அரசாணை எண். 454, நாள்: 03-12-2020 - புரெவி புயல் பாதிப்பு காரணமாக நாளை 6 மாவட்டங்களுக்கு பொது விடுமுறை அறிவித்து தமிழ்நாடு அரசு...

புரெவி புயலால் 6 மாவட்டங்களுக்கு நாளை விடுமுறை :

1. கன்னியாகுமரி

2.தென்காசி

3. ராமநாதபுரம்

4. விருதுநகர்

5. தூத்துக்குடி

6. நெல்லை

இந்த விடுமுறையை ஜனவரி 2021- ல் 09-01-2021 சனிக்கிழமை அன்று ஈடு செய்ய வேண்டும்...

தமிழ்நாடு பள்ளிக் கல்விப் பணி- 01.01.2019 நிலவரப்படி அரசு/ நகராட்சி உயர்நிலைப்பள்ளி தலைமையாசிரியர் பணியிடங்களுக்கு தகுதி வாய்ந்தோர் முன்னுரிமைப் பட்டியலின்படி பதவி உயர்வு / பணி மாறுதல் மூலம் அரசு உயர்நிலைப் பள்ளித் தலைமையாசிரியர்கள் நியமனம் செய்யப்பட்டமை - பணிவரன்முறை செய்தல்- பணியில் சேர்ந்தவர்களின் விவரங்கள் கோரி பள்ளிக் கல்வி இணை இயக்குநர் (பணியாளர் தொகுதி) கடிதம்...

  >>> பள்ளிக் கல்வி இணை இயக்குநர் (பணியாளர் தொகுதி) கடிதம்...

>>> Regularisation - Pending List...

நெட், ஸ்லெட்டில் தேர்ச்சி பெற்று உரிய தகுதி இருந்தும் யூஜிசி நிர்ணயித்த ஊதியம் கிடைக்கவில்லை - அரசு, தனியார் கல்லூரி உதவிப் பேராசிரியர்கள் வேதனை...

 தமிழகத்திலுள்ள அரசு கலை - அறிவியல் கல்லூரிகளைப் போன்று அரசு மற்றும் தனியார் கல்லூரிகளில் ஒப்பந்த அடிப்படையில் பணிபுரியும் உதவிப் பேராசிரியர்களும் உரிய கல்வித் தகுதியைப் பெற்றிருக்க வேண்டும் என 2019-ம் ஆண்டு பல்கலைக்கழக மானியக் குழு (யூஜிசி) ஆணை பிறப்பித்தது.

அதன்படி, அரசுக் கல்லூரிகளில் 2-வது சுழற்சி, பல்கலைக்கழக உறுப்புக் கல்லூரிகள், தனியார் கல்லூரிகளில் தற்போது பணியிலுள்ள உதவிப் பேராசிரியர்களுக் கான கல்வித் தகுதி குறித்த ஆய்வை அந்தந்தப் பல்கலைக் கழக நிர்வாகம், கல்லூரிக் கல்வி இணை இயக்குநரகங்கள் மேற்கொண்டன. பிஎச்டி அல்லது மத்திய, மாநில (நெட், ஸ்லெட்) அரசு நடத்திய தகுதித் தேர்வில் தேர்ச்சி மற்றும் 10 ஆண்டுகள் பணி அனுபவம் என்ற அடிப்படையில் தமிழகம் முழுவதும் சுமார் 50 சதவீதம் பேரும், காமராசர் பல்கலைக்கழக உறுப்புக் கல்லூரிகளில் மட்டும் 113-க்கும் மேற்பட்டோரும் உரிய தகுதி பெற்றிருப்பது தெரியவந்தது. இவர்களுக்கு ரூ.25 ஆயிரம், ரூ.20 ஆயிரம், 18 ஆயிரம் என சம்பளம் நிர்ணயிக்க முடிவெடுக்கப்பட்ட நிலையில், 2020-2021 கல்வியாண்டில் இந்த சம்பள விகிதம் கிடைக்கும் என உதவிப் பேராசிரியர்கள், விரிவுரையாளர்கள் எதிர்பார்த்தனர்.

