தேசிய திறந்தநிலைப் பள்ளி 12 ஆம் வகுப்பு மாணவர்களுக்கான தேர்வு ரத்து...

 தேசிய திறந்தநிலைப் பள்ளி 12 ஆம் வகுப்பு மாணவர்களுக்கான தேர்வு ரத்து செய்யப்பட்டுள்ளது. மாணவர்கள் தேர்ச்சி மதிப்பீடு குறித்து விரைவில் அறிவிக்கப்படும். இது சுமார் 1.75 லட்சம் மாணவர்களுக்கு பயனளிக்கும்...

பிளஸ் 2 மதிப்பெண் கணக்கீடு : கமிட்டி அமைத்தது CBSE...

 பிளஸ் 2 மதிப்பெண் கணக்கீடு : கமிட்டி அமைத்தது சி.பி.எஸ்.இ...

சிபிஎஸ்இ 12ஆம் வகுப்பு மாணவர்களுக்கு எந்த முறையில் மதிப்பெண் வழங்குவது என்பது குறித்து முடிவெடுக்க குழு அமைப்பு

கல்வி அமைச்சகத்தின் இணைச்  செயலாளர் விபின் குமார் தலைமையில்  குழு அமைப்பு.

சி.பி.எஸ்.இ., பிளஸ் 2 பொதுத் தேர்வு ரத்து செய்யப்பட்ட நிலையில், மாணவர்களுக்கான மதிப்பெண் வழங்கும்முறை குறித்து முடிவெடுக்க, 13 உறுப்பினர்கள் அடங்கிய கமிட்டி அமைக்கப்பட்டு உள்ளது.

கொரோனா பெருந்தொற்று பரவல் காரணமாக, சி.பி.எஸ்.இ., எனப்படும், மத்திய இடைநிலை கல்வி வாரியத்தின் பிளஸ் 2 பொதுத் தேர்வுகளை, மத்திய அரசு ரத்து செய்தது. பல்வேறு மாநிலங்களிலும், கொரோனா தொற்று பரவல் தீவிரமாக உள்ள நிலையில், மாணவர்களின் ஆரோக்கியம் மற்றும் பாதுகாப்பு கருதி, பொதுத் தேர்வு ரத்து செய்யப்படுவதாக, பிரதமர் மோடி அறிவித்தார்.

சி.பி.எஸ்.இ., பிளஸ் 2 பொதுத் தேர்வுகள் ரத்து செய்யப்பட்ட நிலையில், மாணவர்களுக்கு மதிப்பெண் வழங்கும் முறை குறித்து ஆலோசனை நடத்த, மத்திய கல்வி அமைச்சகத்தின் இணை செயலர் விபின் குமார் தலைமையில், 13 பேர் அடங்கிய கமிட்டி அமைக்கப்பட்டுள்ளது. எந்த முறையில் மதிப்பெண் வழங்க வேண்டும் என்பது குறித்து, 10 நாட்களுக்குள் அறிக்கை சமர்ப்பிக்க, கமிட்டிக்கு சி.பி.எஸ்.இ., உத்தரவிட்டுள்ளது.

இன்றைய (05-06-2021) ராசி பலன்கள், நட்சத்திர பலன்கள்...

மேஷம்

ஜூன் 05, 2021

உத்தியோகம் தொடர்பான பணிகளை திறமையுடன் செய்து முடிப்பீர்கள். நெருக்கமானவர்களிடம் இருந்துவந்த கருத்து வேறுபாடுகள் குறையும். நண்பர்களின் மூலம் மனமகிழ்ச்சியான சூழ்நிலைகள் உண்டாகும். எதிர்பாராத பயணங்களை மேற்கொள்வதற்கான வாய்ப்புகள் ஏற்படும். வியாபாரம் தொடர்பான பணிகளில் லாபம் மேம்படும். புதிய முயற்சிகளில் இருந்துவந்த தடை, தாமதங்கள் குறையும்.

அதிர்ஷ்ட திசை : தென்கிழக்கு

அதிர்ஷ்ட எண் : 5

அதிர்ஷ்ட நிறம் : வெள்ளை நிறம்

அஸ்வினி : திறமைகள் வெளிப்படும்.

பரணி : மகிழ்ச்சியான நாள்.

கிருத்திகை : தாமதங்கள் குறையும்.

