IFHRMS-ல் 20க்கும் மேற்பட்ட பணியாளர்களுக்கு (Strike Period Claim Bill) அரியர் பில் எளிமையாக தயாரிக்கும் முறை...

>>> IFHRMS-ல் 20க்கும் மேற்பட்ட பணியாளர்களுக்கு (Strike Period Claim Bill) அரியர் பில் எளிமையாக தயாரிக்கும் முறை...

4 மாவட்டங்களுக்கு கனமழை காரணமாக இரண்டு நாட்கள் ( நவம்பர்.8,9 ) பள்ளி கல்லூரிகளுக்கு விடுமுறை...

 கனமழையால் சென்னை, திருவள்ளூர், காஞ்சிபுரம், செங்கல்பட்டு மாவட்டங்களில் பள்ளி, கல்லூரிகளுக்கு 2 நாட்கள் விடுமுறை அளிக்கப்பட்டுள்ளது.

வங்கக் கடலில் நிலவும் வளிமண்டல சுழற்சி காரணமாக தமிழகத்தில் வட கடலோர மாவட்டங்களில் கனமழைபெய்யும் என்று சென்னை வானிலை ஆய்வு மையம் முன்னரே எச்சரிக்கை விடுத்திருந்தது.

இந்த நிலையில் சென்னையில் சனிக்கிழமை இரவு முதல் ஞாயிறு காலை 5 மணிவரை இடி, மின்னலுடன் கூடிய கனமழை பெய்ந்தது.

சென்னையில் அதிகப்பட்சமாக நுங்கம்பாக்கத்தில் 20 செ.மீ கனமழைபதிவாகி உள்ளது. எம்ஆர்சி நகர், அண்ணா பல்கலைகழகம், வில்லிவாக்கம், பெரம்பூர், மீனம்பாக்கம், தரமணி, நந்தனம் ஆகிய பகுதிகளில் கனமழை பெய்ந்தது.

சென்னை பல இடங்களில் 10 செ.மீக்கு மேல் மழை பதிவாகியுள்ளது. இதனால் நகரின் பல பகுதிகள் நீரில் மூழ்கின.

இந்த நிலையில் கனமழையால் பாதிக்கப்பட்ட பகுதிகளில் தமிழக முதல்வர் ஸ்டாலின் இன்று அமைச்சர்களுடன் நேரில் ஆய்வு செய்தார்.

சென்னை, வேப்பேரி, பேரக்ஸ் ரோடு பகுதியை முதல்வர் ஸ்டாலின் பார்வையிட்டு ஆய்வு செய்தார்.

மழை வெள்ளத்தை வெளியேற்ற துரிதமாக நடவடிக்கை மேற்கொள்ளுமாறு பெருநகர சென்னை மாநகராட்சி அலுவலர்களுக்கு உத்தரவிட்டார்.

பின்னர் எழிலகத்தில் அமைக்கப்பட்டுள்ள கட்டுப்பாட்டு அறையை ஆய்வு செய்தார்.இதனை தொடர்ந்து அவர் செய்தியாளர்களிடம் கூறுகையில் ‘‘சென்னையில் பெய்து வரும் கனமழை காரணமாக வெளியூர்களில் இருந்து சென்னை வருவோர் தங்கள் பயணத்தை 3 நாட்கள் வரை ஒத்தி வைக்க வேண்டும். கனமழையால் சென்னை, திருவள்ளூர், காஞ்சிபுரம், செங்கல்பட்டு மாவட்டங்களில் பள்ளி, கல்லூரிகளுக்கு 2 நாட்கள் ( , 08.11.2021 மற்றும் 09.11.2021 ) விடுமுறை அளிக்கப்படும்’’ எனக் கூறினார்.

இன்றைய (08-11-2021) ராசி பலன்கள், நட்சத்திர பலன்கள்...

மேஷம்

நவம்பர் 08, 2021

வியாபாரத்தில் இருந்துவந்த மந்தநிலை நீங்கி முன்னேற்றம் ஏற்படும். வெளியூர் தொடர்பான வேலைவாய்ப்புகள் சிலருக்கு சாதகமாக அமையும். உடனிருப்பவர்களை பற்றிய புரிதல் உண்டாகும். எதிர்காலம் தொடர்பான சிந்தனைகள் மனதில் மேம்படும். இயந்திரம் தொடர்பான கலை பணிகளில் லாபகரமான சூழ்நிலைகள் காணப்படும். அதிர்ஷ்டகரமான நாள். 

அதிர்ஷ்ட திசை : வடகிழக்கு

அதிர்ஷ்ட எண் : 4

அதிர்ஷ்ட நிறம் : இளநீலம்

அஸ்வினி : சாதகமான நாள். 

பரணி : புரிதல் உண்டாகும். 

கிருத்திகை : லாபகரமான நாள்.

---------------------------------------

ரிஷபம்

நவம்பர் 08, 2021

உலகியல் நடவடிக்கைகளின் மூலம் மனதில் மாற்றங்களும், சிறு சஞ்சலங்களும் உண்டாகும். மற்றவர்களிடமிருந்து எதிர்பார்த்திருந்த சில உதவிகள் அலைச்சல்களுக்கு பின்பு கிடைக்கும். இணையம் தொடர்பான பணிகளில் இருப்பவர்கள் கவனத்துடன் செயல்பட வேண்டும். கணவன், மனைவிக்கிடையே ஒருவருக்கொருவர் அனுசரித்து செல்வது தேவையற்ற மனக்கசப்பை தவிர்க்கும். விரயங்கள் நிறைந்த நாள்.

அதிர்ஷ்ட திசை : தென்மேற்கு

அதிர்ஷ்ட எண் : 7

அதிர்ஷ்ட நிறம் : பச்சை நிறம் 

கிருத்திகை : சஞ்சலமான நாள்.

ரோகிணி : அலைச்சல்கள் அதிகரிக்கும்.

மிருகசீரிஷம் : அனுசரித்து செல்லவும்.

---------------------------------------

மிதுனம்

நவம்பர் 08, 2021

எந்தவொரு செயலிலும் சுறுசுறுப்புடன் செயல்படுவீர்கள். பணிபுரியும் இடத்தில் இருந்துவந்த சிக்கல்கள் படிப்படியாக குறையும். புதிய நபர்களின் அறிமுகம் மற்றும் ஆதரவின் மூலம் அனுகூலமான சூழ்நிலைகள் ஏற்படும். கூட்டு வியாபாரத்தில் லாபம் அதிகரிக்கும். இழந்த பொருட்களை மீட்பதற்கான வாய்ப்புகள் உண்டாகும். உடனிருப்பவர்களின் பலம் மற்றும் பலவீனங்களை அறிந்து கொள்வீர்கள். ஆதரவு கிடைக்கும் நாள்.

அதிர்ஷ்ட திசை : வடக்கு

அதிர்ஷ்ட எண் : 8

அதிர்ஷ்ட நிறம் : வெள்ளை நிறம்

மிருகசீரிஷம் : சுறுசுறுப்பான நாள். 

திருவாதிரை : அறிமுகம் கிடைக்கும்.

புனர்பூசம் : புரிதல் உண்டாகும்.

---------------------------------------

கடகம்

நவம்பர் 08, 2021

உத்தியோகம் தொடர்பான பணிகளில் பொறுப்புகள் மேம்படும். புதுவிதமான பொருட்களின் மீது ஆர்வம் ஏற்படும். சிற்றின்ப செயல்பாடுகளின் மூலம் விரயங்கள் உண்டாகும். வித்தியாசமான கற்பனைகளின் மூலம் தூக்கமின்மை சிலருக்கு ஏற்படும். இழுபறியாக இருந்துவந்த நீண்ட நாள் பிரச்சனைகளுக்கு தீர்வும், வெற்றியும் கிடைக்கும். மாற்றம் நிறைந்த நாள். 

அதிர்ஷ்ட திசை : கிழக்கு

அதிர்ஷ்ட எண் : 3

அதிர்ஷ்ட நிறம் : பிங்க் நிறம்

புனர்பூசம் : பொறுப்புகள் மேம்படும். 

பூசம் : விரயங்கள் உண்டாகும். 

ஆயில்யம் : தீர்வு கிடைக்கும்.

---------------------------------------

சிம்மம்

நவம்பர் 08, 2021

உறவினர்களின் வழியில் மகிழ்ச்சியான சூழ்நிலைகள் காணப்படும். சமூகம் தொடர்பான பணிகளில் இருப்பவர்களுக்கு பலதரப்பட்ட மக்களின் தொடர்புகள் கிடைக்கும். புதிய இலக்குகளை நிர்ணயம் செய்வதற்கான சூழ்நிலைகள் ஏற்படும். தந்திரமான செயல்பாடுகளின் மூலம் எண்ணிய செயல்களை செய்து முடிப்பீர்கள். ஆரோக்கியம் தொடர்பான விஷயங்களில் முன்னேற்றம் உண்டாகும்.  திறமைகள் வெளிப்படும் நாள்.

அதிர்ஷ்ட திசை : தெற்கு

அதிர்ஷ்ட எண் : 4

அதிர்ஷ்ட நிறம் : சாம்பல் நிறம்

மகம் : மகிழ்ச்சியான நாள். 

பூரம் : இலக்குகள் பிறக்கும்.

உத்திரம் : முன்னேற்றம் உண்டாகும். 

