அரசுப் பள்ளி ஆசிரியர்களுக்கு 3 ஆண்டுகளுக்கு ஒரு முறை ரூ.1000/- செலவில் முழு உடல் பரிசோதனை - அரசாணை வெளியீடு...

 50 வயதிற்கு மேற்பட்ட அரசுப் பள்ளி ஆசிரியர்களுக்கு 3 ஆண்டுகளுக்கு ஒரு முறை  ரூ.1000/- செலவில் முழு உடல் பரிசோதனை - அரசாணை (நிலை) எண் : 41, நாள்: 13-02-2024  வெளியீடு - Full Body Master Health CheckUp for Government School Teachers above 50 years at a cost of Rs.1000/- once every 3 years - Ordinance G.O. (Ms) No : 41, Dated: 13-02-2024 Issued...

பள்ளிக்கல்வி - அறிவிப்புகள் - மாண்புமிகு முதலமைச்சர் அவர்களின் 01.03.2023 அன்றைய செய்தி வெளியீட்டு அறிவிப்பு - "அனைத்து ஆசிரியர்களுக்கும் மூன்று ஆண்டுகளுக்கு ஒருமுறை முழு உடல் பரிசோதனை செய்யப்படும். "என்பதனை செயல்படுத்துவதற்கு அனுமதி வழங்கி ஆணை - வெளியிடப்படுகிறது...

>>> அரசாணை (நிலை) எண் : 41, நாள்: 13-02-2024 - தரவிறக்கம் செய்ய இங்கே சொடுக்கவும்...

அரசுப் பள்ளிகளில் அனைத்து ஆசிரியர்களுக்கும் 3 ஆண்டுகளுக்கு ஒருமுறை முழு உடல் பரிசோதனை செய்யப்படும் என்று சட்டப்பேரவையில் முதலமைச்சர் மு.க.ஸ்டாலின் கடந்தாண்டு வெளியிட்ட அறிவிப்புக்கான அரசாணை வெளியீடு...

முதற்கட்டமாக 50 வயதைக் கடந்த 1.06 லட்சம் ஆசிரியர்களுக்கு 16 வகையான மருத்துவ பரிசோதனை மேற்கொள்ள அனுமதி. ஒரு ஆசிரியருக்கு ₹1000 வீதம் நிதி ஒதுக்கி, தேசிய ஆசிரியர் நலநிதியில் இருந்து இச்செலவினத்தை மேற்கொள்ள அனுமதி வழங்கப்பட்டுள்ளது.

பள்ளி காலை வழிபாட்டு செயல்பாடுகள் - 13-02-2024...

 

பள்ளி காலை வழிபாட்டு செயல்பாடுகள் - 13-02-2024 - School Morning Prayer Activities...

திருக்குறள்:

பால்: பொருட்பால். இயல்: அரசியல். அதிகாரம்: அறிவுடைமை.

குறள் 423:

எப்பொருள் யார்யார்வாய்க் கேட்பினும் அப்பொருள்

மெய்ப்பொருள் காண்ப தறிவு.

விளக்கம்:

எந்தவொரு பொருள்குறித்து எவர் எதைச் சொன்னாலும், அதை அப்படியே நம்பி ஏற்றுக் கொள்ளாமல் உண்மை எது என்பதை ஆராய்ந்து தெளிவதுதான் அறிவுடைமையாகும்.

பழமொழி : 

Jack of all trade is master of none

பல மரங்கண்ட தச்சன் ஒரு மரமும் வெட்டான்.

பொன்மொழி:

Never confuse a single defeat with a final defeat. 

முதல் தோல்வியே கடைசித் தோல்வி என குழப்பம் வேண்டாம்.

அறிவியல்  பொது அறிவு வினா விடைகள் :

 அழுத்தத்தை அளக்க உதவும் கருவி - போர்டன் அளவி

ஒரியான் என்பது - விண்மீன் குழு

புவிக்கு அருகில் உள்ள வளிமண்டல அடுக்கு - ஸ்ட்ரேட்டோஸ்பியர் 

எரிதலை கட்டுப்படுத்தும் வளி மண்டல பகுதிப் பொருள் - நைட்ரஜன்

புவியின் உள்மையப் பகுதியில் நிலவும் வெப்பநிலை - 1770° C

புவியின் வெளி மையப்பகுதியில் ஐந்தில் ஒரு பகுதியில் அடங்கியுள்ள தனிமம் - சிலிக்கன்

ஆங்கில சொற்கள் - தமிழ் விளக்கம் :

Cross - கடந்து செல் 

Crow - காகம் 

Crowd - கூட்டம்

Cyclone - புயல் 

Cry - அழு 

ஆரோக்கியம்

சமச்சீரான உணவில் இருக்க வேண்டிய கலோரியின் அளவு என்ன?

