மத்திய அரசு ஊழியர்களுக்கு அகவிலைப்படி உயர்வு - எந்தெந்த துறைக்கு 2021 ஏப்ரல் முதல் நடைமுறைப்படுத்தப்படுகிறது...

 மத்திய அரசு ஊழியர்களுக்கான, டி.ஏ., எனப்படும் அகவிலைப்படியை மத்திய அரசு உயர்த்தி உள்ளது. 

மத்திய தொழிலாளர் மற்றும் வேலைவாய்ப்பு துறை அமைச்சகம் வெளியிட்டுள்ள அறிவிப்பில் கூறப்பட்டுள்ளதாவது: மத்திய அரசு ஊழியர்களின் மாறக்கூடிய அகவிலைப்படி மாதத்திற்கு, 105 ரூபாயிலிருந்து, 210 ரூபாயாக உயர்த்தப்பட்டுள்ளது. இதன் வாயிலாக, 1.50 கோடி தொழிலாளர்கள் பயன்பெறுவர். இந்த புதிய அகவிலைப்படி உயர்வானது, 2021 ஏப்., 1ம் தேதி முதல் நடைமுறைப் படுத்தப்படுகிறது. மத்திய அரசின் திட்டமிடப்பட்ட வேலை களுக்கான ரயில்வே, சுரங்கம், எண்ணெய் வயல், முக்கிய துறைமுகங்கள் ஆகியவற்றின் கீழ் செயல்படும் நிறுவனங்கள் அல்லது மத்திய அரசால் நிறுவப்பட்ட கழகங்களுக்கு இந்த அகவிலைப்படி உயர்வு பொருந்தும். இவ்வாறு அதில் கூறப்பட்டுள்ளது. 

அகவிலைப்படி உயர்வால், மத்திய அரசில் பணிபுரியும் தொழிலாளர்களுக்கான குறைந்த பட்ச ஊதிய விகிதமும் அதிகரிக்கப்படும் என தெரிவிக்கப்பட்டுள்ளது.

கொரோனாவால் உயிரிழக்கும் ஊழியரின் குடும்பத்திற்கு 60 வயது வரை சம்பளம் - டாடா ஸ்டீல் நிறுவனம் அறிவிப்பு...

 கொரோனாவால் உயிரிழக்கும் ஊழியரின் குடும்பத்திற்கு 60 வயது வரை சம்பளம் - டாடா ஸ்டீல் நிறுவனம் அறிவிப்பு...

குழந்தைகளின் கல்வி செலவுகளையும் ஏற்பதாக அறிவித்திருக்கிறது டாடா ஸ்டீல்...

இந்தியாவைச் சேர்ந்த முன்னணி உருக்கு நிறுவனமான டாடா ஸ்டீல் வெளியிட்டுள்ள அறிவிப்பில், டாடா ஸ்டீல் நிறுவன ஊழியர்கள் யாரேனும் கொரோனா தொற்றுக் காரணமாக உயிரிழந்தால், அவரின் குடும்பத்திற்கு ஊழியர் ஓய்வு பெறும் 60 வயது வரையில் அவரின் சம்பளம் முழுமையாக ஒவ்வொரு மாதமும் அளிக்கப்படும் என தெரிவித்துள்ளது.  மேலும் ஊழியரின் குடும்பத்திற்கு மருத்துவக் காப்பீடு மற்றும் தங்கும் வசதிகள் செய்து தரப்படுவதாக டாடா ஸ்டீல் தெரிவித்துள்ளது.

மேலும் டாடா ஸ்டீல் நிறுவனத்தின் முன்கள ஊழியர் யாரேனும் கொரோனா மூலம் உயிரிழந்தால், ஊழியரின் குடும்பத்தில் இருக்கும் குழந்தைகளின் கல்விச் செலவை பட்டம் பெறும் வரையில் நிர்வாகமே ஏற்றுக்கொள்வதாக அறிவித்துள்ளது.

