2024-2025 முதல் பருவ இடைத் தேர்வு கால அட்டவணை - முதன்மைக் கல்வி அலுவலரின் செயல்முறைகள்...
2024-2025 First Mid Term Examination Time Table – Proceedings of Chief Educational Officer...
>>> தரவிறக்கம் செய்ய இங்கே சொடுக்கவும்...
>>> திருச்சி மாவட்ட கால அட்டவணை - தரவிறக்கம் செய்ய இங்கே சொடுக்கவும்...
பள்ளி காலை வழிபாட்டு செயல்பாடுகள் - 08.07.2024 - School Morning Prayer Activities...
திருக்குறள்:
பால் :பொருட்பால்
அதிகாரம்:கேள்வி
குறள் எண்:412
செவிக்குணவு இல்லாத பொழ்து சிறிது
வயிற்றுக்கும் ஈயப் படும்.
பொருள்:செவிக்குக் கேள்வியாகிய உணவு இல்லாத போது அதற்கு துணையாக உடலை ஓம்புமாறு) வயிற்றுக்கும் சிறிது உணவு தரப்படும்.
பழமொழி :
Many a slip between the cup and the lip.
கைக்கு எட்டியது வாய்க்கு எட்டவில்லை
இரண்டொழுக்க பண்புகள் :
*எல்லோரிடமும் மரியாதையாகவும் இனிமையாகவும் பேசுவேன்.
*யாரிடமும் மோசமான சொற்களைப் பேச மாட்டேன்.
பொன்மொழி :
செய்த தவறை ஏற்பதே தன்மானத்தின் சிகரம் ஆகும்.
காந்தியடிகள்
பொது அறிவு :
1. 1984-ஆம் ஆண்டு இலவச சத்துணவு திட்டத்தை தமிழ்நாட்டில் ஆரம்பித்து வைத்தவர்
விடை: எம்.ஜி.ராமச்சந்திரன்
2. கிராண்ட்ஸ்லாம் பட்டம் வென்ற முதல் இந்திய பெண் யார்?
விடை: சானியா மிர்சா.
English words & meanings :
excitement-உற்காசம்,
eagerness- ஆவல்
வேளாண்மையும் வாழ்வும் :
நம்முடைய மண் வளத்தையும், இயற்கையையும் பாதுகாப்பதற்கு இயற்கை வேளாண்மை சிறந்த ஒன்று. இயற்கை வேளாண்மையை விவசாயத்தில் பயன்படுத்துவதால் மண்ணின் வளம் மேம்படுகிறது, மண்ணின் தன்மை சிதைவடையாமல் இருக்க உதவுகிறது.
ஜூலை 8
செனரவ் கங்குலி அவர்களின் பிறந்தநாள்
சௌரவ் சந்திதாஸ் கங்குலி (Sourav Chandidas Ganguly; ஒலிப்புⓘ; பிறப்பு: சூலை 8, 1972) தாதா என அன்பாக அழைக்கப்படுகிறார். அதற்கு வங்காள மொழியில் மூத்த சகோதரர் என்பது அர்த்தமாகும். இவர் இந்தியத் துடுப்பாட்ட அணியின் முன்னாள் வீரரும் அணித்தலைவரும் ஆவார். தற்போது இவர் வங்காளத் துடுப்பாட்ட அவையின் தலைவராக உள்ளார்.[1] சர்வதேச துடுப்பாட்ட அரங்கில் மிகச் சிறந்த அணித் தலைவராகவும் மட்டையாளராகவும் விளங்கினார்.வலது புறங்களில் பந்துகளை அடிப்பதில் சிறந்தவர் எனவே இவர் காட் ஆஃப் தெ ஆஃப் சைட் (வலது புறத்தின் கடவுள்) என அழைக்கப்படுகிறார்.
நீதிக்கதை
ஓவியம்
ஒரு ஊர்ல ஒரு ராஜா இருந்தார் அவர் மிகப்பெரிய வீரர்.அவர் வெற்றி காணாத போரே இல்லை என்று கூறும் அளவிற்கு மிகப்பெரிய திறமைசாலி.