இருப்பினும், கரோனா ஊரடங்கால் கல்லூரிகள் மூடல் போன்ற காரணங்களால் அது நிறைவேறவில்லை. குறைந்த சம்பளத்தில் குடும்பத்தை நடத்த முடியாமல் சிரமப்படுவதாக தகுதியான உதவிப்பேராசிரியர்கள், கவுரவ விரிவுரையாளர்கள் தெரிவித்தனர்.

இது குறித்து கவுரவ விரிவுரையாளர்கள் சங்க நிர்வாகிகள் கூறியதாவது: ஏற்கெனவே தனியார், அரசு கல்லூரிகளில் ஒப்பந்த அடிப்படையில் பணிபுரியும் ஆசிரியர்கள் ரூ. 15 ஆயிரம் மற்றும் அதற்கும் குறைவான சம்பளமே பெறுகின்றனர். யூஜிசி நிர்ணயித்த தகுதி இருந்தும் ஓராண்டாகியும் உரிய சம்பளத்தைப் பெற முடியவில்லை. அதேநேரத்தில் கேரளா, புதுச்சேரி உள்ளிட்ட பிற மாநிலங்களில் உதவிப் பேராசிரியர்களுக்கு ரூ.40 ஆயிரம் முதல் ரூ.55 ஆயிரம் வரை சம்பளம் வழங்கப்படுகின்றன. ஆனால், தமிழகத்தில் ரூ.25 ஆயிரம் சம்பள விகிதம்கூட இன்னும் வழங்கப்படாதநிலை உள்ளது. உரிய ஊதியம் வழங்க கல்வித்துறை அதிகாரிகள் விரைந்து நடவடிக்கை எடுக்க வேண்டும், என்று கூறினர்.

மாணவர்களுக்கு மாணவர்களே ஏற்றும் அறிவுச்சுடர்...

அரசுப் பள்ளியில் படித்த ஹரிகிருஷ்ணா நீட் தேர்வில் 420 மதிப்பெண் பெற்று திருச்சி மாவட்டத்திலேயே முதல் மாணவராகத் தேர்வாகியிருக்கிறார். மருத்துவப் படிப்பில் அரசுப் பள்ளி மாணவர்களுக்கு உள்ஒதுக்கீட்டை உறுதிசெய்யும் முடிவை தமிழக அரசு எடுத்துள்ளது. இது நடைமுறைக்கு வரும்பட்சத்தில் இவரால் அரசு மருத்துவக் கல்லூரியில் மருத்துவப் படிப்பைப் படிக்க முடியும். யார் ஏற்றினாலும் அறிவுச்சுடர் மேல்நோக்கியே எரியும் என்பதற்கு இது ஓர் எடுத்துக்காட்டு! ஹரிகிருஷ்ணாவைப் போலவே, அரசுப் பள்ளியில் படிக்கும் நான்கு மாணவர்கள் ஜே.இ.இ. முதன்மைத் தேர்வில் வெற்றி பெற்றிருக்கின்றனர்.

இவர்களில் இருவருக்கு திருச்சி என்.ஐ.டி.யில் படிப்பதற்கு இடம் கிடைத்திருக்கிறது. இவர்களைப் போன்று திருச்சி மாவட்டத்திலுள்ள அரசுப் பள்ளி மாணவர்களுக்கு நீட், ஜே.இ.இ. போன்ற அகில இந்தியத் தகுதித் தேர்வுகளுக்கான பயிற்சிகளை 2017 முதல் வழங்கிவருகிறது திருச்சி என்.ஐ.டி. மாணவர்களால் நடத்தப்படும் ‘இக்னைட் டீச்சிங் கிளப்’. ஏழை மாணவர்களுக்குக் கல்வியைக் கொண்டுசெல்ல வேண்டும் என்னும் எண்ணம் கொண்ட சஞ்சீவின் முன்முயற்சியால் இந்த அமைப்பு தொடங்கப்பட்டது.

