.png)
3 முதன்மைக் கல்வி அலுவலர்கள் பணியிட மாறுதல் & 7 மாவட்டக் கல்வி அலுவலர்களுக்கு முதன்மைக் கல்வி அலுவலராகப் பதவிஉயர்வு - அரசாணை (நிலை) எண்: 157, நாள்: 20-09-2022 மற்றும் பள்ளிக் கல்வி ஆணையரின் செயல்முறைகள் ந.க.எண்: 30395/ அ1/ இ1/ 2022, நாள்: 20-09-2022 (Transfer of 3 Chief Educational Officers & Promotion of 7 District Education Officers as Chief Education Officers - G.O. (Ms) No: 157, Dated: 20-09-2022 and Proceedings of the Commissioner of School Education No: 30395/ A1/ E1/ 2022, Dated: 20-09-2022)...
சாதிய பாகுபாடு புகார் - பாஞ்சாகுளம் பள்ளியில் முதன்மைக்கல்வி அலுவலர் விசாரணை - நாளிதழ் செய்தி (Complaint of caste discrimination - Chief Educational Officer investigation in Panchakulam School)...
சாதிய பாகுபாடு புகார் - பாஞ்சாகுளம் பள்ளியில் முதன்மைக்கல்வி அலுவலர் விசாரணை (Complaint of caste discrimination - Chief Educational Officer investigation in Panchakulam School)...
சங்கரன்கோவில்: தென்காசி மாவட்டம் சங்கரன்கோவில் அருகே பாஞ்சாகுளத்தில் பட்டியல் இனத்தை சேர்ந்த மாணவர்களுக்கு ஊர் கட்டுபாடு எனக்கூறி கடை உரிமையாளர் தின்பண்டம் கொடுக்க மறுத்த வீடியோ சமூக வலைதளங்களில் வைரலானது. இதையடுத்து அந்த கடைக்கு சீல் வைக்கப்பட்டது. கடை உரிமையாளர் மகேஷ்வரன் உட்பட 2 பேர் கைது செய்யப்பட்டனர். அப்பகுதியில் பலத்த போலீஸ் பாதுகாப்பு போடப்பட்டுள்ளது. இதற்கிடையே பாஞ்சாகுளம் ஊராட்சி ஒன்றிய தொடக்கப்பள்ளியிலும் சாதிய பாகுபாடு இருப்பதாக புகார் கூறப்பட்டது.
தென்காசி மாவட்டம் சங்கரன்கோவில் அருகே உள்ள பாஞ்சாங்குளம் கிராமத்தில் உள்ள ஊராட்சி ஒன்றிய தொடக்கப்பள்ளியில் சாதிய பாகுபாடு பின்பற்றப்படுவதாக ஆதிதிராவிட பள்ளி மாணவர்கள் குற்றச்சாட்டை முன் வைத்தனர். இதனைத் தொடர்ந்து விசாரணை மேற்கொண்ட மாவட்ட ஆதிதிராவிடர் நல அலுவலர் கந்தசாமி, பள்ளியில் சாதிய பாகுபாடு பின்பற்றவில்லை என ஆசிரியர்கள் அளித்த வாக்குமூலத்தின் அடிப்படையில் மாவட்ட ஆட்சியருக்கு அறிக்கையாக சமர்ப்பித்தார். அதனைத் தொடர்ந்து இன்று பள்ளி திறக்கப்பட்டது. பள்ளியில் மொத்தம் 23 மாணவர்கள் பயின்று வரும் நிலையில், 10 மாணவர்கள் மட்டுமே பள்ளிக்கு வருகை புரிந்துள்ளனர். வழக்கம்போல் மாணவர்கள் அனைவரும் தரையில் அமர வைத்து பாடம் கற்பிக்கப்பட்டு வருகிறது. இந்நிலையில், பள்ளிக்கு மாவட்ட முதன்மை கல்வி அலுவலர் கபீர், பள்ளிக்கு நேரில் சென்று, ஆசிரியர்கள் மற்றும் மாணவர்களிடம் விசாரணை மேற்கொண்டார்.
இதனால் பாஞ்சாகுளம் ஊராட்சி ஒன்றிய தொடக்கப் பள்ளியில் தென்காசி மாவட்ட முதன்மை கல்வி அலுவலர் கபீர் நேற்று திடீரென பார்வையிட்டு விசாரணை மேற்கொண்டார். அப்போது மொத்தம் உள்ள 23 மாணவர்களில் 10 பேர் மட்டுமே வந்திருந்தனர். ஒரு பிரிவைச் சேர்ந்த மாணவ, மாணவிகள் வங்கி கணக்கு இணைப்பு பெறுவதற்காக சங்கரன்கோவில் சென்று விட்டதால் அவர்கள் வரவில்லை. ஆசிரியர்களிடமும், மாணவர்களிடமும் அன்றாட நிகழ்வுகள் குறித்து விசாரணை நடத்தினர். தொடர்ந்து பள்ளியில் கழிப்பிடம், குடிநீர் உள்ளிட்ட அடிப்படை வசதிகள் குறித்தும் விசாரணை நடத்தினார்.
