01.01.2021 நிலவரப்படி பட்டதாரி ஆசிரியர் பதவியிலிருந்து முதுகலை ஆசிரியராக பதவி உயர்வு அளிக்க தகுதி வாய்ந்தவர்கள் பட்டியல் வெளியீடு - (இயற்பியல் வேதியியல், தாவரவியல், விலங்கியல், பொருளியல், வணிகவியல், வரலாறு மற்றும் உடற்கல்வி இயக்குநர் நிலை 1.)...

 As on 01.01.2021 - B.T. Assistant to P.G.Assistant Promotion Panel List Released - (Physics, Chemistry, Botany, Zoology, Economics, Commerce, History & Physical Director Grade 1)...

>>> Physics...

>>> Chemistry...

>>> Botany...

>>> Zoology...

>>> Economics...

>>> Commerce... 

>>> History...

>>> Physical Director Grade 1...

Inspire award 2018-19 & 2019-20 - தேசிய அளவில் கலந்துகொள்ளவுள்ள மாணவர்களின் பெயர் பட்டியல்...

 Inspire award 2018-19 & 2019-20 மாவட்ட அளவில் தேர்ந்தெடுக்கப்பட்டு மாநில அளவில் கலந்து கொண்ட மாணவர்கள் தேசிய அளவில் கலந்துகொள்ள பெயர் பட்டியல் அறிவிக்கப்பட்டுள்ளது.

>>> Click here to Download Selected Students Name List (2018-2019)...

>>> Click here to Download Selected Students Name List (2019-2020)...

அரசுத் தேர்வுகள் இயக்ககத்தால் எந்த ஆண்டு முதல் கல்விச் சான்றிதழ்களுக்கு உண்மைத்தன்மை சான்று வழங்கப்படுகிறது? RTI Letter...

 

>>> உண்மைத்தன்மை சான்றிதழ் வழங்கப்படுவது தொடர்பான தகவல் அறியும் உரிமை சட்ட கடிதம் - தரவிறக்கம் செய்ய இங்கே சொடுக்கவும்...

>>> கல்வி அஞ்சல் Whatsapp குழுவில் இணைய...

>>> கல்வி அஞ்சல் Telegram குழுவில் இணைய...

>>> கல்வி அஞ்சல் Youtube Channel-ஐ Subscribe செய்ய...

இனி வாரத்தில் 4 நாட்கள் வேலை- மத்திய அரசின் புதிய திட்டம்...

சனிக்கிழமை என்றாலே நம்மையும் அறியாமலேயே பலருக்கும் சந்தோஷம் பொங்கிக் கொண்டு வரும். ஏனெனில் அடுத்த நாள் விடுமுறை.  சில மாதங்களில் அலுவலக கூட்டம், இலக்கினை எட்ட முடியவில்லை எனில், அந்த ஞாயிற்றுகிழமைகளில் கூட சில நேரம் அலுவலகம் செல்வோம். அந்த நேரங்களில் அடுத்த ஞாயிற்றுகிழமை எப்போது வரும் என்று நாட்களை எண்ணிக் கொண்டிருப்போரும் உண்டு. ஆனால் இப்படி இருப்போருக்கு ஒரு ஹேப்பி நியூஸ் காத்துக் கொண்டுள்ளது என்று தான் கூற வேண்டும்.

4 நாட்கள் வேலை செய்தால் போதும் மத்திய அமைச்சகம் வேலை நாட்கள் தொடர்பாக வரும் நாட்களில், புதிய நெறிமுறைகள் அமல்படுத்த உள்ளதாக தெரிவித்துள்ளது. மத்திய அரசின் இந்த புதிய நெறிமுறைகள் நடைமுறைக்கு வந்தால், நீங்கள் வாரத்தில் 4 நாட்கள் மட்டுமே வேலை செய்ய வேண்டியிருக்கும். ஊழியர்களின் வேலை நேரம் தொடர்பாக மாற்றங்களை கொண்டு வர மத்திய தொழிலாளர் அமைச்சகம் தயாராகி வருவதாகவும் செய்திகள் வெளியாகியுள்ளது. இதில் ஊழியர்கள் வாரத்தில் 48 மணி நேரம் வேலை செய்ய வேண்டியிருக்கும். இது குறித்த இறுதி விதிகளை விரைவில் அறிவிக்கலாம் என எதிர்பார்க்கப்படுகிறது.

அரசின் புதிய திட்டம் இப்போது அனைத்து நிறுவனங்களிலும் வாரத்தில் 6 நாட்கள், தினமும் 8 மணிநேரமும் என்ற வகையில் வேலை நேரம் உள்ளது. இதன் காரணமாக அவர்கள் வாரத்தில் 48 மணிநேரம் வேலை செய்கிறார்கள். தற்போது ஒரு வாரத்தில் 1 நாள் விடுப்பு உள்ளது. ஆனால் புதிய விதியின் கீழ், வாரத்தில் 4 நாட்கள் மட்டுமே வேலை இருக்கும். மத்திய தொழிலாளர் நல அமைச்சக செயலாளர் அபூர்வா சந்திரா திங்களன்று, ஊழியர்கள் வாரத்திற்கு அதிகபட்சம் 48 மணி நேரம் மட்டுமே பணியாற்றுவதற்கான வரம்பு அவர்களுக்கு ஏற்ற வகையில் இருக்கும் என்று கூறியுள்ளார்.

நிறுவனத்திற்கும் ஊழியர்களுக்கும் உடன்பாடு அதாவது, ஒரு ஊழியர் ஒரு நாளைக்கு 12 மணிநேரமும், வாரத்தில் நான்கு நாட்களில் 48 மணி நேரமும் பணிபுரிந்தால், மீதமுள்ள மூன்று நாட்களுக்கு அவர் விடுப்பு எடுத்துக் கொள்ளலாம். ஊழியர் வாரத்தில் 5 நாட்கள் அல்லது 6 நாட்கள் வேலை செய்யத் தேவையில்லை என்பதற்கு நிறுவனத்திற்கும் ஊழியர்களுக்கும் இடையில் உடன்பாடு ஏற்பட வேண்டும் எனவும் கூறப்பட்டுள்ளது.

அரசின் அனுமதி தேவையில்லை எனினும் நாங்கள் ஊழியர்களையோ அல்லது முதலாளிகளையோ கட்டாயப்படுத்தவில்லை. ஆனால் இது ஒரு நெகிழ்வுத் தன்மையை அளிக்கும். இது மாறிவரும் கலாசாரத்துக்கு ஏற்ப இருக்கும் என்றும் சந்திரா கூறியுள்ளார். அதோடு இந்த விதிமுறைகள் தொழிலாளர் சட்டத்தின் ஒரு பகுதியாக இருக்கும். மேலும் இந்த புதிய விதிகள் அமல்படுத்தபட்டவுடன் முதலாளிகள், தங்கள் ஊழியர்களின் ஏற்பாட்டை ஒப்புக் கொண்டால், வாரத்திற்கு நான்கு அல்லது ஐந்து நாள் வேலை திட்டத்திற்கு மாற அரசின் அனுமதி தேவையில்லை.