இன்றைய (25-05-2021) ராசி பலன்கள், நட்சத்திர பலன்கள்...

மேஷம்

மே 25, 2021

உத்தியோகத்தில் உள்ளவர்களுக்கு பொறுப்புகள் அதிகரிக்கும். தேவையற்ற வாக்குவாதங்களை தவிர்க்கவும். நண்பர்களின் ஆதரவால் தொழிலில் முன்னேற்றமான சூழ்நிலைகள் ஏற்படும். கெளரவ பதவிகளால் கீர்த்தி உண்டாகும். கணவன், மனைவிக்கிடையே உறவு மேம்படும். மூத்த சகோதரர்களால் சாதகமான சூழல் உண்டாகும்.

அதிர்ஷ்ட திசை : கிழக்கு

அதிர்ஷ்ட எண் : 1

அதிர்ஷ்ட நிறம் : சிவப்பு நிறம்

அஸ்வினி : பொறுப்புகள் அதிகரிக்கும்.

பரணி : முன்னேற்றமான நாள்.

கிருத்திகை : உறவு மேம்படும். 

---------------------------------------

ரிஷபம்

மே 25, 2021

திடீர் யோகத்தால் தனவரவுகள் உண்டாகும். பங்காளிகளால் ஏற்பட்ட வழக்கு விவகாரங்களில் எண்ணிய முடிவுகள் கிடைக்கும். சுயதொழிலில் மேன்மையான சூழல் ஏற்படும். உத்தியோகம் தொடர்பான பணிகளில் சக ஊழியர்களின் ஆதரவு கிடைக்கும். பொருட்களை கையாளும்போது கவனமாக இருக்க வேண்டும்.

அதிர்ஷ்ட திசை : மேற்கு

அதிர்ஷ்ட எண் : 6

அதிர்ஷ்ட நிறம் : பழுப்பு நிறம்

கிருத்திகை : தனவரவுகள் உண்டாகும்.

ரோகிணி : ஆதரவு கிடைக்கும்.

மிருகசீரிஷம் : கவனம் வேண்டும்.

---------------------------------------

மிதுனம்

மே 25, 2021

தொழில் சார்ந்த எண்ணங்களை நடைமுறைப்படுத்துவீர்கள். பதவி உயர்வு கிடைப்பதற்கான சாதகமான வாய்ப்புகள் கிடைக்கும். இறைவழிபாட்டில் மனம் ஈடுபடும். பொதுக்கூட்ட பேச்சுக்களால் ஆதரவு கிடைக்கும். நண்பர்களின் உதவிகளால் தொழிலில் மேன்மை உண்டாகும். நிர்வாகம் தொடர்பான செயல்பாடுகளில் மாற்றங்கள் ஏற்படும்.

அதிர்ஷ்ட திசை : வடக்கு

அதிர்ஷ்ட எண் : 5

அதிர்ஷ்ட நிறம் : இளஞ்சிவப்பு

மிருகசீரிஷம் : வாய்ப்புகள் கிடைக்கும்.

திருவாதிரை : மேன்மை உண்டாகும்.

புனர்பூசம் : மாற்றங்கள் ஏற்படும். 

---------------------------------------

கடகம்

மே 25, 2021

தீர்ப்புகளில் சாதகமான எதிர்பார்த்த முடிவுகள் கிடைக்கும். தாய் பற்றிய சிந்தனைகள் மேலோங்கும். கல்வி தொடர்பான செயல்பாடுகளில் இழுபறியான சூழல் ஏற்படும். குடும்ப உறுப்பினர்களிடம் அனுசரித்து செல்லவும். கடன் பிரச்சனைகள் குறையும். வாகனப் பயணங்களில் கவனத்துடன் செல்லவும். வெளிவட்டாரங்களில் மதிப்புகள் அதிகரிக்கும்.

