.

பூசம் : முன்னேற்றம் உண்டாகும்.

ஆயில்யம் : இன்னல்கள் குறையும்.

---------------------------------------

சிம்மம்

நவம்பர் 19, 2021

உறவினர்களின் வழியில் மகிழ்ச்சியான செய்திகள் கிடைக்கும். புதிய வேலை தொடர்பான முயற்சிகளில் எதிர்பார்ப்புகள் நிறைவேறும். அரசு சார்ந்த பணிகளில் இருந்துவந்த இழுபறிகள் குறையும். புதிய வாகனம் வாங்குவது தொடர்பான எண்ணங்கள் கைகூடும். மாணவர்களுக்கு கல்வி பணியில் முன்னேற்றமான வாய்ப்புகள் உண்டாகும். பொறுப்புகள் அதிகரிக்கும் நாள்.

அதிர்ஷ்ட திசை : கிழக்கு

அதிர்ஷ்ட எண் : 4

அதிர்ஷ்ட நிறம் : சாம்பல் நிறம்

மகம் : மகிழ்ச்சியான நாள். 

பூரம் : இழுபறிகள் குறையும்.

உத்திரம் : எண்ணங்கள் கைகூடும். 

---------------------------------------

கன்னி

நவம்பர் 19, 2021

குழந்தைகளின் வழியில் மகிழ்ச்சியான தருணங்கள் உண்டாகும். பணிபுரியும் இடத்தில் எதிர்பார்த்த இடமாற்றங்கள் சிலருக்கு சாதகமாக அமையும். வியாபார பணிகளில் புதிய கூட்டாளிகளின் ஒத்துழைப்பு கிடைக்கும். எதிர்பாராத சிலரின் சந்திப்புகளின் மூலம் புதுவிதமான அனுபவம் உண்டாகும். திட்டமிட்ட பணிகளை எண்ணிய விதத்தில் செய்து முடிப்பீர்கள். ஆதரவு கிடைக்கும் நாள்.

அதிர்ஷ்ட திசை : தெற்கு

அதிர்ஷ்ட எண் : 5

அதிர்ஷ்ட நிறம் : இளஞ்சிவப்பு 

உத்திரம் : இடமாற்றங்கள் உண்டாகும்.

அஸ்தம் : ஒத்துழைப்பு கிடைக்கும்.

சித்திரை : அனுபவம் மேம்படும்.

---------------------------------------

துலாம்

நவம்பர் 19, 2021

எதிர்பாராத செலவுகளின் மூலம் சேமிப்புகள் குறையும். குடும்ப உறுப்பினர்களிடம் தேவையற்ற வாக்குவாதங்களை தவிர்க்கவும். விலை உயர்ந்த பொருட்களை கையாளும்போது கவனம் வேண்டும். மற்றவர்களுக்கு வாக்குறுதி அளிக்கும் பொழுது சூழ்நிலைகளை அறிந்து செயல்படுவது நல்லது. எதிர்பார்த்திருந்த ஆதரவு காலதாமதமாக கிடைக்கும். பொறுமை வேண்டிய நாள். 

அதிர்ஷ்ட திசை : வடக்கு

அதிர்ஷ்ட எண் : 6

அதிர்ஷ்ட நிறம் : ஆரஞ்சு நிறம்

சித்திரை : சேமிப்புகள் குறையும். 

சுவாதி : விவாதங்களை தவிர்க்கவும்.

விசாகம் : சிந்தித்து செயல்படவும்.

---------------------------------------

விருச்சிகம்

நவம்பர் 19, 2021

மனதில் புதுவிதமான சிந்தனைகள் உண்டாகும். பணிபுரியும் இடத்தில் முன்னேற்றமான வாய்ப்புகள் கிடைக்கும். தொழில் ரீதியான பொருளாதாரம் மேம்படும். வெளிவட்டாரங்களில் நட்பு அதிகரிக்கும். உடல் ஆரோக்கியம் மேம்படும். எதிர்பார்த்த உதவிகள் கிடைக்கப் பெறுவீர்கள். சுபகாரியம் தொடர்பான எண்ணங்கள் மேம்படும். புத்துணர்ச்சியான நாள்.

