கிராமப்புறங்களில் வேகமாக பரவுகிறது கொரோனா தொற்று: தடுப்பூசி போடுவதும் கிராமப்புறங்களில் குறைவு...

 கொரோனா தொற்று தற்போது இந்தியாவின் கிராமப்புறங்களில் வேகமாக பரவிக்கொண்டிருக்கிறது. இந்தியாவின் பெரு நகரங்களை காட்டிலும் அதில் இருக்கக்கூடிய கிராமப்புற பகுதிகளில் அண்மை நாட்களாக கொரோனா தொற்றால் பாதிக்கப்படுபவர்களின் எண்ணிக்கை அதிகரித்து வருகிறது. 

குறிப்பாக தமிழகத்தில் அரியலூர், ராமநாதபுரம், கிருஷ்ணகிரி, சிவகங்கை, திருவாரூர், தருமபுரி, விழுப்புரம், புதுக்கோட்டை, திருவண்ணாமலை, நாமக்கல், திண்டுக்கல், கடலூர், பெரம்பலூர் உள்ளிட்ட மாவட்டங்களில் 60 சதவிகிதத்திற்கும் அதிகமான மக்கள் கிராமப்புறங்களில் வாழ்ந்து வருகின்றனர். எனவே இவை கிராமப்புற மாவட்டங்களாக கருதப்படுகின்றன. 

கொரோனா 2வது அலையில் இந்த கிராமப்புற மாவட்டங்களில் கொரோனா பாதிப்பு விகிதம் அதிகரித்து காணப்படுகிறது. உதாரணமாக ராமநாதபுரம் மாவட்டத்தில் 2021 மார்ச் 1ஆம் தேதி முதல் மே 10ஆம் தேதி வரை 3,158 கொரோனா பாதிப்புகள் உறுதி செய்யப்பட்டன. கொரோனா முதல் அலையின் போது அதாவது 2020 மார்ச் முதல் 2021 மார்ச் 1ஆம் தேதி வரையிலான காலத்தில் கண்டறியப்பட்ட மொத்தப் பாதிப்புகளின் எண்ணிக்கை 6,475 என்கிற அளவில் இருந்தது. ஆனால் தற்போது சராசரியாக ஒரு மாதத்தில் மட்டும் 1,300க்கும் அதிகமான கொரோனா பாதிப்புகள் பதிவு செய்யப்படுகின்றன.

முதல் அலையின் போது இந்த எண்ணிக்கை 540ஆக குறைந்திருந்தது. 2வது அலையில் சென்னையில் ஒருமாத கொரோனா பாதிப்பு எண்ணிக்கை அதிகரித்து காணப்பட்டாலும் பாதிப்பு விகிதம் கிராமப்புற மாவட்டங்களில் அதிகமாக உள்ளது. அதேபோல தடுப்பூசியும் சென்னை, மதுரை போன்ற நகரங்களை ஒப்பிடும் போது கிராமப்புறங்களில் குறைவாகவே போடப்படுவதாக தெரிகிறது

அரபிக்கடலில்.. மே 16ல் உருவாகிறது "தக்டே" புயல்.. எவ்வளவு வேகத்தில் காற்று வீசும்? எங்கே செல்லும்?

 அரபிக்கடலில் மே 16ம் தேதி தக்டே என்ற புயல் உருவாக வாய்ப்புள்ளதாக இந்திய வானிலை ஆய்வு மையம் கணித்துள்ளது.

இந்தியாவில் பல்வேறு மாநிலங்களில் கோடை காலம் வாட்டி எடுத்து வருகிறது. தமிழகத்திலும் அக்னி நட்சத்திரம் காரணமாக கடுமையான வெயில் அடித்து வருகிறது.

இந்த நிலையில் திடீரென தற்போது அரபிக்கடலில் காற்றழுத்த தாழ்வு நிலை உருவாக உள்ளதாக வானிலை ஆய்வு மையம் தெரிவித்துள்ளது. அடுத்த இரண்டு நாட்களில் இந்த தாழ்வு நிலை உருவாகும்.

