ஒவ்வொரு பள்ளியிலும் இருக்க வேண்டிய முதலுதவி புத்தகம் (PDF)...

 >>> முதலுதவி புத்தகம் (PDF) தரவிறக்கம் செய்ய இங்கே சொடுக்கவும்...

ஒற்றைப் பெண் குழந்தைகளுக்கு சிபிஎஸ்இ அறிவித்துள்ள உதவித்தொகையைப் பெற விண்ணப்பிப்பதற்கான கால அவகாசம் நீட்டிக்கப்பட்டுள்ளது....

 

ஒற்றைப் பெண் குழந்தைகளுக்கு சிபிஎஸ்இ அறிவித்துள்ள உதவித்தொகையைப் பெற விண்ணப்பிப்பதற்கான கால அவகாசம் நீட்டிக்கப்பட்டுள்ளது.

10-ம் வகுப்பை முடித்த ஒற்றைப் பெண் குழந்தைகளுக்கு உதவித்தொகை  வழங்கப்படும் என்று சிபிஎஸ்இ  அண்மையில் அறிவித்தது. பெண் குழந்தைகளிடையே கல்வியை ஊக்குவிக்கும் பெற்றோரின் முயற்சிகளை அங்கீகரிக்கும் விதமாகவும் திறமையான மாணவர்களை ஊக்கமளிக்கும் விதமாகவும் இந்த உதவித்தொகை  வழங்கப்படுகிறது.

10-ம் வகுப்பில் 60 சதவீதம் அல்லது அதற்கு மேல் மதிப்பெண்களைப் பெற்றுள்ள மாணவிகள் மற்றும் 11, 12-ம் வகுப்புகளை சிபிஎஸ்இ மற்றும் அதன் கட்டுப்பாட்டில் இயங்கும் பள்ளிகளில் படிக்கும் மாணவிகள் இதற்குத் தகுதியானவர்கள். எனினும் அப்பள்ளிகளில் மாதந்தோறும் கல்விக் கட்டணம் ரூ.1,500-க்கு மிகாமல் இருக்க வேண்டும். இந்தியக் குடிமகன்கள் மட்டுமே இந்த உதவித் தொகைக்குத் தகுதியானவர்கள். இதன் மூலம் இரண்டு ஆண்டுகளுக்கு மாதந்தோறும் ரூ.500 உதவித் தொகையை சிபிஎஸ்இ  வழங்கும்.

இதற்கு விண்ணப்பிக்க டிசம்பர் 10 தேதி கடைசித் தேதியாக அறிவிக்கப்பட்டிருந்தது. விண்ணப்பப் படிவத்தைப் புதுப்பிக்கச் சமர்ப்பிக்க வேண்டிய தேதி டிசம்பர் 28 ஆகவும் இருந்தது.

கடைசி நேரத்தில் தொழில்நுட்பக் கோளாறு காரணமாக சிபிஎஸ்இ  இணையதளத்தில் விண்ணப்பிக்க முடியாமல் போனதாகப் புகார் எழுந்தது. இந்நிலையில் பெற்றோர்கள் மற்றும் மாணவிகளின் வேண்டுகோளை ஏற்று, உதவித்தொகையைப் பெற விண்ணப்பிப்பதற்கான கால அவகாசம் டிசம்பர் 21 வரை நீட்டிக்கப்பட்டுள்ளது.

அதேபோல விண்ணப்பப் படிவத்தைப் புதுப்பிக்கச் சமர்ப்பிக்க வேண்டிய தேதி அடுத்த ஆண்டு ஜனவரி 8 ஆம் தேதி வரையும் நீட்டிக்கப்பட்டுள்ளது.

கூடுதல் விவரங்களுக்கு: cbse.nic.in

மருத்துவம், பொறியியல் தவிர்த்து பிற உயர் படிப்புகளுக்கான பயிற்சி மையங்களை ஏற்படுத்த முன்வர வேண்டும் - அரசியல் கட்சிகளுக்கு உயர் நீதிமன்றம் வலியுறுத்தல்...

 

திண்டுக்கல் மாவட்டம் கொடைக்கானலைச் சேர்ந்த மனோஜ்  இம்மானுவேல் என்பவர் உயர்நீதிமன்ற மதுரை கிளையில் பொதுநல வழக்கு ஒன்றினைத் தாக்கல் செய்திருந்தார்.

