உதவி பேராசிரியர் பணி - தேர்வு ஒத்திவைப்பு...
கல்லூரி உதவிப் பேராசிரியர் தேர்வு ஒத்திவைப்பு.
அரசுக் கலை, அறிவியல் கல்லூரிகள் மற்றும் அரசு கல்வியியல் கல்லூரிகளுக்கான உதவிப் பேராசிரியர் தேர்வு ஒத்தி வைப்பு.
தேர்வு நடைபெறும் நாள் பின்னர் தெரிவிக்கப்படும் - ஆசிரியர் தேர்வு வாரியம்
உதவிப் பேராசிரியர் நேரடி நியமனத்திற்கான போட்டித் தேர்வு ஆகஸ்ட் 4ஆம் தேதி நடைபெறும் என அறிவிக்கப்பட்டிருந்தது.
2024-2026 ஆண்டுகளுக்கான பள்ளி மேலாண்மை குழு SMC மறுகட்டமைப்பு நிகழ்வுகள் - பெற்றோர் விழிப்புணர்வுக் கூட்டம் நடத்துதல் - வழிகாட்டுதல்கள் - - மாநிலத் திட்ட இயக்குநரின் செயல்முறைகள் ந.க.எண்: 1342/A11 /பமேகு/ஒபக/2024, நாள். 22/07/2024...
>>> தரவிறக்கம் செய்ய இங்கே சொடுக்கவும்...
புதிய பாரத எழுத்தறிவு திட்டம் NILP 2024-25 முதல் தவணை தொகை விடுவித்தல் இயக்குநர் செயல்முறைகள்...
>>> தரவிறக்கம் செய்ய இங்கே சொடுக்கவும்...
பள்ளி சாரா மற்றும் வயது வந்தோர் கல்வி இயக்குனரின் செயல்முறைகள், ந.க. எண்: 065/ ஆ2/ 2024, நாள்: 18.07.2024
NILP- புதிய பாரத எழுத்தறிவு திட்டத்தினை செயல்படுத்திட தேவையான முதல் கட்ட நிதியை அந்தந்த மாவட்ட முதன்மை கல்வி அலுவலருக்கு ஒதுக்கீடு.
பொருள் பள்ளிசாரா மற்றும் வயதுவந்தோர் கல்வி இயக்ககம், சென்னை-06- "புதிய பாரத எழுத்தறிவுத் திட்டம் 2024-25 நிதியாண்டில் செயல்படுத்துதல் - திட்ட உட்கூறு வாரியாக செலவினத் தலைப்புகளின் கீழ் அனைத்து மாவட்டங்களுக்கு முதல் தவணையாக செலவின வரையறை நிர்ணயம் செய்து ஆணையிடுதல்.
பார்வை: 1 அரசாணை (நிலை) எண்45 பள்ளிக் கல்வித் (எம்எஸ்) துறை நாள்.24.02.2021
2 PAB Meeting Gol Minutes of Meeting F.No.20-22/2022-AE4, MoE/ Diseal, நாள்.09.04.2024
3 இவ்வியக்கக இதே எண்ணிட்ட செயல்முறைகள் கடிதம் நாள்.09.07.2024
4 ஒன்றிய அரசுக் கடித எண். F.No.20-22/2022-AE1, நாள்.19.06.2024
5 அரசாணை (நிலை) எண்.159 பள்ளிக் கல்வி (148) துறை, நாள். 09.07.2024.
தமிழ்நாட்டில் 2011 மக்கள் தொகை கணக்கெடுப்பை அடிப்படையாக கொண்டு 15 வயதிற்கு மேற்பட்ட முற்றிலும் எழுதப்படிக்கத் தெரியாதோருக்கு அடிப்படை எழுத்தறிவு எண்ணறிவு கல்வியை வழங்கிடும் நோக்கில் வயது புதிய பாரத எழுத்தறிவுத் திட்டம் 2022-27 அனைத்து மாவட்டங்களிலும் செயல்படுத்தப்பட்டு வருகின்றது.