இதனை உறுதி செய்ய வேண்டும்

வாரத்தில் நான்கு நாட்களை ஊழியர்கள் தேர்வு செய்தால், அடுத்த வார இடைவெளி மூன்று நாட்கள் இருக்க வேண்டும். இதே ஐந்து நாள் என்றால், இரண்டு நாட்கள் இடைவெளி இருக்க வேண்டும் என்பதையும் முதலாளிகள் உறுதி செய்ய வேண்டும் என்று சந்திரா கூறியுள்ளார்.

சுதந்திரம் இருக்கும்

இந்த விதிகள் அமலுக்கு வந்தவுடன் நிறுவனத்திற்கு 8 மணி நேரம் அல்லது 12 மணி நேரம் என்பதை தேர்வு செய்வதற்கான சுதந்திரம் இருக்கும் என்றும் கூறப்பட்டுள்ளது. இந்த புதிய விதியால், பல ஊழியர்களுக்கு ஓய்வு நேரம் கூடுதலாக கிடைக்கும். வேலை அழுத்தத்தில் இருந்து மீள்வதற்கும் வாய்ப்புள்ளதாக, வேலை நாட்களில் வேலை நன்றாக இருக்கும் என்றும் நிபுணர்கள் கூறுகின்றனர்.

என்ன பயன்

நிறுவனங்கள் இந்த நடவடிக்கையின் மூலம் குறைந்த அலுவலக வாடகை மற்றும் அதிக ஆற்றல், உற்பத்தி என பல வகையிலும் ஊழியர்களிடமிருந்து பயனடையலாம் என நிபுணர்கள் கூறுகின்றனர். எனினும் இது அமலுக்கு வந்தால் தான் தெரியும், இது எந்தளவுக்கு நிறுவனங்களும் ஊழியர்களும் ஏற்றுக் கொள்கிறார்கள் என்று.

நல்ல விஷயம் தான் 

டீம் லீஸ் நிறுவனத்தின் துணைத் தலைவர் ரிதுபர்ணா சக்கரபர்த்தி, அரசின் இந்த புதிய திட்டம், ஊழியர்கள் மற்றும் நிறுவனங்களுக்கு நன்மையே கொடுக்கும். இது கட்டாயம் இல்லை. இது ஒரு ஆப்சன் தான். ஆனால் பல உற்பத்தி நிறுவனங்களும் இதனை ஏற்றும் கொள்ளலாம். இதனை நிறுவனங்கள் நினைத்து பாருங்கள். ஒரு நாள் செலவினம் குறையும். இதுவே நிறுவனங்களுக்கு மிகப்பெரிய நல்ல விஷயம் தான் என்று கூறியுள்ளார்

வேலை வாய்ப்புகள் குறையலாம் எனினும் மற்றொரு தரப்பினர் 12 மணி நேர சிஃப்டுக்கு மாறினால், ஊழியர்களுக்கான வாய்ப்புகளும் குறைய வாய்ப்புள்ளது. ஏனெனில் மூன்று சிஃப்டுகளில் இருந்து 2 சிஃப்ட்டாக மாறும் போது குறையலாம் என்றும் கூறுகின்றனர். ஆக இது எந்தளவுக்கு சாத்தியமான ஒன்று என்று அமலுக்கு வரும்போது தான் தெரியவரும். எப்படி இருந்தாலும் வாரத்தில் மூன்று நாள் விடுமுறை என்றால் மகிழ்ச்சி தான்.

TNPSC புதிய அறிவிப்பு – PSTM சான்றிதழ் பற்றிய விளக்கம்...

 தமிழ்நாடு அரசுப் பணியாளர் தேர்வாணையம் சார்பில் நடத்தப்படும் போட்டித் தேர்வுகளில் வெற்றி பெறுபவர்களில் தமிழ் வழியில் படித்தவர்களுக்கு வழங்கப்படும் முன்னுரிமை குறித்த விளக்கம் மற்றும் PSTM சான்றிதழ் குறித்து அதிகாரபூர்வ அறிவிப்பு வெளியிடப்பட்டு உள்ளது.

TNPSC அறிவிப்பு:

TNPSC தேர்வர்களின் நலனை கருத்தில் கொண்டு நடைமுறையில் உள்ள சட்ட விதிகள், அரசாணை, தேர்வாணைய நடைமுறைகள் என பலவற்றில் விண்ணப்பதாரர்களுக்கான அறிவுரைகள் வெளியிடப்பட்டு வருகின்றன. இதில் ஜனவரி 30ம் தேதி முதல் திருத்தங்கள் செய்யப்பட்டு உள்ளது. அதன்படி தற்போது பணியில் இருந்து கொண்டு TNPSC தேர்வெழுதும் தேர்வர்கள் ‘தடையின்மை சான்றிதழை’ சமர்ப்பிக்க அல்லது பதிவேற்றம் செய்ய தவறினால் அவர்களின் விண்ணப்பம் நிராகரிக்கப்படும்.

மாநிலத்தின் நேரடி நியமனத்தின் வாயிலாக நிரப்பப்படும் பணியிடங்களுக்கான விதிகளின் கல்வித்தகுதி வரை தமிழ் வழியில் படித்தவர்களுக்கே முன்னுரிமை வழங்கப்படும். தமிழ் வழியில் படித்ததற்கான (PSTM – Person Studied in Tamil Medium) உரிமை கோரும் விண்ணப்பதாரர் அதற்கான சான்று ஆவணமாக, நிர்ணயம் செய்யப்பட்ட கல்வித்தகுதி வரை அனைத்து படிப்புகளையும் தமிழ் வழியில் மட்டுமே பயின்றதற்கான சான்றிதழை கட்டாயமாக பதிவேற்றம் / சமர்ப்பிக்க வேண்டும்.

உதாரணமாக ஒரு படிப்புக்கு பத்தாம் வகுப்பு நிர்ணயிக்கப்பட்ட கல்வித்தகுதியாக இருப்பின், விண்ணப்பதாரர் 10ம் வகுப்பு வரை கட்டாயம் தமிழ் வழியில் படித்திருக்க வேண்டும். ஒரு படிப்புக்கு பட்டப்படிப்பு கல்வித்தகுதியாக இருந்தால், விண்ணப்பதாரர் 10, 12 மற்றும் பட்டப்படிப்பு என மூன்றும் தமிழ் வழியில் கட்டாயம் பயின்றிருக்க வேண்டும் என அறிவிப்பில் தெரிவிக்கப்பட்டு உள்ளது.