---------------------------------------

கன்னி

நவம்பர் 08, 2021

எதிர்பாராத தனவரவுகள் உண்டாகும். உடன்பிறந்தவர்கள் ஒற்றுமையுடன் செயல்படுவார்கள். வியாபார ரீதியாக இருந்துவந்த நெருக்கடிகள் குறையும். எடுக்கும் முயற்சிகளில் முன்னேற்றமான பலன்கள் கிடைக்கும். முயற்சிகளில் இருந்துவந்த மறைமுக தடைகளை அறிந்துகொள்வீர்கள். உத்தியோகம் தொடர்பான பணிகளில் சில மாற்றங்கள் உண்டாகும். கீர்த்தி உண்டாகும் நாள்.

அதிர்ஷ்ட திசை : மேற்கு

அதிர்ஷ்ட எண் : 1

அதிர்ஷ்ட நிறம் : மஞ்சள் நிறம்

உத்திரம் : ஒற்றுமை மேம்படும்.

அஸ்தம் : நெருக்கடிகள் குறையும். 

சித்திரை : மாற்றங்கள் உண்டாகும். 

---------------------------------------

துலாம்

நவம்பர் 08, 2021

குடும்பத்தில் மகிழ்ச்சியான சூழ்நிலைகள் காணப்படும். சகோதரர்களின் வழியில் ஆதரவு கிடைக்கும். எதிராக செயல்பட்டவர்கள் சாதகமாக செயல்படுவார்கள். உத்தியோகத்தில் திறமைக்கு ஏற்ப பாராட்டுகள் கிடைக்கும். எழுத்து சார்ந்த பணிகளில் உயர்வு ஏற்படும். சிறுதொழில் நிமிர்த்தமான உதவிகள் கிடைக்கும். திட்டமிட்ட பணிகள் எண்ணிய விதத்தில் நிறைவேறும். அமைதியான நாள்.

அதிர்ஷ்ட திசை : வடக்கு

அதிர்ஷ்ட எண் : 9 

அதிர்ஷ்ட நிறம் : ஆரஞ்சு நிறம்

சித்திரை : ஆதரவான நாள்.

சுவாதி : உதவிகள் கிடைக்கும்.

விசாகம் : திட்டங்கள் நிறைவேறும். 

---------------------------------------

விருச்சிகம்

நவம்பர் 08, 2021

மனதில் இருந்துவந்த பலவிதமான குழப்பங்கள் நீங்கி தெளிவு பிறக்கும். வேலையாட்களிடம் சூழ்நிலைக்கு ஏற்றவாறு அனுசரித்து செல்வது நல்லது. சுபகாரியம் தொடர்பான முயற்சிகள் ஈடேறும். மறைமுகமாக இருக்கக்கூடிய சில விஷயங்களை அறிந்துகொள்வீர்கள். முகத்தில் புதுவிதமான பொலிவும், புத்துணர்ச்சியும் காணப்படும். வரவுகள் நிறைந்த நாள்.

அதிர்ஷ்ட திசை : கிழக்கு

அதிர்ஷ்ட எண் : 8

அதிர்ஷ்ட நிறம் : நீலநிறம்

விசாகம் : தெளிவு பிறக்கும்.

அனுஷம் : முயற்சிகள் ஈடேறும். 

கேட்டை : புத்துணர்ச்சியான நாள். 

---------------------------------------

தனுசு

நவம்பர் 08, 2021

உடல் ஆரோக்கியம் சிறப்பாக இருக்கும். குடும்பத்தில் மகிழ்ச்சியான செய்திகள் கிடைக்கும். வேலை நிமிர்த்தமாக வெளியூர் செல்வதற்கான வாய்ப்புகள் அமையும். வியாபாரத்தில் இருந்துவந்த போட்டி, பொறாமைகள் குறையும். எதிர்பாராத சில உதவிகளின் மூலம் மேன்மை உண்டாகும். கடன் சார்ந்த பிரச்சனைகள் முடிவுக்கு வரும். ஆதரவு நிறைந்த நாள்.

அதிர்ஷ்ட திசை : கிழக்கு

அதிர்ஷ்ட எண் : 6

அதிர்ஷ்ட நிறம் : பச்சை நிறம்

மூலம் : ஆரோக்கியம் மேம்படும்.

பூராடம் : போட்டிகள் குறையும். 

உத்திராடம் : மேன்மை உண்டாகும்.

---------------------------------------

மகரம்

நவம்பர் 08, 2021

பணி நிமிர்த்தமான பயணங்கள் அதிகரிக்கும். எதிர்பாராத செலவுகளின் மூலம் சேமிப்புகள் குறையும். நண்பர்களுடன் சிறு சிறு கருத்து வேறுபாடுகள் தோன்றி மறையும். எதிர்பார்த்த கடன் உதவிகள் கிடைக்கும். குடும்பத்தில் விட்டுக்கொடுத்து செல்வதன் மூலம் பகைமையை தவிர்க்க முடியும். அனுபவம் மேம்படும் நாள்.

அதிர்ஷ்ட திசை : வடக்கு

அதிர்ஷ்ட எண் : 5

அதிர்ஷ்ட நிறம் : சில்வர் நிறம்

உத்திராடம் : பயணங்கள் அதிகரிக்கும். 

திருவோணம் : கருத்து வேறுபாடுகள் மறையும். 

அவிட்டம் : அனுசரித்து செல்லவும்.

---------------------------------------

கும்பம்

நவம்பர் 08, 2021

வியாபாரம் சம்பந்தமான முயற்சிகள் ஈடேறும். மனதில் புதுவிதமான தன்னம்பிக்கை உண்டாகும். வெளியூர் தொடர்பான பயண வாய்ப்புகள் சாதகமாக அமையும். நீண்ட நாட்களாக சந்திக்க நினைத்த நண்பர்களை சந்திப்பதற்கான சூழ்நிலைகள் உண்டாகும். சேமிப்புகளை மேம்படுத்துவது தொடர்பான சிந்தனைகள் அதிகரிக்கும். செயல்பாடுகளில் ஏற்பட்ட தடைகளால் புதிய மாற்றம் பிறக்கும். நிம்மதியான நாள்.

அதிர்ஷ்ட திசை : வடக்கு

அதிர்ஷ்ட எண் : 1

அதிர்ஷ்ட நிறம் : சந்தன நிறம்

அவிட்டம் : தன்னம்பிக்கையான நாள். 

சதயம் : சந்திப்புகள் ஏற்படும். 

பூரட்டாதி : மாற்றம் பிறக்கும்.

---------------------------------------

மீனம்

நவம்பர் 08, 2021

தொழில் ரீதியாக எடுக்கும் முயற்சிகளுக்கு உடனிருப்பவர்களின் ஒத்துழைப்பு மனதிற்கு மகிழ்ச்சியை ஏற்படுத்தும். உலக வாழ்க்கை பற்றிய புதுவிதமான கண்ணோட்டங்கள் உண்டாகும். அரசு சார்ந்த துறைகளில் இருப்பவர்களுக்கு முன்னேற்றமான சூழ்நிலைகள் அமையும். வெளிவட்டாரத்தில் செல்வாக்கு அதிகரிக்கும். நண்பர்களின் வழியில் ஆதரவான சூழ்நிலைகள் காணப்படும். பொறுப்புகள் அதிகரிக்கும் நாள்.

 

அதிர்ஷ்ட திசை : வடமேற்கு

அதிர்ஷ்ட எண் : 8

அதிர்ஷ்ட நிறம் : இளநீலம் 

பூரட்டாதி : மகிழ்ச்சியான நாள். 

உத்திரட்டாதி : முன்னேற்றம் உண்டாகும். 

ரேவதி : செல்வாக்கு அதிகரிக்கும்.

---------------------------------------

இன்றைய (07-11-2021) ராசி பலன்கள், நட்சத்திர பலன்கள்...

மேஷம்

நவம்பர் 07, 2021

குடும்ப உறுப்பினர்களிடம் தேவையற்ற கருத்துக்கள் பகிர்வதை தவிர்ப்பது நல்லது. கொடுக்கல், வாங்கல் தொடர்பான விஷயங்களில் சிந்தித்து செயல்படவும். உத்தியோகம் தொடர்பான பணிகளில் பொறுப்புகள் அதிகரிக்கும். வீண் வாக்குவாதங்களை தவிர்ப்பது நல்லது. அரசு சார்ந்த செயல்பாடுகளில் அலைச்சல்கள் அதிகரிக்கும். கவனம் வேண்டிய நாள்.

அதிர்ஷ்ட திசை : மேற்கு

அதிர்ஷ்ட எண் : 9

அதிர்ஷ்ட நிறம் : இளம் மஞ்சள் 

அஸ்வினி : சிந்தித்து செயல்படவும்.

பரணி : பொறுப்புகள் அதிகரிக்கும்.

 

கிருத்திகை : அலைச்சல்கள் அதிகரிக்கும்.

---------------------------------------

ரிஷபம்

நவம்பர் 07, 2021

கணவன், மனைவிக்கிடையே நெருக்கம் அதிகரிக்கும். புதிய ஆபரணங்கள் மற்றும் விலை உயர்ந்த பொருட்களை வாங்குவது பற்றிய சிந்தனைகள் ஏற்படும். நண்பர்களின் உதவியால் வியாபார ரீதியான நெருக்கடிகள் குறையும். பூர்வீக சொத்துக்களால் லாபம் ஏற்படும். நினைத்த காரியங்கள் நிறைவேறும். தொழிலில் கூட்டாளிகளுடன் இருந்த பிரச்சனைகள் தீரும். கலகலப்பான நாள்.