அதில், தமிழகத்தில் நீட், ஜே.இ.இ போன்ற தேர்வுகளுக்கு ஏராளமான பயிற்சி மையங்கள் உள்ளன. ஆனால் மருத்துவம் மற்றும் பொறியியலைத் தவிர்த்து பிற உயர்படிப்புகளைத் தேர்வு செய்ய விரும்பும் மாணவர்களுக்கு அதுதொடர்பான வழிகாட்டல்களை வழங்க போதுமான வாய்ப்புகள் இல்லை. மருத்துவம் மற்றும் பொறியியல் தவிர்த்து,  மேலாண்மை, சட்டம் என பல்வேறு துறைகள் உள்ளன. ஆகவே தமிழகத்தில் அனைத்து அரசு மற்றும் அரசு உதவிபெறும் பள்ளிகளில் பிறதுறை உயர்கல்வி தொடர்பான தேசிய அளவிலான நுழைவுத் தேர்வுகள் குறித்தும் அதற்கான பயிற்சி அளிப்பதற்கும் பயிற்சி மையங்களை அமைக்க உத்தரவிட வேண்டும் எனக் கோரியிருந்தார்.

இந்த வழக்கை விசாரித்த நீதிபதிகள் கிருபாகரன், புகழேந்தி அடங்கிய அமர்வு, “தமிழகத்தில் உள்ள மாணவர்களுக்கு பல துறைகள் குறித்த விழிப்புணர்வு இல்லை. தமிழக அரசின் வேலைவாய்ப்புகளுக்கே, தமிழகத்தைச் சேர்ந்தவர்கள் விண்ணப்பிப்பது இல்லை. தமிழகத்தில் பள்ளியிலேயே மாணவர்கள் கஞ்சாவிற்கும் மதுவிற்கும் அடிமையாகும் சூழல் உருவாக்கப்பட்டுவிட்டது” என வேதனை தெரிவித்தனர்.

மேலும், ஒருகாலத்தில் ஐ.ஏ.எஸ் அதிகாரிகளாக தமிழகத்தைச் சேர்ந்தவர்கள் பலர் இருந்த நிலையில், தற்போது பெரும்பாலானோர் விண்ணப்பிப்பது கூட இல்லை. அரசு மட்டுமல்ல அரசியல் கட்சிகளைச் சேர்ந்தவர்களும் இது தொடர்பான விழிப்புணர்வுகளை ஏற்படுத்தலாம். வருங்கால தலைமுறையினர், வாய்ப்புகளை பயன்படுத்த அவர்களை உருவாக்கும் பணியிலும் அரசியல் கட்சிகள் ஈடுபட வேண்டும் என கருத்து தெரிவித்து இதுதொடர்பாக தமிழக அரசு பதில் மனு தாக்கல் செய்ய உத்தரவிட்டு வழக்கு விசாரணையை இரண்டு வாரங்களுக்கு ஒத்திவைத்தனர்.

CPS ஒழிப்பு இயக்கம் - புதிய ஓய்வூதியத் திட்டத்தை ரத்து செய்து பழைய ஓய்வூதியத் திட்டத்தை நடைமுறைப் படுத்த வலியுறுத்தி மாவட்ட தலைநகரங்களில் கவன ஈர்ப்பு ஆர்ப்பாட்டம் - நாள்: 18-12-2020...

 

இன்றைய செய்திகள் தொகுப்பு... 15.12.2020 (செவ்வாய்)...

🌹நேருக்கு நேர் சொல்லுபவன் நண்பன்.

நாலு பேருக்கு முன் சொல்லுபவன் எதிரி.

நாம் இல்லாத போது பேசுபவனே துரோகி.!

🌹🌹மற்றவர்களிடம் இருப்பவை எல்லாம் நம்மிடம்  இருக்கின்றனவா என்று 

பார்க்கின்றோமே தவிர

நம்மிடம் இருப்பவை எத்தனை பேரிடம் இல்லை என்பதை பார்க்கத் தவறி விடுகின்றோம்.!!

🌹🌹🌹யோசிக்காமல் நாம் செய்யும் சில செயல்கள்,

ஓர் நாள் நம்மை யோசிக்கக வைக்கும் இதை ஏன் செய்தோம் என்று.!!!

அனைவருக்கும் இனிய காலலை வணக்கம்.

🙏🙏🙏🙏🙏🙏🙏🙏🙏🙏

📕📘10,11,12 பொதுத்தேர்வு நடத்துவது பற்றி பின்னர் தான் முடிவு செய்யப்படும்- அமைச்சர் செங்கோட்டையன்

📕📘ஆசிரியர் தகுதித்தேர்வில் தேர்ச்சிப்பெற்றவர்களின் சான்றிதழ்கள் வாழ்நாள் முழுவதும் செல்லுபடியாகும் -தேசிய ஆசிரியர் கல்வி கவுன்சில் அறிவிப்பு -TNTEU/R/DR-1/2020/989

📕📘பாடத்திட்டங்கள் குறைப்பு குறித்த அட்டவணை, மூன்று நாட்களுக்குள் வெளியிடப்படும்,'' என, பள்ளிக்கல்வித்துறை அமைச்சர்  கூறியுள்ளார்.

📕📘PGTRB - ஆசிரியர் தேர்வில் தேர்ச்சி பெற்றும் பணி நியமனம் இல்லை': முதலமைச்சர் வீட்டை முற்றுகையிட முயன்ற ஆசிரியர்களால் பரபரப்பு.

