மாணவர்களை உதைத்த ஆசிரியர் பணியிடைநீக்கம் - மாவட்ட ஆட்சியர் நடவடிக்கை...
மாணவர்களை எட்டி உதைத்த ஆசிரியர் சஸ்பெண்ட்...
சேலம் மாவட்டம் ஓமலூர் அருகே பள்ளி மாணவர்களை எட்டி உதைத்த உடற்பயிற்சி ஆசிரியர் அண்ணாமலை சஸ்பெண்ட். மாவட்ட ஆட்சியர் பிருந்தா தேவி நடவடிக்கை.
கொளத்தூரில் உள்ள தனியார் மேல்நிலைப் பள்ளியில், கால்பந்து போட்டியில் தோற்றதால் மாணவர்களை அண்ணாமலை எட்டி உதைக்கும் வீடியோ வைரலானது...
திருக்குறள்:
பால் :பொருட்பால்
அதிகாரம்: பெரியாரைத் துணைக்கோடல்
குறள் எண்:450
பல்லார் பகைகொளலின் பத்தடுத்த தீமைத்தே
நல்லார் தொடர்கை விடல்.
பொருள்: நல்லவராகிய பெரியாரின் தொடர்பைக் கைவிடுதல் பலருடைய பகையைத் தேடிக் கொள்வதை விடப் பத்து மடங்கு தீமை உடையதாகும்.
பழமொழி :
அழ அழச் சொல்லுவர் தம்மக்கள், சிரிக்க சிரிக்கச் சொல்லுவர் பிறர்
A friend’s frown is better than a foe’s smile
இரண்டொழுக்க பண்புகள் :
*இறைவனின் படைப்பில் அற்புதமானது மனித வாழ்க்கை .எனவே, என் உடலுக்கும், உயிருக்கும் தீங்கு விளைவிக்கும் எந்த ஒரு பொருளையும் பயன்படுத்த மாட்டேன்.
*குழந்தைகளை வழிதவறச் செய்யும் பாக்கு, புகையிலை போன்றவற்றை பயன்படுத்த மாட்டேன்.
பொன்மொழி :
நம் அன்றாட பழக்கவழக்கங்கள் சிலவற்றை மாற்றிக் கொள்ளாமல், வாழ்க்கையில் பெரிய மாற்றங்களை எதிர்பார்க்க முடியாது ---மைக் மர்டாக்
பொது அறிவு :
1. இரண்டாம் சங்க காலத்தில் எழுதப்பட்ட தமிழின் அடிப்படை நூல்?
விடை: தொல்காப்பியம்
2. உடலில் இரத்தம் பாயாத பகுதி எது?
விடை: கருவிழி
English words & meanings :
Antibiotics : நோய் எதிர்ப்பு மருந்து.
Antiseptic : நச்சுக்கிருமித் தடுப்பு மருந்து
வேளாண்மையும் வாழ்வும் :
அற்புதமான விளைச்சலைத் தருவிக்கிறது என்பதை உணர்ந்து தான், முன்னோர்கள் ஆடி பட்டம் தேடி விதை என்னும் பழமொழியை உண்டாக்கினார்கள்.
ஆகஸ்ட் 12
விக்கிரம் சாராபாய் அவர்களின் பிறந்தநாள்
விக்கிரம் அம்பாலால் சாராபாய் (Vikram Ambalal Sarabhai, ஆகஸ்ட் 12, 1919 – டிசம்பர் 30, 1971)என்பவர் இந்திய இயற்பியலாளர் ஆவார். இந்திய விண்வெளித் திட்டத்தின் தந்தை எனக் கருதப்படுகிறார். 1969 ஆம் ஆண்டு சாந்தி ஸ்வரூப் பட்நாகர் விருது பெற்றார். இந்தியாவின் முதல் செயற்கைக்கோளான ஆரியபட்டாவின் விண்ணேவுதலுக்கு முழுமுதல் காரணமாக இருந்தார். SITE எனப்படும் ‘செயற்கைக்கோள் உதவியுடன் தொலைக்காட்சியில் பயிற்றுவிக்கும் முயற்சி’ மூலம் 2,4000 இந்திய கிராமங்களிலுள்ள 50 லட்சம் மக்களுக்கு கல்வியை எடுத்துச்செல்ல உதவினார். இந்திய விண்வெளி ஆராய்ச்சி நிறுவனத்தை (ISRO) விரிவாக்கினார்.