அதிர்ஷ்ட திசை : தெற்கு

அதிர்ஷ்ட எண் : 3

அதிர்ஷ்ட நிறம் : இளஞ்சிவப்பு 

கிருத்திகை : நெருக்கம் அதிகரிக்கும். 

ரோகிணி : நெருக்கடிகள் குறையும்.

 

மிருகசீரிஷம் : எண்ணங்கள் ஈடேறும்.

---------------------------------------

மிதுனம்

நவம்பர் 07, 2021

ரகசிய செயல்பாடுகளின் மூலம் எதிர்பார்ப்புகள் நிறைவேறும். கால்நடை வளர்ப்பு தொடர்பான விஷயங்களில் லாபம் மேம்படும். பொதுமக்கள் தொடர்பான பணிகளில் இருப்பவர்களுக்கு பலதரப்பட்ட அனுபவமும், அலைச்சல்களும் உண்டாகும். உறவினர்கள் உதவியாக இருப்பார்கள். சக ஊழியர்களின் ஒத்துழைப்பு கிடைக்கும். வெளியூர் பயணங்களால் நன்மைகள் ஏற்படும். தீர்வுகள் கிடைக்கும் நாள்.

அதிர்ஷ்ட திசை : வடக்கு

அதிர்ஷ்ட எண் : 7

அதிர்ஷ்ட நிறம் : பழுப்பு நிறம்

மிருகசீரிஷம் : எதிர்பார்ப்புகள் நிறைவேறும்.

 

திருவாதிரை : லாபம் மேம்படும்.

 

புனர்பூசம் : அலைச்சல்கள் உண்டாகும்.

---------------------------------------

கடகம்

நவம்பர் 07, 2021

வியாபாரத்தில் முதலீடு செய்வதன் மூலம் லாபம் கிடைக்கும். சிலருக்கு எதிர்பாராத இடமாற்றம் உண்டாகும். புதிய முயற்சிகளுக்கு குடும்பத்தினரின் ஒத்துழைப்பு கிடைக்கும். பிள்ளைகளால் அனுகூலம் உண்டாகும். உடல் ஆரோக்கியத்தில் இருந்த சிக்கல்கள் நீங்கும். வெளியிடங்களில் வீண் வாக்குவாதங்களை தவிர்க்கவும். செய்கின்ற முயற்சியில் நல்ல முன்னேற்றம் ஏற்படும். புதுமை பிறக்கும் நாள்.

அதிர்ஷ்ட திசை : மேற்கு

அதிர்ஷ்ட எண் : 8

அதிர்ஷ்ட நிறம் : ஆகாய நீலம்

புனர்பூசம் : இடமாற்றம் உண்டாகும்.

பூசம் : ஒத்துழைப்பு கிடைக்கும்.

ஆயில்யம் : சிக்கல்கள் நீங்கும்.

---------------------------------------

சிம்மம்

நவம்பர் 07, 2021

எதிர்பாராத சில பயணங்களின் மூலம் மாற்றம் உண்டாகும். வீட்டிற்கு தேவையான பொருட்களை வாங்கி மகிழ்வீர்கள். புதிய முயற்சிகளில் இருந்துவந்த தடை, தாமதங்கள் குறையும். வெளியூர் தொடர்பான பயண வாய்ப்புகள் சாதகமாக அமையும். வர்த்தகம் தொடர்பான பணிகளில் முன்னேற்றம் உண்டாகும். வாழ்க்கைத்துணைவருடன் மகிழ்ச்சியான தருணங்கள் ஏற்படும். ஆரோக்கியம் மேம்படும் நாள்.

அதிர்ஷ்ட திசை : வடக்கு

அதிர்ஷ்ட எண் : 1

அதிர்ஷ்ட நிறம் : பச்சை நிறம்

மகம் : மாற்றம் உண்டாகும்.

பூரம் : தாமதங்கள் குறையும்.

உத்திரம் : முன்னேற்றம் உண்டாகும்.

---------------------------------------

கன்னி

நவம்பர் 07, 2021

வீட்டிற்கு தேவையான பொருட்களை வாங்கி மகிழ்வீர்கள். விளையாட்டு சார்ந்த பணிகளில் இருப்பவர்களுக்கு முன்னேற்றம் உண்டாகும். உடலளவிலும், மனதளவிலும் புதுவிதமான பொலிவுடனும், தன்னம்பிக்கையுடனும் காணப்படுவீர்கள். உத்தியோகத்தில் இருப்பவர்களுக்கு உயர் அதிகாரிகளின் ஆதரவு கிடைக்கும். திறமைக்கேற்ற உயர்வுகள் ஏற்படும். முயற்சிகள் அதிகரிக்கும் நாள்.

அதிர்ஷ்ட திசை : கிழக்கு

அதிர்ஷ்ட எண் : 5

அதிர்ஷ்ட நிறம் : கருநீலம்

உத்திரம் : முன்னேற்றம் உண்டாகும்.

 

அஸ்தம் : தன்னம்பிக்கையான நாள்.

சித்திரை : உயர்வுகள் ஏற்படும். 

---------------------------------------

துலாம்

நவம்பர் 07, 2021

வாழ்க்கை பற்றிய கண்ணோட்டங்களில் மாற்றம் ஏற்படும். தனவரவுகளின் மூலம் திருப்தியான சூழ்நிலைகள் அமையும். செலவுகளின் தன்மைகளை அறிந்து மேற்கொள்வது நன்மையை ஏற்படுத்தும். மனதிற்குள் புதுவிதமான நம்பிக்கையும், மகிழ்ச்சியும் ஏற்படும். பலதரப்பட்ட மக்களின் தொடர்பும், ஆதரவும் கிடைக்கும். எதிர்பாராத சில அலைச்சல்கள் ஏற்பட்டாலும் அனுகூலம் உண்டாகும். வரவுகள் உண்டாகும் நாள்.

அதிர்ஷ்ட திசை : மேற்கு

அதிர்ஷ்ட எண் : 9

அதிர்ஷ்ட நிறம் : சிவப்பு நிறம்

சித்திரை : திருப்தியான நாள்.

சுவாதி : நம்பிக்கை பிறக்கும்.

விசாகம் : அனுகூலம் உண்டாகும்.

---------------------------------------

விருச்சிகம்

நவம்பர் 07, 2021

பழக்கவழக்கங்களில் மாற்றம் உண்டாகும். உணர்ச்சி வசப்படாமல் நிதானமாக செயல்பட வேண்டும். உடனிருப்பவர்களின் தன்மைகளை அறிந்து கொள்வீர்கள். பணி நிமிர்த்தமான ரகசியங்களில் கவனம் வேண்டும். வியாபாரத்தில் சிறு மாற்றம் செய்வதன் மூலம் லாபம் அதிகரிக்கும். எதிர்காலம் பற்றிய கவலைகள் வந்து நீங்கும். பரந்த மனப்பான்மையின் மூலம் பலரின் அறிமுகம் கிடைக்கப் பெறுவீர்கள்.  பொலிவில் மாற்றம் நிறைந்த நாள்.

அதிர்ஷ்ட திசை : வடக்கு

அதிர்ஷ்ட எண் : 6

அதிர்ஷ்ட நிறம் : வெள்ளை நிறம்

 

விசாகம் : மாற்றம் உண்டாகும்.

அனுஷம் : லாபம் அதிகரிக்கும்.

கேட்டை : அறிமுகம் கிடைக்கும்.

---------------------------------------

தனுசு

நவம்பர் 07, 2021

வெளியூர் தொடர்பான பயண வாய்ப்புகள் சிலருக்கு சாதகமாக அமையும். மனதில் இருந்த கவலைகள் நீங்கி நிம்மதியான தூக்கத்தை பெறுவீர்கள். வழக்கில் நல்ல தீர்ப்பு கிடைக்கும். வியாபாரத்தில் லாபம் மேம்படும். விலை உயர்ந்த பொருட்களை வாங்குவீர்கள். குடும்பத்தினருடன் சுப நிகழ்ச்சிகளில் கலந்து கொள்வீர்கள். இனம் புரியாத எண்ணத்தின் மூலம் சோர்வுகள் உண்டாகும். ஒத்துழைப்பு கிடைக்கும் நாள்.

அதிர்ஷ்ட திசை : கிழக்கு

அதிர்ஷ்ட எண் : 3

அதிர்ஷ்ட நிறம் : மஞ்சள் நிறம்

மூலம் : வாய்ப்புகள் சாதகமாகும்.

பூராடம் : லாபம் மேம்படும்.

உத்திராடம் : சோர்வு உண்டாகும். 

---------------------------------------

மகரம்

நவம்பர் 07, 2021

மகிழ்ச்சியான செய்திகள் கிடைக்கப் பெறுவீர்கள். சிலருக்கு அரசு வழியில் எதிர்பார்த்த உதவிகள் கிடைக்கும். சுபகாரிய முயற்சிகளில் முன்னேற்றம் ஏற்படும். வியாபாரத்தில் இருந்த கடன் சார்ந்த இன்னல்கள் நீங்கும். உடன்பிறந்தவர்களின் ஒத்துழைப்பு கிடைக்கும். சமூகம் தொடர்பான பணிகளில் மேன்மையான சூழல் ஏற்படும். வியாபார பணிகளில் மேன்மையான வாய்ப்புகள் கிடைக்கும். புத்துணர்ச்சியான நாள்.