>>> PSTM சான்றிதழ் தரவிறக்கம் செய்ய இங்கே சொடுக்கவும்...

இன்றைய (11-02-2021) ராசி பலன்கள், நட்சத்திர பலன்கள்

மேஷம்

பிப்ரவரி 11, 2021

தை 29 - வியாழன்

மாணவர்களுக்கு கல்வி தொடர்பான செயல்பாடுகளில் இருந்துவந்த தடைகள் குறையும். வித்தியாசமான அணுகுமுறைகளின் மூலம் புதிய முயற்சிகளை மேற்கொள்வீர்கள். வியாபாரத்தில் இருந்துவந்த மந்தநிலை குறையும். பாகப்பிரிவினை தொடர்பான செயல்பாடுகளில் சற்று பொறுமை வேண்டும். பத்திரம் தொடர்பான பணிகளில் மேன்மை உண்டாகும். மற்றவர்கள் கூறும் கருத்துக்களை விட மனதில் தோன்றும் எண்ணங்களுக்கு முக்கியத்துவம் அளிப்பதன் மூலம் தெளிவு கிடைக்கும்.

அதிர்ஷ்ட திசை : கிழக்கு

அதிர்ஷ்ட எண் : 4

அதிர்ஷ்ட நிறம் : வெள்ளை நிறம்

அஸ்வினி : தடைகள் குறையும்.

பரணி : பொறுமை வேண்டும்.

கிருத்திகை : தெளிவு கிடைக்கும்.

---------------------------------------

ரிஷபம்

பிப்ரவரி 11, 2021

தை 29 - வியாழன்

குடும்ப உறுப்பினர்களின் மூலம் மகிழ்ச்சியான சூழ்நிலைகள் உண்டாகும். விலகி சென்றவர்கள் விரும்பி வருவார்கள். எண்ணிய செயல்களை செய்து முடிக்க கூடுதல் முயற்சிகள் செய்ய வேண்டியிருக்கும். கொடுத்த வாக்குறுதிகளை காப்பாற்றுவீர்கள். மற்றவர்களை பற்றி குறை கூறாமல் இருப்பது நல்லது. உழைப்பிற்கேற்ற முன்னேற்றமான வாய்ப்புகள் கிடைக்கும். எதிர்பாராத வெளியூர் பயணங்களை மேற்கொள்வீர்கள்.

அதிர்ஷ்ட திசை : வடக்கு

அதிர்ஷ்ட எண் : 5

அதிர்ஷ்ட நிறம் : பச்சை நிறம்

கிருத்திகை : மகிழ்ச்சியான நாள்.

ரோகிணி : வாக்குறுதிகளை காப்பாற்றுவீர்கள்.

மிருகசீரிஷம் : பயணங்களை மேற்கொள்வீர்கள்.

---------------------------------------

மிதுனம்

பிப்ரவரி 11, 2021

தை 29 - வியாழன்

உத்தியோகம் தொடர்பான பணிகளில் கவனம் வேண்டும். கணவன், மனைவிக்கிடையே திடீர் கருத்து வேறுபாடுகள் ஏற்படும். ஆடம்பர பொருட்களை தவிர்ப்பதன் மூலம் சேமிப்புகள் அதிகரிக்கும். சமூக பணிகளில் இருப்பவர்கள் சூழ்நிலைகளை அறிந்து செயல்படுவது நன்மையளிக்கும். மாணவர்கள் கல்வி தொடர்பான செயல்பாடுகளில் விழிப்புணர்வுடன் இருக்க வேண்டும். மனதில் தோன்றக்கூடிய சந்தேகங்களை உடனுக்குடன் போக்கிக்கொள்வதன் மூலம் மேன்மை உண்டாகும்.

அதிர்ஷ்ட திசை : கிழக்கு

அதிர்ஷ்ட எண் : 4

அதிர்ஷ்ட நிறம் : இளநீலம்

மிருகசீரிஷம் : கவனம் வேண்டும்.

திருவாதிரை : சிந்தித்து செயல்படவும்.

புனர்பூசம் : விழிப்புணர்வு வேண்டும்.

---------------------------------------

கடகம்

பிப்ரவரி 11, 2021

தை 29 - வியாழன்

எதிர்பார்த்த தன உதவிகள் கிடைக்கும். எண்ணிய காரியங்களில் இருந்துவந்த தடைகள் அகலும். உடனிருப்பவர்களுக்கிடையே மதிப்பும், மரியாதையும் அதிகரிக்கும். உடல் சோர்வும், மனக்குழப்பமும் அகலும். வியாபாரம் தொடர்பான பணிகளில் எதிர்பார்ப்புகள் நிறைவேறும். கூட்டுத்தொழிலில் இருப்பவர்கள் தேவையற்ற விவாதங்களை தவிர்ப்பது நல்லது. உத்தியோகம் தொடர்பான செயல்பாடுகளில் சக ஊழியர்களின் ஆதரவு கிடைக்கும். குழந்தைகளின் முன்னேற்றத்தில் கவனம் செலுத்துவீர்கள்.

அதிர்ஷ்ட திசை : தெற்கு

அதிர்ஷ்ட எண் : 3

அதிர்ஷ்ட நிறம் : பச்சை நிறம்

புனர்பூசம் : உதவிகள் கிடைக்கும்.

பூசம் : மரியாதைகள் அதிகரிக்கும்.

ஆயில்யம் : ஆதரவு கிடைக்கும்.

---------------------------------------

சிம்மம்

பிப்ரவரி 11, 2021

தை 29 - வியாழன்

உறவினர்களிடம் எதிர்பார்த்த மகிழ்ச்சியான சூழ்நிலைகள் உண்டாகும். மாணவர்களுக்கு கல்வியில் முன்னேற்றம் உண்டாகும். மனதில் புதுவிதமான எண்ணங்கள் தோன்றும். புதிய நபர்களின் அறிமுகத்தின் மூலம் நன்மை உண்டாகும். மனதில் இருந்துவந்த குழப்பமான எண்ணங்கள் அகலும். செயல்பாடுகளில் இருந்துவந்த எதிர்ப்புகள் உயர் அதிகாரிகளின் ஆதரவால் குறையும். வியாபார அபிவிருத்தி செய்வதற்கான ஆலோசனைகள் கிடைக்கும்.