மாவுச்சத்திலிருந்து 50-லிருந்து 60 சதவீதம் கலோரியும், புரதத்திலிருந்து 10 முதல் 15 சதவீதக் கலோரியும், கொழுப்பு வகைகளிலிருந்து 20 முதல் 30 சதவீதம் கலோரியும் நமக்குக் கிடைக்க வேண்டும்.

இன்றைய சிறப்புகள்

பிப்ரவரி 13

2004 – அண்டவெளியின் மிகப்பெரிய வைர, வெண்குறு விண்மீன் பிபிஎம் 37093 கண்டுபிடிக்கப்பட்டதாக அறிவிக்கப்பட்டது.

பிறந்த நாள் 

1915 – ஆங் சான், பர்மாவின் 5வது பிரதமர் (இ. 1947)

நினைவு நாள் 

1950 – செய்குத்தம்பி பாவலர், தமிழறிஞர் (பி. 1874)

சிறப்பு நாட்கள்

குழந்தைகள் நாள் (மியான்மர்)

உலக வானொலி நாள்

நீதிக்கதை

மணியோசையும் மக்கள் அச்சமும் 

ஒரு கிராமத்தின் எல்லையில் ஒரு காடு இருந்தது. கிராமத்திலிருந்த ஒரு கோவிலில் உள்ள கதவில் ஒரு வெள்ளி மணி கட்டப்பட்டிருந்தது. ஒரு நாள் ஒரு திருடன் மணியைத் திருடிக் கொண்டு காட்டிற்குள் ஓடி விட்டான். ஆனால் துரதிஷ்டவசமாக அன்றே அவனை ஒரு புலி கொன்று தின்று விட்டது.

கோவிலுக்கு சொந்தமான வெள்ளி மணி காணாமல் போனதில் கிராம மக்கள் மிகவும் வருத்தம் அடைந்தனர். அன்று இரவு அந்த மணி அடிக்கும் சத்தம் கேட்டது. பல பக்கங்களிலிருந்தும் மணி ஓசை கேட்பது போல் அவர்களுக்கு தோன்றியது. இதைக் கேட்டு அம்மக்கள் பயந்துவிட்டனர். கோவில் மணியை திரும்பப் பெறுவதற்கு கிராம மக்கள் எந்த முயற்சியும் எடுத்துக் கொள்ளவில்லை என்று கோவிலில் இருந்த தெய்வம் கோபித்துக் கொள்வதாக அந்த மக்கள் எண்ணி பயந்து போனார்கள்.

 மறுநாள் கிராம மக்கள் சிலர் மணியைத் தேடி காற்றுக்குள் சென்றனர். ஆனால் மணி எங்கிருக்கிறது என்பதை அவர்களால் கண்டுபிடிக்க முடியவில்லை; ஊருக்கு திரும்பினர்.

அந்த இரவும் அவர்களுக்கு மணியோசை கேட்டது. ஒருமுறை ஒரு திசையில் இருந்தும் அடுத்த முறை வேறு திசையில் இருந்தும் மணியோசை கேட்பது போல் அவர்களுக்கு தோன்றியது. உண்மையிலேயே அந்த மக்கள் மிகவும் நடுங்கிப் போனார்கள்.

 மறுநாள், அந்த கிராமத்தை சேர்ந்த ஒரு சிறுவன், உண்மையில் என்னதான் நடக்கிறது என்பதை கண்டறிய காட்டிற்குப் புறப்பட்டான். தனியாக காட்டுக்குள் சென்றான். சிறிது நேரத்திற்கு பிறகு முரசு அடிக்கும் சத்தமும் மணியோசையும் கேட்டது. அவன் தைரியமாக சத்தம் வந்த திசையை நோக்கி சென்றான். அங்கு ஒரு குரங்கு கூட்டம் ஒரு முரசு , ஒரு மணி, சில உடுப்புகள் இவற்றை வைத்துக் கொண்டு விளையாடிக் கொண்டிருப்பதை கண்டான்.