📕📘CPS ஒழிப்பு இயக்கம் சார்பில் - புதிய ஓய்வூதியத் திட்டத்தை ரத்து செய்து பழைய ஓய்வூதியத் திட்டத்தை நடைமுறைப் படுத்த வலியுறுத்தி மாவட்ட தலைநகரங்களில் கவன ஈர்ப்பு ஆர்ப்பாட்டம் - நாள் 18.12.2020

📕📘அரசு உயர் நிலை மற்றும் மேல்நிலைப்பள்ளிகளில் உள்கட்டமைப்பு வசதிகள் மேம்படுத்த கழிவறை அமைக்க தேவையான விவரங்களை கோருதல் சார்ந்து- பள்ளிக்கல்வி இயக்குனர் செயல்முறைகள் வெளியீடு

📕📘கால்நடை பராமரிப்பு துறையில் காலியாக உள்ள பதவிக்கு விண்ணப்பங்கள் வரவேற்கப்படுகின்றன.

தகுதி: எட்டாம் வகுப்பு தேர்ச்சி

சம்பளம்:19,500-62,000

விண்ணப்பிக்க கடைசி தேதி: 18/12 /2020

📕📘தமிழகத்தில் அம்மா மினி கிளிக்குகள் சேவையை முதல்வர் நேற்று தொடங்கிவைத்தார். 

ஒரு மருத்துவர், ஒரு செவிலியர், ஒரு மருத்துவம் சார் பணியாளர் உடன் காலை 8 -12 மணி வரையும், மாலை 4- 8 மணி வரையும் மினி கிளினிக்குகள் செயல்படும்.

📕📘சட்டப்பேரவை தேர்தலில் கட்டாயம் போட்டியிடுவேன்.

தொகுதி பின்னர் அறிவிக்கப்படும்

- கமல்ஹாசன் 

📕📘இன்று முதல் குற்றால அருவிகளில் குளிப்பதற்கு பொதுமக்களுக்கு அனுமதி வழங்கி தென்காசி மாவட்ட ஆட்சியர் உத்தரவு.

காலை 6 மணி முதல் மாலை 6 மணி வரை மட்டுமே பொதுமக்கள் குளிப்பதற்கு அனுமதி.

📕📘சென்னை IIT-ல் 66 மாணவர்கள் உட்பட 71 பேருக்கு கொரோனா.

Campus-ல் உள்ள Mess-ல் சாப்பிடும் போது கொரோனா பரவியதாக தகவல்.

திறக்கப்பட்ட சில நாட்களிலேயே பலருக்கும் கொரோனா பரவியதால் வளாகம் மூடல்.

விடுதிகளில் உள்ள மாணவர்களின் அறைகளுக்கே சென்று உணவு விநியோகம்.

📕📘அடிப்படை வசதிகள் இருந்தால்தான் லே-அவுட் ஒப்புதல் வழங்கப்பட வேண்டும் என தமிழக அரசு உத்தரவு 

சென்னையை தவிர்த்து மற்ற பகுதிகளில் மழைநீர் வடிகால், தார்சாலை, குடிநீர், தெருவிளக்கு வசதிகள் இருந்தால்தான் 

இனி ஒப்புதல் 

- தமிழக அரசு

📕📘திரையரங்குகளில் 100 சதவீத பார்வையாளர்களை அனுமதிக்க வேண்டும் என மத்திய மாநில அரசுகளிடம் தமிழ்நாடு திரையரங்கு உரிமையாளர் சங்கத் தலைவர் திருப்பூர் சுப்பிரமணியம் கோரிக்கை.

📕📘தடுப்பூசி வழங்க ஆயத்தமாகி வரும் மத்திய அரசு; தடுப்பூசி வழங்குவதில் பீகாரை விட தமிழகத்திற்கு முன்னுரிமை: முன்னுரிமை பட்டியலில் 4-வது இடத்தில் தமிழகம்

📕📘மத்திய அரசின் 3 வேளாண் சட்டங்களையும் ஆதரிப்பதாக, அகில இந்திய விவசாயிகள் ஒருங்கிணைப்பு குழு அறிவிப்பு

அந்த குழுவில் இணைந்துள்ள தமிழ்நாடு, கேரளா, தெலங்கானா, பீகார், மகாராஷ்டிரா, ஹரியானா உள்ளிட்ட பல்வேறு மாநிலங்களை சேர்ந்த 10 விவசாய அமைப்புகள் இந்த அறிவிப்பை வெளியிட்டுள்ளதாக, டெல்லியில் செய்தியாளர்களிடம் பேசிய வேளாண்துறை அமைச்சர் நரேந்திரசிங் தோமர் தெரிவித்தார்.

