கல்வி அஞ்சல்

இந்தசெய்தியைபகிர்ந்துகொள்ள...

கல்வி அஞ்சல் கல்வி அஞ்சல் வலைதளத்திற்கு அனைவரையும் அன்புடன் வரவேற்கிறோம்... கல்வி அஞ்சல் கல்வி சார்ந்தஅரசாணைகள், செயல்முறைகள் மற்றும் பொதுவானதகவல்களைப் பெறகல்வி அஞ்சல் வலைதளத்துடன் இணைந்திருங்கள்... கல்வி அஞ்சல் தங்களின் மேலானகருத்துகளையும், பகிர்ந்துகொள்ளவிரும்பும் முக்கியமானதகவல்களையும் kalvianjal@gmail.com என்றமின்னஞ்சல் முகவரிக்கு அனுப்புங்கள்... கல்வி அஞ்சல் கல்வி அஞ்சல் வலைதளத்திற்கு அனைவரையும் அன்புடன் வரவேற்கிறோம்... கல்வி அஞ்சல் கல்வி சார்ந்தஅரசாணைகள், செயல்முறைகள் மற்றும் பொதுவானதகவல்களைப் பெறகல்வி அஞ்சல் வலைதளத்துடன் இணைந்திருங்கள்... கல்வி அஞ்சல் தங்களின் மேலானகருத்துகளையும், பகிர்ந்துகொள்ளவிரும்பும் முக்கியமானதகவல்களையும் kalvianjal@gmail.com என்றமின்னஞ்சல் முகவரிக்கு அனுப்புங்கள்... கல்வி அஞ்சல்

Today's (29-07-2022) Wordle Answer...

Wordle விளையாடும் முறை:

ஒவ்வொரு நாளும், ஒரு ஐந்தெழுத்து சொல் தேர்ந்தெடுக்கப்படுகிறது, அதை விளையாடுவோர் ஆறு முயற்சிகளுக்குள் யூகிக்க வேண்டும். ஒவ்வொரு யூகத்திற்கும் பிறகு, ஒவ்வொரு எழுத்தும் பச்சை, மஞ்சள் அல்லது சாம்பல் என குறிக்கப்படும்.

பச்சை என்பது எழுத்து சரியானது மற்றும் சரியான இடத்தில் உள்ளது என்றும்,

மஞ்சள் என்பது பதிலில் உள்ளது ஆனால் சரியான நிலையில் இல்லை என்றும்,

சாம்பல் என்பது அது விடையில் இல்லை என்பதைக் குறிக்கிறது.

விளையாட்டில் "ஹார்ட் மோட்" விருப்பம் உள்ளது, இதற்கு வீரர்கள் பச்சை மற்றும் மஞ்சள் என குறிக்கப்பட்ட எழுத்துக்களை அடுத்தடுத்த யூகங்களில் சேர்க்க வேண்டும்.

தினசரி சொல் அனைவருக்கும் ஒன்றுதான்.

கருத்தியல் மற்றும் ஸ்டைலிஸ்டிக் ரீதியாக, இந்த விளையாட்டு 1955 பேனா மற்றும் பேப்பர் கேம் ஜோட்டோ மற்றும் கேம் ஷோ ஃபிரான்சைஸ் லிங்கோ போன்றது.

இந்த விளையாட்டானது இரண்டு-வீரர் பலகை விளையாட்டான மாஸ்டர்மைண்ட்-இதில் வார்த்தை யூகிக்கும் மாறுபாடு கொண்ட வேர்ட் மாஸ்டர்மைன்ட் மற்றும் புல்ஸ் அண்ட் கவ்ஸ் விளையாட்டு, குறிப்பிட்ட எழுத்துக்களை வேர்ட்லே (Wordle) உறுதிசெய்கிறது. ஒவ்வொரு தினசரி விளையாட்டும் தோராயமாக வரிசைப்படுத்தப்பட்ட 2,315 சொற்களின் பட்டியலிலிருந்து ஒரு வார்த்தையைப் பயன்படுத்துகிறது (ஆங்கில மொழியில் உள்ள தோராயமான 12,000 ஐந்தெழுத்து வார்த்தைகளில்).