அதிர்ஷ்ட திசை : மேற்கு

அதிர்ஷ்ட எண் : 3

அதிர்ஷ்ட நிறம் : பிங்க் நிறம்

விசாகம் : வாய்ப்புகள் கிடைக்கும்.

அனுஷம் : நட்பு அதிகரிக்கும். 

கேட்டை : ஆரோக்கியம் மேம்படும். 

---------------------------------------

தனுசு

நவம்பர் 19, 2021

எதிர்பாராத தனவரவுகள் கிடைக்கும். கடன் சார்ந்த பிரச்சனைகள் குறையும். நெருக்கமானவர்களிடம் ஏற்பட்டிருந்த கருத்து வேறுபாடுகள் நீங்கி நிம்மதியான சூழல் அமையும். குழந்தைகளின் வழியில் விரயங்கள் உண்டாகும். ஆன்மிகம் தொடர்பான பயணங்கள் மேற்கொள்வதற்கான வாய்ப்புகள் ஏற்படும். புரிதல் உண்டாகும் நாள்.

அதிர்ஷ்ட திசை : வடக்கு

அதிர்ஷ்ட எண் : 9

அதிர்ஷ்ட நிறம் : வெண் மஞ்சள்

மூலம் : வரவுகள் கிடைக்கும்.

பூராடம் : விரயங்கள் உண்டாகும். 

உத்திராடம் : பயணங்கள் கைகூடும்.

---------------------------------------

மகரம்

நவம்பர் 19, 2021

வியாபார பணிகளில் நுணுக்கங்களை அறிவீர்கள். பூர்வீக சொத்துக்களின் மூலம் ஆதாயம் உண்டாகும். நண்பர்களிடம் எதிர்பார்த்த உதவிகள் கிடைக்கப் பெறுவீர்கள். எதிர்பாராத பயணங்களின் மூலம் நற்பலன்கள் உண்டாகும். நீண்ட நாள் பிரச்சனைகளுக்கு மாறுபட்ட அணுகுமுறையால் தீர்வு உண்டாகும். தெளிவு பிறக்கும் நாள்.

அதிர்ஷ்ட திசை : வடக்கு

அதிர்ஷ்ட எண் : 6

அதிர்ஷ்ட நிறம் : சந்தன வெள்ளை நிறம்

உத்திராடம் : நுணுக்கங்களை அறிவீர்கள். 

திருவோணம் : ஆதாயம் உண்டாகும். 

அவிட்டம் : தீர்வு கிடைக்கும்.

---------------------------------------

 

கும்பம்

நவம்பர் 19, 2021

புதிய மனை வாங்குவது தொடர்பான முயற்சிகள் கைகூடும். தொழில் சார்ந்த செயல்பாடுகளில் கூட்டாளிகளின் ஒத்துழைப்பு கிடைக்கப் பெறுவீர்கள். புதிய நபர்களின் அறிமுகம் முன்னேற்றத்தை ஏற்படுத்தும். கடன் சார்ந்த நெருக்கடிகள் குறையும். வாழ்க்கைத்துணைவருடன் சிறு தூரப் பயணங்கள் சென்று வருவீர்கள். நன்மைகள் நிறைந்த நாள்.

அதிர்ஷ்ட திசை : தென்மேற்கு

அதிர்ஷ்ட எண் : 3

அதிர்ஷ்ட நிறம் : ஆரஞ்சு நிறம்

அவிட்டம் : முயற்சிகள் கைகூடும்.

சதயம் : முன்னேற்றமான நாள். 

பூரட்டாதி : நெருக்கடிகள் குறையும்.