எப்போது

மே 14ம் தேதி இந்த தாழ்வு நிலை உருவாக வாய்ப்புள்ளதாக வானிலை ஆய்வு மையம் தெரிவித்துள்ளது. இந்த காற்றழுத்த தாழ்வு நிலை பின் தாழ்வு மண்டலமாக மாறும். அதன்பின் மே 16ம் தேதி அரபிக்கடலில் மாறும் என்று கணிக்கப்பட்டுள்ளது.

புயல்

இது அரபிக்கடலில் புயலாக மாறும் பட்சத்தில் இதற்கு தக்டே என்று பெயர் வைக்கப்படும். இது மியான்மர் மூலம் வைக்கப்பட்ட பெயர் ஆகும். தக்டே என்பது மியான்மரின் ஒரு வகை பல்லி இனம் ஆகும். அதே சமயம் இதன் தற்போதைய வலிமையை பார்த்தால், மணிக்கு இந்த புயல் 120 கிமீ வேகம் வரை செல்லும் என்று கணிக்கப்பட்டுள்ளது.

எங்கே

ஆனால் இந்த புயல் எங்கே கரையை கடக்கும் என்று சொல்லப்படவில்லை. பெரும்பாலும் குஜராத் அல்லது பாகிஸ்தான் அருகே செல்லும். இப்போதே இதன் பாதையை கணிக்க முடியாது என்று வானிலை ஆராய்ச்சியாளர்கள் கூறியுள்ளனர்.

தமிழகம்

ஒருவேளை இந்த புயல் கேரள கரையோரம் வந்தால் தமிழகத்தில் மழை பெய்யும் என்று கணிக்கப்பட்டுள்ளது. மேற்கு தொடர்ச்சி மலையை ஒட்டிய தமிழக பரப்பில் மழை பெய்யலாம் என்று கணிக்கப்பட்டுள்ளது. அதே சமயம் இந்த தாழ்வு நிலை காரணமாக அடுத்த இரண்டு நாட்களுக்கு மேற்கு தொடர்ச்சி மலையை ஒட்டிய தமிழக பகுதிகளில் லேசான மழை பெய்ய வாய்ப்புள்ளது.

தமிழக சுகாதார துறையில் 300 வேலைவாய்ப்பு அறிவிப்பு - 13 ம் தேதி நேர்காணல்-14ம் தேதி முதல் பணியில் சேர வேண்டும்...

 

தமிழகத்தில் 12 ஆம் வகுப்பு பொதுத்தேர்வுகள் நடத்தப்படும் - பள்ளிக்கல்வித்துறை அமைச்சர் பேட்டி...

 தமிழகத்தில் 12 ஆம் வகுப்பு பொதுத்தேர்வுகள் நடத்தப்படும் - பள்ளிக்கல்வித்துறை அமைச்சர் பேட்டி...

>>> காணொளியைக் காண இங்கே சொடுக்கவும்...

ரயில் மூலம் 80 மெட்ரிக் டன் ஆக்சிஜன் தமிழகம் வருகிறது...

 

மேற்கு வங்கம் துர்காபூரில் இருந்து ரயில் மூலம் 80 மெட்ரிக் டன் ஆக்சிஜன் தமிழகம் வருகிறது; நேற்றிரவு  புறப்பட்ட ஆக்சிஜன் எக்ஸ்பிரஸ் ரயில் சென்னையை வந்தடையும் என தகவல்...

ரயில் மூலம் தமிழகத்துக்கு ஆக்சிஜன் கொண்டு வரப்படுவது இதுவே முதல் முறை என தெற்கு ரயில்வே ட்விட்டரில் பதிவு...

இன்றைய (13-05-2021) ராசி பலன்கள், நட்சத்திர பலன்கள்...

