User Manual for Progression Activity in Student Data Management System (SDMS) UDISE+ (School / Entry Users) Version 1.0...

 

User Manual for Progression Activity in Student Data Management System (SDMS) UDISE+ (School / Entry Users) Version 1.0...

>>> Click Here to Download...

UDISE+ - Progression Activity Format - From the Academic Year 2023-24 to 2024-25...

 

 UDISE+ - Progression Activity Format - From the Academic Year 2023-24 to 2024-25...

>>> Click Here to Download...

பள்ளி காலை வழிபாட்டு செயல்பாடுகள் - 27-09-2024...

   

 

பள்ளி காலை வழிபாட்டு செயல்பாடுகள் - 27-09-2024  - School Morning Prayer Activities...

திருக்குறள்:

பால்: பொருட்பால்

அதிகாரம்: நட்பு ஆராய்தல்

குறள் எண்:795

அழச்சொல்லி அல்லது இடித்து வழக்குஅறிய

வல்லார்நட்பு ஆய்ந்து கொளல்.

பொருள்: நன்மையில்லாத செயலைக் கண்டபோது வருந்தும்படியாக இடித்துச் சொல்லி, உலக நடையை அறிய வல்லவரின் நட்பை ஆராய்ந்து கொள்ள வேண்டும்.

பழமொழி :

எறும்பு ஊரக் கல்லும் தேயும்.

Persistence never fails.

இரண்டொழுக்க பண்புகள் : 

* தேர்வுகள் எழுதுவது எனது கற்றல் திறனை நானே அறிந்து கொள்ள உதவும். எனவே தேர்வுக்கு நன்கு படித்து தயாராவேன்.                             

* கையெழுத்து அழகாக இருந்தால் நான் எழுதும் விபரம் பிறருக்கு நன்கு புரியும்.  எனவே எப்போதும் அழகாக எழுதுவேன்.

பொன்மொழி :

எடுத்தால் குறைவது செல்வம், கொடுத்தால் வளர்வது கல்வி.

பொது அறிவு :

1. மையோப்பியா என்ற நோய் மனிதனின் எந்த உடல் உறுப்பை தாக்குகிறது?

கண்கள்.

2 . கடல் சிங்கங்கள் எங்கு காணப்படுகின்றன?

அண்டார்டிகா.

English words & meanings :

intend - கருத்து,

  plan - திட்டம்

வேளாண்மையும் வாழ்வும் :

மடைகளை அமைக்க முதலில் பனைமரங்கள் பயன்படுத்தப்பட்டன.

செப்டம்பர் 27

உலக சுற்றுலா நாள்

உலக சுற்றுலா நாள் (World Tourism Day) உலக சுற்றுலா நிறுவனத்தின் ஆதரவில் செப்டம்பர் 27ம் நாளில் 1980ம் ஆண்டிலிருந்து உலகெங்கும் கொண்டாடப்பட்டு வருகிறது. 1979இல் ஸ்பெயினில் நடைபெற்ற ஐக்கிய நாடுகள் உலக சுற்றுலா நிறுவனத்தின் மூன்றாவது பொது அவைக்கூட்டத்தில் இதற்கான தீர்மானம் கொண்டுவரப்பட்டு நிறைவேற்றப்பட்டது. சுற்றுலாவின் முக்கியத்துவத்தை உலகெங்கும் எடுத்துக்காட்டவும் சுற்றுலா எப்படி மக்களின் சமூக, கலாச்சார, அரசியல் மற்றும் பொருளாதாரத்தில் தாக்கத்தை ஏற்படுத்துகிறது என்பதை எடுத்துக்காட்டவும் இந்நாள் சிறப்பிக்கப்பட்டு வருகிறது.

நீதிக்கதை

நரியும் புலியும்

ஒரு அடர்ந்த காட்டிற்குள் பல விலங்குகள் வசித்து வந்தன. அங்குள்ள அனைத்து விலங்குகளுக்கும் புலியை கண்டால் மிகவும் பயம். தூரத்தில் புலி வருவதை பார்த்தாலே இவர்கள் அனைவரும் பயந்து ஓடுவார்கள்.ஒருநாள் புலி வந்து கொண்டிருக்கும்போது, மற்ற விலங்குகள் அந்த புலியை பார்த்து பயந்து ஓடுவதை நரி ஒன்று பார்த்துக் கொண்டு இருந்தது.