அதிர்ஷ்ட திசை : தெற்கு

அதிர்ஷ்ட எண் : 8

அதிர்ஷ்ட நிறம் : வெள்ளை நிறம்

புனர்பூசம் : எதிர்பார்த்த முடிவுகள் கிடைக்கும்.

பூசம் : இழுபறியான நாள்.

ஆயில்யம் : மதிப்புகள் அதிகரிக்கும்.

---------------------------------------

சிம்மம்

மே 25, 2021

பணிகளில் உள்ள மறைமுக எதிர்ப்புகளை தைரியத்துடன் சமாளிப்பீர்கள். கல்வி பயிலும் மாணவர்களுக்கு சாதகமான வாய்ப்புகள் உண்டாகும். நிர்வாக பொறுப்பில் இருப்பவர்கள் கவனத்துடன் இருக்கவும். இளைய உடன்பிறப்புகளின் மூலம் சாதகமான சூழல் அமையும். எதிர்காலம் தொடர்பான எண்ணங்கள் மேம்படும்.

அதிர்ஷ்ட திசை : தென்கிழக்கு

அதிர்ஷ்ட எண் : 9

அதிர்ஷ்ட நிறம் : மஞ்சள் நிறம்

மகம் : தைரியமான நாள்.

பூரம் : வாய்ப்புகள் உண்டாகும்.

உத்திரம் : சாதகமான நாள். 

---------------------------------------

கன்னி

மே 25, 2021

குடும்ப உறுப்பினர்களின் தேவைகளை பூர்த்தி செய்வீர்கள். எதிர்பாராத உதவிகள் கிடைக்கும். வர்த்தக பணிகளில் லாபம் உண்டாகும். கூட்டாளிகளிடம் சூழ்நிலைக்கேற்ப விட்டுக்கொடுத்து செல்லவும். கணவன், மனைவிக்கிடையே உறவு மேம்படும். கால்நடைகளின் மூலம் லாபம் உண்டாகும்.

அதிர்ஷ்ட திசை : வடகிழக்கு

அதிர்ஷ்ட எண் : 1

அதிர்ஷ்ட நிறம் : ஆரஞ்சு நிறம்

உத்திரம் : உதவிகள் கிடைக்கும்.

அஸ்தம் : விட்டுக்கொடுத்து செல்லவும்.

சித்திரை : லாபம் உண்டாகும்.

---------------------------------------

துலாம்

மே 25, 2021

போட்டிகளில் கலந்து கொண்டு வெற்றி அடைவீர்கள். மாணவர்கள் கல்வி பயிலும் விதங்களில் மாற்றங்கள் ஏற்படும். உயர் அதிகாரிகளிடம் நிதானத்துடன் நடந்து கொள்ளவும். புதுவிதமான யுக்திகளை கையாளுவீர்கள். மனதில் தோன்றும் புதுவிதமான எண்ணங்களால் மகிழ்ச்சி உண்டாகும்.

அதிர்ஷ்ட திசை : வடமேற்கு

அதிர்ஷ்ட எண் : 2

அதிர்ஷ்ட நிறம் : நீலநிறம்

சித்திரை : வெற்றிகரமான நாள்.

சுவாதி : நிதானம் வேண்டும்.

விசாகம் : மகிழ்ச்சியான நாள். 

---------------------------------------

விருச்சகம்

மே 25, 2021

உயர் அதிகாரிகளால் அனுகூலமான பலன்கள் உண்டாகும். பணி தொடர்பான அலைச்சல்கள் அதிகரிக்கும். பெரியோர்களின் ஆசிகள் கிடைக்கும். உத்தியோகத்தில் எடுத்த செயலை முடித்து காட்டுவதன் மூலம் செல்வாக்கு உயரும். வியாபாரத்தில் தொழில் சம்பந்தமான சில நுணுக்கங்களை கற்பீர்கள்.

