Promotion of Laboratory Assistants to Graduate Teachers - 2% quota by participation in competitive examination conducted by TRB and submission of proposals by Director of School Education to Govt for appointment...
ஆய்வக உதவியாளர்களுக்கு பட்டதாரி ஆசிரியர்களாக பதவி உயர்வு - 2% ஒதுக்கீடு வழங்கி TRB மூலம் நடத்தப்படும் போட்டித் தேர்வில் பங்கு பெற்று, நியமனம் பெற அரசிடம் பள்ளிக் கல்வி இயக்குநரின் கருத்துருக்கள் சமர்ப்பிப்பு...
>>> தரவிறக்கம் செய்ய இங்கே சொடுக்கவும்...
மூன்றாண்டுகளுக்கு மேல் பணிபுரியும் முதன்மை கல்வி அலுவலரின் நேர்முக உதவியாளர்களுக்கு PA பணியிட மாறுதல் - இணை இயக்குநரின் செயல்முறைகள்...
>>> தரவிறக்கம் செய்ய இங்கே சொடுக்கவும்...
உத்தரப் பிரதேசத்தின் கோண்டா மாவட்டத்தில் சண்டிகர் – திப்ருகர் எக்ஸ்பிரஸ் ரயில் தடம் புரண்டு விபத்து - 4 பேர் உயிரிழப்பு - தலா 10 லட்சம் நிவாரணம் அறிவிப்பு...
உத்தரப் பிரதேசத்தின் கோண்டா மாவட்டத்தில் சண்டிகர் – திப்ருகர் எக்ஸ்பிரஸ் ரயில் தடம் புரண்டு விபத்துக்குள்ளானதில் 4 பேர் உயிரிழந்துள்ளதாக அம்மாநில துணை முதல்வர் பிரஜேஷ் பதக் தெரிவித்துள்ளார். கோண்டா மாவட்ட ஆட்சியர் நேஹா ஷர்மாவும் இதனை உறுதிப்படுத்தி உள்ளார். விபத்து நடந்த இடத்துக்கு விரைந்து வந்த கோண்டா மாவட்ட ஆட்சியர் நேஹா ஷர்மா, மீட்பு மற்றும் நிவாரணப் பணிகளைப் பார்வையிட்டார். பின்னர் செய்தியாளர்களிடம் பேசிய அவர், “சண்டிகர் – திப்ருகர் எக்ஸ்பிரஸ் ரயில் விபத்தில் 8 பெட்டிகள் தடம் புரண்டுள்ளன. 4 பேர் உயிரிழந்ததாக பதிவாகி இருக்கிறது. மற்றவர்கள் பத்திரமாக மீட்கப்பட்டனர். தயாராக இருந்த அனைத்து ஆம்புலன்ஸ்களும் சம்பவ இடத்தை அடைந்துள்ளன. மீட்புப் பணியில் உள்ளூர் மக்கள் மிகவும் உதவிகரமாக இருக்கிறார்கள்” என தெரிவித்துள்ளார். விபத்து குறித்து முதல்வர் யோகி ஆதித்யாநாத் வெளியிட்டுள்ள எக்ஸ் பதிவில், “கோண்டா மாவட்டத்தில் நடந்த ரயில் விபத்து மிகவும் வருத்தமளிக்கிறது. போர்க்கால அடிப்படையில் நிவாரணம் மற்றும் மீட்புப் பணிகளை மேற்கொள்ளவும், காயமடைந்தவர்களை உடனடியாக மருத்துவமனைகளுக்கு அழைத்துச் சென்று உரிய சிகிச்சை அளிக்கவும் மாவட்ட நிர்வாக அதிகாரிகளுக்கு உத்தரவிடப்பட்டுள்ளது. காயமடைந்தவர்கள் விரைவில் குணமடைய இறைவனை பிரார்த்திக்கிறோம்” என தெரிவித்துள்ளார். சண்டிகரில் இருந்து