9, 10, 11 வகுப்பு மாணவர்கள் பொதுத்தேர்வின்றி தேர்ச்சி - முதல்வர் அறிவிப்பு....

 தமிழகத்தில் கரோனா பொதுமுடக்கம் காரணமாக பள்ளிகள் இயங்காத நிலையில், 9, 10, 11-ஆம் வகுப்பு மாணவர்கள் பொதுத் தேர்வின்றி தேர்ச்சி பெறுவதாக தமிழக முதல்வர் பழனிசாமி சட்டப்பேரவையில் அறிவித்துள்ளார்.

தமிழக சட்டப்பேரவையில் இன்று பேரவை விதி 110-ன் கீழ் உரையாற்றிய தமிழக முதல்வர் எடப்பாடி பழனிசாமி இந்த அறிவிப்பினை வெளியிட்டார்.

கடந்த ஆண்டும் மாணவர்கள் பொதுத் தேர்வின்றி தேர்ச்சி பெற்ற நிலையில், இந்த ஆண்டும் தேர்வின்றி தேர்ச்சி பெறுவதாக முதல்வர் அறிவித்துள்ளார்.

கரோனா பொதுமுடக்கம் காரணமாக கடந்த ஆண்டு மார்ச் மாதம் மூடப்பட்ட பள்ளிகள் இந்த ஆண்டு ஜனவரி மாதத்தில்தான் திறக்கப்பட்டன. குறிப்பாக பொதுத் தேர்வெழுதும் 12 மற்றும் 10-ஆம் வகுப்பு மாணவர்களுக்கு ஜனவரி மாதத்திலும், 9 மற்றும் 11ஆம் வகுப்பு மாணவர்களுக்கு பிப்ரவரி மாதத்திலும் பள்ளிகள் திறக்கப்பட்டன.

இந்த நிலையில், தமிழகத்தில் பொதுத் தேர்வுகள் குறித்த அறிவிப்புகளை மாணவர்களும் பள்ளிகளும் அதிகம் எதிர்பார்த்திருந்தன.

இது குறித்த இறுதி முடிவை தமிழக முதல்வர்தான் எடுப்பார் என்று பள்ளிக் கல்வித் துறை அமைச்சர் செங்கோட்டையனும் கடந்த வாரம் கூறியிருந்தார்.

இது தொடர்பான ஆலோசனைகளும் நடத்தப்பட்டு வந்த நிலையில், தமிழகத்தில் 9, 10, 11-ஆம் வகுப்பு மாணவர்கள்  தேர்வெழுதாமலேயே அனைவரும் தேர்ச்சி பெற்றதாக தமிழக முதல்வர் எடப்பாடி பழனிசாமி சட்டப்பேரவையில் இன்று அறிவித்துள்ளார்.

அரசு பணியாளர்கள் ஓய்வு பெறும் வயது 60 ஆக உயர்வு - முதலமைச்சர் அறிவிப்பு...

 அரசுப் பணியாளர்கள் ஓய்வு பெறும் வயது 59-இல் இருந்து 60 ஆக உயர்த்தப்படுவதாக தமிழக முதல்வர் எடப்பாடி கே. பழனிசாமி அறிவித்துள்ளார்.

தற்போது தமிழக அரசு ஊழியர்களின் ஓய்வு பெறும் வயது 59 ஆக இருக்கும் நிலையில், இதனை 60 ஆக உயர்த்தி தமிழக முதல்வர் உத்தரவிட்டுள்ளார்.

2021 மே மாதம் 31-ஆம் தேதிக்குள் ஓய்வு பெறும் அரசு ஊழியர்கள் அனைவருக்கும் இந்த ஓய்வுபெறும் வயது வரம்பு பொருந்தும் என்றும் தெரிவிக்கப்பட்டுள்ளது.

” The India Toy Fair 2021 ” பிப்ரவரி மாதம் 27.02.2021 முதல் 02.03.2021 வரை இணையதள வழியாக கண்காட்சி – பள்ளிகள் கலந்து கொள்ள உத்தரவு...

 SPD PROCEEDINGS: INDIA TOY FAIR-2021- 27.2.21முதல் 02.03.21 முடிய பெரும்பாலான மாணவர்கள் கலந்து கொள்ள நடவடிக்கை மேற்கொள்ளுதல் சார்ந்து- மாநில திட்ட இயக்குநர் செயல் முறைகள்.