அதிர்ஷ்ட திசை : மேற்கு

அதிர்ஷ்ட எண் : 5

அதிர்ஷ்ட நிறம் : வெள்ளை நிறம்

விசாகம் : அனுகூலமான நாள்.

அனுஷம் : ஆசிகள் கிடைக்கும்.

கேட்டை : செல்வாக்கு உயரும். 

---------------------------------------

தனுசு

மே 25, 2021

மனதில் புதிய பொருட்களை வாங்குவது தொடர்பான முயற்சிகள் அதிகரிக்கும். குடும்ப உறுப்பினர்களிடம் வீண் விவாதங்களை தவிர்க்கவும். சுயதொழில் புரிபவர்களுக்கு இருந்துவந்த பணச்சிக்கல்கள் நீங்கும். மனதில் தேவையற்ற குழப்பங்கள் நீங்கி மகிழ்ச்சி உண்டாகும். புதிய நபர்களின் நட்புகளால் தனலாபம் அடைவீர்கள்.

அதிர்ஷ்ட திசை : வடக்கு

அதிர்ஷ்ட எண் : 1

அதிர்ஷ்ட நிறம் : சிவப்பு நிறம்

மூலம் : முயற்சிகள் அதிகரிக்கும்.

பூராடம் : பணச்சிக்கல்கள் நீங்கும்.

உத்திராடம் : தனலாபம் ஏற்படும்.

---------------------------------------

மகரம்

மே 25, 2021

குடும்பத்தின் ஆதரவால் புதிய முயற்சிகளில் வெற்றி கிடைக்கும். சங்கீத இசைக் கலைஞர்களுக்கு சாதகமான சூழல் உண்டாகும். நுட்பங்களை கற்பதில் ஆர்வம் ஏற்படும். பணிகளில் உள்ளவர்களுக்கு மேன்மையான சூழல் உண்டாகும். போட்டிகளில் ஈடுபடும்போது கவனமாக இருக்க வேண்டும்.

அதிர்ஷ்ட திசை : கிழக்கு

அதிர்ஷ்ட எண் : 7

அதிர்ஷ்ட நிறம் : ஊதா நிறம்

உத்திராடம் : வெற்றி கிடைக்கும்.

திருவோணம் : ஆர்வம் உண்டாகும்.

அவிட்டம் : மேன்மையான நாள். 

---------------------------------------

கும்பம்

மே 25, 2021

எதிர்பார்த்த கடன் உதவிகள் கிடைக்கும். மறைப்பொருள் சம்பந்தமான ஞானத் தேடல் உண்டாகும். புதியவற்றை கண்டறிந்து புகழப்படுவீர்கள். பெருந்தன்மையான செயல்பாடுகளால் உங்களின் மீதான மதிப்புகள் உயரும். மூத்த சகோதரர்களால் சாதகமான சூழல் அமையும். நீண்ட நாள் ஆசைகள் நிறைவேறும். உடல்நலத்தில் முன்னேற்றம் உண்டாகும்.

அதிர்ஷ்ட திசை : தெற்கு

அதிர்ஷ்ட எண் : 3

அதிர்ஷ்ட நிறம் : மஞ்சள் நிறம்

அவிட்டம் : உதவிகள் கிடைக்கும்.

சதயம் : மதிப்புகள் உயரும்.

பூரட்டாதி : முன்னேற்றம் உண்டாகும். 

---------------------------------------

மீனம்

மே 25, 2021

உறவினர்களால் பிரச்சனைகள் ஏற்படும் என்பதால் பேசும்போது கவனமாக இருக்கவும். உத்தியோகத்தில் உள்ளவர்களுக்கு பொறுப்புகள் அதிகரிக்கும். பொருட்களை கையாளுவதில் மிகுந்த எச்சரிக்கையுடன் செயல்படவும். எண்ணங்களின் போக்கில் மாற்றங்கள் உண்டாகும். தொழில் சார்ந்த அலைச்சல்களால் மனச்சோர்வு உண்டாகும்.