அதிர்ஷ்ட திசை : தெற்கு

அதிர்ஷ்ட எண் : 8

அதிர்ஷ்ட நிறம் : நீலநிறம்

 

உத்திராடம் : உதவிகள் கிடைக்கும்.

 

திருவோணம் : இன்னல்கள் நீங்கும்.

அவிட்டம் : ஒத்துழைப்பு கிடைக்கும்.

---------------------------------------

கும்பம்

நவம்பர் 07, 2021

குழந்தைகளின் எதிர்காலம் தொடர்பான சிந்தனைகள் மேம்படும். நீண்ட நாட்களாக எதிர்பார்த்திருந்த மாற்றமான சூழ்நிலைகளின் மூலம் புதிய வாய்ப்புகள் உண்டாகும். வெளிவட்டாரத்தில் புதிய அனுபவங்கள் ஏற்படும். தொழில், வியாபாரத்தில் உறவினர்களின் உதவிகள் கிடைக்கும். பொழுதுபோக்கு தொடர்பான விஷயங்களில் ஈடுபட்டு மகிழ்வீர்கள். ஆராய்ச்சி நிறைந்த நாள்.

அதிர்ஷ்ட திசை : கிழக்கு

அதிர்ஷ்ட எண் : 4

அதிர்ஷ்ட நிறம் : சாம்பல் நிறம்

அவிட்டம் : சிந்தனைகள் மேம்படும்.

சதயம் : அனுபவம் உண்டாகும்.

 

பூரட்டாதி : உதவிகள் கிடைக்கும். 

---------------------------------------

மீனம்

நவம்பர் 07, 2021

கூட்டு வியாபாரம் தொடர்பான முயற்சிகளில் முன்னேற்றம் உண்டாகும். விருந்தினர்களின் வருகையால் மகிழ்ச்சியான சூழல் அமையும். மனதில் எதிர்காலம் சார்ந்த சிந்தனைகள் அதிகரிக்கும். குடும்பத்தாரின் ஒத்துழைப்பு மனதிற்கு மகிழ்ச்சியை ஏற்படுத்தும். அதிகாரப் பதவியில் இருப்பவர்களின் அறிமுகம் கிடைக்கும். உத்தியோக பணிகளில் மேன்மையான சூழ்நிலைகள் காணப்படும்.  உதவிகள் கிடைக்கும் நாள்.

அதிர்ஷ்ட திசை : வடக்கு

அதிர்ஷ்ட எண் : 6

அதிர்ஷ்ட நிறம் : அடர் பச்சை

பூரட்டாதி : முன்னேற்றம் உண்டாகும்.

 

உத்திரட்டாதி : ஒத்துழைப்பு கிடைக்கும்.

ரேவதி : மேன்மையான நாள்.

---------------------------------------

குருபெயர்ச்சி பலன்கள் 2021 - 2022 (அனைத்து ராசியினருக்கும்)...

 குருபெயர்ச்சி பலன்கள் 2021 - 2022 (அனைத்து ராசியினருக்கும்)...

🐏 குரு பெயர்ச்சிப் பலன்கள் - மேஷம்...

🐂 குரு பெயர்ச்சிப் பலன்கள் - ரிஷபம்...

👬🏻 குரு பெயர்ச்சிப் பலன்கள் - மிதுனம்...

🦀 குரு பெயர்ச்சிப் பலன்கள் - கடகம்...

🦁 குரு பெயர்ச்சிப் பலன்கள் - சிம்மம்...

👩🏻 குரு பெயர்ச்சிப் பலன்கள் - கன்னி...

⚖️ குரு பெயர்ச்சிப் பலன்கள் - துலாம்...

🦂 குரு பெயர்ச்சிப் பலன்கள் - விருச்சிகம்...

🏹 குரு பெயர்ச்சிப் பலன்கள் - தனுசு...

🐋 குரு பெயர்ச்சிப் பலன்கள் - மகரம்...

🏺 குரு பெயர்ச்சிப் பலன்கள் - கும்பம்...

🐟 குரு பெயர்ச்சிப் பலன்கள் - மீனம்...

குரு பெயர்ச்சிப் பலன்கள் - மீனம்...

பிரச்னைகளுக்கு அஞ்சாமல் தன் குறிக்கோளை மட்டுமே பார்த்து திறம்படச் செயல்படும் மீன ராசி அன்பர்களே!

உங்கள் ராசி நாதனான குருபகவான் இதுவரை 11 ம் வீட்டிலிருந்து சகல வசதி வாய்ப்புகளையும் வழங்கிவந்தார். வரும் 13.11.2021 முதல் விரைய ஸ்தானமான கும்பத்துக்குள் அடியெடுத்துவைக்கிறார். 13.4.2022 வரை அங்கேயே இருந்து பலன்தரப் போகிறார். இந்த மாற்றம் உங்களுக்கு எப்படிப்பட்ட பலன்களைத் தரப்போகிறது என்று பார்ப்போம்.

விரைய ஸ்தானத்தில் குருபகவான் சஞ்சரிப்பதால் தேவையற்ற செலவுகள் அதிகரிக்கும்.எவ்வளவு முயன்றாலும் சிக்கனத்தைக் கடைப்பிடிக்க முடியாமல் திண்டாடுவீர்கள். கௌரவத்துக்காகச் செலவு செய்வதை நிறுத்துங்கள். தேவையற்ற விஷயங்களுக்காக வீட்டுக்குள் சண்டைபோடுவதைக் குறைப்பது நல்லது. குடும்பத்தினரை அனுசரித்துப் போங்கள்.

உங்கள் வேலைகளை வேறு யாரையும் நம்பி ஒப்படைக்க வேண்டாம். நேரடியாக நீங்களே கவனித்துச் செயல்படுவது நல்லது. புண்ணியத்தலங்களுக்குச் சென்று வழிபாடு செய்வீர்கள்.

குருபகவான் உங்களின் நான்காம் வீடான மிதுனத்தைப் பார்ப்பதால் தாயாரின் ஆரோக்கியத்தில் இதுவரை இருந்துவந்த குறைபாடுகள் நீங்கும். தொல்லை கொடுத்த பழைய வாகனத்தை மாற்றுவீர்கள். பெரிய வீட்டுக்கு மாறுவீர்கள். சிலர் ஊர் விட்டு ஊர் செல்ல வேண்டியும் வரலாம்.

6 - ம் வீட்டை குருபகவான் பார்ப்பதால் கடனில் ஒருபாதியைச் செலுத்தி நிம்மதி அடைவீர்கள். நோய் இருப்பதாக இருந்த அச்சம் விலகும். வெளிநாடு செல்லும் முயற்சிகள் சாதகமாகும். எதிர்ப்புகள் விலகும்.

குரு பகவான் 8 - ம் வீட்டைப் பார்ப்பதால் ஆரோக்கியம் சீராகும். வழக்குகள் உங்கள் பக்கம் அனுகூலமாக முடியும். பங்குச் சந்தை மூலம் எதிர்பார்த்த பணம் வரும்.

குருபகவானின் சஞ்சார பலன்கள்:

13.11.2021 முதல் 30.12.2021 வரை

அவிட்டம் நட்சத்திரத்தில் குருபகவான் சஞ்சரிக்கும் இந்தக் காலகட்டத்தில் பணவரவுக்குக் குறைவு இருக்காது. முக்கியஸ்தர்களின் உதவியால் தடைப்பட்ட காரியங்களை வெற்றிகரமாக முடிப்பீர்கள். வீட்டுமனை வாங்க முயல்வீர்கள். சகோதரர்களால் ஆதாயம் உண்டு. தந்தையின் உடல் நலத்தில் இருந்த பின்னடைவுகள் நீங்கும். அவருடன் மனம் விட்டுப் பேசுவீர்கள். சுபநிகழ்ச்சிகளால் வீட்டில் மகிழ்ச்சி நிறைந்திருக்கும். வீட்டிலும் வெளியிலும் மதிப்பும் மரியாதையும் அதிகரிக்கும்.

31.12.2021 முதல் 02.03.2022 வரை

இந்தக் காலகட்டத்தில் சதயம் நட்சத்திரத்தில் குருபகவான் பயணிப்பதால் குடும்பத்தில் விட்டுக்கொடுத்துப் போவது அவசியம். தேவையற்ற விவாதங்கள் சச்சரவுகள் ஏற்படலாம். செலவுகள் சமாளிக்க முடியாத அளவுக்கு மூச்சுமுட்டும். யாரையும் முழுமையாக நம்பி எந்த வேலையையும் ஒப்படைக்க வேண்டாம். உறவினர் விஷயத்தில் அத்துமீறித் தலையிட வேண்டாம்.

02.03.2022 முதல் 13.04.2022 வரை

குருபகவான் தன் சொந்த நட்சத்திரமான பூரட்டாதி நட்சத்திரத்தில் செல்வதால் கொடுத்து வராமல் இருந்த கடன்தொகை கிடைக்கும். சுபநிகழ்ச்சிகள் நடைபெறும். சில முக்கிய முடிவுகளைத் துணிந்து எடுப்பீர்கள். பிள்ளைகளின் உயர்கல்வி, வேலை, திருமணம் சம்பந்தப்பட்ட முயற்சிகள் நல்ல விதத்தில் முடியும். வங்கிக் கடன் கிடைக்கும். பேச்சில் ஒரு முதிர்ச்சி வெளிப்படும்.