இது குறித்து முதன்மை கல்வி அலுவலர் கபீர் கூறுகையில், ‘பள்ளியில் பெஞ்ச், டெஸ்க் எதுவும் இல்லை. பள்ளி தொடர்பாக புகார் கூறியது ஆதாரமற்றது. முறையான விசாரணை அறிக்கை மாவட்ட கலெக்டரிடம் சமர்ப்பிக்கப்பட்டுள்ளது. தொடர்ந்து மாவட்ட குழந்தைகள் நல அலுவலர் சுப்புலட்சுமி பள்ளிக்குச் சென்று நேரில் ஆய்வு செய்தார். இந்த சம்பவங்களின் அடிப்படையில் சாதிய பாகுபாடு கடைப்பிடிக்கப்படவில்லை என்பது உறுதி செய்யப்பட்டுள்ளது. தவறான செய்திகள் பரப்புவோர் மீது கடும் நடவடிக்கை எடுக்கப்படும் என காவல்துறை சார்பில் எச்சரிக்கை விடப்பட்டுள்ளது’ என்றார்.
நடுநிலைப் பள்ளிகளில் 6,7 மற்றும் 8 ஆம் வகுப்புகளுக்கு இரண்டாம் பருவத்தில் பள்ளி திறப்பு குறித்து தமிழ்நாடு தொடக்கக் கல்வி இயக்குநரின் செயல்முறைகள் (Proceedings of the Director of Elementary Education, Tamil Nadu regarding the opening of schools in the second term for classes 6, 7 and 8 in middle schools) ந.க.எண்: 28051/ கே2/ 2022, நாள்: 19-09-2022...
Summative Assessment - Online SA ( தொகுத்தறி மதிப்பீடு) குறித்த சில தகவல்கள்...
✍️Summative Assessment - Online SA ( தொகுத்தறி மதிப்பீடு) குறித்த சில தகவல்கள்...
1,2,3 ஆம் வகுப்புகளுக்கான Summative assessment ( தொகுத்தறி மதிப்பீடு) குறித்த சில கருத்துக்கள் ..
✍🏻முதல் பருவ தேர்வு SA 19.09.2022 முதல் 30.09.2022 வரை open இல் இருக்கும் ..
✍🏻 எண்ணும் எழுத்தும் திட்டம் அடிப்படையில் மூன்று பாடங்களுக்கு ( தமிழ் , ஆங்கிலம் , கணக்கு ) நடைபெறும் .
(சூழ்நிலையில் தேர்வு குறித்து அறிவிப்பு எதுவும் அறிவிப்பு இல்லை)
✍🏻 மொத்தம் 10 நாட்கள் தேர்வு காலம் உள்ளது. மாணவர் எண்ணிக்கை அதிகம் உள்ள பள்ளிகள் மற்றும் மாணவர் விடுப்பு (இன்புளுயன்சா காய்ச்சல் பரவுவதால் விடுப்பு எடுக்க வாய்ப்பு அதிகம் உள்ளன. ) இதனை கருத்தில் கொண்டே 10 நாட்கள் கால அவகாசம் கொடுக்கப்பட்டுள்ளது .
✍🏻 மாணவர் எண்ணிக்கை அடிப்படையில் குறைவாக இருக்கும் பள்ளிகள் ஒரு நாளைக்கு ஒரு பாடம் என்ற முறையில் தேர்வு மதிப்பீடு செய்யலாம் .. ( ஒரே நாளில் அனைத்து பாடங்களுக்கும் முடித்து விட வேண்டாம் இதில் சில அலுவலக சிக்கல் வரலாம். நமது பணிக்கும் நல்லது .
✍🏻 மாணவர் எண்ணிக்கை அதிகம் உள்ள பள்ளிகள் 2, 3 நாட்கள் ஒரு பாடம் என்ற முறையில் தேர்வு மதிப்பீடு செய்க.
( மாணவர் விடுப்பு எடுத்தால் அடுத்த நாள் அந்த மாணவர்களுக்கு மதிப்பீடு செய்க. )
வினாத்தாளில் சில கேள்விகள் எழுதி காட்டும் வகையில் இருக்கும். அவ்வாறான வினாக்கள் முறையாக ஒரு Note இல் (சொல்வது எழுதுதல் note)
மாணவர்களை எழுத சொல்லி வைத்துக்கொள்ளலாம் . ( இதுவும் நமது நலனும் சார்ந்தது ..)
✍🏻 இன்று தமிழ் தேர்வு மாணவர்கள் விடுப்பு எடுத்தால் நாளை ஆங்கில பாட தேர்வு செய்தாலும், இன்று வராத அந்த மாணவர்களுக்கு தமிழ் தேர்வு மதிப்பீடு செய்யலாம்.
இது இப்படி செய்தால் நமக்கு நன்மை பயக்கும் என்ற முறையின் கருத்து பரிமாற்றம் மட்டுமே ..
இதனை உங்கள் வகுப்பறை நிகழ்வுகள் ஏற்ப திட்டமிட்டு கொள்ளுங்கள் ..
புதிய பாடத்திட்டம் புதிய தேர்வு முறை
முதன்முதலில் இணையவழி தேர்வு மதிப்பீடு செய்யும் அனைத்து ஆசிரியர்களுக்கும் மாணவர்களுக்கும் வாழ்த்துக்கள்...
ஆன்லைன் மூலம் தொகுத்தறி மதிப்பீடு செய்தல் சார்ந்து EE Team அறிவிப்பு...
அன்புள்ள ஆசிரியர்களே!!!
1-3 வகுப்புகளுக்கான எண்ணும் எழுத்தும் தொகுத்தறி மதிப்பீட்டை முடிக்க, 2 வார கால அவகாசம் ( 19.09.22 - 30.09.22) கொடுக்கப்பட்டுள்ளது...