உலக யானைகள் நாள்
உலக யானைகள் நாள் (World Elephant Day) ஒவ்வொரு ஆண்டும் ஆகத்து 12 ல் கொண்டாடப்படுகிறது.இந்த நாள் கொண்டாடப்படுவதன் நோக்கம் யானைகளை பாதுகாப்பதே ஆகும். இன்றைக்கு உலகத்தில் உள்ள 65 அமைப்புகள் மற்றும் யானைகளை கொண்ட நாடுகள் இந்த தினத்தை கொண்டாடி வருகின்றன. இந்த தினத்தில் தனியார் வளர்க்கும் யானைகளை பாதுகாப்பதும் ஒரு நோக்கமாகும்.முதன் முதலில் இந்த தினம் 2012 ஆக.,12ல் கொண்டாட ஆரம்பிக்கப்பட்டது.
தேசிய நூலக தினம்.
ஆகஸ்ட் 12 - இன்று தேசிய நூலக தினம். சிறப்பு மிக்க இந்த நாள் கொண்டாடப்படுவதற்குக் காரணமானவர், தமிழகத்தை சேர்ந்த சீர்காழி ராமாமிருதம் ரங்கநாதன். இந்திய நூலகத்துறைக்கு ஆர்.ரங்கநாதன் வழங்கிய அற்புதம்தான், 'கோலன் பகுப்புமுறை.' நூல்களைப் பொருள்வாரியாகப் பிரித்து அடுக்குவதற்கான அறிவியல்பூர்வமான அணுகுமுறையே 'கோலன் பகுப்புமுறை' எனப்படுகிறது. இந்தப் பகுப்பு முறை இவரால் ஆராய்ந்து கண்டுபிடிக்கப்பட்டதாகும். இது நூலகத்துறையைச் சார்ந்த பல மேல்நாட்டு அறிஞர்களால் ஏற்றுக்கொள்ளப்பட்டுள்ளது. இந்தியாவில் மட்டுமல்லாது பல்வேறு நாடுகளில் உள்ள நூலகங்களும் இந்த கோலன் பகுப்புமுறையைத்தான் பயன்படுத்துகின்றன.
நூலகவியலுக்கு இவர் செய்த பங்களிப்புக்காக 1957-ம் ஆண்டு, இவருக்கு இந்திய அரசு பத்மஸ்ரீ விருது அளித்து சிறப்பித்தது. இவரது பிறந்த தினத்தைத்தான் 'தேசிய நூலக தின'மாக மத்திய அரசு அறிவித்துள்ளது. இந்த நாளில் சிறந்த நூலகர்களுக்கு விருதுகளும் வழங்கப்படுகிறது. 'இந்திய நூலகத் தந்தை' என்று போற்றப்படும் எஸ்.ஆர்.ரங்கநாதனை, இந்த நாளில் நினைவுகூர்வோம்.
நீதிக்கதை
அன்பு
ஒரு பள்ளியில், ஆசிரியர் நான்கு மாணவிகளை அழைத்து, "உங்கள் சுற்றுப்புறத்தில் அன்பை வெளிப்படுத்தும் ஏதேனும் ஒன்றை கொண்டு வாருங்கள்" என்று அனுப்பி வைத்தார்.
திரும்பி வந்த மூன்று மாணவிகளில்,ஒரு மாணவியின் கையில் அழகான மலர், மற்றொரு மாணவியின் கையில் வண்ணத்துப்பூச்சி, மற்றொரு மாணவியின் கையில் குஞ்சு பறவை போன்றவற்றை தங்கள் கைகளில் வைத்திருந்தனர்.
நான்காவதாக வந்த மாணவியின் கையில் எதுவும் இல்லை.அவரைப் பார்த்து ஆசிரியர்," நீ எதுவும் கொண்டு வரவில்லையா"? என்று கேட்டார்.
அதற்கு அந்த மாணவி," நானும் வெளியில் சென்ற போது மலரை பார்த்தேன். ஆனால் அது அழகாக இருந்ததால் செடியிடமே இருக்கட்டும் என விட்டு விட்டேன்.வண்ணத்துப் பூச்சியையும் பார்த்தேன் அது சுதந்திரமாக பறக்கட்டும் என்று விட்டுவிட்டேன். சின்ன குஞ்சு பறவையையும் பார்த்தேன். ஆனால் அதன் தாய் தேடுமே என்று விட்டுவிட்டேன்" என்று கூறினார்.
