தேர்தல் பணியில் ஈடுபடுவோர் விருப்பப்பட்டால், முன்னுரிமை அடிப்படையில் கொரோனா தடுப்பூசி போடப்படும். கட்டாயம் கிடையாது - தலைமை தேர்தல் அதிகாரி சத்யபிரதா சாஹு (நாளிதழ் செய்தி)...

 

இன்றைய செய்திகள் தொகுப்பு... 05-03-2021 (வெள்ளி)...

 

🌹பொய்கள் உண்மையாகும் போது 

உண்மைகள் ஊமையாக வாழ நேரிடும் அதற்கு தோல்வி என்று அர்த்தமில்லை.

உண்மை என்பது உறுதியாக மீண்டும் ஒருநாள் நிறுத்தப்படும் 

அன்று பொய்கள் முகவரி இல்லாமல் கிழிந்து அவல நிலையில் நிற்கும் என்பது மட்டும் உண்மை.!

🌹🌹இறுதிவரை வாழ்க்கை இப்படியே இருக்க வேண்டும் என்ற

ஆசை சிலருக்கு

இப்படியே இருந்துவிடுமோ என்ற கவலை பலருக்கு.!!

🌹🌹🌹நேற்றுவரை முக்கியமாக இருந்த நாம் இன்று யாரோவாக பார்க்கப்படுன்றோம் என்று உணர்ந்தால் அடுத்த நொடி அமைதியாக விலகி விடுவது நல்லது.!!!

அனைவருக்கும் இனிய காலை வணக்கம்.

🙏🙏🙏🙏🙏🙏🙏🙏🙏🙏

🍒🍒சட்டப்பேரவைத் தேர்தலைக் காரணம் காட்டி ஆசிரியர்களை கொரோனா தடுப்பூசி போட்டுக்கொள்ள கட்டாயப்படுத்தக் கூடாது என தமிழ்நாடு தொடக்கப்பள்ளி ஆசிரியர் மன்றத்தின் பொதுச்செயலாளர் நா.சண்முகநாதன் கோரிக்கை விடுத்துள்ளார்.

இதுகுறித்து நேற்று அவர் வெளியிட்டுள்ள செய்திக் குறிப்பு:

'மத்திய, மாநில அரசுகளின் கொரோனா பரவல் தடுப்பு நடவடிக்கைகளைத் தொடக்கப்பள்ளி ஆசிரியர் மன்றம் பெரிதும் வரவேற்கிறது. மத்திய, மாநில அரசுகளின் ஆக்கப்பூர்வமான நடவடிக்கைகளுக்கு முழு ஆதரவும் அளித்து வருகிறது.அதேசயம், கொரோனா தடுப்பூசி குறித்து பொதுமக்கள், ஆசிரியர், அரசு ஊழியர்களால் எழுப்பப்பட்டு வரும் அச்சங்களுக்கு மத்திய, மாநில அரசுகள் வெளிப்படையான விளக்கம் அளிக்க வேண்டும். மேலும், கொரோனா தடுப்பூசி போட்டுக்கொள்வதால் ஏற்படும் பக்கவிளைவுகள் குறித்தும், உயிரிழப்பு குறித்தும் அரசு விளக்கம் அளிக்க வேண்டிய தேவை உள்ளது.கொரோனா தடுப்பூசியின் உயிர் பாதுகாப்பு குறித்தும், மருந்தின் நம்பகத்தன்மை குறித்தும் அனைத்துத் தரப்பினரும் திருப்தி கொள்ளும் வகையில் விளக்கம் தரப்பட வேண்டும்.

சட்டப்பேரவைத் தேர்தலைக் காரணம் காட்டி ஆசிரியர்களைக் கொரோனா தடுப்பூசி போட்டுக்கொள்ள வேண்டும் எனத் தமிழக அரசு கட்டாயப்படுத்தக் கூடாது''

இவ்வாறு நா.சண்முகநாதன் தெரிவித்துள்ளார்.