மாணவர்களின் முயற்சி

“பெரம்பலூர் ஆட்சியர் நந்தகுமார், அரசுப் பள்ளி மாணவர்களுக்கு உதவும் ஒரு செயல்திட்டத்தை நீட் அறிமுகம் செய்யப்பட்ட 2016இல் அறிமுகப்படுத்தினார். பொறியியல் படிக்கும் மாணவர்களைக் கொண்டு அரசுப் பள்ளியில் படிக்கும் மாணவர்களுக்கு வாரயிறுதி நாள்களில் பயிற்சி அளிப்பதுதான் அந்தத் திட்டத்தின் நோக்கம். அப்படிப் போயிருந்தபோது நீட் பற்றித் தெரிந்த அளவுக்குக்கூட, ஜே.இ.இ.-மெயின்ஸ் தேர்வு குறித்துப் பெரும்பாலான அரசுப் பள்ளி மாணவர்களுக்குத் தெரியவில்லை என்பது புரிந்தது. அதனால் அதைப் பற்றிப் புரியவைக்கும் முயற்சியில் இறங்கினேன்.

சிறு குழுக்களைத் தொடங்கி அதன் வழியாகச் சமூகப் பணிகளைச் செய்வதற்கு எங்கள் கல்லூரி நிர்வாகமே உதவியது. அப்படி உருவாக்கப்பட்ட குழுதான் ‘இக்னைட் டீச்சிங் கிளப்’. தொடக்கத்தில் திருச்சியைச் சுற்றியிருக்கும் அரசுப் பள்ளி மாணவர்களுக்குப் பயிற்சி அளித்துவந்தோம். அதன்பின் மாவட்ட ஆட்சியர் மூலமாக மாவட்டக் கல்வித் துறை, திருச்சி என்.ஐ.டி. இடையே புரிந்துணர்வு ஒப்பந்தம் ஏற்பட்டது. திருச்சியைச் சுற்றியுள்ள கிராமங்களில் படிக்கும் அரசுப் பள்ளி மாணவர்கள் திருச்சி என்.ஐ.டி. வளாகத்துக்கு அழைத்துவரப்பட்டு, அவர்களுக்குப் பயிற்சி அளித்தோம்.

திருச்சியைச் சுற்றியிருக்கும் அரசுப் பள்ளிகளில் திறனறித் தேர்வை நடத்தி, பிளஸ் டூ படிக்கும் 20 மாணவர்களையும் பிளஸ் 1 படிக்கும் 40 மாணவர்களையும் தேர்வுசெய்து பயிற்சியளிக்க முடிவெடுத்தோம். தற்போது மாணவர்களுக்குப் பயிற்சி அளிக்கும் பணியில் 45 மாணவர்கள் ஈடுபட்டுள்ளனர்” என்கிறார் சஞ்சீவ்.

கைபேசிவழிப் பயிற்சி

அண்மையில் நடைபெற்ற ஜே.இ.இ.-மெயின்ஸ் தேர்வில் வெற்றி பெற்று திருச்சி என்.ஐ.டி.யில் படிப்பதற்கு இடம் கிடைத்திருக்கும் மாணவர்கள் சேதுபதி, புகழரசி இருவரும் இக்னைட் டீச்சிங் கிளப் குறித்துப் பகிர்ந்துகொண்டார்கள். “லால்குடி அரசு ஆண்கள் மேல்நிலைப் பள்ளியில் பிளஸ் டூ படித்தேன். கடந்த ஆண்டு செப்டம்பர் மாதத்தில் திருச்சியைச் சுற்றியுள்ள அரசுப் பள்ளி மாணவர்களுக்கு திருச்சி என்.ஐ.டி.யில் இயங்கும் ‘இக்னைட் டீச்சிங் கிளப்’ திறனறித் தேர்வை நடத்தியது. இதில் தேர்ந்தெடுக்கப்பட்ட மாணவர்களுக்கு, பொறியியல் படிப்பதற்காக நடத்தப்படும் நுழைவுத் தேர்வான ஜே.இ.இ.-மெயின்ஸுக்கான பயிற்சியை நடத்தினார்கள். அந்த வளாகத்திலேயே இரண்டு நாள் தங்கிப் படிப்போம்.

