கர்நாடக மின்பகிர்மான நிறுவனத்தில் பொறியியல் பட்டம்(Degree), பட்டயம்(Diploma) முடித்தவர்களுக்கு தொழில் பழகுநர் பணி(200 இடங்கள்)...

 கர்நாடக மின்பகிர்மான நிறுவனத்தில் (KPCTL) பொறியியல் பட்டம்(Degree), பட்டயம்(Diploma) முடித்தவர்களுக்கு தொழில் பழகுநர் பணி(Apprentice) (200 இடங்கள்)...

விண்ணப்பிக்க கடைசி நாள்: 19-01-2021...

>>> அறிவிப்பு...

இன்றைய செய்திகள் தொகுப்பு... 16.01.2021(சனி)...

 

🌹சந்தோஷம் என்பது நீங்கள் வாழும் இடத்தில் இல்லை.

நீங்கள் வாழும் விதத்தில் தான் உள்ளது.!

🌹🌹காயங்களின்றி காலம் எதையும் கற்றுக் கொடுப்பதில்லை.!!

🌹🌹🌹கண்ணீர் சிந்தும்போது துடைக்க யாரும் வருவதில்லை.

கவலை கொள்ளும் போது சிரிக்க வைக்க எவரும் வருவதில்லை.ஆனால் அறியாமல் ஒரு தவறு செய்து பாருங்கள் 

உங்களை விமர்சிக்க இந்த உலகமே கூடி வருவார்கள்.!!!

அனைவருக்கும் இனிய காலை வணக்கம்.

🙏🙏🙏🙏🙏🙏🙏🙏🙏🙏

🌈🌈அரசு ஊழியர்கள் துறைத்தேர்வு எழுத ஆதார் கட்டாயம் TNPSC தேர்வு கட்டுப்பாட்டு அலுவலர் அறிவிப்பு.

2020 டிசம்பர் பருவத்துக்குரிய துறைத் தேர்வுகள் பிப்ரவரி 14 முதல் 21-ம் தேதி வரை நடைபெற உள்ளன.  விண்ணப்பதாரர்கள் ஆன்லைன் வாயிலாக ஜனவரி 29-ம் தேதி வரை விண்ணப்பிக்கலாம்.

🌈🌈அஞ்சல் பணி தேர்வை தமிழிலும் எழுதலாம் - மத்திய அரசு அறிவிப்பு

ஆங்கிலம் மற்றும் இந்தியில் மட்டுமே தேர்வு நடைபெறும் என அரசாணை வெளியிட்ட நிலையில் தற்சமயம் இந்த அறிவிப்பு வெளியாக இருக்கிறது

👉எம்.பி. சு.வெங்கடேசன் கேள்விக்கு மத்திய அரசு பதில் 

"ரயில் தபால் 

சேவை கணக்கர் தேர்வும் தமிழிலும் நடத்தப்படும்"

🌈🌈பள்ளி திறப்புக்கான மண்டல மற்றும் மாவட்ட வாரியான பொறுப்பு அலுவலர்கள் பட்டியல் வெளியீடு

🌈🌈10, 12-ம் வகுப்புகளுக்கு 50 சதவீதம் வரை பாடத்திட்டம் குறைய வாய்ப்பு: ஓரிரு நாட்களில் அறிவிப்பு வெளியாகிறது.

🌈🌈24.01.2021 அன்று நடைபெற உள்ள தமிழ்நாடு ஊரகத் திறனாய்வுத் தேர்வுக்கான தேர்வுக்கூட நுழைவுச் சீட்டினை 18.01.2021 பிற்பகல் முதல் பதிவிறக்கம் செய்து கொள்ளலாம் - அரசுத் தேர்வுகள் இயக்ககம் அறிவிப்பு.

🌈🌈பொதுத்தேர்தல் அட்டவணை வந்த பின்னரே தேர்வு குறித்து அறிவிக்க உள்ளதாக பள்ளிக்கல்வித்துறை அமைச்சர்  தெரிவித்துள்ளார். 

🌈🌈புதுசேரி மற்றும் காரைக்காலில் பள்ளிகள் அனைத்தும் கொரோனா விதிமுறைகளை பின்பற்றி திங்கள் முதல் சனிக்கிழமை வரை காலை 9.30 மணி முதல் பிற்பகல் 12.30 வரை மட்டுமே செயல்படும்

🌈🌈மத்திய ஆசிரியர் தகுதி தேர்வுக்கு, 'ஹால் டிக்கெட்' வெளியிடப்பட்டுள்ளது. 

இந்த ஆண்டுக்கான தகுதி தேர்வு, வரும், 31ம் தேதி, நாடு முழுதும் நடக்கிறது. இதற்கு விண்ணப்பித்தவர்களுக்கு, ஹால் டிக்கெட் வெளியிடப்பட்டுள்ளது. விண்ணப்பதாரர்கள், ஆசிரியர் தகுதி தேர்வு இணையதளத்தில் பதிவிறக்கம் செய்ய லாம் என, சி.பி.எஸ்.இ., அறிவித்துள்ளது.

