SHAALA SIDDHI - நிலை 1, நிலை 2, நிலை 3 - விவரங்களும் விளக்கங்களும் (தமிழில்)...

>>> SHAALA SIDDHI - நிலை 1, நிலை 2, நிலை 3 -  விவரங்களும் விளக்கங்களும் (தமிழில்)...

>>> கல்வி அஞ்சல் Whatsapp குழுவில் இணைய...

>>> கல்வி அஞ்சல் Telegram குழுவில் இணைய...

>>> கல்வி அஞ்சல் Youtube Channel-ஐ Subscribe செய்ய...

ஆசிரியர்களுக்கான பணியிட மாறுதல் கலந்தாய்வு அறிவிப்பு விரைவில்...

 அரசுப் பள்ளி ஆசிரியர்களுக்கு விரைவில் கலந்தாய்வு நடத்தப்படவுள்ளதாக பள்ளிக் கல்வித்துறை அதிகாரிகள் தெரிவித்தனர். அரசுப் பள்ளி ஆசிரியர்களுக்கான பதவி உயர்வு , பணி மாறுதல் கலந்தாய்வு ஆண்டு தோறும் மே மாதத்தில் நடத்தப்படும். ஆனால் , கரோனா பரவலால் நிகழ் கல்வியாண்டில் கலந்தாய்வு நடத்துவதிலும் தாமதம் ஏற்பட்டது. இதற்கிடையே 9 முதல் பிளஸ் 2 வகுப்புகளுக்கு கடந்த ஜனவரி இறுதியில் பள்ளிகள் திறக்கப்பட்டன. இதைத் தொடர்ந்து, ஆசிரியர்களுக்கான பதவி உயர்வு கலந்தாய்வு பிப்ரவரி மாதம் நடத்தப்பட்டது. 

ஆனால் , பொதுமாறுதல் கலந்தாய்வு குறித்த அறிவிப்புகள் வெளியாகிவில்லை. இதற்கு எதிர்ப்புத் தெரிவித்து சில ஆசிரியர்கள் நீதிமன்றத்தில் வழக்குத் தொடுத்தனர். அதன் விசாரணையில் பொதுமாறுதல் , பதவி உயர்வு கலந்தாய்வு ஆகிய இரண்டையும் சேர்த்து நடத்த பள்ளிக் கல்வித் துறைக்கு நீதிமன்றம் உத்தரவிட்டது. இந்த நிலையில் , ஆசிரியர்களுக்கான இடமாறுதல் கலந்தாய்வை மே மாதம் நடத்தப்படவுள்ளதாக கல்வித் துறை அதிகாரிகள் தெரிவித்தனர்.

அரியர் தேர்வுகளை ரத்து செய்து பிறப்பித்த அரசின் உத்தரவை ஏற்க இயலாது - உயர்நீதிமன்றம்...

 அரியர் தேர்வுகளை ரத்து செய்து பிறப்பித்த அரசின் உத்தரவை ஏற்க இயலாது என சென்னை உயர்நீதிமன்றம்  தெரிவித்துள்ளது. அரியர் வைத்துள்ள மாணவர்களுக்கு தேர்வு நடத்த பரிசீலிக்க வேண்டும் என அரசுக்கு அறிவுறுத்தியுள்ளது. 

கல்வியின் புனிதத்தில் சமரசம் செய்யாமல் எந்த மாதிரியான தேர்வு நடைமுறையை மேற்கொள்ளலாம்? யூஜிசி,  தமிழக அரசு கலந்து ஆலோசிக்க சென்னை உயர்நீதிமன்றம் உத்தரவிட்டுள்ளது.

கொரோனா வைரஸ் தொற்று காரணமாக அரியர் தேர்வுகளை ரத்து செய்து, தேர்ச்சி மதிப்பெண் வழங்கப்படும் என தமிழக அரசு அறிவித்திருந்தது.

இந்தியா முழுவதும் கடந்த ஆண்டு மார்ச் மாதம் தொடக்கத்தில் கொரோனா தொற்று அதிகரிக்க தொடங்கியது. இதனால் நாடு தழுவிய ஊரடங்கு அமல்படுத்தப்பட்டது. 12-ம் வகுப்புக்கான பொதுத்தேர்வைத் தவிர மற்ற அனைத்து வகுப்புகளுக்கும் தேர்ச்சி என தமிழக அரசு அறிவித்தது.