அந்த நரிக்கு புலியின் மேல் பொறாமை  உண்டு, “இந்த விலங்குகள் எல்லாம் புலியை மட்டும் பார்த்து பயப்பட்டு ஓடுகிறார்கள், ஆனால் என்னை பார்த்து யாரும் பயப்படுவதில்லையே” என்று எண்ணி நானும் ஏதாவது செய்ய வேண்டும் என்று யோசித்துக் கொண்டிருந்தது.

அப்போதுதான் அது முடிவெடுத்தது. நானும் புலியைப் போல் மாறினால் என்னையும் பார்த்து எல்லாரும் நிச்சயமாக பயப்படுவார்கள், என்ற எண்ணத்தில்,வண்ணம் பூசுபவனிடம் சென்ற நரி  “எனக்கு புலியைப் போல் தோற்றம் வேண்டும் எனவே என் மீது வண்ணம் பூசு என்றது”. அவனும் சரி என்று சொல்லிக்கொண்டு அந்த நரியின் மேல் வண்ணத்தை பூசினான்.

அந்த நரி பார்ப்பதற்கு புலியைப் போல்  தோற்றம் கொண்டிருந்தது. இந்த நரி “இனிமேல் எல்லோரும் நிச்சயமாக என்னை பார்த்து பயப்படுவார்கள்” என்று சிரித்துக்கொண்டே காட்டுக்குள் சென்று ஊளை இட ஆரம்பித்தது. என்னதான் அது புலியை போல் வண்ணம் பூசி இருந்தாலும், அதன் குரல் நரியை போல் தான் இருந்தது.புலியை போல் அதனால் சத்தம் இட முடியவில்லை.

இதன் சத்தத்தை கேட்டு மற்ற எல்லா விலங்குகளும் ஓடி வந்தன. மற்ற விலங்குகள் நரியை பார்த்து ஆச்சரியப்பட்டனர். ஆனால் சிறிது நேரத்தில் பயங்கரமான மழை ஆரம்பித்தது. அந்த மழையில் நனைந்த  நரியின் வேஷம் அனைத்தும் கலைந்து போயின. அந்த நரி மீண்டும் பழைய நிலைமைக்கே வந்தது. இதை பார்த்த மற்ற எல்லா விலங்குகளும் ஏளனமாக  சிரித்தனர்.

நீதி: நாம் நாமாக இருப்பதே நல்லது.

இன்றைய செய்திகள்

27.09.2024

* பள்ளிக் கல்வித் துறையில் பணிபுரியும் 1,400 தற்காலிக பட்டதாரி ஆசிரியர்களுக்கு நவம்பர் மாதம் வரை ஊதியம் வழங்குவதற்கான கொடுப்பாணை வெளியிடப்பட்டுள்ளது.

* தமிழகத்தில் 40 மாதங்களில் 17.5 லட்சம் பேருக்கு குடும்ப அட்டைகள் வழங்கப்பட்டுள்ளதாக, உணவுத் துறை அமைச்சர் சக்கரபாணி தெரிவித்துள்ளார்.

* மண்ணில் குழி தோண்டி விளையாடிக் கொண்டிருந்தபோது முதலாம் ராஜராஜசோழன் (கி.பி.985-1012) பெயர் பொறித்த 1000 ஆண்டுகள் பழமையான ஈழக்காசை ராமநாதபுரம் மாவட்டம் திருப்புல்லாணி அரசுப் பள்ளி மாணவிகள் கண்டெடுத்துள்ளனர்.

* சென்னை மாவட்டத்துக்கு உட்பட்ட, 2024-25-ம் ஆண்டுக்கான சிறந்த பெண் குழந்தைகளுக்கான விருதுக்கு செப்.30-க்குள் விண்ணப்பிக்க வேண்டும் என சென்னை மாவட்ட ஆட்சியர் ரஷ்மி சித்தார்த் ஜகடே தெரிவித்துள்ளார்.

* விவசாயத்துக்கு மின்விநியோகம் செய்ய தனி வழித்தடம் அமைக்கும் பணியை தமிழ்நாடு மின்சார வாரியம் தொடங்கியுள்ளது.

* மும்பையில்  கனமழை பெய்து வருவதால் மக்களின் இயல்பு வாழ்க்கை பாதிப்பு.