Wordle Game Website Link:

>>> Click Here...

Today's (29-07-2022) Wordle Answer: UPSET

>>> கல்வி அஞ்சல் Whatsapp குழுவில் இணைய...

>>> கல்வி அஞ்சல் Telegram குழுவில் இணைய...

இன்றைய (29-07-2022) ராசி பலன்கள், நட்சத்திர பலன்கள்...

மேஷம்

ஜூலை 29, 2022

குழந்தைகளின் வழியில் மகிழ்ச்சியான செய்திகள் கிடைக்கும். குடும்ப உறுப்பினர்களிடம் இருந்துவந்த கருத்து வேறுபாடுகள் மறைந்து ஒற்றுமை அதிகரிக்கும். உத்தியோகம் சார்ந்த பணிகளில் எதிர்பார்ப்புகள் நிறைவேறும். பெரியோர்களின் ஆலோசனைகள் மனதிற்கு தெளிவினை ஏற்படுத்தும். உதவி கிடைக்கும் நாள்.

அதிர்ஷ்ட திசை : கிழக்கு

அதிர்ஷ்ட எண் : 5

அதிர்ஷ்ட நிறம் : பொன் நிறம்

அஸ்வினி : மகிழ்ச்சியான நாள்.

பரணி : எதிர்பார்ப்புகள் நிறைவேறும்.

கிருத்திகை : தெளிவு ஏற்படும்.

---------------------------------------

ரிஷபம்

ஜூலை 29, 2022

மனதில் தன்னம்பிக்கையும், தைரியமும் மேம்படும். இலக்கியம் சார்ந்த பணிகளில் இருப்பவர்களுக்கு கற்பனைத்திறன் அதிகரிக்கும். பத்திரம் தொடர்பான பணிகளில் கவனத்துடன் செயல்படவும். புதிய முதலீடுகள் தொடர்பான பணிகளில் தகுந்த ஆலோசனைகளை பெற்று முடிவு எடுக்கவும். தாய்வழி உறவினர்களிடம் சூழ்நிலைக்கு ஏற்ப அனுசரித்து செல்வது நல்லது. பக்தி மேம்படும் நாள்.

அதிர்ஷ்ட திசை : வடக்கு

அதிர்ஷ்ட எண் : 2

அதிர்ஷ்ட நிறம் : வெள்ளை நிறம்

கிருத்திகை : தன்னம்பிக்கை மேம்படும்.

ரோகிணி : கவனத்துடன் செயல்படவும்.

மிருகசீரிஷம் : அனுசரித்து செல்லவும்.

---------------------------------------

மிதுனம்

ஜூலை 29, 2022

புதிய முயற்சிகளின் மூலம் முன்னேற்றமான வாய்ப்புகள் கிடைக்கும். குழந்தைகள் பொறுப்புணர்ந்து செயல்படுவார்கள். மாறுபட்ட அணுகுமுறையின் மூலம் புதுமையான சூழல் உண்டாகும். வியாபார பணிகளில் வாடிக்கையாளர்களின் ஒத்துழைப்பு கிடைக்கும். மனதில் இருந்துவந்த குழப்பம் நீங்கி தெளிவு பிறக்கும். உயர்வு நிறைந்த நாள்.

அதிர்ஷ்ட திசை : தெற்கு

அதிர்ஷ்ட எண் : 4

அதிர்ஷ்ட நிறம் : இளநீலம்

மிருகசீரிஷம் : வாய்ப்புகள் கிடைக்கும்.

திருவாதிரை : புதுமையான நாள்.

புனர்பூசம் : தெளிவு பிறக்கும்.

---------------------------------------

கடகம்

ஜூலை 29, 2022

உயர்பதவியில் இருப்பவர்களின் அறிமுகம் புதிய மாற்றத்தினை ஏற்படுத்தும். புதிய முயற்சிகளில் தகுந்த ஆலோசனைகளை பெற்று மேற்கொள்ளவும். பயனற்ற விவாதங்களை குறைத்துக் கொள்வதன் மூலம் மனதில் அமைதி உண்டாகும். மற்றவர்கள் கூறும் கருத்துக்களில் இருக்கக்கூடிய உண்மையை அறிந்து முடிவெடுப்பது நல்லது. விவேகம் வேண்டிய நாள்.