அதிர்ஷ்ட திசை : தென்மேற்கு

அதிர்ஷ்ட எண் : 6

அதிர்ஷ்ட நிறம் : வெள்ளை நிறம்

பூரட்டாதி : கவனம் வேண்டும்.

உத்திரட்டாதி : பொறுப்புகள் அதிகரிக்கும்.

ரேவதி : எச்சரிக்கையுடன் செயல்படவும்.

---------------------------------------

தமிழக அரசு பள்ளி கல்வித்துறையில் மேற்கொள்ள வேண்டிய செயல் திட்டம் குறித்தும், பன்னிரண்டாம் வகுப்பு தேர்வு குறித்தும், மாண்புமிகு தமிழக முதல்வர் அவர்களின் ஒப்புதலைப் பெற்று பின்னர் அறிவிக்கப்படும் - அமைச்சர் அன்பில் மகேஷ்...

பள்ளி கல்வித்துறை சார்பாக நடைபெற்ற ஆய்வுக் கூட்டத்திற்கு பிறகு, தமிழக அரசு பள்ளி கல்வித்துறையில் மேற்கொள்ள வேண்டிய செயல் திட்டம் குறித்தும்,பன்னிரண்டாம் வகுப்பு தேர்வு குறித்தும், மாண்புமிகு தமிழக முதல்வர் அவர்களின் ஒப்புதலைப் பெற்று பின்னர் அறிவிக்கப்படும்.

>>> பள்ளிக்கல்வி அமைச்சர் அவர்களின் பேட்டி...

ஊதியப் பட்டியல் சமர்ப்பிக்க Department ID Card உடன் சென்று வர அனுமதிக்கக் கோரி மாவட்டக் காவல் கண்காணிப்பாளருக்கு CEO கடிதம்...

தனியார் பள்ளிகள் பெற்றோரை கட்டாயப்படுத்தி கட்டணம் வசூலிக்க கூடாது: பள்ளிக்கல்வித்துறை அறிவுறுத்தல்...

 தனியார் பள்ளிகள் பெற்றோரை கட்டாயப்படுத்தி கட்டணம் வசூலிக்க கூடாது என அறிவுறுத்தி உள்ளோம் என்று பள்ளிக்கல்வித்துறை தெரிவித்துள்ளது. கட்டாயப்படுத்தாமல் அரசு அனுமதித்துள்ள கட்டணத்தை தனியார் பள்ளிகள் வசூலிக்கலாம் என்று தெரிவிக்கப்பட்டுள்ளது.

ஆசிரியர் ராஜகோபாலன் மீது பாலியல் புகாரில் உரிய நடவடிக்கை எடுக்கப்படும் - அமைச்சர் அன்பில் மகேஷ் உறுதி...

 தனியார் பள்ளியில் பாலியல் புகார்  எழுந்துள்ளது குறித்து விசாரணை நடத்தப்பட்டு உரிய நடவடிக்கை எடுக்கப்படும் என, அமைச்சர் அன்பில் மகேஸ் பொய்யாமொழி தெரிவித்தார்.

சென்னையில் இன்று (மே 24) பள்ளிக் கல்வித்துறை அமைச்சர் அன்பில் மகேஸ் பொய்யாமொழி  செய்தியாளர்களின் கேள்விகளுக்கு பதிலளித்தார்.

அப்போது, சென்னையில் உள்ள பிரபல தனியார் பள்ளியில் ஆசிரியர் ஒருவர் மீது, முன்னாள், இந்நாள் மாணவிகள் பலர் பாலியல் புகார் அளித்துள்ளது குறித்து செய்தியாளர்கள் கேள்வி எழுப்பினர்.