---------------------------------------

ரிஷபம்

ஜூன் 05, 2021

எந்தவொரு காரியத்தையும் புத்துணர்ச்சியுடனும், சுறுசுறுப்புடனும் செய்து முடிப்பீர்கள். மனதில் இருக்கும் எண்ணங்களுக்கு செயல்வடிவம் கொடுப்பதற்கான வாய்ப்புகள் உண்டாகும். சேமிப்புகளை மேம்படுத்துவது தொடர்பான எண்ணங்கள் மேம்படும். சுபகாரியங்கள் தொடர்பான பேச்சுவார்த்தைகள் சாதகமாக அமையும். தொழில் வளர்ச்சிக்கான முயற்சிகள் அதிகரிக்கும்.

அதிர்ஷ்ட திசை : தென்மேற்கு

அதிர்ஷ்ட எண் : 9

அதிர்ஷ்ட நிறம் : ஆரஞ்சு நிறம்

கிருத்திகை : சுறுசுறுப்பான நாள்.

ரோகிணி : சேமிப்புகள் மேம்படும்.

மிருகசீரிஷம் : முயற்சிகள் அதிகரிக்கும்.

---------------------------------------

மிதுனம்

ஜூன் 05, 2021

வியாபாரம் தொடர்பான பணிகளில் கவனத்துடன் இருக்க வேண்டும். திறமைக்கேற்ப புதிய வாய்ப்புகள் கிடைக்கும். பொதுமக்கள் தொடர்பான பணிகளில் ஆர்வத்துடன் கலந்து கொள்வீர்கள். புதிய பொருட்கள் வாங்குவது தொடர்பான எண்ணங்கள் அதிகரிக்கும். விவசாயம் தொடர்பான விளைச்சலில் தகுந்த ஆலோசனைகளை பெற்று முடிவெடுக்கவும். ஆசிரியர்களுக்கு பொறுப்புகள் அதிகரித்தாலும் அனுகூலமான சூழ்நிலைகள் உண்டாகும்.

அதிர்ஷ்ட திசை : வடமேற்கு

அதிர்ஷ்ட எண் : 6

அதிர்ஷ்ட நிறம் : இளம் பச்சை

மிருகசீரிஷம் : கவனம் வேண்டும்.

திருவாதிரை : பொருட்சேர்க்கை ஏற்படும்.

புனர்பூசம் : அனுகூலமான நாள்.

---------------------------------------

கடகம்

ஜூன் 05, 2021

மனதில் நினைத்த காரியங்களை எண்ணிய விதத்தில் செய்து முடிப்பீர்கள். உடனிருப்பவர்கள் பற்றிய புரிதல் உண்டாகும். உடன்பிறந்தவர்களின் மூலம் சாதகமான சூழ்நிலைகள் ஏற்படும். சிறு தொழில் புரிபவர்களுக்கு மேன்மையான வாய்ப்புகள் உண்டாகும். தந்தை வழி சொத்துக்களின் மூலம் இருந்துவந்த இழுபறிகள் குறையும். வெளியூர் மற்றும் வெளிநாடு தொடர்பான பயணங்களை மேற்கொள்வதற்கான சிந்தனைகள் அதிகரிக்கும்.

அதிர்ஷ்ட திசை : மேற்கு

அதிர்ஷ்ட எண் : 2

அதிர்ஷ்ட நிறம் : இளஞ்சிவப்பு

புனர்பூசம் : எண்ணங்கள் ஈடேறும்.

பூசம் : வாய்ப்புகள் உண்டாகும்.

ஆயில்யம் : சிந்தனைகள் அதிகரிக்கும்.

---------------------------------------

சிம்மம்

ஜூன் 05, 2021

மனதில் குழப்பங்களும், தனம் தொடர்பான நெருக்கடிகளும் உண்டாகும். குடும்ப உறுப்பினர்களிடம் தேவையற்ற விவாதங்களை தவிர்க்க வேண்டும். தொழில் தொடர்பான புதிய முடிவுகளில் சிந்தித்து செயல்பட வேண்டும். மனதில் இருக்கும் கருத்துக்களை வெளிப்படுத்தும் பொழுது பேச்சுக்களில் கவனம் வேண்டும். மற்றவர்களிடம் எதிர்பார்த்த சில உதவிகள் காலதாமதமாக கிடைக்கும்.

அதிர்ஷ்ட திசை : தெற்கு

அதிர்ஷ்ட எண் : 3

அதிர்ஷ்ட நிறம் : நீலநிறம்

மகம் : நெருக்கடியான நாள்.

பூரம் : சிந்தித்து செயல்படவும்.

உத்திரம் : காலதாமதம் உண்டாகும்.