அதேபோல் கல்லூரியில் இறுதி செமஸ்டரை தவிர்த்து மற்ற செமஸ்டரில் அனைவரும் தேர்ச்சி என அறிவித்தது. மேலும், அரியர் தேர்வுகளை ரத்து செய்து அனைவரும் தேர்ச்சி என தமிழக அரசு உத்தரவு பிறப்பித்தது.

மாணவர்களிடையே இதற்கு வரவேற்பு இருந்தது. ஆனால் எதிர்ப்பும் கிளம்பியது. தமிழக அரசின் உத்தரவை எதிர்த்து சென்னை உயர்நீதிமன்றத்தில் வழக்கு தொடரப்பட்டது.

இந்த வழக்கு இன்று விசாரணைக்கு வந்தது. அப்போது அரியர் தேர்வுகளை ரத்து செய்து பிறப்பித்த உத்தரவை ஏற்க முடியாது. தேர்வுகளை நடத்த தமிழக அரசு பரிசீலிக்க வேண்டும் எனக் கோர்ட் தெரிவித்துள்ளது.

மேலும், தேர்வு எழுதுவதற்கு விண்ணப்பித்தவர்கள் எத்தனை பேர்?, தேர்ச்சி பெற்றவர்கள் எத்தனை பேர்? என்பதை பல்கலைக்கழகங்கள் வாரியாக தெரிவிக்க வேண்டும் என தமிழக அரசுக்கு உத்தரவிட்டுள்ளது. அத்துடன் இந்த வழக்கு வருகிற 15-ந்தேதிக்கு ஒத்திவைத்துள்ளது.

ஆசிரியர்களுக்கான இடமாறுதல் கலந்தாய்வை மே மாதத்தில் நடத்த கல்வித்துறை திட்டம்...

 

கோவிட் 2.0 - எச்சரிக்கை கோரும் பதிவு...

 Dr.A.B.ஃபரூக் அப்துல்லா, 

பொது நல மருத்துவர், 

சிவகங்கை...

பலருக்கும் பயனுள்ளதாக இருக்கும் என்பதால் இந்த நிகழ்ச்சி பதியப்படுகின்றது. 

நேற்று என்னை சந்திக்க 70களின் இறுதிப்பகுதியில்  இருக்கும் பெண்மணி வந்திருந்தார். 

அவரிடம் நான் மேற்கொண்ட நோய் குறித்த விசாரணையை அப்படியே உரையாடலாக பதிவு செய்கிறேன் 

"என்னங்கமா  செய்யுது?" 

" மூனு நாலு நாலா உடல் சோர்வு அசதி.. 

சரியா சாப்ட முடியல..பசி எடுக்க மாட்டேங்குது" 

"ஓகே.. காய்ச்சல் இருந்துச்சா.? 

"காய்ச்சல் இல்ல சார்.."

"இருமல் இருக்குங்களா மா?"

"லேசான இருமல் அப்பப்போ வருது.." 

" நல்லா யோசிச்சு சொல்லுங்க.. உங்களுக்கு கடந்த ஒரு வாரத்துல காய்ச்சல் அல்லது  அடிச்சு போட்ட மாதிரி வலி அசதி இருந்துச்சா?" 

"ஆமா..சார். சனிக்கிழமை அன்னைக்கு பூறா எழுந்துக்கவே முடியல. அவ்வளவு அசதி..வலி.. அப்புறம் கொஞ்சம் கொஞ்சமா சரியாச்சு. " 

"மூச்சு விடுறதுல சிரமம் இருக்கா?" 

"லேசா மூச்சு விடுறதுல சிரமம் இருக்குற மாதிரி தான் இருக்கு" 

"மா.. இந்த தடவ கொரோனாவுக்கு பல பேருக்கு காய்ச்சல் வராம இந்த மாதிரி உடம்பு அசதி வலி ஏற்படுது.. கூடவே உங்களுக்கு இருமல் இருக்குறதால.. சிடி ஸ்கேன் எடுத்து பாத்துரலாம்.." 

"சார்... ரெண்டு நாள் மாத்திரை போட்டு பாத்துக்குறேனே.." 

பல்ஸ் ஆக்சிமீட்டர் விரலில் வைத்துப் பார்த்தேன். 

93% -94% என்று இருந்தது. 