பார்வை -3-இல் காண் இவ்வியக்ககச் செயல்முறைகளின்படி, 2024-25-ஆம் ஆண்டில் புதிய பாரத எழுத்தறிவுத் * திட்டத்தை செயல்படுத்துவதற்கு 15 வயதிற்கு மேற்பட்ட எழுதப்படிக்கத் தெரியாத 5,33,100 கற்போருக்கு அடிப்படை எழுத்தறிவுக் கல்வியை வழங்கிடும் வகையில், இரண்டு கட்டங்களாக செயல்படுத்த திட்டமிடப்பட்டு, முதல் கட்டமாக 15.07.2024 அன்று முதல் கற்போர் எழுத்தறிவு மையங்கள் தொடங்கப்பட்டு அனைத்து மாவட்டங்களிலும் செயல்படுத்தப்பட்டு வருகிறது.
பார்வை 4-ல் மற்றும் 5-ன்படி 2024-25-ஆம் நிதியாண்டிற்குரிய, இத்திட்டம் சார்ந்து 50% முதல் தவணை நிதி மாநில அரசால் இவ்வியக்ககத்திற்கு விடுவிக்கப்பட்டுள்ளது. இந்நிதியில், பின்வரும் தலைப்புகளில் செலவினம் மேற்கொள்ள ஏதுவாக அனைத்து மாவட்டங்களுக்கும் இணைப்பில் கண்டுள்ளவாறு 2024 - 25 ஆம் ஆண்டு முதல் தவணையாக செலவின வரையறை நிர்ணயம் செய்து இதன் மூலம் ஆணையிடப்படுகிறது. 'இச்செலவின வரையறையின்படி அந்தந்த தலைப்புகளுக்கெதிரே குறிப்பிட்டுள்ள நிதி ஒதுக்கீடு மற்றும் செயல்பாடுகளின் அடிப்படையில் திட்ட விதிகளைப் பின்பற்றி செலவினங்களை மேற்கொள்ள அனைத்து மாவட்ட முதன்மைக் கல்வி அலுவலர்களும் கேட்டுக்கொள்ளப்படுகிறார்கள்.
டிட்டோஜாக்கின் மாநில அளவிலான டிபிஐ முற்றுகை போராட்டம் திட்டமிட்டபடி நடைபெறும் - மாநில டிட்டோஜாக் அமைப்பு கல்வித்துறை செயலாளர் அவர்களுடன் நடத்திய பேச்சுவார்த்தைக்கு பின் நடந்த கூட்டத்தில் ஒருமித்த முடிவு...
💥டிட்டோஜாக் மாநில உயர்மட்டக்குழு உறுப்பினர்கள் இன்று பள்ளிக்கல்வித்துறை செயலாளருடன் சந்திப்பு - தொடர் முற்றுகைப்போராட்டம் திட்டமிட்டபடி நடைபெறும்...
தமிழ்நாடு தொடக்கக்கல்வி ஆசிரியர் இயக்கங்களின் கூட்டு நடவடிக்கைக் குழு (டிட்டோஜாக்) மாநில உயர்மட்டக்குழு சார்பில் 29,30,31 ஜூலை 2024 மூன்று நாட்கள் தொடர்முற்றுகைப் போராட்டம் அறிவித்துள்ளது. இதன் எதிரொலியாக இன்று மதிப்புமிகு பள்ளிக்கல்வித்துறை செயலாளர் திருமதி மதுமதி அவர்கள் டிட்டோஜாக் மாநில உயர்மட்டக்குழு உறுப்பினர்களை சந்தித்து பேச்சுவார்த்தை நடத்த எழுத்துப்பூர்வமான அழைப்புக்கொடுத்தார். அழைப்பை ஏற்று மாநில உயர்மட்டக்குழு உறுப்பினர்கள் இன்று பள்ளிக்கல்வித்துறை செயலாளரை சென்னை தலைமைச்செயலகத்தில் உள்ள கல்வித்துறை செயலாளர் அலுவலகத்தில் சந்தித்து பேச்சுவார்த்தை நடத்தினர். பள்ளிக்கல்வித்துறை இயக்குநர் திரு கண்ணப்பன் அவர்களும், தொடக்கக்கல்வித்துறை இயக்குநர் திரு நரேஷ் அவர்களும் உடன் இருந்தனர்.