---------------------------------------

கன்னி

ஜூன் 05, 2021

வியாபாரத்தில் எதிர்பார்த்த லாபகரமான சூழ்நிலைகள் உண்டாகும். மனதில் புதுவிதமான சிந்தனைகள் தோன்றும். வெளிவட்டாரங்களில் மதிப்புகள் அதிகரிக்கும். புதிய நபர்களின் அறிமுகம் உண்டாகும். குழந்தைகளிடம் இருந்துவந்த கருத்து வேறுபாடுகள் நீங்கும். ஆன்மிகம் தொடர்பான காரியங்களில் ஈடுபாடு உண்டாகும். அதிர்ஷ்டகரமான சில வாய்ப்புகளின் மூலம் மாற்றங்கள் ஏற்படும்.

அதிர்ஷ்ட திசை : கிழக்கு

அதிர்ஷ்ட எண் : 5

அதிர்ஷ்ட நிறம் : இளம் மஞ்சள்

உத்திரம் : லாபகரமான நாள்.

அஸ்தம் : மதிப்புகள் அதிகரிக்கும்.

சித்திரை : அறிமுகம் உண்டாகும்.

---------------------------------------

துலாம்

ஜூன் 05, 2021

மனதில் இருக்கும் பலவிதமான குழப்பங்களுக்கு தெளிவும், உயர்வும் ஏற்படும். வழக்கு தொடர்பான விஷயங்களில் இருந்துவந்த தாமதங்கள் குறையும். வியாபார அபிவிருத்திக்கான முயற்சிகள் சாதகமாக அமையும். எதிர்பாராத பயணங்களை மேற்கொள்ளும் பொழுது அதற்கு தகுந்த ஆவணங்களையும், கோப்புகளையும் எடுத்து செல்ல வேண்டும். பழைய நினைவுகளின் மூலம் மனதில் மாற்றங்கள் ஏற்படும்.

அதிர்ஷ்ட திசை : வடக்கு

அதிர்ஷ்ட எண் : 4

அதிர்ஷ்ட நிறம் : சிவப்பு நிறம்

சித்திரை : தெளிவு பிறக்கும்.

சுவாதி : அபிவிருத்தியான நாள்.

விசாகம் : மாற்றங்கள் உண்டாகும்.

---------------------------------------

விருச்சகம்

ஜூன் 05, 2021

தனவரவுகள் எதிர்பார்த்தபடி இருந்தாலும் அதற்கேற்ற செலவுகள் உண்டாகும். எளிதில் முடியும் என எதிர்பார்த்த சில காரியங்கள் அலைச்சலுக்கு பின்பே நிறைவேறும். உயர் அதிகாரிகளின் மூலம் சாதகமான சூழ்நிலைகள் அமையும். வர்த்தகம் தொடர்பான பணிகளில் சிந்தித்து செயல்படவும். நீண்ட நாட்களாக நிலுவையில் இருந்துவந்த சில பணிகளை செய்து முடிப்பதற்கான சூழ்நிலைகள் அமையும்.

அதிர்ஷ்ட திசை : கிழக்கு

அதிர்ஷ்ட எண் : 5

அதிர்ஷ்ட நிறம் : இளநீலம்

விசாகம் : செலவுகள் உண்டாகும்.

அனுஷம் : சாதகமான நாள்.

கேட்டை : இழுபறிகள் நீங்கும்.

---------------------------------------

தனுசு

ஜூன் 05, 2021

வாழ்க்கைத்துணைவருடன் சிறு தூர பயணங்களை மேற்கொள்வதற்கான வாய்ப்புகள் ஏற்படும். நெருக்கமானவர்களிடம் தேவையற்ற விவாதங்களையும், சந்தேக உணர்வுகளையும் தவிர்த்து பொறுமையுடன் செயல்பட வேண்டும். வியாபாரம் தொடர்பாக எதிர்பார்த்த சில உதவிகள் கிடைக்கும். உறவினர்களின் வழியில் மகிழ்ச்சியான செய்திகள் கிடைக்கும். பூர்வீக சொத்துக்களின் மூலம் அனுகூலமான பலன்கள் ஏற்படும். நிலுவையில் இருந்துவந்த உத்தியோகம் தொடர்பான பணிகளை செய்து முடிப்பீர்கள்.

அதிர்ஷ்ட திசை : மேற்கு

அதிர்ஷ்ட எண் : 7

அதிர்ஷ்ட நிறம் : பச்சை நிறம்

மூலம் : வாய்ப்புகள் ஏற்படும்.

பூராடம் : உதவிகள் கிடைக்கும்.

உத்திராடம் : அனுகூலமான நாள்.