குரங்குதான் மணியை அடித்து ஓசையை எழுப்பி இருக்கிறது; மரத்திற்கு மரம் தாவுவதால் மணியோசை வெவ்வேறு திசைகளில் இருந்து கேட்கிறது என்பதையும் சிறுவன் உணர்ந்து கொண்டான். அவன் அங்கேயே பொறுமையாக காத்துக் கொண்டிருந்தான். ஒரு குரங்கு மணியை வைத்து  விளையாடியவாரே அந்தக் கூட்டத்தில் இருந்து பிரிந்து வந்தது ஒரு மரத்தில் உட்கார்ந்தது.

இதற்காக காத்திருந்த சிறுவன், குரங்கின் எதிரே சில பழங்களையும் கொட்டைகளையும் வீசி எறிந்தான்.

சிறிது நேரத்திற்குப் பிறகு குரங்கு பழங்களையும் கொட்டைகளையும் பார்த்தது. அவற்றை எடுப்பதற்காக மரத்திலிருந்து இறங்கியது. ஆனால், நிறைய பழங்களும் கொட்டைகளும் இருக்கவே, மரத்திலேயே மணியை வைத்தது; இறங்கி வந்து அவற்றை பொறுக்க ஆரம்பித்தது.

இந்த சமயத்திற்காக காத்திருந்த சிறுவன் விரைந்து சென்று மணியை எடுத்துக் கொண்டான். கிராமத்திற்கு ஓடி வந்தான். காட்டில் உண்மையில் என்ன நடந்தது என்பதை கிராம மக்களிடம் விவரமாக எடுத்துக் கூறினான். சூழலை உணர்ந்து சிந்தித்து செயல்பட்ட சிறுவனை அனைவரும் பாராட்டினார்கள்.

 நீதி: பகுத்தறிவு விளக்கை ஏற்று, மூட நம்பிக்கை இருளை ஓட்டு.

இன்றைய முக்கிய செய்திகள் 

13-02-2024 

விவசாயிகள் போராட்டத்தை தடுக்கும் வகையில் மார்ச் 12 வரை டெல்லியில் 144 தடை உத்தரவு...

பிப்ரவரி 19ம் தேதி தமிழ்நாடு பட்ஜெட் 2024.. 20ம் தேதி வேளாண் பட்ஜெட் 2024… 22ம் தேதி சட்டப்பேரவை கூட்டத் தொடர் நிறைவு...

மகளிருக்கு மாதம் ரூ.1,000, காலை சிற்றுண்டி உள்ளிட்ட திட்டங்கள் இந்தியாவுக்கே முன்னோடி. தமிழ்நாடு அரசின் சாதனைகளை பட்டியலிட்டார் சபாநாயகர் அப்பாவு...

கத்தாரில் சிறை தண்டனை விதிக்கப்பட்ட கடற்படை 8 மாஜி அதிகாரிகளும் விடுவிப்பு: ஒன்றிய வெளியுறவு துறை அறிவிப்பு...

Today's Headlines:

13-02-2024

Prohibitory order 144 in Delhi till March 12 to prevent farmers protest... 

Tamil Nadu Budget 2024 on 19th February.. Agriculture Budget 2024 on 20th... Legislative Assembly session on 22nd... 

Rs 1,000 per month for a girls - breakfast, is a pioneer for India. Speaker Appavu listed the achievements of the Tamil Nadu government... 

8 ex-Navy officers sentenced to prison in Qatar released: Union Ministry of External Affairs announced...

பள்ளி காலை வழிபாட்டு செயல்பாடுகள் - 12-02-2024 - School Morning Prayer Activities...

 

 

பள்ளி காலை வழிபாட்டு செயல்பாடுகள் - 12-02-2024 - School Morning Prayer Activities...

திருக்குறள்:

பால்: பொருட்பால். இயல்: அரசியல். அதிகாரம்: அறிவுடைமை.

குறள் 422:

சென்ற இடத்தால் செலவிடா தீதொரீஇ

நன்றின்பால் உய்ப்ப தறிவு.

விளக்கம்:

மனம் போகும் வழியெல்லாம் போக விடாமல் தீய வழிகளைத் தள்ளிவிட்டு, நல்வழியைத் தேர்வு செய்வதே அறிவுடைமையாகும்.

பழமொழி : 

Lamb at home and a lion at the chase.

பார்த்தால் பூனை; பாய்ந்தால் புலி.

பொன்மொழி:

Continuous learning is the minimum requirement for success in any field! - Denis Waitley 

தொடர்ச்சியான கற்றல் என்பது வெற்றிக்கான குறைந்தபட்ச தேவையாகும்.