அசாம் மாநிலத்தின் திப்ருகர் நகர் வரை செல்லும் சண்டிகர் – திப்ருகர் எக்ஸ்பிரஸ் ரயில், வழக்கம்போல் நேற்றிரவு (ஜூலை 17) 11.20-க்கு புறப்பட்டது. இன்று மதியம் 1.45 மணி அளவில் உத்தரப் பிரதேசம் மாநிலம் கோண்டா நிறுத்தத்தில் இருந்து கோரக்பூர் நோக்கி ரயில் பயணித்து கொண்டிருந்தது. அப்போது கோண்டா மற்றும் ஜுலாஹி ஆகிய பகுதிகளுக்கு இடையே உள்ள பிகவுரா என்ற இடத்தில் ரயில் தடம் புரண்டு விபத்துக்குள்ளானது. ஜுலாஹி ரயில் நிலையத்துக்கு சில கிலோ மீட்டர் தொலைவுக்கு முன்பு உள்ள பிகவுரா என்ற இடத்தில் இந்த ரயிலின் ஏசி கோச்சின் 8 பெட்டிகள் தடம் புரண்டன. விபத்து குறித்து அறிந்ததும் மீட்புப் படையினர் சம்பவ இடத்துக்கு விரைந்துள்ளனர். மீட்புப் பணிகள் தீவிரமாக நடந்து வருகிறது.
10 லட்சம் நிவாரணம் அறிவிப்பு.
உ.பி.யில் நிகழ்ந்த ரயில் விபத்தில் உயிரிழந்தவர்கள் குடும்பத்துக்கு தலா ரூ.10 லட்சம் நிவாரணம் அறிவிப்பு வெளியிட்டுள்ளது. விபத்தில் பலத்த காயம் அடைந்தவர்களுக்கு தலா ரூ.2.5 லட்சம் நிவாரணம் வழங்கவும் லேசான காயம் அடைந்தவர்களுக்கு ரூ.50,000 நிவாரணமாக வழங்கவும் ரயில்வே நிர்வாகம் உத்தரவிட்டுள்ளது.
4 சட்டத்திருத்த மசோதாக்களுக்கு ஆளுநர் ஒப்புதல்...
"பொறுமை'' - விஞ்ஞானி தாமஸ் ஆல்வா எடிசன் வாழ்வில் ஒரு நாள்...
...........................................
‘பொறுத்தார் பூமி ஆள்வார்’ என்ற பழமொழியை நாம் கேள்விப்பட்டிருப்போம்.. பொறுமையின் சிறப்பை விளக்கவே இந்த முதுமொழி பிறந்திருக்கக் கூடும் என்பதில் ஐயமில்லை.
எது நடந்தாலும், என்ன நடந்தாலும் அவைகளை அமைதியாகப் பொறுத்துக் கொள்ளும் தன்மையே ‘பொறுமை’
எதற்கும் உணர்ச்சி வசப்படாத தன்மையே ‘பொறுமை’ எதையும் சகித்துக் கொண்டு போவோர் பொறுமையாக இருக்க முடியும்.
விஞ்ஞானி தாமஸ் ஆல்வா எடிசன், ஆயிரம் முறைகளுக்கு மேல் தோல்வி கண்டு, பெரும் முயற்சிக்குப் பின் மின்சார பல்பைக் கண்டு பிடித்தார்.
ஆனால் வெற்றிக்குப் பின்னரும் அந்த ‘பல்பு’ எடிசன் உதவியாளரால் உடைத்து நொறுக்கப்பட்டது.
அப்போது எடிசன் எப்படி நொந்து போய் இருப்பார்...?
அந்த அதிர்ச்சிகரமான நிமிடங்களில் எடிசன் பொறுமையுடன் நடந்து கொண்ட சம்பவம்...
தனது நண்பர்களுக்கும், சக விஞ்ஞானிகளுக்கும் மின்சார பல்பை ஒளிர வைத்துக் காட்டுவதற்காக எடிசன், ஒரு சந்திப்பு நிகழ்ச்சிக்கு ஏற்பாடு செய்தார்.அவரது ஆய்வகத்தின் மேல் தளத்தில் இந்த சந்திப்பு நடந்தது.