மேஷம்

மே 13, 2021

தனவரவுகளின் மூலம் சேமிப்புகள் அதிகரிக்கும். வெளியூர் தொடர்பான வாய்ப்புகளில் இருந்துவந்த காலதாமதம் அகலும். சுபகாரியங்கள் தொடர்பான எண்ணங்கள் ஈடேறும். குடும்பத்தில் புதிய நபர்களின் வருகையினால் மகிழ்ச்சி உண்டாகும்.

அதிர்ஷ்ட திசை : கிழக்கு

அதிர்ஷ்ட எண் : 2

அதிர்ஷ்ட நிறம் : சாம்பல் நிறம்

அஸ்வினி : சேமிப்புகள் அதிகரிக்கும்.

பரணி : காலதாமதம் அகலும்.

கிருத்திகை : எண்ணங்கள் ஈடேறும்.

---------------------------------------

ரிஷபம்

மே 13, 2021

மனதில் புதுவிதமான உத்வேகத்துடன் செயல்படுவீர்கள். உடன்பிறந்தவர்களின் மூலம் அனுகூலமான சூழ்நிலைகள் உண்டாகும். மனதில் இருக்கும் எண்ணங்களை பொறுமையுடன் வெளிப்படுத்தினால் வெற்றி அடைவீர்கள்.

அதிர்ஷ்ட திசை : தெற்கு

அதிர்ஷ்ட எண் : 9

அதிர்ஷ்ட நிறம் : அடர் சிவப்பு

கிருத்திகை : வேகம் அதிகரிக்கும்.

ரோகிணி : அனுகூலமான நாள்.

மிருகசீரிஷம் : வெற்றி கிடைக்கும்.

---------------------------------------

மிதுனம்

மே 13, 2021

கணவன், மனைவிக்கிடையே அனுசரித்து செல்லவும். தொழில் தொடர்பான சிந்தனைகள் மேம்படும். கனவுகளின் மூலம் மனதில் குழப்பமான சூழ்நிலைகள் ஏற்பட்டு மறையும். மறுமணம் வேண்டி எதிர்பார்ப்பவர்களுக்கு விரைவில் திருமணம் கைகூடும். தனவரவுகளில் ஏற்ற, இறக்கமான சூழ்நிலைகள் உண்டாகும்.

அதிர்ஷ்ட திசை : வடக்கு

அதிர்ஷ்ட எண் : 1

அதிர்ஷ்ட நிறம் : பிங்க் நிறம்

மிருகசீரிஷம் : அனுசரித்து செல்லவும்.

திருவாதிரை : சிந்தனைகள் மேம்படும்.

புனர்பூசம் : ஏற்ற, இறக்கமான நாள்.

---------------------------------------

கடகம்

மே 13, 2021

இணைய வர்த்தகம் சார்ந்த முதலீடுகளில் சற்று கவனத்துடன் செயல்பட வேண்டும். சேவை தொடர்பான பணிகளில் இருப்பவர்களுக்கு நண்பர்கள் மற்றும் புதிய நபர்களின் அறிமுகத்தின் மூலம் முன்னேற்றம் உண்டாகும். மனதில் தோன்றும் பலதரப்பட்ட சிந்தனைகளால் எதிர்காலம் பற்றிய குழப்பமான சூழ்நிலைகள் ஏற்பட்டு மறையும்.

அதிர்ஷ்ட திசை : தெற்கு

அதிர்ஷ்ட எண் : 4

அதிர்ஷ்ட நிறம் : இளம் பச்சை

புனர்பூசம் : கவனம் வேண்டும்.

பூசம் : முன்னேற்றம் உண்டாகும்.

ஆயில்யம் : குழப்பங்கள் மறையும்.