📕📘சட்டப்பேரவை தேர்தலை ஒட்டி, அரசியல் கட்சிகளுக்கு சின்னங்களை ஒதுக்கியது இந்திய தேர்தல் ஆணையம். தமிழகம், புதுச்சேரியில் அம்மா மக்கள் முன்னேற்ற கழகத்துக்கு பிரசர் குக்கர் சின்னம் ஒதுக்கீடு

புதுச்சேரியில், மக்கள் நீதி மய்யம் கட்சிக்கு பேட்டரி டார்ச் சின்னம் ஒதுக்கீடு. தமிழகத்தில் மக்கள் நீதி மய்யம் கட்சிக்கு இன்னும் சின்னம் ஒதுக்கப்படவில்லை

அங்கீகாரம் இல்லாத அரசியல் கட்சிகளுக்கு 

சின்னம் ஒதுக்கியது தேர்தல் ஆணையம். நாம் தமிழர் கட்சிக்கு தமிழகம், புதுச்சேரியில் விவசாயி சின்னம் ஒதுக்கீடு

📕📘கடந்த தேர்தலில் மக்கள் நீதி மையத்துக்கு ஒதுக்கப்பட்ட டார்ச்லைட் சின்னத்தை இந்த தேர்தலில் எம்ஜிஆர் மக்கள் கட்சி கைப்பற்றியது.

டார்ச்லைட் கேட்டு ம.நீ.ம தாமதமாக கடிதம் எழுதியதாக தகவல்.

📕📘கொரோனாவால் பாதிக்கப்பட்ட ஐஐடி மாணவர்களுக்கு உரிய சிகிச்சை வழங்கப்படும் 

உணவு உட்கொள்ளும் இடத்தில் கொரோனா பரவ வாய்ப்பு உள்ளது

பொது நிகழ்ச்சிகளில் பங்கேற்பவர்கள் அலட்சியம் வேண்டாம் 

சுகாதாரத்துறை செயலர் ராதாகிருஷ்ணன்

📕📘மாணவர்களுக்கு கொரோனா தொற்று உறுதியானதை தொடர்ந்து சென்னை ஐ.ஐ.டி.யில் அனைத்து துறைகளையும் மூட பதிவாளர் உத்தரவு.

ஆராய்ச்சி மாணவர்கள் ஆன்லைன் வழியில் படிக்கவும் அறிவுறுத்தல்.

மறு உத்தரவு வரும் வரை எந்த துறைகளும் செயல்பட கூடாது எனவும் உத்தரவு.

அரசின் உத்தரவை தொடர்ந்து கடந்த வாரம் உயர்கல்வி நிறுவனங்கள் திறக்கப்பட்டது குறிப்பிடத்தக்கது

📕📘டெல்லி விவசாயிகளுக்கு ஆதரவாக டிசம்பர் 18ம் தேதி திமுக, கூட்டணி கட்சியினர் உண்ணாநிலை போராட்டம் அறிவித்துள்ளனர்.

டிசம்பர் 18ம் தேதி சென்னை வள்ளுவர் கோட்டத்தில் காலை 8 முதல் மாலை 5 வரை உண்ணாவிரதம் நடைபெறும். மதசார்பற்ற முற்போக்கு கூட்டணி கட்சி தலைவர்கள், அதன் எம்.பி., எம்.எல்.ஏ.க்கள் அடையாள உண்ணாவிரதம் நடத்துகின்றனர். ஜனநாயக நெறிகளை பின்பற்றி அறவழியில் விவசாய பெருமக்களுக்கு தொடர்ந்து ஆதரவு அளிக்கப்படும் என தெரிவித்துள்ளன.

📕📘சென்னை கொளத்தூர் சட்டமன்ற தொகுதியில் பல்நோக்கு கட்டிடத்தை திமுக தலைவர் மு.க.ஸ்டாலின் திறந்து வைத்தார்.

தீட்டி தோட்டத்தில் இறகு பந்தாட்ட மைதானத்திற்கு அடிக்கல் நாட்டிய ஸ்டாலின் நல உதவிகளையும் வழங்கினார்.                         

📕📘RTGS என்ற உடனடி பண பரிமாற்ற சேவை வங்கிகளில் நேற்று முதல் 24 மணி நேரமும் வழங்கப்படுகிறது

ரூ.2 லட்சத்திற்கும் மேல் பணம் பரிமாற்றம் செய்ய விரும்புவோர் இனி 24 மணி நேரமும் RTGS சேவையை பயன்படுத்தலாம்

-ரிசர்வ் வங்கி

📕📘"டெல்லியில் நாங்கள் நடத்திவரும் போராட்டத்தில் தேச விரோதிகள் இருந்தால் அவர்களை அரசு கைது செய்யலாம்!" - விவசாயிகள்                                              

📕📘கொரோனா தொற்று பரவல் நடவடிக்கையாக மூடப்பட்டிருந்த சென்னை மெரினா கடற்கரை நேற்று முதல் திறக்கப்பட்டது.

📕📘கர்நாடக பேருந்து போக்குவரத்துத் தொழிலாளர்கள் வேலை நிறுத்தம் இன்று ஜந்தாவது நாளாக நீடிக்கிறது.