🌈🌈9 ஆண்டுகள், 11 மாதங்கள் மற்றும் 17 நாட்கள் பணிபுரிந்து (10 ஆண்டுகள் பணிபுரியவில்லை என்று ஓய்வூதியம் மறுக்கப்பட்ட நிலையில்), மறைந்த ஓய்வு பெற்ற புவியியல் உதவியாளருக்கு 01.10.1984 முதல் ஓய்வூதியம் மற்றும் குடும்ப ஓய்வூதியம் வழங்க உயர் நீதிமன்ற உத்தரவின் அடிப்படையில் அரசாணை வெளியீடு

🌈🌈NEET - PG தேர்வு வரும் ஏப்ரல் 18-ம் தேதி நடைபெறும்.

தேசிய தேர்வு வாரியம் அறிவிப்பு.

🌈🌈இரண்டு வகை கோவிட்-19 தடுப்பூசிகளின் தன்மைகள் பற்றிய விளக்கங்களை மத்திய சுகாதாரத்துறை கூடுதல் செயலாளர் திரு மனோகர் அக்னானி, அனைத்து மாநில சுகாதார துறைகளுக்கும் அனுப்பியுள்ளார்.

🌈🌈அமெரிக்காவின் புதிய அதிபராக வரும் 20ம் தேதி பதவியேற்கிறார் ஜோ பைடன்

🌈🌈உலகளாவிய கொரோனா பாதிப்பால் இந்த ஆண்டு குடியரசு தின சிறப்பு விருந்தினராக வெளிநாட்டு தலைவர்கள் யாரும் பங்கேற்கவில்லை - மத்திய அரசு

🌈🌈தமிழகத்தில் இன்று முதல் முன்களப்பணியாளர்களுக்கு கொரோனா தடுப்பு மருந்து; சுகாதாரத்துறைச் செயலாளர் ராதா கிருஷ்ணன் தகவல்

🌈🌈19-ம் தேதி பள்ளிகள் திறந்த உடன், மாணவர்களின் பாதுகாப்பு & ஆரோக்கியத்தில் ஆசிரியர்கள் கவனம் செலுத்த ஏதுவாக 6,173 அரசு உயர்நிலை & மேல்நிலைப் பள்ளிகளுக்கும் தலா ரூ.500 நிதி ஒதுக்கி பள்ளிக்கல்வித்துறை உத்தரவு.

🌈🌈பிரபல சீன நிறுவனமான XIAOMI மற்றும் மேலும் 10 சீன நிறுவனங்களை பொருளாதார கருப்பு பட்டியலில் சேர்த்து அமெரிக்க அரசு உத்தரவு 

சீன ராணுவத்துடன் தொடர்பு இருப்பதாக கூறி, தற்போதைய டிரம்ப் நிர்வாகம் அதிரடி நடவடிக்கை.

🌈🌈திரையரங்குகளில் அனுமதிக்கப் பட்டதை விட அதிகக் கூட்டம் கூட்டினால் திரையரங்கின் உரிமம் ரத்து செய்ய நடவடிக்கை - சென்னை காவல் ஆணையர் மகேஷ்குமார் அகர்வால் பேட்டி

🌈🌈"எங்கள் பொறுமையை சோதிக்க வேண்டாம்" - இராணுவ தின உரையின் போது இராணுவ தளபதி MM நரவனே சீனாவுக்கு எச்சரிக்கை. 

300 முதல் 400 பயங்கரவாதிகள் பாகிஸ்தான் வழியாக இந்தியாவிற்குள் ஊடுருவக் காத்திருக்கிறார்கள் - ராணுவ தளபதி.

🌈🌈தமிழக அரசியலில் தான் ஒரு கிங் மேக்கர் என குருமூர்த்தி பில்டப் செய்து வருகிறார் - அமைச்சர் ஜெயக்குமார்

🌈🌈அயோத்தியில் ராமர் கோவில் கட்டும் பணிகளுக்கு குடியரசுத் தலைவர் ராம்நாத் கோவிந்த் ஐந்து லட்ச ரூபாய் நிதி உதவி

🌈🌈234 தொகுதிகளுக்கும் மக்கள் நீதி மய்யம் கட்சிக்கு டார்ச் லைட் சின்னம் ஒதுக்கப்பட்டுள்ளது.

🌈🌈மத்திய அரசு - விவசாய சங்க பிரதிநிதிகள் இடையேயான 9வது சுற்று பேச்சுவார்த்தையில் நேற்று முடிவுகள் எட்டப்படாததால், அடுத்த சுற்று பேச்சுவார்த்தை ஜனவரி 19ஆம் தேதி நடைபெற உள்ளதாக தகவல்.

🌈🌈தமிழகத்தில் கோவிட் 19 தடுப்பூசி திட்டத்தை முதலமைச்சர் திரு எடப்பாடி பழனிசாமி,இன்று மதுரையில் தொடங்கி வைக்கிறார்.

இதற்கான ஏற்பாடுகளை மதுரை அரசு ராஜாஜி  மருத்துவமனையில் நேற்று ஆய்வு செய்தார் மக்கள்  நல்வாழ்வுத்துறை முதன்மைச்செயலர் ராதாகிருஷ்ணன்.