கரோனா ஊரடங்கு அறிவிக்கப் பட்டவுடன், முழுக்க முழுக்க கைபேசி வழியாகவே பாடங்களை நடத்தினார்கள். இயற்பியல், வேதியியல், கணிதம் மூன்று பாடங்களுக்கு மூன்று வழிகாட்டிகளை (Mentor) நியமித்திருந்தனர். கரோனா ஊரடங்கால் தேர்வு ஐந்து மாதம் தள்ளிப்போனதால் கூடுதலாகப் படிக்க முடிந்தது. என்னுடைய வழிகாட்டிகள் என்னைவிட ஒரு வயது மட்டுமே பெரியவர்கள். பேராசிரியர்களிடமும் இயல்பாகச் சந்தேகங்களைக் கேட்க முடியாது. அண்மையில் நடைபெற்ற ஜே.இ.இ. மெயின்ஸ் தேர்வில் வெற்றி பெற்று என்.ஐ.டி.யில் படிப்பதற்கு எனக்கும் புகழரசிக்கும் வாய்ப்புக் கிடைத்திருக்கிறது” என்கிறார் திருச்சி என்.ஐ.டி.யில் எலக்ட்ரிகல் எலக்ட்ரானிக்ஸ் இன்ஜினீயரிங் படிக்கவிருக்கும் மாணவர் சேதுபதி.

நானும் பயிற்சியளிப்பேன்

மண்ணச்சநல்லூர் அரசுப் பெண்கள் மாதிரி மேல்நிலைப் பள்ளியில் படித்த புகழரசி, திருச்சி என்.ஐ.டியில் பி.டெக். மெட்டலர்ஜிகல் படிக்கவிருக்கிறார். நடுத்தரக் குடும்பத்தைச் சேர்ந்த இவருடைய இரண்டு அண்ணன்களும் படித்துக் கொண்டிருக்கின்றனர். “என்.ஐ.டியில் படிக்கும் அண்ணன், அக்கா காலை 9 மணியிலிருந்து இரவு 12 மணி வரை எப்போது கேட்டாலும் என்னுடைய பாடங்களில் சந்தேகங்களை தீர்த்துவைத்தனர். அதனால் தேர்வில் வெற்றிபெற முடிந்தது. என்னைப் போல் இன்னும் பல அரசுப் பள்ளி மாணவர்கள் ஜே.இ.இ.-மெயின்ஸ் தேர்வில் வெற்றிபெறுவதற்கு நானும் அவர்களுக்கு பயிற்சி அளிப்பேன்” என்கிறார் புகழரசி.

பள்ளி, கல்லூரி திறப்பு - கவனிக்க வேண்டியவை...

 கடந்த மார்ச் மாதம் தொடங்கி கரோனா பெருந்தொற்றுப் பேரிடரால் பள்ளி, கல்லூரிகள் மூடப்பட்டன. தற்போது கல்லூரிகள் செயல்படும் என்னும் அறிவிப்பை அரசு வெளியிட்டுள்ளது. அநேகமாக பெற்றோரின் ஒப்புதல் கடிதத்துடன் வரும் மாணவர்களே, கல்லூரிகளில் அனுமதிக்கப்படுவார்கள். அதேநேரம் பள்ளி, கல்லூரி வளாகத்துக்கு உள்ளேயும் சில விஷயங்களில் கவனம் செலுத்த வேண்டும் எனக் கல்வியாளர்கள் அறிவுறுத்துகின்றனர்.

பத்தாம் வகுப்பு, பிளஸ் 1, பிளஸ் டூ படிக்கும் மாணவர்களுக்கு பரிசோதனைக் கூடங்களில் பயிற்சிகள் நடைபெறலாம். இதுபோன்று பள்ளியில் பயன்படுத்தப்படும் கருவிகளை தகுந்தமுறையில் கிருமிநாசினி மூலம் நாள்தோறும் சுத்தப்படுத்துவதை உறுதிப்படுத்த வேண்டும். அத்துடன் வகுப்புகள் நடைபெறும் இடங்களில் போதுமான அளவுக்கு காற்றோட்டமும் வெளிச்சமும் இருக்க வேண்டும். மாணவர்களுக்கு இடையே தகுந்த இடைவெளியைக் கடைப்பிடிப்பது, முகக்கவசம் அணிவதை உறுதிசெய்வது போன்றவற்றை கடைப்பிடிக்க வேண்டும். பள்ளிகளில் இருக்கும் விளையாட்டு மைதானங்களிலும் திறந்தவெளி வராண்டாக்களிலும் வகுப்புகளை நடத்துவது மாணவர்கள், ஆசிரியர்கள் இருவருக்குமே நன்மை அளிப்பதாக இருக்கும்.