அறிவியல்  பொது அறிவு வினா விடைகள் :

 ஊஞ்சல் விளையாட்டில் சுழலும் வீரரின் இயக்கம் - வட்ட இயக்கம்

இரு நிலைகளுக்கு இடைப்பட்ட குறுகிய தொலைவு - இடப்பெயர்ச்சி

நியூட்டன்/ மீட்டர்2 என்பது - பாஸ்கல்

அழுத்தத்தை அளவிடப் பயன்படும் வாய்பாடு - விசை/பரப்பு

துப்பாக்கியில் அழுத்தப்பட்ட சுருள்வில் பெற்றிருப்பது - நிலை ஆற்றல்

இரசமட்டத்தில் நிரப்பப்பட்டுள்ள திரவம் - ஆல்கஹால்

ஆங்கில சொற்கள் - தமிழ் விளக்கம் :

Courage - ஊக்கம் 

Cow - பசு 

Crab - நண்டு 

Crane - கொக்கு 

Craze - மதிமாற்றம் 

Cracker - வெடி 

Crore - கோடி 

ஆரோக்கியம்

சமச்சீரான உணவு எது?

நாம் தினமும் சாப்பிடும் உணவில் புரதம், மாவுச்சத்து, கொழுப்பு, வைட்டமின்கள், தாதுகள் ஆகியவை தேவையான அளவில் இருப்பதைச் சமச்சீரான உணவு என்கிறோம். தானியங்கள், பயறு வகைகள், இறைச்சி சார்ந்த பொருட்கள், காய்கறிகள், பழங்கள், ஆகியவற்றைக் கலந்து சாப்பிடுவதை வழக்கமாக வைத்துக்கொண்டால், நமக்குத் தேவையான எல்லாச் சத்துகளும் கிடைத்துவிடும். ஏதாவது ஒன்றை மட்டும் அதிகம் உட்கொள்வதால் உடலுக்குத் தேவையான சத்துகள் அனைத்தும் கிடைக்காது, இதனால் ஊட்டச்சத்துக்குறைவு போன்ற உடல்நலப் பிரச்சினைகளும் ஏற்படலாம். அல்லது ஏதேனும் சில சத்துகள் தேவைக்கு அதிகமாகச் சேர்ந்து உடல் பருமன் போன்ற பிரச்சினைகளை உண்டுபண்ணும்.

இன்றைய சிறப்புகள்

பிப்ரவரி 12

1935 – ஈலியம் நிரப்பப்பட்ட வான்கப்பல் மேக்கோன் பசிபிக் பெருங்கடலில் கலிபோர்னியா கரையில் மூழ்கியது.

1947 – மிகப்பெரும் இரும்பு விண்வீழ்கல் சோவியத் ஒன்றியம் சிக்கோட்-ஆலின் என்ற இடத்தில் விண்கல் வீழ் பள்ளம் ஒன்றை உருவாக்கியது.

1961 – வெனேரா 1 விண்கலத்தை சோவியத் ஒன்றியம் வெள்ளிக் கோளை நோக்கி ஏவியது.

2001 – நியர் சூமேக்கர் என்ற விண்கலம் 433 ஈரோஸ் என்ற சிறுகோளில் தரையிறங்கியது. சிறுகோள் ஒன்றில் தரையிறங்கிய முதலாவது விண்கலம் இதுவாகும்.

பிறந்த நாள் 

1809 – சார்லஸ் டார்வின், ஆங்கிலேய இயற்கையியலாளர், நிலவியலாளர் ரி. 1882)

1809 – ஆபிரகாம் லிங்கன், அமெரிக்காவின் 16வது அரசுத்தலைவர் (இ. 1865)

நினைவு நாள் 

1908 – ஜி. யு. போப், தமிழ்நாட்டில் தமிழ்ப் பணி புரிந்த அமெரிக்கர் (பி. 1820)

சிறப்பு நாட்கள்

டார்வின் நாள்

செங்கை நாள் (இந்நாள் சிறுவர்களை இராணுவத்தில் அல்லது போர்களில் பயன்படுத்துவதற்கு எதிரான நாள்)

ஒன்றிய நாள் (மியான்மர்)

இளைஞர் நாள் (வெனிசுவேலா)

நீதிக்கதை

கர்வம் உதவாது

அந்த காகம் மிகவும் அகங்காரம் பிடித்தது. அது எப்பவுமே எல்லோரிடமும் கர்வமாக பேசிக்கொண்டு இருக்கும். ஒரு நாள் அந்த கடற்கரையில் சில அன்னப்பறவைகள் நிற்பதை பார்த்த காகம், அந்த அன்ன பறவைகளிடம் சென்று சொன்னது, “நீங்கள் பார்ப்பதற்கு தான் மிகவும் அழகாக இருக்கிறீர்கள், ஆனால் என்னைப்போல் உங்களால் பறக்க முடியாது” என்று கர்வமாக சொன்னது.