⛑⛑மே 3-ம் தேதி திட்டமிட்டபடி பிளஸ் 2 தேர்வு நடக்கும் -பள்ளிக் கல்வித் துறை அறிவிப்பு

⛑⛑G.O-23-ஆதி திராவிடர் மற்றும் பழங்குடியினர் நலம் - விதி எண்.110-இன் கீழ் முதலமைச்சரின் அறிவிப்பு – 9 பழங்குடியினர் உண்டி உறைவிடப் பள்ளிகளை நிலை உயர்த்துதல் – நிருவாக ஒப்பளிப்பு செய்து அரசாணை வெளியீடு

⛑⛑பள்ளிக் கல்வி- IGNOU பல்கலைக்கழகம் மூலம்  ஆசிரியர்களுக்கான திறன் மேம்பாட்டு பயிற்சி படிப்பு (PGDET)- சார்ந்து- பள்ளிக் கல்வி இயக்குநரின் செயல்முறைகள் வெளியிடப்பட்டுள்ளது. 

⛑⛑9, 10, 11-ம் வகுப்பு மாணவர்கள் அனைவரும் தேர்ச்சி அறிவிப்பை மறுபரிசீலனை செய்ய வேண்டும்: தனியார் பள்ளிகள் சங்கங்களின் கூட்டமைப்பு வலியுறுத்தல்

⛑⛑பத்தாம் வகுப்பு மாணவர்களுக்கு, தேர்வு இன்றி மதிப்பெண் நிர்ணயிப்பது எப்படி என, உரிய விதிகளை முன்கூட்டியே அறிவிக்க வேண்டும் என, பெற்றோரும், பள்ளி நிர்வாகிகளும் வலியுறுத்தி உள்ளனர்

⛑⛑எம்.பி.பி.எஸ்., மருத்துவப் படிப்பில் சேருவதற்கான, நடப்பு ஆண்டு, 'நீட்' தேர்வை, 'ஆன்லைன்' வாயிலாக நடத்தும் திட்டம் இல்லை. வரும், ஜூன் - ஜூலையில், வினாத்தாளில் கையால் எழுதும் வழக்கமான நடைமுறையிலேயே, தேர்வு நடத்தப்படும்' என, மத்திய அரசு தெரிவித்துள்ளது.

⛑⛑'பிளஸ் 2 பொதுத் தேர்வையொட்டி சட்டசபை தேர்தல் பணிகளில் இருந்து மதுரையில் முதுநிலை ஆசிரியர்களுக்கு விலக்கு அளிக்க வேண்டும்,' என மாவட்ட ஆட்சியரிடம்  வலியுறுத்தப்பட்டுள்ளது.

⛑⛑கருணை அடிப்படையில் விண்ணப்பிக்கும் வாரிசுக்கு விரைவில் வேலை: அதிகாரிகளுக்கு மின்வாரியம் அறிவுறுத்தல்

⛑⛑தேர்தல் பணியில் ஈடுபடுத்தப்படும் அரசு ஊழியர்களுக்கு தனி வாக்குச்சாவடி அமைக்கக்கோரி வழக்கு -மார்ச் 8-ம் தேதிக்குள் பதிலளிக்க தேர்தல் ஆணையத்திற்கு சென்னை உயர்நீதிமன்றம் உத்தரவு.

⛑⛑சென்னை சிப்காட் நிறுவனத்தில் உதவி பொறியாளர் வேலைவாய்ப்பு - விண்ணப்பிக்க கடைசி நாள்: 20-03-2021

⛑⛑மாணவர்களுக்கு வழங்க முயன்ற இலவச ஸ்கூல் பேக்குகள் பறிமுதல்-தேர்தல் பறக்கும் படையினர் நடவடிக்கை.

⛑⛑ தேர்தல் பயிற்சி கால அட்டவணை வெளியீடு 

18.03.21 வியாழன்

26.03.21 வெள்ளி

3.4.21 சனி

5.4.21 திங்கள்

⛑⛑சசிகலா மீண்டும் அரசியலுக்கு வரக்கோரி தி.நகர் இல்லம் முன்பு அவரது ஆதரவாளர்கள் தர்ணா போராட்டத்தில் ஈடுபட்டு வருகின்றனர். 

சசிகலா அறிவிப்பு மன உளைச்சலை ஏற்படுத்தியுள்ளது, மறு பரிசீலனை செய்ய வேண்டுமென அவர்கள் கோரிக்கை

⛑⛑ஓடிடி தளங்களை முறைப்படுத்துவதற்கான ஒழுங்குமுறை விதிகளை இன்றுக்குள் பிரமாணப் பத்திரமாக தாக்கல் செய்ய வேண்டும்.

