மத்திய அரசு நடத்திய ஆசிரியர் தகுதித் தேர்வு முடிவுகள் - சிபிஎஸ்இ வெளியீடு(Central Teacher Eligibility Test Results - CBSE Published)...
மத்திய அரசு நடத்திய ஆசிரியர் தகுதித் தேர்வு முடிவுகளை சிபிஎஸ்இ வெளியிட்டுள்ளது.
கடந்த டிசம்பர் முதல் பிப்ரவரி வரை நடந்த தேர்வுக்கான முடிவுகளை ctet.nic.in என்ற தளத்தில் அறியலாம். முதல் தாள் தேர்வு எழுதிய 14.22 லட்சம் பேரில் 5.79 லட்சம் பேர் தேர்ச்சி பெற்றுள்ளதாக சிபிஎஸ்இ அறிவித்துள்ளது.
Website Link...
https://cbseresults.nic.in/ctet/CtetDec22.htm
>>> கல்வி அஞ்சல் Youtube Channel-ஐ Subscribe செய்ய...
அறிவியல் தேர்வில் யாராக இருந்தாலும் 70 மார்க் வாங்கலாம்! சென்டம் வாங்க ஈசி டிப்ஸ் (Anyone can get 70 marks in science exam! Easy Tips to take Centum)...
>>> அறிவியல் தேர்வில் யாராக இருந்தாலும் 70 மார்க் வாங்கலாம்! சென்டம் வாங்க ஈசி டிப்ஸ்...
பத்தாம் வகுப்பு பாடங்களில் பலருக்கும் பிடித்த பாடங்களில் அறிவியல் ஒன்று. போட்டி போட்டு கொண்டு மாணவர்கள் சென்டம் எடுக்கும் பாடங்களில் கணிதத்திற்கு அடுத்து அறிவியல்தான். எப்படி அந்த அறிவியல் பாடத்தில் சென்டம் எடுப்பது எப்படி? மெதுவாக கற்கும் மாணவர்கள் (Slow Learners) எப்படி நல்ல மதிப்பெண் எடுத்து பாஸ் ஆவது எப்படி? போன்றவற்றை இந்த கட்டுரையில் அரசு பள்ளி அறிவியல் ஆசிரியர் விளக்கியுள்ளார்.
பசங்கள பயப்பட வேணான்னு சொல்லுங்க! மெதுவாக கற்கும் மாணவர்கள் கூட 70 மதிப்பெண் எடுத்து பாஸ் ஆக அறிவியலில் வழி இருக்கு என்று உற்சாகத்தோடு நம்முடன் உரையாடலை துவங்கினார் அரசு பள்ளி அறிவியல் ஆசிரியர் மரிய பிரான்சிஸ் சேவியர் அவர்கள். எப்படி பொதுத்தேர்வு அறிவியல் பாடத்தை எதிர்கொள்ள மாணவர்கள் தயாராக வேண்டும் என்பதை கேள்வி வாரியாக இந்த கட்டுரையில் விளக்கியுள்ளார்.
1 மதிப்பெண் வினாக்கள்(1 Marks)
1 மதிப்பெண் வினாக்கள் 12 கேட்கப்படும். பாஸ் ஆக வேண்டுமென்றால் இதில் 10 மதிப்பெண்ணாவது எடுக்க வேண்டும். அறிவியலில் மொத்தம் 23 பாடங்கள் உள்ளன. பாடங்கள் அதிகமாக இருப்பதால் இரண்டு பாடத்திற்கு ஒரு கேள்வி என்ற வகையில் வரும்.
இயற்பியல் (Physics), வேதியியல் (Chemistry), உயிரியல் (Biology) ஆகிய மூன்று பிரிவுகளில் இருந்தும் தனித்தனியாக நாலு கேள்விகள் கேட்கப்படும். எனவே, எல்லா பாடத்திலும் உள்ள ஒரு மதிப்பெண் வினாக்கள், கோடிட்ட இடங்கள், பொருத்துக இது எல்லாவற்றையும் படித்து கொள்ள வேண்டும்.
இந்த 12 கேள்வியில் 9 கேள்விகள் புத்தகத்தில் இருக்கும் மதிப்பீட்டு வினாக்களில் இருந்து வரும். மீதி மூன்று கேள்விகள் புத்தகத்தின் உள்ளே இருக்கக்கூடிய உங்களுக்கு தெரியுமா? மேலும் அறிவோம், பாக்ஸ் தகவல்கள் ஆகியவற்றிலிருந்து கேட்கப்படும்.
எனவே சென்டம் எடுக்க விரும்பும் மாணவர்கள் புத்தகத்தை முழுமையாக ஒரு முறை படித்து கொள்ள வேண்டும். உதாரணமாக மதிப்பீடுகள், விஞ்ஞான கண்டுபிடிப்புகள் சார்ந்த கேள்விகள் இதில் கேட்கப்படலாம்.