மாநில உயர்மட்டக்குழு உறுப்பினர்கள் செயலாளரிடம் கருத்துக்களை பதிவுசெய்யும் பொழுது பொறுமையாகவும் முழுமையாகவும் கேட்டார்.
அரசாணை 243 ஐ ரத்துசெய்யவேண்டும் என்பது உட்பட 31 அம்சக்கோரிக்கைகளையும் அனைத்து உறுப்பினர்களும் விளக்கிக் கூறினர். இன்று காலை 11.00 am to மதியம் 1.00 மணிவரை பேச்சுவார்த்தை நடைபெற்றது.
பேச்சுவார்த்தை முடிவில் கல்வித்துறை செயலாளர் கூறுகையில் நான் பதவியேற்று ஒருசில நாட்களே ஆனதால் கோரிக்கைகளை மிகவிரைவில் பரிசீலித்து நிறைவேற்றிக்கொடுக்க நடவடிக்கை எடுப்பேன் என கூறினார்.
💥டிட்டோஜாக் முடிவு:
🔥பேச்சுவார்த்தைக்குப்பின் டிட்டோஜாக் மாநில உயர்மட்டக்குழு உறுப்பினர்கள் தலைமைச்செயலகத்திற்குள் உள்ள தமிழக தலைமைச்செயலக சங்க அலுவலகத்தில் கூடி விவாதித்தபின் "திட்டமிட்டபடி 29,30,31 ஜூலை 2024 முற்றுகைப்போராட்டம் நடைபெறும் என அறிவிக்கப்பட்டுள்ளது.
அமைச்சு பணியாளர்கள் - கண்காணிப்பாளர் பதவியில் இருந்து நேர்முக உதவியாளராக பதவி உயர்வு - ஏற்கனவே உள்ள முன்னுரிமை பட்டியலில் வரிசை எண் 41 முதல் 50 முடிய உள்ளவர்களுக்கு Google Meet மூலம் 22-07-2024 அன்று கலந்தாய்வு - பள்ளிக் கல்வி இணை இயக்குநரின் செயல்முறைகள்..
பள்ளி காலை வழிபாட்டு செயல்பாடுகள் - 22.07.2024 - School Morning Prayer Activities...
திருக்குறள்:
பால்: பொருட்பால்
அதிகாரம் :அறிவு உடைமை
குறள் எண்:423
எப்பொருள் யார்யார்வாய்க் கேட்பினும் அப்பொருள்
மெய்ப்பொருள் காண்பது அறிவு.
பொருள்: எப்பொருளை யார் யாரிடம் கேட்டாலும் (கேட்டவாறே கொள்ளாமல்)
அப்பொருளின் மெய்யான பொருளைக் காண்பதே அறிவாகும்.
பழமொழி :
அச்சாணி இல்லாத தேர் முச்சாணும் ஓடாது
Great engines turn on small pivots
இரண்டொழுக்க பண்புகள் :
*மழை பெய்யும் போது மரம் மற்றும் மின்கம்பிகள் அருகில் நிற்க மாட்டேன்.
*மழைக்காலங்களில் பாதுகாப்பு ஆடைகள், சூடான குடிநீர் பயன்படுத்துவேன்.
பொன்மொழி :
பகை, பொறாமை, கோபம் ஆகியவற்றை வெளிப்படுத்தினால் அவை வட்டியும் முதலுமாக மீண்டும் உன்னிடமே வந்து சேரும் ------விவேகானந்தர்
பொது அறிவு :
1. ISI என்பதன் விரிவாக்கம்?
விடை: Indian Standard Institute
2. யானையின் துதிக்கையில் எத்தனை தசைகள் உள்ளன?
விடை: 40 ஆயிரம்
English words & meanings :
Utter- பூரணமான,
Complete- நிறைவான
வேளாண்மையும் வாழ்வும் :
கருப்பு கவுனியில் உள்ளநார்சத்து(Fiber) மற்றும் ஆன்டி ஆக்சிடன்ஸ் (anti – oxidants) புற்று நோய், சர்க்கரை குறைபாடு நோய்களின் தாக்கத்தைக் குறைக்கின்றது, மேலும் கல்லீரலில் உள்ள பாதிப்புகளை குறைக்கின்றது. கருப்பு கவுணி கொண்டு பல்வேறு வகையான உணவு வகைகள் சமைக்கலாம், அதில் தோசை, புட்டு, தேங்காய் மற்றும் மாம்பழ சேர்த்து கொழுக்கட்டை, கருப்பு கவுணி சாதம் உடன் காய்கறிகள் சாம்பார்/குழம்பு வகைகள் சாப்பிடலாம்.