மேலும் ஒவ்வொரு பாடத்திற்கும் 10 கேள்விகள் மட்டுமே உள்ளன.
அடிப்படை கணக்கெடுப்பு எவ்வாறு செய்யப்பட்டது, அதே வழியில் நீங்கள் தொகுத்தறி மதிப்பீடு SA யும் செய்யலாம்.
கேள்விகள் எளிமையானவை மற்றும் மாணவர்கள் மதிப்பிடப்பட்டதை அறியாமல் அதைச் செய்து மகிழ்வார்கள்.
- TN EE குழு
Today's (20-09-2022) Wordle Answer...
.png)
Wordle விளையாடும் முறை:
ஒவ்வொரு நாளும், ஒரு ஐந்தெழுத்து சொல் தேர்ந்தெடுக்கப்படுகிறது, அதை விளையாடுவோர் ஆறு முயற்சிகளுக்குள் யூகிக்க வேண்டும். ஒவ்வொரு யூகத்திற்கும் பிறகு, ஒவ்வொரு எழுத்தும் பச்சை, மஞ்சள் அல்லது சாம்பல் என குறிக்கப்படும்.
பச்சை என்பது எழுத்து சரியானது மற்றும் சரியான இடத்தில் உள்ளது என்றும்,
மஞ்சள் என்பது பதிலில் உள்ளது ஆனால் சரியான நிலையில் இல்லை என்றும்,
சாம்பல் என்பது அது விடையில் இல்லை என்பதைக் குறிக்கிறது.
விளையாட்டில் "ஹார்ட் மோட்" விருப்பம் உள்ளது, இதற்கு வீரர்கள் பச்சை மற்றும் மஞ்சள் என குறிக்கப்பட்ட எழுத்துக்களை அடுத்தடுத்த யூகங்களில் சேர்க்க வேண்டும்.
தினசரி சொல் அனைவருக்கும் ஒன்றுதான்.
கருத்தியல் மற்றும் ஸ்டைலிஸ்டிக் ரீதியாக, இந்த விளையாட்டு 1955 பேனா மற்றும் பேப்பர் கேம் ஜோட்டோ மற்றும் கேம் ஷோ ஃபிரான்சைஸ் லிங்கோ போன்றது.
இந்த விளையாட்டானது இரண்டு-வீரர் பலகை விளையாட்டான மாஸ்டர்மைண்ட்-இதில் வார்த்தை யூகிக்கும் மாறுபாடு கொண்ட வேர்ட் மாஸ்டர்மைன்ட் மற்றும் புல்ஸ் அண்ட் கவ்ஸ் விளையாட்டு, குறிப்பிட்ட எழுத்துக்களை வேர்ட்லே (Wordle) உறுதிசெய்கிறது. ஒவ்வொரு தினசரி விளையாட்டும் தோராயமாக வரிசைப்படுத்தப்பட்ட 2,315 சொற்களின் பட்டியலிலிருந்து ஒரு வார்த்தையைப் பயன்படுத்துகிறது (ஆங்கில மொழியில் உள்ள தோராயமான 12,000 ஐந்தெழுத்து வார்த்தைகளில்).
Wordle Game Website Link:
Today's (20-09-2022) Wordle Answer: ALIKE
பள்ளி காலை வழிபாட்டுச் செயல்பாடுகள் - 20.09.2022 - School Morning Prayer Activities...
பள்ளி காலை வழிபாட்டுச் செயல்பாடுகள் - 20.09.2022 - School Morning Prayer Activities...
திருக்குறள் :
பால்: பொருட்பால்
இயல்:குடியியல்
அதிகாரம்: கயமை
குறள் : 1078
சொல்லப் பயன்படுவர் சான்றோர் கரும்புபோல்
கொல்லப் பயன்படும் கீழ்.
பொருள்:
குறைகளைச் சொன்னவுடனே சான்றோரிடம் கோரி பயனைப் பெற முடியும்; ஆனால் கயவரிடமோ கரும்பை நசுக்கிப் பிழிவதுபோல், போராடித்தான் கோரிய பயனைப் பெற முடியும்
பழமொழி :
Even a King approve of wise man.
அறிவுடையாரை அரசனும் விரும்புவான்.
இரண்டொழுக்க பண்புகள் :
1. மகிழ்ச்சி என்பது வேண்டும் வேண்டும் என்று கேட்பதில் இல்லை போதும் என்கிற மனதில் எனவே போதும் என்கிற நிறைவோடு வாழ முயற்சிப்பேன்.
2. பெற்றோர், ஆசிரியர் மற்றும் பிறரை சரியான முறையில் மகிழ்விப்பதும் மகிழ்ச்சியே. மகிழ்விப்பேன்.
பொன்மொழி :
உலகில் உள்ள எல்லா இதயங்களும் நல்ல இதயங்களே.. ஆனால் சந்தர்ப்பம் சூழ்நிலைகள் அதை மாற்றியமைக்கின்றன.
பொது அறிவு :
1.மார்பை பாதுகாக்கும் எலும்பின் பெயர் என்ன?
ரிபஸ்.
2.பாரமென்சியா என்றால் என்ன?
மிகச்சிறந்த ஞாபகம்.