என்.சி.இ.ஆர்.டி. தயாரித்து அளித்துள்ள மாற்றுக்கல்வி அட்டவணையை அடிப்படையாகக் கொண்டு, முழுக் கல்வி ஆண்டுக்கும் விரிவான அட்டவணையை பள்ளிகள் உருவாக்க வேண்டியது அவசியம். அவசரகால உதவிக் குழு, பொதுப் பாதுகாப்புக் குழு, சுகாதாரப் பரிசோதனைக் குழு போன்ற செயல்பாட்டுக் குழுக்கள் பள்ளிகளில் உருவாக்கப்படுவதை உறுதிப்படுத்த வேண்டும்.

இதுவரை ஆறு மாதங்களுக்கு மேலாக வீட்டிலிருந்தபடி இணையத்தின் மூலமாக கல்வி கற்ற மாணவர்கள், மீண்டும் பள்ளியில் நேரடியாக ஆசிரியரிடம் கல்வி கற்கும் முறைக்கு மாறுவதற்கு சிறிது கால அவகாசத்தை ஆசிரியர்கள் மாணவர்களுக்கு அளிக்க வேண்டும்.

அரசுப் பள்ளியில் படிக்கும் மாணவர்களின் உடல்நலனுக்கு உதவும் ஊட்டச்சத்தான மதிய உணவை தகுந்த முறையில் அளிப்பதை உறுதிப்படுத்த வேண்டும்.

கரோனா பாதுகாப்பை கண்காணிக்க பிரத்யேக குழு அமைப்பு - 8 மாதங்களுக்கு பிறகு கல்லூரிகள் திறப்பு - 70 சதவீத மாணவர்கள் வருகை...

 

தமிழகத்தில் கரோனா தொற்று முன்னெச்சரிக்கை நடவடிக்கையாக மூடப்பட்டிருந்த கல்லூரிகள், 8 மாதங்களுக்குப் பிறகு நேற்று திறக்கப்பட்டன. சென்னை ராணி மேரி கல்லூரியில் முகக் கவசம் அணிந்து வந்த முதுகலை இறுதியாண்டு மாணவிகளுக்கு சமூக இடைவெளியைப் பின்பற்றி, உடல் வெப்பநிலை பரிசோதனை செய்யப்பட்டது. 

கரோனா தொற்றால் மூடப்பட்டிருந்த கல்லூரிகள் 8 மாதங்களுக்குப் பிறகு நேற்று திறக்கப்பட்டன. முதல்நாளில் 70 சதவீத மாணவர்கள் கல்லூரிக்கு வந்ததாக தகவல் வெளியாகியுள்ளது.

தமிழகத்தில் கரோனா தொற்றால் பள்ளி, கல்லூரிகள் கடந்த மார்ச் மாதம் முதல் மூடப்பட்டன. இறுதியாண்டு மாணவர்களுக்கு மட்டும் இணையவழியில் தேர்வுகள் நடத்தப்பட்டு முடிவுகள் வெளியிடப்பட்டன.

ஆராய்ச்சி, முதுகலை படிப்புகள்

மேலும், நடப்பு கல்வி ஆண்டுக்கான வகுப்புகளும் இணையவழியில் நடத்தப்பட்டு வருகின்றன. இந்நிலையில் முதல்கட்டமாக ஆராய்ச்சி மற்றும் முதுநிலை 2-ம் ஆண்டு பயிலும் மாணவர்களுக்கு மட்டும் டிச.2-ம் தேதி முதல் கல்லூரிகளைத் திறக்க அரசு முடிவு செய்தது.

அதன்படி மாநிலம் முழுவதும் 8 மாதங்களுக்கு பின்னர் கல்லூரிகள் நேற்று திறக்கப்பட்டன. கல்லூரிக்கு வந்த மாணவர்களுக்கு கரோனா பாதுகாப்பு தொடர்பான விழிப்புணர்வு அம்சங்கள் மற்றும் வளாகங்களில் பின்பற்ற வேண்டிய விதிமுறைகளை பேராசிரியர்கள் எடுத்துரைத்தனர்.