எடிசன், தனது உதவியாளரை அழைத்து மின்சார பல்பை மேல் தளத்திற்குக் கொண்டு வரச் சொன்னார்.
பல்பைக் கொண்டு வரும் போது, அது கை தவறி விழுந்து உடைந்து விட்டது. அனைவரும் அதிர்ச்சி அடைந்தனர். ஆனால் எடிசன் சற்றும் திகைக்கவில்லை.
ஆயிரம் தோல்விகளைச் சந்தித்து வெற்றி கண்ட அவருக்கு மின்சார பல்பை மீண்டும் உருவாக்குவது எளிதாக இருந்தது.
சிறிது முயற்சி செய்து ஒரு பல்பை உடனடியாக உருவாக்கினார்.
அதனை மீண்டும் அந்த உதவியாளரிடமே கொடுத்து மேலே எடுத்து வரச் சொன்னார்.
பல்பைக் கீழே போட்டு உடைத்தவனிடமே மீண்டும் அந்த வேலையைக் கொடுக்கிறீர்களே? என்று சிலர் எடிசனிடம் கேட்டு விட்டனர்.
அதற்கு எடிசன், ‘பல்பு உடைந்தது என்னால் மீண்டும் செய்து கொள்ள முடிந்தது.
ஆனால் அவரது மனதைக் காயப்படுத்தி விட்டால் அதை என்னால் சரி செய்து கொடுத்து விட முடியுமா?
மீண்டும் அவனிடமே பணியைக் கொடுத்தால் அவன் தனது பொறுப்பையும், எனது நம்பிக்கையும் உணர்ந்து கூடுதல் கவனத்துடன் பணிபுரிவான். அதனால் தான் அப்படி செய்தேன்’ என்றார்.
எடிசனுக்கு வெற்றியைப் பெற்றுத் தந்த பொறுமை உணர்ச்சியின் எல்லையை அப்போது தான் மற்றவர்கள் முழுமையாக உணர்ந்து கொண்டனர்!
*ஆம்.,தோழர்களே..,*
*ஒருவனுடைய திறமைகளை* *வெற்றிகளாக*
*உருமாற்றித் தருவது* *பொறுமையே !*
*பொறுமை அனுபவத்தின் வெளிப்பாடு !*
*அதுவே வாழ்வின் அலைகளை எதிர்கொள்ளும்*
*துடுப்பாய்ப் பயன் தரும் !✍🏼🌹*
பள்ளி காலை வழிபாட்டு செயல்பாடுகள் - 18.07.2024 - School Morning Prayer Activities...
திருக்குறள்:
பால் :பொருட்பால்
அதிகாரம்:அறிவுஉடைமை
குறள் எண்:421
அறிவற்றம் காக்கும் கருவி செறுவார்க்கும்
உள்ளழிக்கல் ஆகா அரண்.
பொருள் :அறிவு, அழிவு வராமல் காக்கும் கருவியாகும்;
அன்றியும் பகை கொண்டு எதிர்ப்பவர்க்கும் அழிக்க முடியாத உள்ளரணும் ஆகும்.
பழமொழி :
Double charge will break even a cannon
அடிமேல் அடி அடித்தால் அம்மியும் நகரும்.
இரண்டொழுக்க பண்புகள் :
1.என்னை விட வயதில் மூத்தோரை மரியாதையுடன் நடத்துவேன். என்னால் இயன்ற உதவிகளை அவர்களுக்கு செய்வேன்.
2.என்னை விட இளையோரிடம் அன்பாக நடந்து கொள்வேன்.
அவர்களுக்கு சிறந்த வழிகாட்டியாக இருப்பேன்.
பொன்மொழி :
உங்களது எதிர்காலத்தை உடனடியாக மாற்ற முடியாது, ஆனால் உங்களது பழக்கங்களை மாற்றலாம். அந்த பழக்கங்கள் உங்கள் எதிர்காலத்தை மாற்றும்.