அதிர்ஷ்ட திசை : மேற்கு

அதிர்ஷ்ட எண் : 2

அதிர்ஷ்ட நிறம் : பிரவுன் நிறம்

மகம் : மகிழ்ச்சியான நாள்.

பூரம் : நன்மை உண்டாகும்.

உத்திரம் : ஆலோசனைகள் கிடைக்கும்.

---------------------------------------

கன்னி

பிப்ரவரி 11, 2021

தை 29 - வியாழன்

புதிய தொழில் தொடர்பான செயல்பாடுகளில் சற்று சிந்தித்து செயல்பட வேண்டும். உறவினர்கள் கூறும் கருத்துக்களுக்கு நிதானமாக செயல்படுவது நன்மையளிக்கும். கடன் சார்ந்த பிரச்சனைகள் குறையும். சுபகாரியங்கள் தொடர்பான செயல்பாடுகளில் சிறு சிறு குழப்பங்களும், காலதாமதமும் ஏற்படும். மனதில் தோன்றும் தேவையற்ற சிந்தனைகளின் மூலம் சோர்வு உண்டாகும். வியாபாரம் தொடர்பான உதவிகள் கிடைக்கும்.

அதிர்ஷ்ட திசை : கிழக்கு

அதிர்ஷ்ட எண் : 4

அதிர்ஷ்ட நிறம் : இளநீலம்

உத்திரம் : சிந்தித்து செயல்படவும்.

அஸ்தம் : பிரச்சனைகள் குறையும்.

சித்திரை : உதவிகள் கிடைக்கும்.

---------------------------------------

துலாம்

பிப்ரவரி 11, 2021

தை 29 - வியாழன்

உடல் ஆரோக்கியத்தில் மேன்மை ஏற்படும். எதிர்பாலின மக்களின் மூலம் ஆதாயம் உண்டாகும். கணவன், மனைவிக்கிடையே அனுசரித்து செல்லவும். நண்பர்களுடன் வெளியூர் பயணங்களை மேற்கொள்வீர்கள். கூட்டாளிகளுடன் இருந்துவந்த கருத்து வேறுபாடுகள் நீங்கி ஒற்றுமை அதிகரிக்கும். பயணங்கள் தொடர்பான செயல்பாடுகளில் எதிர்பார்ப்புகள் நிறைவேறும். மனதில் இருந்துவந்த குழப்பங்கள் நீங்கி தெளிவு கிடைக்கும்.

அதிர்ஷ்ட திசை : வடக்கு

அதிர்ஷ்ட எண் : 1

அதிர்ஷ்ட நிறம் : சிவப்பு நிறம்

சித்திரை : மேன்மை உண்டாகும்.

சுவாதி : ஒற்றுமை அதிகரிக்கும்.

விசாகம் : தெளிவு கிடைக்கும்.

---------------------------------------

விருச்சகம்

பிப்ரவரி 11, 2021

தை 29 - வியாழன்

பிள்ளைகளுக்கு தேவையான ஆடை, அணிகலன்களை வாங்கி கொடுப்பீர்கள். உத்தியோகம் தொடர்பான பணிகளில் திருப்தியான சூழல் உண்டாகும்.  விலகி சென்றவர்கள் விரும்பி வருவார்கள். திட்டமிட்ட காரியங்களில் அனுகூலம் உண்டாகும். புதிய வேலை தொடர்பான முயற்சிகளை மேற்கொள்பவர்களுக்கு மாற்றமான சூழல் உண்டாகும். மனதில் தன்னம்பிக்கை அதிகரிக்கும். வாழ்க்கையில் எதிர்பாராத திருப்பங்கள் உண்டாகும்.

அதிர்ஷ்ட திசை : மேற்கு

அதிர்ஷ்ட எண் : 5

அதிர்ஷ்ட நிறம் : நீலநிறம்

விசாகம் : திருப்தியான நாள்.

அனுஷம் : அனுகூலம் உண்டாகும்.

கேட்டை : தன்னம்பிக்கை அதிகரிக்கும்.

---------------------------------------

தனுசு

பிப்ரவரி 11, 2021

தை 29 - வியாழன்

மனதில் சோர்வின்றி உற்சாகத்துடன் காணப்படுவீர்கள். சுற்றுலா பயணங்களை மேற்கொள்வீர்கள். நற்பெயர்களால் கீர்த்தி உண்டாகும். புண்ணிய காரியங்களில் ஆர்வம் அதிகரிக்கும். தம்பதிகளுக்கிடையே இருந்துவந்த கருத்து வேறுபாடுகள் நீங்கி ஒற்றுமை உண்டாகும். உடனிருப்பவர்களிடம் தேவையற்ற விவாதங்களை தவிர்க்கவும். சுபகாரியங்கள் தொடர்பான பேச்சுவார்த்தைகள் சாதகமாக அமையும்.

அதிர்ஷ்ட திசை : தெற்கு

அதிர்ஷ்ட எண் : 7

அதிர்ஷ்ட நிறம் : பச்சை நிறம்

மூலம் : உற்சாகமான நாள்.

பூராடம் : ஆர்வம் அதிகரிக்கும்.

உத்திராடம் : விவாதங்களை தவிர்க்கவும்.

---------------------------------------

மகரம்

பிப்ரவரி 11, 2021

தை 29 - வியாழன்

உத்தியோகம் தொடர்பான பயணங்களை மேற்கொள்வீர்கள். குடும்பத்துடன் புண்ணிய தலங்களுக்கு சென்று வருவதற்கான சூழ்நிலைகள் அமையும். தாய்வழி உறவினர்களிடம் இருந்துவந்த கருத்து வேறுபாடுகள் குறையும். பயணங்களின்போது எடுத்து செல்லும் உடைமைகளில் கவனம் வேண்டும். வீடு மாற்றம் தொடர்பான சிந்தனைகள் ஏற்படும். எதிர்பாராத வீண் செலவுகளின் மூலம் சேமிப்புகள் குறையும். மாணவர்களுக்கு கல்வியில் முன்னேற்றமான சூழல் உண்டாகும்.

அதிர்ஷ்ட திசை : கிழக்கு

அதிர்ஷ்ட எண் : 9

அதிர்ஷ்ட நிறம் : ஆரஞ்சு நிறம்

உத்திராடம் : பயணங்கள் சாதகமாகும்.

திருவோணம் : கருத்து வேறுபாடுகள் குறையும்.

அவிட்டம் : முன்னேற்றமான நாள்.

