அகவிலைப்படியை 01.07.2026 முதல் 63 சதவீதமாக உயர்த்தி தமிழ்நாடு அரசு செய்தி வெளியீடு எண்: 955 , நாள்: 31.10.2026

 

செய்தி வெளியீடு எண்: 955 , நாள்: 31.10.2026

DIPR_PR_No.955_-_Hon_ble_CM_Press_Release_-Increase_of_3__DA_to_Govt_Staffs__Teachers_and_Pensioners__-Date_31.10.2026

>>> தரவிறக்கம் செய்ய இங்கே சொடுக்கவும் 

கல்வி அஞ்சல் 

Kalvi Anjal 

செய்தி வெளியீடு

அரசு அலுவலர்கள் மற்றும் ஆசிரியர்களுக்கு 60 சதவீதமாக உள்ள அகவிலைப்படியை 01.07.2026 முதல் 63 சதவீதமாக உயர்த்தி வழங்கப்படும் மாண்புமிகு தமிழ்நாடு முதலமைச்சர் திரு.ச.ஜோசப் விஜய் அவர்கள் அறிவிப்பு.

மாண்புமிகு தமிழ்நாடு முதலமைச்சர் திரு.ச.ஜோசப் விஜய் அவர்கள் தலைமையிலான அரசு, மக்கள் நலனை முன்னிறுத்தி பல்வேறு நலத்திட்டங்களை வகுத்து, அவற்றைச் சிறப்பாகச் செயல்படுத்தி வருகிறது. இத்திட்டங்களை வடிவமைப்பதிலும், அவற்றைத் திறம்பட நடைமுறைப்படுத்துவதிலும் அரசு அலுவலர்கள் மற்றும் ஆசிரியர்கள் முக்கியப் பங்கினை வகித்து வருகின்றனர். அரசு அலுவலர்கள் மற்றும் ஆசிரியர்களின் நலனுக்கு முக்கியத்துவம் அளித்து, ஒன்றிய அரசுப் பணியாளர்களுக்கு 01.07.2026 முதல் அகவிலைப்படி 60 சதவீதத்திலிருந்து 63 சதவீதமாக உயர்த்தப்பட்டுள்ளதைத் தொடர்ந்து, மாநில அரசு அலுவலர்கள் மற்றும் ஆசிரியர்களும் பயன்பெறும் வகையில், மாண்புமிகு தமிழ்நாடு முதலமைச்சர் அவர்கள் இதனைக் கனிவுடன் பரிசீலித்து, 01.07.2026 முதல் மாநில அரசுப் பணியாளர்களுக்கும் அகவிலைப்படியை உயர்த்தி வழங்க ஆணையிட்டுள்ளார்கள்.

இதனால், 60 சதவீதமாக உள்ள அகவிலைப்படி 3 சதவீதம் உயர்ந்து 01.07.2026 முதல் 63 சதவீதமாக உயர்த்தி வழங்கப்படும். இந்த அகவிலைப்படி உயர்வால், சுமார் 16 இலட்சம் அரசு அலுவலர்கள், ஆசிரியர்கள், ஓய்வூதியதாரர்கள் மற்றும் குடும்ப ஓய்வூதியதாரர்கள் பயன்பெறுவார்கள். இதனால் ஆண்டு ஒன்றுக்கு அரசுக்கு 1,858 கோடி ரூபாய் கூடுதல் செலவினம் ஏற்படும். அரசு அலுவலர்கள், ஆசிரியர்கள், ஓய்வூதியதாரர்கள் மற்றும் குடும்ப ஓய்வூதியதாரர்கள் நலன் கருதி இதற்கான கூடுதல் நிதியை அரசு ஒதுக்கீடு செய்யும்.

அரசின் இந்த நடவடிக்கை, அரசு அலுவலர்கள். ஆசிரியர்கள். ஓய்வூதியதாரர்கள் மற்றும் குடும்ப ஓய்வூதியதாரர்கள் எதிர்வரும் தீபாவளிப் பண்டிகையை மகிழ்ச்சியுடன் கொண்டாட வழிவகை செய்யும்.