🌈🌈மாநிலம் முழுவதும் பள்ளிகளில் 18 ஆம் தேதி ஆய்வு: அனைத்து ஆசிரியர்களும் பள்ளிகளில் இருக்க கல்வித்துறை உத்தரவு

👉கல்வி அதிகாரிகள் குழு 18-ந்தேதி ஆய்வு செய்வதால் பள்ளிகளில் அனைத்து ஆசிரியர்களும் இருக்க வேண்டும் என்று கல்வித்துறை உத்தரவிட்டுள்ளது.

👉இதுகுறித்து விடுக்கப்பட்டுள்ள உத்தரவில்,10 மற்றும் 12-ம் வகுப்புகளுக்கு மட்டும் 19-ந் தேதி பள்ளிகளை திறக்க உள்ளதாக கூறப்பட்டுள்ளது.

👉18-ந்தேதி பள்ளிகளை கல்வி அதிகாரிகள் குழு ஆய்வு செய்யும் என்றும், அதனால் அனைத்து ஆசிரியர்களும் காலை 9.30 மணி முதல் மாலை 4.30 மணி வரை பள்ளியில் இருக்க வேண்டும் என்றும் குறிப்பிடப்பட்டுள்ளது.

👉ஆசிரியர்கள் முதல் இரண்டு நாட்களுக்கு மாணவர்களுக்கு கவுன்சிலிங் மட்டுமே வழங்க வேண்டும் என்றும் தெரிவிக்கப்பட்டுள்ளது.                                                 🌈🌈நாடு முழுவதும் இன்று காலை 10.30 மணிக்கு கொரோனா தடுப்பூசி திட்டம் தொடங்கப்படும் என்று பிரதமர் மோடி தனது டுவிட்டர் பக்கத்தில் பதிவு செய்துள்ளார். இந்தியா முழுவதும் இன்று முதல் முதற்கட்டமாக முன்கள பணியாளர்களுக்கு கொரோனா தடுப்பூசி போடப்பட்ட உள்ளது.                                                     

🌈🌈தமிழ்மாநில காங்கிரஸ் கட்சியின் மூத்த தலைவர் ஞானதேசிகன் காலமானார்

காங்கிரஸ் கட்சியின் முன்னாள் மாநில தலைவராக இருந்தவர் ஞானதேசிகன்

உடல்நலக்குறைவு காரணமாக மருத்துவமனையில் அனுமதிக்கப்பட்டிருந்த நிலையில் உயிரிழப்பு.

கொரோனா தொற்று காரணமாக கடந்த நவம்பர் 11ம் தேதி சென்னை தனியார் மருத்துவமனையில் அனுமதிக்கப்பட்ட ஞானதேசிகன் சிகிச்சை பலனின்றி மரணம்.

🌈🌈3 வேளாண் சட்டங்களையும் ரத்து செய்யும் வரை போராட்டம் தொடரும் என  விவசாயிகள் அறிவித்துள்ளனர்.

விவசாயிகளுடன் நேற்று நடைபெற்ற 9-ம் கட்ட பேச்சுவார்த்தையில் உடன்பாடு ஏற்படவில்லை. 

வரும் 19-ம் தேதி 10-ம் கட்ட பேச்சுவார்த்தை நடைபெறும் என மத்திய அரசு தெரிவித்துள்ளது.

🌈🌈மத்திய அரசு அனுமதித்தால், கொரோனா தடுப்பூசி போட்டுக் கொள்ள தயார்.

அனுமதி பெற்ற முன்கள பணியாளர்களுக்கு மட்டுமே தற்போது தடுப்பூசி போடப்படுகிறது 

சுகாதாரதுறை அமைச்சர் விஜயபாஸ்கர்.

🌈🌈மத்திய அரசுடன் ஆலோசித்து பொதுமக்களுக்கு எப்போது தடுப்பூசி என்பது பற்றி முடிவு செய்யப்படும் என்று சுகாதாரத்துறை செயலாளர் ராதாகிருஷ்ணன் கூறியுள்ளார்.

தடுப்பூசி போட்டுக் கொண்டவர்களும் மாஸ்க், தனிமனித இடைவெளியை கடைபிடிக்கவில்லை என்றால் அது தவறு என அவர் கூறியுள்ளார். 

🌈🌈சிறந்த மாடுபிடி வீரர்களுக்கு அரசு வேலை வழங்க பரிசீலனை நடைபெற்று வருகிறது

பாலமேடு ஜல்லிக்கட்டு போட்டியை தொடங்கி வைத்த அமைச்சர் ஆர்.பி.உதயகுமார் பேட்டி

🌈🌈இளைஞர்கள் அனைவரும் திருக்குறளை படிக்க வேண்டும் 

குடியரசு துணைத்தலைவர் வெங்கையா நாயுடு

🌈🌈இன்று போடப்படும் தடுப்பூசி யாருக்கெல்லாம் கிடையாது.

