கோழிக்கோட்டில் ஷிகெல்லா நோய் பாதித்து 4 வயது சிறுமி உயிரிழப்பு - 123 பேருக்கு பாதிப்பு - பரவும் வழிகள், தடுப்பு முறைகள்

 

கோழிக்கோட்டில் ஷிகெல்லா நோய் பாதித்து 4 வயது சிறுமி உயிரிழப்பு - 123 பேருக்கு பாதிப்பு - பரவும் வழிகள், தடுப்பு முறைகள்

கோழிக்கோட்டில் ஷிகெல்லா நோய் பாதித்து மூன்று சிறுமிகள் மருத்துவக் கல்லூரி மருத்துவமனையில் அனுமதிக்கப்பட்ட நிலையில் இரண்டு சிறுமிகள் குணமடைந்துள்ளனர் . ஒரு சிறுமி உயிர் இழந்துள்ளார் என கேரள மாநில  சுகாதாரத்துறை அமைச்சர் திருமுருளிதரன் தெரிவித்துள்ளார்.

ஷிகெல்லா நோய்      

 ஷிகெல்லா தொற்று (Shigellosis) என்பது ஷிகெல்லா (Shigella) எனப்படும் பாக்டீரியாவால் குடலில் ஏற்படும் ஒரு தீவிரமான தொற்று நோயாகும். 

இது கடுமையான வயிற்றுப்போக்கு, ரத்தத்துடன் கூடிய மலம் மற்றும் வயிற்றுவலியை ஏற்படுத்துகிறது.

பரவும் வழிகள்:

அசுத்தமான உணவு மற்றும் குடிநீர் மூலம் எளிதில் பரவுகிறது.

பாதிக்கப்பட்ட நபரின் மலம் படிந்த பொருள்கள், கைகள் மூலமாக மற்றவர்களுக்குப் பரவுகிறது.

சுகாதாரமற்ற கழிவறைகளைப் பயன்படுத்துவதாலும், நெருங்கிய தொடர்புகளாலும் பரவ வாய்ப்புள்ளது.

அறிகுறிகள்:

கடுமையான வயிற்றுப்போக்கு (மலத்தில் ரத்தம் மற்றும் சளி காணப்படலாம்).

அதிக காய்ச்சல் மற்றும் குளிர்.

தீவிரமான வயிற்று வலி மற்றும் தசைப்பிடிப்பு.

குமட்டல் மற்றும் வாந்தி.

பாதுகாப்பு மற்றும் சிகிச்சை:

பாதிக்கப்பட்டவர்களுக்கு உடலில் நீர்ச்சத்து குறைவதைத் (Dehydration) தடுக்க, ORS கரைசல் மற்றும் அதிக நீர் ஆகாரங்கள் கொடுக்க வேண்டும்.

அறிகுறிகள் தென்பட்டவுடன் மருத்துவரை அணுகி, மருத்துவரின் பரிந்துரைப்படி ஆன்டிபயாடிக் (Antibiotic) மருந்துகளை உட்கொள்ள வேண்டும்.

கைகளைச் சோப்பு போட்டு அடிக்கடி சுத்தமாகக் கழுவுதல் மற்றும் பாதுகாப்பான குடிநீரைப் பயன்படுத்துதல் மூலம் இந்நோயைத் தடுக்கலாம்.