2 மதிப்பெண் வினாக்கள்(2 Marks)
2 மதிப்பெண் வினாக்கள் 13வது கேள்வியில் இருந்து துவங்குகிறது. அதில் 22வது கேள்வி மட்டும் கட்டாய வினா. மொத்தம் 7 கேள்விகள் எழுத வேண்டும். மெதுவாக படிக்கும் மாணவர்கள் கூட 5 லிருந்து 6 கேள்விகள் எழுத முடியும்.
அதில் இயற்பியலில் இருந்து அதிகமாக மீண்டும் மீண்டும் வரும் கேள்விகள் கேட்கப்படுகின்றன. அதே போல், வேதியியலில் இருந்து மதிப்பீடுகள் சார்ந்த கேள்விகள், உயிரியல் பாடத்தில் இருந்து ஒரு வரியில் அல்லது பாயிண்டுகளாக எழுதுவது போன்ற கேள்விகள் கேட்கப்படும். அதிலும் குறிப்பாக புத்தகத்தில் இருக்கும் டயாக்ராம்களை ஒரு முறை பார்த்து கொள்ளுங்கள். அந்த கேள்வி கண்டிப்பாக வரும் என்பதால் 2 மதிப்பெண் ஈசியாக வாங்கலாம்.
அடிக்கடி கேட்கப்படும் கேள்விகள்:
சரியா தவறா என்ற கேள்வி அடிக்கடி கேட்கப்படுகிறது. அதற்கு பதில் எழுதும்போது சரி என்றால் அதை மட்டும் எழுத வேண்டும். தவறு என்றால் தவறு என்பதை எழுதி அது ஏன் தவறு என்றும் எழுத வேண்டும்.
அதே போல் கூற்று காரணம் என்று ஒரு கேள்வி இருக்கிறது. இதில் ஒரு கேள்வியின் கூற்று மற்றும் காரணத்தை கொடுத்துவிட்டு இதில் எது சரி தவறு என கேட்பார்கள். இதற்கு அடுத்து பொருத்துக. இவை மூன்றையும் புத்தகத்தை சாதாரணமாக பார்த்து வைத்து கொண்டாலே எழுதி விடலாம்.
இதை தவிர இயற்பியல் விதிகளில் ஒரு விதி 2 மதிப்பெண் வினாவாக வரும். அதே போல் கோடிட்ட இடங்கள் இரண்டு கொடுத்து அதற்கான விடை கேட்க வாய்ப்புள்ளது.
கட்டாய கேள்வி (Question No. 22)
சென்டம் எடுக்க விரும்பும் மாணவர்கள் 22வது கேள்விக்கான ப்ராப்லம் சால்விங் கேள்விகளை நன்றாக போட்டு பார்த்து கொண்டால் போதும். மின்னியல் பாடத்தில் மின்தடை குறித்த கேள்விகளை நன்றாக படித்து கொள்ளுங்கள். இயற்பியலில் லென்ஸ் குறித்த கேள்விகள் அடிக்கடி கேட்கப்படுகிறது. ஒளியியல் பாடத்தில் கதிர் படம் வரைதல், வேதியியலில் இருந்து Ph மதிப்புகள் குறித்த கேள்வி கேட்கப்படலாம்.
4 மதிப்பெண் வினாக்கள்(4 Marks)
இதிலும் 32வது கேள்வி கட்டாய வினாவாக கேட்கப்படும். மூன்று பிரிவுகளில் ஏதாவது ஒன்றில் இருந்து மதிப்பீடுகள் சார்ந்த கேள்வி அல்லது ப்ராப்லம் சால்விங் கேள்விகள் இதில் கேட்கப்படலாம். 4 மதிப்பெண் வினாக்களை பொறுத்த வரை இரண்டு 2 மதிப்பெண் வினாக்களை ஒன்றாக சேர்த்து ஒரு கேள்வியோ அல்லது ஒரு 5 மதிப்பெண் வினாவை அப்படியே 4 மதிப்பெண் வினாவாகவோ கேட்கலாம்.
எனவே, மெதுவாக படிப்பவர்கள் இரண்டு மதிப்பெண் வினாக்கள் தெரிந்த கேள்விகளை தேர்வு செய்வது நல்லது. சென்டம் வாங்க விரும்புபவர்கள் எல்லாவற்றையும் எழுதித்தான் ஆக வேண்டும்.
7 மதிப்பெண் வினாக்கள்(7 Marks)
இதில் இயற்பியல், வேதியல், உயிரியல் என ஒவ்வொரு பாடத்தில் இருந்தும் ஒரு கேள்வியென மொத்தம் மூன்று கேள்விகள் எழுத வேண்டும். சென்டம் வாங்க கூடிய மாணவர்கள் தங்களுக்கு 7 மதிப்பெண்ணும் கிடைக்க வாய்ப்புள்ள கேள்வியை தேர்வு செய்து எழுத வேண்டும். மெதுவாக கற்கும் மாணவர்களும் தங்களுக்கு தெரிந்த ஓரிரண்டு கேள்விகளை பயமின்றி எழுதலாம்.
படம் வரைதல்!