வகுப்பறையில் ஒரு மேஜைக்கு 2 மாணவர்கள் மட்டுமே அமர அனுமதிக்கப்பட்டது. அதேபோல், முகக்கவசம் அணிதல், கிருமிநாசினி பயன்பாடு உள்ளிட்ட தற்காப்பு விதிகளும் முறையாகப் பின்பற்றப்பட்டன.

இப்பணிகளை கண்காணிக்க அனைத்து கல்லூரிகளிலும் பிரத்யேக குழுக்கள் அமைக்கப்பட்டிருந்தன. அதேநேரம் கரோனா அச்சம், புயல் எச்சரிக்கை உட்படசில காரணங்களால் பல கல்லூரிகளில் மாணவர்களின் வருகைகுறைவாக இருந்தது. ஒட்டுமொத்தமாக 60 முதல் 70 சதவீதம் மாணவர்கள் கல்லூரிக்கு வந்ததாகக் கூறப்படுகிறது.

இதற்கிடையே இளநிலை படிப்பில் இறுதியாண்டு படிக்கும் மாணவர்களுக்கு டிச.7-ம் தேதி கல்லூரிகள் திறக்கப்படவுள்ளது குறிப்பிடத்தக்கது.

2021 பொதுத் தேர்வுகள் ஆன்லைனில் நடைபெறாது; எழுத்துபூர்வமாக நடைபெறும்: - சிபிஎஸ்இ...

2021 பொதுத் தேர்வுகள் ஆன்லைன் மூலமாக அல்லாமல் எழுத்துபூர்வமாக நடைபெறும் என்று சிபிஎஸ்இ சார்பில் தெரிவிக்கப்பட்டுள்ளது.

மத்திய அரசின் கட்டுப்பாட்டில் இயங்கும் சிபிஎஸ்இ பள்ளிகளில் 10 மற்றும் 12-ம் வகுப்புகளில் படிக்கும் மாணவர்களுக்கான 2020ஆம் ஆண்டு பொதுத் தேர்வுகள் பிப்ரவரி மற்றும் மார்ச் மாதங்களில் இரண்டு கட்டங்களாக நடைபெறுவதாக இருந்தன. தேர்வுகள் நடைபெற்று வந்த சூழலில் கரோனா வைரஸ் பாதிப்பு காரணமாக 29 பாடங்களுக்கான தேர்வுகள் ஒத்தி வைக்கப்பட்டன. இந்தத் தேர்வுகள் அனைத்தும் ரத்து செய்யப்பட்டு, அக மதிப்பீட்டின் அடிப்படையில் மதிப்பெண்கள் வழங்கப்பட்டன.

தற்போது தொற்றுப் பரவல் அச்சம் காரணமாக வகுப்புகள் அனைத்தும் ஆன்லைன் மூலம் நடைபெற்று வருகின்றன. இந்நிலையில் 2021ஆம் ஆண்டுக்கான சிபிஎஸ்இ 10, 12 ஆம் வகுப்புப் பொதுத் தேர்வுகள் நடைபெறுமா என்று கேள்வி எழுந்தது

இந்நிலையில் இதுகுறித்து மூத்த சிபிஎஸ்இ அதிகாரி கூறும்போது, ’’பொதுத் தேர்வுகளை நடத்தும் தேதிகள் குறித்து இறுதி முடிவு இதுவரை எடுக்கப்படவில்லை. இதுகுறித்து பள்ளி முதல்வர்கள், அதிகாரிகளுடன் ஆலோசனை நடைபெற்று வருகிறது.

தேர்வுகள் நடைபெற்றால், அவை ஆன்லைன் மூலமாக அல்லாமல் எழுத்துபூர்வமாகவே நடைபெறும். அனைத்து கோவிட் விதிமுறைகளையும் பின்பற்றியே தேர்வுகள் நடைபெறும்.

ஒருவேளை தேர்வுகளுக்கு முன்னால் செய்முறைத் தேர்வுகளை மாணவர்களால் செய்ய முடியாமல் போனால், அதற்கான மாற்று வழி குறித்து முடிவெடுக்கப்படும்’’ என்று தெரிவித்தார்.