👉18 வயதுக்கு கீழ் உள்ளவர்களுக்கு கொரொனா தடுப்பூசி கிடையாது.

👉கர்பிணி பெண்களுக்கும், பாலூட்டும் தாய்மார்களுக்கும் தடுப்பூசி கிடையாது

👉முதல் டோஸ் எந்த தடுப்பூசி போடப்படுகிறதோ இரண்டாவது டோஸ் அதே தடுப்பூசி தான் போடப்பட வேண்டும் தடுப்பூசிகள் கலப்பு நிச்சயம் கூடாது.

🌈🌈🌈🌈🌈🌈🌈🌈🌈🌈

🌹🌹பள்ளி திறக்கும் நாள் : 19.01.2021

👉செய்யக்கூடியவை (பள்ளிகளில் கடைபிடிக்க வேண்டிய நெறிமுறைகள்):

 👉அனைவரும் முகக்கவசம் அணிதல்.

👉கைகளை கிருமி நாசினி கொண்டு சுத்தம் செய்தல்*

பள்ளிக்கு வரும்போதும், முற்பகல் இடைவேளை, மதிய உணவு இடைவேளை, பிற்பகல் இடைவேளை மற்றும் வீட்டிற்கு செல்லும் போதும் கைகளை சோப்பு கொண்டு கழுவுதல் வேண்டும்.

👉சமூக இடைவெளி கடைபிடித்தல்

👉சமூக இடைவெளியைப் பின்பற்றும் பொருட்டு தரையில் வட்டம் / கட்டம் போன்ற குறியீடுகள் வரைதல்,

👉ஒரு வகுப்பிற்கு 25 மாணவர்கள் மட்டும் அனுமதி அளித்தல்.

👉தெர்மல் ஸ்கேனர் ( THERMAL SCANNER )கொண்டு உடல் வெப்பநிலை பரிசோதித்தல்

👉பல்ஸ் - ஆக்சிமீட்டர் பயன்படுத்த அறிந்திருத்தல்

👉வைட்டமின் மற்றும் துத்தநாக (ZINC ) மாத்திரைகளை உரிய முறையில் மாணவர்கள் சாப்பிடுவதை உறுதி செய்தல்

👉ஆசிரியர்கள் , அலுவலகப் பணியாளர்கள் அனைவரும் அடையாள

அட்டை அணிந்திருத்தல்

👉பள்ளிக்கல்வித்துறையால் வெளியிடப்பட்டுள்ள கோவிட்-19 - SOP ஐ

ஆசிரியர்கள் முழுமையாக தெரிந்திருத்தல்

👉பள்ளி வளாகத்தில் அதிக அளவிலான குப்பைத் தொட்டிகளை வைத்தல். கோவிட்-19 தொடர்பான விழிப்புணர்வு வாசகங்கள் அடங்கிய சுவரொட்டிகள், பதாகைகள் ஆகியவை பள்ளி வளாகத்தில் வைத்திருத்தல்.               👉அருகாமையிலுள்ள சுகாதார நிலையத்தின் அவசர தொடர்பு எண்களை அறிந்திருத்தல்

👉வகுப்பிற்கு ஒரு ஆசிரியரை பொறுப்பாளராகவும், அனைத்து பணிகளையும் மேற்பார்வையிட பள்ளிக்கு ஒரு ஆசிரியரை பொறுப்பாளராகவும் நியமித்தல்

-------------------------------------------------

👉பள்ளி திறக்கும் நாள்: 19.012021

செய்யக்கூடாதவை

(விளையாட்டு தவிர்க்கப்பட வேண்டியவை)

 👉25 மாணவர்களுக்கு மேல் ஒருவகுப்பறையில் அனுமதிக்கக்கூடாது.                        👉பள்ளி வளாகத்தில் எச்சில் துப்புதல் கூடாது.

👉கழிவறை செல்லும் நேரம் உணவு இடைவேளைகளில் கூட்டம் கூடுதலை தவிர்த்தல்

👉உணவு, தண்ணீர் பாட்டில்கள் எழுதுபொருட்களை பரிமாறிக் கொள்ளுதல் கூடாது.

👉இறைவணக்கக் கூட்டம், கலாச்சார நிகழ்வுகள், உடற்கல்வி NSS.NCC

தவிர்க்கப்படவேண்டும்.

👉மாணவர்கள் வகுப்பறைகளுக்கு வெளியே சுற்றித் திரிதல் கூடாது

👉வகுப்பறையில் ஆசிரியர்கள், மாணவர்கள், முகக்கவசம் அகற்றுதல்

கூடாது.

👉முகக் கவசம் உள்ளிட்ட கழிவுப் பொருட்களை பொது வெளியில் எறிதல் கூடாது.மூடியவகுப்பறைகளில் கற்றல் கற்பித்தல் செயல்பாடுகள் தவிர்த்தல், தூய்மையற்ற முகக் கவசம் அணிதல் கூடாது.

கைக்குட்டை மெல்லிழைத்தாள் பயன்படுத்தாமல் பொதுவெளியில் இருமல், தும்மல் கூடாது.