---------------------------------------

மீனம்

நவம்பர் 19, 2021

குடும்பத்தில் சுபச்செலவுகள் உண்டாகும். உத்தியோக முயற்சிகளில் வெற்றி கிடைக்கும். வியாபார பணிகளில் இருந்துவந்த இழுபறிகள் குறையும். கணவன், மனைவிக்கிடையே அன்பு அதிகரிக்கும். இடமாற்றம் தொடர்பான முயற்சிகள் ஈடேறும். அங்கீகாரம் கிடைக்கும் நாள்.

அதிர்ஷ்ட திசை : வடக்கு

அதிர்ஷ்ட எண் : 7

அதிர்ஷ்ட நிறம் : வெள்ளை நிறம்

பூரட்டாதி : வெற்றி கிடைக்கும். 

உத்திரட்டாதி : இழுபறிகள் குறையும்.

ரேவதி : அன்பு அதிகரிக்கும்.

---------------------------------------

கடலூர் மாவட்டம் வானதிராயபுரம் தொடக்கப் பள்ளி கனமழையால் இடிந்து விழுந்தது. மழை காரணமாக இன்று‌ பள்ளிகளுக்கு விடுமுறை விடப்பட்டதால் பாதிப்பு இல்லை...

 கடலூர் மாவட்டம் வானதிராயபுரம் தொடக்கப் பள்ளி கனமழையால் இடிந்து விழுந்தது. மழை காரணமாக இன்று‌ பள்ளிகளுக்கு விடுமுறை விடப்பட்டதால் பாதிப்பு இல்லை...

கடலூர் மாவட்டத்தில் பெய்து வரும் தொடர் மழையால் நெய்வேலி அருகே பள்ளிக் கட்டிடம் இடிந்து விழுந்தது. மாணவர்கள் இல்லாததால் யாருக்கும் எந்தவிதமான பாதிப்பும் ஏற்படவில்லை. இதுகுறித்து அதிகாரிகள் பார்வையிட்டு வருகின்றனர்.

கடலூர் மாவட்டத்தில் பள்ளிகளுக்கு விடுமுறை விடப்பட்டுள்ளது. மேலும் மாவட்டத்தில் உள்ள நீர்நிலைகள் நிரம்பி வருகின்றன. இந்த நிலையில் நெய்வேலி அருகே உள்ள வானதிராயபுரம் கிராமத்தில் இருந்த ஊராட்சி ஒன்றியத் தொடக்கப் பள்ளிக் கட்டிடம் இடிந்து விழுந்தது. பள்ளிகளுக்கு விடுமுறை விடப்பட்டதால் யாருக்கும் பாதிப்பு ஏற்படவில்லை. இப்பள்ளிக் கட்டிடம் 1996ஆம் ஆண்டு கட்டப்பட்டதாகும்.

இப்பள்ளியில் 1ஆம் வகுப்பு முதல் 5ஆம் வகுப்பு வரை உள்ள இப்பள்ளியில் 30 மாணவ, மாணவிகள் படித்து வந்தனர் என்பது குறிப்பிடத்தக்கது. நெய்வேலி தெர்மல் போலீஸார் மற்றும் வருவாய்த்துறை அதிகாரிகள் சம்பவ இடத்துக்குச் சென்று பார்வையிட்டு விசாரணை நடத்தி வருகின்றனர்.

>>> தொடக்கக் கல்வி - கடலூர் மாவட்டம் - குறிஞ்சிப்பாடி ஒன்றியம் - வானதிராயபுரம் தொடக்கப்பள்ளி திடீரென இடிந்து விழுந்தது - தொடர்மழை முன்னெச்சரிக்கை தொடர்பாக பள்ளிகளில் மாணவர்கள் பாதுகாப்பு குறித்து தொடக்கக் கல்வி இயக்குநரின் செயல்முறைகள்(Proceedings of the Director of Elementary Education regarding the safety of students in schools in relation to continuous rain precaution) ந.க.எண்: 014265/ஜெ/2021, நாள்: 18-11-2021...