மத்திய கல்வி அமைச்சகம் மூலம் ” The India Toy Fair 2021 ” பிப்ரவரி மாதம் 27.02.2021 முதல் 02.03.2021 வரை இணையதள வழியாக கண்காட்சி நடத்தப்பட உள்ளது. மேற்காணும் கண்காட்சி சார்ந்து பதிவு செய்தல் குறித்த விளக்க நடைமுறை மற்றும் அறிவுரைகள் அடங்கிய மத்திய கல்வி அமைச்சகக் கடிதம் இத்துடன் இணைத்து அனுப்பப்படுகிறது. இக்கண்காட்சியில் அரசு / அரசு உதவி பெறும் பள்ளிகள் / தனியார் கல்வி நிறுவனங்களும் கலந்து கொள்ளுதல் வேண்டும். மேற்படி கண்காட்சியினை பெரும்பான்மையான மாணவர்கள் , ஆசிரியர்கள் மற்றும் பெற்றோர்கள் கண்டு பயன்பெற வேண்டும் என்று மத்திய மாநில அரசுகள் அறிவுரை வழங்கியுள்ளன.

எனவே , இக்கண்காட்சியில் பங்கேற்க உரிய பதிவுகள் செய்து பயன்பெறும் வகையில் தக்க நடவடிக்கை மேற்கொள்ளுமாறு அனைத்து மாவட்ட முதன்மைக் கல்வி அலுவலர்கள் கேட்டுக் கொள்ளப்படுகிறார்கள். இக்கண்காட்சி நடைபெறும் மேற்குறிப்பிட்ட தேதிகளில் , பங்கேற்பாளர்கள் பங்குபெறுவதை கண்காணிக்கவும் மற்றும் அதன் விவரங்களை அனுப்பப்படும் Google Sheet ல் பதிவுகள் மேற்கொள்ளவும் தெரிவிக்கப்படுகிறது.

தொடக்கக் கல்வி துறையில் நடைபெற இருந்த வட்டாரக் கல்வி அலுவலர், தொடக்க, நடுநிலைப் பள்ளி தலைமை ஆசிரியர், பட்டதாரி ஆசிரியர் பதவி உயர்வு கலந்தாய்வினை மறு உத்தரவு வரும் வரை நிறுத்தி வைத்து தொடக்கக் கல்வி இயக்குநர் உத்தரவு...

 

01-01-2019ஆம் ஆண்டு முன்னுரிமை பட்டியலின்படி அரசு மேல்நிலைப் பள்ளித் தலைமை ஆசிரியர்களாக பதவி உயர்வு பெற்றவர்களுக்கு அரசு மேல்நிலைப் பள்ளி தலைமை ஆசிரியர் பதவியில் பணிவரன்முறை செய்து இயக்குனர் அவர்களின் செயல்முறைகள்...

 

01-01-2019ஆம் ஆண்டு முன்னுரிமை பட்டியலின்படி அரசு மேல்நிலைப் பள்ளித் தலைமை ஆசிரியர்களாக பதவி உயர்வு பெற்றவர்களுக்கு அரசு மேல்நிலைப் பள்ளி தலைமை ஆசிரியர் பதவியில் பணிவரன்முறை செய்து பள்ளிக்கல்வி இயக்குனர் அவர்களின் செயல்முறைகள் நி.மு.எண்: 3720/ டபிள்யு1/ இ1/ 2019, நாள்:19-02-2021...

>>> பள்ளிக்கல்வி இயக்குனர் அவர்களின் செயல்முறைகள் நி.மு.எண்: 3720/ டபிள்யு1/ இ1/ 2019, நாள்:19-02-2021 - தரவிறக்கம் செய்ய இங்கே சொடுக்கவும்...

>>> 01-01-2019ஆம் ஆண்டு முன்னுரிமை பட்டியலின்படி அரசு மேல்நிலைப் பள்ளித் தலைமை ஆசிரியர்களாக பதவி உயர்வு பெற்றவர்களுக்கு அரசு மேல்நிலைப் பள்ளி தலைமை ஆசிரியர் பதவியில் பணிவரன்முறை பட்டியல் - தரவிறக்கம் செய்ய இங்கே சொடுக்கவும்...

அரசு உதவி பெறும் பள்ளியில் - முதுகலை பட்டதாரி ஆசிரியர்கள், அலுவலக உதவியாளர் மற்றும் இரவு காவலர் பணியிடங்கள்...

 

>>> அறிவிப்பு - தரவிறக்கம் செய்ய இங்கே சொடுக்கவும்...

இன்றைய (25-02-2021) ராசி பலன்கள், நட்சத்திர பலன்கள்...