👉பயோமெட்ரிக் (BIOMATRIC) கைரேகை பதிவு கூடாது,

👉குடிநீர் தொட்டிகளை சுத்தம் செய்யாமல் வைத்திருக்கக்கூடாது*

👉தேவையற்ற பார்வையாளர்களை நுழைய அனுமதித்தல் கூடாது.

🙏🙏🙏🙏🙏🙏🙏🙏                               

 என்றும் அன்புடன்

சு.வேலுமணி M.A.,B.Ed.,

தலைமையாசிரியர்                                                         & மாவட்டச் செயலாளர்.

தமிழ்நாடு தொடக்கப்பள்ளி ஆசிரியர் மன்றம்,

கரூர் மாவட்டம்.

அலைபேசி:9003599926

பாரத் எலக்ட்ரானிக்ஸ் லிமிடெட்டில் டிப்ளமோ முடித்தவர்களுக்கு தொழில் பழகுநர் வேலை – 305 காலிப்பணியிடங்கள்...

மத்திய அரசு வேலைவாய்ப்பு 2021 :

BEL நிறுவனத்தில் Technician Apprentice பணிக்கு என பல்வேறு பிரிவுகளில் 305 காலியிடங்கள் உள்ளதாக குறிப்பிடப்பட்டுள்ளது.

 வயதுவரம்பு  :

விண்ணப்பதாரர்கள் அதிகபட்சம் 22 வயதிற்கு மிகாதவராக இருக்க வேண்டியது அவசியமானதாகும்.

கல்வித்தகுதி :

அங்கீகாரம் பெற்ற கல்வி நிறுவன/பல்கலைக்கழகத்தில் பணிக்கு தொடர்புடைய பாடப்பிரிவில் Diploma தேர்ச்சி பெற்றிருக்க வேண்டும்.

பாரத் எலக்ட்ரானிக்ஸ் லிமிடெட் ஊதிய விவரம் :

தேர்வு செய்யப்பட்டு பணியமர்த்தப்படுவோர் அதிகபட்சம் ரூ.10,400/- வரை ஊதியம் பெறுவர்.

 தேர்வு செயல்முறை :

விண்ணப்பதாரர்கள் Merit list அடிப்படையிலேயே தேர்ந்தெடுக்கப் படுவார்கள். மேலும் தகவல்களுக்கு அதிகாரபூர்வ அறிவிப்பினை அணுகலாம்.

விண்ணப்பிக்கும் முறை :

NATS Portalஐ சேர்ந்தவர்கள் 19.01.2021 அன்றுக்குள்ளும், மற்ற விண்ணப்பதாரர்கள் 22.01.2021 அன்றுக்குள்ளும் கீழே கொடுக்கப்பட்டுள்ள ஆன்லைன் இணைய முகவரி மூலம் விண்ணப்பித்துக் கொள்ளலாம்.

>>> அறிவிப்பு...

>>> விண்ணப்ப வலைதளம்...

வில்லங்க சான்றில் வரி பாக்கி குறிப்பிடப்பட வேண்டும் - உயர்நீதிமன்றம் உத்தரவு...

 வில்லங்க சான்றில் வரி பாக்கி குறிப்பிடப்பட வேண்டும் -  உயர்நீதிமன்றம் உத்தரவு... Encumbrance Certificates must reflect tax dues, says High Court...

மதுரை: 'மின் கட்டணம், உள்ளாட்சி வரி, வங்கிக் கடன் நிலுவை விபரங்களை வில்லங்கச் சான்றில் பதிவு செய்ய அரசு நடவடிக்கை எடுக்க வேண்டும். இதனால் சொத்தை வாங்கும் அப்பாவிகள் ஏமாற்றப்படுவது தவிர்க்கப்படும்,' என உயர்நீதிமன்றம் மதுரைக் கிளை உத்தரவிட்டது.

மதுரை தெற்குவெளி வீதியில் ஒரு பள்ளிவாசலுக்குச் சொந்தமான நிலம் உள்ளது. அதில் குறிப்பிட்ட பகுதியில் தெய்வானையம்மாள் என்பவர் குத்தகை அடிப்படையில் கட்டடம் கட்டியிருந்தார். இடத்தை காலி செய்தார். 'மின் மீட்டரை சேதப்படுத்தியதால், மின் நுகர்வை கணக்கிட முடியவில்லை.