English words & meanings :
quin·tu·ple - consisting of five parts or things. Noun. My aunt gave birth to quintuple. ஐந்து மடங்கு. பெயர்ச் சொல்
ஆரோக்ய வாழ்வு :
வல்லாரை கீரையில் ஜூஜூபோஜெனின், ஆல்கலாய்டுகள், ஹெர்பெஸ்டைனுடன் கூடிய டம்மரேன் வகையைச் சேர்ந்த ட்ரைடர்பெனோயின் சபோனின் போன்ற மூலக்கூறுகள் நிறைந்திருக்கின்றன. இவை நரம்பு மண்டலத்தை சுறுசுறுப்பாக வைத்திருக்கச் செய்யும்.
NMMS Q 63:
Kilogram : Weight :: Metre : ? a) Journey b) Road c) Cloth. d) Length.
Answer : Length
நீதிக்கதை
மந்திர புல்லாங்குழல்
பரமக்குடி என்ற ஊரில் கதிரேசன் என்ற ஏழை இளைஞன் இருந்தார். அவர் பக்கத்து ஊரில் ஜம்பு என்ற ஜமிந்தாரிடம் வேலை பார்த்து வந்தார். கடுமையாக உழைத்தாலும் ஜமிந்தார் ஒன்றுமே கொடுக்க மாட்டார் சாப்பாடு மட்டுமே போடுவார். இருந்தாலும் தனக்கு வேலை கொடுத்த ஜமிந்தாருக்கு மிகவும் உண்மையாக உழைத்தார். ஜமிந்தார் கொடுப்பதில் தன் தாயாருக்கு பொருட்கள் வாங்கி கொடுத்து அனுப்புவார். இரண்டு ஆண்டுகள் தொடர்ந்து வேலை செய்து, பின்னர் தன் தாயை பார்க்க போவதாக ஜமிந்தாரிடம் சொன்னார் கதிரேசன். ஜமிந்தாருக்கு அவரை விட மனசு இல்லை. இருந்தாலும் போய் வா. இதோ இரண்டு ஆண்டுக்கான உன் கூலி என்று கூறி 5 செப்பு காசுகள் கொடுத்தார்.
முதலாளிக்கு நன்றி சொல்லிட்டு ஊருக்கு கிளம்பினார். அதே நேரம் அந்த ஊரில் ஒரு பெரிய திருடன் ஒருவன், ஜம்பு ஜமிந்தாரின் வீட்டை ரொம்ப நாட்களாக நோட்டம் போட்டுட்டு வந்தான். அப்போது முன்னர் ஜமிந்தார் வெளியே சென்ற நேரம் பார்த்து அவரது வீட்டில் யாருக்கும் தெரியாமல் நுழைந்து, அங்கே பாதுகாப்பாக வைத்திருந்த தங்க காசுகள், நகைகள் மற்றும் அனைத்து ஆபரணங்களையும் கொள்ளை அடித்து, பெரிய மூட்டை கட்டினான். இது போதாது என்று நினைத்து, கதிரேசன் கையில் இருக்கும் பொருட்களையும் பிடுங்க திட்டமிட்டான். எப்படி கதிரேசன் காட்டு வழியாகத் தான் நடந்து ஊருக்கு செல்வார். எனவே அங்கே அவரை அங்கேயே மடக்கி இருப்பதை திருடலாம் என்று நினைத்தான். குறுக்கு பாதையில் ஓடி காட்டில் ஒளிந்துக் கொண்டான்.
கதிரேசன் காட்டு வழியாக செல்லும் போது ஒரு இடத்தில் ஒரு குள்ளமான ஒருவர் கீழே விழுந்து கிடந்தார், அவரை ஓடி போய் தூக்கி, குடிக்க தண்ணீர் கொடுத்தார். சிறிது நேரத்தில் அந்த குள்ள மனிதர் கண் விழித்து பார்த்தார், அவரது தோற்றம் வேடிக்கையாக இருந்தது. நீண்ட வெண்ணிறத்தாடி, தலையில் கூம்பு வடிவில் தொப்பி. அய்யா, பெரியவரே! என்ன ஆச்சு, ஏன் மயங்கி கிடக்கிறீங்க. தம்பி, என்னை காப்பாற்றியதற்கு நன்றி, நான் பசியாலும், பட்டினியாலும் வாடுகிறேன், எனக்கு உன்னால் முடிந்த உதவியை செய்வாயாக. அய்யா, நான் கஷ்டப்பட்டு சம்பாதித்த வருமானம் இதோ இருக்குது, இதில் 2 செப்பு காசுகள் நீங்க வைத்துக் கொள்ளுங்க.
தம்பி! உன் இரக்க குணம் என்னை மகிழ்ச்சி கொள்ளச் செய்கிறது. அதற்கு கை மாறாக நான் உனக்கு உதவ இருக்கிறேன். என்னிடம் சில மந்திர சக்திகள் இருக்கின்றன. அதனை பயன்படுத்த மற்றவர்களுக்கு மட்டுமே பயன்படுத்த வேண்டும் என்பதில் குறியாக இருக்கிறேன். உனக்கு என்ன வேண்டும் கேள் தருகிறேன். கதிரேசனுக்கு ஆச்சரியம், நம்பமுடியவில்லை. என்னடா இது, நாம இவருக்கு உதவினால் அவர் நமக்கு உதவுகிறாராம். அதுவும் மந்திர சக்தியால் புரியவில்லையே என்று திகைத்தார்.