---------------------------------------

கும்பம்

பிப்ரவரி 11, 2021

தை 29 - வியாழன்

குடும்ப உறுப்பினர்களிடம் சற்று பொறுமையுடன் செயல்பட வேண்டும். எதையும் தைரியமாக செய்து பாராட்டுகளை பெறுவீர்கள். கேளிக்கைகள் தொடர்பான நிகழ்ச்சியில் கலந்து கொண்டு மனம் மகிழ்வீர்கள். சகோதரர்களிடம் இருந்துவந்த கருத்து வேறுபாடுகள் நீங்கி ஒற்றுமை அதிகரிக்கும். உத்தியோகம் தொடர்பான பணிகளில் இருப்பவர்களுக்கு பொறுப்புகள் குறையும். மனதில் இருந்துவந்த கவலைகள் நீங்கி நிம்மதி உண்டாகும்.

அதிர்ஷ்ட திசை : தெற்கு

அதிர்ஷ்ட எண் : 4

அதிர்ஷ்ட நிறம் : ஊதா நிறம்

அவிட்டம் : பாராட்டுகள் கிடைக்கும்.

சதயம் : ஒற்றுமை அதிகரிக்கும்.

பூரட்டாதி : நிம்மதி உண்டாகும்.

---------------------------------------

மீனம்

பிப்ரவரி 11, 2021

தை 29 - வியாழன்

தனவரவுகள் சாதகமாக அமையும். இழுபறியாக இருந்துவந்த காரியங்களை செய்து முடிப்பீர்கள். மனதில் இருந்துவந்த தேவையற்ற கவலைகள் குறையும். வியாபார அபிவிருத்தி தொடர்பான சிந்தனைகள் மேம்படும். பணிபுரியும் இடத்தில் உங்களின் மீதான நம்பிக்கை அதிகரிக்கும். பெற்றோர்களின் வழியில் ஆதரவான சூழ்நிலைகள் உண்டாகும். சமூக பணிகளில் இருப்பவர்களுக்கு முன்னேற்றம் ஏற்படும். மாணவர்களுக்கு கல்வி தொடர்பான பயணங்களை மேற்கொள்வதற்கான சூழ்நிலைகள் உண்டாகும்.

அதிர்ஷ்ட திசை : வடக்கு

அதிர்ஷ்ட எண் : 6

அதிர்ஷ்ட நிறம் : வெள்ளை நிறம்

பூரட்டாதி : சாதகமான நாள்.

உத்திரட்டாதி : சிந்தனைகள் மேம்படும்.

ரேவதி : நம்பிக்கை அதிகரிக்கும்.

------------

இன்றைய செய்திகள் தொகுப்பு... 11.02.2021 (வியாழன்)...

 

🌹நிறுத்தவும் முடியாமல் தொடரவும் முடியாமல் சில தேடல்கள்.

நெருங்கவும் முடியாமல் விலகவும் முடியாமல் சில உறவுகள்.

சொல்லவும் முடியாமல் கொல்லவும் முடியாமல் சில ஆசைகள்.

மறக்கவும் முடியாமல் வெறுக்கவும் முடியாமல் சில நினைவுகள்.

இதுதான் பலரது வாழ்க்கை.!

🌹🌹அடுத்தவரின் பிடிவாதத்தை திமிர் என்றும்

தன்னுடைய பிடிவாதத்தை மன உறுதி என்றும்

அழகாக பிரிக்கிறான் மனிதன்.!!

அனைவருக்கும் இனிய காலை வணக்கம்.

🙏🙏🙏🙏🙏🙏🙏🙏🙏🙏

🎀🎀6ஆம் வகுப்பு முதல் 8ஆம் வகுப்பு வரை 2020-21ம் கல்வி ஆண்டிற்கு மூன்று பருவத்திற்குமான குறைக்கப்பட்ட பாடத்திட்டங்கள் வெளியீடு - (தமிழ் வழி)

🎀🎀இடைநிலை ஆசிரியர் பதவியிலிருந்து கணிதப் பாட பட்டதாரி ஆசிரியர் பதவி உயர்வுக்கு தகுதி வாய்ந்த 159 ஆசிரியர்களின் பட்டியல் வெளியீடு - பள்ளிக் கல்வி இணை இயக்குநரின் செயல்முறைகள் வெளியீடு.

🎀🎀பகுதிநேர பயிற்றுநர்களுக்கு ஊதியம் உயர்த்தி வழங்கி அரசாணைகள் வெளியீடு - ஒருங்கிணைந்த பள்ளிக் கல்வி மாநிலத் திட்ட இயக்குநரின் செயல்முறைகள் வெளியீடு.

🎀🎀மேல்நிலைப் பள்ளிகளாக தரம் உயர்ந்த உயர்நிலை பள்ளிகளில் பணிபுரியும் தலைமை ஆசிரியர்களுக்கு மாறுதல் கலந்தாய்வு - பள்ளிக் கல்வி இணை இயக்குநரின் செயல்முறைகள் வெளியீடு.

🎀🎀பள்ளிகள் மற்றும் அலுவலகங்களில் பராமரிக்க வேண்டிய இருப்பு கோப்புகள் குறித்த பள்ளிக் கல்வி இயக்குநரின் செயல்முறைகள் வெளியீடு

🎀🎀கணினி ஆசிரியர் தேர்வு முறைகேடு புகார்!: அனைத்து தேர்வு மையத்திலும் விரிவான விசாரணை நடத்த ஐகோர்ட் ஆணையிட்டுள்ளது.

🎀🎀கேந்திரிய வித்யாலயா பள்ளிகளில் தமிழ்மொழி மீதான மத்திய அரசின் ஒடுக்குமுறை தொடர்ந்தால் தமிழகத்தில் மீண்டும் மொழிப்போர் வெடிக்கும்: சீமான் எச்சரிக்கை

🎀🎀G.O 12 - EL Surrender ஓராண்டுக்கு நிறுத்தி வைத்தல் - விடுப்பு விதியில் திருத்தம் செய்து அரசாணை வெளியீடு

🎀🎀"சம வேலைக்கு" "சம ஊதியம்" வழங்க கோரி மீண்டும் இடைநிலை ஆசிரியர்கள் போராட்டம் அறிவிப்பு.

🎀🎀பகுதிநேர ஆசிரியர்களின்  வாழ்வாதார போராட்டம் நேற்று 7வது நாளாக  நடைபெற்று வந்த நிலையில் நான்கு தலைமைகளின் ஆலோசனையின் படியும், கொடுத்த நம்பிக்கையின் படியும் தற்காலிகமாக ஒத்திவைக்கபடுகிறது.

விரிவான விளக்கம் பின்னர் தெரிவிக்கபடும்.

காத்திருப்பு போராட்க் குழு.