வியாபாரிகளுக்கு:

வரவு செலவில் கவனம் வையுங்கள். புதியவர்களுக்குக் கடன் கொடுக்க வேண்டாம். அதேபோன்று பொருள்கள் கொள்முதலிலும் அக்கறை தேவை. சந்தையில் தேவை உள்ள பொருள்களை அறிந்து கொள்முதல் செய்யுங்கள். தள்ளுபடி சலுகைகளை அறிவித்துப் பழைய சரக்குகளை விற்பீர்கள். பணியாளர்களால் சில பிரச்னைகள் வந்துபோகும். கடையைப் பெரிதுபடுத்த முயல்வீர்கள். வாடிக்கையாளர்களிடம் கனிவாகப் பேச வேண்டியது அவசியம். பங்குதாரர்கள் சிலர் தன் பங்கைக் கேட்டு தொந்தரவு தருவார்கள். உணவு, டிராவல்ஸ், பப்ளிகேஷன், அழகு சாதனப் பொருட்களால் லாபமடைவீர்கள்.

உத்தியோகஸ்தர்களுக்கு:

விமர்சனங்களுக்கு பதில் சொல்லிக்கொண்டிருக்காதீர்கள். உழைப்புக்கேற்ப அங்கீகாரம் இருக்காது. மேலதிகாரிகள் அனுசரணையாக இருப்பார்கள் என்றாலும் பணிச்சுமை அதிகமாகவேயிருக்கும். சக ஊழியர்களின் தவறுகளைப் பெரிதுபடுத்த வேண்டாம். எதிர்பார்த்த சம்பள உயர்வு, பதிவு உயர்வு தாமதமாகவே கிடைக்கும்.

கலைஞர்களே! வீண் வதந்திகள், கிசுகிசுக்கள் ஓயும். உங்கள் படைப்புகளை அனைவரும் பாராட்டுவார்கள். என்றாலும் மூத்த கலைஞர்களைப் பற்றி விமர்சித்துப் பேசவேண்டாம்.

மொத்தத்தில் இந்த குருப் பெயர்ச்சி ஓய்வில்லாமல் உங்களைக் கடினமாக உழைக்க வைத்தாலும், அதற்கேற்ற உயர்வில்லையே என சில நேரங்களில் ஏங்க வைக்கும்.

பரிகாரம்: தஞ்சை மாவட்டம் வலங்கைமான் வட்டத்தில் ஆலங்குடியில் வீற்றிருக்கும் ஸ்ரீ ஆபத்சகாயேஸ்வரரை வணங்குங்கள். ஏழைப்பிள்ளைகளின் கல்விக்கு உதவுங்கள். வெற்றி கிட்டும்.

இதுவரை உங்கள் ராசிக்கு 11-ம் இடமான லாப ஸ்தானத்தில் இருந்த குரு பகவான், இப்போது 12-ம் இடமான விரய ஸ்தானத்திற்கு வருகிறார். அப்படியானால் விரயங்கள் அதிகமாக இருக்குமா? என்ற அச்சம் தோன்றுவது இயல்புதான்..! ஆனால் உங்கள் ராசிக்கு அதிபதியான குரு பகவான் விரய ஸ்தானத்திற்கு செல்லும் பொழுது வீண் விரயங்களை நிச்சயம் தர மாட்டார் என்பதை புரிந்து கொள்ளுங்கள். அப்படியானால் எப்படிப்பட்ட விரயங்களை தருவார்..? சுப விரயங்களை மட்டுமே தருவார்.

சுப விரயங்கள் என்றால் என்னென்ன? வீடு கட்டுவது, வீட்டு பராமரிப்புப் பணிகள் செய்வது, மாடி மேல் மாடி கட்டுதல், திருமணம் செய்தல், திருமண வயதில் பிள்ளைகள் இருந்தால் அவர்களுக்கு திருமணம் செய்தல், பிள்ளைகளுக்கு காதுகுத்து போன்ற விசேஷங்கள் செய்வது, புதிதாக தொழில் தொடங்குவதற்கு முதலீடுகள் செய்தல் இதுபோன்ற சுப விரயங்களை செய்வார். குடும்பத்தினரோடு மகிழ்ச்சியாக இருப்பது, குடும்பத்தினருடன் சுற்றுலா பயணங்கள் மேற்கொள்வது, வெளிநாடுகளுக்குச் சுற்றுலா செல்வது, ஆன்மிகப் பயணங்கள் செய்வது போன்ற சுப விரயங்களும் ஏற்படும்.

குடும்பத்தினர் ஒற்றுமை அதிகரிக்கும். பிள்ளைகளின் எதிர்காலம் சிறப்பாக இருப்பதற்கான வழிவகைகளை இந்த குருப்பெயர்ச்சி காட்டும். பூர்வீகச் சொத்து தொடர்பான விஷயங்களில் பாகப் பிரிவினை ஏற்பட்டு அதன் மூலம் ஆதாயம் கிடைப்பது போன்றவை இந்த குருப்பெயர்ச்சி காலத்தில் நடக்கும். மேலும் குருவின் பார்வை உங்கள் ராசிக்கு 4, 6 மற்றும் 8 ஆகிய இடங்களை தொடர்பு கொள்வதால் சொந்த வீடு வாங்கும் கனவு நனவாகும். பாதியில் நின்ற கட்டிடப் பணிகள் தொடரும். தாமதப்பட்டுக் கொண்டிருந்த வீட்டுக் கடன் கிடைக்கும். சொத்துகள் தொடர்பான பிரச்சினைகள் முடிவுக்கு வரும். 6-ஆம் இடத்தில் குரு பார்வை படுவதால் இதுவரை இருந்த ஆரோக்கிய பாதிப்புகள் தீரும். கடன் பிரச்சினைகள் முடிவுக்கு வரும். புதிதாக கடன் பெற்று தொழில் அல்லது வியாபாரத்தில் முதலீடு செய்யும் வாய்ப்பு கிடைக்கும். எதிர்ப்புகள் காணாமல் போகும். எதிரிகளின் தொல்லைகள் முடிவுக்கு வரும். எட்டாம் இடத்தில் குரு பார்வை படுவதால் வழக்குகள் சாதகமாகும். நீண்டகால ஆரோக்கிய பாதிப்புகள் தீரும். எனவே இந்த குருப்பெயர்ச்சி உங்களுக்கு பல வகையிலும் நன்மை தரக் கூடியதாகவே இருக்கும்.

அலுவலகப் பணிகள் சிறப்பாக இருக்கும். பதவி உயர்வுடன் கூடிய இடமாற்றம் ஏற்படும். வேறு நிறுவனங்களுக்கு மாறுவது நடக்கும். அல்லது வெளிநாடுகளில் சென்று பணிபுரியும் வாய்ப்பும் கிடைக்கும். இதுவரை வேலை இல்லாமல் இருந்தவர்களுக்கு வேலை கிடைக்கும். அலுவலகப் பணிகளில் கூடுதல் பொறுப்புகள் கிடைக்கும். குழுவாக பணியாற்றுவது நடக்கும். அந்தக் குழுவுக்குத் தலைமை ஏற்கும் பொறுப்புகளும் கிடைக்கும்.

சுயதொழில் செய்து கொண்டிருப்பவர்களுக்கு இந்த குருப் பெயர்ச்சி காலத்தில் நற்பலன்கள் நடக்கும். தொழிலுக்குத் தேவையான முதலீடுகள் கிடைக்கும். தொழிலுக்காக வாங்கிய கடன்கள் முழுமையாக அடைபடும். உங்களுடைய தொழில் தொடர்பான உற்பத்தியாகும் பொருட்கள் உடனுக்குடன் விற்பனையாகும். போட்டி நிறுவனங்கள் போட்டியில் இருந்து விலகுவார்கள். தொழிலுக்கு மேலும் அதிக முதலீடுகளைச் செய்து தொழிலை வளர்ச்சிப் பாதைக்கு கொண்டு செல்வது போன்றவை நடக்கும். கூட்டாக தொழில் செய்து கொண்டிருப்பவர்கள் இப்போது தனியாக தொழில் செய்யும் வாய்ப்பு உண்டாகும். அயல்நாடுகளில் இருந்து தொழிலுக்கு புதிய ஒப்பந்தங்கள் கிடைக்கும். ஏற்றுமதி இறக்குமதி தொழில் எது சிறப்பாக இருக்கும். புதிய தொழில் ஒப்பந்தங்கள் கிடைக்கும். மிகப் பெரிய நிறுவனங்களோடு இணைந்து தொழில் செய்யும் வாய்ப்பு பலருக்கும் கிடைக்கும்.