படம் வரையும் போது பென்சிலில் வரைய வேண்டும்.
பாகங்களை சரியாக குறித்து எடுத்து எழுத வேண்டும்.
படத்தை நடுவில் வரைந்து சைடு பகுதிகளில் பாகங்களை குறிக்க வேண்டும்.
டையாக்ராம் வரையும்போது நிதானமாக சரியாக வரைய வேண்டும்.
மாணவர்கள் நினைவில் கொள்ள வேண்டியவை:
ஒரு மதிப்பெண் வினாக்களை தனியாக படித்து விட வேண்டும்.
2 மதிப்பெண் வினாக்களுக்கு இயற்பியலில் முதல் 3 பாடங்கள், வேதியியலில் முதல் இரண்டு பாடங்கள், உயிரியலில் முதல் மூன்று பாடங்கள் படித்தாலே போதும்.
இரண்டு மதிப்பெண் வினாக்களில் நல்ல மார்க் எடுத்து விடலாம்.
>>> கல்வி அஞ்சல் Youtube Channel-ஐ Subscribe செய்ய...
பள்ளி காலை வழிபாட்டு செயல்பாடுகள் - 06.03.2023 - School Morning Prayer Activities...
பள்ளி காலை வழிபாட்டு செயல்பாடுகள் - 06.03.2023 - School Morning Prayer Activities...
திருக்குறள் :
பால் :அறத்துப்பால்
இயல்:இல்லறவியல்
அதிகாரம்: ஒழுக்கம் உடைமை
குறள் எண்: 401
அரங்கின்றி வட்டாடி யற்றே நிரம்பிய
நூலின்றிக் கோட்டி கொளல்.
பொருள்:
நிறைந்த அறிவாற்றல் இல்லாமல் அவையில் பேசுவது ஆடுவதற்கான கட்டம் போட்டுக் கொள்ளாமலே சொக்கட்டான் விளையாடுவதைப் போன்றதாகும்.
பழமொழி :
Courage and perseverance conquer all before them.
வீரமும் விடா முயற்சியும் அனைத்தையும் வெல்லும்.
இரண்டொழுக்க பண்புகள் :
1. என் கண் இவ்வுலகை கண்டு கற்றுக் கொள்ள உதவும் ஒரு சன்னல்.
2. எனவே என் சன்னலை பாதுகாப்பேன்.
பொன்மொழி :
நல்ல முடிவுகள்.. அனுபவத்திலிருந்து பிறக்கின்றன; ஆனால் அனுபவமோ தவறான முடிவுகளில் இருந்து கிடைக்கிறது.
பொது அறிவு :
1. திரவத்தங்கம் என்று அழைக்கப்படுவது எது?
பெட்ரோலியம்.
2. இந்தியா மயிலை தேசியப் பறவையாக அறிவித்த ஆண்டு எது?
1964
English words & meanings :
docile – submissive. adjective. The horses are docile. சாந்தமான/பணிவான. பெயரடை
ஆரோக்ய வாழ்வு :
ப்ரோக்கோலி நார்ச்சத்து நிறைந்து இருப்பதால் கொழுப்பை குறைக்கும். அலர்ஜியால் ஏற்படும் பிரச்சினைகளைக் குறைக்கும். மார்பகப் புற்றுநோய் வராமல் தடுக்கும். இதயத்தை ஆரோக்கியமாக்கும் .நோய் எதிர்ப்பு சக்தி அதிகரிக்கும். உயர் ரத்த அழுத்தப் பிரச்சினையை சரி செய்யும்.
நீதிக்கதை
மோதிரம்
விஜயநகரப் பேரரசின் அவை கலைந்தது. அரசர் கிருஷ்ண தேவராயர் வெளியேறிக் கொண்டிருந்தார். மற்ற உறுப்பினர்களும் பின் தொடர்ந்தனர். அப்போது அமைச்சர் தெனாலிராமனிடம் மெல்லிய குரலில், தெனாலி... உனக்கோ வயதாகி விட்டது. ஏன் நீ அரசரிடம் கேட்டு பணி ஓய்வு பெறக் கூடாது? என்றார். அது அரசரின் காதில் விழுந்து விடவே, அரசர் சிரித்தவாறு, தெனாலிராமா! வேண்டுமானால் சொல்... மகிழ்ச்சியோடு தருகிறேன்! என்றார். அப்படியானால் சரி... ஆனால், ஒரு நிபந்தனை! எனக்குப் பதிலாக வரப்போகிறவரை நான்தான் சோதித்துத் தேர்வு செய்து தருவேன்... என்றார்.
அதற்கென்ன... அப்படியே செய்யலாம்...! என்று அரசர் ஏற்றுக் கொண்டார். அப்படியானால் உங்கள் மோதிரத்தை என்னிடம் கொடுங்கள்! என்றார் தெனாலிராமன். ஏன்...? எதற்கு? என்று அரசர் கேட்கவில்லை. கழற்றப் போனார். அதற்குள் முந்திக் கொண்டு, அமைச்சர் தன் மோதிரத்தைக் கழற்றிக் கொடுத்து விட்டார். அதை பெற்றுக்கொண்ட தெனாலிராமன், அடுத்த வியாழக்கிழமை சோதனை... அதில், வெற்றி பெறுபவர் எனது பதவியைப் பெறுவார்... நான் ஓய்வில் போய்விடுகிறேன். என்றார்.
