காவலர் தேர்வு கையேடு - 432 பக்கங்கள் (PDF File)...

 >>> காவலர் தேர்வு கையேடு - தரவிறக்கம் செய்ய இங்கே சொடுக்கவும்...

கரோனாவைத் தடுக்கும் குடல் நலம்...

04.12.2020 ‘இந்து தமிழ் திசை’ நாளிதழில் தலையங்க பக்கத்தில்  வந்துள்ள கட்டுரை:

கரோனாவைத் தடுக்கும் குடல் நலம்...

——-டாக்டர் கு. கணேசன், இராஜபாளையம்.

கரோனா பெருந்தொற்று கடந்த பத்து மாதங்களாக மக்களுக்கும் மருத்துவர்களுக்கும் பலதரப்பட்ட பாடங்களைக் கற்றுத் தந்திருக்கிறது. இது சுவாச நோய் என்ற அளவில், விழிப்புணர்வுப் பிரச்சாரத்தில், முகக்கவசம் அணிவது, தனிமனித இடைவெளி காப்பது, கைகளைச் சுத்தமாக வைத்துக்கொள்வது ஆகிய மூன்று முழக்கங்கள் ஆரம்பத்திலிருந்தே இடம் பெறுகின்றன. 

இதைத் தொடர்ந்து, நோய்த் தடுப்பாற்றல் சரியாக இருப்பவர்களுக்குக் கரோனா தொற்று கடுமையாவதில்லை எனத் தெரிந்து, தடுப்பாற்றலைக் கூட்டும் ஆரோக்கிய வழிகளைச் செய்தி ஊடகங்கள் உரக்கக் கூறின. 

இதன் மருத்துவ அணுகுமுறையிலும் பல மாற்றங்கள் ஏற்பட்டுள்ளன. இப்போது புதிதாக,  நம் குடல் நலனைக் காப்பதன் மூலம் கரோனாவைத் தடுக்கலாம் என்கிறது மருத்துவ உலகம்.

கரோனாவுக்கும் குடலுக்கும் என்ன தொடர்பு?

மூக்கு வழியாக உடலுக்குள் நுழையும் கரோனா வைரஸ் குடலுக்கும் வருகிறது. இந்த வைரஸ் நம் செல்களுக்குள் புக வேண்டுமானால், அங்கு ‘ஏசிஇ2’ (ACE2) புரத ஏற்பிகள் இருக்க வேண்டும். 

சுமார் 6 மீட்டர்  நீளமுள்ள குடலில் பல கோடிப் புரத ஏற்பிகள் இருக்கின்றன. கரோனா கிருமிகள் குடலுக்குள் நுழைவதற்கு இது வசதியாகிவிடுகிறது. 

குடலின் ஆரோக்கியத்தைப் பொறுத்து நோயின் அறிகுறிகள் தோன்றுகின்றன. கரோனா தொற்றாளர்களில் 30% பேருக்கு வயிற்றுப்போக்கு ஏற்படுவது இதனால்தான்.

குடலின் ஆரோக்கியத்தைப் பேணுவது அங்குள்ள நல்ல பாக்டீரியாக்கள் என்றால் நம்புவீர்களா? 

மொத்தமுள்ள உடல் செல்களின் எண்ணிக்கையைவிட 10 மடங்கு அதிகமாக இந்தப் பாக்டீரியாக்கள் நம் குடலில் வாழ்கின்றன. உணவுச் செரிமானத்தில் தொடங்கி, சத்துகளை உறிஞ்சுதல், கழிவுகளை அகற்றுதல் உள்ளிட்ட பல  பணிகளில் இவை பங்கேற்கின்றன; 

அத்தோடு, நோய்த் தடுப்பாற்றலையும் மேம்படுத்துகின்றன. 