அதிர்ஷ்ட திசை : மேற்கு

அதிர்ஷ்ட எண் : 7

அதிர்ஷ்ட நிறம் : வெளிர் மஞ்சள்

புனர்பூசம் : மாற்றம் ஏற்படும்.

பூசம் : அமைதி உண்டாகும்.

ஆயில்யம் : சிந்தித்து செயல்படவும்.

---------------------------------------

சிம்மம்

ஜூலை 29, 2022

வெளியூர் தொடர்பான வேலை வாய்ப்புகளில் சாதகமான செய்திகள் கிடைக்கும். எதிராக செயல்பட்டவர்கள் விலகி செல்வார்கள். செயல்பாடுகளில் இருந்துவந்த கட்டுப்பாடுகள் படிப்படியாக குறையும். கணவன், மனைவிக்கிடையே நெருக்கமும், புரிதலும் மேம்படும். மனதில் இருந்த குழப்பத்திற்கு தெளிவான முடிவு கிடைக்கும். இன்பம் நிறைந்த நாள்.

அதிர்ஷ்ட திசை : மேற்கு

அதிர்ஷ்ட எண் : 6

அதிர்ஷ்ட நிறம் : அடர் பச்சை

மகம் : சாதகமான நாள்.

பூரம் : கட்டுப்பாடுகள் குறையும்.

உத்திரம் : முடிவு கிடைக்கும்.

---------------------------------------

கன்னி

ஜூலை 29, 2022

வியாபாரம் தொடர்பான சிந்தனைகள் அதிகரிக்கும். மனதிற்கு பிடித்த விதத்தில் புதிய ஆடைகளை வாங்கி மகிழ்வீர்கள். இழுபறியான பணிகளை செய்து முடிப்பீர்கள். பலதரப்பட்ட செலவுகளை குறைத்துக் கொள்வதற்கான சூழ்நிலைகள் ஏற்படும். உடல் ஆரோக்கியம் தொடர்பான இன்னல்கள் குறையும். தடைகள் விலகும் நாள்.

அதிர்ஷ்ட திசை : வடக்கு

அதிர்ஷ்ட எண் : 2

அதிர்ஷ்ட நிறம் : இளம் மஞ்சள்

உத்திரம் : சிந்தனைகள் அதிகரிக்கும்.

அஸ்தம் : இழுபறிகள் குறையும்.

சித்திரை : இன்னல்கள் நீங்கும்.

---------------------------------------

துலாம்

ஜூலை 29, 2022

கொடுக்கல், வாங்கல் தொடர்பான விஷயங்களில் முன்னேற்றம் உண்டாகும். உறவினர்களின் மூலம் எதிர்பார்த்த சில உதவி சாதகமாக அமையும். புதுவிதமான இலக்குகள் பிறக்கும். மகிழ்ச்சியான நினைவுகளின் மூலம் மனஅமைதி ஏற்படும். வியாபார அபிவிருத்திக்கான வாய்ப்புகள் உண்டாகும். திருப்தி நிறைந்த நாள்.

அதிர்ஷ்ட திசை : வடக்கு

அதிர்ஷ்ட எண் : 1

அதிர்ஷ்ட நிறம் : வெளிர் நீலம்

சித்திரை : முன்னேற்றம் உண்டாகும்.

சுவாதி : இலக்குகள் பிறக்கும்.

விசாகம் : அபிவிருத்தியான நாள்.

---------------------------------------

விருச்சிகம்

ஜூலை 29, 2022

மற்றவர்களின் தேவைகளை அறிந்து நிறைவேற்றி வைப்பீர்கள். மனதில் இருந்துவந்த குழப்பம் நீங்கி தெளிவு உண்டாகும். புதிய துறை சார்ந்த தேடல் அதிகரிக்கும். வெளியூர் தொடர்பான பயண வாய்ப்புகள் கைகூடும். எதிர்பாராத சில அதிர்ஷ்டகரமான சூழ்நிலைகள் அமையும். மதிப்பு மேம்படும் நாள்.