* உக்ரைனைப் பயன்படுத்தி ரஷ்யா மீது தீவிர தாக்குதல் நடத்தப்படுமானால், அணுஆயுதங்களைப் பயன்படுத்த ரஷ்யா தயங்காது என்று ஐரோப்பிய நாடுகளுக்கு அதிபர் விளாடிமிர் புதின் எச்சரிக்கை விடுத்துள்ளார்.

* மக்காவ் ஓபன் சர்வதேச பேட்மிண்டன்: இந்திய வீரர் ஸ்ரீகாந்த் 2-வது சுற்றுக்கு தகுதி பெற்றுள்ளார்.

* சீன ஓபன் டென்னிஸ்: ஜானிக் சினெர் அடுத்த சுற்றுக்கு முன்னேற்றம்.

* இலங்கை- நியூசிலாந்து அணிகளுக்கிடையிலான 2-வது டெஸ்ட் நேற்று தொடங்கியது.

Today's Headlines

* Payments for 1,400 temporary graduate teachers working in the school education sector till November have been released.

* Food Minister Chakrapani said that 17.5 lakh people have been given family cards in 40 months in Tamil Nadu.

* A 1000-year-old Esakasai inscribed with the name of Rajarajacholan I (985-1012 AD) was found by the girls of Tirupullani Government School of Ramanathapuram district while playing in a hole in the soil.

* Chennai District Collector Rashmi Siddharth Jagade said that they should apply for the best girl child award for the year 2024-25 under Chennai district by September 30.

* The Tamil Nadu Electricity Board has started the work of setting up a separate channel for power distribution to agriculture.

*  Normal life of people affected due to heavy rains in Mumbai.

* President Vladimir Putin has warned European countries that Russia will not hesitate to use nuclear weapons if there is a serious attack on Russia using Ukraine.

*  Macau Open International Badminton: Indian player Srikanth qualified for 2nd round.

* Chinese Open Tennis: Janic Siner advances to next round

* The 2nd Test between Sri Lanka and New Zealand started yesterday.

Prepared by

Covai women ICT_போதிமரம்

Important Announcement Regarding Pensioners Identity Card...

 ஓய்வூதியர்கள் அடையாள அட்டை குறித்து முக்கிய அறிவிப்பு...

Pensioner ID card in Tamil Nadu: தமிழகத்தில் இருக்கக்கூடிய ஒரு வகையை சார்ந்த அரசு ஓய்வூதியர்களுக்கு அடையாள அட்டை வழங்குவது சார்ந்து முக்கியமான தகவல் வந்து வெளியாகி உள்ளது.

Pensioners Identity Card Latest Updates: ஓய்வூதியர் அடையாள அட்டை குறித்துக் வெளியாகி உள்ள அறிவிப்பு என்பது எந்த வகையினை சார்ந்த ஓய்வூதியர்களுக்கு  பொருந்தும். இதற்கு எவ்வாறு விண்ணப்பிக்க வேண்டும். இந்த அடையாளத்தை பெற விண்ணப்பத்துடன் என்னென்ன ஆவணங்கள் இணைக்க வேண்டும் போன்ற விவரங்களை குறித்து தெரிந்துக்கொள்வோம்.

ஓய்வூதியர்கள் அடையாள அட்டை குறித்து புதிய அறிவிப்பு...

மத்திய மற்றும் மாநில அரசின் சார்பாக அரசு ஊழியர்கள் மற்றும் ஓய்வூதாரர்கள் பயன்பெறும் வகையில் புதிய அறிவிப்புகளும், அவர்கள் பின்பற்ற வேண்டிய நடைமுறை விதிமுறை மாற்றங்கள் சார்ந்தும் தகவல்கள் வெளியிடப்படுவது வழக்கம். அந்த வகையில் ஓய்வூதியர்கள் அடையாள அட்டை குறித்து புதிய அறிவிப்பு வெளியாகி இருக்கிறது. 

டிஓடி (DoT) ஓய்வூதியர்கள் அனைவரும் ஓய்வூதியர் அடையாள அட்டை (பென்ஷனர்ஸ் ஐடென்டிட்டி கார்டு - Pensioners Identity Card) பெற விண்ணப்பம் செய்வது தொடர்பாக அறிவிப்புகள் வெளியாகி இருக்கிறது. 

ஓய்வூதியர்கள் அனைவருக்கும் அடையாள அட்டைகளை (Pensioners Identity Card) வழங்குவதாக பிஆர்.சிசிஏ (DoT தமிழ்நாடு சர்க்கிள் (Tamil Nadu Circle) அலுவலக அதிகாரிகள் தெரிவித்திருக்கிறார்கள்.