உடலில் 70% தடுப்பாற்றல் அணுக்கள் குடல் செல்களுடன் நேரடியாகத் தொடர்பு கொண்டிருப்பதால், இதுவும் சாத்தியப்படுகிறது. இப்படிப் பல நன்மைகள் செய்யும்  பாக்டீரியாக்களுக்கு நாம் வஞ்சகம் செய்கிறோம் என்பதைப் புரிந்திருக்கிறோமா?

குடலுக்கு எதிரிகள்

செயற்கைநிற உணவுகளும் துரித உணவுகளும்தான் நம் குடலுக்குப் பிரதான எதிரிகள். குடலுக்கு வலு சேர்க்கும் நார்ச்சத்து இவற்றில் துப்புரவாக இல்லை என்பது ஒருபுறமிருக்க, செயற்கை நிறம் கொடுக்கும் தாலேட், நைட்ரேட் உள்ளிட்ட பல வேதிப்பொருள்கள் நல்ல பாக்டீரியாக்களுக்கு விஷமாகின்றன. 

மைதாவும் அஜினோமோட்டோவும் துரித உணவுகளின் மீதேறி வரும் எமன்கள். 

தொடர்ந்து மைதா உணவுகளைச் சாப்பிடும்போது அதிலுள்ள பென்சோயில் பெராக்சைடும், அலெக்சானும் இயற்கையான குடல் பாக்டீரியாக்களைக் கொன்றுவிடுகின்றன.

ஒரு நோய்த்தொற்று ஏற்படும்போது வழக்கமாக நாம் எடுத்துக்கொள்ளும் நுண்ணுயிர்க்கொல்லி மருந்துகள், நோய் பரப்பும் பாக்டீரியாவை மட்டும் அழிப்பதில்லை; குடலில் குடியிருக்கும் நல்ல பாக்டீரியாக்களையும் சேர்த்தே அழித்துவிடுகின்றன. 

அந்த மருந்துகளை அளவோடு எடுத்துக்கொள்ளும்போது 4 வாரங்களுக்குள் மறுபடியும் நல்ல பாக்டீரியாக்கள் வளர்ந்துவிடும். 

அவற்றைத் தேவையில்லாமல் சாப்பிட்டாலோ, சுயமாக அடிக்கடி எடுத்துக் கொண்டாலோ சூழல் மாறி குடல் தளம் கெட்டுவிடும். குடல் புண்கள் குடலுக்கு அடுத்த தாக்குதல்கள். 

புகையும் மதுவும் அதன் எதிரிகள்.

இதையும் சொல்ல வேண்டும். உடற்பயிற்சி அல்லது நடைப்பயிற்சி செய்யாமல், பதப்படுத்தப்பட்ட உணவுகளையும் துரித உணவுகளையும் அதிகம்  சாப்பிட்டோமானால் குடலைச் சுற்றி கொழுப்பு கூடுகட்டும்; உடற்பருமன் சுமை கூட்டும். 

உடற்பருமன் உள்ள கரோனா தொற்றாளர்களுக்கு நோய் பல மடங்கு கடுமையாவதை அறிவீர்கள்தானே? என்ன காரணம்? 

கொழுப்புத் திசுக்களில் ‘ஏசிஇ2’ நொதிகள் அதிகம். இவற்றைச் சாப்பிட்டுக்கொண்டு கரோனா கிருமிகள் அதிக காலம் அங்கு வசிக்கின்றன; தொடர்ந்து கிருமிகளை உடலுக்குள் அனுப்பி நோய் அறிகுறிகளைத் தீவிரப்படுத்துகின்றன; நோய்த் தடுப்பாற்றலைக் குறைத்துவிடுகின்றன

. 'சைட்டோகைன் புயல்' எனும் தடுப்பாற்றல் மிகைச் செயல்பாடு கரோனா நோயாளிகளை ஆபத்தான நிலைமைக்குக் கொண்டு செல்கிறதல்லவா? இதைத் தூண்டும் அழற்சிப் புரதங்களும் கொழுப்புத் திசுக்களில்தான் மிக அதிகம்.