-மத்திய அரசுக்கு உச்சநீதிமன்றம் உத்தரவு.

⛑⛑6 தொகுதிகளிலும் விசிக தனிச் சின்னத்தில் போட்டியிடும் 

6 தொகுதிகளை பெற விசிகவில் எதிர்ப்பு இருந்தாலும் வாக்குகள் சிதறக்கூடாது என உடன்பாடு 

- திருமாவளவன்

⛑⛑லலிதா ஜுவல்லரி தொடர்புடைய 10கும் மேற்பட்ட இடங்களில் வருமான வரித்துறையினர் சோதனை.

⛑⛑புதுச்சேரியில் என்.ஆர்.காங். - பாஜக இடையே நீடிக்கும் இழுபறி

தொகுதி பங்கீட்டில் சுமுக உடன்பாடு  எட்டப்படவில்லை என தகவல்.

⛑⛑சென்னையில் உள்ள தனியார் மருத்துவமனை ஒன்றில் கொரோனா தடுப்பூசி போட்டுக்கொண்டார் தமிழக காங்கிரஸ் தலைவர் கே.எஸ் அழகிரி.

⛑⛑அனைத்து வாக்காளர்களுக்கும் வாக்காளர் தகவல் சீட்டு வழங்கப்படும். 

தகவல் சீட்டில் வாக்குச்சாவடி மையம், வாக்குப்பதிவு நாள், வாக்குப்பதிவு நேரம் ஆகிய விவரங்கள் இடம்பெற்றிருக்கும்.

- தலைமைத் தேர்தல் அதிகாரி

⛑⛑திமுக உடனான தொகுதிப்பங்கீடு பேச்சுவார்த்தை சுமூகமாக முடிவடைந்தது.

இன்று ஒப்பந்தம் கையெழுத்தாகும்.எத்தனை தொகுதிகள் என்பதை அப்போது தெரிவிக்கிறோம் - இந்திய கம்யூனிஸ்ட் கட்சி மாநில செயலாளர் முத்தரசன் பேட்டி.

⛑⛑இன்று காலை 9 மணிக்கு திமுக மாவட்டச் செயலாளர்கள் கூட்டம் காணொலி வாயிலாக நடைபெறும்

- திமுக பொதுச்செயலாளர் துரைமுருகன்

⛑⛑80 வயதுக்கு மேற்பட்டவர்கள் மற்றும் மாற்றுத்திறனாளிகளுக்கு தபால் வாக்கு அளிக்கும் 12 D படிவத்தை வெளியிட்டுள்ளது தேர்தல் ஆணையம்.

⛑⛑ஜல்லிக்கட்டு புரட்சியில் உருவான தமிழ்நாடு இளைஞர் கட்சி மக்கள் நீதி மய்யத்துடன் கூட்டணி வைத்து தேர்தலில் போட்டியிடுவதாக அறிவிப்பு.

⛑⛑தமிழகத்தில் பாஜக செயல்பாட்டை தடுத்து நிறுத்துவதே என்னுடைய முக்கியப் பணி; காங்கிரஸ் எம்.பி., ராகுல் காந்தி பேட்டி.

⛑⛑ட்ரில்லியன் பொருளாதாரமாக தமிழகத்தை மாற்றாமல் ஓயமாட்டேன் என மக்கள் நீதி மய்யம் கட்சி தலைவர் கமல்ஹாசன் சூளுரை

⛑⛑கோவாக்சின் தடுப்பூசி 81 சதவிகிதம் செயல்திறன் கொண்டுள்ளதாக மூன்றாம் கட்ட பரிசோதனை முடிவில் பாரத் பயோடெக் நிறுவனம் அறிவிப்பு.

⛑⛑இந்தியாவில் ஊடக சுதந்திரம் மற்றும் போராட்டக்காரா்களுக்கான பாதுகாப்பு விவகாரங்கள் குறித்து பிரிட்டன் நாடாளுமன்றத்தில் அடுத்த வார மாா்ச் 8 விவாதம் நடத்த முடிவு செய்யப்பட்டுள்ளது.

⛑⛑அமெரிக்காவில் ஊரடங்கு தளர்வுகள் அறிவிக்கப்பட்டு வருவதால் சுகாதார நிபுணர்கள் எச்சரிக்கை விடுத்துள்ளனர்.