அதிர்ஷ்ட திசை : கிழக்கு

அதிர்ஷ்ட எண் : 8

அதிர்ஷ்ட நிறம் : சந்தன நிறம்

விசாகம் : தேவைகளை நிறைவேற்றுவீர்கள்.

அனுஷம் : தேடல் அதிகரிக்கும்.

கேட்டை : அதிர்ஷ்டகரமான நாள்.

---------------------------------------

தனுசு

ஜூலை 29, 2022

புதிய நபர்களின் செயல்பாடுகளில் கவனம் வேண்டும். வியாபார பணிகளில் சூழ்நிலைக்கு ஏற்ப அனுசரித்து நடந்து கொள்ளவும். நுணுக்கமான விஷயங்களில் ஆராய்ந்து செயல்படுவது உங்களின் மீதான நம்பிக்கையை மேம்படுத்தும். மாமியார் உறவுகளின் வழியில் விட்டுக்கொடுத்து செல்வது நல்லது. விதிகளுக்கு உட்பட்டு நடப்பது தேவையற்ற விரயங்களை தவிர்க்கும். நிதானம் வேண்டிய நாள்.

அதிர்ஷ்ட திசை : மேற்கு

அதிர்ஷ்ட எண் : 6

அதிர்ஷ்ட நிறம் : வெளிர் நீலம்

மூலம் : கவனம் வேண்டும்.

பூராடம் : நம்பிக்கை மேம்படும்.

உத்திராடம் : விட்டுக்கொடுத்து செல்லவும்.

---------------------------------------

மகரம்

ஜூலை 29, 2022

உத்தியோக பணிகளில் புதிய வாய்ப்புகள் கிடைக்கும். திருத்தலம் தொடர்பான பயண வாய்ப்புகள் கைகூடும். மறைவான செயல்பாடுகளை புரிந்து கொள்வதில் விருப்பம் உண்டாகும். கடன் தொடர்பான பிரச்சனைகள் குறையும். வெளியூர் பயணங்களுக்கு அதிக முக்கியத்துவம் கொடுப்பீர்கள். விவேகம் வேண்டிய நாள்.

அதிர்ஷ்ட திசை : தென்மேற்கு

அதிர்ஷ்ட எண் : 3

அதிர்ஷ்ட நிறம் : ஆரஞ்சு நிறம்

உத்திராடம் : வாய்ப்புகள் கிடைக்கும்.

திருவோணம் : விருப்பம் உண்டாகும்.

அவிட்டம் : பிரச்சனைகள் குறையும்.

---------------------------------------

கும்பம்

ஜூலை 29, 2022

தொழில் சார்ந்த புதிய முயற்சிகளுக்கு நண்பர்களின் உதவி கிடைக்கும். நெருக்கமானவர்களின் மூலம் அலைச்சலும், புரிதலும் உண்டாகும். கூட்டாளிகளின் ஒத்துழைப்பு மனதிற்கு திருப்தியை ஏற்படுத்தும். உத்தியோகம் தொடர்பான விஷயங்களில் ஆர்வத்துடன் கலந்து கொள்வீர்கள். மேன்மை நிறைந்த நாள்.

அதிர்ஷ்ட திசை : தெற்கு

அதிர்ஷ்ட எண் : 9

அதிர்ஷ்ட நிறம் : இளஞ்சிவப்பு

அவிட்டம் : உதவி கிடைக்கும்.

சதயம் : திருப்திகரமான நாள்.

பூரட்டாதி : ஆர்வம் மேம்படும்.