மரபு உணவின் மேன்மை

ஆஸ்திரேலியாவில் நியூ சௌத் வேல்ஸ் பல்கலைக்கழக ஆய்வாளர்கள்தான் குடலுக்கும் கரோனாவுக்குமான தொடர்பை முதன் முதலில் ஆய்வு செய்தவர்கள். 

அந்தக் குழுவின் தலைவர் கலாண்டர் ஜேடி (Kalantar - Zade), ‘தெற்கு ஆசிய நாடுகளில், குறிப்பாக இந்தியாவில், கரோனா தொற்றின் வீரியமும் இறப்பு விகிதமும் ஒப்பீட்டளவில் குறைவாக இருப்பதற்கு இந்தியப் பாரம்பரிய உணவுகளே முக்கியக் காரணம்’ என்கிறார். 

மேலும் அவர், 'இந்தியாவில் மேல்தட்டினரும் மத்தியமரும்தான் துரித உணவுகளை அதிகம் நாடுகின்றனர். ஏழைகள் நார்ச்சத்து நிறைந்த சிறுதானிய உணவுகளையே அதிகம் உண்கின்றனர். 

நார்ச்சத்து குடலுக்கு வலு சேர்க்கிறது. இவர்கள் உணவில் தயிரும் மோரும் அதிகம் இடம்பெறுகின்றன. இவை இரண்டும் 'ப்ரிபயாட்டிக்' உணவுகள். இவற்றில் 'லேக்டோபேசில்லஸ்' எனும் நல்ல பாக்டீரியா கோடிக்கணக்கில் இருக்கிறது. 

இவர்கள் புரதம் நிறைந்த பருப்பு, பயறுகளையும் உண்கின்றனர். வைட்டமின் - சி அதிகமுள்ள சர்பத் எனும் எலுமிச்சைச் சாறு அருந்துகின்றனர்.

துத்தநாகச் சத்து நிரம்பியுள்ள மீன் உணவும் பிரபலம். ஊட்டச்சத்துகள் நிரம்பியுள்ள பால், முட்டை, நாட்டுக்காய்கள், கீரை, பழங்கள், வெங்காயம், வெந்தயம், வெள்ளைப்பூண்டு, இஞ்சி, மிளகு, மஞ்சள், சீரகம், கொத்தமல்லி போன்றவை இந்திய உணவில் பிரதானம். 

இவர்கள் வெயிலில் வேலை செய்வதால் சூரிய ஒளியிலிருந்து வைட்டமின் - டி கிடைத்துவிடுகிறது. இவற்றின் கூட்டுப் பலனாக நல்ல பாக்டீரியாக்கள் வளர்வதற்குரிய குடல் தளத்தை இந்தியர்கள் இயல்பாகவே பெற்றுவிடுகின்றனர். 

குடலோடு இணைந்த தடுப்பாற்றல் இவர்களுக்குக் கூடுதலாகிவிடுகிறது. ஆக மொத்தத்தில் கரோனாவின் பாய்ச்சல் அடங்கிவிடுகிறது' என்கிறார்.

இன்றைய நகர்ப்புறத்துத் துரித வாழ்க்கையில், பன்னாட்டு உணவு நிறுவனங்களின் வணிக உத்தியில் மயங்கி, நம்முடைய மரபு உணவின் மேன்மைகளைக் கொஞ்சம் கொஞ்சமாக மறந்து வருகிறவர்களும் இருக்கின்றனர். 

இந்த கரோனா காலம் நம் அன்றாட வாழ்க்கையில் எண்ணற்ற மாற்றங்களை முன்வரிசைக்குக் கொண்டுவந்திருக்கிறது. 