அப்போது ஒரு அன்னப்பறவை  சொன்னது, “நண்பா! நாங்கள் இங்கு சிறிது நேரம் ஓய்வெடுக்க தான் வந்துள்ளோம், உன்னுடன் எந்த வாக்குவாதமும் செய்வதற்கு எங்களுக்கு நேரமில்லை” என்றது. உடனே அந்த காகம், “இல்லை, உங்களுக்கு தைரியம் இருந்தால் என்னுடன் போட்டி போடுங்கள்” என்றது. 

அதற்கு ஒரு அன்னப்பறவை சரி என்ன போட்டி என்று கேட்டது. அதற்கு காகம் சொன்னது, “நாம் இருவரும் இந்த கடற்கரையில் இருந்து சில மைல்கள் பறந்து செல்வோம், யார் முதலில் செல்கிறார்களோ அவர்கள் தான் சிறந்தவர்கள்” என்று சொன்னது. உடனே அந்த அன்னப்பறவையும் சரி என்றது. இந்த காகம் தான் பருத்து இருப்பதை மறந்து விட்டு மிகவும் வேகமாக பறந்து சென்றது. அன்னப்பறவையும் அதனால் முடிந்த அளவிற்கு வேகமாக பறந்து சென்று கொண்டு இருந்தது.

சிறிது தூரம் சென்ற பிறகு காகம் மிகவும் சோர்வடைந்தது. அதனால் இப்போது எதுவும் செய்ய முடியவில்லை. கீழே சென்றால் கடலில் மூழ்கி இறந்து விடுவோம் என்று அதற்கு நன்றாகவே தெரியும். காகம் என்ன செய்வதென்று தெரியாமல் மிகவும் களைப்பாக பறந்து கொண்டே இருந்தது.

அதை பார்த்த அன்ன பறவை, “நண்பா, நான் உன்னை கவனித்துக் கொண்டுதான் இருக்கிறேன் உனக்கு என்ன ஆயிற்று மிகவும் களைப்படைந்து விட்டாயே” என்றது. அதற்கு காகம் சொன்னது, “என்னால் முடியவில்லை இன்னும் சிறிது தூரம் சென்றால் நான் நிச்சயமாக இந்த கடலில் விழுந்து இறந்து விடுவேன்” என்றது.

உடனே அன்னப்பறவை, “சரி நீ கவலை படாதே என் முதுகில் ஏறிக்கொள் நான் உன்னை கரையில் கொண்டு சேர்க்கிறேன்” என்றது. உடனே காகமும் அன்னப்பறவை முதுகில் ஏறி கரைக்கு பத்திரமாக சென்றது. கரைக்கு சென்ற காகம் அன்னப்பறவையிடம் “நண்பா என்னை மன்னித்துவிடு நான் மிகவும் அகங்காரம் பிடித்து உன்னிடம் பேசி விட்டேன், நான் அவ்வாறு உன்னிடம் பேசி இருக்கக் கூடாது. நீ மட்டும் எனக்கு உதவி செய்யவில்லை என்றால் நான் நிச்சயமாக இன்று இறந்து இருப்பேன்” என்று அன்னப்பறவையிடம் மன்னிப்பு கேட்டது.

நீதி: கர்வம் என்றைக்கும் உதவி செய்யாது.

இன்றைய முக்கிய செய்திகள் 

12-02-2024 

10 ஆண்டில் 1,562 தேவையற்ற சட்டங்கள் ரத்து; 5 ஆண்டில் 221 மசோதாக்கள் நிறைவேற்றம்: ஒன்றிய அமைச்சர் தகவல்...

கோவை கார் வெடிப்பு தொடர்பான வழக்கில் மேலும் 4 பேரை கைது செய்தது என்.ஐ.ஏ...

திட்டங்களை செயல்படுத்துவதில் மற்ற மாநிலங்களுக்கு முன்னோடி தமிழ்நாடு : அமைச்சர் உதயநிதி ஸ்டாலின் பெருமிதம்...

ரபா நகரில் இஸ்ரேல் நடத்திய வான்வழி தாக்குதலில் பாலஸ்தீனர்கள் 31 பேர் உயிரிழப்பு: போரால் இதுவரை பாலஸ்தீனர்கள் 27 ஆயிரத்துக்கும் மேற்பட்டோர் உயிரிழப்பு...