"இல்ல மா.. ஏற்கனவே அஞ்சாவது நாள் ஆயிடுச்சு.  நாளைக்கு சிடி ஸ்கேன் எடுத்து ரிசல்ட் வந்தா.. ஆறாவது நாள். 

இதுக்கு மேல லேட் பண்ண கூடாது. நீங்க நாளைக்கு எடுக்கணும் கண்டிப்பா.. இது என்னோட அன்புக்கட்டளை "

"சரி சார் . எடுத்துட்டு வர்றேன்.." என்று பாராமுகமாக சென்றார் . 

இன்று அவரது உறவினர் ஸ்கேனைக் கொண்டு வந்தார். 

அந்த நோயரால் எழுந்து வர முடியவில்லை என்பதால் இவர் மட்டும் வந்திருக்கிறார்

நெஞ்சுப்பகுதி சிடி ஸ்கேனில்  கொரோனா பாதிப்பு இருந்தது கண்டறியப்பட்டது. 

உடனே நோயர் இன்று மருத்துவமனையில் அட்மிட் செய்யப்பட்டு விட்டார். 

நிச்சயம் தமிழ்நாட்டின் அரசு மருத்துவர்களின் திறனாலும் உழைப்பாலும் 

நலம் பெற்று வீடு திரும்புவார் என்று இறைவனை வேண்டுவோம். 

இந்த நிகழ்வில் இருந்து கற்க வேண்டிய பாடங்கள் 

1️⃣ கொரோனாவில் காய்ச்சல் கண்டிப்பாக அடிக்க வேண்டும் என்று எந்த கட்டாயமும் இல்லை 

2️⃣ கடும் உடல் அசதி / உடல் சோர்வு போன்றவையும் அறிகுறிகளாக இருக்கலாம். கூடவே வயிற்றுப்போக்கும் இருக்கலாம்.

3️⃣ கடும் உடல் அசதி அதை ஒட்டிய இருமல் மூச்சு விடுவதில் சிரமம் போன்றவற்றை அலட்சியம் செய்வது கூடாது. 

4️⃣ தற்போது வரும் காய்ச்சலுக்கு கட்டாயம் ஊசி போடக்கூடாது. காரணம் ஊசி போடுவதால் அறிகுறிகள் அடங்கி விடும். இதனால் பொன்னான பொழுதை வீட்டில் கழித்து விட்டு காலம் கடந்து மருத்துவமனைக்கு செல்லும் நிலை ஏற்படலாம். 

5️⃣ சரியான நேரத்தில் அறிகுறிகளைக் கண்டறிந்து சரியான நேரத்தில் நோயைக் கண்டறிந்து சிகிச்சை பெற்றால் நிச்சயம் கொரோனாவை வெல்ல முடியும் 

6️⃣நான் சந்தித்த இந்த பெண்மணி இன்னும் தொற்றுக்கு எதிரான தடுப்பூசி பெற்றிருக்கவில்லை. 60+ வயதினருக்கு கடந்த மார்ச் 1  முதல் தடுப்பூசி வழங்கப்பட்டு வரும் சூழ்நிலையில் இன்னும் தடுப்பூசி போட்டுக்கொள்ள எத்தனையோ முதியோர்கள் இருக்கிறார்கள். தயவு செய்து 45+ வயதினர் அனைவரும் தடுப்பூசியை போட்டுக்கொள்ளவும். 

7️⃣அரசு மருத்துவமனைகளில் கொரோனாவுக்கு சிறப்பான சிகிச்சை அளிக்க மருத்துவர்கள் மற்றும் செவிலியர்கள் காத்துக்கொண்டிருக்கிறார்கள்.  அரசு மருத்துவமனைகளை நம்பி விரைவாக சிகிச்சை பெறுங்கள். சிகிச்சைக்கு காலம் தாழ்த்தாதீர்கள்.  

8️⃣ கட்டாயம்  முதியோர்கள் வெளியிடங்களுக்கு அவசியமின்றி வெளியே வரக்கூடாது. 

அத்தியாவசிய தேவைகளுக்கு வெளியே வர நேர்ந்தால் கட்டாயம் முகக்கவசம் அணிய வேண்டும். தனிமனித இடைவெளியை கடைபிடிக்க வேண்டும். கூட்டமாகக் கூடுதல் கூடாது. 

9️⃣ கொரோனா குறித்த அறிவியல் பூர்வமான விசயங்களை பரப்ப வேண்டும். பொய்களை பரப்பக்கூடாது.  