இனியாவது செயற்கைநிற உணவுகள், செயற்கை பானங்கள், துரித உணவுகள் ஆகியவற்றை ஒதுக்க வேண்டும். தொன்றுதொட்டு நாம் உண்டுவரும் உணவுகளுக்கு முன்னுரிமை கொடுத்தால், குடல் நலம் காக்கப்படுவதோடு, கரோனாவின் கொடுமையிலிருந்தும் தப்பிக்கலாம் என்பதே தற்போதைய அறிவியல் கற்பிக்கும் புதிய பாடம். 

கற்றுக்கொள்வதும் கடைப்பிடிக்க வேண்டியதும் நம்மிடம்தான் உள்ளது. 

- டாக்டர் கு. கணேசன், பொதுநல மருத்துவர்,

தொடர்புக்கு: gganesan95@gmail.com

2020-2021: PROSPECTUS FOR ADMISSION TO M.Sc.(NURSING) COURSE... Last Date to Apply: 15-12-2020...

 >>> Click here to Download M.Sc., Nursing Prospectus...

2020- 2021 : PROSPECTUS FOR ADMISSION TO M. PHARMACY COURSE... Last Date to Apply : 15-12-2020...

 >>> Click here to Download M.Pharm., Prospectus...

அரசு பணி நியமனம் பெற ஆபீஸ் ஆட்டோமேஷன் பயிற்சியை முடிக்க வேண்டும் - தலைமைச் செயலாளர் அறிவிப்பு (நாளிதழ் செய்தி)...

 டாக்டர், பொறியாளர், வனத்துறை உள்ளிட்ட அதிகாரிகள் பணிகளுக்கும், உதவியாளர், பட்டதாரி ஆசிரியர்கள், இடைநிலை ஆசிரியர்கள், டிரைவர்கள் உள்ளிட்ட அனைவருக்கும் இனி கணினி பயிற்சி அத்தியாவசியமாகிறது. அரசு பணி நியமனம் பெற ஆபீஸ் ஆட்டோமேஷன்  பயிற்சியை முடிக்க வேண்டும் - தலைமைச் செயலாளர் அறிவிப்பு...

இன்றைய செய்திகள் தொகுப்பு... 09.12.2020 (புதன்)...

 

🌹பிரச்சனைக்கு சிறந்த ஆயுதம் பொறுமை தான்

பொறுமை அனைத்திற்கும் பதில் தரும்

அதற்கு காலதாமதம் ஆகும் ஆனால்

ஒருபோதும் தோற்றுப்போகாது.!

🌹🌹எல்லோர் மனதிலும் காயங்கள் உண்டு

அதை வெளிப்படுத்தும் விதம் தான் வித்தியாசம்

சிலர் கண்ணீரால்

சிலர் புன்னகையால்.!!

அனைவருக்கும் இனிய காலை வணக்கம்.

🙏🙏🙏🙏🙏🙏🙏🙏🙏🙏

🌈🌈இந்தியாவில் உள்ள ஒவ்வொரு கிராமமும் அடுத்த மூன்று ஆண்டுகளில் அதிவேக ஃபைபர் ஆப்டிக் தகவல் இணைப்பு பெறும்.

இந்தியா மிகவும் விருப்பமான மொபைல் உற்பத்தி தளமாக வளர்ந்து வருகிறது.

- பிரதமர் மோடி.

ᷤ🌈🌈எவரெஸ்ட் சிகரத்தின் உயரம் 8848.86 மீட்டர்.

- நேபாளம் மற்றும் சீனா கூட்டாக அறிவிப்பு.