🎀🎀அதிமுகவில் சசிகலா தலையிடக்கூடாது என ஜெயலலிதா உறுதிமொழி எழுதி வாங்கினார் என்று அமைச்சர் ஜெயக்குமார் தெரிவித்துள்ளார்.

செங்கல்பட்டு புதுப்பட்டினத்தில் செய்தியாளர்களை சந்தித்த அமைச்சர் ஜெயக்குமார் தகவல் அளித்துள்ளார். அதிமுகவுக்கு சசிகலா தேவையில்லை என ஏற்கனவே ஜெயலலிதா தெரிவித்துள்ளார் என்று அமைச்சர் ஜெயக்குமார் கூறியுள்ளார்.

🎀🎀எஸ்.சி, எஸ்.டி தனித்தொகுதிகள் போல் மாற்றுத் திறனாளிகளுக்கும் தனி தொகுதி ஒதுக்க கோரி தேர்தல் ஆணையத்தில் மனு அளிக்கப்பட்டுள்ளது.

தேர்தல் ஆணையத்தில் அனைத்து மக்கள் புரட்சி கட்சி சார்பாக நிறுவன தலைவர் செந்தில்ராஜா மனு அளித்துள்ளார். தமிழ்நாட்டின் 234 தொகுதிகளிலும் வேட்பாளர்களாக மாற்றுத் திறனாளிகளை நிறுத்த ஒரே சின்னம் ஒதுக்க கோரிக்கை விடுக்கப்பட்டுள்ளது.

🎀🎀பெங்களூரு சிறையில் இருந்து விடுதலையாகி தமிழகம் திரும்பிய சசிகலாவை வழிமறித்து, அதிமுக கொடியைப் பயன்படுத்தக் கூடாது என நோட்டீஸ் கொடுத்த கிருஷ்ணகிரி டிஎஸ்பி மீது துறை ரீதியான நடவடிக்கை எடுக்கக் கோரி மனுதாக்கல்.

மனு தாக்கல் செய்தவர் டி.ஆர்.பிரபாகரன் வழக்கறிஞர்

🎀🎀சசிகலா காலாவதியான மாத்திரை, காலாவதியான மாத்திரை நோயை குணப்படுத்தாது,பக்க விளைவுகளைத்தான் ஏற்படுத்தும் என்று சிவகங்கையில் நடந்த விழாவில் கூறிய அதிமுக செய்தித் தொடர்பாளர் வைகைச்செல்வன், சசிகலாவை  மக்கள் ஏற்கவில்லை என்றார்.

🎀🎀சசிகலாவின் சொத்துகள் அரசுடமையாக்கப்பட்டன! திருவாரூர் மாவட்டத்தில் உள்ள அரிசி ஆலை, குடியிருப்புகளை அரசுடமையாக்கி அம்மாவட்ட ஆட்சியர் சாந்தா அதிரடி உத்தரவு.

திருவாரூர் மாவட்டத்தில் வி.கே.சசிகலா, இளவரசி, சுதாகரன் ஆகியோரின் சொத்துகள் பறிமுதல்

உச்சநீதிமன்ற தீர்ப்பின்படி சசிகலா, இளவரசி, சுதாகரன் சொத்துகள் பறிமுதல்

திருவாரூர் ஆட்சியர்

🎀🎀மதுரையில் நேற்று செய்தியாளர் சந்திப்பின்போது, சசிகலா வருகை தொடர்பான கேள்விகளுக்கு, 

இது அரசு நிகழ்ச்சி, அரசு சம்மந்தப்பட்ட கேள்விகளை மட்டும் கேளுங்கள்’ என்று கூறிய அமைச்சர் செல்லூர் ராஜு

🎀🎀அரசுக்கு கிரண்பேடி தரும் பிரச்சினைகள் குறித்து குடியரசு தலைவரிடம் தெரிவித்தேன்

கூட்டணி சார்பில் பெறப்பட்ட கையெழுத்து இயக்க பிரதிகளை குடியரசு தலைவரிடம் வழங்கினேன் 

புதுச்சேரி முதல்வர் நாராயணசாமி

🎀🎀இலங்கை கடற்படையினரால் தமிழக மீனவர்கள் தாக்கப்படும் சம்பவம் தொடர்பாக தமிழ்நாட்டு மீனவர் கண்ணீரை மத்திய அரசு எப்போது துடைக்கப்போகிறது.

எதிர்க்கட்சிகள் அனைத்தும் இணைந்து பணியாற்றினால், பாரதிய ஜனதா என்ற ஒரு கட்சி இருக்கும் இடம் தெரியாமல் போய்விடும் என்று நாடாளுமன்றத்தில் டி.ஆர்.பாலு எம்.பி. பேசி உள்ளார்.

🎀🎀வாக்காளர் பட்டியல் குளறுபடி பற்றி கொடுக்கும் புகார்கள் மீது தமிழக தேர்தல் ஆணையம் எந்தவித நடவடிக்கையும் எடுப்பதில்லை என தலைமை தேர்தல் ஆணையரிடம் தி.மு.க. எம்.பி. ஆர்.எஸ்.பாரதி புகார் தெரிவித்துள்ளார்.

வாக்காளர் பட்டியலை முறையாக சரிசெய்யப்பட வேண்டும் என்று ஆர்.எஸ்.பாரதி வலியுறுத்தியுள்ளார்.

🎀🎀10 ஆண்டுகளாக உறுப்பினராக இல்லாத டி.டி.வி.தினகரன் அதிமுகவை கைப்பற்ற நினைக்கிறார் 

டி.டி.வி தினகரனை நம்பி போனால் நடுரோட்டில்தான் நிற்கவேண்டும் 

18 எம்.எல்.ஏக்கள் அவரை நம்பி சென்று இன்று நடுரோட்டில் நிற்கின்றனர் 

முதல்வர் பழனிசாமி.

🎀🎀தமிழக சட்டமன்ற தேர்தல் 2021 தொடர்பாக, இந்திய தலைமை தேர்தல் ஆணையர் மற்றும் தமிழ்நாடு தலைமை தேர்தல் அதிகாரி ஆகியோருடன் காணொலி காட்சி வாயிலாக நடைபெற்ற மாவட்ட ஆட்சியர்களுடனான ஆலோசனை கூட்டத்தில் புதுக்கோட்டை மாவட்ட ஆட்சியர் திருமதி உமாமகேஸ்வரி கலந்து கொண்டார்.

🎀🎀NLC நிறுவனத்தில் பொறியாளர் பணிக்கான தேர்வில் தமிழ்நாட்டைச் சார்ந்தவர்கள் 8 பேர் மட்டுமே தேர்வு.

தமிழரல்லாதோர் 1550 பேரும் தேர்வாகியுள்ளனர்..