அந்த மாணவியை அழைத்து பாராட்டிய ஆசிரியர் "இதுதான் அன்பு" என்று கூறினார்.
நீதி: உங்களால் உலகிற்கு எதையாவது இலவசமாக கொடுக்க முடியும் என்றால் அன்பை கொடுங்கள். ஏனென்றால், உலகம் அன்புக்கு தான் ஏங்கிக் கிடைக்கிறது.
இன்றைய செய்திகள்
12.08.2024
* நாடு முழுவதும், அக்டோபர் 29 முதல் நவம்பர் 28-ம் தேதி வரை வாக்காளர் பட்டியல் திருத்தப் பணிகளை மேற்கொள்ள மாநில தலைமை தேர்தல் அதிகாரிகளுக்கு இந்திய தேர்தல் ஆணையம் உத்தரவு.
* தமிழகத்தில் 2,553 மருத்துவர் பணியிடங்களை நிரப்ப நடவடிக்கை மேற்கொள்ளப்பட்டுள்ளதாக, அமைச்சர் மா.சுப்பிரமணியன் தெரிவித்துள்ளார்.
* தமிழக போக்குவரத்து ஓய்வூதியர்களுக்கு பணப் பலன்களை வழங்க ரூ.38 கோடி ஒதுக்கி அரசாணை வெளியீடு.
* தேசிய விண்வெளி தினத்தை முன்னிட்டு இந்திய ராக்கெட்டுகள் குறித்த சிறப்பு வீடியோவை வெளியிட்டது இஸ்ரோ.
* கடந்த 16 நாட்களாக நடைபெற்ற வந்த பாரிஸ் ஒலிம்பிக் திருவிழா கோலாகலமாக நிறைவு பெற்றது.
* நேஷனல் பேங்க் ஓபன் டென்னிஸ் போட்டி; காலிறுதிக்கு முன்னேறினார் ஜெர்மனியின் ஸ்வெரேவ்.
Today's Headlines
* The Election Commission of India has directed state Chief Electoral Officers to carry out electoral roll revision work from October 29 to November 28 across the country.
* Minister M. Subramanian said that steps have been taken to fill 2,553 doctor posts in Tamil Nadu.
* Ordinance issued to allocate Rs 38 crore to provide cash benefits to Tamil Nadu transport pensioners.
* ISRO has released a special video on Indian rockets on the occasion of National Space Day.
* The last 16 days of the Paris Olympic Festival ended with a bang.
* National Bank Open Tennis Tournament; Germany's Zverev advanced to the quarter-finals.
Prepared by
Covai women ICT_போதிமரம்
பள்ளி மேலாண்மை குழு மறு கட்டமைப்பு நிகழ்ச்சிக்குப் பின்னர் புதிய உறுப்பினர்களின் விவரங்களை EMIS இல் பதிவேற்றம் செய்வது எப்படி...
SMC Reconstitution - EMIS Website Entry Procedure...
>>> தரவிறக்கம் செய்ய இங்கே சொடுக்கவும்...
Schools SMC Reconstitution 2024 - 26
Guidelines:
1.Number of Parents from Marginalised Communities : Atleast (0.75 * parent members)
2.Number of Female Members Mandated: Atleast (0.5* parent members)
3.Each member should be given their mobile numbers. The same mobile number cannot be added for other members.
உறுப்பினர் ஒவ்வொருவருக்கும் தங்களுடைய கைப்பேசி எண்ணை மட்டுமே உள்ளீடு செய்ய வேண்டும். ஒரு உறுப்பினருக்கு அளித்த கைப்பேசி எண்ணை வேறோரு உறுப்பினருக்கு அளிக்க இயலாது.
Select Member category
Chairperson
Vice Chairperson
HM
Teacher Representative
Parent Members
Local Body Representative
Educationist
Alumni
பதிவேற்றம் செய்யப்பட வேண்டிய புகைப்படங்கள் விவரம்...
இந்த 6 பேரை பிளாக் செய்தாலே போதும் - வெற்றி கிடைக்கும்...