⛑⛑சீனாவில் வரும் ஜூன் மாதத்துக்குள் 40 சதவீத மக்களுக்கு கரோனா தடுப்பூசி செலுத்த அந்த நாட்டு அரசு திட்டமிட்டுள்ளது.

⛑⛑சென்னை வந்தடைந்த ‘தல’ தோனிக்கு உற்சாக வரவேற்பு 2021 ஆம் ஆண்டு ஐபிஎல் போட்டிகள் மார்ச் இறுதியில் அல்லது ஏப்ரல் மாதம் நடைபெறும் என்று எதிர்பார்க்கப்படும் நிலையில் ஐபிஎல் போட்டிகளில் விளையாடுவதற்காகவும், பயிற்சி செய்வதாகவும் தல தோனி புதன்கிழமை  சென்னை வந்தடைந்தார்.

⛑⛑அம்மாவின் ஆன்மா சாந்தி அடையும் வகையில் சசிகலா முடிவை அறிவித்துள்ளார்

கே.பி முனுசாமி அதிமுக

⛑⛑அதிமுகவை உரசிப்பார்க்க வேண்டாம்: 

எல்.கே.சுதீஷுக்கு வைகைச் செல்வன் கண்டனம்

🙏🙏🙏🙏🙏🙏🙏🙏                                

என்றும் அன்புடன்

சு.வேலுமணி M.A.,B.Ed.,

தலைமையாசிரியர்                                                         & மாவட்டச் செயலாளர்.

தமிழ்நாடு தொடக்கப்பள்ளி ஆசிரியர் மன்றம்,

கரூர் மாவட்டம்.

அலைபேசி:9003599926

இன்றைய (05-03-2021) ராசி பலன்கள், நட்சத்திர பலன்கள்...

மேஷம்

மார்ச் 05, 2021

மாசி 21 - வெள்ளி

உயர் அதிகாரிகளிடம் அனுசரித்து செல்லவும். வாகனம் தொடர்பான பயணங்களில் கவனம் வேண்டும். மற்றவர்களின் குறைகளை சுட்டிக்காட்டுவதை தவிர்க்கவும். வியாபாரம் தொடர்பான செயல்பாடுகளில் வாடிக்கையாளர்களிடம் அனுசரித்து செல்லவும். வெளியிடங்களில் வீண் வாக்குவாதங்களை தவிர்க்கவும்.

அதிர்ஷ்ட திசை : மேற்கு

அதிர்ஷ்ட எண் : 5

அதிர்ஷ்ட நிறம் : பிரவுன் நிறம்

அஸ்வினி : அனுசரித்து செல்லவும்.

பரணி : கவனம் வேண்டும்.

கிருத்திகை : வாக்குவாதங்களை தவிர்க்கவும்.

---------------------------------------

ரிஷபம்

மார்ச் 05, 2021

மாசி 21 - வெள்ளி

வர்த்தகம் தொடர்பான பணிகளில் லாபம் மேம்படும். வெளியூர் பயணங்களால் நன்மை உண்டாகும். குடும்ப உறுப்பினர்களுடன் கேளிக்கைகள் தொடர்பான செயல்பாடுகளில் ஈடுபட்டு மனம் மகிழ்வீர்கள். நட்பு வட்டம் விரிவடையும். உயர் அதிகாரிகளின் ஆதரவினால் சில பணிகளை செய்து முடிப்பீர்கள். பிள்ளைகளின் விருப்பங்களை நிறைவேற்றி வைப்பீர்கள். முயற்சிக்கேற்ப முன்னேற்றமான வாய்ப்புகள் கிடைக்கும்.

அதிர்ஷ்ட திசை : வடக்கு

அதிர்ஷ்ட எண் : 1

அதிர்ஷ்ட நிறம் : ஆரஞ்சு நிறம்

கிருத்திகை : லாபம் மேம்படும்.

ரோகிணி : நட்பு விரிவடையும்.

மிருகசீரிஷம் : முன்னேற்றமான நாள். 