எனவே, அத்தேர்வை ரத்துசெய்து தமிழ்நாட்டுக்கு முன்னுரிமை வழங்கும் தேர்வுமுறையை நடத்த வேண்டும்.

திருமாவளவன் MP

🎀🎀இவ்வளவு கொடூரமான மத்திய அரசை இதற்கு முன் பார்த்ததே இல்லை.

மம்தா பானர்ஜி

🎀🎀என்னைவிட என் சாதி தான் அவர்களுக்கு அதிகம் நினைவுக்கு வருகிறது ஆம், நான் ஒரு கள் இறக்கும் தொழிலாளியின் மகன் தான். குறிப்பிட்ட சாதியில் பிறந்தவர்கள் குறிப்பிட்ட தொழில்தான் செய்ய வேண்டும் என்று முன்பு இருந்தது இப்போதும் சிலர் அப்படியே நினைக்கிறார்கள்.

பினராயி விஜயன்

🎀🎀NEP2020, NEET, வங்கி, UPSC, ரயில்வே, தபால் தேர்வுகளில் சமூகநீதிக்கு சாவுமணி அடித்த மத்திய பாஜக அரசு, மத்திய துறைகளின் இணைச் செயலாளர்களாக தமக்கு வேண்டிய ஆட்களை நேரடியாக நியமிக்கவிருக்கிறது.

OBC, SC, ST பிரிவினரைப் பாதிக்கும் சமூக அநீதியை பாஜக அரசு கைவிட வேண்டும்.

முக ஸ்டாலின்

🎀🎀இந்தியா முழுவதும் இதுவரை 65 இலட்சத்திற்கும் அதிகமான கொரோனா தடுப்பூசி போடப்பட்டுள்ளது.

செய்தி - தொடர்பாளர்கள்

🎀🎀7 பேர் விடுதலையில் நாடகமாடுவது மத்திய அரசாங்கம். அவர்களுக்கு துணையாக இருப்பது மாநில அரசாங்கம் 

- ராஜிவ் காந்தி, திமுக

🎀🎀முகமது நபி மீது அவதூறாக பேசிய பா.ஜ.க நிர்வாகி கல்யாணராமன் மீது மத்திய குற்றப்பிரிவு வழக்குப்பதிவு.

சென்னையை சேர்ந்த முகமது கெளஸ் அளித்த புகாரின் பேரில் வழக்குப்பதிவு செய்யப்பட்டுள்ளது.

🎀🎀நாகர்கோவில் சட்டமன்றத் தொகுதி முன்னாள் எம்எல்ஏ நாஞ்சில் முருகேசன் சசிகலாவுடன் சந்திப்பு.

🎀🎀6, 7, 8ஆம் வகுப்புகளுக்கும் பள்ளிகள் விரைவில் திறக்கப்பட வாய்ப்பு - மூன்று பருவங்களுக்கும் குறைக்கப்பட்ட பாட திட்டங்களை வெளியிட்டது பள்ளி கல்வித்துறை

🎀🎀சில கட்சிகள் மதத்தை வைத்து வாக்குகளை பெற முயற்சிக்கின்றன.ஆனால் அதிமுக அப்படியல்ல.

- முதல்வர் பழனிசாமி

🎀🎀தமிழ் புத்தாண்டு ஏப்ரல் 14ஆம் தேதி கொண்டாடப்பட உள்ள நிலையில்  அப்போது தேர்தல் நடத்தப்பட வேண்டாம் என்று கோரிக்கை- பிஜேபி ராகவன்.

🎀🎀ஒரே நாளில் சட்டசபை பொதுத்தேர்தல் நடத்தவேண்டும், 80 வயதுக்கு மேற்பட்டோருக்கு தபால் வாக்கு அனுமதிக்ககூடாது - தேசிய, மாநில அரசியல் கட்சிகள் இந்திய தேர்தல் ஆணையரிடம்  வலியுறுத்தல்.

🎀🎀ஒருபோதும் அவர்களை அதிமுகவில் இணைக்க முடியாது. 

ஒரு குடும்பம் ஆள்வதற்கு அதிமுக ஒரு போதும் தலை வணங்காது 

- முதல்வர் பழனிசாமி

🎀🎀மத்திய அரசின் அறிவுறுத்தல்படி, வேளாண் சட்டங்கள் குறித்து தவறான தகவல் பரப்புபவர்களின் ட்விட்டர் கணக்குகள் முடக்கம்; அந்தந்த நாடுகளின் விதிகளுக்கு உட்பட்டு சேவை செய்ய முயற்சிப்பதாக ட்விட்டர் நிறுவனம் விளக்கம்.

முடக்கப்பட்ட மே17 இயக்க ஒருங்கிணைப்பாளர் திருமுருகன் டிவிட்டர் கணக்கை மீண்டும் செயல்படுத்தியது டிவிட்டர் நிறுவனம்.

🎀🎀நாடாளுமன்ற மக்களவையில் குடியரசு தலைவர் உரைக்கு நன்று தெரிவிக்கும் தீர்மானத்தின் மீதான உரையில் வேளாண் சட்டங்களுக்கு ஆதரவாக பிரதமர் மோடி பேச்சு - எதிர்க்கட்சி எம்.பி.க்கள் எதிர்ப்பு தெரிவித்து குரல்.

🎀🎀அமமுக விலிருந்து விலகி யாரேனும் அதிமுகவில் இணைய விரும்பினால் கட்சித் தலைமை பரிசீலிக்கும் 

- முதல்வர் பழனிச்சாமி

🎀🎀ஸ்டாலின் அடுத்த முதல்வராக தமிழகத்தில் பொறுப்பு ஏற்பார். ஊழலில் திளைக்கும் அதிமுகவிற்கு தமிழக மக்கள் தக்க பாடத்தை புகட்டுவார்கள் - மக்களவையில் தயாநிதி மாறன் பேச்சு

🎀தெற்கு பசுபிக் கடலில் உள்ள லாயல்டி தீவுகளின் தென்கிழக்கில் ஏற்பட்ட நிலநடுக்கம் 7.6 ஆக பதிவு.

இந்த நிலநடுக்கத்தால் கடற்கரையோர பகுதியில் சுனாமி எச்சரிக்கை விடப்பட்டது.

🎀🎀புதிய வேளாண் சட்டங்களை எதிர்த்து டெல்லியில் விவசாயிகள் 78-வது நாளாக போராட்டம்.

🎀🎀ஜெயலலிதா மறைவுக்கு பின் அதிமுகவை கைப்பற்ற டிடிவி தினகரன் முயற்சித்ததாக முதலமைச்சர் எடப்பாடி பழனிசாமி குற்றச்சாட்டு.