மேஷம்

பிப்ரவரி 25, 2021

மாசி 13 - வியாழன்

வியாபாரத்தில் எண்ணிய லாபம் கிடைக்கும். உறவினர்களின் மூலம் மேன்மை உண்டாகும். வேலையாட்களிடம் அமைதியுடன் செயல்படவும். விளையாட்டு வீரர்களுக்கு பாராட்டுகள் கிடைக்கும். அரசாங்க அனுகூலத்தின் மூலம் எண்ணிய எண்ணங்கள் ஈடேறும். மனைகளில் வீடு கட்டுவதற்கான முயற்சிகளை மேற்கொள்வீர்கள். உத்தியோகஸ்தர்களுக்கு பணியில் பொறுப்புகள் அதிகரிக்கும்.

அதிர்ஷ்ட திசை : தென்மேற்கு

அதிர்ஷ்ட எண் : 8

அதிர்ஷ்ட நிறம் : நீலநிறம்

அஸ்வினி : லாபம் கிடைக்கும்.

பரணி : பாராட்டப்படுவீர்கள்.

கிருத்திகை : பொறுப்புகள் அதிகரிக்கும்.

---------------------------------------

ரிஷபம்

பிப்ரவரி 25, 2021

மாசி 13 - வியாழன்

கணவன், மனைவிக்கிடையே சில கருத்து வேறுபாடுகள் தோன்றி மறையும். பிள்ளைகள் சாதகமாக செயல்படுவார்கள். உயர் அதிகாரிகளிடம் உங்களின் மீதான நம்பிக்கை அதிகரிக்கும். சுபகாரியங்கள் தொடர்பான பேச்சுவார்த்தைகளில் சாதகமான முடிவுகள் கிடைக்கும். தொழில் சம்பந்தமான புதிய யுக்திகளை கற்பீர்கள். உயர் பதவியில் இருப்பவர்களால் சாதகமான பலன்கள் உண்டாகும்.

அதிர்ஷ்ட திசை : வடகிழக்கு

அதிர்ஷ்ட எண் : 2

அதிர்ஷ்ட நிறம் : ஆரஞ்சு நிறம்

கிருத்திகை : கருத்து வேறுபாடுகள் மறையும்.

ரோகிணி : நம்பிக்கை அதிகரிக்கும்.

மிருகசீரிஷம் : சாதகமான நாள். 

---------------------------------------

மிதுனம்

பிப்ரவரி 25, 2021

மாசி 13 - வியாழன்

போட்டிகளை சமாளித்து வெற்றி காண்பீர்கள். கொடுக்கல், வாங்கலில் கவனத்துடன் இருக்கவும். தனவரவுகளில் இருந்துவந்த தடைகள் நீங்கும். பழைய பிரச்சனைகளுக்கு தீர்வு கிடைக்கும். குடும்ப தேவைகளை நிறைவேற்றி வைப்பீர்கள். தேவையற்ற சிந்தனைகளால் மன உளைச்சல் ஏற்படும்.

அதிர்ஷ்ட திசை : வடமேற்கு

அதிர்ஷ்ட எண் : 5

அதிர்ஷ்ட நிறம் : பிரவுன் நிறம்

மிருகசீரிஷம் : வெற்றி கிடைக்கும்.

திருவாதிரை : தடைகள் நீங்கும்.

புனர்பூசம் : தேவைகளை நிறைவேற்றுவீர்கள்.

---------------------------------------

கடகம்

பிப்ரவரி 25, 2021

மாசி 13 - வியாழன்

போட்டித்தேர்வுகளில் சாதகமான முடிவுகள் கிடைக்கும். புதிய நபர்களால் தேவையற்ற வீண் செலவுகள் ஏற்படும். வாழ்க்கைத்துணைவரின் மூலம் தொழில் சார்ந்த உதவிகள் கிடைக்கும். வித்தியாசமான புதிய பொருட்களை வாங்கி மனம் மகிழ்வீர்கள். மாமனார் வழியில் ஆதரவும், ஆதாயமும் கிடைக்கும். கடன் தொடர்பான பிரச்சனைகள் குறையும்.

அதிர்ஷ்ட திசை : தெற்கு

அதிர்ஷ்ட எண் : 8

அதிர்ஷ்ட நிறம் : ஊதா நிறம்

புனர்பூசம் : சாதகமான நாள்.

பூசம் : உதவிகள் கிடைக்கும்.

ஆயில்யம் : பிரச்சனைகள் குறையும். 