📕📘மத்திய நிதி அமைச்சர் நிர்மலா சீதாராமன் தலைமையில் வரும் நிதியாண்டிற்கான, பட்ஜெட் குறித்து முதல் ஆலோசனை கூட்டம் இன்று நடைபெற உள்ளது.

👉2021 - 22 நிதியாண்டிற்கான, பட்ஜெட் குறித்த ஆலோசனை கூட்டம், கணொலி மூலம் இன்று நடைபெறுகிறது. காலையில் முதல் கட்டமாக பங்குதாரர்கள் உடனும், பிற்பகல், தொழில் அதிபர்களுடன் ஆலோசனை நடைபெற உள்ளது.

📕📘இந்தியாவில் அடுத்த மாதம் முதல் தடுப்பூசி விநியோகம் தொடங்க சீரம் நிறுவனம் திட்டமிட்டுள்ளது.

இந்த மாத இறுதிக்குள் மத்திய அரசு அனுமதி வழங்கும் என நம்பிக்கை தெரிவித்துள்ளது.

📕📘விவசாயிகளுக்கு ஆதரவாக டெல்லி முதல்வர் அரவிந்த் கெஜ்ரிவால் இன்று உண்ணாவிரதம் இருக்கப்போவதாக அறிவித்துள்ளார்.

ஆம்ஆத்மி கட்சியினர், ஆதரவாளர்கள் பொதுமக்களும் ஒருநாள் உண்ணாவிரதம் இருக்க கெஜ்ரிவால் வேண்டுகோள் விடுத்துள்ளார்.

📕📘நடந்து முடிந்த அதிபர் தேர்தல்தான், அமெரிக்க வரலாற்றுலேயே மிகவும் ஊழல் நிறைந்தவை

ட்ரம்ப்  ட்வீட்

📕📘திமுகவின்  தமிழகம் மீட்போம், 2021 சட்டமன்ற தேர்தல் சிறப்பு பொதுக்கூட்டம், சமூக வலைத்தளங்களில் ஒரு கோடி பார்வைகளை பெற்றுள்ளது.

👉இது குறித்து வெளியிடப்பட்டுள்ள அறிக்கையில், திமுக தலைவர் ஸ்டாலின் பங்கேற்கும் பொதுக்கூட்டங்களை காணொலி வாயிலாக பல்லாயிரக்கணக்கானோர் மட்டுமின்றி தொலைக்காட்சி வாயிலாகவும், முகநூல், ட்விட்டர், யூடியூப் ஆகிய சமூக வலைதளங்களின் வாயிலாகவும் இலட்சக்கணக்கான மக்கள் கண்டு வருகின்றனர் என கூறப்பட்டுள்ளது.

👉முகநூலில் தென்னிந்திய அரசியல் தலைவர்களுள் அதிகம் பேரால் பின்தொடரப்படும் திமுக தலைவர் ஸ்டாலினின், பரப்புரைக் கூட்டம், சமூக வலைதளங்களின் வாயிலாக மட்டும் தற்போது வரை 1 கோடி பார்வைகளைக் கடந்து புதிய சாதனை படைத்துள்ளது என்றும் அறிக்கையில் தெரிவிக்கப்பட்டுள்ளது.

📕📘தமிழகம் முழுவதும் ப்ரீபெய்டு மின் மீட்டர் பொருத்த நடவடிக்கைகள் எடுக்கப்பட்டு வருவதாக மின்துறை அமைச்சர் தங்கமணி பேட்டி.

📕📘அதிமுக நிர்வாகிகள் பங்கேற்கும் ஆலோசனைக் கூட்டம்; ஒருங்கிணைப்பாளர், இணை ஒருங்கிணைப்பாளர் தலைமையில் நேற்று நடைபெற்றது.

📕📘மக்கள் நீதி மய்யம் ஆட்சிக்கு வந்தால்,

மதுரை இரண்டாவது தலைநகராக

மாற்றப்படும்; தேர்தல் பரப்புரையில்

கமல்ஹாசன் உறுதி

📕📘வேளாண் சட்டங்களுக்கு எதிராக ஆளுநர் மாளிகையை முற்றுகையிடும் போராட்டம்; தமிழக அனைத்து விவசாயிகள் சங்கங்களின் ஒருங்கிணைப்புக்குழு அறிவிப்பு.

📕📘ஜெர்மனியில் அதி தீவிரம் அடைந்துவரும் கொரோனா வைரஸ் பரவல்; ஜனவரி மாதம் முழுவதும் கடைகள், வர்த்தக நிறுவனங்களை அடைக்க உத்தரவு.

📕📘ஒற்றைப் பெண் குழந்தைகளுக்கு சிபிஎஸ்இ அறிவித்துள்ள உதவித்தொகையைப் பெற விண்ணப்பிப்பதற்கான கால அவகாசம் நீட்டிக்கப்பட்டுள்ளது.