🎀🎀டெல்லியில் போராடும் விவசாயிகளை பிரதமர் மோடி கொச்சைப்படுத்தி பேசி வருகிறார்; மக்களவையில் பேசிய திருமாவளவன் குற்றச்சாட்டு.

🎀🎀பழைய ஓய்வூதிய திட்டத்தை அமல்படுத்துவது உள்ளிட்ட 10 அம்ச கோரிக்கைகளை நிறைவேற்ற வேண்டும்; தமிழகம் முழுவதும் ஜாக்டோ-ஜியோ அமைப்பினர் நேற்று மூன்றாவது நாளாக ஆர்ப்பாட்டம் செய்தனர்.

🎀🎀முதல்வர் எடப்பாடி பழனிசாமி, துணை முதல்வர் ஒ.பன்னீர்செல்வம் வரும் 20ஆம் தேதி டெல்லி பயணம் என தகவல். புதிதாக கட்டப்பட்டுள்ள அதிமுக அலுவலகத்தை இருவரும் திறந்து வைக்கத் திட்டம்

🎀🎀கொரோனா சீனாவின் வுகான் ஆய்வகத்திலிருந்து பரவி இருக்க வாய்ப்பில்லை என்று உலக சுகாதார அமைப்பு தெரிவித்துள்ளது.

🎀🎀பொருளாதாரத் தடைகளையும் மீறி வட கொரியா தனது அணு ஆயுதங்களையும் ஏவுகணைகளையும் நவீனப்படுத்தி வருவதாக ஐ.நா. நிபுணா்கள் குற்றம் சாட்டியுள்ளனா்.

🎀🎀ஐரோப்பிய ஒன்றியத்துடனான உறவை மீட்டெடுப்பதில் ரஷ்யா மிகவும் ஆர்வமாக உள்ளது, ஆனால் அது உள்நாட்டு விவகாரங்களில் தலையிடுவதை உறுதியாக எதிர்க்கிறது என கிரெம்ளின் செய்தி தொடர்பாளர் டிமிட்ரி பெஸ்கோவ் தெரிவித்துள்ளார்.

🎀🎀யார் காலில் விழுந்து பதவியை பெற்றாரோ அவருக்கே துரோகம் செய்தவர் முதல்வர், அவருக்கு மட்டுமன்றி தமிழக மக்களுக்கும் இளைஞர்களுக்கும் துரோகம் செய்து வருகிறார்: கனிமொழி

தமிழக அரசின் திட்டங்கள் குறித்து கனிமொழிக்கு தெரியவில்லை என்றால் அவரது கண்ணில் கோளாறு என்று தமிழக முதல்வர் எடப்பாடி பழனிச்சாமி அவர்கள் சமீபத்தில் தேர்தல் பிரசாரத்தின்போது கூறினார். இதற்கு  கனிமொழி பதிலடி கொடுத்துள்ளார்

எனக்கு கண்ணில் கோளாறு என்றால் அதனை சரி செய்து விடலாம். ஆனால் தமிழக முதல்வரால் தமிழ்நாட்டிற்கே கோளாறு என்று கனிமொழி கூறியுள்ளார். முதல்வர் பழனிசாமி யார் காலில் விழுந்து பதவியை பெற்றாரோ அவருக்கே துரோகம் செய்தவர் என்றும் அவருக்கு மட்டுமன்றி தமிழக மக்களுக்கும் இளைஞர்களுக்கும் துரோகம் செய்து வருகிறார் என்றும் கனிமொழி கூறினார்.

மேலும் ஜெயலலிதா மரணத்தில் சந்தேகம் என கேள்வி எழுப்பிய ஓ பன்னீர்செல்வம், துணை முதல்வரான பிறகு அமைதியாகி விட்டார் என்றும் தமிழகத்தை மீட்டெடுக்கும் நாள் விரைவில் வந்து கொண்டிருக்கிறது என்றும், அதிமுக ஆட்சியை நிராகரிப்போம் என்றும் கனிமொழி தேர்தல் பிரச்சாரக் கூட்டமொன்றில் பேசியுள்ளார்

🎀🎀குட்கா வழக்கில் காட்டும் வேகத்தை தமிழக அரசு குட்கா விற்பனையைத் தடுப்பதில் காட்டி இருக்கலாமே என்று திமுக தலைவர் மு.க. ஸ்டாலின் கூறியுள்ளார்.

திமுக தலைவரும் சட்டமன்ற எதிர்க்கட்சித் தலைவருமான மு.க.ஸ்டாலின்,நேற்று தனது முகநூல் பக்கத்தில் பதிவிட்டுள்ளதாவது, தமிழகத்தில் தடைசெய்யப்பட்ட குட்கா விற்பனை அதிக அளவில் நடப்பதைச் சுட்டிக்காட்டும் வகையில் ஜனநாயக உரிமையின் அடிப்படையில் குட்கா பொட்டலங்களைச் சட்டசபைக்குக் கொண்டு சென்று காண்பித்தோம்.

அதற்காக சட்டமன்ற உறுப்பினர்களுக்கான உரிமையையே பறிக்க நினைத்தார்கள். முதல் முறையே இந்த நடவடிக்கைக்குத் தடை போட்டது உயர்நீதிமன்றம். மறுபடியும் நோட்டீஸ் அனுப்பினார்கள். அதையும் நேற்று ரத்து செய்துவிட்டது உயர்நீதிமன்றம்.

இந்த வேகத்தை குட்கா விற்பனையைத் தடுப்பதில் காட்டி இருக்கலாம். இன்னும் விற்பனை தொடருவதாகவே சொல்கிறார்கள். திமுக ஆட்சியில் குட்கா விற்பனை முழுமையாகத் தடை செய்யப்படும் என்று தெரிவித்துள்ளார்.

🎀🎀CPS குறித்த செய்தி: வல்லுநர் குழுவின் அறிக்கையினை பரிசீலித்து அரசாணைகள் வெளியிடப்படும்: அரசு சார்பு செயலாளர்: தேதி 03.02.2021

🎀🎀நீட் தேர்வில் ஓஎம்ஆர் ஷீட் அடிப்படையில் மதிப்பெண் அளிக்க கோரிய வழக்கு தள்ளுபடி

🙏🙏🙏🙏🙏🙏🙏🙏                                

என்றும் அன்புடன்

சு.வேலுமணி M.A.,B.Ed.,

தலைமையாசிரியர்                                                         & மாவட்டச் செயலாளர்.

தமிழ்நாடு தொடக்கப்பள்ளி ஆசிரியர் மன்றம்,

கரூர் மாவட்டம்.

அலைபேசி:9003599926