---------------------------------------

மகரம்

ஜூன் 05, 2021

பெரியோர்களின் ஆலோசனைகள் மற்றும் குடும்ப நபர்களிடம் ஒற்றுமை உண்டாகும். உடல் ஆரோக்கியத்தில் இருந்துவந்த பாதிப்புகள் குறைந்து சுறுசுறுப்பாக காணப்படுவீர்கள். புதிய முயற்சிகளில் எதிர்பார்த்த ஆதரவு கிடைக்கும். வாகன மாற்றம் தொடர்பான சிந்தனைகள் அதிகரிக்கும். கடன் தொடர்பான பிரச்சனைகள் கட்டுப்பாட்டுக்குள் இருக்கும். போட்டிகளில் ஈடுபட்டு வெற்றி அடைவீர்கள்.

அதிர்ஷ்ட திசை : தெற்கு

அதிர்ஷ்ட எண் : 2

அதிர்ஷ்ட நிறம் : வெள்ளை நிறம்

உத்திராடம் : ஒற்றுமை மேம்படும்.

திருவோணம் : ஆதரவு கிடைக்கும்.

அவிட்டம் : வெற்றிகரமான நாள்.

---------------------------------------

கும்பம்

ஜூன் 05, 2021

குழந்தைகளின் கல்வி தொடர்பான விஷயங்களில் மாற்றங்கள் ஏற்படும். உத்தியோகத்தில் முயற்சிக்கேற்ப முன்னேற்றமான சூழ்நிலைகள் உண்டாகும். உறவினர்களிடம் பொறுமையுடன் செயல்பட வேண்டும். எதிர்பாராத திடீர் தனவரவுகள் சிலருக்கு ஏற்படும். நீண்ட நாட்களாக இருந்துவந்த பழைய பாக்கிகள் கிடைக்கும். விவசாயம் தொடர்பான பணிகளில் மேன்மை உண்டாகும். ஆராய்ச்சி சார்ந்த விஷயங்களில் ஆர்வத்துடன் கலந்து கொள்வீர்கள்.

அதிர்ஷ்ட திசை : கிழக்கு

அதிர்ஷ்ட எண் : 9

அதிர்ஷ்ட நிறம் : மஞ்சள் நிறம்

அவிட்டம் : முன்னேற்றமான நாள்.

சதயம் : பொறுமை வேண்டும்.

பூரட்டாதி : மேன்மை உண்டாகும்.

---------------------------------------

மீனம்

ஜூன் 05, 2021

புதிய முயற்சிகளில் ஆர்வம் இன்றி செயல்படுவீர்கள். குடும்ப உறுப்பினர்களிடம் அனுசரித்து செல்வதன் மூலம் ஒற்றுமை அதிகரிக்கும். கூட்டாளிகளின் மூலம் அனுகூலமான சூழ்நிலைகள் ஏற்படும். நண்பர்களின் ஆதரவு மனதிற்கு மகிழ்ச்சியை ஏற்படுத்தும். இளைய உடன்பிறப்புகளின் எண்ணங்களை அறிந்து செயல்படுவீர்கள். கணவன், மனைவிக்கிடையே ஒற்றுமை அதிகரிக்கும்.

அதிர்ஷ்ட திசை : வடமேற்கு

அதிர்ஷ்ட எண் : 3

அதிர்ஷ்ட நிறம் :  இளஞ்சிவப்பு

பூரட்டாதி : ஒற்றுமை அதிகரிக்கும்.

உத்திரட்டாதி : அனுகூலமான நாள்.

ரேவதி : ஆதரவு கிடைக்கும்.

---------------------------------------

சாதாரண கட்டண நகர பேருந்துகளில், மூன்றாம் பாலினத்தவர்கள் கட்டணமின்றி பயணம் செய்வதற்கான அரசாணை வெளியீடு...

 

அனைத்து அரசு போக்குவரத்து கழக கட்டுப்பாட்டில் இயங்கும் சாதாரண கட்டண நகர பேருந்துகளில், மூன்றாம் பாலினத்தவர்கள் கட்டணமின்றி பயணம் செய்வதற்கான அரசாணையை வெளியிட்டது தமிழக அரசு...

>>> அரசாணை (நிலை) எண்: , நாள்: 03-06-2021...

தமிழகத்தில் மேலும் ஒரு வாரம் ஊரடங்கை நீட்டிக்க மருத்துவ வல்லுநர் குழு பரிந்துரை. இன்று மாலை அரசின் அதிகாரப்பூர்வ அறிவிப்பு வெளியாக வாய்ப்பு...

 தமிழ்நாட்டில் முழு ஊரடங்கை மேலும் 1 வாரம் நீட்டிக்க மருத்து நிபுணர் குழு பரிந்துரை...