🙏🙏🙏🙏🙏🙏🙏🙏                                

என்றும் அன்புடன்

சு.வேலுமணி M.A.,B.Ed.,

தலைமையாசிரியர்                                                         & மாவட்டச் செயலாளர்.

தமிழ்நாடு தொடக்கப்பள்ளி ஆசிரியர் மன்றம்,

கரூர் மாவட்டம்.

அலைபேசி:9003599926

இன்றைய செய்திகள் தொகுப்பு... 14.12.2020 (திங்கள்)...

🌹கோபமோ,சோகமோ அன்பானவர்களிடம் ஒரு நாளைக்கு மேல் பேசாமல் இருக்காதீர்கள். ஏனெனில் 

மனதிற்கு பிரிவை தாங்கும் சக்தி வந்துவிட்டால் பிரிவு நிரந்தரமாகிவிடும்.!

🌹🌹வேண்டாம் என்கிற இடத்தை விட்டு வெளியே வந்துவிடுங்கள்.

இல்லையேல் முதலில் அவமதிப்பார்கள்

அடுத்தது வெறுப்பார்கள் 

அடுத்து உங்களை தவறானவன் என்ற பட்டம் சூட்டிவிடுவார்கள்.!!

அனைவருக்கும் இனிய காலை வணக்கம்.

🙏🙏🙏🙏🙏🙏🙏🙏🙏🙏

🌈🌈சென்னை கல்லூரிகளில் இன்று முதல் ஆன்லைனில் செமஸ்டர் தேர்வு

🌈🌈அரசு அலுவலகங்களில் கடைநிலை வேலைகளில் பட்டதாரி, இன்ஜினியர்களை நியமிப்பதால் பணிகள் பாதிப்பு: ஐகோர்ட் கிளை கருத்து

🌈🌈ஆசிரியர் அல்லாத 10 புதிய கல்லூரிகள் : தேர்வை ஒத்திவைக்க ராமதாஸ் கோரிக்கை

🌈🌈1.4 கோடி பேர் எழுதும் ரெயில்வே தேர்வு வருகிற 15ந்தேதி தொடக்கம் : 1 4 லட்சம் ரயில்வே பணியாளர் போட்டித் தேர்வுக்கான அனுமதி இ-கார்டுகள் வெளியீடு.

🌈🌈பிப்ரவரி 10 ஆம் தேதி முதல் காலவரையற்ற வேலைநிறுத்தம் - தமிழ்நாடு அரசு அனைத்துத்துறை சங்கங்களின் ஒருங்கிணைப்புக்குழு

🌈🌈தமிழக அரசின் கவனத்தை ஈர்த்து ஒன்றுபட்டு போராட்ட களம் காண தமிழ்நாட்டில் உள்ள அனைத்து ஆசிரியர் அரசு ஊழியர் சங்கங்களுக்கும் CPS ஒழிப்பு இயக்கத்தின் மாநில மையத்தின் சார்பில் அழைப்பு                                                 🌈🌈ஐஏஎஸ், ஐபிஎஸ் (IAS, IPS) தேர்வு எழுத விரும்பும் மாணவர்களுக்கு அரசின் இலவசப் பயிற்சி:இன்று முதல் விண்ணப்பிக்கலாம்

🌈🌈நடத்தப்படும் பாடங்களில் இருந்து மட்டும் தான் தேர்விற்கு வினாக்கள் கேட்கப்படும்- அமைச்சர் திரு.செங்கோட்டையன்

🌈🌈தமிழகத்தில் அரசு உயா்நிலை, மேல்நிலைப் பள்ளிகளில் காலியாக உள்ள ஆசிரியா் பணியிடங்கள் குறித்த விவரங்களை அனுப்பி வைக்க முதன்மைக் கல்வி அலுவலா்களுக்கு பள்ளிக் கல்வித்துறை உத்தரவிட்டுள்ளது. - நாளிதழ் செய்தி 

🌈🌈புதுச்சேரில் 3 தனியார் மருத்துவ கல்லூரிகளில் 50 சதவிகித இடங்களை அரசுக்கு ஒதுக்கக் கோரிய மனுவை ஐகோர்ட் தள்ளுபடி செய்துள்ளது. 

🌈🌈தமிழகத்தில் உள்ள 27 பல்கலைக்கழக உறுப்பு கல்லூரிகளை அரசு கலை அறிவியல் கல்லூரிகளாக மாற்றுவதற்கான அரசாணையினை தமிழக அரசு வெளியிட்டுள்ளது.

🌈🌈டெல்லியில் 19-வது நாளாக நீடிக்கும்

விவசாயிகள் போராட்டம்.

🌈🌈ஆந்திராவில் பரவி வரும் வலிப்புடன் கூடிய மர்ம நோய்க்கு அரிசியில் கலந்திருந்த பூச்சிக்கொல்லிகளே காரணம் - ஆய்வு முடிவு.