---------------------------------------

மீனம்

ஜூலை 29, 2022

நிலுவையில் இருந்துவந்த தனவரவு கிடைக்கும். உடல் ஆரோக்கியத்தில் இருந்துவந்த மந்தத்தன்மை குறையும். நீண்ட நாட்களாக சந்திக்க நினைத்த நபர்களை சந்திப்பீர்கள். புதிய பொருட்கள் வாங்குவது தொடர்பான எண்ணங்கள் ஈடேறும். கணவன், மனைவிக்கிடையே ஒற்றுமை அதிகரிக்கும். முயற்சிகள் ஈடேறும் நாள்.

அதிர்ஷ்ட திசை : வடக்கு

அதிர்ஷ்ட எண் : 1

அதிர்ஷ்ட நிறம் : சிவப்பு நிறம்

பூரட்டாதி : வரவு கிடைக்கும்.

உத்திரட்டாதி : எண்ணங்கள் ஈடேறும்.

ரேவதி : ஒற்றுமை அதிகரிக்கும்.

---------------------------------------

>>> கல்வி அஞ்சல் Whatsapp குழுவில் இணைய...

>>> கல்வி அஞ்சல் Telegram குழுவில் இணைய...

பள்ளி காலை வழிபாட்டு செயல்பாடுகள் - 29.07.2022 - School Morning Prayer Activities...

திருக்குறள் :

பால்:பொருட்பால்

இயல்:குடியியல்

அதிகாரம்: பண்புடைமை

குறள் : 999

நகல்வல்லர் அல்லார்க்கு மாயிரு ஞாலம்

பகலும்பாற் பட்டன்று இருள்.

பொருள்:

நல்ல பண்பு இல்லாததால் மற்றவர்களுடன் கலந்து பேசி மனம் மகிழும் இயல்பு இல்லாதவர்க்கு, இந்தப் பெரிய உலகம் இருள் இல்லாத பகல் பொழுதிலும் கூட இருளிலே இருப்பது போலவாம்.

பழமொழி :

A useful trade is a mine of gold

கற்கும் கைத்தொழில் என்றுமே கைகொடுக்கும்.

இரண்டொழுக்க பண்புகள் :

1. எந்த காரியமும் நிதானமாக சிந்தித்து செயல்பட வேண்டும். வெற்றி மட்டும் அல்ல தேவை இல்லாத அலைச்சல்களை தவிர்க்கலாம்.

2. விட்டு கொடுத்து வாழ்ந்தால் மனம் நிறைந்த வாழ்க்கை வாய்க்கும்

பொன்மொழி :

நம்பிக்கையை இழந்து எல்லாம்

முடிந்துவிட்டது என்று

எண்ணாமல் இது முடிவு

இல்லை.. ஒரு சிறிய வளைவு

தான் என்றெண்ணி நாம்

முன்னேற வேண்டும்..!

பொது அறிவு :

1.மலேரியா என்பதன் பொருள் என்ன ?

சுத்தமற்ற காற்று.

2.மனித உடலின் வேதி சோதனை சாலை எனப்படும் பாகம் எது?

ஈரல்.

English words & meanings :

enormous - மிகப்பெரிய,

ஆரோக்ய வாழ்வு :

கொத்தமல்லி இலைகளில் பல்வேறு வைட்டமின்கள், கனிமச் சத்துக்கள் நிறைந்துள்ளன. இதன் விதை, காரம், கசப்பு, துவப்பு, இனிப்பு என 4 விதமான சுவைகளை கொண்டது.

NMMS Q 35:

உராய்வு விசை எப்பொழுதும், பொருள் இயங்கும் திசைக்கு _________செயல்படும்.