---------------------------------------

சிம்மம்

பிப்ரவரி 25, 2021

மாசி 13 - வியாழன்

நிலுவையில் இருந்துவந்த செயல்களை செய்து முடிப்பீர்கள். மனதிற்கு பிடித்த புதிய ஆடைகளை வாங்குவீர்கள். நினைத்த காரியங்கள் சில மனப்போராட்டங்களுக்கு பின்பு நிறைவேறும். உத்தியோகத்தில் உடன் பணிபுரிபவர்களால் அலைச்சல்கள் ஏற்பட்டாலும் அனுகூலம் உண்டாகும். உணவு சார்ந்த செயல்பாடுகளில் கவனம் வேண்டும். உபரி வருமானம் தொடர்பான புதிய வாய்ப்புகள் கிடைக்கும்.

அதிர்ஷ்ட திசை : கிழக்கு

அதிர்ஷ்ட எண் : 6

அதிர்ஷ்ட நிறம் : அடர் சிவப்பு

மகம் : விருப்பங்கள் நிறைவேறும்.

பூரம் : அனுகூலம் உண்டாகும்.

உத்திரம் : வாய்ப்புகள் கிடைக்கும்.

---------------------------------------

கன்னி

பிப்ரவரி 25, 2021

மாசி 13 - வியாழன்

பிள்ளைகளின் படிப்பில் முன்னேற்றம் ஏற்படும். புண்ணிய தலங்களுக்கு சென்று வருவதற்கான சூழல் உண்டாகும். கோபத்தை கட்டுப்படுத்துவதன் மூலம் முன்னேற்றத்திற்கான சிந்தனைகள் அதிகரிக்கும். விடாப்பிடியாக செயல்பட்டு சில வேலைகளை செய்து முடிப்பீர்கள். விரும்பிய பொருட்களை வாங்கி மனம் மகிழ்வீர்கள். உடன்பிறந்தவர்கள் உறுதுணையாக இருப்பார்கள்.

அதிர்ஷ்ட திசை : வடமேற்கு

அதிர்ஷ்ட எண் : 7

அதிர்ஷ்ட நிறம் : வெள்ளை நிறம்

உத்திரம் : முன்னேற்றமான நாள்.

அஸ்தம் : சிந்தனைகள் அதிகரிக்கும்.

சித்திரை : மனம் மகிழ்வீர்கள்.

---------------------------------------

துலாம்

பிப்ரவரி 25, 2021

மாசி 13 - வியாழன்

உங்களை பற்றிய புரிதலும், தெளிவும் கிடைக்கும். குடும்பத்தில் மகிழ்ச்சியும், அமைதியும் உண்டாகும். பணிபுரிபவர்களுக்கு உயர் அதிகாரிகளின் ஆதரவு கிடைக்கும். பூர்வீக சொத்துக்களின் மூலம் தொழில் தொடர்பான ஆதாயம் உண்டாகும். வியாபாரத்தில் வேலையாட்களின் ஒத்துழைப்பு அதிகரிக்கும். அரசு அதிகாரிகளின் உதவியால் சில காரியங்களை செய்து முடிப்பீர்கள். குடும்பத்தில் உங்களின் வார்த்தைக்கு மதிப்புகள் அதிகரிக்கும்.

அதிர்ஷ்ட திசை : மேற்கு

அதிர்ஷ்ட எண் : 5

அதிர்ஷ்ட நிறம் : பிரவுன் நிறம்

சித்திரை : தெளிவு கிடைக்கும்.

சுவாதி : ஆதாயம் உண்டாகும்.

விசாகம் : ஒத்துழைப்பு அதிகரிக்கும்.

---------------------------------------

விருச்சகம்

பிப்ரவரி 25, 2021

மாசி 13 - வியாழன்

தொழில் மற்றும் வியாபாரத்தில் புதிய முதலீடுகள் அதிகரிக்கும். பொதுக்காரியங்களில் ஈடுபாடு அதிகரிக்கும். வெளிவட்டாரத்தில் புதுவிதமான அனுபவம் உண்டாகும். அக்கம்-பக்கம் வீட்டாரின் ஆதரவு கிடைக்கும். எதையும் சமாளிக்கும் சாமர்த்தியமும், தன்னம்பிக்கையும் அதிகரிக்கும். தேவையற்ற செலவுகளை குறைப்பதன் மூலம் கடன்கள் குறையும். உடன்பிறந்தவர்கள் ஆதரவாக செயல்படுவார்கள்.

அதிர்ஷ்ட திசை : தென்கிழக்கு

அதிர்ஷ்ட எண் : 2

அதிர்ஷ்ட நிறம் : ஆரஞ்சு நிறம்

விசாகம் : முதலீடுகள் அதிகரிக்கும்.

அனுஷம் : அனுபவம் உண்டாகும்.

கேட்டை : தன்னம்பிக்கை அதிகரிக்கும்.