ஓய்வூதியர் அடையாள அட்டைக்கு தேவையான ஆவணங்கள் என்னென்ன? 

ஓய்வூதியர்கள் அனைவரும் உரிய படிவத்தை பூர்த்தி செய்து அந்த படிவத்துடன் இரண்டு போட்டோ அனுப்பப்பட வேண்டும்.

ஒன்று அந்த படிவத்தில் ஒட்டப்பட வேண்டும் மற்றொன்று தனியாக ஒரு கவரில் போட்டு விண்ணப்பத்துடன் இணைத்து அனுப்பி வைக்க வேண்டும். 

இரண்டாவதாக பிபிஓ (PPO) நகல் அனுப்ப வேண்டும். 

மூன்றாவதாக ஆதார் கார்டு நகல் இணைத்து அனுப்ப வேண்டும். 

ஓய்வூதியர் அடையாள அட்டை விண்ணப்பத்துடன் அனைத்து ஆவணங்களையும் இணைத்து கீழே கொடுக்கபட்டுள்ள விலாசத்தில் இருக்கக்கூடிய அலுவலகத்திற்கு நேரில் சென்றோ அல்லது ஸ்பீடு போஸ்ட் (Speed Post) மூலமாகவோ சமர்ப்பிக்க வேண்டும் என அறிவிறுத்தப்படு உள்ளது. 

ஓய்வூதியர் அடையாள அட்டைக்கு விண்ணப்பிப்பது எப்படி? 

டிஓடி ஓய்வூதியர்கள் அனைவரும் ஓய்வூதியர் அடையாள அட்டை பெற பூர்த்தி செய்த விண்ணப்ப படிவத்துடன் தேவையான அந்த மூன்று ஆவணங்களை கீழே காணக்கூடிய முகவரிக்கு நேரில் சென்றோ அல்லது ஸ்பீடு போஸ்ட் மூலம் சமர்ப்பிக்கலாம். 

ஓய்வூதியர் அடையாள அட்டை விண்ணப்பம் அனுப்ப வேண்டிய முகவரி எது?

CCA -Pension Office Address

Deputy Controller of Communication

Accounts (Pension), DOT Cell, 

Office of Principal CCA, 

Tamil Nadu Circle, 

TNT Complex, 1st Floor, 

No-60, Ethiraj Salai, 

Egmore,

Chennai-600008.

The boy who went with his friends and hurled a petrol bomb at the house of his fellow schoolgirl...

 பெட்ரோல் குண்டு வீசிய பள்ளி சிறுவன்...

விழுப்புரத்தில் உடன் படிக்கும் பள்ளி மாணவியின் வீட்டின் மீது நண்பர்களுடன் சென்று பெட்ரோல் குண்டு வீசிய சிறுவன்...

கொலை மிரட்டலும் விடுத்த நிலையில், நான்கு சிறுவர்களை கைது செய்து கூர்நோக்கு இல்லத்தில் அடைப்பு...

விழுப்புரத்தில், வீட்டில் பெட்ரோல் குண்டு வீசி மிரட்டல் விடுத்த 3 சிறுவர்களை போலீசார் கைது செய்து சிறுவர் சீர்திருத்த பள்ளியில் அடைத்தனர்.

திருடியதை காட்டி கொடுத்த மாணவி - வீடு தேடி வந்து பெட்ரோல் குண்டு வீசிய 4 சிறுவர்கள்... நடந்தது என்ன ?

விழுப்புரம் : விழுப்புரத்தில் கூலித் தொழிலாளியின் வீட்டில் பெட்ரோல் குண்டு வீசிய 4 சிறுவர்களை விழுப்புரம் மேற்கு காவல் நிலைய போலீசார் கைது செய்து சிறுவர் சீர்திருத்த பள்ளியில் அடைத்தனர்.

பெட்ரோல் குண்டு வீசிய 4 சிறுவர்கள்

விழுப்புரம் ஜி.ஆர்.பி. தெருவை சேர்ந்தவர் கூலித்தொழிலாளியான பிரதாப் தனது மனைவி மற்றும் குழந்தைகளுடன்  இரவு, வீட்டினுள் படுத்து உறங்கி  கொண்டிருந்தனர். அப்போது நள்ளிரவு 1.45 மணியளவில் இவரது வீட்டில் திடீரென பயங்கர சத்தத்தை கேட்டு அதிர்ச்சியில் எழுந்த பிரதாப் மற்றும் அவரது மனைவி ராசாத்தி ஆகிய இருவரும் வீட்டில் இருந்து வெளியே வந்து பார்த்தனர்.