அதற்கு பதில் அளித்த அமைச்சர் அன்பில் மகேஸ் பொய்யாமொழி, "அதுகுறித்த தகவல் எனக்கும் வந்தது. இது தொடர்பாக உடனடியாக உரிய விசாரணை நடத்த வேண்டும் என, அதிகாரிகளுக்கு உத்தரவிட்டுள்ளோம். தலைமைக் கல்வி அதிகாரி (சிஇஓ) அதற்கான விளக்கத்தையும் அவர்களிடம் கேட்டுள்ளார். இது தொடர்பான புகார்கள் நேற்றைக்குத்தான் தங்களுக்கும் வந்ததாக பள்ளி நிர்வாகம் தெரிவித்துள்ளது.

புகாருக்கான விளக்கத்தை சிஇஓ மூலமாக பள்ளிக் கல்வித்துறை கேட்டுள்ளது. கமிட்டி அமைத்து விசாரணை நடத்தப்படும் எனப் பள்ளி நிர்வாகம் தெரிவித்துள்ளது. ஏற்கெனவே இதே மாதிரியான புகார்கள் வந்திருந்தால், உரிய ஆதாரங்கள் இருந்தால் நிச்சயம் உரிய நடவடிக்கை எடுக்கப்படும்" என்றார்.

நடந்தது என்ன?

சென்னையில் தனியார் பள்ளியில் ஒரு ஆசிரியர், ஆன்லைன் வகுப்பில் மோசமாகப் பேசி மாணவிகளைப் பாலியல் தொல்லை செய்வதாக புகார் எழுந்தது.

இதுகுறித்து பாமக நிறுவனர் ராமதாஸ் தன் ட்விட்டர் பக்கத்தில், ''சென்னையில் ஒரு தனியார் பள்ளியில் ஆன்லைன் வகுப்பில் மாணவிகள் பற்றி ஓர் ஆசிரியர் அருவருக்கத்தக்க வகையில் பேசி பாலியல் தொல்லை கொடுத்ததாக வெளியாகும் செய்திகள் அதிர்ச்சியளிக்கின்றன. இதற்குக் காரணமானவர்கள் மீது கடும் நடவடிக்கை எடுக்கப்பட வேண்டும்.

மாணவ, மாணவிகளுக்கு ஒழுங்கு பற்றி பாடம் நடத்தும் பள்ளிகள், தாய், தந்தையருக்கு அடுத்து கடவுளாக மதிக்கப்பட வேண்டிய ஆசிரியர்கள் அதற்கேற்ற வகையில் நடந்து கொள்கிறார்களா? என்பதை நிர்வாகம் கண்காணிக்க வேண்டும்; தவறு செய்தால் தண்டிக்க வேண்டும்'' என்று வலியுறுத்தினார்.

திமுக எம்.பி. கனிமொழி தன் ட்விட்டர் பக்கத்தில், ''சென்னையில் உள்ள ஒரு தனியார் பள்ளியில் ஒரு ஆசிரியர் மாணவர்களைப் பாலியல் துன்புறுத்தல் செய்வதாக எழுந்துள்ள புகார் என்னை அதிர்ச்சிக்குள்ளாக்கியது.

சம்பந்தப்பட்டவர்களை விசாரித்து குற்றம் செய்தவர் மீதும், அதைக் கண்டுகொள்ளாத பள்ளி நிர்வாகத்தின் மீதும் உடனடியாக நடவடிக்கை எடுக்கவேண்டும். இதை சம்பந்தப்பட்ட அதிகாரிகளிடம் கொண்டு செல்வேன் என்று உறுதியளிக்கிறேன்'' என்று தெரிவித்தார்.

இந்நிலையில், பாலியல் புகார்  எழுந்துள்ளது குறித்து விசாரணை நடத்தப்பட்டு உரிய நடவடிக்கை எடுக்கப்படும் என, அமைச்சர் அன்பில் மகேஸ் பொய்யாமொழி உறுதி அளித்துள்ளார்.