வெளியீடு: இயக்குநர், செய்தி மக்கள் தொடர்புத்துறை, சென்னை-9

01-11-2026 அன்று தமிழ்நாடு நாள் விழா கொண்டாட்டம் - செய்தி வெளியீடு

 

01-11-2026 அன்று தமிழ்நாடு நாள் விழா கொண்டாட்டம் - செய்தி வெளியீடு

செய்தி வெளியீடு எண்: 952 , நாள்: 30.10.2026

தமிழ்நாடு நாள் விழா

*************************

தமிழ்நாடு உருவாக்கப்பட்ட 1.11.1956-நாளினைப் பெருமைப்படுத்திடும்வகையில் ஆண்டுதோறும் நவம்பர் 1-ஆம் நாள் "தமிழ்நாடு நாள்" என்ற பெயரில் தமிழ்நாடு அரசால் சிறப்பாகக் கொண்டாடப்பட உள்ளது.

மாண்புமிகு தமிழ்நாடு முதலமைச்சர் அவர்களின் அறிவிப்பிற்கிணங்க, நவம்பர் 1-ஆம் நாள் தமிழ் வளர்ச்சித் துறை சார்பில் தமிழ்நாடு நாள் விழாவாகச் சென்னை அருங்காட்சியக அரங்கத்தில் காலை 10 மணி அளவில் கொண்டாடப்படவுள்ளது.

இவ்விழாவில், மாண்புமிகு பள்ளிக்கல்வி, தமிழ் வளர்ச்சி, செய்தி மற்றும் விளம்பரத் துறை அமைச்சர் திரு. ராஜ்மோகன் அவர்கள், 5 தமிழறிஞர்களின் நூல்கள் நாட்டுடைமை செய்தமைக்கான நூலுரிமைத்தொகை வழங்கிடவும். திருக்குறள் முற்றோதல் செய்த 179 மாணவர்களுக்குப் பரிசுத்தொகை மற்றும் பாராட்டுச் சான்றிதழ் வழங்கிடவும், தமிழ்ச் செம்மல் விருதுகள் 76 அறிஞர்களுக்கும் வழங்கியும் சிறப்பிக்க உள்ளார்.

மேலும், நவம்பர் 1-ஆம் நாள் மாலை தமிழ்நாடு நாள் விழாவையொட்டி கலை பண்பாட்டுத் துறை வாயிலாக நாட்டுப்புறக் கலைஞர்களைக் கொண்டு கலை நிகழ்ச்சிகள் பெருநகர சென்னை மாநகராட்சி பூங்காக்களில் சிறப்பான முறையில் நடத்தப்படும்.

தமிழ்நாடு நாள் விழாவினையொட்டி, தமிழ்நாட்டின் அனைத்து மாவட்டங்களிலும் உள்ள கல்லூரி மாணவர்களுக்கு மாநில மற்றும் மாவட்ட அளவில் கட்டுரை மற்றும் பேச்சுப் போட்டிகள் நடத்தப்பட்டு முதல் மூன்று இடங்களைப் பெறும் மாணவர்களுக்குப் பரிசுத்தொகை வழங்கப்படும்.

வெளியீடு: இயக்குநர், செய்தி மக்கள் தொடர்புத்துறை, சென்னை-9

கல்வி அஞ்சல் 

Kalvi Anjal 

TNPSC Group 4 தேர்வு - சான்றிதழ்களை ஒருமுறைப் பதிவு (OTR) இணையதளம் மூலம் பதிவேற்றம் செய்ய அறிவிப்பு

TNPSC Group 4 தேர்வு  சான்றிதழ்களை ஒருமுறைப் பதிவு (OTR) இணையதளம் மூலம் பதிவேற்றம் செய்ய அறிவிப்பு