அப்போது அதே பகுதியை சேர்ந்த ரகுபதி, மனோஜ், கோகுல், விஷ்னு ஆகிய சிறுவர்கள் வீட்டின் வாயிலில் பாட்டிலில் பெட்ரோல் ஊற்றி திரிபோடுவதை கண்ட பிரதாப் சிறுவர்களை விரட்டிய போது வீட்டின் மீது பெட்ரோல் குண்டு வீசியதை உங்கள் மீது வீசுவோம் என பிரதாப் மற்றும் அவரது மனைவி ராசாத்தியை ஆகிய இருவரையும் திட்டி தாக்கி கொலை மிரட்டல் விடுத்தனர். இதனால் அதிர்ச்சியடைந்த ராசாத்தி, விழுப்புரம் மேற்கு காவல்  நிலையத்தில் புகார் செய்தார்.

அந்த  புகாரின் பேரில் போலீசார் வழக்குப்பதிவு செய்து 4 சிறுவர்களை கைது செய்து சிறுவர் சீர்திருத்த பள்ளியில் அடைத்தனர். இச்சம்பவம் குறித்து போலீசார் விசாரணை செய்ததில் பிரதாப் மகள் பயிலும் பள்ளியில் சிறுவர்களும் பயின்றுவருகிற நிலையில் ரகுபதி பிரதாப்பின் மகள் பையில் இருந்த மோதிரத்தை திருடியதை கண்டுபிடித்து ஆசிரியரிடம் கூறியதால் ஏற்பட்ட பிரச்சனையில் சிறுவர்கள் பிரதாப் வீட்டின் மேல் பெட்ரோல் குண்டு வீசியது தெரியவந்தது. இச்சம்பவம் அப்பகுதியில் பரபரப்பை ஏற்படுத்தியுள்ளது.

சீர்திருத்தப் பள்ளிகள்

19 ஆம் நூற்றாண்டில் குற்றவியல் குழந்தைகளுக்கு வழங்கப்பட்ட தண்டனை வசதிகள் மற்றும் 1850 இல் தொடங்கி அரசாங்கத்தால் சான்றளிக்கப்பட்டன. சமூகத்தின் மதிப்புகள் மாறியதால், சீர்திருத்தங்களின் பயன்பாடு குறைந்து, அவை பாராளுமன்றச் சட்டத்தின் மூலம் ஒருங்கிணைக்கப்பட்டது. அங்கீகரிக்கப்பட்ட பள்ளிகள் . அவர்களின் சில நடைமுறைகளில் இதேபோன்று இருந்தாலும், தொழில்துறை பள்ளிகள் பாதிக்கப்படக்கூடிய குழந்தைகள் குற்றவாளிகளாக மாறுவதைத் தடுக்கும் நோக்கம் கொண்டது.

சிறைத்தண்டனை விதிக்கப்பட்ட பதினைந்து வயதுக்குட்பட்ட சிறுவர்களை சீர்திருத்தப் பள்ளிகளுக்கு அனுப்புவதற்கு மாஜிஸ்திரேட்டுகளின் அதிகாரம்: 

சிறைத் தண்டனையை நிறைவேற்றும் வகையில், இளமைக் குற்றவாளி அடைக்கப்பட்டிருக்கும் சிறைச்சாலையின் பொறுப்பாளர், பதினைந்து வயதை எட்டாத பட்சத்தில், அந்தச் சிறைச்சாலை அமைந்துள்ள மாவட்ட ஆட்சியரிடம் அவரைக் கொண்டு வரலாம் மற்றும் அத்தகைய மாஜிஸ்திரேட், அத்தகைய இளமைக் குற்றவாளி, சீர்திருத்தப் பள்ளியின் கைதியாகத் தகுதியான நபராகத் தோன்றினால், எஞ்சியிருக்கும் தண்டனைக் காலத்தை அடைவதற்குப் பதிலாக, அவர் ஒரு சீர்திருத்தப் பள்ளிக்கு அனுப்பப்பட்டு, அங்கே காவலில் வைக்கப்பட வேண்டும் என்று அறிவுறுத்தலாம். சட்டப்பிரிவு 8 அல்லது கீழ் குறிப்பிடப்பட்டுள்ள அதே வரம்புகளுக்கு உட்பட்டது, காவலில் வைத்திருக்கும் காலத்தின் மூலம் அங்கீகரிக்கப்பட்ட காலம்.