நாட்டு மக்களுக்கு தேவையான அனைத்து வசதிகளையும் செய்து கொடுத்த மிகச்சிறந்த புகழ்பெற்ற அரசர் அவர்.
அவருக்கு ஒரு மகன் இருந்தார். அழகான அறிவான இளவரசன்
ஆனால்,அவன் முதுகில் ஒரு கூன் இருந்தது. அவனால் எப்போதும் குனிந்தே தான் நடக்க இயலும். இவ்வாறு தன்மகனை பார்க்கும் போதெல்லாம் அரசர் மிகவும் வருத்தம் அடைந்தார்.
அண்டை நாடுகளில் உள்ள புகழ்பெற்ற மருத்துவர்களை வரவழைத்து,இளவரசருக்கு சிகிச்சை அளித்தும் எந்த பலனும் இல்லை. இளவரசனின் கூன் சரியாகவே இல்லை.
இறுதியாக பக்கத்து நாட்டில் ஒரு வயது முதிர்ந்த மருத்துவரைப் பற்றி கேள்விப்பட்ட அரசர் அவரை வரவழைத்து இளவரசருக்கு சிகிச்சை அளிக்க வேண்டினார்.
அவரின் ஆலோசனைப்படி மருத்துவம் நடக்க ஒரு சில ஆண்டுகளில் இளவரசனின் கூன் கொஞ்சம் கொஞ்சமாக சரியாக ஆரம்பித்து, கடைசியில் இளவரசர் நன்றாக நிமிர்ந்து நடக்க ஆரம்பித்தார்.
மன்னர் மகிழ்ச்சியுடன் மருத்துவருக்கு பொன்னும் பொருளையும் பரிசாக கொடுத்தார்.
அந்த மருத்துவரின் மருத்துவ முறையோ சற்று வித்தியாசமாக இருந்தது. ஏனென்றால் மருத்துவர் இளவரசருக்கு மருந்துகள் எதுவும் கொடுக்கவில்லை.பதிலாக அவர் நிமிர்ந்த நேர்கொண்ட பார்வையுடன் கூடிய ஒரு ஓவியம் ஒன்றை வரைய கட்டளையிட்டார். வரைந்த ஓவியத்தை இளவரசர் அன்றாடம் பார்க்கும் படியான இடங்களில் எல்லாம் வைக்க ஏற்பாடு செய்தார். அந்த படங்களை பார்க்க பார்க்க இளவரசருக்கு நாமும் ஒரு நாள் நன்றாக நடப்போம் என்ற மன எண்ணம் ஆழ்மனதில் உருவானது. அந்த எண்ணமே விரைவில் வெற்றி பெற்றது.
ஆம். மாணவர்களே! உங்களின் குறிக்கோள்களை ஓவியமாகவோ எழுத்து வடிவமாகவோ வரைந்து தாங்கள் பார்வை படும்படியான இடங்களில் வையுங்கள். உங்கள் குறிக்கோளும் ஒரு நாள் நிஜமாகும்.
இன்றைய செய்திகள்
08.07.2024
# காவிரிப் படுகையில் அகழாய்வு செய்தால், நிறைய தொல்லியல் எச்சங்கள் கிடைக்க வாய்ப்புள்ளதாக மத்திய அரசின் தொல்லியல் துறை கண்காணிப்பாளர் அமர்நாத் ராமகிருஷ்ணன் கருத்து.
# மேட்டூர் அணைக்கு நீர்வரத்து விநாடிக்கு 2,832 கன அடியாக அதிகரித்துள்ளது.
# தமிழகம், புதுச்சேரி, காரைக்கால் பகுதிகளில் இன்று முதல் 7 நாட்களுக்கு மழை பெய்ய வாய்ப்புள்ளதாக சென்னை வானிலை ஆய்வு மையம் தகவல்.