விடை: எதிர் திசையில்

ஜூலை 29

வின்சென்ட் வில்லியம் வான் கோ

வின்சென்ட் வில்லியம் வான் கோ அல்லது வின்செண்ட் வான்கா (இடச்சு: [ˈvɪnsɛnt ˈʋɪləm vɑn ˈɣɔx] (About this soundகேட்க); (Vincent Van Gogh, மார்ச் 30, 1853 - சூலை 29|, 1890) ஒரு டச்சு பின்-உணர்வுப்பதிவுவாத ஓவியர். இவரது ஓவியங்களில் சில உலகின் மிகவும் அறியப்பட்டவையும் புகழ் பெற்றவையும் அதிகம் விலையுள்ளவையுமான ஓவியங்களுள் அடங்கும். ஒரு தசாப்தத்தில் 860 எண்ணெய் ஓவியங்கள் உட்பட, வெறும் 2,100 கலைப்படைப்புகளை உருவாக்கியவர். பிரான்சில் வாழ்ந்த கடைசி இரண்டு ஆண்டுகளில் அவர் இறந்துவிட்டார். வறுமை மனநோய் போன்றவற்றால் துன்புற்று அவரது வாழ்வு 37 வயதில் முடிந்தது.

பன்னாட்டுப் புலி நாள்

பன்னாட்டுப் புலி நாள் அல்லது உலகப் புலி நாள் என்பது புலி வளம்பேணல் குறித்த விழிப்புணர்வை ஏற்படுத்த ஒவ்வோராண்டும் ஜூலை 29இல் கொண்டாடப்படும் நாளாகும்.[1] இந்நாள் 2010இல் சென் பீட்டர்ஸ்பேர்க்கில் நடந்த புலிக் குழுமலில் உருவாக்கப்பட்டது.[2] இந்நாளின் நோக்கம் புலிகளின் இயற்கை வாழ்விடங்களைக் காப்பாற்றுவதற்கான உலகளாவிய அமைப்பை ஏற்படுத்தி, புலி வளம்பேணும் சிக்கல்கள் குறித்த பொதுமக்கள் விழிப்புணர்வை மேம்படுத்தி அவர்களது ஆதரவைப் பெறுவதாகும்.[3

நீதிக்கதை

மரவெட்டியின் வேண்டுதல்

மரம் வெட்டும் தொழிலாளி ஒருவன், மரத்தில் ஏறி விறகு கட்டைகளை வெட்டுவதை வாடிக்கையாக கொண்டிருந்தான். ஒருமுறை மரத்தில் ஏறியவன் கிளைகளை வெட்டிக் கொண்டே மேல் நோக்கி சென்றான். சிறிது நேரத்தில் மரத்தின் உச்சிக்கு சென்றுவிட்டான். அப்போதுதான் கீழே கவனித்தான். கால் வைத்து இறங்குவதற்கு கூட கிளை இல்லாமல் எல்லாவற்றையும் வெட்டிவிட்டு மேலே சென்றிருந்தான்.

அந்த உயரத்தில் இருந்து கீழே பார்ப்பதற்கு அவனுக்கு பயமாக இருந்தது. கீழே இறங்க முடியாதே என கவலைப்பட்ட அவனுக்கு பயம் குடலைப் புரட்டியது. உடனே கடவுளிடம் வேண்டினான். கடவுளே, நீ என்னை பத்திரமாக தரையிறக்கினால், நான் என் பசுவை உன் கோவிலுக்கு தானமாக தருகிறேன் என்றான். வேண்டிக்கொண்டிருக்கும்போதே லேசாக சறுக்க, மரத்தில் இருந்து வழுக்கி சற்று கீழே வந்தான். இப்போது முன்புபோல உயரம் தெரியவில்லை. இப்போது அவனுக்கு கொஞ்சம் தைரியம் வந்தது.

பசு இல்லை கடவுளே, நான் உனக்கு எனது ஆட்டைத் தருகிறேன் என மீண்டும் வேண்டினான். இப்போதும் சறுக்கியது. இன்னும் கீழே வந்தான். ஆட்டை என்னால் தர முடியாது கடவுளே, நான் உனக்கு கோழியை தருகிறேன் என்றான். மீண்டும் சறுக்கி வழுக்க, ரொம்பவே கீழே இறங்கிவிட்டான். இப்போது அவனுக்கு பயம் போய்விட்டது. என்னால் கோழியும் தர முடியாது கடவுளே, நான் உனக்கு ஒரு முட்டையை படைக்கிறேன் என்றான். இப்போதும் சறுக்கல் எடுக்க இன்னும் கீழே இறங்கினான். இப்போது அவன் தரையில் இருந்து சில அடிகள் உயரத்தில் இருந்தான்.