தொழில் முனைவோர் மேம்பாடு மற்றும் புத்தாக்க நிறுவனம் சார்பில் 3 நாட்கள் பேக்கரி பொருட்கள் தயாரித்தல் பயிற்சி: தமிழ்நாடு அரசு அறிவிப்பு...

செயற்கை நுண்ணறிவு யுகத்தில் மொழித் தொழில்நுட்பத்துக்காக இந்தியாவிலேயே முதன்முதலாக மாநாடு நடத்துவது தமிழ்நாடு அரசுதான்: முதல்வர் மு.க.ஸ்டாலின்...

3 ஆண்டுகளில் இல்லாத அளவிற்கு 2023-24 ஆண்டுக்கான தொழிலாளர் வருங்கால வைப்பு நிதிக்கான வட்டி விகிதம் 8.25%-ஆக அதிகரிப்பு...

Today's Headlines:

12-02-2024

1,562 unnecessary laws repealed in 10 years; 221 bills to be passed in 5 years: Union Minister informs... 

NIA arrests 4 more people in Coimbatore car blast case...

Tamil Nadu is a pioneer for other states in implementing projects: Minister Udayanidhi Stalin's pride... 

31 Palestinians killed in Israeli airstrike in Raba city: More than 27,000 Palestinians killed in war so far...

3 Days Bakery Products Preparation Training by Entrepreneurship Development and Innovation Institute: Tamilnadu Govt Announcement... 

Tamil Nadu govt to hold India's first conference on language technology in the age of artificial intelligence: Chief Minister M.K.Stalin...

Employee Provident Fund interest rate hike to 8.25% for 2023-24...

எண்ணும் எழுத்தும் - 4 & 5ஆம் வகுப்புகள் - பருவம் 3 - அலகு 5 - பிப்ரவரி 3வது வாரம் - தமிழ் & ஆங்கில வழி பாடக்குறிப்பு (Ennum Ezhuthum - 4 & 5th Standard - Term 3 - Unit 5 - February 3rd Week - Tamil & English Medium Lesson Plan)...

  

 

>>> எண்ணும் எழுத்தும் - 4 & 5ஆம் வகுப்புகள் - பருவம் 3 - அலகு 5 - பிப்ரவரி 3வது வாரம் - தமிழ் வழி பாடக்குறிப்பு  (Ennum Ezhuthum - 4 & 5th Standard - Term 3 - Unit 5 -  February 3rd Week - Tamil  Medium Lesson Plan)...

>>> எண்ணும் எழுத்தும் - 4 & 5ஆம் வகுப்புகள் - பருவம் 3 - அலகு 4 - பிப்ரவரி 2வது வாரம் - ஆங்கில வழி பாடக்குறிப்பு  (Ennum Ezhuthum - 4 & 5th Standard - Term 3 - Unit 4 -  February 2nd Week - English Medium Lesson Plan)...

எண்ணும் எழுத்தும் பாடக்குறிப்பு - 1,2 & 3ஆம் வகுப்புகள் - அலகு 5 - பிப்ரவரி மூன்றாவது வாரம் - தமிழ் மற்றும் ஆங்கில வழி (Ennum Ezhuthum Lesson Plan - Standard 1, 2 & 3 - Unit 5 - February 3rd Week - Tamil and English Medium)...

 

 

>>> எண்ணும் எழுத்தும் பாடக்குறிப்பு - 1,2 & 3ஆம் வகுப்புகள் - அலகு 5 - பிப்ரவரி மூன்றாவது வாரம் - தமிழ் மற்றும் ஆங்கில வழி (Ennum Ezhuthum Lesson Plan - Standard 1, 2 & 3 - Unit 5 - February 3rd Week - Tamil and English Medium)...

பள்ளி ஆண்டறிக்கை - மாதிரி...

 

பள்ளி ஆண்டு விழா - ஆண்டறிக்கை - மாதிரி (School Annual Report - Model)...

>>> தரவிறக்கம் செய்ய இங்கே சொடுக்கவும்...

பள்ளி காலை வழிபாட்டு செயல்பாடுகள் - 09.02.2024...

 

பள்ளி காலை வழிபாட்டு செயல்பாடுகள் - 09.02.2024 - School Morning Prayer Activities...

திருக்குறள்:

பால்: பொருட்பால். இயல்: அரசியல். அதிகாரம்: அறிவுடைமை.

குறள் 421:

அறிவற்றங் காக்குங் கருவி செறுவார்க்கும்

உள்ளழிக்க லாகா அரண்.