---------------------------------------

மிதுனம்

மார்ச் 05, 2021

மாசி 21 - வெள்ளி

கணவன், மனைவிக்கிடையே இருந்துவந்த கருத்து வேறுபாடுகள் நீங்கி ஒற்றுமை அதிகரிக்கும். குழந்தைகளுடன் வெளியிடங்களுக்கு சென்று மனம் மகிழ்வீர்கள். வழக்கு தொடர்பான செயல்பாடுகளில் சாதகமான முடிவுகள் கிடைக்கும். நீண்ட நாட்களாக இழுபறியாக இருந்துவந்த பணிகளை செய்து முடிப்பீர்கள். உத்தியோகத்தில் இருப்பவர்களுக்கு திறமைகளை வெளிப்படுத்துவதற்கான சூழ்நிலைகள் உண்டாகும். நண்பர்களின் ஒத்துழைப்பு மற்றும் சிலரது புதிய அறிமுகத்தின் மூலம் மாற்றங்கள் உண்டாகும்.

அதிர்ஷ்ட திசை : கிழக்கு

அதிர்ஷ்ட எண் : 3

அதிர்ஷ்ட நிறம் : சிவப்பு நிறம்

மிருகசீரிஷம் : மகிழ்ச்சியான நாள்.

திருவாதிரை : இழுபறிகள் அகலும்.

புனர்பூசம் : அறிமுகம் கிடைக்கும்.

---------------------------------------

கடகம்

மார்ச் 05, 2021

மாசி 21 - வெள்ளி

கலைத்துறையில் இருப்பவர்களுக்கு எதிர்பாராத பயணங்களை மேற்கொள்வதற்கான வாய்ப்புகள் உண்டாகும். வியாபாரம் தொடர்பான நுணுக்கமான விஷயங்களை அறிந்து கொள்வீர்கள். அலுவலகத்தில் உடனிருப்பவர்கள் ஆதரவாக செயல்படுவார்கள். கூட்டுத்தொழிலில் முன்னேற்றமான சூழ்நிலைகள் அமையும். சுபகாரியங்கள் தொடர்பான செயல்பாடுகளில் இருந்துவந்த தடை, தாமதங்கள் அகலும். மனதில் நினைத்த காரியங்களை எண்ணிய விதத்தில் செய்து முடிப்பீர்கள்.

அதிர்ஷ்ட திசை : தெற்கு

அதிர்ஷ்ட எண் : 7

அதிர்ஷ்ட நிறம் : ஊதா நிறம்

புனர்பூசம் : நுணுக்கங்களை அறிவீர்கள்.

பூசம் : முன்னேற்றமான நாள்.

ஆயில்யம் : எண்ணங்கள் ஈடேறும்.

---------------------------------------

சிம்மம்

மார்ச் 05, 2021

மாசி 21 - வெள்ளி

வாக்குறுதிகளை அளிக்கும் பொழுது சிந்தித்து செயல்படவும். உடனிருப்பவர்களின் ஆலோசனைகள் மூலம் குழப்பங்களுக்கு தீர்வு கிடைக்கும். உத்தியோகம் தொடர்பான செயல்பாடுகளில் பொறுப்புகள் அதிகரிக்கும். பிள்ளைகளின் ஆரோக்கியம் தொடர்பான செயல்பாடுகளில் சற்று கவனம் வேண்டும். உறவினர்களிடம் எதிர்பார்த்த உதவிகள் கிடைக்கும்.

அதிர்ஷ்ட திசை : கிழக்கு

அதிர்ஷ்ட எண் : 4

அதிர்ஷ்ட நிறம் : ஊதா நிறம்

மகம் : சிந்தித்து செயல்படவும்.

பூரம் : பொறுப்புகள் அதிகரிக்கும்.

உத்திரம் : உதவிகள் கிடைக்கும்.

---------------------------------------

கன்னி

மார்ச் 05, 2021

மாசி 21 - வெள்ளி

குடும்ப உறுப்பினர்களுக்கிடையே உங்களின் கருத்துக்களுக்கு மதிப்புகள் அதிகரிக்கும். திறமைகளை வெளிப்படுத்துவதற்கான வாய்ப்புகளும், பாராட்டுகளும் கிடைக்கும். உடன்பிறந்தவர்களிடம் இருந்துவந்த கருத்து வேறுபாடுகள் நீங்கி ஒற்றுமை மேம்படும். பூர்வீக சொத்துக்கள் தொடர்பான பிரச்சனைகளுக்கு தீர்வு கிடைக்கும். மனதில் தன்னம்பிக்கை அதிகரிக்கும். உயர் அதிகாரிகளிடம் எதிர்பார்த்த வாய்ப்புகள் கிடைக்கும்.