மோதிரத்தைப் பெற்றுக் கொண்ட தெனாலி, ஒரு சிறிய மர டப்பாவில் அதை வைத்து மூடி, அரண்மனையில் இருந்த யானை நீர்குடிக்கும் ஆழமான பெரிய தொட்டியினுள் அதைப் போட்டுவிட்டு, யார் இதை எடுக்கிறாரோ, அவரே எனக்குப் பின் என் பதவிக்கு வரமுடியும்... என்றார். அடுத்த சில நாட்களில், பதவித் தேர்வுக்கு மனு செய்திருந்த இளைஞர்கள் அனைவரும் வந்து ஆழமான தொட்டியைப் பார்த்தனர். அப்போது தொட்டி முற்றிலும் வறண்டு போயிருந்தது. மோதிர டப்பா அடியில் கிடந்தது. அதனுள் எப்படி இறங்கி அதை எடுப்பது? அனைவரும் பல்வேறு உபாயங்களைச் செய்து பார்த்தனர். எவராலும் எடுக்க முடியவில்லை.
அதற்குள் தெனாலிராமன் மீது பல குற்றச்சாட்டுகள் எழுந்தன. அமைச்சர், அவர் காதில் விழும்படியாகவே, தெனாலிராமன் அந்த மோதிரத்தைத் தானே அபகரித்துக் கொள்ளச் செய்யும் தந்திரம் இது... இல்லாவிட்டால், அவனே அதை வெளியில் எடுத்துக் காட்டட்டுமே...! என்றார். அதைக் கேட்டதும், தெனாலிராமன் நேராக அரண்மனைக்குச் சென்றார். அரசர் ஒவ்வொரு வருடமும் ஹோலிப் பண்டிகையின் போது அந்த யானைத் தொட்டியில்தான் வண்ணநீரை நிரப்புவது வழக்கம். அதற்கு நீர் நிரப்பவும் வடி கட்டவும் தனித்தனிக் குழாய்கள் உண்டு. தெனாலி சென்று நீர் நிரப்பும் குழாயை திறந்து விட்டார்.
தொட்டியில் நீர் நிரம்பவே, அடியில் கிடந்த சிறிய மர டப்பா நீரில் மிதந்து மேலே வந்துவிட்டது. அதை எடுத்துத் திறந்து மோதிரத்தை அரசர் கையில் ஒப்படைத்து விட்டார். அரசரிடமிருந்து அது அமைச்சரைப் போய்ச் சேர்ந்து விட்டது. மகிழ்ச்சி அடைந்த அரசர் கிருஷ்ண தேவராயர், மோதிரத்தை எடுத்துத் தருபவர் தான் உனக்குப் பிறகு உன் பதவிக்கு வர முடியும் என்றாய்... இப்போது நீயே எடுத்துத் தந்து விட்டாய்... எனவே, உன் பதவி உன்னையே வந்தடைந்து விட்டது. ஆகவே, உனக்கு ஓய்வு தருவது பற்றி இனி நான் எண்ணிக்கூடப் பார்க்க முடியாது என்றார். அமைச்சர் வெட்கித் தலைகுனிந்தார்.
இன்றைய செய்திகள்
06.03. 2023
* கோவை வெள்ளியங்கிரி மலையில் 12 மணி நேரம் எரிந்த காட்டுத்தீ: மலை மீது ஏறுபவர்கள் இயற்கைச் சூழலை பாதுகாக்க பொறுப்புணர்ந்து நடந்து கொள்ள வேண்டும் என்று வனத்துறையினர் வேண்டுகோள்.
* மதுபோதையில் வாகனம் ஓட்டியதாக தொடரப்பட்ட வழக்குகளில் 4,922 வழக்குகள் கடந்த 6 வாரங்களில் தீர்க்கப்பட்டு, ரூ.5 கோடி அபராதத் தொகை வசூலிக்கப்பட்டதாக சென்னைப் பெருநகர போக்குவரத்து காவல்துறை தெரிவித்துள்ளது.
* வைரஸ் காய்ச்சலால் ஏராளமானோர் பாதிக்கப்பட்டு வரும் நிலையில் வரும் 10ம் தேதி, தமிழ்நாடு முழுவதும் ஆயிரம் இடங்களில் காய்ச்சல் சிறப்பு மருத்துவ முகாம் நடைபெறவுள்ளதாக மக்கள் நல்வாழ்வுத்துறை அமைச்சர் மா.சுப்பிரமணியன் தெரிவித்துள்ளார்.
* தென் மாவட்டங்களில் 4 நாள் மழைக்கு வாய்ப்பு: சென்னை வானிலை ஆய்வு மையம் தகவல்.