வெற்றியாளர்களுக்கான சூத்திரங்களை கற்றுத்தரும் நிகழ்ச்சி அது. பலரும் பலவிதமான ஆலோசனைகளை தந்து தன்னம்பிக்கையை விதைத்து கொண்டிருந்தனர். மதிய நேரம் வந்துவிட்டது. அனைவருக்கும் தன்னம்பிக்கை கதைகளை கேட்டு கேட்டு சலித்து விட்டது. எப்போது பார்த்தாலும் மற்றவரின் வெற்றிக் கதைகளை கேட்டுக் கொண்டிருப்பதால் யாருக்கு என்ன பயன்? இதை செய், செய் என்று சொல்கிறார்களே தவிர இதை செய்யவேண்டாம் என்று யாராவது சொல்கிறார்களா என்றெல்லாம் அந்த வகுப்புக்கு வந்தவர்கள் ஒருவருக்கு ஒருவர் கிண்டல் அடித்துக் கொண்டிருந்தனர்.
அப்போது சாதாரண எளிய மனிதர் ஒருவர் வந்தார். அவரைப் பார்த்தால் பயிற்சியாளர் இல்லை என்பது நன்றாக தெரிந்தது. அவர் அந்த இளைஞர்களின் முன்னின்று இந்த வார்த்தைகளை சொன்னார்.
"இளைஞர்களே கவனியுங்கள். இந்த உலகம் போலி மனிதர்களால் நிறைந்துள்ளது. மக்களை நம்புவது கடினமான ஒன்றாகிறது. சிலர் உங்களிடம் பொய் சொல்கிறார்கள், மற்றவர்கள் உங்களைக் கையாளுகிறார்கள், உங்களை மிதிக்கிறார்கள், உங்களைப் பயன்படுத்துகிறார்கள், உங்களை வெறுக்கிறார்கள். இப்படி இருப்பவர்களை கண்டுபிடித்து அவர்களை பிளாக் செய்து விட்டு வெற்றியை நோக்கிப் செல்லுங்கள் நிச்சயம் வெற்றி பெறுவீர்கள்."
அந்த இளைஞர்களுக்கு சலிப்பு மறைந்து போய் உற்சாகம் கரைபுரண்டு வெகு நேரம் கரகோஷங்களை எழுப்பினர். ஒரு துடிப்பான இளைஞர் அவரைப் பின் தொடர்ந்து சென்று "ஐயா இவ்வளவு பெரிய அறிவுரை தந்த நீங்கள் யார்? " எனக் கேட்க அவர் "நான் பிளாக் செய்யாத ஒரு நபரால் நம்ப வைத்து ஏமாற்றப் பட்டவன்" அந்த மனிதர் இந்த வார்த்தைகளை உதித்து விட்டுக் காணாமல் போய்விட்டார்.
தற்போது இணையதள நட்புகளில் பிடிக்காதவர்களை பிளாக் செய்வது ஃபேஷன் ஆகிவிட்டது. இதையே மாற்றி யோசிப்போம். நம் வாழ்வில் எதிர்வரும் அனைவரும் நமக்கு விருப்பமானவர்களாக இருப்பதில்லை. நம் வெற்றிக்குத் தடையாகவும் சிலர் இருப்பதுண்டு. எப்படி அவர்களை இனம் காண்பது? யாரை யெல்லாம் நாம் பிளாக் (விலக்க) செய்ய வேண்டும்?
*சுயநலவாதிகள்*
நம்மிடம் ஒரு வேலையை வாங்கிக் கொண்டு நமக்கு ஒரு உதவி என்று வரும்போது விலகிப்போகும் நபர்களை தயங்காமல் பிளாக் செய்யுங்கள்.
*சந்தர்ப்பவாதிகள்*
சூழலுக்கு ஏற்ப மாற்றிப் பேசும் அல்லது நடக்கும் சந்தர்ப்பவாதிகளை நம்பவே நம்பாதீர்கள். இவர்களால் மன உளைச்சலுக்கு ஆளாக நேரிடும் என்பதால் தாராளமாக இவர்களை பிளாக் செய்யுங்கள்.