உடனே அவன், உனக்கு எதையும் தர முடியாது கடவுளே, நானே கீழே இறங்கிக் கொள்கிறேன் என்று மரத்தில் இருந்து கீழே குதித்தான். விறகு கட்டைகளை பொறுக்கிக் கொண்டு மகிழ்ச்சியாக பாடிக்கொண்டு வீடு திரும்பினான். பயம் விலக விலக மனிதனின் நடவடிக்கைகள் படிப்படியாக மாறிவிடுகின்றன.

இன்றைய செய்திகள்

29.07.22

★செஸ் ஒலிம்பியாட் தொடக்க விழா: சங்க காலம் முதல் சமகாலம் வரை - அனைவரையும் வியக்கவைத்த நிகழ்த்துக் கலை மற்றும் பல்வேறு நிகழ்ச்சிகள்.

★பள்ளியின் சொத்துகளை மாணவர்கள் சேதப்படுத்தினால் பெற்றோர்களே பொறுப்பு: பள்ளிக்கல்வித் துறை அறிவிப்பு.

★சென்னையில் குரங்கு அம்மை பரிசோதனை ஆய்வகம்: அமைச்சர் மா.சுப்பிரமணியன் தொடங்கிவைத்தார்.

★இந்தியாவில் குரங்கு அம்மை நோய் பரவி வரும் நிலையில், இதற்கு தடுப்பூசி கண்டுபிடிக்க விரும்பும் நிறுவனங்கள் ஆகஸ்ட்10-ம் தேதிக்குள் தங்கள் விருப்பத்தை தெரிவிக்க வேண்டும் என மத்திய அரசு அறிவித்துள்ளது.

★அமெரிக்காவுக்கு எதிராக அணு ஆயுத தாக்குதலை நடத்த வடகொரியா முழுஅளவில் தயாராக இருக்கிறது என அதன் தலைவர் கிம் ஜாங் அன் கூறியுள்ளார்.

★72 நாடுகள் பங்கேற்கும் காமன்வெல்த் விளையாட்டு போட்டி இங்கிலாந்தில் நேற்று தொடங்கியது.

★இத்தாலி நாட்டில் நடந்து வரும் 17 வயதுக்கு உட்பட்டோருக்கான உலக மல்யுத்த சாம்பியன்ஷிப் போட்டியில் இந்திய வீரர் தங்கம் வென்று வரலாற்று சாதனை படைத்துள்ளார்.

Today's Headlines

★Chess Olympiad Inauguration: Sangam to Contemporary - Spectacular performance and variety.

★Parents responsible for students damaging school property: Education Department notice

★ Monkey Measles Testing Laboratory in Chennai: Minister M. Subramanian inaugurated.

★Amidst the spread of monkey measles in India, the central government has announced that companies wishing to find a vaccine for this disease should submit their interest by August 10.

★ North Korea is fully prepared to launch a nuclear attack against the United States, its leader Kim Jong Un has said.

★The Commonwealth Games in which 72 countries are participating started yesterday in England.

★The Indian athlete has created a historic record by winning gold at the ongoing World Under-17 Wrestling Championship in Italy.

>>> கல்வி அஞ்சல் Whatsapp குழுவில் இணைய...

>>> கல்வி அஞ்சல் Telegram குழுவில் இணைய...

எண்ணும் எழுத்தும் பாடக்குறிப்பு – ஆகஸ்ட் முதல் வாரம் - 2022 (Ennum Ezhuthum Lesson Plan - August 1st Week)...

>>> எண்ணும் எழுத்தும் பாடக்குறிப்பு – ஆகஸ்ட் முதல் வாரம் - 2022 (Ennum Ezhuthum Lesson Plan - August 1st Week)...

>>> கல்வி அஞ்சல் Whatsapp குழுவில் இணைய...

>>> கல்வி அஞ்சல் Telegram குழுவில் இணைய...