TNPSC குரூப்–4 தேர்வு (அறிவிக்கை எண்: 07/2025) – வனக்காப்பாளர், ஓட்டுநர் உரிமத்துடன் கூடிய வனக்காப்பாளர், வனக்காவலர் மற்றும் வனக்காவலர் (பழங்குடியின இளைஞர்) பதவிகளுக்கான இரண்டாம் கட்ட கணினிவழிச் சான்றிதழ் சரிபார்ப்புத் தற்காலிகப் பட்டியல் 28.10.2026 அன்று வெளியீடு – தேர்வர்கள் சான்றிதழ்களை 30.10.2026 முதல் 11.11.2026 வரை TNPSC ஒருமுறைப் பதிவு (OTR) இணையதளம் மூலம் பதிவேற்றம் செய்ய அறிவிப்பு

கல்வி அஞ்சல் 

Kalvi Anjal 

தமிழ்நாடு அரசு பொதுத்துறை நிறுவன ஊழியர்களுக்கு Diwali Bonus அறிவிப்பு

தமிழ்நாடு அரசு பொதுத்துறை நிறுவன ஊழியர்களுக்கு தீபாவளி போனஸ் அறிவிப்பு - செய்தி வெளியீடு 

>>> தரவிறக்கம் செய்ய இங்கே சொடுக்கவும் 

பொதுத்துறை நிறுவன C மற்றும் D பிரிவு தொழிலாளரகள், பணியாளர்களுக்கு உபரித் தொகையை கணக்கில் கொண்டு 8.33% மிகை ஊதியம் மற்றும் 11.67% கருணைத் தொகை என மொத்தம் 20% வழங்கப்படும்

அரசுப் போக்குவரத்துக் கழகங்கள், நுகர்பொருள் வாணிபக் கழகம், தமிழ்நாடு பால் உற்பத்தியாளர்கள் கூட்டுறவு இணைய தகுதியுடைய C மற்றும் D பிரிவு தொழிலாளர்கள், பணியாளர்களுக்கு 8.33% மிகை ஊதியம் மற்றும் 11.67% கருணைத் தொகை என மொத்தம் 20% வழங்கப்படும்

உபரித் தொகை இல்லாத பொதுத்துறை நிறுவன C மற்றும் D பிரிவு தொழிலாளர்கள் மற்றும் பணியாளர்களுக்கு 8.33% மிகை ஊதியம் மற்றும் 1.67% கருணைத் தொகை என மொத்தம் 10% வழங்கப்படும்

வீட்டுவசதி வாரியம், சென்னை குடிநீர் வழங்கல் மற்றும் கழிவு நீரகற்று வாரிய தகுதியுடைய C மற்றும் D பிரிவு பணியாளர்களுக்கு 8.33% மிகை ஊதியம் மற்றும் 1.67% கருணைத் தொகை வழங்கப்படும்

குடிநீர் வடிகால் வாரிய தகுதியுடைய C மற்றும் D பிரிவு பணியாளர்களுக்கு 8.33% மிகை ஊதியம் வழங்கப்படும்

நுகர்பொருள் வாணியக் கழகத்தில் தற்காலிக அடிப்படையில் பணிபுரியும் தொழிலாளர்களுக்கு ரூ.3,000 கருணைக் தொகையாக வழங்கப்படும்

• தொகை வரம்பு: 

நிரந்தரப் பணியாளர்களுக்குக் குறைந்தபட்சம் ரூ. 8,400 முதல் அதிகபட்சம் ரூ. 16,800 வரை போனஸ் கிடைக்கும்.

• பயனாளிகள் & செலவு: 

இதன் மூலம் சுமார் 2.69 லட்சம் ஊழியர்கள் பயனடைவார்கள் என்றும், இதற்காக அரசுக்கு ரூ. 376.01 கோடி செலவினம் ஏற்படும் என்றும் தெரிவிக்கப்பட்டுள்ளது.

• கூட்டுறவு அமைப்புகள்: 

கூட்டுறவு அமைப்புகள் மற்றும் இதர நிறுவனங்களில் பணிபுரிவோருக்கான தனித்தனி ஆணைகள் விரைவில் வெளியிடப்படும்.