ஜூலை 22
டாக்டர் முத்துலட்சுமி அவர்களின் நினைவுநாள்
முத்துலட்சுமி (Muthulakshmi )(சூலை 30, 1886 - சூலை 22, 1968) இந்தியாவின் பெண் மருத்துவர், சமூகப் போராளி, தமிழார்வலர் ஆவார். 1912 ஆம் ஆண்டு சென்னை மருத்துவக் கல்லூரியில் மருத்துவப் பட்டம் பெற்று மருத்துவச் சேவையாற்றினார். இந்தியப்பெண்கள் சங்கத்தின் முதல் தலைவராகவும் பணியாற்றினார். இந்திய அரசாங்கத்தின் பத்மபூசண் விருதைப் பெற்றுள்ளார்.
நீதிக்கதை
ஆண்டவனிடம் பெற்ற அறிவு
பீர்பாலின் மீது அரசர் அளவு கடந்த அன்பும், மரியாதையும் வைத்திருப்பதை அறிந்த அவையில் இருந்த சில அமைச்சர்களுக்கு பொறாமையாக இருந்தது.
அறிவுமிக்க பீர்பாலை மட்டம் தட்ட முடியாத ஒரு அமைச்சர் அவரின் மாநிறமான தோற்றத்தை கொண்டு மட்டம் தட்ட நினைத்தார். அதனால் அரசவையில் அமர்ந்திருந்த பீர்பாலை பார்த்து அந்த அமைச்சர் ஏளனமாக சிரித்தார்.
இதனை கவனித்துவிட்ட அரசர் அக்பருக்கு கோபம் ஏற்பட்டு "அமைச்சரே! பீர்பாலை பார்த்து எதற்காக ஏளனமாக சிரித்தீர்கள்?" என்று கேட்டார்.
"மதிப்பிற்குரிய மன்னர் பெருமானே! கோபப்பட வேண்டாம். எனக்கு அவரைப் பார்த்ததும் ஒரு சந்தேகம் ஏற்பட்டது. அதனால் சிரித்தேன்" என்றார் அமைச்சர்.
"என்ன சந்தேகம்?" என்று வினவினார் மன்னர்.
"மன்னர் பெருமானே! தாங்கள் ஜொலிக்கும் தங்கம் போன்ற மேனியை பெற்றுள்ளீர்கள்.
அமைச்சர்களாக உள்ள நாங்களும் நல்ல சிவந்த மேனியுடன் உள்ளோம். ஆனால் நமது பீர்பால் மட்டும் நிறத்தில் சற்று கருத்து காணப்படுகின்றார்.
ஆகையினால், நம்மோடு அமர்ந்திருப்பதினால்,மன்னரின் நிறம் பிரகாசமாகவும், பீர்பாலின் நிறம் கருத்தும் இருப்பதினால் நிழலின் அருமை வெயிலில் தெரிவது போல் உள்ளதோ என்று சந்தேகமாக இருந்தது. அதனால் சிரித்தேன்" என்றார்.
அமைச்சர் இது போன்று கூறியதும் மன்னருக்கு அமைச்சரின் மதிகெட்ட பேச்சு புரிந்தது. அதனை வெளிக்காட்டு கொள்ளாமல் "பீர்பால் அவர்களே! அமைச்சர் கூறியதற்கு சரியான விளக்கம் அளியுங்கள். மேலும் இது போன்ற கேள்வி எப்போதும் கேட்க இயலாத அளவுக்கு பதில் இருக்க வேண்டும்"என்றார் அக்பர்.