கோயில் அர்ச்சகர் போக்சோ சட்டத்தின் கீழ் கைது...

கோயில் அர்ச்சகர் போக்சோ சட்டத்தின் கீழ் கைது...

தேனி மாவட்டம் பெரியகுளம் அருகே வடகரை பகுதியில் சிறார்களை கோயிலுக்குள் அழைத்து பாலியல் சீண்டலில் ஈடுபட்ட கோயில் அர்ச்சகர் திலகர் (வயது 70) போக்சோ சட்டத்தின் கீழ் கைது...

குழந்தைகள் தங்களின் பெற்றோரிடம் இது குறித்து தெரிவிக்க, அப்பகுதி மக்கள் கோயிலை நோக்கி திரண்டு வர, அர்ச்சகர் திலகர் உள்ளே இருந்துகொண்டு கோயிலைப் பூட்டியுள்ளார்.

போலீசாருக்கு தகவல் தெரிந்து அவர்கள் வந்து அர்ச்சகர் திலகரை அழைத்துச் சென்று வழக்குப்பதிவு செய்து சிறையில் அடைத்தனர்...

தேனி மாவட்டத்தில் இந்து சமய அறநிலையத் துறைக்குச் சொந்தமான பகவதி அம்மன் கோயிலில் 70 வயது நபர் பூசாரியாக பணிபுரிந்து வருகிறார். இந்நிலையில், நேற்று மாலை கோயில் முன்பாக விளையாடிக் கொண்டிருந்த இரண்டு சிறுமிகளுக்கு இனிப்பு வழங்கி கோயிலுக்குள் அழைத்துச் சென்ற பூசாரி, அவர்களுக்கு பாலியல் தொல்லை அளித்துள்ளார்.

இதனையடுத்து, பதட்டத்துடன் வெளியே வந்த சிறுமி, இந்த சம்பவம் பற்றி தனது பெற்றோரிடம் தெரிவித்துள்ளார். பின்னர், சிறுமியின் பெற்றோர், உறவினர்கள் மற்றும் அப்பகுதி மக்கள் கோயில் முன்பாக கூடினர். இதனைத் தொடர்ந்து, உறவினர்கள் தாக்க வந்து விடுவார்கள் என நினைத்த பூசாரி, கோயிலை பூட்டிக் கொண்டு கோயிலுக்குள் ஒளிந்து கொண்டார்.

இதனை அடுத்து, வடகரை காவல்துறையினருக்கு கொடுத்த தகவலின் அடிப்படையில், காவல்துறையினர் கோயிலை அடைத்துக் கொண்டு உள்ளே ஒளிந்திருந்த பூசாரியை அழைத்து, கோயிலைத் திறந்து கோவிலுக்குள்ளேயே விசாரணை மேற்கொண்டனர். இதனிடையே, சிறுவர் சிறுமியரின் உறவினர்கள் பெருமளவு திரண்டு பூசாரியைத் தாக்கும் முயற்சியில் ஈடுபட முற்பட்டதால், காவல்துறையினர் கோயில் பூசாரியை வடகரை காவல் நிலையத்திற்கு அழைத்துச் சென்றனர்.

மேலும், இச்சம்பவம் தொடர்பாக பாதிக்கப்பட்ட சிறுமியின் பெற்றோர் கொடுத்த புகாரின் அடிப்படையில், காவல்துறையினர் பூசாரி திலகர் மீது போக்சோ சட்டத்தின் கீழ் வழக்குப் பதிவு செய்தனர். தொடர்ந்து, அவர் நீதிமன்ற உத்தரவின் பேரில் 15 நாட்கள் நீதிமன்றக் காவலில் சிறையில் அடைக்கப்பட்டுள்ளார்.

Application form for getting duplicate Second Copy 12th standard mark list certificate, if it is lost...

 

12ஆம் வகுப்பு மதிப்பெண் சான்றிதழ் தொலைந்து போனால் இரண்டாம் படி நகல் பெறுவதற்கான விண்ணப்பப் படிவம்...

Application form for getting duplicate Second Copy 12th standard mark list certificate, if it is lost...

>>> தரவிறக்கம் செய்ய இங்கே சொடுக்கவும்...