அதிர்ஷ்ட திசை : கிழக்கு

அதிர்ஷ்ட எண் : 3

அதிர்ஷ்ட நிறம் : மஞ்சள் நிறம்

உத்திரம் : மதிப்புகள் அதிகரிக்கும்.

அஸ்தம் : பாராட்டுகள் கிடைக்கும்.

சித்திரை : தன்னம்பிக்கை அதிகரிக்கும்.

---------------------------------------

துலாம்

மார்ச் 05, 2021

மாசி 21 - வெள்ளி

மாணவர்களுக்கு விளையாட்டு போட்டிகளில் ஆர்வம் அதிகரிக்கும். மனதில் இருந்துவந்த கவலைகள் விலகும். எதிர்பார்த்த தனவரவுகள் கிடைக்கும். குடும்ப உறுப்பினர்களின் மூலம் அனுகூலமான சூழல் உண்டாகும். புதிய ஒப்பந்தம் தொடர்பான செயல்பாடுகளில் எதிர்பார்ப்புகள் நிறைவேறும். உத்தியோகம் தொடர்பான செயல்பாடுகளில் மேன்மை உண்டாகும். கணவன், மனைவிக்கிடையே நெருக்கம் அதிகரிக்கும்.

அதிர்ஷ்ட திசை : தெற்கு

அதிர்ஷ்ட எண் : 6

அதிர்ஷ்ட நிறம் : பச்சை நிறம்

சித்திரை : ஆர்வம் அதிகரிக்கும்.

சுவாதி : அனுகூலமான நாள்.

விசாகம் : நெருக்கம் அதிகரிக்கும்.

---------------------------------------

விருச்சகம்

மார்ச் 05, 2021

மாசி 21 - வெள்ளி

புதிய செயல்கள் மற்றும் முயற்சிகளை மேற்கொள்ளும்போது சிந்தித்து செயல்படவும். தனவரவுகள் திருப்திகரமாக இருக்கும். மனதில் சுதந்திர தன்மை அதிகரிக்கும். சிறு தூர பயணங்களின் மூலம் மனதில் மாற்றங்கள் உண்டாகும். குடும்ப உறுப்பினர்களின் விருப்பங்களை நிறைவேற்றி வைப்பீர்கள். வியாபாரம் தொடர்பான செயல்பாடுகளில் நண்பர்களின் ஒத்துழைப்பு கிடைக்கும்.

அதிர்ஷ்ட திசை : மேற்கு

அதிர்ஷ்ட எண் : 1

அதிர்ஷ்ட நிறம் : சிவப்பு நிறம்

விசாகம் : சிந்தித்து செயல்படவும்.

அனுஷம் : மாற்றங்கள் உண்டாகும்.

கேட்டை : ஒத்துழைப்பு கிடைக்கும். 

---------------------------------------

தனுசு

மார்ச் 05, 2021

மாசி 21 - வெள்ளி

குடும்ப உறுப்பினர்களிடம் தேவையற்ற விவாதங்களை தவிர்க்கவும். கடன் தொடர்பான பிரச்சனைகள் ஓரளவு குறையும். உத்தியோகம் தொடர்பான செயல்பாடுகளில் ஆதரவான சூழ்நிலைகள் உண்டாகும். பேச்சுக்களில் கோபத்தை குறைத்து நிதானத்தை கடைபிடிக்கவும். நீண்ட நாட்களாக இருந்துவந்த பிரச்சனைகள் குறைந்து மகிழ்ச்சி உண்டாகும். தனவரவுகளில் ஏற்ற, இறக்கமான சூழ்நிலைகள் உண்டாகும்.

அதிர்ஷ்ட திசை : தெற்கு

அதிர்ஷ்ட எண் : 8

அதிர்ஷ்ட நிறம் : இளநீலம்

மூலம் : பிரச்சனைகள் குறையும்.

பூராடம் : ஆதரவு கிடைக்கும்.

உத்திராடம் : ஏற்ற, இறக்கமான நாள்.

---------------------------------------

மகரம்

மார்ச் 05, 2021

மாசி 21 - வெள்ளி

குடும்பத்தில் மகிழ்ச்சியான சூழ்நிலைகள் உண்டாகும். உடல் ஆரோக்கியத்தில் கவனம் வேண்டும். மன்றம் தொடர்பான பணிகளில் பொறுப்புகள் அதிகரிக்கும். வியாபாரம் தொடர்பான வெளியூர் பயணங்களில் அனுகூலமான சூழ்நிலைகள் உண்டாகும். சுபகாரியங்கள் தொடர்பான பேச்சுவார்த்தைகள் சாதகமாக முடியும். மனதில் பழைய சிந்தனைகளின் மூலம் சோர்வு ஏற்பட்டு நீங்கும்.