பொது அறிவு :
1.உலகில் எந்த நாட்டில் அதிக அளவு பெட்ரோலிய இருப்புகள் உள்ளன?
விடை: சவூதி அரேபியா
2. இசைக் கருவிகளில் ஒன்றான வீணையில், எத்தனை தந்திக் கம்பிகள் உள்ளன?
விடை: 7
English words & meanings :
Form- வடிவம்,
Mold-அச்சு
வேளாண்மையும் வாழ்வும் :
மாப்பிள்ளை சம்பா
கருப்பு கவுனி
குடவாழை
துளசிவாச சீரகச்சம்பா
கைவரச்சம்பா
வாடன் சம்பா
தேங்காய்பூச் சம்பா
சம்பா மோசனம்
கொட்டாரச் சம்பா ராஜயோகம், கிச்சிலிச் சம்பா, மிளகு சம்பா முதலியவை அவற்றுள் சில
ஜூலை 18
நெல்சன் மண்டேலா அவர்களின் பிறந்தநாள்
நெல்சன் மண்டேலா (Nelson Rolihlahla Mandela, 18 சூலை 1918 – 5 திசம்பர் 2013), தென்னாப்பிரிக்காவின் மக்களாட்சி முறையில் தேர்ந்தெடுக்கப்பட்ட முதல் குடியரசுத் தலைவர் ஆவார். அதற்கு முன்னர் நிறவெறிக்கு எதிராகப் போராடிய முக்கிய தலைவர்களுள் ஒருவராக இருந்தார். தொடக்கத்தில் அறப்போர் (வன்முறையற்ற) வழியில் நம்பிக்கை கொண்டிருந்த இவர், பிறகு ஆப்பிரிக்க தேசிய காங்கிரஸின் இராணுவப் பிரிவுக்கு தலைமை தாங்கினார். இவர்கள் மரபுசாரா கொரில்லாப் போர்முறைத் தாக்குதலை நிறவெறி அரசுக்கு எதிராக நடத்தினர். மண்டேலாவின் 27 ஆண்டு சிறைவாசம், நிறவெறிக் கொடுமையின் பரவலாக அறியப்பட்ட சாட்சியமாக விளங்குகிறது. சிறையின் பெரும்பாலான காலத்தை இவர் ராபன் தீவில் சிறிய சிறை அறையில் கழித்தார். 1990 இல் அவரது விடுதலைக்கு பிறகு அமைதியான முறையில் புதிய தென்னாப்பிரிக்கக் குடியரசு மலர்ந்தது. மண்டேலா, உலகில் அதிகம் மதிக்கப்படும் தலைவர்களில் ஒருவராக விளங்கினார். மண்டேலா, இனவெறி ஆட்சியில் ஊறிக்கிடந்த தென்னாபிரிக்காவை மக்களாட்சியின் மிளிர்வுக்கு இட்டுச் சென்றவர். அமைதிவழிப் போராளியாக, ஆயுதப் போராட்டத் தலைவனாக, தேசத்துரோகக் குற்றம் சுமத்தப்பட்ட குற்றவாளியாக, 27 ஆண்டுகள் சிறையில் வாடி பின்னர் விடுதலையாகி குடியரசு தலைவரரானார்
. அமைதிக்கான நோபல் பரிசு இவருக்கு வழங்கப்பட்டது. நெல்சன் மண்டேலா பன்னாட்டு நாள் (Nelson Mandela International Day) என்பது தென்னாபிரிக்கத் தலைவர் நெல்சன் மண்டேலாவின் பிறந்த நாளான ஜூலை 18 ஆம் நாளைக் குறிக்க ஐக்கிய நாடுகள் அறிவித்த சிறப்பு நாளாகும்.