# மத்திய பட்ஜெட் ஜூலை 23-ல் தாக்கல்: வருமான வரிச் சலுகை எதிர்பார்ப்பு.
# இந்தோனேசியாவின் சுண்ணாம்புக் குகையில் 51,200 ஆண்டுப் பழமையான ஓவியங்களை ஆஸ்திரேலியா, இந்தோனேசியாவைச் சேர்ந்த ஆராய்ச்சியாளர்கள் கண்டறிந்துள்ளனர்.
# தமிழக பள்ளி அணிகளுக்கான லீக் ஹாக்கி போட்டி 38 மாவட்டங்களில் நேற்று தொடங்கியது.
# கோபா அமெரிக்க கால்பந்து தொடர்: பிரேசில் அணியை வீழ்த்தி உருகுவே அரையிறுதிக்கு முன்னேற்றம்.
# விம்பிள்டன் டென்னிஸ்: 4வது சுற்றுக்கு முன்னேறினார் அமெரிக்காவின் டெய்லர் பிரிட்ஸ்.
Today's Headlines
🌸Amarnath Ramakrishnan, superintendent of the archeology department of the central government, is of the opinion that if excavation is carried out in the Cauvery basin, a lot of archeological remains are likely to be found.
🌸The flow of water to Mettur dam has increased to 2,832 cubic feet per second.
🌸Tamilnadu, Puducherry and Karaikal areas are likely to receive rain for 7 days from today, according to the Chennai Meteorological Department.
🌸Union Budget presented on July 23: Income tax relief expected.
🌸Researchers from Australia and Indonesia have discovered 51,200-year-old paintings in a limestone cave in Indonesia.
🌸The league hockey competition for Tamil Nadu school teams started yesterday in 38 districts.
🌸Copa America: Uruguay beats Brazil to advance to semi-finals.
🌸Wimbledon Tennis: America's Taylor Britts advanced to the 4th round.
Prepared by
Covai women ICT_போதிமரம்
3058 தலைமையாசிரியர் பணியிடங்கள் - பதவி உயர்வு மூலம் நிரப்ப முடிவு - நாளிதழ் செய்தி...
முதுகலை ஆசிரியர் காலிப்பணியிட விவரம் (All the Districts) EMIS தளத்தில் வெளியீடு...
*How to find the vacancies?
EMIS Individual login
➡️ Admin
➡️ Preselect vacancy
➡️ Counselling type
➡️ PG Teacher (District - District)
➡️ Panel
➡️ General (Tamil & English)
➡️ Submit
➡️ We get all districts vacancies
➡️ 🔎 Type District Name
➡️ We get District wise vacancies.
மூளையைத் தின்னும் அமீபா குறித்த மருத்துவர் Dr.அ.ப.ஃபரூக் அப்துல்லா அவர்களின் கட்டுரை...
கேரளாவின் மலப்புரத்தில் குட்டையில் குளித்த ஐந்து வயது சிறுமி மூளைக்காய்ச்சல் ஏற்பட்டு இறந்திருக்கிறாள்.
இறப்பிற்கான காரணமாக இருந்தது
"நிக்லேரியா ஃபவுலேரி" (Naeglaria fowleri) எனும் ஒரு செல் உயிரி.
அமீபா என்று உயிரியலில் படித்திருப்போம் தானே..?
அந்த வகையைச் சேர்ந்த
பாக்டீரியாக்களை உணவாக உட்கொள்ளும் ஒரு செல் உயிரி இது.
இந்த நிக்லேரியா - அசுத்தமான குளம் , குட்டை , முறையாக க்ளோரினேற்றம் செய்யப்படாத நீச்சல் குளங்கள் போன்றவற்றில் காணப்படும்.
குறிப்பாக குளிர்ச்சியான நீரை விடவும் வெப்பமான வெதுவெதுப்பான நீரில் வாழும் தன்மை கொண்டவை.
இந்த அமீபாக்கள் தேங்கியிருக்கும் நீரின் கீழ்ப்பகுதியில் இருக்கும் சேறு சகதியில் வாழும். குளிக்கும் போது கலக்கும் போது மேலே எழும்பி நீரில் கலந்திருக்கும்.