வியாபாரத்தில் அபரிமிதமான வளர்ச்சியும் முன்னேற்றமும் இருக்கும். வியாபார இடங்களை விஸ்தரிப்பது, புதிய கிளைகள் தொடங்குவது போன்றவை நடக்கும். இன்னொரு வியாபாரத்தை ஏற்று நடத்தும் வாய்ப்பு கிடைக்கும். அதற்கான முதலீடுகள் செய்யும் நிலை ஏற்படும். அதற்கு தேவையான கடன் உதவி கிடைக்கும். பலவகையிலும் உங்களுடைய வியாபார வளர்ச்சி சிறப்பாக இருக்கும். அத்தியாவசிய பொருட்கள் மட்டுமல்லாமல் ஆடம்பர பொருட்கள் விற்பனை செய்யும் வியாபாரிகளுக்குக் இந்த குருப்பெயர்ச்சி காலகட்டம் அதிகப்படியான ஆதாயத்தை தரக் கூடிய அளவில் இருக்கும். அலைச்சல் அதிகரித்தாலும் ஆதாயமும் உண்டு. பல வகையிலும் வருமானம் ஈட்டக் கூடிய வாய்ப்பு இந்த குருப்பெயர்ச்சி காலத்தில் இருக்கும்.

பத்திரிகை மற்றும் ஊடகத் துறையில் இருப்பவர்களுக்கு சிறப்பான காலகட்டம். அதிகப்படியான அலைச்சல் ஏற்படும். ஆனாலும் அதற்கு உண்டான பலன் கிடைக்கும். மிகப்பெரிய அளவிலான செய்திகளை கொண்டு சென்று மிகப்பெரிய புகழ் வெளிச்சம் கிடைக்கும். உங்களுக்கான மதிப்பு மரியாதை கிடைக்கும். கூடுதல் பொறுப்புடன் கூடிய பதவி உயர்வு கிடைக்கும். திட்டமிட்டு செயல்பட்டால் மிகப்பெரிய சாதனைகளைச் செய்ய முடியும்.

கலைத்துறை சார்ந்தவர்களுக்கு இந்த குருப்பெயர்ச்சி காலம் மிக அதிகப்படியாக நன்மைகளை ஏற்படுத்தித் தரும். ஓய்வில்லாத உழைப்பை தர வேண்டியது வரும். புகழ் வெளிச்சம் கிடைக்கும். மதிப்பு மரியாதை உயரும். பொருளாதார நிலை சிறப்பாக இருக்கும். கடன் பிரச்சினைகள் தீரும். கௌரவப் பதவிகள் கிடைக்கும். அரசின் கவனம் பெறுவீர்கள். பொருளாதாரத்தில் மிகப்பெரிய வளர்ச்சியைக் காண்பீர்கள். அசையும் அசையா சொத்துகள் சேரும் யோகம் உண்டு. மிகச் சரியாக திட்டமிட்டு உங்களுடைய கலைச்சேவையை செயல்படுத்தினால் வெற்றிகரமான காலகட்டமாக இருக்கும்.

பெண்களுக்கு இந்த குருப்பெயர்ச்சி அதிக நன்மைகளை ஏற்படுத்தி தரக்கூடியதாக இருக்கும். திருமண வயதில் இருப்பவர்களுக்கு திருமணம் நடக்கும். திருமணம் ஆன பெண்களுக்கு புத்திர பாக்கியம் உண்டாகும். குடும்ப ஒற்றுமை பலப்படும். கருத்து வேறுபாடுகளால் குடும்பத்தில் ஏற்பட்ட பிரச்சனைகள் சமாதானம் ஆகும். கணவர் வீட்டு உறவுகள் முதல் பெற்றோர்கள் வீட்டு உறவுகள் வரை அனைவரும் உங்களுக்கு பக்கபலமாக இருப்பார்கள். நல்ல வேலை வாய்ப்புகள் கிடைக்கும். பணியில் இருப்பவர்களுக்கு பதவி உயர்வு கிடைக்கும். சொத்துகள் சேரும் யோகம் உண்டு. குறிப்பாக கணவர் வீட்டு வகையில் சொத்துகள் கிடைக்கும். ஆடை ஆபரணச் சேர்க்கை உண்டு. சுப நிகழ்வுகள் நடக்கும். சகோதர சகோதரிகளுக்கு திருமணம் நடக்கும், அது உங்கள் முயற்சியால் நடக்கும். இது போன்ற பலவிதமான நன்மைகள் நடைபெறக்கூடிய காலகட்டம் இது.

மாணவர்களுக்கு கல்வியில் நல்ல வளர்ச்சி முன்னேற்றமும் இருக்கும். உயர்கல்வி முதல் பட்டப்படிப்பு, பட்டயக்கல்வி போன்ற அனைத்து மாணவர்களுக்கும் மிகச்சிறப்பான காலகட்டம். கடின உழைப்புடன் கல்வியை மிகத் திறமையாக முடித்துக் காட்டுவீர்கள். பட்டம் பதவிகள் தேடிவரும். கல்வி முடிந்தவுடன் நல்ல வேலைவாய்ப்பு கிடைக்கும். அயல்நாடு சென்று கல்வி பயிலும் வாய்ப்பு மிக எளிதாக கிடைக்கும். அதே போல அயல் நாடுகளில் வேலை வாய்ப்பு மிக எளிதாக கிடைக்கும். இந்த குருப் பெயர்ச்சி பல வகையிலும் உங்களுக்கு நன்மை தரக்கூடியதாக இருக்கும்.

மீன ராசிக்காரர்களுக்கு மிக உகந்த பரிகார ஸ்தலம் திருமலை திருப்பதி. அதேபோல் மதுரையில் இருக்கும் "இம்மையில் நன்மை தருவார்" என்ற சிவஸ்தலம் மிகச்சிறப்பான பரிகார ஸ்தலம் ஆகும். இந்த குருப் பெயர்ச்சி காலத்தில் இந்த ஆலயங்களுக்குச் சென்று வருவதன் மூலம் அதிகப்படியான நன்மைகள் உங்களுக்கு கிடைக்கும். வாழ்க வளமுடன்.

குரு பெயர்ச்சிப் பலன்கள் - கும்பம்...

தாராள மனமும் தயாள குணமும் கொண்ட கும்ப ராசி அன்பர்களே... உங்கள் ராசிக்கு 12 ம் இடமான மகரத்தில் அமர்ந்து உங்களுக்குத் தொல்லைகள் கொடுத்துக்கொண்டிருந்த குருபகவான் தற்போது உங்கள் ராசிக்குள்ளேயே வருகிறார். ஜன்ம குரு என்றால் அத்தனை நற்பலன்கள் கிடைக்காது என்று சொல்வார்களே என்று அஞ்சவேண்டாம். உங்களின் இரண்டு மற்றும் பத்தாம் இடத்துக்கு அதிபதியான குருபகவான் ஜன்மத்துக்குள் வருவதால் கஷ்டங்கள் குறையவே செய்யும்.

செயல்களில் உத்வேகம் பிறக்கும். சுறுசுறுப்பாகச் செயல்படுவீர்கள். பிரிந்திருந்த கணவன் மனைவிக்கிடையே ஒற்றுமை உண்டாகும். ஆரோக்கியக் குறைபாடுகள் நீங்கும். அரசாங்க வகையில் ஆதாயம் கிடைக்கும். வெளிநாடு செல்லத் திட்டமிட்டுத் தள்ளிப்போனதே அது இப்போது கைகூடும். அதன் மூலம் பணவரவும் உண்டாகும்.

ஜன்ம குரு என்றாலே கூடுதல் பொறுப்புகள் என்று புரிந்துகொள்ளுங்கள். பணிச்சுமை அதிகரிக்கும். உங்களால் எந்த அளவுக்கு உழைக்க முடியுமோ அந்த அளவுக்கு உழைக்க முயற்சி செய்யுங்கள். அதையும் மீறிய விஷயங்களுக்கு வாக்குக் கொடுத்து மாட்டிக்கொள்ள வேண்டாம். பணம், நகை கடன் கொடுப்பதாக இருந்தால் ஒன்றுக்குப் பலமுறை யோசித்து முடிவெடுங்கள். மனதில் தேவையற்ற அச்சங்கள் தோன்றும். பெரிய நோய்கள் இருப்பது போன்ற பயம் வரும். எனவே ஆரோக்கியத்தில் அக்கறை செலுத்துவதோடு தைரியமாகவும் இருக்க வேண்டியது அவசியம்.

குரு பகவானின் பார்வை 5 - ம் வீடான மிதுனத்தைப் பார்ப்பதால் நல்ல பலன்கள் உண்டாகும். ஏழரைச் சனியின் பாதிப்புகள் குறையும். குழந்தை பாக்கியம் கிடைக்கும். குரு பகவான் 7 - ம் வீட்டையும் பார்ப்பதால் கணவன் மனைவிக்குள் அந்நியோன்யம் அதிகரிக்கும். சுபநிகழ்ச்சிகளைக் கோலாகலமாக நடத்துவீர்கள்.

பாக்கிய ஸ்தானமான 9 - ம் வீட்டுக்கும் குருவின் பார்வை கிடைப்பதால் பணவரவில் இருந்த சிக்கல்கள் குறையும். அரசியல்வாதிகள் கோஷ்டி பூசலில் சிக்காமல் இருப்பது நல்லது. திடீரென்று புதிய பதவியில் அமர்த்தப்படுவீர்கள்.

குருபகவானின் சஞ்சார பலன்கள்:

13.11.2021 முதல் 30.12.2021 வரை

அவிட்டம் நட்சத்திரத்தில் குருபகவான் சஞ்சரிக்கும் இந்தக் காலகட்டத்தில் எதையும் சமாளிக்கும் சாமர்த்தியம் பிறக்கும். பணவரவு அதிகரிக்கும். பழைய வாகனங்களை விற்றுப் புதிய வாகனம் வாங்குவீர்கள். சகோதரர்கள் ஒத்தாசையாக இருப்பார்கள். வீடு மனை வாங்குவது குறித்து ஆசைகள் உண்டாகும். என்றாலும் சட்டப்படியே அனைத்தையும் செய்வது நல்லது.