* இந்தியாவில் பரவுவது இன்ஃப்ளூயன்ஸா ஏ வகை வைரஸ் - இந்திய மருத்துவ ஆராய்ச்சி கவுன்சில் தகவல்.
* மகாராஷ்டிரா மாநிலத்தில் ஆறு இருமல் மருந்து உற்பத்தி நிறுவனங்களின் உரிமம் தற்காலிகமாக ரத்து செய்யப்பட்டுள்ளதாக அம்மாநில அரசு தெரிவித்துள்ளது.
* “நாங்கள் போருக்கு எதிரானவர்கள். மனித உரிமைகளை அடிப்படை உரிமையாக பார்ப்பவர்கள்” என்று ஈரான் வெளியுறவுத் துறை அமைச்சர் அமிரப்துல்லாஹியன் தெரிவித்துள்ளார்.
* மகளிர் பிரீமியர் லீக் போட்டியில் ஆர்சிபி அணிக்கு எதிரான ஆட்டத்தில் 60 ரன்கள் வித்தியாசத்தில் டெல்லி அணி வெற்றி பெற்றுள்ளது.
* உலகின் முதல் நிலை வீரரான நோவக் ஜோகோவிச்சின் தொடர் வெற்றிகளுக்கு துபாய் டென்னிஸ் தொடரின் அரை இறுதி ஆட்டத்தில் முற்றுப்புள்ளி வைத்தார் 7–ம் நிலை வீரரான ரஷ்யாவின் டேனியல் மேத்வதேவ்.
Today's Headlines
* A forest fire burned for 12 hours in Velliangiri Hill, Coimbatore: The forest department has requested mountain climbers to behave responsibly to protect the natural environment.
* According to the Chennai Metropolitan Traffic Police, 4,922 cases of drunken driving have been settled in the last 6 weeks and fines of Rs 5 crore have been collected.
* People's Welfare Minister M. Subrahmanian has said that a special fever medical camp will be held at 1000 places across Tamil Nadu on the 10th as many people are suffering from viral fever.
* Chances for 4-days rain in southern districts: Chennai Meteorological Center Information.
* Influenza A virus circulating in India - Indian Council of Medical Research information.
* The Maharashtra government has announced that the licenses of six cough medicine manufacturing companies have been temporarily revoked.
* “We are against war. Those who see human rights as basic rights," said Iran's Foreign Minister Amiratullahian.
* Delhi team won the women's premier league match against RCB by 60 runs.
* World number one Novak Djokovic's winning streak was ended by Russia's 7th seed Daniil Medvedev in the semi-finals of the Dubai Tennis Series.
இன்றைய (06-03-2023) ராசி பலன்கள், நட்சத்திர பலன்கள்...
இன்றைய (06-03-2023) ராசி பலன்கள், நட்சத்திர பலன்கள்...
மேஷம்
மார்ச் 06, 2023
கலை சார்ந்த பணிகளில் உள்ள சில சூட்சுமங்களை புரிந்து கொள்வீர்கள். உத்தியோக பணிகளில் இருந்துவந்த பதற்றமான சூழ்நிலைகள் குறையும். கணவன், மனைவிக்கிடையே புரிதலும், நெருக்கமும் உண்டாகும். நண்பர்கள் ஆதரவாக செயல்படுவார்கள். பிடிவாத குணத்தினை குறைத்து கொள்வது நல்லது. புதிய நபர்களின் அறிமுகத்தின் மூலம் மாற்றமான சூழ்நிலைகள் ஏற்படும். கவலைகள் குறையும் நாள்.
அதிர்ஷ்ட திசை : கிழக்கு
அதிர்ஷ்ட எண் : 4
அதிர்ஷ்ட நிறம் : நீலநிறம்
அஸ்வினி : சூட்சுமங்களை அறிவீர்கள்.
பரணி : நெருக்கம் உண்டாகும்.
கிருத்திகை : மாற்றமான நாள்.
---------------------------------------
ரிஷபம்
மார்ச் 06, 2023
தனவரவுகள் தேவைக்கு ஏற்ப இருக்கும். ஆரோக்கியம் நிமிர்த்தமான பிரச்சனைகள் குறையும். பலதரப்பட்ட மக்களின் எண்ணங்களை புரிந்து கொள்வீர்கள். பயனற்ற விவாதங்களை தவிர்ப்பது நல்லது. கடன் சார்ந்த இன்னல்கள் குறையும். வீடு மாற்றம் தொடர்பான சிந்தனைகள் மேம்படும். சிந்தனையின் போக்கில் மாற்றங்கள் ஏற்படும். வரவுகள் நிறைந்த நாள்.
அதிர்ஷ்ட திசை : தென்மேற்கு
அதிர்ஷ்ட எண் : 3
அதிர்ஷ்ட நிறம் : பொன் நிறம்
கிருத்திகை : பிரச்சனைகள் குறையும்.
ரோகிணி : வாதங்களை தவிர்க்கவும்.
மிருகசீரிஷம் : மாற்றங்கள் ஏற்படும்.