இத்தகைய அமீபாக்கள் வாழும் நீரில் குளிக்கும் போது மூக்குக்குள் நீர் புகும் நிலை ஏற்படும் போது
மூக்கினுள் க்ரிப்ரிஃபார்ம் தகடு என்ற எலும்பு உள்ளது. இந்த எலும்பில் சிறு சிறு ஓட்டைகள் இருக்கும். அதன் வழி நம் நுகர்தலுக்குத் தேவையான நரம்பு கிளை பரப்பி நாசியின் சுவர்களுக்குள் படர்ந்திருக்கும்.
இந்த அமீபா இருக்கும் நீரை மூக்குக்குள் உள்ளிளுக்கும் போது
நுகர்தலுக்கான நரம்பில் ஒட்டிக்கொண்டு மேலே மூளை நோக்கி ஏறிச்செல்லும் தன்மை கொண்டது.
உள்ளே நுழைந்ததில் இருந்து மூன்று முதல் பத்து நாட்களுக்குள்
நோய்க்கான அறிகுறிகளை வெளிப்படுத்தும்.
முதலில் தீவிர காய்ச்சல்
அடங்காத தலை வலி
என்று ஆரம்பித்து பிறகு
மூளைக்காய்ச்சல் அறிகுறிகளான
பின் கழுத்துப் பகுதி இறுக்கம்
குமட்டல் / வாந்தி
தலை சுற்றல்
வலிப்பு ஏற்படுதல்
பேதலிப்பு நிலை
மூர்ச்சை நிலை
கோமா
இறப்பு ஏற்படக்கூடும்
இந்த அமீபா - நரம்புகளின் நியூரான்களைத் தின்று உயிர்வாழும் தன்மை கொண்டது என்பதால் மூளையைச் சிறுகச் சிறுக உணவாக உட்கொள்ளும். இதனால் இதற்கு மூளை திண்ணும் அமீபா என்ற பெயரும் உண்டு.
பெரும்பாலும் நோயின் அறிகுறிகள் ஏற்பட்ட ஒரு வாரத்திற்குள் மரணம் சம்பவிக்கும்
மரணத்திற்கான முக்கிய காரணம்
இந்த நோயின் அறிகுறிகள் அனைத்தும்
பாக்டீரியா எனும் மற்றொரு ஒரு செல் உயிரி ஏற்படுத்தும் மூளைக்காய்ச்சல் போன்றே இருக்கும் என்பதாலும்
இந்த அமீபா தொற்று அரிதிலும் அரிதானது என்பதாலும்
நோய் கண்டறிதலில் தாமதம் ஏற்படும் வாய்ப்பு உண்டு.
இந்தியா போன்ற வெப்ப மண்டல நாடுகளில் - வேனில் காலங்களில் குளம் குட்டைகளில், நீச்சல் குளங்களில் அதிகமானோர் நீராடும் வழக்கம் உள்ளது.
எனவே கட்டாயம் இந்த நோய் குறித்த விழிப்புணர்வு மருத்துவர்களுக்கும் பொது மக்களுக்கும் இருப்பது பல உயிர்களைக் காக்கும்.
இந்தக் கிருமித் தொற்று ஒரு மனிதரிடம் இருந்து மற்றொருவருக்குப் பரவாது.
இந்த அமீபா தொற்று - பாக்டீரியா தொற்று போலவே தெரிந்தாலும்
பாக்டீரியா கொல்லிகள் என்றழைக்கப்படும் ஆண்ட்டிபயாடிக்குகளுக்கு அடங்காது.
இதற்கென பிரத்யேகமான மருந்தாக
ஆம்ஃபோடெரிசின் - பி என்பது விளங்குகிறது.
ஆம்... கோவிட் தொற்று ஏற்பட்ட காலத்தில் உப கொள்ளை நோயாக உருவெடுத்த கருப்பு பூஞ்சை ( ம்யூகார் மைகோசிஸ்) தொற்றுக்கு இந்த மருந்து தான் கேட்டது.