தொற்று பாதிப்பு மிக கணிசமாக குறைந்துள்ள பகுதிகளில் மட்டும் சில தளர்வுகளை வழங்கலாம் எனவும் மருத்துவ வல்லுநர்கள் குழு பரிந்துரைத்துள்ளதாக தகவல்.

தமிழகத்தில் 12ஆம் வகுப்பு பொதுத் தேர்வு விவகாரம் ; அனைத்து மாவட்ட முதன்மைக் கல்வி அலுவலர்களுடன் மாலை 4 மணிக்கு அமைச்சர்கள் காணொலி காட்சி மூலம் ஆலோசனை...

 தமிழகத்தில் 12ஆம் வகுப்பு பொதுத் தேர்வு விவகாரம் ; அனைத்து மாவட்ட முதன்மைக் கல்வி அலுவலர்களுடன் மாலை 4 மணிக்கு அமைச்சர்கள் காணொலி காட்சி மூலம் ஆலோசனை...

உள்ளாட்சி தேர்தல் எப்போது? மாநில தேர்தல் ஆணையம் திட்டம்...

 

கொரோனா பாதிப்பு கட்டுக்குள் வந்ததும் உள்ளாட்சி தேர்தலை நடத்த, மாநில தேர்தல் ஆணையம் திட்டமிட்டுள்ளது.

தமிழகத்தில் ஊரகம், நகர்புறம் என, இரு வகையான உள்ளாட்சி அமைப்புகள் உள்ளன. அவற்றில் 1.50 லட்சத்திற்கும் மேற்பட்ட பதவிகள் உள்ளன. பல மாவட்டங்களை பிரித்து புதிய மாவட்டங்கள் உருவாக்கப்பட்டதால், 10 புதிய மாவட்டங்களில் தேர்தல் நடத்தப்படவில்லை. அதேபோல, நகர்புற உள்ளாட்சி அமைப்புகளுக்கும் தேர்தல் நடக்கவில்லை. மீதமுள்ள மாவட்டங்களுக்கு மட்டும் 2019 டிசம்பரில் இரண்டு கட்டங்களாக தேர்தல் நடத்தப்பட்டது. புதிதாக தேர்வு செய்யப்பட்ட உள்ளாட்சி அமைப்புகளின் பிரதிநிதிகள், 2020 ஜனவரியில் பொறுப்பேற்றனர்.

விடுபட்ட உள்ளாட்சிகளுக்கு தேர்தல் நடத்துவது, பல்வேறு காரணங்களால் தொடர்ந்து தள்ளிக்கொண்டே சென்றது. சட்டசபை தேர்தலுடன் நகர்புற உள்ளாட்சிகளுக்கும் தேர்தல் நடக்கும் என்ற எதிர்பார்ப்பு எழுந்தது. கொரோனா பரவல் காரணமாக, இந்த திட்டத்தை மாநில தேர்தல் ஆணையம் தள்ளிவைத்து விட்டது. தேர்தல் நடத்தப்படாததால், சிறப்பு அதிகாரிகள் உள்ளாட்சி அமைப்புகளை நிர்வகித்து வருகின்றனர்.

இந்நிலையில், மாநில தேர்தல் ஆணையராக ஓய்வு பெற்ற ஐ.ஏ.எஸ்., அதிகாரி பழனிகுமார் பொறுப்பேற்றுள்ளார். மாநிலம் முழுதும் கொரோனா இரண்டாவது அலை பரவலை கட்டுப்படுத்தும் பணிகளில், அரசு கவனம் செலுத்தி வருகிறது. பாதிப்பு, வரும் நாட்களில் படிப்படியாக குறைய வாய்ப்புள்ளது. கொரோனா பாதிப்பு கட்டுக்குள் வந்ததும், நகர்புற உள்ளாட்சி தேர்தலுடன் 10 மாவட்டங்களுக்கான ஊரக உள்ளாட்சி தேர்தலை நடத்த மாநில தேர்தல் ஆணையம் திட்டமிட்டுள்ளது.

இதற்காக, ஊரக வளர்ச்சி, நகராட்சி நிர்வாகம் உள்ளிட்ட துறைகளுடன் இணைந்து, தேர்தல் முன்னேற்பாடுகளை மாநில தேர்தல் ஆணையம் விரைவில் துவக்க உள்ளது. நடந்து முடிந்த சட்டசபை தேர்தலில், ஆளும்கட்சியான தி.மு.க., நகர பகுதிகளில் அதிக ஓட்டுக்களை அள்ளியது. எனவே, உள்ளாட்சி தேர்தலில் வெற்றி கிடைக்கும் என்ற நம்பிக்கையில், அக்கட்சி தேர்தலை சந்திக்க தயாராகி வருகிறது.