விளக்கம் :

பகையால் அழிவு வாராமல் பாதுகாக்கும் அரண், அறிவு ஒன்றுதான்.

பழமொழி : 

Health is wealth.

நோயற்ற வாழ்வே குறைவற்ற செல்வம்.

பொன்மொழி:

Your current conditions do not reflect your ultimate potential.

 உங்கள் தற்போதைய நிலை உங்கள் கடைசி நிலையைப் பிரதிபலிப்பதில்லை.

அறிவியல்  பொது அறிவு வினா விடைகள் :

 நொதித்தல் நிகழ்வின் மோது வெளிப்படும் வாயு - கார்பன் -டை-ஆக்ஸைடு

கடல் நீரிலிருந்து உப்பைப் பிரித்தெடுக்கப் பயன்படும் முறை - ஆவியாதல்

எரிமலை வெடிப்பு என்பது - கால ஒழுங்கற்ற மாற்றம்

உணவு கெடுதல் எவ்வகை மாற்றம் - விரும்பத்தகாத மாற்றம்

மின்சூடேற்றி இயங்குதல் எவ்வகை மாற்றம் - இயற்பியல் மாற்றம்

ஆங்கில சொற்கள் - தமிழ் விளக்கம் :

Corner - மூலை 

Correct - சரியாக 

Cotton - பருத்தி 

Country - நாடு 

Count - எண்ணுதல் 

Couple - இணையர் 

ஆரோக்கியம்

சத்தான உணவு என்பது எது?

புரதம், மாவுச்சத்து (கார்போஹைட்ரேட்), கொழுப்பு, வைட்டமின்கள், தாதுகள் ஆகிய சத்துகள் உடலுக்கு இன்றியமையாதவை. ஒன்றிணைந்த இந்தச் சத்துகளின் மூலமாக உடல் வளர்ச்சி, செயல்திறன் போன்றவை கிடைக்கின்றன.

இன்றைய சிறப்புகள்

பிப்ரவரி 09

1996 – கோப்பர்நீசியம் தனிமம் முதற்தடவையாகக் கண்டுபிடிக்கப்பட்டது.

பிறந்த நாள் 

-

நினைவு நாள் 

-

சிறப்பு நாட்கள்

-

நீதிக்கதை

தன்வினை தன்னைச் சுடும்

அது ஒரு கடும் குளிர்கால காலைப்பொழுது காடு முழுவதும் பணி பெய்திருந்தது. எல்லா இடங்களுமே அடர்த்தியாக பெய்திருந்த பணியால் பளிச்சென்று வெண்மையாக காட்சியளித்தன. எல்லா பறவைகளும், விலங்குகளும் தம் வீடுகளில் தூங்கிக் கொண்டிருந்தன. எதற்குமே இறைக் கிடைக்கவில்லை பசியோடு இருந்தன. மேலும் வெளியே மிகக் குளிராக இருந்ததால் அவை உள்ளேயே முடங்கி கிடந்தன.

ஆனால் அவற்றுள் ஒரு பிராணிக்கு தூக்கமே வரவில்லை. அது ஒரு வெட்டுக்கிளி. அதிகமாக சத்தம் எழுப்பும் பிராணி அது. எல்லா உயிரினங்களுமே தூங்கிக்  கொண்டிருந்ததால் அதற்கு பொழுது போகவில்லை. வெளியில் என்ன நடக்கிறது என்பதை பார்க்க அது விரும்பியது.

வெளியே வந்தவுடன் காடு முழுவதும் வெண்மையாக இருப்பதைக் கண்டது. காண்பதற்கு காடு மிக அழகாக இருந்ததால் வெட்டுக்கிளிக்கு பாட வேண்டும் போல் இருந்தது. ஓர் இடத்திலிருந்து மற்றொரு இடத்திற்கு தத்தி தத்திச் சென்று ஒரு மரத்தை அடைந்தது. சத்தமாக பாடத் தொடங்கியது. தன் கால்களை ஒன்றோடு ஒன்று தேய்த்து பாட்டுக்கு தாளம் போட்டு உல்லாசமாக இருந்தது.

அந்த மரத்தின் அடிப்பாகத்தில் இருந்த ஒரு பொந்தில் ஓர் ஆந்தை வாழ்ந்து வந்தது. கடும் குளிராக இருந்ததால் இத்தனை நாட்களாக அது தூங்கிக் கொண்டிருந்தது. வெட்டுக்கிளியின் சத்தமான பாட்டை கேட்டு ஆந்தை கண் விழித்தது. “யார் இந்த சத்தமாக பாடும் பிராணி, என் குளிர்கால தூக்கத்துக்கு இடையூறாக இருப்பது?” என்று ஆந்தை தனக்குள் கேட்டுக் கொண்டது.