- தமிழ்நாடு அரசு அறிவிப்பு 

NMMS 2026 அறிவிப்பு வெளியீடு

NMMS 2026 அறிவிப்பு வெளியீடு 

தேசிய வருவாய்வழி மற்றும் திறன் படிப்புதவித் தொகை திட்டத் தேர்வு (NMMS), டிசம்பர்-2026 தேர்விற்கு 26.10.2026 (பிற்பகல்) முதல் 03.11.2026 வரை விண்ணப்பிக்கலாம் 

அரசு தேர்வுகள் இயக்ககம் செய்தி குறிப்பு வெளியீடு 

>>> தரவிறக்கம் செய்ய இங்கே சொடுக்கவும் 

தேர்வு நாள் : 12.12.2026

அரசுத் தேர்வுகள் இயக்ககம் வெளியிட்டுள்ள NMMS (2026-2027) தேர்வு அறிவிக்கையின் முக்கிய விவரங்கள்:

 * தகுதி: தமிழ்நாடு அரசின் அங்கீகாரம் பெற்ற அரசு மற்றும் அரசு உதவி பெறும் பள்ளிகளில் தற்போது எட்டாம் வகுப்பு பயிலும் மாணவர்கள்.

 * விண்ணப்பிக்கும் காலம்: 26.10.2026 (பிற்பகல்) முதல் 03.11.2026 வரை.

 * விண்ணப்பிக்கும் முறை: மாணவர்கள் தங்கள் பயிலும் பள்ளிகள் வழியாக விண்ணப்பிக்க வேண்டும்.

 * தேர்வுக் கட்டணம்: ₹50/-.

 * தேர்வு நாள்: 12.12.2026 (சனிக்கிழமை).

 

* தேர்வு மையங்கள்: வட்டார அளவில் [BLOCK LEVEL] அமைக்கப்படும்.

பத்தாம் வகுப்பு/ மேல்நிலை துணைத் தேர்வுகள் ஜூன் / ஜூலை 2026 - அசல் மதிப்பெண் சான்றிதழ்கள் (Original Mark Certificates) வழங்குதல் சார்ந்த செய்திக் குறிப்பு

பத்தாம் வகுப்பு/ மேல்நிலை துணைத் தேர்வுகள் ஜூன் / ஜூலை 2026 - அசல் மதிப்பெண் சான்றிதழ்கள் (Original Mark Certificates) வழங்குதல் சார்ந்த செய்திக் குறிப்பு

>>> தரவிறக்கம் செய்ய இங்கே சொடுக்கவும் 

Jewel loans of ₹10,000 per gram will be provided at cooperative societies – Tamil Nadu Government announcement

கூட்டுறவு நிறுவனங்களில் வழங்கப்படும் நகைக் கடன்களுக்கு கிராமுக்கு ரூ.10,000 வரை கடன் வழங்கப்படும் என அறிவிப்பு - கூட்டுறவுத்துறை செய்தி வெளியீடு

>>> தரவிறக்கம் செய்ய இங்கே சொடுக்கவும் 

Jewel loans of ₹10,000 per gram will be provided at cooperative societies – Tamil Nadu Government announcement.

 கூட்டுறவு சங்கங்களில் ஒரு கிராமிற்கு ரூ. 10,000 நகைக்கடன் வழங்கப்படும் - தமிழ்நாடு அரசு அறிவிப்பு

கூட்டுறவு சங்கங்களில் நகைக்கடன்களுக்கு ஒரு கிராமிற்கு ரூ. 10,000 வழங்கப்படும் என தமிழ்நாடு அரசு அறிவிப்பு.

ஏற்கெனவே பெறப்பட்டு தற்பொழுது புதுப்பிக்கப்படும் நகைக் கடன்களுக்கும் இது பொருந்தும் - கூட்டுறவுத்துறை.