🌈🌈ஆன்லைன் கல்வி மூலம் அதிக கட்டணம் வசூலித்த 14 கல்வி நிறுவனங்கள் மீது நடவடிக்கை 

👉மாணவர்களும், பெற்றோர்களும் கூறும் கருத்துகளின் அடிப்படையில் பள்ளிகள் திறப்பது பற்றி முதல்வர் முடிவு 

- அமைச்சர் செங்கோட்டையன் 

🌈🌈தமிழ்வழி படித்த மாணவர்களுக்கு அரசு பணிகளில் 20% ஒதுக்கீடு வழங்கும் மசோதாவுக்கு ஆளுநர் பன்வாரிலால் புரோஹித் ஒப்புதல் 

ஒன்று முதல் பட்டப் படிப்பு வரை தமிழ்வழியில் படித்தோருக்கு குரூப்-1, 2 தேர்வில் முன்னுரிமை அளிக்கப்படும்

🌈🌈தடையை மீறி வேல்யாத்திரை சென்றதாக  பாஜகவினர் மீது தமிழகம் முழுவதும் 135 வழக்குகள் பதிவு செய்துள்ளதாக தமிழக காவல்துறை உயர்நீதிமன்றத்தில் பதில் மனு தாக்கல்

🌈🌈2013ஆம் ஆண்டு   TET தேர்வில் 90 மதிப்பெண்களுக்கு மேல் பெற்று வெயிட்டேஜ் முறையால் பணி வாய்ப்பை இழந்தவர்கள்

த‌மிழக‌ முதல்வர் பழனிசாமியிடம் மனு. உரிய நடவடிக்கை எடுப்பதாக முதல்வர் உறுதி

🌈🌈ஆயுர்வேதா,சித்தா, யுனானி மருத்துவர்கள் அறுவை சிகிச்சை செய்ய மத்திய அரசு பிறப்பித்த உத்தரவை ரத்து செய்யக் கோரி ஆர்ப்பாட்டத்தில் ஈடுபட்ட அரசு மருத்துவர்கள்

🌈🌈அரசுப்பணிகளில் தமிழ் வழியில் படித்தோருக்கான முன்னுரிமை இட ஒதுக்கீட்டு சட்டம் திருத்தப்பட்டுள்ளது. 

👉இதன்படி நிர்ணயிக்கப்பட்ட கல்வித் தகுதியை முழுவதுமாக தமிழ் வழியில் பெற்றிருந்தால் மட்டுமே பயன் அடைய முடியும்.

👉10ம் வகுப்பு கல்வித் தகுதி உள்ள வேலைக்கு 1 முதல் 10 வரை தமிழ் வழியில் படித்திருக்க வேண்டும்.

👉12 ம் வகுப்பு கல்வித் தகுதி எனில் 10, 12 தமிழ் வழியில் படித்திருக்க வேண்டும்.

👉இளங்கலை கல்வித் தகுதி எனில்

10, 12, இளங்கலை தமிழ் வழியில் படித்திருக்க வேண்டும்.

👉முதுகலை கல்வித் தகுதி எனில்10, 12, இளங்கலை, முதுகலை தமிழ் வழியில் படித்திருக்க வேண்டும்.

🌈🌈10-ம் வகுப்பு  மறுகூட்டலுக்கு விண்ணப்பித்த மாணவர்கள்  மதிப்பெண் சான்றிதழ் பதிவிறக்கம் செய்து கொள்ளலாம்-DGE

🌈🌈அரசு உதவி பெறும் பள்ளி மாணவர்களுக்கும் எம்பிபிஎஸ் படிப்பில் இடஒதுக்கீடு வழங்க கோரிய மனு-தமிழக அரசு பதிலளிக்க உத்தரவு

🌈🌈இக்னோ மாணவர் சேர்க்கை அவகாசம் டிச.15 வரை நீட்டிப்பு

🌈🌈சிறை அலுவலர், ஒருங்கிணைந்த பொறியியல் பதவி தற்காலிக தேர்வர்கள் பட்டியல் வெளியீடு: டிஎன்பிஎஸ்சி தகவல்

🌈🌈பதிவு மூப்பு அடிப்படையில் ஆசிரியர்களை நியமிக்க வேண்டும் என தமிழ்நாடு பதிவுமூப்பு ஆசிரியர்கள் வேண்டுகோள்