தம்பி, சந்தேகம் வேண்டாம், உனக்கு உதவி செய்ய இருக்கிறேன், என்ன வேண்டும் கேள். அய்யா, எனக்கு இசையில் மிக்க ஆர்வம் உண்டு, நான் ஊதினால் இனிமையான இசை வரக்கூடிய ஒரு புல்லாங்குழல் கொடுங்க, அதை கேட்டவர்களும் மெய் மறந்து போகும் அளவுக்கு இருக்க வேண்டும். உடனே குள்ள மனிதர் கண்ணை மூடி ஏதோ மந்திரம் சொல்ல, கையில் அழகான புல்லாங்குழல் வந்தது, அதை அழகேசனுக்கு கொடுத்து, ஆசிர்வாதம் செய்து, வேறு வழியில் சென்று விட்டார்.
கதிரேசனும் மகிழ்ச்சியாக நடக்கத் தொடங்கினார். திடிரென்று அவர் முன்னால் பெரிய கத்தியோடு அந்த திருடன் வந்து நின்றான். மரியாதையாக உங்க முதலாளி கொடுத்த காசுகளை எனக்கு கொடு என்றான். கதிரேசனுக்கு பயம். ஏன் வீணாக திருடனிடம் சண்டை போட்டு உயிரை இழக்க வேண்டும் என்று நினைத்து பையில் இருந்த 2 செப்பு காசுகளை கொடுத்தான். என்ன 3 செப்பு காசா, அவர் 5 அல்லவா கொடுத்தார். தங்கம் கிடையாதா? அவன் வீட்டில் இத்தனை தங்கம் இருந்ததா? ஆமாம் மீதி 2 காசு எங்கே, அதையும் கொடு, இல்லை என்றால் கொன்று விடுவேன் என்றான்.
என்னிடம் 3 தான் இருக்குது, 2 ஒரு குள்ள மனிதருக்கு கொடுத்து விட்டேன். நான் நம்ப மாட்டேன். எங்கே ஒளித்து வைத்திருக்கிறாய்? கதிரேசன் என்ன செய்வது என்று யோசித்தார், திருடனிடமிருந்து தப்பிக்க ஒரே ஒரு ஆயுதம், அந்த புல்லாங்குழல் தான். அதை உபயோகிக்கலாம் என்று முடிவு செய்து மீதி 2 காசு, இதுக்குள்ளே இருக்குது. இருங்கள் ஊதி எடுக்கிறேன் என்று கூறி புல்லாங்குழலை இசைக்கத் தொடங்கினார். அய்யா, அய்யா, தயவு செய்து புல்லாங்குழல் இசைப்பதை நிறுத்துங்க, இல்லை என்றால் நான் இறந்து போயிடுவேன். என்னால் வலி தாங்க முடியவில்லை. ஆடாமலும் இருக்க முடியவில்லை. நான் திருடியதை எல்லாம் உங்களுக்கே கொடுத்து விடுகிறேன் என்றான்.
அங்கே ஜமிந்தார் அய்யோ! எல்லாமே போய்விட்டதே, நான் சம்பாதித்தது எல்லாமே களவு போய்விட்டதே, நான் தவறாக சம்பாதித்தது முதல் எல்லாமே போய்விட்டதே, இனிமேல் நான் என்ன செய்வேன் என்று புலம்பிக் கொண்டிருந்தார். கதிரேசன் அவரை பார்த்து, அய்யா அழ வேண்டாம். திருடன் திருடியதை எல்லாம் நான் வாங்கி வந்து விட்டேன், அவனை காட்டில் கட்டி வைத்திருக்கிறேன். உடனே ஊர்க்காவலர்களை அழைத்துச் சென்று பிடியுங்கள். இதோ உங்க நகைகள், பணம், சரியாக இருக்கிறதா என்று பாருங்கள் என்றார்.
ஜமிந்தாருக்கு சந்தோஷம் தாங்க முடியவில்லை இத்தனை நாள் கொடுமைப்படுத்தியும், நேர்மையாக நடந்து கொண்ட அழகேசன் மீது மரியாதை ஏற்பட்டது, தன் தவறுக்கு மன்னிப்பு கேட்டு, அழகேசனுக்கு அந்த ஊரிலேயே பங்களா ஒன்றையும், நிறைய நிலங்களையும் கொடுத்து உதவினார். அழகேசனும் தன் தாயாருடனும், அற்புத புல்லாங்குழலுடனும் மகிழ்ச்சியாக வாழ்ந்தார்.
இன்றைய செய்திகள்
20.09.22
* சென்னை உயர் நீதிமன்ற பொறுப்பு தலைமை நீதிபதியாக மூத்த நீதிபதி டி.ராஜாவை நியமித்து குடியரசுத் தலைவர் உத்தரவிட்டுள்ளார்.
* மானாமதுரை அருகே நிலக்கொடை குறித்த அரச முத்திரையுடன் கூடிய பிற்கால பாண்டியர் சூலக்கற்கள் கண்டெடுக்கப்பட்டுள்ளன.
* ஈரோடு மாவட்ட மலைக்கிராமங் களைச் சேர்ந்த மாணவர்கள், பள்ளி செல்ல போதிய போக்குவரத்து வசதி இல்லாததால், பள்ளி இடைநிற்றல் அதிகரித்து வருகிறது.
* தமிழகத்தில் அக்டோபர் முதல் அரசு மருத்துவமனைகளில் புதன்கிழமையிலும், பள்ளிகளில் வியாழக்கிழமையிலும் கரோனா உள்ளிட்ட 13 வகையான தடுப்பூசிகள் போடப்படும் என்று சுகாதாரத் துறை அமைச்சர் மா.சுப்பிரமணியன் தெரிவித்துள்ளார்.