🌈🌈விவசாயிகளின் போராட்டத்தில்

மாவோயிஸ்டுகள் ஊடுருவி விட்டனர்;

மத்திய அமைச்சர் பியூஷ் கோயல் கடும்

குற்றச்சாட்டு.

🌈🌈மத்திய அரசு மருத்துவர்களுக்கு இணையான ஊதியம் வழங்கக் கோரிக்கை; சென்னை உயர்நீதிமன்றத்தில் அரசு மருத்துவர்கள் சார்பில் வழக்கு.

🌈🌈கேரளாவில் கொரோனா தடுப்பூசிக்கு

யாரிடமும் கட்டணம் வசூலிக்கப்படாது;

இதுவே அரசின் நிலைப்பாடு என முதல்வர்

பினராயி விஜயன் அறிவிப்பு.

🌈🌈கொரோனாவால் அமெரிக்காவில் அடுத்த 3 மாதங்கள் கடினமாக இருக்கும் - உலக சுகாதார நிறுவனம்.

🌈🌈கொரோனா வைரஸ் பெருந்தொற்றினை 15 நிமிடங்களில் கண்டறிகிற உமிழ் நீர் அடிப்படையிலான ஸ்மார்ட் போன் பரிசோதனையை அமெரிக்காவில் உள்ள துலேன் பல்கலைக்கழக மருத்துவ கல்லூரி விஞ்ஞானிகள் கண்டுபிடித்துள்ளனர்.

🌈🌈கொரோனா வைரஸ் காரணமாக கனடா மற்றும் அமெரிக்காவுக்கு இடையேயான எல்லை வருகிற ஜனவரி 21ந்தேதி வரை மூடப்பட்டு இருக்கும் என்று கனடா பிரதமர் ஜஸ்டின் ட்ரூடோ தெரிவித்துள்ளார்.

🌈🌈அமெரிக்காவில் முதன்முறையாக இரண்டு மிருகக்காட்சி சாலைகளில் இருந்த 3 பனிச் சிறுத்தைகளுக்கு கொரோனா தொற்று உறுதி செய்யப்பட்டுள்ளது.

🌈🌈சீனப்பெருஞ்சுவர் கட்டும் பணியில் ஆயிரக்கணக்கான மக்கள் மடிந்து போனார்கள்; மக்களைக் காக்கத்தான் இந்தச் சுவர் என்றார்கள் மன்னர்கள்; கொரோனாவால் வாழ்வாதாரம் இழந்து பாதி இந்தியா பட்டினி கிடக்கையில், ஆயிரம் கோடியில் பாராளுமன்றம் கட்டுவது யாரைக்காக்க? 

பதில் சொல்லுங்கள் என் மாண்புமிகு தேர்ந்தெடுக்கப்பட்ட பிரதமரே

- கமல்ஹாசன்

🌈🌈போலி நீட் மதிப்பெண் சான்றிதழுடன் கலந்து கொண்டதாக, பரமக்குடியை சேர்ந்த மாணவி மற்றும்  அவருடைய தந்தை மீது 5 பிரிவுகளில் சென்னை போலீசார் வழக்குப்பதிவு

🌈🌈ஜனவரியில் பொதுக்குழு, செயற்குழு கூட்டி தலைவர் விஜயகாந்த் யாருடன் கூட்டணி என்பதை அறிவிப்பார்.வருகின்ற தேர்தல் தமிழகத்தின் முக்கியமான தேர்தல்.விஜயகாந்த் முன்னர் அளவு சுறுசுறுப்பாக இல்லை, சோர்வாக உள்ளார். ஆனால் நிச்சயம் தேர்தல் பிரச்சாரத்திற்கு கண்டிப்பா வருவார்

- பிரேமலதா விஜயகாந்த்

🌈🌈2021 சட்டபேரவை தேர்தலுக்கான முதல்கட்ட பரப்புரையை மதுரையிலிருந்து தொடங்கினார் மக்கள் நீதி மய்யம் தலைவர் கமல்ஹாசன் 

🌈🌈விவசாயிகளுக்கு ஆதரவாக டெல்லி முதல்வர் அரவிந்த் கெஜ்ரிவால் இன்று ஒரு நாள் உண்ணாவிரதம் அறிவிப்பு; ஆம்ஆத்மி கட்சியினர், ஆதரவாளர்கள், பொதுமக்களும் ஒருநாள் உண்ணாவிரதம் இருக்க கெஜ்ரிவால் வேண்டுகோள்

🌈🌈கொரோனா சிகிச்சை வழங்குவதற்காக நியமிக்கப்பட்ட 4,000 செவிலியர்களை பணி நிரந்தரம் செய்ய வேண்டும்: தமிழக அரசுக்கு திமுக தலைவர் மு.க.ஸ்டாலின் கோரிக்கை