🌈🌈சிபிஎஸ்இ:  தனித் தோ்வா்கள் விண்ணப்பிக்க இன்று கடைசி

🌈🌈மருத்துவப் பொதுக் கலந்தாய்வு: இதுவரை 2,965 எம்பிபிஎஸ் இடங்கள் ஒதுக்கீடு

🌈🌈கற்போம் எழுதுவோம் இயக்கம் - புதிய வயது வந்தோர் கல்வி திட்டம் - தன்னார்வ ஆசிரியர்கள் மற்றும் கற்போரின் மைய வருகையை EMIS Attendance App மூலம் பதிவு செய்ய வேண்டும் - இயக்குனர் செயல்முறைகள் வெளியீடு 

🌈🌈தமிழகத்தில் 51 இடங்களில் கொரோனா தடுப்பூசி பாதுகாப்பு மையம் தயார் - சுகாதாரத்துறை செயலாளர் தகவல்.

🌈🌈டிசம்பர் 14-ம் தேதி ஓபிஎஸ்-இபிஏஸ் தலைமையில் அதிமுக ஆலோசனை கூட்டம் நடைபெறும் என அறிவிப்பு வெளியிடப்பட்டுள்ளது.👉சட்டப்பேரவை தேர்தல் தொடர்பாக அதிமுக ஆலோசனை கூட்டம் நடைபெறும் எனவும் அறிவிக்கப்பட்டுள்ளது.

🌈🌈மூன்றாவது டி20 போட்டியில் இந்தியா தோல்வி; 2-1 என்ற கணக்கில் தொடரை கைப்பற்றி கோப்பையை வென்றது இந்தியா

🌈🌈கடந்த 20 ஆண்டுகளில் எத்தனை வழக்குகள் சிபிஐ-க்கு மாற்றப்பட்டுள்ளன? 

இதில் சிபிஐ எத்தனை வழக்குகளை விசாரணைக்கு எடுத்துக் கொண்டனர்- 

உயர்நீதிமன்ற மதுரைக்கிளை கேள்வி.

🌈🌈ஒரே புத்தகம் பல பெயர்களில் அச்சிடப்பட்டு நூலகத்துறைக்கு வாங்கப்படுவதாக புகார் எழுந்துள்ளது.

நூலகத்துறை சார்பில் அண்மையில் வாங்கப்பட்ட நூல்கள் உள்ளிட்டவை பற்றி வெள்ளை அறிக்கை வெளியிட வேண்டும்.

தங்கம் தென்னரசு, திமுக.

🌈🌈சேலம் - சென்னை 8 வழிப்பாதை திட்டம் புதிய அரசாணையுடன் தொடரலாம்

👉நிலம் கையகப்படுத்த வெளியிட்ட அரசாணையை ரத்து செய்த உயர்நீதிமன்ற உத்தரவைதான் உச்சநீதிமன்றம் உறுதிப்படுத்தியிருக்கிறது

 👉8 வழிச்சாலைக்காக கையகப்படுத்திய நிலங்களை மக்களுக்கே திருப்பி தரவேண்டும்

👉சுற்றுச்சூழல் அனுமதி பெறவேண்டும், மக்களிடன் கருத்துக் கேட்க வேண்டும். புதிய அரசாணை பிறப்பித்து மீண்டும் திட்டத்தை தொடரலாம்!            உச்சநீதிமன்றம் தீர்ப்பு

🌈🌈மத்திய அரசின் வாதத்தால், 8 வழிச்சாலை வழக்கில் உயர்நீதிமன்றம் அளித்த தீர்ப்பு உச்சநீதிமன்றத்தில் ரத்தாகக் காரணமாகி விட்டது என திமுக தலைவர் மு.க.ஸ்டாலின் தெரிவித்துள்ளார்.