2,525 செவிலியர் படிப்பு சேர்க்கை இடங்கள் - மருத்துவம் மற்றும் மக்கள் நல்வாழ்வுத் துறையின் செய்திக் குறிப்பு

2,525 செவிலியர் படிப்பு சேர்க்கை இடங்கள் - முதலமைச்சர் 110 விதியின் கீழ் வெளியிட்ட அறிவிப்பானது, நடப்பு கல்வியாண்டு முதலே மாணவர் சேர்க்கை தொடங்கப்படுகிறது - மருத்துவம் மற்றும் மக்கள் நல்வாழ்வுத் துறையின் செய்திக் குறிப்பு வெளியீடு

>>> தரவிறக்கம் செய்ய இங்கே சொடுக்கவும் 

PM Yasasvi உதவித்தொகை தொடர்பாக மாவட்ட ஆட்சியரின் பத்திரிகைச் செய்தி

PM Yasasvi உதவித்தொகை தொடர்பாக தேனி மாவட்ட ஆட்சித் தலைவரின் பத்திரிகைச் செய்தி

>>> தரவிறக்கம் செய்ய இங்கே சொடுக்கவும் 

ஆதிதிராவிடர் மற்றும் பழங்குடியினர் நலப் பள்ளி மாணவர்களுக்கு JEE, NEET, CUET, CLAT உள்ளிட்ட போட்டித் தேர்வுகளுக்கான சிறப்புப் பயிற்சி - EoI வரவேற்பு

தமிழ்நாடு அரசு ஆதிதிராவிடர் நலப் பள்ளிகள் மற்றும் பழங்குடியினர் நலப் பள்ளிகளில் பயிலும் மாணாக்கர்களுக்கு JEE, NEET, CUET, CLAT உள்ளிட்ட போட்டித் தேர்வுகளுக்கான சிறப்புப் பயிற்சி மற்றும் வழிகாட்டுதல் வழங்குவதற்காக, தகுதியுடைய முன்னணி பயிற்சி நிறுவனங்களிடமிருந்து விருப்பக் கோரிக்கை (Expression of Interest - EoI) வரவேற்கப்படுகிறது.

செய்தி வெளியீடு எண்: 647

நாள்: 11.09.2026

தமிழ்நாடு அரசு ஆதிதிராவிடர் நலப் பள்ளிகள் மற்றும் பழங்குடியினர் நலப் பள்ளிகளில் பயிலும் மாணாக்கர்களுக்கு போட்டித் தேர்வுகளுக்கான சிறப்புப் பயிற்சி மற்றும் வழிகாட்டுதல் வழங்குவதற்காக, தகுதியுடைய முன்னணி பயிற்சி நிறுவனங்களிடமிருந்து விருப்பக் கோரிக்கை (Expression of Interest - Eol) வரவேற்கப்படுகிறது.

தமிழ்நாடு அரசின் பழங்குடியினர் நலத்துறை சார்பில், மாநிலம் முழுவதும் உள்ள 100-க்கும் மேற்பட்ட ஆதிதிராவிடர் நலப் பள்ளிகள் மற்றும் பழங்குடியினர் நலப் பள்ளிகளில் 11 மற்றும் 12-ஆம் வகுப்புகளில் பயிலும் 12,000-க்கும் மேற்பட்ட மாணாக்கர்களை JEE, NEET, CUET, CLAT உள்ளிட்ட பல்வேறு தேசிய அளவிலான நுழைவுத் தேர்வுகளுக்குத் தயார் படுத்துவதற்கான நடவடிக்கைகள் முன்னெடுக்கப்பட்டு வருகின்றன. இப்பயிற்சித் திட்டத்தின் கீழ் நேரடி வகுப்புகள், ஐயம் தீர்க்கும் அமர்வுகள், தொடர் தேர்வுகள் மற்றும் பயிற்சிப் புத்தகங்கள் ஆகியவை மாணாக்கர்களுக்கு வழங்கப்படவுள்ளன. 