31.12.2021 முதல் 02.03.2022 வரை

சதயம் நட்சத்திரத்தில் குருபகவான் சஞ்சாரம் செய்யும் இந்தக் காலகட்டத்தில் மனதில் ஒருவிதப் படபடப்பு, பயம், தாழ்வுமனப்பான்மை ஆகியன வந்து செல்லும். வேற்றுமதத்தவர்கள் உதவிகரமாக இருப்பார்கள். அடிக்கடி காய்ச்சல், சளித் தொந்தரவு, நெஞ்சு எரிச்சல் ஆகிய சின்னச் சின்னக் குறைபாடுகள் வந்து போகும். வீட்டில் கூடுதல் அறை அல்லது தளம் கட்டும் முயற்சிகள் பலிதமாகும். அவசரத்திற்கு கைமாற்றாகவும், கடனாகவும் வாங்கியிருந்த பணத்தை திருப்பித் தருவீர்கள். புதியவரின் நட்பால் உற்சாகமடைவீர்கள்.

02.03.2022 முதல் 13.04.2022 வரை

குருபகவான் தன் சொந்த நட்சத்திரமான பூரட்டாதியில் சஞ்சரிக்கும் இந்தக் காலகட்டத்தில் புதிய முயற்சிகள் வெற்றியடையும். வீட்டுக்குத் தேவையான மின்சார சாதனங்கள் வாங்குவீர்கள். அரசாங்கத்திடம் எதிர்பார்த்த அனுமதி மற்றும் ஒப்புதல்கள் சாதகமாகும். சுபநிகழ்ச்சிகளால் வீடு களைகட்டும். புதிய பொறுப்புகள் தேடிவரும் காலம் இது என்பதால் உற்சாகமாகச் செயல்படுவீர்கள்

வியாபாரிகளுக்கு:

புதிய முதலீடுகள் விஷயத்தில் கூடுதல் கவனம் செலுத்துவது நல்லது. பணியாளர்களிடம் கடுமை காட்டாதீர்கள். தட்டிக்கொடுத்து வேலை வாங்குங்கள். வாடிக்கையாளர்கள் சில நேரம் கடுமையாகப் பேசினால் பொறுத்துக் கொள்ளுங்கள். சக வியாபாரிகளிடமும் அனுசரணையாக நடந்துகொள்ளுங்கள்.

கெமிக்கல், ஹோட்டல், துணி வகைகளால் லாபம் உண்டு. பங்குதாரர்கள் உங்களிடம் கனிவாக நடந்துகொள்வார்கள். இருவருக்கும் இடையில் இருந்த மனவருத்தங்கள் நீங்கும்.

உத்தியோகஸ்தர்களுக்கு:

சக ஊழியர்களின் பேச்சைப் பொருட்படுத்த வேண்டாம். அவர்களிடம் கடுமை காட்டுவதன் மூலம் பகையை சம்பாதித்துக் கொள்ள வேண்டிவரும். கௌரவப் பதவிகள் தேடிவரும். மதிப்பு மரியாதை அதிகரிக்கும். சவால்களை ஏற்றுக்கொள்வீர்கள். அதில் வெற்றியும் கிடைக்கும். சம்பள உயர்வு, பதவி உயர்வு ஆகியன இந்த ஆண்டு இறுதியில் வாய்க்கும்.

கலைஞர்களே! உங்களுக்கு எதிராக விமர்சனங்கள் வந்தாலும் அஞ்ச வேண்டாம். அயல்நாட்டுத் தொடர்புடைய நிறுவனங்களிலிருந்து புதிய வாய்ப்புகள் கிடைக்கும்.

மொத்தத்தில் இந்த குருப்பெயர்ச்சி சவால்களை சந்திக்கத் தேவையான சாமர்த்தியத்தையும், சகிப்புத்தன்மையையும், பணவரவையும் தரும்.

பரிகாரம்: தஞ்சாவூருக்கு அருகிலுள்ள திருக்கருகாவூரில் அருள்பாலித்துக் கொண்டிருக்கும் ஸ்ரீமுல்லைவனேஸ்வரரை வணங்குங்கள். ரத்த தானம் செய்யுங்கள். அந்தஸ்து பெருகும்.

இதுவரை உங்கள் ராசிக்கு விரய ஸ்தானமான 12-ம் இடத்தில் இருந்த குருபகவான் இப்போது உங்கள் ராசியில் வரப்போகிறார். அதாவது ஜென்ம குருவாக வரவிருக்கிறார். ஜென்ம குருவாக வரும் போது பலவிதமான குழப்பங்களையும், இடமாற்றங்களையும், தவறான முடிவுகளை எடுக்க வைக்கவும், செலவை அதிகரித்து எப்படி சமாளிப்பது என்றெல்லாம் தருவார் என்று நினைக்கலாம்! உண்மையில் குருபகவான் உங்களுக்கு அப்படி ஏதும் கஷ்டங்களை தரமாட்டார்.

என்ன காரணம்? உங்கள் ராசிக்கு குரு பகவான் 2க்கும் 11 க்கும் அதிபதியாவார். 2, 11 என்பது "பணபர ஸ்தானம்" ஆகும். அதாவது பணவரவும் சேமிப்பையும், செல்வ வளத்தையும் குறிக்கும். இப்படி பணபர ஸ்தானத்திற்கு அதிபதியான குரு உங்கள் ராசிக்கு வரும்போது பொருளாதார சிக்கல்கள் ஏதும் தர மாட்டார். பணவரவில் எந்தத் தடையும் இருக்காது. குடும்பத் தேவைகள் பூர்த்தியாகும். குடும்பத்தில் திருமணம் உள்ளிட்ட சுப நிகழ்வுகள் நடக்கும். புதிய தொழில் தொடங்குவதற்கான முன்னேற்பாடுகளைச் செய்து தருவார். வீடு கட்டுதல், பராமரிப்புப் பணிகள் மேற்கொள்ளுதல், வாகன மாற்றம் போன்றவற்றைச் செய்வார். பூர்வீக இடத்திற்கு செல்ல வைக்கும். வெளிநாடுகளுக்கு அனுப்பி வைக்கும். இப்படி குருபகவான் நன்மைகளைத் தர தவறமாட்டார். அதேசமயம் கடன் கொடுப்பது, கடன் வாங்குவது போன்றவற்றை செய்யக் கூடாது. எந்த ஒரு விஷயத்திலும் முழுமையாகப் படித்துப் பார்க்காமல் கையெழுத்து போடக்கூடாது. யாருக்கும் ஜாமீன் தரக்கூடாது. காசோலைகளை கவனமாக பராமரிக்க வேண்டும். இணையதளங்களை கவனமாக கையாள வேண்டும். தேவையற்ற சர்ச்சைக்குரிய கருத்துகளை வெளியிடக் கூடாது. புதிதாக அறிமுகமாகும் நண்பர்களிடம் கவனமாக எச்சரிக்கை உணர்வோடு இருக்க வேண்டும். இதுபோன்ற ஒரு எச்சரிக்கை உணர்வு இருந்தாலே இந்த குருப்பெயர்ச்சிக் காலம் சிறப்பாக இருக்கும் என்பதில் ஐயமில்லை.

அலுவலகப் பணிகளில் இடமாற்றம் ஏற்படும். வேறு நிறுவனங்களுக்கு மாறவேண்டிய சூழ்நிலை உருவாகும். ஊழியர்களின் ஒத்துழைப்பு குறையும். உயரதிகாரிகள் பாராமுகமாக இருப்பார்கள். இதுபோன்ற செயல்களால் வேறு நிறுவனங்களில் வேலை தேட வேண்டிய அவசியம் ஏற்படும். அல்லது பணியிட மாற்றம் வெகுதொலைவில் ஏற்படும். குடும்பத்தை விட்டுப் பிரிந்து இருக்க வேண்டிய சூழ்நிலை உருவாகும். வெளிநாடுகளில் வேலைவாய்ப்பு கிடைக்கும். அதற்கான முயற்சிகளில் ஈடுபட்டால் நிச்சயமாக சிறந்த வேலை வாய்ப்பு கிடைக்கும். அரசு அலுவலர்கள் தங்கள் பணியில் முழு கவனத்தையும் செலுத்த வேண்டும். கவனக்குறைவு ஏற்பட்டால் ஒழுங்கு நடவடிக்கைக்கு ஆளாக வேண்டியது வரும். எனவே உங்கள் பணியில் முழு கவனத்தையும் செலுத்துங்கள். எந்த ஒரு விஷயத்திலும் அலட்சியம் வேண்டாம். ஒரு சிலருக்கு பணியை விட்டு விலகி சொந்தமாக தொழில் தொடங்கலாம் என்ற எண்ணம் ஏற்படும். அப்படி ஒரு எண்ணம் ஏற்பட்டால் தயவு செய்து அந்த முடிவை அடுத்த குருப் பெயர்ச்சி வரை தள்ளி வையுங்கள்.