🌈🌈8 வழிச்சாலை திட்டத்தை கைவிடும் வரை போராட்டத்தை தொடர திட்டம்: சேலத்தில் நடைபெற்ற விவசாயிகள் ஆலோசனைக் கூட்டத்தில் முடிவு

🌈🌈2021 பிற்பாதியில் 5ஜி சேவையை ஜியோ வழங்கும்!" - முகேஷ் அம்பானி உறுதி

🌈🌈ஆக்ஸ்போர்டு தடுப்பூசி அனுமதி குறித்து மத்திய அரசிடம் சீரம் நிறுவனம் பேச்சு:

இந்தியாவில் 250 ரூபாய்க்கு விற்பனைக்கு கொண்டுவர திட்டம்

🌈🌈வேளாண் சட்டங்களுக்கு எதிராக 14வது நாளாக விவசாயிகளின் போராட்டம் தொடர்கிறது.

🌈🌈10 மற்றும் 12 வகுப்புகளுக்கு பொதுத் தேர்வுகளை நடத்துவது தொடர்பாக, மாநில இடைநிலைக் கல்வி வாரியம் (CBSE) தமிழகத்தில் CBSE பள்ளிகளை மீண்டும் திறப்பது குறித்து தமிழக அரசின் நிலைப்பாட்டைக் கோரியுள்ளது. 

🌈🌈சூரப்பாவை விசாரிக்க குழு அமைத்தது நியாமற்றது; விசாரணையை முடித்துக்கொள்ள வேண்டும்: முதல்வர் பழனிசாமிக்கு ஆளுநர் கடிதம்.

🌈🌈மத சுதந்திரத்தின் அடிப்படையில் மிக மோசமான மீறல்கள் அரங்கேறிக்கொண்டிருக்கும் கவலை தரக்கூடிய நாடுகளாக சீனா, பாகிஸ்தான், சவுதி அரேபியா, பர்மா, ஈரான் உள்ளிட்ட நாடுகளை அறிவித்தது அமெரிக்கா.

🌈🌈சீனாவில் நிலவும் கடும் குளிர் காரணமாக சான்க்சி மாகாணத்தில் அமைந்துள்ள Hukou நீர்வீழ்ச்சி உறைந்து பனிக்கட்டியாக மாறி உள்ளது.

🌈🌈வாஷிங்டன்: கொரோனா நோய்த்தொற்று பரிசோதனையை செல்லிடப்பேசி வாயிலாக 30 நிமிடங்களில் மேற்கொள்வதற்கான தொழில்நுட்பத்தை அமெரிக்க விஞ்ஞானிகள் உருவாக்கியுள்ளனா்.                                                            

🌈🌈DSE - பேரிடர் மேலாண்மை - "FAST" Mobile App - பதிவிறக்கம் செய்ய ஆசிரியர்கள் மற்றும் மாணவர்களுக்கு உத்தரவு - பள்ளிக்கல்வி இயக்குநரின் செயல்முறைகள் வெளியிடப்பட்டுள்ளது. 

🌈🌈புதிதாக பிரிக்கப்பட்ட மாவட்டங்களில் கல்வி மாவட்டம் மாறியுள்ள பள்ளிகளின் விபரங்களை அனுப்பி வைக்கக் கோரி அரசுத் தேர்வுகள் இயக்குநர் உத்தரவு. 

🌈🌈சிபிஎஸ்இ 10 மற்றும் 12-ம் வகுப்பு தனித் தேர்வர்களுக்கு அடுத்த ஆண்டு (2021) பொதுத் தேர்வுக்காக விண்ணப்பிக்க நவ.11-ம் தேதி கடைசி நாளாக அறிவிக்கப்பட்டிருந்தது. தற்போது டிசம்பர் 9-ம் தேதிக்குள் அவற்றை சிபிஎஸ்இ இணையதளத்தில் சமர்ப்பிக்கலாம். ஏற்கெனவே விண்ணப்பங்களைச் சமர்ப்பித்து, அதில் திருத்தம் செய்ய விரும்புவோர் டிச.10 முதல் டிச.14-ம் தேதி வரை திருத்தங்களை மேற்கொள்ளலாம் என அறிவிக்கப்பட்டுள்ளது. 