*தோல்வியை ஏற்காதவர்கள்*
வாழ்க்கை என்றால் வெற்றி தோல்வி வருவது சகஜம். ஆனால் தோல்வியை ஏற்காமல் சதா அதையே நினைத்து புலம்புபவர்களை பக்கத்தில் சேர்க்காதீர்கள். அந்த எதிர்மறை நமது வெற்றிக்கு தடையாகிவிடும்.
*சோம்பேறிகள்*
வெற்றிக்குத் தடையாக இருப்பதில் முக்கியமானது சோம்பல். எதையும் செய்யத் துணியாமல் சோம்பலாக இருப்பவர்களை அவர்கள் யார் என்றாலும் பிளாக் செய்து விடுங்கள்.
*ஈகோ உள்ளவர்கள்*
தான் என்ற ஈகோ உள்ளவர்கள் உங்களை முன்னேற விடாமல் நிச்சயம் தடுப்பார்கள். ஏனெனில் அவர்களுக்கு தாங்கள் மட்டுமே முன்னணியில் இருக்கவேண்டும் என்ற எண்ணம் இருக்கும். ஆகவேதான் எனும் ஈகோ உள்ளவரை பிளாக் லிஸ்டில் வையுங்கள்.
*மரியாதை இல்லாதவர்கள்*
சுயமரியாதை என்பது ஒவ்வொரு மனிதனுக்கும் மிகவும் முக்கியம். மரியாதை இன்றி பேசுபவர்கள் மற்றும் மரியாதை தராத நபர்களையும் பிளாக் செய்ய தயங்காதீர்கள்.
தவறுதலாக வழங்கப்பட்ட கூடுதல் சம்பளத் தொகையை வசூலிக்கும் உத்தரவு ரத்து - உயர்நீதிமன்றம்...
சம்பளம் தவறாகவே நிர்ணயிக்கப்பட்டாலும் நெடுநாள் ஆகிவிட்டதால் திரும்பவும் தணிக்கை தடையின் பேரில் வசூலிக்கும் பொழுது அவரின் குடும்ப சூழ்நிலை பாதிக்கும் என்பதால் உயர்நீதிமன்ற தணிக்கை தடையை ரத்து செய்து அவரிடம் பணம் வசூலிக்கப்பட்டிருந்தாலும் திரும்ப ஒப்படைக்க உத்தரவிடப்பட்டுள்ளது...
திணறும் அரசு பள்ளி ஹைடெக் லேப்கள்; திண்டாடும் தலைமையாசிரியர்கள்...
கல்வித்துறையில் திட்டமிடல் இல்லாத கல்விச் செயல்பாடுகளால் அரசு பள்ளி ஹைடெக் லேப்களை பராமரிக்க முடியாமல் தலைமையாசிரியர்கள் திண்டாடுகின்றனர்.
அனைத்து அரசு உயர், மேல்நிலை பள்ளிகளிலும் ஹைடெக் லேப் வசதி உள்ளது. உயர்நிலை பள்ளி லேப்பில் 10, மேல்நிலை லேப்பில் 20 கம்ப்யூட்டர்கள் உள்ளன.
எமிஸ் பதிவுகள், ஆன்லைன் வினாடி வினா தேர்வு, வேலை வாய்ப்பு நிகழ்ச்சிகள் (கேரியர் கைடன்ஸ்), நான் முதல்வன் திட்டம், யூடியூப் லிங்க் மூலம் கற்பித்தல், மொழி ஆய்வகம் (லாங்வேஜ் லேப்) உள்ளிட்ட தொழில்நுட்பம் சார்ந்த திட்டங்கள் ஹைடெக் லேப்களில் செயல்படுத்த உத்தரவிடப்பட்டுள்ளன.
இதனால் மின் கட்டணம், இணையதள பயன்பாட்டு கட்டணம் பல மடங்கு அதிகரித்துள்ள நிலையில் நுாற்றுக்கும் மேற்பட்ட மாணவர்கள் எண்ணிக்கை உள்ள பள்ளிகளில் இத்திட்டங்களை செயல்படுத்துவது பெரும் சவாலாக உள்ளது.