மின்சாரத்தை திருட்டு நடந்துள்ளதால் தெய்வானையம்மாள் 5 லட்சத்து 21 ஆயிரம் ரூபாய் கட்டணம் செலுத்த வேண்டும்,' என மின்வாரியம் உத்தரவிட்டது. தெய்வானை 2 லட்சத்து 8 ஆயிரத்து 437 ரூபாய் செலுத்தினார். மீதி தொகையை செலுத்துவதிலிருந்து விலக்குக் கோரிய மனுவை உயர்நீதிமன்றம் தள்ளுபடி செய்தது.சம்பந்தப்பட்ட இடம் அருகே கதாரியா ஓரியண்டல் நர்சரி பள்ளி கட்டுமானத்திற்கு மின் இணைப்பு கோரி நிர்வாகம் விண்ணப்பித்தது. சுப்பிரமணியபுரம் மின்வாரிய உதவி பொறியாளர் (பகிர்மானம்),'அந்த இடத்தில் ஏற்கனவே கட்டுமானத்திற்கு மின் இணைப்பு பெற்றிருந்த தெய்வானை 3 லட்சத்து 12 ஆயிரத்து 656 ரூபாய் மின் கட்டணம் செலுத்தவில்லை. அதனால் புதிய மின் இணைப்பு வழங்க முடியாது,' என நிராகரித்தார்.பள்ளி தாளாளர் அலி அக்பர் உட்பட 2 பேர்,'ஏற்கனவே மின் இணைப்பு தெய்வானை பெயரில் வழங்கப்பட்டுள்ளது. அவரிடம்தான் நிலுவைத் தொகையை வசூலிக்க வேண்டும். அவர் கட்டணத்தை செலுத்தாதற்கு நாங்கள் பொறுப்பேற்க முடியாது. மின்வாரிய உத்தரவை ரத்து செய்ய வேண்டும்,' என உயர்நீதிமன்றத்தில் மனு தாக்கல் செய்தனர்.நீதிபதி ஆர்.மகாதேவன் உத்தரவு: தெய்வானை அனுபவித்து வந்த இடத்திற்கு மனுதாரர்கள் மின் இணைப்பு கோரவில்லை. அருகிலுள்ள இடத்திற்குத்தான் கோரியுள்ளனர். இதை எப்படி மறுக்க முடியும்? தெய்வானை நிலுவைத் தொகையை செலுத்ததாதற்கு மனுதாரர்கள் எப்படி

பொறுப்பேற்க முடியும்?

இவ்வழக்கில் வாடகை ஒப்பந்தம் தாக்கல் செய்யப்படவில்லை. 12 ஆண்டுகளாக நிலுவைத் தொகையை வசூலிக்க மின்வாரியம் நடவடிக்கை எடுக்கவில்லை. மனுதாரர்கள் அந்த மின் இணைப்பை பயன்படுத்தவில்லை. மனுதாரர்களுக்கு மின் இணைப்பு வழங்க வேண்டும்.மின் கட்டண நிலுவை விபரம் பற்றி தமிழ்நாடு மின்வாரிய தலைவர் உடனடியாக பதிவுத்துறை ஐ.ஜி.,க்கு தெரிவிக்க வேண்டும். அவர் சார்பதிவாளர் அலுவலகங்களுக்கு தெரிவித்து வில்லங்கச் சான்று பதிவேட்டில் பதிவு செய்ய நடவடிக்கை எடுக்க வேண்டும். இதுபோல் உள்ளாட்சி வரி, வங்கிக் கடன் நிலுவை விபரங்களையும் வில்லங்கச்சான்றில் பதிவு செய்ய அரசு நடவடிக்கை எடுக்க வேண்டும். இதனால் சொத்தை வாங்கும் அப்பாவிகள் ஏமாற்றப்படுவது தவிர்க்கப்படும் என்றார்..

பள்ளிகளை கல்வி அதிகாரிகள் குழு 18-ஆம் தேதி ஆய்வு செய்வதால் அனைத்து ஆசிரியர்களும் காலை 9.30 மணிக்குள் பள்ளியில் இருக்க வேண்டும் - கல்வித்துறை உத்தரவு (நாளிதழ் செய்தி)...

பள்ளிகளை கல்வி அதிகாரிகள் குழு 18-ந் தேதி ஆய்வு செய்வதால் அனைத்து ஆசிரியர்களும் காலை 9.30 மணிக்குள் பள்ளியில் இருக்க வேண்டும் என்று கல்வித்துறை உத்தரவிட்டுள்ளது.

சென்னை:

கொரோனா தொற்று பரவல் குறைந்து வருவதால் 10 மற்றும் 12-ம் வகுப்புகளுக்கு மட்டும் 19-ந் தேதி பள்ளிகளை திறக்க அரசு உத்தரவிட்டுள்ளது.

பெரும்பாலான பெற்றோர் பள்ளிகளை திறக்க விருப்பம் தெரிவித்தனர். அதன் அடிப்படையில் இந்த நடவடிக்கை எடுக்கப்பட்டு உள்ளது.

இதையடுத்து மாணவர்கள், ஆசிரியர்கள், பணியாளர்கள் எவ்வாறு செயல்பட வேண்டும் என்பது குறித்து அரசு வழிகாட்டு நெறிமுறைகளை வெளியிட்டது. அனைத்து மாணவர்களும் முகக்கவசம் கட்டாயம் அணிதல், கிருமி நாசினி பயன்படுத்துதல், குடிநீர், உணவு வீட்டில் இருந்து கொண்டு வர வேண்டும் என அறிவுறுத்தப்பட்டு உள்ளது.