🌈🌈CPS- சிறப்பு காலமுறை ஊதியத்தில் பணியாற்றும் ஊழியர்களுக்கு பிடித்தம் செய்யப்படும் CPS சந்தா தொகையை உடனடியாக நிறுத்தம் செய்ய அரசு தகவல் தொகுப்பு ஆணையர் உத்தரவு                                                                      

🌈🌈முதன்மைக் கல்வி அலுவலர் மற்றும் அதையொத்த 18  பணியிடங்களுக்கு   பணியிட மாறுதல் ஆணை நேற்று  வெளியிடப்பட்டது. 

🌈🌈CPS-ஆல் ஆண்டிற்கு ரூ.1000 கோடி நிதிச்சுமையைச் சந்திக்கும் தமிழக அரசு, CPS-ஐ ரத்து செய்வதால் ரூ.20,000 கோடி உபரி நிதியைப் பெறமுடியும்! CPS-ஐ ரத்து செய்து பழைய ஓய்வூதியத் திட்டம் நடைமுறைப்படுத்தப்படுமா?

🌈🌈CPS வல்லுநர் குழுவின் அறிக்கை மீதான நடவடிக்கையானது பரிசீலனையில் உள்ளது : மேலும் அது அரசின் கொள்கை முடிவுக்கு உட்பட்டது - நிதித் துறை சார்புச் செயலாளர் RTIஇல்  தகவல்.

🌈🌈அரசு உதவி பெறும் பள்ளிகளுக்கு இட ஒதுக்கீடு வழங்க கோரிய வழக்கில் தமிழக அரசு ஜனவரி 5 ஆம் தேதிக்குள் பதிலளிக்க நீதிமன்றம் உத்தரவு. 

🌈🌈CPS திட்டத்தை ரத்து செய்தால் அரசின் நிதிச்சுமை குறைய வாய்ப்பு - நாளிதழ் செய்தி. 

🌈🌈இந்திராகாந்தி திறந்தநிலை பல்கலைக்கழகத்தில் மாணவர் சேர்க்கைக்கு  டிசம்பர் 15 வரை அவகாசம்  நீட்டிப்பு. 

🌈🌈அரசுத் தேர்வுகள் இயக்ககம் - தென்காசி, கள்ளக்குறிச்சி, திருப்பத்தூர், ராணிப்பேட்டை மற்றும் செங்கல்பட்டு ஆகிய புதிய வருவாய் மாவட்டங்களில் புதிய முதன்மைக் கல்வி அலுவலகங்கள் தோற்றுவித்தமை புதிய மாவட்டங்களை உள்ளடக்கிய முதன்மைக் கல்வி அலுவலகங்கள் பட்டியல் தயாரித்துள்ளமை - கல்வி மாவட்டம் மாறியுள்ள பள்ளிகளின் விபரங்களை அனுப்பி வைக்கக் கோரி அரசுத் தேர்வுகள் இயக்குநர் உத்தரவு

🙏🙏🙏🙏🙏🙏🙏🙏                                

என்றும் அன்புடன்

சு.வேலுமணி M.A.,B.Ed.,

தலைமையாசிரியர்                                                         & மாவட்டச் செயலாளர்.

தமிழ்நாடு தொடக்கப்பள்ளி ஆசிரியர் மன்றம்,

கரூர் மாவட்டம்.

அலைபேசி:9003599926

தமிழ் வழியில் படித்தவர்களுக்கு தமிழக அரசின் அரசுப் பணிகளில் 20% இட ஒதுக்கீடு - அரசிதழ் வெளியீடு...

 தமிழ் வழியில் படித்தவர்களுக்கு தமிழக அரசின் அரசுப் பணிகளில் 20% இட ஒதுக்கீடு - அரசிதழ் வெளியீடு...

>>> அரசிதழ் தரவிறக்கம் செய்ய இங்கே சொடுக்கவும்...