---------------------------------------
மிதுனம்
மார்ச் 06, 2023
ஆரோக்கியம் தொடர்பான இன்னல்கள் படிப்படியாக குறையும். ஆன்மிகம் தொடர்பான பணிகளில் ஆர்வம் உண்டாகும். கல்வி கற்கும் மாணவர்களுக்கு புதுவிதமான மாற்றங்கள் ஏற்படும். கணவன், மனைவிக்கிடையே மனம் விட்டு பேசுவதன் மூலம் புரிதல் உண்டாகும். கடினமான சூழ்நிலையை சமாளிக்கக்கூடிய மனப்பக்குவம் ஏற்படும். தாமதம் விலகும் நாள்.
அதிர்ஷ்ட திசை : வடமேற்கு
அதிர்ஷ்ட எண் : 5
அதிர்ஷ்ட நிறம் : இளஞ்சிவப்பு
மிருகசீரிஷம் : இன்னல்கள் குறையும்.
திருவாதிரை : மாற்றங்கள் ஏற்படும்.
புனர்பூசம் : மனப்பக்குவம் உண்டாகும்.
---------------------------------------
கடகம்
மார்ச் 06, 2023
உத்தியோகம் தொடர்பான பணிகளில் பொறுப்புகள் அதிகரிக்கும். சுபகாரியம் சார்ந்த பேச்சுவார்த்தைகள் கைகூடும். மாணவர்களுக்கு கல்வியில் இருந்துவந்த குழப்பம் நீங்கி தெளிவு பிறக்கும். நட்பு வட்டம் விரிவடையும். வெளியூர் பயணங்களின் மூலம் ஆதாயம் உண்டாகும். வியாபார பணிகளில் முன்னேற்றம் ஏற்படும். வாக்கு சாதுரியத்தின் மூலம் காரியசித்தி உண்டாகும். பிரீதி நிறைந்த நாள்.
அதிர்ஷ்ட திசை : வடக்கு
அதிர்ஷ்ட எண் : 6
அதிர்ஷ்ட நிறம் : வெள்ளை நிறம்
புனர்பூசம் : பொறுப்புகள் அதிகரிக்கும்.
பூசம் : தெளிவு பிறக்கும்.
ஆயில்யம் : காரியசித்தி உண்டாகும்.
---------------------------------------
சிம்மம்
மார்ச் 06, 2023
மனதில் புதுவிதமான சிந்தனைகள் தோன்றும். உத்தியோகம் நிமிர்த்தமான பணிகளில் மேன்மை உண்டாகும். பூர்வீக சொத்துக்களை விற்பனை செய்வதில் லாபம் அதிகரிக்கும். மனதிற்கு பிடித்த புதிய பொருட்களை வாங்கி மகிழ்வீர்கள். பிரிந்து சென்றவர்களை பற்றிய நினைவுகள் ஒருவிதமான மந்தத்தன்மையை ஏற்படுத்தும். விளையாட்டு தொடர்பான விஷயங்களில் ஈடுபாடு உண்டாகும். ஆதரவு நிறைந்த நாள்.
அதிர்ஷ்ட திசை : வடகிழக்கு
அதிர்ஷ்ட எண் : 9
அதிர்ஷ்ட நிறம் : சிவப்பு நிறம்
மகம் : புதுமையான நாள்.
பூரம் : லாபம் அதிகரிக்கும்.
உத்திரம் : ஈடுபாடு உண்டாகும்.
---------------------------------------
கன்னி
மார்ச் 06, 2023
குடும்ப உறுப்பினர்களிடம் தேவையற்ற விவாதங்களை தவிர்க்கவும். விலை உயர்ந்த பொருட்களை கையாளும் பொழுது கவனம் வேண்டும். ரகசியம் தொடர்பான செயல்பாடுகளில் கவனம் வேண்டும். வெளி உணவுகளில் கவனம் வேண்டும். புதிய நபர்களின் அறிமுகத்தின் மூலம் மாற்றங்கள் ஏற்படும். பணிகளில் இருந்துவந்த பொறுப்புகள் குறையும். பாசம் நிறைந்த நாள்.
அதிர்ஷ்ட திசை : தெற்கு
அதிர்ஷ்ட எண் : 8
அதிர்ஷ்ட நிறம் : நீலநிறம்
உத்திரம் : வாதங்களை தவிர்க்கவும்.
அஸ்தம் : கவனம் வேண்டும்.
சித்திரை : பொறுப்புகள் குறையும்.
---------------------------------------
துலாம்
மார்ச் 06, 2023
வெளியூர் தொடர்பான பயணங்களால் நன்மை உண்டாகும். நீண்ட நாட்களாக மனதை உறுத்திய பிரச்சனைகளுக்கு தீர்வு கிடைக்கும். கடன் சார்ந்த பிரச்சனைகள் குறையும். விலகி சென்றவர்கள் விரும்பி வருவதற்கான சூழ்நிலைகள் உண்டாகும். மனதில் நேர்மறையான எண்ணங்கள் அதிகரிக்கும். உயர் அதிகாரிகளின் ஒத்துழைப்பு கிடைக்கப் பெறுவீர்கள். மனதில் வர்த்தகம் தொடர்பான சிந்தனைகள் மேம்படும். வெற்றி நிறைந்த நாள்.