* உலகின் பெரிய வைரம் கிரேட் ஸ்டாரை திருப்பி ஒப்படைக்க இங்கிலாந்துக்கு தென்ஆப்பிரிக்கா வலியுறுத்தல்.
* துலீப் கோப்பை கிரிக்கெட் - அரைஇறுதியில் தென்மண்டலம் 645 ரன் வித்தியாசத்தில் வெற்றி.
* உலக மல்யுத்த சாம்பியன்ஷிப் போட்டி: பதக்கம் வென்ற பஜ்ரங், போகத்துக்கு பிரதமர் மோடி வாழ்த்து.
Today's Headlines
* The President has ordered the appointment of Senior Justice T. Raja as the Chief Justice of Madras High Court.
* Later Pandyan flints bearing a royal seal of land grant have been found near Manamadurai.
* School dropouts are on the rise due to lack of adequate transport facilities for students from the hilly villages of Erode district.
* Health Minister M. Subramanian has said that 13 types of vaccinations including Corona will be administered in Tamil Nadu from October in government hospitals on Wednesday and in schools on Thursday.
* South Africa urges England to hand over Great Star, the world's largest diamond.
* Duleep Cup Cricket - South Zone win by 645 runs in semi-final.
* World Wrestling Championship: PM Modi congratulates medal winners Bajrang, Bogat.
இன்றைய (20-09-2022) ராசி பலன்கள், நட்சத்திர பலன்கள்...
மேஷம்
செப்டம்பர் 20, 2022
நுட்பமான சிந்தனைகள் மற்றும் திறமைகளை வெளிப்படுத்துவதற்கான வாய்ப்புகள் கிடைக்கும். வெளியூர் பயணங்களால் நன்மை உண்டாகும். புதிய பொருட்கள் வாங்குவதில் ஆர்வம் அதிகரிக்கும். உடனிருப்பவர்களின் மூலம் ஒத்துழைப்பு மேம்படும். மனதில் புதுவிதமான ஆராய்ச்சி சார்ந்த சிந்தனைகள் உண்டாகும். இழுபறியாக இருந்துவந்த பணிகளை செய்து முடிப்பீர்கள். கவலைகள் குறையும் நாள்.
அதிர்ஷ்ட திசை : தெற்கு
அதிர்ஷ்ட எண் : 8
அதிர்ஷ்ட நிறம் : நீலநிறம்
அஸ்வினி : வாய்ப்புகள் கிடைக்கும்.
பரணி : ஆர்வம் அதிகரிக்கும்.
கிருத்திகை : இழுபறிகள் குறையும்.
---------------------------------------
ரிஷபம்
செப்டம்பர் 20, 2022
பேச்சுத்திறமையின் மூலம் இழுபறியான பணிகளை செய்து முடிப்பீர்கள். மனதில் எதிர்காலம் சார்ந்த சிந்தனைகள் அதிகரிக்கும். வியாபாரம் தொடர்பான வெளியூர் பயணங்களை மேற்கொள்வீர்கள். எதிர்பாராத சிலரின் மறைமுக ஒத்துழைப்பு கிடைக்கும். மனதில் இருந்துவந்த கவலைகள் நீங்கி புத்துணர்ச்சி பெறுவீர்கள். பொருளாதாரம் சார்ந்த நெருக்கடிகள் படிப்படியாக குறையும். கவனம் வேண்டிய நாள்.
அதிர்ஷ்ட திசை : தென்கிழக்கு
அதிர்ஷ்ட எண் : 5
அதிர்ஷ்ட நிறம் : சில்வர் நிறம்
கிருத்திகை : சிந்தனைகள் அதிகரிக்கும்.
ரோகிணி : புத்துணர்ச்சியான நாள்.
மிருகசீரிஷம் : நெருக்கடிகள் குறையும்.
---------------------------------------
மிதுனம்
செப்டம்பர் 20, 2022
எண்ணிய சில காரியங்களை எண்ணிய விதத்தில் செய்து முடிப்பீர்கள். தொழில் ரீதியான வெளியூர் பயணங்கள் சாதகமாகும். மற்றவர்களுக்கு வாக்குறுதிகளை அளிக்கும் பொழுது சிந்தித்து செயல்படவும். தோற்றப்பொலிவு பற்றிய எண்ணங்கள் மேம்படும். வாழ்க்கை துணையின் விருப்பங்களை அறிந்து நிறைவேற்றி வைப்பீர்கள். பெரிய மனிதர்களின் அறிமுகம் கிடைக்கும். தடைகள் விலகும் நாள்.
அதிர்ஷ்ட திசை : வடகிழக்கு
அதிர்ஷ்ட எண் : 1
அதிர்ஷ்ட நிறம் : சந்தன நிறம்
மிருகசீரிஷம் : காரியசித்தி உண்டாகும்.
திருவாதிரை : சிந்தித்து செயல்படவும்.
புனர்பூசம் : அறிமுகம் கிடைக்கும்.