---------------------------------------

சிம்மம்

மே 13, 2021

உலகியல் நடவடிக்கைகள் பற்றிய புதுவிதமான கண்ணோட்டத்துடன் செயல்படுவீர்கள். வெளியூர் வேலைவாய்ப்புகள் சாதகமாக அமையும். ஆன்மிக பணிகளில் ஈடுபாடு உண்டாகும். மனதிற்கு பிடித்த தெய்வங்களை வழிபடுவீர்கள். எதிர்பாராத பயணங்களின் மூலம் அலைச்சல்கள் அதிகரிக்கும்.

அதிர்ஷ்ட திசை : மேற்கு

அதிர்ஷ்ட எண் : 3

அதிர்ஷ்ட நிறம் : வெள்ளை நிறம்

மகம் : புதுவிதமான நாள்.

பூரம் : ஈடுபாடு உண்டாகும்.

உத்திரம் : அலைச்சல்கள் அதிகரிக்கும்.

---------------------------------------

கன்னி

மே 13, 2021

ஆசைகளை நிறைவேற்றி கொள்வதற்கான வாய்ப்புகள் உண்டாகும். மனதில் எதை பற்றியாவது சிந்தித்து கொண்டே இருப்பீர்கள். அதிர்ஷ்டகரமான சில வாய்ப்புகளின் மூலம் மனமகிழ்ச்சி அடைவீர்கள். நிர்வாகம் தொடர்பான புதிய முடிவுகளை எடுப்பீர்கள். விசேஷ நிகழ்ச்சிகளில் குடும்பத்தினருடன் கலந்து கொள்ள நேரிடும்.

அதிர்ஷ்ட திசை : தெற்கு

அதிர்ஷ்ட எண் : 8

அதிர்ஷ்ட நிறம் : நீலநிறம்

உத்திரம் : ஆசைகள் நிறைவேறும்.

அஸ்தம் : மனமகிழ்ச்சி அடைவீர்கள்.

சித்திரை : புதிய முடிவுகளை எடுப்பீர்கள்.

---------------------------------------

துலாம்

மே 13, 2021

சிலருக்கு எதிர்பாராத உத்தியோக மாற்றம் உண்டாகும். பொருட்களை கையாளுவதில் எச்சரிக்கையுடன் செயல்படவும். பதற்றமான மனநிலை ஏற்பட்டு மறையும். தூக்கமின்மையால் உடல் சோர்வு ஏற்பட்டு நீங்கும். எதிர்பாராத செலவுகளும், நெருக்கடியான சூழலும் உண்டாகும்.

அதிர்ஷ்ட திசை : வடக்கு

அதிர்ஷ்ட எண் : 6

அதிர்ஷ்ட நிறம் : சந்தன வெள்ளை நிறம்

சித்திரை : உத்தியோக மாற்றம் உண்டாகும்.

சுவாதி : எச்சரிக்கையுடன் செயல்படவும்.

விசாகம் : நெருக்கடியான நாள்.

---------------------------------------

விருச்சகம்

மே 13, 2021

உத்தியோகத்தில் பொறுப்புகள் அதிகரிக்கும். தன்னம்பிக்கையுடன் புதிய முயற்சிகளில் ஈடுபடுவீர்கள். உயர்கல்விக்கான முயற்சிகள் நல்ல பலன்களை தரும். வாதத்திறமையால் பாராட்டப்படுவீர்கள். எதிர்பாலின மக்களால் அனுகூலம் உண்டாகும். வியாபாரத்தில் புதிய நபர்களின் நம்பிக்கையை பெறுவீர்கள்.

அதிர்ஷ்ட திசை : தெற்கு

அதிர்ஷ்ட எண் : 5

அதிர்ஷ்ட நிறம் : மஞ்சள் நிறம்

விசாகம் : பொறுப்புகள் அதிகரிக்கும்.

அனுஷம் : அனுகூலம் உண்டாகும்.

கேட்டை : நம்பிக்கை அதிகரிக்கும்.