மேலும் கைகுலுக்குதல், தொட்டு பேசுதல் போன்றவற்றுக்கு தடை விதிக்கப்பட்டுள்ளது. ஒரு வகுப்பில் 25 பேர் வீதம் குழுவாக பிரித்து பாடம் நடத்தவும், ஆய்வகத்திலும் கூட்டத்தை தவிர்க்கவும், சமூக இடைவெளியை பின்பற்றவும் அனைத்து தலைமை ஆசிரியர்களுக்கும் முதன்மை கல்வி அதிகாரிகள் மூலமாக தெரிவிக்கப்பட்டுள்ளது.

19-ந் தேதி அனைத்து பள்ளிகளும் திறப்பதால் அதற்கான முன் ஏற்பாடுகளை முதன்மை கல்வி அதிகாரிகள் மாவட்டங்களில் செய்ய வேண்டும் என பள்ளிக்கல்வி இயக்குனர் கண்ணப்பன் அறிவுறுத்தி உள்ளார்.

அதன் அடிப்படையில் மாணவர்களை பள்ளி வளாகத்தில் எவ்வாறு கையாள வேண்டும் என்பது குறித்து தலைமை ஆசிரியர்களுக்கு முதன்மை கல்வி அதிகாரிகள் உத்தரவுகளை பிறப்பித்துள்ளனர். அதன் விவரம் வருமாறு:-

10 மற்றும் 12-ம் வகுப்பு மாணவர்களுக்கு விரைவில் புதிய பாடத்திட்டம் அறிவிக்கப்படும். அதனால் தேர்வு குறித்த பயம் தேவையில்லை என்பதை மாணவர்களுக்கு தெளிவாக்க வேண்டும்

18-ந்தேதி (திங்கட்கிழமை) பள்ளிகளை கல்வி அதிகாரிகள் குழு ஆய்வு செய்வார்கள். அதனால் அனைத்து ஆசிரியர்களும் காலை 9.30 மணிக்குள் பள்ளியில் இருக்க வேண்டும். மாலை 4.30 மணிவரை இருப்பதை உறுதி செய்ய வேண்டும்.

சிறப்பு வகுப்பு, மாலை வகுப்பு நடத்த தேவையில்லை. பாட ஆசிரியர்கள் தவிர மற்ற ஆசிரியர்கள் (உடற்கல்வி, இடைநிலை) ஒழுக்கத்தை கண்காணிக்கவும், உடல் வெப்ப பரிசோதனை, சானிடைசர் பயன்படுத்துதல் பணியில் ஈடுபடுத்த வேண்டும்.

அனைத்து மாணவர்களும் காலை பள்ளிக்கு வந்தவுடன் பள்ளி நுழைவு வாயில் மூடப்பட வேண்டும். பள்ளிக்கு வருகை தந்த மாணவர்களை எக்காரணத்தை கொண்டும் பள்ளி முடியும் வரை வெளியே அனுமதிக்க கூடாது.

மாணவ-மாணவிகளுக்கு உடல் நலமின்மை கண்டறியப்பட்டால் உடனடியாக அரசு மருத்துவமனைக்கு ஆசிரியர்கள் அழைத்து செல்ல வேண்டும். வைட்டமின் மற்றும் நோய் எதிர்ப்பு சக்தி மாத்திரை பள்ளி வகுப்பு ஆசிரியர்கள் மூலமாக வழங்கப்படும்.

இறைவணக்க கூடுகை, விளையாட்டு பயிற்சி உள்ளிட்ட இதர வகுப்புகள் நடத்தக்கூடாது.

மாணவர்கள் பஸ் பயணத்தை குறைத்துக் கொண்டு சைக்கிளில் வரு வதை ஊக்குவிக்க வேண்டும். பெற்றோர் அழைத்து வந்துவிடுவதை ஊக்குவிக்க வேண்டும்.

பெற்றோரின் விருப்ப கடிதம் மாதிரி படிவம் வழங்கப்படும். அதனை பூர்த்தி செய்து மாணவர்கள் வகுப்பு ஆசிரியர்களிடம் சமர்ப்பிக்க வேண்டும். எந்த ஒரு மாணவரையும் வருகை பதிவு கட்டாயப்படுத்தக் கூடாது.

10-ம் வகுப்பு மாணவர்களுக்கு மாலை 4.15 மணிக்கும், 12-ம் வகுப்பு மாணவர்களுக்கு மாலை 4.30 மணிக்கும் வகுப்பு விடப்படும். அனைத்து ஆசிரியர்களும் 18-ந் தேதி முதல் 100 சதவீதம் பள்ளிக்கு வருகை புரிய வேண்டும்.

ஆசிரியர்கள் முதல் இரண்டு நாட்களுக்கு மாணவர்களுக்கு கவுன்சிலிங் மட்டுமே வழங்கப்பட வேண்டும்.

இவ்வாறு அரசு, உதவி பெறும் பள்ளி தலைமை ஆசிரியர்களுக்கு அறிவுறுத்தப்பட்டுள்ளது.

9 ஆண்டுகள், 11 மாதங்கள் மற்றும் 17 நாட்கள் பணிபுரிந்து, மறைந்த ஓய்வு பெற்ற புவியியல் உதவியாளருக்கு 01.10.1984 முதல் ஓய்வூதியம் மற்றும் குடும்ப ஓய்வூதியம் வழங்க உயர் நீதிமன்ற உத்தரவின் அடிப்படையில் அரசாணை வெளியீடு...