திட்டங்களை ஏற்படுத்துவது ஒரு அதிகாரியாகவும், அதை செயல்படுத்த உத்தரவிடுவது மற்றொரு அதிகாரியாகவும் இருப்பதால், பட்ஜெட்டில் ஒதுக்கப்பட்ட நிதியை செலவிட வேண்டும் என்ற நோக்கத்தில் நடைமுறைக்கு சாத்தியமில்லாத திட்டங்களை செயல்படுத்த கட்டாயப்படுத்துவதால் தான் இதுபோன்ற சிக்கல் ஏற்படுவதாக குற்றச்சாட்டுகள் எழுந்துள்ளன.
தலைமையாசிரியர்கள் கூறியதாவது: அரசு பள்ளிகளில் ஹைடெக் லேப்களை 24 மணிநேரம் தயாராக வைத்திருக்க உத்தரவிடப்பட்டுள்ளது. வெள்ளி தோறும் மொழி ஆய்வகம் என்ற பெயரில் ஆங்கிலத்தில் வல்லுநர்கள் பேசுவதை மாணவர்கள் 'ஹெட்போன்' அணிந்து கேட்க வேண்டும்.
ஒரு பள்ளிக்கு பத்து தான் வழங்கப்பட்டுள்ளது. 100க்கும் மேற்பட்ட மாணவர்கள் உள்ள பள்ளிகளில் அந்த நாள் முழுவதும் இந்த நிகழ்ச்சியை நடத்த வேண்டிய சூழல் ஏற்படுகிறது. கற்பித்தல் பணி கடுமையாக பாதிக்கப்படுகிறது. பல்வேறு செயல்பாடுகள் மூலம் இணையதள பயன்பாடு, மின்கட்டணமும் எகிறுகிறது. மூன்று மாதமாக மின் கட்டணத்தை அரசு வழங்கவில்லை.
நடைமுறைக்கு சாத்தியமில்லாத சில திட்டங்களை ஒருங்கிணைந்த கல்வித்திட்ட அதிகாரிகள் உருவாக்குகின்றனர். நடைமுறை சிரமங்கள் இருந்தாலும் அதை செயல்படுத்த கல்வித்துறை இயக்குநர் உத்தரவிடுகிறார்.
துறைரீதியான ஒருங்கிணைப்பு இல்லாததால் கள நிலவரத்தில் தலைமையாசிரியர்கள், ஆசிரியர்கள் பாடுதான் திண்டாட்டமாக உள்ளது. இந்நிலை மாற வேண்டும் என்றனர்.
நன்றி : தினமலர்
2024-2025 ஆம் கல்வியாண்டு - அரசு மற்றும் அரசு உதவி பெறும் பள்ளிகளில் 1 ஆம் வகுப்பு முதல் 12 ஆம் வகுப்பு வரை "கலைத்திருவிழா" Kalai Thiruvizha போட்டிகள் நடத்துதல் - கால அட்டவணை & வழிகாட்டு நெறிமுறைகள் - பள்ளிக்கல்வி இயக்குநர், தொடக்கக் கல்வி இயக்குநர் மற்றும் மாநிலத் திட்ட இயக்குநர் செயல்முறைகள் வெளியீடு...
Academic Year 2024-2025 – Conduct of “Art Festival” Competitions in Government and Government Aided Schools from Class 1 to Class 12 – Time Table & Guidelines – Proceedings of Director of School Education, Director of Elementary Education and State Project Director…
கலைத் திருவிழா 2024-2025
🏫 பள்ளிகளில் "கலைத் திருவிழா" - வகுப்பு 1 முதல் 12 வரை கலைத் திருவிழா போட்டிகள் நடத்துதல் - வழிகாட்டு நெறிமுறைகள் வெளியீடு...
👉 பள்ளி அளவில் போட்டிகள் நடக்கும் தேதி அறிவிப்பு...
📌 EMIS இணையதளத்தில் கலைத் திருவிழாவில் கலந்து கொள்ளும் மாணவர்களின் பெயர்களை பதிவேற்றம் செய்யும் வழிமுறைகள் பள்ளி அளவில் போட்டிகள் நடத்துதல் வட்டார அளவிலான போட்டிகளுக்கு மாணவர்களுக்கு தேர்வு செய்தல்...
>>> தரவிறக்கம் செய்ய இங்கே சொடுக்கவும்...
பள்ளி காலை வழிபாட்டுச் செயல்பாடுகள் 15-11-2024 - School Morning Prayer Activities... திருக்குறள்: பால் :பொருட்பால் அதிகாரம் தீ நட்பு...