அதிர்ஷ்ட திசை : மேற்கு
அதிர்ஷ்ட எண் : 7
அதிர்ஷ்ட நிறம் : ஊதா நிறம்
சித்திரை : நன்மையான நாள்.
சுவாதி : பிரச்சனைகள் குறையும்.
விசாகம் : ஒத்துழைப்பு கிடைக்கும்.
---------------------------------------
விருச்சிகம்
மார்ச் 06, 2023
பலம் மற்றும் பலவீனங்களை புரிந்து கொள்வீர்கள். எதிர்பாராத தனவரவுகள் உண்டாகும். உடனிருப்பவர்களை பற்றியும், உலகியல் வாழ்க்கையை பற்றியும் புரிதல் ஏற்படும். எண்ணிய பணிகளை செய்து முடிப்பீர்கள். பயணங்களால் தொழிலில் முன்னேற்றம் ஏற்படும். வியாபாரம் நிமிர்த்தமான ரகசியங்களை பகிராமல் இருப்பது நல்லது. கவனம் வேண்டிய நாள்.
அதிர்ஷ்ட திசை : தென்மேற்கு
அதிர்ஷ்ட எண் : 9
அதிர்ஷ்ட நிறம் : இளம் மஞ்சள்
விசாகம் : புரிதல் உண்டாகும்.
அனுஷம் : எண்ணங்கள் ஈடேறும்.
கேட்டை : முன்னேற்றமான நாள்.
---------------------------------------
தனுசு
மார்ச் 06, 2023
நெருக்கமானவர்களிடம் எதிர்பார்த்த சில உதவிகளால் மேன்மை ஏற்படும். ஆராய்ச்சி சார்ந்த சிந்தனைகள் மேம்படும். சாதுரியமாக செயல்பட்டு எண்ணியதை நிறைவேற்றி கொள்வீர்கள். குழந்தைகள் வழியில் இருந்துவந்த கருத்து வேறுபாடுகள் குறையும். அதிர்ஷ்டகரமான சில வாய்ப்புகளின் மூலம் மாற்றங்கள் உண்டாகும். வெளிவட்டாரத்தில் உங்கள் மீதான நம்பிக்கை அதிகரிக்கும். இன்பம் நிறைந்த நாள்.
அதிர்ஷ்ட திசை : தென்கிழக்கு
அதிர்ஷ்ட எண் : 4
அதிர்ஷ்ட நிறம் : சாம்பல் நிறம்
மூலம் : மேன்மையான நாள்.
பூராடம் : கருத்து வேறுபாடுகள் குறையும்.
உத்திராடம் : நம்பிக்கை அதிகரிக்கும்.
---------------------------------------
மகரம்
மார்ச் 06, 2023
எண்ணிய சில பணிகள் செய்வதில் காலதாமதம் உண்டாகும். எதிலும் திருப்தியற்ற மனநிலை ஏற்படும். குழந்தைகள் வழியில் கவனம் வேண்டும். சமூக பணிகளில் இருப்பவர்களுக்கு மாற்றமான சூழல் அமையும். நிர்வாக துறைகளில் விவேகத்துடன் செயல்படவும். மற்றவர்கள் பற்றிய கருத்துக்களை தவிர்க்கவும். கால்களில் பிரச்சனைகள் ஏற்பட்டு நீங்கும். விவசாய பணிகளில் அலைச்சல்கள் ஏற்படும். நிதானம் வேண்டிய நாள்.
அதிர்ஷ்ட திசை : தெற்கு
அதிர்ஷ்ட எண் : 6
அதிர்ஷ்ட நிறம் : பச்சை நிறம்
உத்திராடம் : தாமதம் உண்டாகும்.
திருவோணம் : மாற்றமான நாள்.
அவிட்டம் : அலைச்சல்கள் ஏற்படும்.
---------------------------------------
கும்பம்
மார்ச் 06, 2023
உத்தியோகத்தில் தவறிய சில வாய்ப்புகள் மீண்டும் கிடைக்கும். வர்த்தக பணிகளில் முயற்சிக்கு ஏற்ப முன்னேற்றம் உண்டாகும். பிரபலமானவர்களின் அறிமுகம் கிடைக்கும். எதிர்பார்த்த சில உதவிகள் சாதகமாக அமையும். நண்பர்களின் வருகையால் மகிழ்ச்சியான சூழ்நிலைகள் ஏற்படும். மனதில் புதுவிதமான ஆசைகள் உண்டாகும். ஊக்கம் நிறைந்த நாள்.
அதிர்ஷ்ட திசை : கிழக்கு
அதிர்ஷ்ட எண் : 3
அதிர்ஷ்ட நிறம் : மஞ்சள் நிறம்
அவிட்டம் : வாய்ப்புகள் கிடைக்கும்.