---------------------------------------

தனுசு

பிப்ரவரி 25, 2021

மாசி 13 - வியாழன்

கணவன், மனைவிக்கிடையே விட்டுக்கொடுத்து செல்வது நல்லது. எந்த செயலிலும் சுறுசுறுப்பின்றி செயல்படுவீர்கள். வாடிக்கையாளர்களிடம் அனுசரித்து செல்லவும். நெருக்கமானவர்களிடம் வாக்குறுதிகளை தவிர்க்கவும். நண்பர்களின் செயல்பாடுகளில் தலையிடுவதை தவிர்க்கவும். சுபகாரியங்கள் தொடர்பான செயல்பாடுகளில் பொறுமை வேண்டும். மற்றவர்களின் மனம் புண்படும்படி பேசுவதை தவிர்க்கவும்.

அதிர்ஷ்ட திசை : வடகிழக்கு

அதிர்ஷ்ட எண் : 4

அதிர்ஷ்ட நிறம் : பிங்க் நிறம்

மூலம் : விட்டுக்கொடுத்து செல்லவும்.

பூராடம் : வாக்குறுதிகளை தவிர்க்கவும்.

உத்திராடம் : பொறுமை வேண்டும்.

---------------------------------------

மகரம்

பிப்ரவரி 25, 2021

மாசி 13 - வியாழன்

மனைவி வழியில் நல்ல செய்திகள் கிடைக்கும். நீண்ட நாள் பிரச்சனைகளுக்கு தீர்வு கிடைக்கும். வியாபாரத்தில் தடைபட்டு வந்த பாக்கிகள் வசூலாகும். உத்தியோகத்தில் உங்களின் உழைப்பிற்கு அங்கீகாரம் கிடைக்கும். கடன் சார்ந்த இன்னல்கள் குறையும். புதிய நபர்களின் அறிமுகம் கிடைக்கும். வெளிவட்டாரத்தில் மதிப்புகள் உயரும். விலகி நின்றவர்கள் விரும்பி வருவார்கள்.

அதிர்ஷ்ட திசை : வடமேற்கு

அதிர்ஷ்ட எண் : 2

அதிர்ஷ்ட நிறம் : நீலநிறம்

உத்திராடம் : தீர்வு கிடைக்கும்.

திருவோணம் : அங்கீகாரம் கிடைக்கும்.

அவிட்டம் : மதிப்புகள் உயரும்.

---------------------------------------

கும்பம்

பிப்ரவரி 25, 2021

மாசி 13 - வியாழன்

வழக்கில் சாதகமான தீர்ப்புகள் கிடைக்கும். கணவன், மனைவிக்கிடையே மனம்விட்டு பேசுவீர்கள். வியாபாரம் தொடர்பான பணிகளில் அலைச்சல்கள் ஏற்பட்டாலும் புதுவிதமான அனுபவம் கிடைக்கும். உத்தியோகத்தில் சில நுணுக்கங்களை கற்றுக்கொள்வீர்கள். வாரிசுகளின் செயல்பாடுகளில் கவனம் வேண்டும். மனதில் இனம்புரியாத கவலைகள் ஏற்பட்டு மறையும்.

அதிர்ஷ்ட திசை : தெற்கு

அதிர்ஷ்ட எண் : 7

அதிர்ஷ்ட நிறம் : பழுப்பு நிறம்

அவிட்டம் : தீர்ப்புகள் கிடைக்கும்.

சதயம் : நுணுக்கங்களை கற்பீர்கள்.

பூரட்டாதி : கவனம் வேண்டும்.

---------------------------------------

மீனம்

பிப்ரவரி 25, 2021

மாசி 13 - வியாழன்

புதிய முயற்சிகளுக்கு உயர் அதிகாரிகளின் ஆதரவு கிடைக்கும். புதிய திட்டங்கள் நிறைவேறும். திறமைகளை வெளிப்படுத்துவதற்கான நல்ல வாய்ப்புகள் கிடைக்கும். ஆடம்பர செலவுகளை குறைத்து சேமிப்புகளை அதிகப்படுத்துவீர்கள். நட்பு வட்டம் விரிவடையும். குடும்பத்தில் ஒற்றுமை பிறக்கும். உடல்நலம் சீராகும். பிள்ளைகளின் தனித்திறமைகளை கண்டறிவீர்கள்.

அதிர்ஷ்ட திசை : கிழக்கு

அதிர்ஷ்ட எண் : 2

அதிர்ஷ்ட நிறம் : மஞ்சள் நிறம்

பூரட்டாதி : ஆதரவு கிடைக்கும்.

உத்திரட்டாதி : திறமைகள் வெளிப்படும்.

ரேவதி : ஒற்றுமை பிறக்கும்.

---------------------------------------