இந்த அமீபா தொற்று ஏற்பட்டிருக்கிறது என்பதை
சரியான நேரத்தில் கணித்து
மூளை தண்டு வட நீரில் இருந்து இந்த அமீபாவைக் கண்டறிந்து
உடனடியாக ஆம்ஃபோடெரிசின்- பி சிகிச்சை வழங்கிட வேண்டும்.
தமிழ்நாட்டில் நிக்லேரியா தொற்றுக்கு உள்ளான 47 வயது நபர் ஒருவருக்கு சரியான நேரத்தில் நோய் கண்டறியப்பட்டு தனியார் மற்றும் அரசு மருத்துவமனைகளில் சிகிச்சை வழங்கப்பட்டதில் உயிர்பிழைத்திருக்கிறார் என்பது குறிப்பிடத்தக்கது.
இந்த அமீபா மூளையின் முக்கிய மண்டலங்களை தின்று முடிப்பதற்குள் விரைவாகக் கண்டறிந்து சிகிச்சை அளிப்பது அத்தனை எளிதல்ல.
அதனாலேயே இந்த நோயின் இறப்பு உண்டாக்கும் சதவிகிதம் கிட்டத்தட்ட 100%
இதுவரை உலகில் ஐநூறுக்கும் குறைவான நோயாளிகளே இந்த அமீபா தொற்றுக்கு உள்ளாகி உள்ளதாக மருத்துவ ஆவணங்கள் குறிப்பிடுகின்றன.
இந்தியாவில் ஐம்பதுக்கும் குறைவான ஆதாரங்களே பதிவாகி உள்ளன.
எனினும் முறையாகப் ஆவணப்படுத்தப்படாத
ரிப்போர்ட் செய்யப்படாத
அல்லது தவறுதலாக பாக்டீரியாவினால்/ வைரஸினால் ஏற்படும் மூளைக்காய்ச்சல் என்று ஆவணப்படுத்தப்பட்ட நோயர்களின் எண்ணிக்கை அதிகமாக இருக்கலாம்.
இந்தியாவில் இறப்பிற்கான காரணங்களை பிரேதக் கூறாய்வு மூலம் அறிவது மருத்துவ- சட்ட ரீதியான வழக்குகளுக்கு மட்டுமே கட்டாயமாக உள்ளது என்பதால்
இது போன்ற மூளைக்காய்ச்சல் மரணங்களில் இந்த அமீபா தொற்றின் பங்கு குறித்து நம்மால் சரியான எண்களை அறிய முடியாமல் போகிறது.
இந்த அமீபா தொற்று ஏற்படாமல் எப்படி காத்துக் கொள்வது?
- தேங்கி இருக்கும் குளம் குட்டை கண்மாய் போன்றவற்றின் அடிப்பகுதி சகதியை இயன்றவரை கிளறி விடாமல் குளிப்பது நல்லது
- இத்தகைய தூய்மையற்ற நீரில் மூழ்கிக் குளிப்பதை கட்டாயம் தவிர்த்து விட வேண்டும். இந்த அமீபா மூக்கு துவாரம் வழியாக மட்டுமே மூளையை அடைய முடியும்.
அசுத்தமான தண்ணீரைக் குடிப்பதால் அந்த நோய் ஏற்படுவதில்லை.
எனவே மூக்குப் பகுதிக்குள் நீர் செல்லாமல் பார்த்துக் கொள்ள வேண்டும்.
- நீச்சல் குளங்களில் சரியான முறையில் க்ளோரினேற்றம் செய்யப்படுகிறதா? என்பதை உறுதி செய்ய வேண்டும்.
நீச்சல் பயிற்சி செய்யும் போது நோஸ் க்ளிப் அணிந்து கொள்வது சிறந்தது.
- சில நேரங்களில் அசுத்தமான நீரில்
மூக்கு துவாரங்களைக் கழுவுவதாலும் இந்த தொற்று பரவக்கூடும். இஸ்லாமியர்கள் - தொழுகைக்கு முன்பு செய்யும் ஒளு எனும் தூய்மை செய்யும் முறையில் மூக்கு நாசிக்குள் நீரை உறிஞ்சி சுத்தப்படுத்துவர். அத்தகைய நீர் தூய்மையானதாக இருக்கிறதா? என்பதை உறுதி செய்ய வேண்டும்.