🔟பொதுமக்கள் அறிகுறிகள்  தோன்றினால் தாமே சீக்கிரமாக பரிசோதனை செய்து கொள்ள முன்வர வேண்டும். 

பரிசோதனை செய்து கொண்டு தங்களை தனிமைப்படுத்திக்கொள்ள வேண்டும். 

🙏🙏

Dr.A.B.ஃபரூக் அப்துல்லா 

பொது நல மருத்துவர் 

சிவகங்கை

இன்றைய (09-04-2021) ராசி பலன்கள், நட்சத்திர பலன்கள்...

மேஷம்

ஏப்ரல் 09, 2021

தொழிலில் புதிய நபர்களின் முதலீடுகளால் மகிழ்ச்சி உண்டாகும். எண்ணிய காரியங்களில் சில தடங்கல்கள் ஏற்படும். வாதத்திறமையால் லாபம் அடைவீர்கள். பொருட்சேர்க்கை உண்டாகும். ஆன்மிகத்தில் ஈடுபாடு அதிகரிக்கும். சக ஊழியர்களிடம் உங்களின் செல்வாக்கு உயரும்.

அதிர்ஷ்ட திசை : கிழக்கு

அதிர்ஷ்ட எண் : 5

அதிர்ஷ்ட நிறம் : நீலநிறம்

அஸ்வினி : முதலீடுகள் உண்டாகும்.

பரணி : லாபகரமான நாள்.

கிருத்திகை : செல்வாக்கு உயரும்.

---------------------------------------

ரிஷபம்

ஏப்ரல் 09, 2021

சுயதொழில் புரிபவர்கள் தொழிலில் புதுவிதமான யுக்திகளை கையாளுவீர்கள். நீண்ட நாட்களாக மனதில் நினைத்த காரியங்களை சிறப்பாக செய்து முடிப்பீர்கள். ஆடம்பரமான பொருட்களின் மீது ஆர்வம் அதிகரிக்கும். வெளியூர் பயணங்களின் மூலம் மனதில் சில மாற்றங்கள் உண்டாகும். எதிர்காலம் தொடர்பான சிந்தனைகள் அதிகரிக்கும்.

அதிர்ஷ்ட திசை : வடக்கு

அதிர்ஷ்ட எண் : 2

அதிர்ஷ்ட நிறம் : பிரவுன் நிறம்

கிருத்திகை : காரியசித்தி உண்டாகும்.

ரோகிணி : ஆர்வம் அதிகரிக்கும்.

மிருகசீரிஷம் : மாற்றங்கள் உண்டாகும்.

---------------------------------------

மிதுனம்

ஏப்ரல் 09, 2021

மாணவர்களுக்கு கல்வியில் ஆர்வம் மேம்படும். கௌரவப் பதவிகளின் மூலம் மகிழ்ச்சியான சூழ்நிலைகள் அமையும். நிர்வாகத்திறமை மற்றும் அனுசரித்து செல்லும் குணத்தினால் அனைவராலும் பாராட்டப்படுவீர்கள். உறவினர்களின் வழியில் மகிழ்ச்சியான செய்திகள் கிடைக்கும்.

அதிர்ஷ்ட திசை : தென்கிழக்கு

அதிர்ஷ்ட எண் : 9

அதிர்ஷ்ட நிறம் : மஞ்சள் நிறம்

மிருகசீரிஷம் : ஆர்வம் மேம்படும்.

திருவாதிரை : மகிழ்ச்சியான நாள்.

புனர்பூசம் : பாராட்டுகள் கிடைக்கும்.

---------------------------------------

கடகம்

ஏப்ரல் 09, 2021

பணி தொடர்பான உயர் அதிகாரிகளிடம் கவனத்துடன் இருக்க வேண்டும். விளையாட்டாக பேசும் சில வார்த்தைகள் கூட பிரச்சனைகளாக உருவெடுக்கக்கூடும் என்பதால் நிதானம் வேண்டும். கடன் தொடர்பான செயல்பாடுகளால் மனவருத்தங்கள் நேரிடும்.

அதிர்ஷ்ட திசை : கிழக்கு

அதிர்ஷ்ட எண் : 7

அதிர்ஷ்ட நிறம் : ஊதா நிறம்

புனர்பூசம் : கவனம் வேண்டும்.

பூசம் : நிதானம் தேவை.

ஆயில்யம் : மனவருத்தங்கள் நேரிடும்.