 

9 ஆண்டுகள், 11 மாதங்கள் மற்றும் 17 நாட்கள் பணிபுரிந்து (10 ஆண்டுகள் பணிபுரியவில்லை என்று ஓய்வூதியம் மறுக்கப்பட்ட நிலையில்), மறைந்த ஓய்வு பெற்ற புவியியல் உதவியாளருக்கு 01.10.1984 முதல் ஓய்வூதியம் மற்றும் குடும்ப ஓய்வூதியம் வழங்க உயர் நீதிமன்ற உத்தரவின் அடிப்படையில் அரசாணை வெளியீடு... (G.O.(D).No.4, Dated: 08-01-2021)...

>>> Click here to Download G.O.(D).No.4, Dated: 08-01-2021...

10 மற்றும் 12-ஆம் வகுப்புகளுக்கு 50 சதவீதம் வரை பாடத்திட்டம் குறைய வாய்ப்பு - ஓரிரு நாட்களில் அறிவிப்பு வெளியாகிறது...

 நடப்பு ஆண்டு பள்ளிகள் திறப்புதாமதம் காரணமாக 50 சதவீத அளவுக்கு பாடத்திட்டம் குறைக்கப்பட்டு உள்ளதாக தகவல்கள் வெளியாகியுள்ளன.

தமிழகத்தில் கரோனா தொற்று காரணமாக கடந்த 10 மாதங்களாக பள்ளிகள் மூடப்பட்டுள்ளன. இதனால் கல்வித் தொலைக்காட்சி மற்றும் இணையதளவழியில் மாணவர்களுக்கு பாடங்கள் நடத்தப்பட்டு வருகின்றன. இந்தச் சூழலில் கல்வியாண்டு தாமதத்தைக் கருத்தில் கொண்டு 10, 12-ம்வகுப்புகளுக்கு மட்டும் பொங்கல் விடுமுறைக்குபின் பள்ளிகளைத் திறக்க தமிழக அரசு முடிவு செய்தது. இதையடுத்து 10, 12-ம் வகுப்புகளுக்கு மட்டும் ஜன.19-ம் தேதிமுதல் பள்ளிகள் திறக்கப்படும் என்று அரசு அறிவித்துள்ளது.

இதற்கிடையே கல்வியாண்டு தாமதம் காரணமாக நடப்பு ஆண்டு1 முதல் 9-ம் வகுப்புகளுக்கு 50 சதவீதமும், 10, 11, 12-ம் வகுப்புகளுக்கு 35 சதவீதம் வரையும்பாடத்திட்டம் குறைக்கப் பட்டுள்ளதாக பள்ளிக்கல்வி அமைச்சர் கே.ஏ.செங்கோட்டையன் அறிவித்தார்.

இதற்கான பணிகளில் மாநில கல்வியியல் ஆராய்ச்சி மற்றும் பயிற்சி மையம் (எஸ்சிஇஆர்டி) ஈடுபட்டது. தற்போது 10, 12-ம் வகுப்புகளுக்கும் 50 சதவீதம்வரை பாடத்திட்டம் குறைக்கப் பட்டுள்ளதாகத் தகவல்கள் வெளியாகியுள்ளன.

இதுகுறித்து பள்ளிக்கல்வித் துறை அதிகாரிகள் கூறியதாவது:

பள்ளிகள் திறக்கப்படாத சூழலில் நடப்பு கல்வியாண்டில் 60 சதவீத வேலைநாட்கள் முடிந்துவிட்டன. மீதமுள்ள நாட்களில் பாடங்களை நடத்த போதுமான அவகாசம் இருக்காது. இதைக் கருத்தில் கொண்டு 10, 12-ஆம் வகுப்புகளுக்கு பாடஅளவு குறைப்பு 45 முதல் 50 சதவீதம் வரை அதிகரிக்கப்பட்டுள்ளது.

பாடத்திட்டக் குறைப்பு பாடங்கள் வாரியாக மாறுபடும். அதற்கான பணிகளும் முழுமையாக முடிந்துவிட்டன. இதுகுறித்த தொகுப்பறிக்கை அரசின் ஒப்புதலுக்கு அனுப்பப்பட்டுள்ளது. முதல்வர் ஓரிரு நாட்களில் அறிவிப்பு வெளியிடுவார். குறைக்கப்பட்ட பாடத்திட்டத்தின் அடிப்படையிலேயே பொதுத்தேர்வு வினாத்தாள்கள் வடிவமைக்கப்படும்.

இதுதவிர, பள்ளிக்கு வர இயலாமல் வீட்டிலிருந்தபடி கல்வி பயிலும் மாணவர்கள், அரசின் கல்வித் தொலைக்காட்சியில் நடத்தப்படும் பாடங்களைப் படித்தால் போதுமானது. எனவே, மாணவர்களுக்கு பொதுத்தேர்வு குறித்த அச்சம் வேண்டாம்.

இவ்வாறு அவர்கள் கூறினர்