நீதிக்கதை
தீர்வு
ஒருவர் தனக்கு பெரிய பிரச்சனை வந்துவிட்டது அதை எப்படி தான் சமாளிப்பது என்று தனது நண்பரிடம் தினமும் புலம்பிக்கொண்டே இருந்தார்.
அவரது நண்பரோ தினமும் கேட்டு கேட்டு அலுத்துபோய் ஒரு நாள் அந்த பிரச்சனைக்கு யோசனை ஒன்று கூறுவதாகவும், அதன்படி செயல்படுமாறும் கூறினார். அதுக்கு இவரும் சம்மதித்தார்.
அவரும் "சிறிய கிண்ணத்தில் தண்ணீர் எடுத்துக்கொண்டு
உங்கள் உள்ளங்கையில் வைத்திருங்கள்" என்று கூறியவுடன் மறுநாள் சந்திப்பதாக கூறி விட்டு சென்று விட்டார்.
இவரும் விறுவிறுவென வீட்டிற்கு சென்றவர், கிண்ணத்தில் தண்ணீரை வைத்துக்கொண்டு இருந்திருப்பார் போல மறுநாள் நண்பரை காண வெகு வேகமாய் வந்தார்.
நண்பரோ, அவரைப் பார்த்து "என்ன நண்பா, நான் சொன்ன யோசனைப்படி செய்தீர்களா?" என்று கேட்டார்.
"ஆமாம் நண்பரே! என் கையிலேயே வைத்திருந்ததால் மிகவும் கடினமாக இருந்தது.கை வலித்தது. என்ன யோசனை, மிக மட்டமான யோசனை என்று சலித்துக் கொண்டார்.
அதைக் கேட்ட நண்பர் சிரித்துக் கொண்டே, "சிறிய கிண்ணத்தில் இருக்கும் தண்ணீர் குறைந்த கனமுடையதாகவே இருக்கும்.
ஆனால் அதை எவ்வளவு நேரம் கையில் வைத்திருக்கிறோம் என்பதை பொறுத்து அதனுடைய கனம் அமையும்.
அதுபோலவே வாழ்வில் சிறிதோ, பெரிதோ பிரச்சனைகள் வரும்போது அதையே நினைத்துக் கொண்டிருந்தால் மிகவும் கடினமாக தோன்றும். சற்று தள்ளி வைத்துவிட்டு அந்த பிரச்சனைக்குரிய தீர்வு என்ன என்று யோசிக்க வேண்டும். மேலும் வேறு வேலைகளில் நம்மை ஈடுபடுத்திக் கொண்டால் மனக்கவலைகளில் இருந்தும் வெளிவரலாம்" என்று கூறினார்.
இன்றைய செய்திகள்
18.07.2024
@ தமிழகம் முழுவதும் நிறுத்தப்பட்ட 800 வழித்தடங்களில் மீண்டும் பேருந்துகள் இயக்கம்: போக்குவரத்து துறை அமைச்சர் தகவல்.
@ உயர்கல்வித் துறை சார்பில் கல்லூரிகளுக்கு ரூ.52.75 கோடியில் கட்டப்பட்ட புதிய கட்டிடங்களை முதல்வர் ஸ்டாலின் காணொலி வாயிலாக திறந்து வைத்தார்.
@ தமிழகம் முழுவதும் 65 ஐஏஎஸ் அதிகாரிகள் இடமாற்றம்: உள்துறை செயலராக தீரஜ்குமார் நியமனம்.
@ 5 மாவட்டங்களில் இன்று கனமழை பெய்யும்: வங்க கடலில் மேலும் ஒரு காற்றழுத்த தாழ்வு பகுதி உருவாக வாய்ப்பு.
@/தனியார் நிறுவனங்களில் கன்னடர்களுக்கு இடஒதுக்கீடு மசோதா: கர்நாடகா அமைச்சரவை ஒப்புதல்.