சதயம் : உதவிகள் சாதகமாகும்.
பூரட்டாதி : மகிழ்ச்சியான நாள்.
---------------------------------------
மீனம்
மார்ச் 06, 2023
பொருளாதாரம் தொடர்பான பிரச்சனைகள் நீங்கி மகிழ்ச்சி உண்டாகும். பயணங்களின் மூலம் புதிய அனுபவம் ஏற்படும். மனதில் இருந்துவந்த குழப்பம் நீங்கும். கொடுக்கல், வாங்கலில் திடீர் திருப்பம் ஏற்படும். நெருக்கமானவர்களிடம் இருந்துவந்த கருத்து வேறுபாடுகள் நீங்கும். மனதில் இருந்த கவலைகள் குறையும். தந்தையின் தொழிலால் அனுகூலமான வாய்ப்புகள் உண்டாகும். பயணங்கள் கைகூடும் நாள்.
அதிர்ஷ்ட திசை : மேற்கு
அதிர்ஷ்ட எண் : 9
அதிர்ஷ்ட நிறம் : சிவப்பு நிறம்
பூரட்டாதி : அனுபவம் ஏற்படும்.
உத்திரட்டாதி : திருப்பம் ஏற்படும்.
ரேவதி : அனுகூலமான நாள்.
---------------------------------------
2023ஆம் ஆண்டு வரையறுக்கப்பட்ட விடுமுறை நாட்கள் (RL) பட்டியல் (List of Restricted Holidays in 2023)...
2023ஆம் ஆண்டு வரையறுக்கப்பட்ட விடுமுறை நாட்கள் பட்டியல் (List of Restricted Holidays in 2023)...
ஜனவரி
02-01-2023 - திங்கள் - வைகுண்ட ஏகாதசி
06-01-2023 - வெள்ளி - ஆருத்ரா தரிசனம்
14-01-2023 - சனி - போகி & கியர்வீன் ஆப் அப்துல்கதர்
பிப்ரவரி
05-02-2023 - ஞாயிறு - தைப்பூசம் (அரசு விடுமுறை)
18-02-2023 - சனி - மகா சிவராத்திரி மற்றும் ஷபே மிராஜ்
22-02-2023 - புதன் - சாம்பல் புதன்
மார்ச்
04-03-2023 - சனி - அய்யா வைகுண்டர் பிறந்தநாள்
06-03-2023 - திங்கள் - மாசி மகம்
19-03-2023 - ஞாயிறு - ஷபே பாரத்
23-03-2023 - வியாழன் - ரம்ஜான் முதல் நாள்
ஏப்ரல்
06.04.2023 - வியாழன் - மாண்டி வியாழன்
09.04.2023 - ஞாயிறு - ஈஸ்டர்
14-04-2023 - வெள்ளி - டாக்டர் அம்பேத்கர் பிறந்த நாள்
18-04-2023 - செவ்வாய் - ஷபே காதர்
மே
05-05-2023 - வெள்ளி - சித்ரா பெளர்ணமி/புத்தபூர்ணிமா
ஜூன்
27-06-2023 - செவ்வாய் - அர்பா
ஜூலை
19-07-2023 - புதன் - ஹிஜ்ரா-புது வருடம்
ஆகஸ்ட்
03-08-2023 - வியாழன் - ஆடிப்பெருக்கு
25-08-2023 - வெள்ளி - வரலட்சுமி விரதம்
29-08-2023 - செவ்வாய் - ரிக் உபகர்மா & ஓணம்
30-08-2023 - புதன் - யஜூருபகர்மா
31-08-2023 - வியாழன் - காயத்ரி ஜெபம்
செப்டம்பர்
16-09-2023 - சனி - சாம உபகர்மா
அக்டோபர்
13-10-2023 - வெள்ளி - மகாளய அமாவாசை
நவம்பர்
02-11-2023 - வியாழன் - ஆல் சோல்ஸ் டே
12-11-2023 - ஞாயிறு - தீபாவளி நோன்பு
26-11-2023 - ஞாயிறு - கார்த்இகை தபம்
27-11-2023 - திங்கள் - குருநானக் பிறந்தநாள்
டிசம்பர்
23.12.2023 - சனி - வைகுண்ட ஏகாதசி
24-12-2023 - ஞாயிறு - கிறிஸ்துமஸ் ஈவ்
27-12-2023 - புதன் - ஆருத்திரா தரிசனம்
31.12.2023 - ஞாயிறு - நியூஇயர் ஈவ்
>>> கல்வி அஞ்சல் Youtube Channel-ஐ Subscribe செய்ய...
இதற்கு குழுசேர்:
இடுகைகள் (Atom)
பள்ளி காலை வழிபாட்டுச் செயல்பாடுகள் 09-11-2024
பள்ளி காலை வழிபாட்டுச் செயல்பாடுகள் 09-11-2024 - School Morning Prayer Activities... திருக்குறள்: "பால்: பொருட்பால் அதிகாரம்: பழ...