---------------------------------------
கடகம்
செப்டம்பர் 20, 2022
உடல் ஆரோக்கியத்தில் ஒருவிதமான மந்தத்தன்மை ஏற்படும். செலவுகளின் தன்மைகளை அறிந்து செயல்படவும். புதிய வேலை நிமிர்த்தமான சிந்தனைகள் அவ்வப்போது ஏற்பட்டு நீங்கும். வியாபார பணிகளில் வெளியூர் தொடர்புகளால் அனுகூலமான வாய்ப்புகள் ஏற்படும். நெருக்கமானவர்களிடம் இருந்துவந்த கருத்து வேறுபாடுகள் நீங்கும். நிர்வாகம் சார்ந்த துறைகளில் இருப்பவர்கள் சிந்தித்து செயல்படவும். வாய்ப்புகள் கிடைக்கும் நாள்.
அதிர்ஷ்ட திசை : வடகிழக்கு
அதிர்ஷ்ட எண் : 3
அதிர்ஷ்ட நிறம் : பிங்க் நிறம்
புனர்பூசம் : மந்தமான நாள்.
பூசம் : அனுகூலம் ஏற்படும்.
ஆயில்யம் : கருத்து வேறுபாடுகள் நீங்கும்.
---------------------------------------
சிம்மம்
செப்டம்பர் 20, 2022
வியாபார அபிவிருத்தி தொடர்பான சிந்தனைகள் மேம்படும். பிள்ளைகளின் வழியில் மகிழ்ச்சியான சூழ்நிலைகள் உண்டாகும். மற்றவர்களுக்கு உதவி செய்து மனம் மகிழ்வீர்கள். பெரியோர்களின் ஆலோசனைகள் மனதில் புதிய மாற்றத்தை உருவாக்கும். கல்வி பணிகளில் உள்ள சில நுணுக்கமான விஷயங்களை அறிந்து கொள்வீர்கள். திறமைகள் வெளிப்படும் நாள்.
அதிர்ஷ்ட திசை : தென்மேற்கு
அதிர்ஷ்ட எண் : 7
அதிர்ஷ்ட நிறம் : பச்சை நிறம்
மகம் : சிந்தனைகள் மேம்படும்.
பூரம் : மகிழ்ச்சியான நாள்.
உத்திரம் : நுணுக்கங்களை அறிவீர்கள்.
---------------------------------------
கன்னி
செப்டம்பர் 20, 2022
உறவினர்களின் வருகையால் குடும்பத்தில் மகிழ்ச்சி அதிகரிக்கும். மாணவர்களுக்கு கற்றலில் ஆர்வம் உண்டாகும். உத்தியோக பணிகளில் இருப்பவர்கள் மறைமுக திறமைகளை வெளிப்படுத்தி பாராட்டுகளை பெறுவீர்கள். கல்வி சார்ந்த செயல்பாடுகளில் ஈடுபாடு அதிகரிக்கும். கணவன், மனைவிக்கிடையே நெருக்கம் ஏற்படும். வியாபாரத்தில் புதிய அணுகுமுறையால் லாபம் மேம்படும். விருத்தி நிறைந்த நாள்.
அதிர்ஷ்ட திசை : தென்மேற்கு
அதிர்ஷ்ட எண் : 8
அதிர்ஷ்ட நிறம் : வெள்ளை நிறம்
உத்திரம் : மகிழ்ச்சி அதிகரிக்கும்.
அஸ்தம் : ஆர்வம் உண்டாகும்.
சித்திரை : லாபம் மேம்படும்.
---------------------------------------
துலாம்
செப்டம்பர் 20, 2022
தன்னம்பிக்கையுடன் சில முக்கிய முடிவினை எடுப்பீர்கள். ஆன்மிகம் தொடர்பான சிந்தனைகள் அதிகரிக்கும். தொழிற்கல்வி சார்ந்த விஷயங்களில் அனுபவ அறிவு மேம்படும். எழுத்து சார்ந்த பணிகளில் இருப்பவர்களுக்கு முன்னேற்றம் உண்டாகும். சவாலான பணிகளையும் சாதாரணமாக செய்து முடிப்பீர்கள். மூத்த உடன்பிறப்புகளால் ஆதாயம் உண்டாகும். கவலைகள் குறையும் நாள்.
அதிர்ஷ்ட திசை : கிழக்கு
அதிர்ஷ்ட எண் : 4
அதிர்ஷ்ட நிறம் : சாம்பல் நிறம்
சித்திரை : சிந்தனைகள் அதிகரிக்கும்.
சுவாதி : அனுபவம் மேம்படும்.
விசாகம் : ஆதாயம் உண்டாகும்.
---------------------------------------
விருச்சிகம்
செப்டம்பர் 20, 2022
மற்றவர்களுக்கு உதவி செய்யும் பொழுது சிந்தித்து செயல்படவும். மாணவர்களுக்கு உயர்கல்வி சார்ந்த விஷயங்களில் குழப்பம் ஏற்பட்டு நீங்கும். உணவு சார்ந்த செயல்பாடுகளில் கவனத்துடன் செயல்படவும். புதிய நபர்களிடம் பயனற்ற விவாதங்களை தவிர்க்கவும். வாடிக்கையாளர்களிடம் கனிவுடன் நடந்து கொள்ளவும். உத்தியோக மாற்றம் தொடர்பான சிந்தனைகள் மேம்படும். வழக்கு தொடர்பான விஷயங்களில் பொறுமையுடன் செயல்படவும். கவனம் வேண்டிய நாள்.
அதிர்ஷ்ட திசை : கிழக்கு
அதிர்ஷ்ட எண் : 6
அதிர்ஷ்ட நிறம் : பச்சை நிறம்
விசாகம் : குழப்பம் நீங்கும்.