- இது போன்ற குளம் குட்டை கண்மாய்களில் குளித்த பத்து நாட்களுக்குள் காய்ச்சல் / தலைவலி / கழுத்துப் பகுதி இறுக்கம் / வலிப்பு போன்றவை ஏற்படின் தாமதம் செய்யாமல் உடனடியாக மருத்துவமனையில் அட்மிட் ஆகி
மருத்துவரிடம் தாங்கள் எப்போது? எங்கு? குளித்தோம் என்பதை தெளிவுபடுத்திட வேண்டும்.
இது விரைவில் நோயைக் கண்டறிய உதவும்.
குளம், குட்டைகளில் கண்மாய்களில் நீச்சல் குளங்களில் குளிக்கும் அனைவருக்கும் இந்தத் தொற்று ஏற்படுவதில்லை.
அரிதிலும் அரிதாகவே இந்தத் தொற்று ஏற்படுகிறது.
அது அவரவர் எதிர்ப்பு சக்தியைப் பொருத்தும் அமைகிறது.
எனவே இந்தத் தொற்று குறித்த அதீத அச்சம் தேவையற்றது.
மாறாக நிறைய விழிப்புணர்வுடன் இருப்பது நல்லது.
வளர்ந்த நாடுகளில் இந்த அமீபா குறித்தும் அமீபா வாழும் நீர்நிலைகள் குறித்தும் விழிப்புணர்வு அதிகம் இருக்கும்.
வெப்ப மண்டல நாடான நமக்கும் அத்தகைய விழிப்புணர்வு தேவை என்பதே இந்தப் பதிவின் நோக்கம்.
நன்றி
Dr.அ.ப.ஃபரூக் அப்துல்லா
பொது நல மருத்துவர்
சிவகங்கை
மூளையைத் தின்னும் அமீபா - மூன்று பேர் உயிரிழப்பு - தமிழ்நாடு சுகாதாரத்துறை வழிகாட்டுதல்கள் வெளியீடு...
அனைத்து மாவட்ட சுகாதார அலுவலர்களுக்கும் பொது சுகாதாரத்துறை இயக்குனர் செல்வவிநாயகம் கடிதம்...
“ ‘அமீபிக் மெனிங்கோ என்செபாலிடிஸ்’ என்னும் மூளையை அரிக்கும் நோய் தொற்று தொடர்பான உயிரிழப்புகள் கேரளாவில் நிகழ்ந்ததை கருத்தில் கொண்டு, முன்னெச்சரிக்கை நடவடிக்கைகளை மேற்கொள்ள வேண்டும்”
- பொது சுகாதாரத்துறை இயக்குநர் செல்வவிநாயகம் அறிவுறுத்தல்...
>>> தமிழ்நாடு சுகாதாரத்துறை வழிகாட்டுதல்கள் - தரவிறக்கம் செய்ய இங்கே சொடுக்கவும்...
>>> மூளையைத் தின்னும் அமீபா குறித்த மருத்துவரின் கட்டுரை...
பள்ளிகளில் உள்ள அறிவியல் ஆய்வகங்களில் தூய்மைப் பணி மேற்கொண்டு அதன் புகைப்படம் / காணொளியை (Video), EMIS இணையதளத்தில் பதிவேற்றம் செய்ய பள்ளிக் கல்வி இயக்குநரின் செயல்முறைகள், நாள்: 05-07-2024...
>>> தரவிறக்கம் செய்ய இங்கே சொடுக்கவும்...
அரசுபள்ளியில் கேக் வெட்டி பிறந்தநாள் கொண்டாட்டம் - வட்டார கல்வி அலுவலர் செங்கல்பட்டுக்கு மாற்றம் - தலைமை ஆசிரியர் வேலூருக்கு இடமாற்றம் ஆம்பூ...