அதிர்ஷ்ட திசை : தெற்கு

அதிர்ஷ்ட எண் : 2

அதிர்ஷ்ட நிறம் : ஊதா நிறம்

உத்திராடம் : மகிழ்ச்சியான நாள்.

திருவோணம் : பொறுப்புகள் அதிகரிக்கும்.

அவிட்டம் : சாதகமான நாள்.

---------------------------------------

கும்பம்

மார்ச் 05, 2021

மாசி 21 - வெள்ளி

பழைய உறவினர்களை சந்தித்து மனம் மகிழ்வீர்கள். மனதில் இருந்துவந்த குழப்பங்கள் நீங்கி தெளிவு கிடைக்கும். உத்தியோகம் தொடர்பான பணிகளில் மாற்றமான சூழல் உண்டாகும். அரசு தொடர்பான செயல்பாடுகளில் இழுபறிகள் அகலும். மனதிற்கு பிடித்த பொருட்களை வாங்கி மகிழ்வீர்கள். வியாபார அபிவிருத்தி தொடர்பான சிந்தனைகள் மேம்படும். பொருளாதார நெருக்கடிகள் குறையும்.

அதிர்ஷ்ட திசை : மேற்கு

அதிர்ஷ்ட எண் : 5

அதிர்ஷ்ட நிறம் : நீலநிறம்

அவிட்டம் : தெளிவு கிடைக்கும்.

சதயம் : இழுபறிகள் அகலும்.

பூரட்டாதி : நெருக்கடிகள் குறையும்.

---------------------------------------

மீனம்

மார்ச் 05, 2021

மாசி 21 - வெள்ளி

வியாபாரம் தொடர்பான பணிகளில் முன்னேற்றம் உண்டாகும். கொடுக்கல், வாங்கல் தொடர்பான செயல்பாடுகளில் லாபம் மேம்படும். தந்தையின் ஆரோக்கியம் தொடர்பான இன்னல்கள் குறையும். வெளியூர் பயணங்களின் மூலம் அனுபவம் அதிகரிக்கும். குடும்ப உறுப்பினர்களின் மூலம் மகிழ்ச்சியான சூழல் உண்டாகும். இணைய பணிகளில் மேன்மையான சூழல் ஏற்படும். தனவரவுகளின் மூலம் சேமிப்புகள் அதிகரிக்கும்.

அதிர்ஷ்ட திசை : வடக்கு

அதிர்ஷ்ட எண் : 4

அதிர்ஷ்ட நிறம் : ஊதா நிறம்

பூரட்டாதி : முன்னேற்றம் உண்டாகும்.

உத்திரட்டாதி : அனுபவம் அதிகரிக்கும்.

ரேவதி : மேன்மையான நாள்.

---------------------------------------

ஆதி திராவிடர் மற்றும் பழங்குடியினர் நலம் - விதி எண்.110-இன் கீழ் முதலமைச்சரின் அறிவிப்பு – 9 பழங்குடியினர் உண்டி உறைவிடப் பள்ளிகளை நிலை உயர்த்துதல் – நிருவாக ஒப்பளிப்பு செய்து அரசாணை வெளியீடு....

 

ஆதி திராவிடர் மற்றும் பழங்குடியினர் நலம் - விதி எண்.110-இன் கீழ் முதலமைச்சரின் அறிவிப்பு – 9 பழங்குடியினர் உண்டி உறைவிடப் பள்ளிகளை நிலை உயர்த்துதல் – நிருவாக ஒப்பளிப்பு செய்து அரசாணை  எண்: 23, நாள்: 08-02-2021 வெளியீடு...

>>> அரசாணை (நிலை) எண்: 23, நாள்: 08-02-2021 - தரவிறக்கம் செய்ய இங்கே சொடுக்கவும்...

ஆதி திராவிடர் மற்றும் பழங்குடியினர் நலம் - விதி எண்.110-இன் கீழ் முதலமைச்சரின் அறிவிப்பு – 19 ஆதி திராவிடர் நலப் பள்ளிகளை நிலை உயர்த்துதல் – நிருவாக ஒப்பளிப்பு செய்து அரசாணை வெளியீடு...