---------------------------------------

தனுசு

மே 13, 2021

மற்றவர்களுக்கு தேவையான உதவிகளை செய்து மனம் மகிழ்வீர்கள். கடன் பிரச்சனைகள் குறையும். பிள்ளைகளின் எண்ணங்களை அறிந்து செயல்படுவீர்கள். வழக்குகள் தொடர்பான பிரச்சனைகள் குறையும். குழப்பங்கள் நீங்கி தெளிவு உண்டாகும். உத்தியோகத்தில் புதிய முயற்சிகள் சாதகமாக அமையும்.

அதிர்ஷ்ட திசை : மேற்கு

அதிர்ஷ்ட எண் : 9

அதிர்ஷ்ட நிறம் : சிவப்பு நிறம்

மூலம் : பிரச்சனைகள் குறையும்.

பூராடம் : எண்ணங்களை அறிவீர்கள்.

உத்திராடம் : சாதகமான நாள்.

---------------------------------------

மகரம்

மே 13, 2021

வர்த்தகம் தொடர்பான பணிகளில் எதிர்பார்த்த வாய்ப்புகள் கிடைக்கும். கற்ற கலைகளின் மூலம் லாபம் அடைவீர்கள். உத்தியோகத்தில் உடனிருப்பவர்களிடம் மதிப்புகள் அதிகரிக்கும். கல்வி தொடர்பான பணிகளில் மேன்மை அடைவீர்கள். புதிய நபர்களின் அறிமுகத்தின் மூலம் முன்னேற்றம் உண்டாகும்.

அதிர்ஷ்ட திசை : கிழக்கு

அதிர்ஷ்ட எண் : 8

அதிர்ஷ்ட நிறம் : நீலநிறம்

உத்திராடம் : வாய்ப்புகள் கிடைக்கும்.

திருவோணம் : மதிப்புகள் அதிகரிக்கும்.

அவிட்டம் : முன்னேற்றமான நாள்.

---------------------------------------

கும்பம்

மே 13, 2021

தாய்மாமன் வழி உறவினர்களுடன் அனுசரித்து செல்வதன் மூலம் நன்மைகள் உண்டாகும். மனதில் கற்பனைத்திறன் மேம்படும். மனதிற்கு பிடித்த புதிய ஆடைகளை வாங்கி மகிழ்வீர்கள். வாரிசுகளின் மூலம் மகிழ்ச்சியான செய்திகள் கிடைக்கும். எதிர்பார்த்த கடன் உதவிகள் சாதகமாக அமையும்.

அதிர்ஷ்ட திசை : வடக்கு

அதிர்ஷ்ட எண் : 4

அதிர்ஷ்ட நிறம் : மஞ்சள் நிறம்

அவிட்டம் : அனுசரித்து செல்லவும்.

சதயம் : கற்பனைத்திறன் மேம்படும்.

பூரட்டாதி : சாதகமான நாள்.

---------------------------------------

மீனம்

மே 13, 2021

முத்திரை தொடர்பான பணிகளில் இருப்பவர்கள் சற்று விழிப்புணர்வுடன் இருக்க வேண்டும். செயல்பாடுகளில் வேகம் அதிகரிக்கும். வீர தீரமான செயல்களை செய்து அனைவரிடத்திலும் பாராட்டுகளை பெறுவீர்கள். பொழுதுபோக்கு விஷயங்களில் ஆர்வம் அதிகரிக்கும்.

அதிர்ஷ்ட திசை : கிழக்கு

அதிர்ஷ்ட எண் : 5

அதிர்ஷ்ட நிறம் : பச்சை நிறம்

பூரட்டாதி : வேகம் அதிகரிக்கும்.

உத்திரட்டாதி : பாராட்டுகள் கிடைக்கும்.

ரேவதி : ஆர்வம் அதிகரிக்கும்.

---------------------------------------

தமிழகத்தில் அதிகரிக்கும் கொரோனா தொற்று - இன்று (12-05-2021) ஒரே நாளில் 30,355 பேருக்கு உறுதி - MEDIA BULLETIN...

 

>>> Click here to Download Media Bulletin 12.05.2021, 52 Pages...