மன்னரின் வேண்டுகோளுக்கு இணங்கி, " "மாமன்னர் அவர்களே! வணக்கம். இறைவன் அன்பானவன் எல்லோரையும் சமமாக பாவித்து அருள் பாலிப்பவன். ஒவ்வொருவரையும் படைக்கும் போது அவரவர் விருப்பப்படி அவரவருக்கு என்ன தேவையோ அதன்படி படைத்துவிட்டார்.அதன்படி
அமைச்சர்கள் விருப்பப்படி அவர்களுக்கு நல்ல நிறத்தையும், எனது விருப்பப்படி எனக்கு நல்ல அறிவையும் கொண்டு கடவுள் படைத்துவிட்டார்"என்றார் பீர்பால்.
பீர்பாலின் பதிலைக் கேட்டு, அமைச்சர் வெட்கி தலை குனிந்தார்.
இன்றைய செய்திகள்
22.07.2024
¶ அரசுப் பள்ளிகளில் உள்ள 5,146 தற்காலிக ஆசிரியர் பணியிடங்களை நிரந்தரம் செய்து பள்ளிக்கல்வித் துறை அரசாணை வெளியிட்டுள்ளது.
¶ தமிழகத்தில் தனியார் மினி பேருந்துகளை இயக்குவது தொடர்பான புதிய வரைவு திட்ட அறிக்கை மீது இன்று கருத்துக் கேட்பு கூட்டம் நடைபெறுகிறது.
¶ இந்தியாவிலேயே வறுமையை ஒழிப்பதில் தமிழகம் தலைசிறந்த முதன்மை மாநிலமாக விளங்குகிறது என்பதை நிதி ஆயோக் அறிக்கை நிரூபித்துள்ளது என்று தமிழக அரசு தெரிவித்துள்ளது.
¶ புதுக்கோட்டை மாவட்டம் பொற்பனைக்கோட்டையில் நடைபெற்றுவரும் 2-ம் கட்ட அகழாய்வில் செம்பு ஆணிகள் கண்டெடுக்கப்பட்டுள்ளன.
¶ இந்திய கடற்படைக்கு உள்நாட்டிலேயே ரூ.70 ஆயிரம் கோடி மதிப்பில் அதி நவீன போர்க்கப்பல்கள் தயாரிக்கும் திட்டத்துக்கு, பாதுகாப்புத்துறை அமைச்சகம் விரைவில் ஒப்புதல் அளிக்க உள்ளது.
¶ மண்டல பள்ளி ஹாக்கி லீக் போட்டி: சென்னை அணி சாம்பியன்.
¶ தமிழக வீராங்கனை இந்துமதிக்கு இந்தியாவின் சிறந்த கால்பந்து வீராங்கனை விருது வழங்கப்பட்டுள்ளது.
¶ ஸ்வீடிஷ் ஓபன் டென்னிஸ்: இறுதிப்போட்டிக்கு முன்னேறிய ரபேல் நடால்.
Today's Headlines
🌸The School Education Department has issued an order to make 5,146 temporary teaching posts in government schools permanent.
🌸A consultation meeting is being held today on the new draft plan report regarding the operation of private mini buses in Tamil Nadu.
🌸The Tamil Nadu government has said that the Niti Aayog report has proved that Tamil Nadu is the top leading state in India in poverty alleviation.
🌸Copper nails have been found in the 2nd phase of excavation in Polpanaikottai, Pudukottai district.
🌸The Ministry of Defense is soon going to give its approval to the Indian Navy's Rs.70,000-crore domestic production of state-of-the-art warships.
🌸Zone School Hockey League Tournament: Chennai Team Champion.
🌸Tamil Nadu player Indumati has been awarded the best female footballer of India award.
🌸Swedish Open Tennis: Rafael Nadal advanced to the final.
Prepared by
Covai women ICT_போதிமரம்
தொடக்கக் கல்வித் துறையில் பட்டதாரி ஆசிரியர் மாவட்டம் விட்டு மாவட்டம் மாறுதல் கலந்தாய்வு அட்டவணை மற்றும் கலந்து கொள்ள வேண்டியர்கள் முன்னுரிமை எண்...
>>> தரவிறக்கம் செய்ய இங்கே சொடுக்கவும்...
கலைத் திருவிழா 2024-2025 Kalai Thiruvizha Banner HD >>> தரவிறக்கம் செய்ய இங்கே சொடுக்கவும்...