பொந்திலிருந்து தலையை நீட்டி ஆந்தை வெளியே பார்த்தது. அந்த மரத்தின் ஒரு கிளையில் அமர்ந்தவாறு வெட்டுக்கிளி ஆனந்தமாக பாடிக் கொண்டிருந்தது. தன் தூக்கத்திற்கு இடையூறு செய்த வெட்டுக்கிளி மீது ஆந்தைக்கு கடும் கோபம் ஏற்பட்டது. ஒரு குளிர்கால காலைப் பொழுதில் திடீரென்று எழுப்பப்பட்டதால் அதற்கு மிகவும் பசித்தது.

பாடிக்கொண்டிருக்கும் வெட்டுக்கிளியை சத்தமில்லாமல் ஆந்தை நெருங்கியது. தன்னுடைய அலகால் அந்த முட்டாள் வெட்டுக் கிளியை பிடித்த சாப்பிட்டது.

பொந்துக்குத் திரும்பிய ஆந்தை குளிர்காலம் முடியும் வரை நிம்மதியாக தூங்கியது. எல்லா பிராணிகளைப் போல வெட்டுக்கிளியும் தன் இருப்பிடத்திலேயே குளிர்காலம் முழுவதும் இருந்திருந்தால் அனாவசியமாக தன் உயிரை இழந்து இருக்காது.

 நீதி : விவேகமற்ற வேகம் விபத்தை தரும்.

இன்றைய முக்கிய செய்திகள் 

09-02-2024 

பல்வேறு துறைகளின் சார்பில் 9,948 பயனாளிகளுக்கு ரூ.70.56 கோடி மதிப்பீட்டில் பல்வேறு நலத்திட்ட உதவிகளை வழங்கினார் அமைச்சர் உதயநிதி ஸ்டாலின்...

வாக்கு எண்ணிக்கைக்காக மருத்துவக் கல்லூரியை பயன்படுத்த தடை விதிக்கக் கோரிய வழக்கு: தேர்தல் ஆணையம் பதிலளிக்க ஐகோர்ட் கிளை உத்தரவு...

எல்லையில் புகுந்த மியான்மர் ராணுவம்.! இந்தியா-மியான்மர் எல்லை பகுதியை மூட முடிவு; ஒன்றிய உள்துறை அமைச்சர் அமித்ஷா தகவல்...

பள்ளிகளுக்கு வெடிகுண்டு மிரட்டல் புரளியே.. மக்கள் பதற்றமடையத் தேவையில்லை : சென்னை தெற்கு கூடுதல் ஆணையர் பிரேம் ஆனந்த் சின்ஹா பேட்டி...

வங்கிகளின் குறுகிய கால கடனுக்கான ரெப்போ வட்டி விகிதத்தில் மாற்றமில்லை.! 6.5 சதவீதமாக நீடிக்கிறது: ரிசர்வ் வங்கி அறிவிப்பு...

மிக்ஜாம் புயல் நிவாரணம் கேட்டு ரேசன் அட்டை இல்லாமல் விண்ணப்பித்தவர்களுக்கு விரைவில் ரூ.6,000 வழங்கப்படும்: தமிழ்நாடு அரசு அறிவிப்பு...

வானிலை மற்றும் பேரிடர் எச்சரிக்கை செயற்கைக்கோளை பிப்ரவரி 17-ம் தேதி மாலை விண்ணில் செலுத்தப்படவுள்ளது: இஸ்ரோ தகவல்...

Today's Headlines:

09-02-2024

On behalf of various departments, Minister Udayanidhi Stalin provided various welfare assistance worth Rs.70.56 crore to 9,948 beneficiaries... 

Case seeking ban on use of medical college for counting of votes: Election Commission directs ECtHR branch to respond... 

Myanmar army entered the border. Decision to close India-Myanmar border area; Union Home Minister Amit Shah informs...

Bomb threat to schools is a hoax.. People need not panic: Chennai South Additional Commissioner Prem Anand Sinha interview... 

There is no change in repo interest rate for short term loans of banks. Remains at 6.5 Percent: RBI Announces... 

Those who applied for Michaung cyclone relief without ration card will be given Rs 6,000 soon: Tamil Nadu Government Notification...

Weather and disaster warning satellite to be launched on February 17 evening: ISRO informs...