அரசு அலுவலகக் கடிதங்கள், செயல்முறைகளில் குறிப்பிடப்படும் ந.க. எண், ஓ.மு. எண், மூ.மு. எண், நி.மு. எண், ப.மு. எண், தொ.மு எண், ப.வெ. எண், நே.மு.க. எண் - விளக்கம்...

அரசு அலுவலகங்களில் இருந்து வருகின்ற கடிதங்களில் ந.க.எண்; மூ.மு.எண் என்று எழுதி சில எண்களைக் குறிப்பிட்டு, நாளையும் அதில் குறிப்பிட்டு இருப்பார்கள்.

இந்த எண்கள் மிகவும் முக்கியமானவை என்பது நமக்குத் தெரியும்.

ஆனால்,

அதன் அருகில் எழுதப்பட்டுள்ள எழுத்துக்கள் எதைக் குறிக்கின்றன? என்பது பல பேருக்குத் தெரியாது.

1. ந.க. எண் என்றால், நடப்புக் கடித எண் என்ற வார்த்தைகளின் சுருக்கம்

2. ஓ.மு. எண் என்றால், ஓராண்டு முடிவு எண் என்ற வார்த்தைகளின் சுருக்கம்

3. மூ.மு. எண் என்றால் மூன்றாண்டு முடிவு எண் என்ற வார்த்தைகளின் சுருக்கம்

4. நி.மு. எண் என்றால் நிரந்தர முடிவு எண் என்ற வார்த்தைகளின் சுருக்கம்

5. ப.மு. எண் என்றால், பத்தாண்டு முடிவு எண் என்ற வார்த்தைகளின் சுருக்கம்.

6. தொ.மு எண் என்றால், தொகுப்பு முடிவு எண் என்ற வார்த்தைகளின் சுருக்கம்

7.ப.வெ. எண் என்றால் பருவ வெளியீடு எண் என்ற வார்த்தைகளின் சுருக்கம்

8. நே.மு.க. எண் என்றால், நேர்முகக் கடித எண் என்ற வார்த்தைகளின் சுருக்கம்

மேற்கண்ட வார்த்தைகளில் ந.க.எண் (நடப்புக் கடித எண்) மட்டுமே அதிகப் பயன்பாட்டில் இருக்கும்.

நேர்முகக் கடிதம் என்பது,

கீழ்மட்ட அலுவலருக்கு, மேல்மட்ட அதிகாரி எழுதும் கடிதம் ஆகும். இது நேரடியாகப் பேசியதற்குச் சமம் என்பதால், அதற்கான பதிலை கீழ்மட்ட அலுவலர் விரைந்து அளிக்க வேண்டும்.

மேற்கண்ட எண்கள் இல்லாமல் இருந்தால்...?

மேற்கண்ட குறிப்பு எண்கள் ஏதும் இல்லாமல் அரசு அலுவலகங்களில் இருந்து கடிதம் உங்களுக்கு வந்தால், அந்தக் கடிதம் சட்டத்துக்குப் புறம்பாகத் தங்களின் அலுவலகப்பதிவேட்டில் பதியாமல் அரசு அலுவலர்கள் அனுப்பிய கடிதம் என்று நீங்கள் முடிவுசெய்து கொள்ளலாம்.

கடிதம் அனுப்புகின்ற ஊழியர் தனது கடமை தவறியுள்ளார் என்பதை இதுபோன்ற கடிதத்தை வைத்து நிரூபிக்கலாம்...

>>> கல்வி அஞ்சல் Whatsapp குழுவில் இணைய...

>>> கல்வி அஞ்சல் Telegram குழுவில் இணைய...

மாணவர்களுக்கு ஊறு விளைவிக்கும் பொருட்கள் இருக்கக் கூடாது - பள்ளிகளில் உயர்மட்ட குழுவினர் ஆய்வு (Substances harmful to students should not be in schools - High-level panel examines schools)...

மாணவர்களுக்கு ஊறு விளைவிக்கும் பொருட்கள் இருக்கக் கூடாது - பள்ளிகளில் உயர்மட்ட குழுவினர் ஆய்வு (Substances harmful to students should not be in schools - High-level panel examines schools)...