ஐ.ஏ.எஸ்., - ஐ.பி.எஸ்., அதிகாரிகளை தேர்வு செய்வதற்கு நடத்தப்படும்,
சிவில் சர்வீஸ் தேர்வில் மாற்றம் கொண்டு வர, மத்திய பணியாளர் தேர்வாணையம்
அரசுக்கு கருத்து தெரிவித்து உள்ளது,'' என , மத்திய பணியாளர் துறை, இணை
அமைச்சர் நாராயணசாமி தெரிவித்தார்.
ராஜ்யசபாவில், அவர் எழுத்துப்பூர்வமாக அளித்த பதிலில் கூறியதாவது:சிவில்
சர்வீசஸ் தேர்வில், மாற்றம் கொண்டு வருவது தொடர்பாக, யு.ஜி.சி.,யின்
முன்னாள் தலைவர் பேராசிரியர், அருண் எஸ்.நிகவேகர் தலைமையில் கமிட்டி
அமைக்கப்பட்டது. இக்கமிட்டி, தற்போது நடைமுறையில் உள்ள பிரதான தேர்வில்,
சர்வதேச நிலைமைகளை அடிப்படையாக கொண்டு மாற்றங்களை கொண்டு வரவேண்டும்
என்பது உட்பட, பல்வேறு பரிந்துரை களை அளித்துள்ளன. இந்த பரிந்துரைகள்
குறித்து, அரசு எவ்வித முடிவும் எடுக்கவில்லை. இவ்வாறு, அவர் கூறினார்.