 

ஆதி திராவிடர் மற்றும் பழங்குடியினர் நலம் - விதி எண்.110-இன் கீழ் முதலமைச்சரின் அறிவிப்பு – 19 ஆதி திராவிடர் நலப் பள்ளிகளை நிலை உயர்த்துதல் – நிருவாக ஒப்பளிப்பு செய்து அரசாணை எண்: 22, நாள்: 08-02-2021 வெளியீடு...

>>> அரசாணை (நிலை) எண்: 22, நாள்: 08-02-2021 - தரவிறக்கம் செய்ய இங்கே சொடுக்கவும்...

Two Days Training For BT Teachers - CEO Proceedings...

 

05.03.2021 முதல் 06.03.2021 வரை இரண்டு நாட்களுக்கு அறிவியல் ஆசிரியர்களுக்கு ஆய்வக கருவிகளை பாடப்பொருளோடு தொடர்பு படுத்துதல் மற்றும் பயன்படுத்துதல் பயிற்சி நடைபெற உள்ளது.

பயிற்சியில் கலந்து கொள்ள மாவட்டத்தில் உள்ள மேல்நிலைப் பள்ளிகளில் 6, 7, 8 ஆம் வகுப்புகளை கையாளும் அறிவியல் ஆசிரியர்கள் ஒரு பள்ளிக்கு ஒரு ஆசிரியர் வீதம் பயிற்சியில் கலந்து கொள்ளும் பொருட்டு பணி விடுவிப்பு செய்ய தலைமையாசிரியர்கள் அறிவுறுத்தப் படுகிறார்கள்.

>>> Click here to Download CEO Proceedings & DIET Principal Letter...

தமிழகத்தில் 12 ஆம் வகுப்பு பொதுத்தேர்வு அட்டவணை – மாற்றி அமைக்க கோரிக்கை...

 

தமிழகத்தில் சட்டமன்ற தேர்தல் ஏப்ரல் மாதம் 6 ஆம் தேதி நடைபெற உள்ளது. அதன் வாக்கு எண்ணிக்கை மே மாதம் 2 ஆம் தேதி நடைபெறும் என தெரிவிக்கப்பட்டது,. இந்நிலையில் 12 ஆம் வகுப்பு பொதுத்தேர்வு மே மாதம் 3 ஆம் தேதி தொடங்கப்பட உள்ளதால் வாக்கு எண்ணிக்கைக்கு அடுத்தநாளே தேர்வு நடப்பதால் அரசியல் சூழல் கருதி 12 ஆம் வகுப்பு பொதுத்தேர்வை மாற்றி அமைக்க வேண்டும் என கோரிக்கை வைக்கப்பட்டுள்ளது.

நேற்று நடைபெற்ற தமிழ்நாடு மேல்நிலை பள்ளி தலைமை ஆசிரியர் கழக மாவட்ட செயற்குழு கூட்டம் மாநில சட்ட செயலாளர் அனந்தராமன் தலைமையில் நடைபெற்றது. அதில் அவர் கூறியதாவது, “சட்டமன்ற தேர்தல் வாக்கு எண்ணிக்கை மே மாதம் 2 ஆம் தேதி நடைபெற உள்ளது. அதற்கு மறுநாளே 12 ஆம் வகுப்பு பொதுதேர்வு நடைபெற உள்ளது.

தேர்தல் முடிவு காரணமாக மறுநாள், அரசியல், போக்குவரத்து, சட்டம் ஒழுங்கு உள்ளிட்ட பல்வேறு சூழ்நிலைகளில் ஆசிரியர்கள் மற்றும் மாணவர்கள் பயணம் செய்து தேர்வு எழுத வேண்டும். எனவே அவர்களின் உடல்நலன் மற்றும் மனநலனை கருத்தில் கொண்டு தேர்வு அட்டவணையை மாற்றி அமைக்க வேண்டும் அல்லது நடத்தப்பட இருந்த தேர்வுகளை கடைசி தேதிகளில் நடத்த ஏற்பாடுகள் செய்ய வேண்டும் என தீர்மானம் நிறைவேற்றபட்டுள்ளதாக தெரிவிக்கப் பட்டுள்ளது.