---------------------------------------

சிம்மம்

ஏப்ரல் 09, 2021

உடல் சோர்வினால் செய்யும் செயல்களில் காலதாமதம் ஏற்படும். வர்த்தகம் தொடர்பான செயல்பாடுகளில் எதிர்பாராத லாபகரமான சூழல் உண்டாகும். வாக்குவாதங்களின் மூலம் சில கசப்புகள் ஏற்பட்டாலும் ஆதரவான சூழ்நிலைகள் அமையும். மனதில் எதையும் சமாளிக்கும் தன்னம்பிக்கையும், சாமர்த்தியமும் மேம்படும்.

அதிர்ஷ்ட திசை : தென்மேற்கு

அதிர்ஷ்ட எண் : 8

அதிர்ஷ்ட நிறம் : பிங்க் நிறம்

மகம் : காலதாமதம் ஏற்படும்.

பூரம் : லாபகரமான நாள்.

உத்திரம் : சாமர்த்தியம் மேம்படும்.

---------------------------------------

கன்னி

ஏப்ரல் 09, 2021

ஆசிரியர்களின் வழிகாட்டுதலின் மூலம் உயர்கல்வி தொடர்பான கவலைகள் குறையும். மனைவியிடம் இருந்து மகிழ்ச்சியான செய்திகள் கிடைக்கும். மருந்துப்பொருட்கள் தொடர்பான வியாபாரத்தில் நண்பர்களின் உதவிகளால் லாபம் அடைவீர்கள். வியாபாரம் தொடர்பான பணிகளில் இருப்பவர்களுக்கு வாடிக்கையாளர்களின் அறிமுகம் கிடைக்கும்.

அதிர்ஷ்ட திசை : வடக்கு

அதிர்ஷ்ட எண் : 2

அதிர்ஷ்ட நிறம் : பச்சை நிறம்

உத்திரம் : கவலைகள் குறையும்.

அஸ்தம் : உதவிகரமான நாள்.

சித்திரை : அறிமுகம் கிடைக்கும்.

---------------------------------------

துலாம்

ஏப்ரல் 09, 2021

விருப்பமானவர்களுக்காக சில உதவிகளை செய்து மனம் மகிழ்வீர்கள். உங்களின் மீது இருந்துவந்த சில தவறான குற்றச்சாட்டுகள் நீங்கி நற்பெயர் உண்டாகும். குறுகிய தூர பயணங்களின் மூலம் மகிழ்ச்சி அதிகரிக்கும். நீண்ட நாட்களாக இருந்துவந்த சொத்துப்பிரிவினை தொடர்பான பிரச்சனைகளுக்கு தீர்வு கிடைக்கும்.

அதிர்ஷ்ட திசை : கிழக்கு

அதிர்ஷ்ட எண் : 7

அதிர்ஷ்ட நிறம் : மஞ்சள் நிறம்

சித்திரை : நற்பெயர் உண்டாகும்.

சுவாதி : மகிழ்ச்சி அதிகரிக்கும்.

விசாகம் : தீர்வு கிடைக்கும்.

---------------------------------------

விருச்சகம்

ஏப்ரல் 09, 2021

பூர்வீக சொத்துக்களால் நன்மை உண்டாகும். ஆசிரியர்களுடன் கலந்துரையாடும் பொழுது மனதில் ஏற்பட்ட குழப்பங்கள் நீங்கி தெளிவு கிடைக்கும். இலக்கியம் சார்ந்த பணிகளில் இருப்பவர்களுக்கு அங்கீகாரமும், மேன்மையும் உண்டாகும். திட்டமிட்ட சில காரியங்களில் எதிர்பார்த்த மகிழ்ச்சியான செய்திகள் கிடைக்கும்.

அதிர்ஷ்ட திசை : தெற்கு

அதிர்ஷ்ட எண் : 5

அதிர்ஷ்ட நிறம் : சிவப்பு நிறம்

விசாகம் : நன்மை உண்டாகும்.

அனுஷம் : தெளிவு கிடைக்கும்.

கேட்டை : மேன்மை உண்டாகும்.