🌈🌈டெல்லி விவசாயிகளுக்கு ஆதரவாக ஜனவரி 18ல் ஆளுநர் மாளிகையை முற்றுகையிட்டு போராட்டம்: பி.ஆர்.பாண்டியன் அறிவிப்பு

🌈🌈“வழக்குகள் மூலம் என்னை அச்சுறுத்தலாம் என்று முதலமைச்சர் நினைத்தால் அதைவிட அரசியல் அறியாமை  ஏதும் இருக்க முடியாது” - ஆ.ராசா

🌈🌈 "டிசம்பர் 17ம் தேதி வங்கக் கடலில் தமிழக கரையோரப் பகுதிகளில் வளிமண்டல மேலடுக்கு சுழற்சி ஏற்பட வாய்ப்பு; அதன் காரணமாக தமிழகத்தில் பரவலாக மழை பெய்ய வாய்ப்பு!" - வானிலை ஆய்வு மையம்

🌈🌈பொள்ளாச்சி அருகே உள்ள ஆழியார் குரங்கு அருவி 9 மாதங்களுக்குப் பிறகு சுற்றுலா பயணிகளுக்காக திறப்பு

🌈🌈 வீடு கட்டும் அரசு ஊழியர்களுக்கு SBI Privilege Home Loan என்ற புதிய வீட்டுக் கடன் திட்டம் அறிமுகம்.

🌈🌈6 லட்சம் அரசு ஊழியர்களின் வாழ்வாதாரம் கேள்விக்குறி - தலைமை செயலக சங்கத்திற்கு சிபிஎஸ் ஒழிப்பு இயக்கம் மனு.

🌈🌈ஆசிரியர் தகுதித் தேர்வு (TET) நிபந்தனை ஆசிரியர்கள் பணிப் பாதுகாப்பு அரசாணை விரைவில் வெளிவரலாம் என எதிர்பார்ப்பு.

🙏🙏🙏🙏🙏🙏🙏🙏                                

என்றும் அன்புடன்

சு.வேலுமணி M.A.,B.Ed.,

தலைமையாசிரியர்                                                         & மாவட்டச் செயலாளர்.

தமிழ்நாடு தொடக்கப்பள்ளி ஆசிரியர் மன்றம்,

கரூர் மாவட்டம்.

அலைபேசி:9003599926

27 மதிப்பெண் எடுத்துவிட்டு 610 மதிப்பெண் என போலி NEET சான்றிதழ் - ராமநாதபுரம் மாணவி மீது வழக்குப்பதிவு...

 

மருத்துவப் படிப்பு கலந்தாய்வில் போலி நீட் சான்றிதழ் கொடுத்ததாக மாணவி மற்றும் அவரது தந்தை மீது வழக்குப்பதியப்பட்டுள்ளது.

மருத்துவ படிப்புக்கான நீட் தேர்வை எழுதி முடிப்பவர்களுக்கு, என்டிஏ எனப்படும் தேசிய தேர்வு முகமை மதிப்பெண் சான்றிதழை அளிக்கிறது. மருத்துவ கலந்தாய்வுக்கு கொண்டு வரப்படும் இந்த சான்றிதழ்கள் சரியானவையா என்பதை குறித்து ஆராய பிரத்யேக குழு அமைக்கப்பட்டுள்ளது. இந்த குழுவினர் நடத்தும் ஆய்வில், ஆன்லைன் மூலம் என்டிஏ வழங்கியிருக்கும் சான்றிதழ் விவரங்களை உடனுக்குடன் சரிபார்க்க முடியும்.

இந்த நிலையில், கலந்தாய்வுக்கு வந்த மாணவி ஒருவரின் சான்றிதழை, ஆன்லைனில் இருக்கும் என்டிஏ சான்றிதழுடன் ஒப்பிடும் போது மதிப்பெண்ணில் பெரிய அளவு வித்தியாசம் இருந்துள்ளது. அதாவது, என்டிஏ வழங்கியிருந்த சான்றிதழில் 27 மதிப்பெண்களும், மாணவி கொண்டுவந்த சான்றிதழில் 610 மதிப்பெண்கள் இருந்தது கண்டறியப்பட்டது.

என்டிஏ சான்றிதழின் நகலைதான் கொண்டு வந்திருப்பதாக மாணவி தரப்பிலிருந்து கூறப்பட்ட நிலையில், மதிப்பெண்களில் பெரிய அளவு வித்தியாசம் இருந்ததால் போலி சான்றிதழாக இருக்கலாம் எனக்கூறி சென்னை பெரியமேடு காவல்நிலையத்தில் புகார் அளிக்கப்பட்டது.

இதையடுத்து மாணவி மற்றும் அவரது தந்தை மீது ஐந்து பிரிவுகளில் வழக்குப்பதியப்பட்டது. ராமநாதபுரத்தைச் சேர்ந்த அந்த மாணவியின் தந்தை, பல் மருத்துவராக இருப்பது விசாரணையில் தெரியவந்துள்ளது.