அனுஷம் : கவனத்துடன் செயல்படவும்.
கேட்டை : விவாதங்களை தவிர்க்கவும்.
---------------------------------------
தனுசு
செப்டம்பர் 20, 2022
கணவன், மனைவிக்கிடையே இருந்துவந்த கருத்து வேறுபாடுகள் குறையும். மாணவர்களுக்கு புதுவிதமான சிந்தனைகள் உண்டாகும். வாகனத்தை சீர் செய்வதற்கான சூழல் அமையும். உத்தியோக பணிகளில் இருப்பவர்களுக்கு துரிதம் ஏற்படும். கால்நடை தொடர்பான பணிகளில் மேன்மை உண்டாகும். நண்பர்களின் ஒத்துழைப்பு கிடைக்கும். விலகி இருந்தவர்கள் விரும்பி வருவதற்கான சூழ்நிலைகள் ஏற்படும். மனதை உறுத்திய சில விஷயங்களுக்கு தெளிவு கிடைக்கும். நிதானம் வேண்டிய நாள்.
அதிர்ஷ்ட திசை : தெற்கு
அதிர்ஷ்ட எண் : 8
அதிர்ஷ்ட நிறம் : நீலநிறம்
மூலம் : கருத்து வேறுபாடுகள் குறையும்.
பூராடம் : மேன்மை உண்டாகும்.
உத்திராடம் : தெளிவு கிடைக்கும்.
---------------------------------------
மகரம்
செப்டம்பர் 20, 2022
மனதிற்கு பிடித்த பொருட்களை வாங்கி மகிழ்வீர்கள். விடாப்பிடியாக செயல்பட்டு இழுபறியான சில விஷயங்களை செய்து முடிப்பீர்கள். தாய்மாமனிடம் இருந்துவந்த கருத்து வேறுபாடுகள் குறையும். தொழில் சார்ந்த பணிகளில் முதலீடுகள் அதிகரிக்கும். கூட்டாளிகளிடம் தேவையற்ற கருத்துக்கள் பகிர்வதை குறைத்து கொள்வது நல்லது. நினைத்த காரியங்களை எண்ணிய விதத்தில் செய்து முடிப்பீர்கள். அலைச்சல்கள் நிறைந்த நாள்.
அதிர்ஷ்ட திசை : வடக்கு
அதிர்ஷ்ட எண் : 9
அதிர்ஷ்ட நிறம் : ஆரஞ்சு நிறம்
உத்திராடம் : இழுபறிகள் அகலும்.
திருவோணம் : முதலீடுகள் அதிகரிக்கும்.
அவிட்டம் : காரியசித்தி உண்டாகும்.
---------------------------------------
கும்பம்
செப்டம்பர் 20, 2022
குழந்தைகளின் வழியில் மகிழ்ச்சியான சூழ்நிலைகள் உண்டாகும். உயர் அதிகாரிகளிடம் இருந்துவந்த கருத்து வேறுபாடுகள் குறையும். வாடிக்கையாளர்களின் ஆதரவின் மூலம் தொழிலில் லாபம் மேம்படும். மகான்களின் தரிசனம் மற்றும் ஆசிகள் கிடைக்கும். சுபகாரியம் தொடர்பான பேச்சுவார்த்தைகள் கைகூடும். சமூக பணிகளில் இருப்பவர்களுக்கு சுபிட்சம் உண்டாகும். வெற்றி நிறைந்த நாள்.
அதிர்ஷ்ட திசை : தெற்கு
அதிர்ஷ்ட எண் : 6
அதிர்ஷ்ட நிறம் : பச்சை நிறம்
அவிட்டம் : மகிழ்ச்சியான நாள்.
சதயம் : லாபம் மேம்படும்.
பூரட்டாதி : சுபிட்சம் உண்டாகும்.
---------------------------------------
மீனம்
செப்டம்பர் 20, 2022
மனதில் புதிய வியாபாரம் தொடர்பான சிந்தனைகள் உண்டாகும். மாணவர்களுக்கு கல்வியில் இருந்துவந்த இடர்பாடுகள் குறையும். எதிர்பார்த்த உதவி காலதாமதமாக கிடைக்கும். தந்தைவழி உறவினர்களின் மூலம் அலைச்சல்கள் ஏற்படும். அரசு சார்ந்த பணிகளில் இருப்பவர்களுக்கு இழுபறியான சூழ்நிலைகள் உண்டாகும். தற்பெருமை சார்ந்த சிந்தனைகளை குறைத்து கொள்வது நல்லது. விரயம் நிறைந்த நாள்.
அதிர்ஷ்ட திசை : மேற்கு
அதிர்ஷ்ட எண் : 1
அதிர்ஷ்ட நிறம் : மஞ்சள் நிறம்
பூரட்டாதி : இடர்பாடுகள் குறையும்.
உத்திரட்டாதி : அலைச்சல்கள் ஏற்படும்.
ரேவதி : இழுபறியான நாள்.
---------------------------------------
இதற்கு குழுசேர்:
இடுகைகள் (Atom)
பள்ளி காலை வழிபாட்டுச் செயல்பாடுகள் 19-11-2024
பள்ளி காலை வழிபாட்டுச் செயல்பாடுகள் 19-11-2024 - School Morning Prayer Activities... திருக்குறள்: "பால் :பொருட்பால் அதிகாரம் :தீ...