---------------------------------------

தனுசு

ஏப்ரல் 09, 2021

உறவினர்களுக்கிடையே உறவுநிலை மேம்படும். ஆராய்ச்சி சம்பந்தமான பணியில் எண்ணிய பலன்கள் உண்டாகும். பிள்ளைகளால் அலைச்சல்கள் அதிகரிக்கும். கால்நடைகளால் எதிர்பார்த்த லாபம் கிடைக்கும். புதிய லட்சியத்தை அடைவதற்கான பணிகளை மேற்கொள்வீர்கள். உடல் ஆரோக்கியத்தில் சற்று மந்தநிலை உண்டாகும்.

அதிர்ஷ்ட திசை : வடக்கு

அதிர்ஷ்ட எண் : 8

அதிர்ஷ்ட நிறம் : நீலநிறம்

மூலம் : உறவு மேம்படும்.

பூராடம் : அலைச்சல்கள் அதிகரிக்கும்.

உத்திராடம் : மந்தமான நாள்.

---------------------------------------

மகரம்

ஏப்ரல் 09, 2021

நினைத்த காரியங்களை செய்து முடிப்பதற்கான சூழ்நிலைகள் உண்டாகும். உயர் அதிகாரிகளிடம் உங்களின் மீதான நம்பிக்கை மேலோங்கும். மனதில் தன்னம்பிக்கை மேம்படும். எந்த வேலையிலும் முழு கவனத்துடன் செயல்படவும். விளையாட்டு வீரர்கள் பயிற்சியின்போது கவனத்துடன் ஈடுபடவும். குடும்பத்தினரை அனுசரித்து செல்லவும்.

அதிர்ஷ்ட திசை : தெற்கு

அதிர்ஷ்ட எண் : 1

அதிர்ஷ்ட நிறம் : ஆரஞ்சு நிறம்

உத்திராடம் : காரியங்கள் ஈடேறும்.

திருவோணம் : தன்னம்பிக்கை மேம்படும்.

அவிட்டம் : அனுசரித்து செல்லவும்.

---------------------------------------

கும்பம்

ஏப்ரல் 09, 2021

உறவினர்களிடமிருந்து வரும் சுபச்செய்திகள் மூலம் மகிழ்ச்சியான தருணங்கள் உண்டாகும். புனித தலங்களுக்கு சென்று வருவதற்கான எண்ணங்கள் மேம்படும். உடல் தோற்றப்பொலிவு மற்றும் அதற்குண்டான பயிற்சிகளை பற்றிய விழிப்புணர்வு அதிகரிக்கும். தொழில் தொடர்பான முயற்சிகளும், ஆதரவுகளும் கிடைக்கும்.

அதிர்ஷ்ட திசை : மேற்கு

அதிர்ஷ்ட எண் : 7

அதிர்ஷ்ட நிறம் : பழுப்பு நிறம்

அவிட்டம் : மகிழ்ச்சியான நாள்.

சதயம் : விழிப்புணர்வு அதிகரிக்கும்.

பூரட்டாதி : ஆதரவு கிடைக்கும்.

---------------------------------------

மீனம்

ஏப்ரல் 09, 2021

மனதில் பலவிதமான எண்ணங்களால் குழப்பமான சூழ்நிலைகள் ஏற்பட்டு மறையும். வியாபாரம் தொடர்பான சில செலவுகள் அதிகரிக்கும். பயணங்களால் எண்ணிய எண்ணங்கள் ஈடேறும். எதிர்பார்த்த பணவரவுகள் காலதாமதமாக கிடைக்கும். சகோதரர்களினால் சுபவிரயங்கள் உண்டாகும். கோப்புகளை கையாளுவதில் கவனம் வேண்டும்.

அதிர்ஷ்ட திசை : கிழக்கு

அதிர்ஷ்ட எண் : 9

அதிர்ஷ்ட நிறம் : ஆரஞ்சு நிறம்

பூரட்டாதி : குழப்பமான நாள்.

உத்திரட்டாதி : எண்ணங்கள் ஈடேறும்.

ரேவதி : சுபவிரயங்கள் உண்டாகும்.

---------------------------------------

2 முதன்மைக் கல்வி அலுவலர்கள் பணியிட மாற்றம் - அரசாணை வெளியீடு...

 CEO's Transfer Order -  தமிழ்நாடு பள்ளிக் கல்விப் பணி - முதன்மைக் கல்வி அலுவலர் மற்றும் அதனையொத்த பணியிடங்கள் - பணியிட மாறுதல் - ஆணை வெளியிடப்படுகிறது...

>>> அரசாணை (வாலாயம்) எண்.25, நாள் 07.04.2021...