சுயதொழில் செய்து கொண்டிருப்பவர்களுக்கு இப்போது தொழில் தொடர்பாக ஒரு சில அழுத்தங்கள் அதிகரிக்கும். தொழிலில் அதிக முதலீடுகளைச் செய்ய வேண்டியது வரும். தொழிலகத்தில் இருக்கும் இயந்திரங்களில் பழுது ஏற்படும். எனவே பராமரிப்புப் பணிகளை சரிவர செய்து வாருங்கள். சிறிய குறைகள் ஏற்பட்டால் அதை சரி செய்த பிறகு இயக்கவேண்டும். ஊழியர்களின் கோரிக்கைகளை நிறைவேற்றித் தரவில்லை என்றால் ஊழியர்களின் ஒத்துழைப்பு குறையும். உற்பத்தி செய்யும் பொருட்களில் தரத்தை எந்த வகையிலும் குறைத்து விட வேண்டாம், தொழில் தொடர்பான கணக்கு வழக்குகளில் மிகுந்த கவனமாக இருக்க வேண்டும். கணக்கு வழக்குகளில் குறைகள் ஏற்பட்டால் அது தொடர்பான சட்ட சிக்கல்களை சந்திக்க வேண்டியது வரும். இதுபோன்ற விஷயங்களில் கவனமாக இருந்தால் தொழில் சிறப்பாகவே இருக்கும். கூட்டுத் தொழில் செய்து கொண்டிருப்பவர்கள் ஒருவருக்கொருவர் விட்டுக் கொடுத்துச் செல்வது நல்லது, யாராவது ஒருவருடைய தலைமையில் தொழிலை இயக்குவது நல்லது.

வியாபார விஷயங்கள் சிறப்பாக இருக்கும். போட்டி வியாபாரிகளால் சில இடைஞ்சல்கள் ஏற்பட்டாலும் அந்த பிரச்சினைகள் அனைத்தும் சமாதானமாக பேசி தீர்த்துக்கொள்வது நல்லது. புதிய வியாபாரம் தொடங்குதல் அல்லது கூட்டாக வியாபாரம் செய்தல் போன்ற விஷயங்களில் கவனம் செலுத்த வேண்டாம். உங்கள் வியாபாரத்தை நீங்கள் மட்டுமே கவனித்து வாருங்கள். வியாபாரத்தில் அதிக முதலீடுகளை செய்ய வேண்டாம். இருக்கின்ற வியாபாரத்தை இருப்பது போல தொடர்வது நல்லது. வியாபாரத்திற்காக உள்ள பொருட்களின் தரத்தைச் சரியாக கவனிக்க வேண்டும். வாடிக்கையாளர்களிடம் கனிவாக நடந்து கொள்ள வேண்டும். கொடுக்கல்-வாங்கல் பிரச்சினைகளில் அனுசரித்துச் செல்வது நல்லது. புதிய முயற்சிகளில் ஈடுபட எண்ணம் தோன்றும். சுய ஜாதகத்தின் அடிப்படையில் விரிவுபடுத்தும் முயற்சியில் ஈடுபடலாம். மொத்தத்தில் இந்த குருப்பெயர்ச்சி காலம் வியாபாரத்தில் பெரிய பாதிப்புகளை ஏற்படுத்தாது என்பது உறுதி.

பத்திரிகை மற்றும் ஊடகத் துறையில் இருப்பவர்களுக்கு அலைச்சல் அதிகரிக்கும். வேறு நிறுவனங்களுக்கு மாற வேண்டிய நிர்ப்பந்தங்கள் ஏற்படும். ஆனாலும் எந்த நிறுவனம் சென்றாலும் இந்த அழுத்தங்களும், நிர்பந்தங்களும் இருக்கத்தான் செய்யும் என்பதை புரிந்து கொள்ளுங்கள். எனவே இருக்கும் இடத்திலேயே உங்கள் திறமையை வெளிப்படுத்துவதற்கான வாய்ப்புகளை செய்யுங்கள். சக ஊழியர்களை அனுசரித்துச் செல்லுங்கள். தேவையில்லாமல் மற்றவர்களுடைய கருத்திற்கு இடையூறு செய்யாதீர்கள். செய்தி சேகரிப்பின்போது முழு நம்பகத்தன்மை பெற்ற பிறகே செய்தி சேகரிக்க வேண்டும். அவதூறு செய்திகளை பரப்பும் பிரச்சினைக்கு ஆளாகாமல் பார்த்துக் கொள்ளுங்கள். மொத்தத்தில் முழு கவனத்தோடு இருந்தால் இந்த குருப்பெயர்ச்சி காலம் சிறப்பாக இருக்கும் என்பது நிதர்சனம்.

கலைத்துறையில் இருப்பவர்களுக்கு சிறப்பான குருபெயர்ச்சி என்றுதான் சொல்லவேண்டும். உங்களுடைய தகுதி, திறமை வெளிப்படுகிற காலம் இது. உங்களுக்கான கௌரவம் கிடைக்கும். புதிய ஒப்பந்தங்கள் கிடைக்கும். அறிமுகமில்லாத நிறுவனங்களோடு ஒப்பந்தம் போட வேண்டாம். புதிய நபர்களிடம் கவனமாக இருங்கள். கலைத்துறை தொடர்பாக பயிற்சி நிலையங்கள் ஆரம்பிக்கும் வாய்ப்பு நிறைய பேருக்கு உண்டு. ஒருசிலருக்கு வெளிநாடுகளுக்குச் சென்று நிகழ்ச்சிகள் செய்யும் வாய்ப்பு கிடைக்கும். அப்படிப்பட்ட வாய்ப்புகளை ஏற்றுக் கொள்ளுங்கள். பொருளாதாரத்தில் சிக்கனத்தை கடைபிடிக்க வேண்டும். வீண் ஆடம்பர செலவுகளை குறைத்துக் கொள்ளுங்கள். இவை அனைத்தையும் பின்பற்றினால் இந்த குருப்பெயர்ச்சி மிகச் சிறப்பாகவே இருக்கும்.

பெண்களுக்கு இந்த குருப்பெயர்ச்சி நல்ல பலன்களைத் தரும் என்பதில் ஐயமில்லை. திருமணமாகாத பெண்களுக்கு திருமணம் நடக்கும். திருமணமான பெண்களுக்கு புத்திர பாக்கியம் கிடைக்கும். சொந்த வீடு வாங்கும் கனவு இப்போது நனவாகும். பணியில் இருக்கும் பெண்களுக்கு விரும்பிய இடமாற்றம் கிடைக்கும் சுயதொழில் செய்து கொண்டிருக்கும் பெண்களுக்கு தொழிலுக்குத் தேவையான உதவிகள் கிடைக்கும். அதிக முதலீடுகள் கிடைக்கும் வாய்ப்பு உள்ளது. சகோதர சகோதரிகள் ஒற்றுமை பலப்படும். பூர்வீகச் சொத்து தொடர்பான பிரச்சினைகளில் விட்டுக் கொடுத்து சென்றால் இப்போது பாகப்பிரிவினைகள் ஒழுங்காகும். கடன் பிரச்சிகள் முடிவுக்கு வரும். அதேசமயத்தில் புதிய கடன்கள் எதுவும் வாங்க வேண்டாம். யாருக்கும் கடன் கொடுப்பதும் வேண்டாம். அதேபோல யாரையும் நம்பி பணம் நகை போன்றவற்றை தரவேண்டாம். ஜாமின் தராதீர்கள். மற்றபடி குழந்தைகளின் ஆரோக்கியம் கணவருடைய ஒற்றுமை என குடும்ப விஷயங்கள் அனைத்தும் சாதகமாக இருக்கும்.

மாணவர்களுக்கு கல்வியில் தேவையான உதவிகள் கிடைக்கும். அதே சமயத்தில் படிப்பில் கவனம் சிதறும் வாய்ப்பு உள்ளது. மனதை ஒருநிலைப்படுத்தி கல்வியில் கவனம் செலுத்தினால் நிச்சயம் வெற்றி பெறலாம். இது ஆரம்பக் கல்வி முதல் உயர்கல்வி பட்டயக்கல்வி வரை பயிலும் மாணவர்கள் அனைவருக்கும் பொருந்தும். முழுமையாக படிப்பில் கவனத்தை செலுத்தினால் மட்டுமே படிப்பை முடிக்க முடியும் என்பதை நினைவில் கொள்ளுங்கள். தேவையற்ற மாணவர்களின் சகவாசத்தை விடுங்கள். படித்தவர்கள், ஆசிரியர்கள் போன்றவர்களுடைய தொடர்பு உங்களுக்கு பக்கபலமாக இருக்கும். அந்த நட்பை இறுகப் பற்றிக் கொள்ளுங்கள். இதை அனைத்தையும் சரிவர பின்பற்றினால் இந்த குருப் பெயர்ச்சியில் பல சாதனைகளைச் செய்ய முடியும்.

கும்ப ராசிக்காரர்களுக்கு சிறந்த பரிகார ஸ்தலம் ஸ்ரீகாளகஸ்தி ஆகும். அந்த ஆலயத்திற்கு ஒருமுறை சென்று தரிசித்து வாருங்கள். மேலும் ஆலங்குடி சென்று குரு பகவானை வழிபாடு செய்யுங்கள். வீட்டுக்கு அருகில் இருக்கும் ஆலயங்களில் தட்சணாமூர்த்தி மற்றும் நவக்கிரகத்தில் இருக்கும் குருபகவானுக்கு வியாழக்கிழமை தோறும் நெய் தீபம் ஏற்றி வணங்குங்கள்., அதிக நன்மைகள் நடக்கும். வாழ்க வளமுடன்.