@ ஓமன் கடலில் எண்ணெய் டேங்கர் கவிழ்ந்துள்ளது. அதன் பணியாளர்கள் 16 பேர் மாயமாகி உள்ளனர். இதில் 13 பேர் இந்தியர்கள். அவர்களை தேடும் பணி தீவிரம்
@ டி.என்.பி.எல். கிரிக்கெட்டில் கோவை கிங்ஸ் அணி, திருச்சியை வீழ்த்தி தொடர்ந்து 4-வது வெற்றியை பதிவு செய்தது.
@ பெண்கள் டி20 கிரிக்கெட் தரவரிசை: இந்தியாவின் ஹர்மன்பிரீத், ஷபாலி வர்மா முன்னேற்றம்.
@ டி20 பேட்ஸ்மேன்கள் தரவரிசை: முதல் இடத்தில் ஆஸ்திரேலியாவின் டிராவிஸ் ஹெட்டும், 2வது இடத்தில் இந்தியாவின் சூர்யகுமார் யாதவ்வும் உள்ளனர்.
Today's Headlines
@ Buses will resume operation on 800 routes stopped across Tamil Nadu: Transport Minister informs.
@ Chief Minister Stalin inaugurated the new buildings constructed for colleges for Rs 52.75 crore on behalf of the higher education department through video.
@ Transfer of 65 IAS officers across Tamil Nadu: Dheerajkumar was appointed as Home Secretary.
@ 5 districts to receive heavy rain today: Another low-pressure area will likely form over the Bay of Bengal.
@ Reservation for Kannada people in Private Institutions: Karnataka Cabinet approved the bill
@ An oil tanker is capsized in the Sea of Oman. 16 of its employees are missing. 13 of them are Indians. The task of searching for them is intense
@ TNPL In cricket, Coimbatore Kings recorded their 4th win in a row by defeating Trichy.
@ Women's T20 Cricket Rankings: India's Harmanpreet, Shabali Verma progress.
@ T20 batsmen rankings: Australia's Travis Head at No. 1, India's Suryakumar Yadav at No. 2.
Prepared by
Covai women ICT_போதிமரம்
வாடிக்கையாளர்களுக்கு பாரத ஸ்டேட் வங்கியின் எச்சரிக்கை...
எஸ்பிஐ வாடிக்கையாளர்கள் கவனத்திற்கு: மோசடி செய்பவர்களிடம் ஜாக்கிரதையாக இருக்கவும் - எஸ்எம்எஸ் அல்லது வாட்ஸ்அப் மூலம் இணைப்புகள் அல்லது செயலிகளைப் பகிராது...
எஸ்பிஐ வாடிக்கையாளர்கள் கவனத்திற்கு: மோசடி செய்பவர்களிடம் ஜாக்கிரதை.
எஸ்பிஐ ரிவார்டு புள்ளிகளை மீட்டெடுப்பதற்காக மோசடி செய்பவர்கள் எஸ்எம்எஸ் அல்லது வாட்ஸ்அப் மூலம் செயலி மற்றும் மெசேஜ்களை அனுப்புவது கவனிக்கப்படுகிறது. எஸ்பிஐ ஒருபோதும் எஸ்எம்எஸ் அல்லது வாட்ஸ்அப் மூலம் இணைப்புகள் அல்லது கோரப்படாத செயலிகளைப் பகிராது என்பதை நினைவில் கொள்ளவும். அத்தகைய இணைப்புகளை கிளிக் செய்ய அல்லது தெரியாத கோப்புகளை பதிவிறக்கவும் வேண்டாம்.
பாதுகாப்பாக இருங்கள்...
Attention SBI Customers: Beware of fraudsters.
It is observed that fraudsters are sending APKs and messages over SMS or WhatsApp for redeeming SBI reward points. Please note that SBI will never share links or unsolicited APKS over SMS or WhatsApp.
Do not click on any such links or download unknown files.
*Stay Safe and Secure!!*
LIC Website முழுமையாக இந்தி மொழிக்கு மாற்றம் - “LIC வணிகத்தை காவு கொடுத்தாவது இந்தியை திணிக்க வேண்டுமா..?” - வலுக்கும் கண்டனங்கள்... LIC We...