மேலும், 12-ஆம் வகுப்பு பயிலும் மாணாக்கர்களுக்கு உயர்கல்வி வாய்ப்புகள் குறித்த வழிகாட்டுதல், விண்ணப்பப் பதிவு உதவிகள், கலந்தாய்வு ஆதரவு மற்றும் கல்லூரி சேர்க்கைக்குப் பிந்தைய ஒருங்கிணைப்புப் பணிகளும் இத்திட்டத்தின் முக்கிய அங்கமாக வழங்கப்படவுள்ளன.

இந்த விருப்பக் கோரிக்கையானது (Eol), சந்தை நிலவரத்தை மதிப்பிடுவதற்கும் திட்ட மதிப்பீட்டிற்குமான செலவினக் கணக்கீட்டை (Price Discovery) மேற்கொள்வதற்கும் மட்டுமே கோரப்படுகிறது. இதில் பங்கேற்கும் நிறுவனங்கள், தங்களது நிதி முன்மொழிவில் உரிய முறையில் சுட்டிக்காட்ட வேண்டும்.

இதில் பங்கேற்க விருப்பமுள்ள நிறுவனங்கள், நிறுவனத் தகுதி விவரங்கள் மற்றும் உரிய நிதி முன்மொழிவுப் படிவத்தை tntribalwelfare2018@gmail.com என்ற மின்னஞ்சல் முகவரிக்கு 18.09.2026 அன்று பிற்பகல் 3.00 மணிக்குள் அனுப்பி வைக்குமாறு கேட்டுக் கொள்ளப்படுகிறார்கள்.

மேலும் தகவல்களுக்கு https://www.tntribalwelfare.tn.gov.in/ என்ற இணையதளத்தை அணுகவும் மற்றும் பின்வரும் எண்களைத் தொடர்பு கொள்ளவும்: பரத் (7200738258) /யுரேகா (7373944312) / கார்த்திகேயன் (7338801434).

வெளியீடு: இயக்குநர், செய்தி மக்கள் தொடர்புத்துறை, சென்னை-9

Everest, LG பெருங்காயம் தூளுக்கு FSSAI தடை

Everest, LG பெருங்காயம் தூளுக்கு FSSAI தடை

- EVEREST மற்றும் LG ஆகிய பிரபல நிறுவனங்களின் பெருங்காயத் தூளை விற்பனை செய்ய இந்திய உணவு பாதுகாப்பு தர நிர்ணய ஆணையம் FSSAI தடை விதித்துள்ளது. 

- ஆய்வு முடிவில் இந்த இரு நிறுவனங்களின் பெருங்காயத் தூளும் தரமற்றவை எனக் கண்டறியப்பட்டதை அடுத்து இந்நடவடிக்கை எடுக்கப்பட்டுள்ளது.

இந்திய உணவுப் பாதுகாப்பு மற்றும் தர நிர்ணய ஆணையம் (FSSAI),தரக்  குறைபாடு காரணமாக, எவரெஸ்ட் மற்றும் எல்ஜி நிறுவனங்கள் கலப்புப் பெருங்காயப் பொருட்களை விற்பனை செய்வதற்குத் தடை விதித்து  , ஆகஸ்ட் 2026-ல் உடனடித் தடை உத்தரவைப் பிறப்பித்தது .

முக்கிய சோதனை கண்டுபிடிப்புகள்

குறைந்த சாறு அளவு: கலக்கப்பட்ட பெருங்காயத்தில் குறைந்தபட்சம் 5% ஆல்கஹாலில் கரையக்கூடிய சாறு இருக்க வேண்டும். எவரெஸ்ட் மாதிரிகளில் இது 0% முதல் 4.4% வரை பதிவாகியுள்ளது.

அதிகப்படியான ஸ்டார்ச்: 

LG மாதிரிகளில் 32% வரை ஸ்டார்ச் இருந்தது, இது 1% என்ற அதிகபட்ச வரம்பை விட மிகவும் அதிகம்.

தரநிலைகளில் தோல்வி: தயாரிப்புகள் தரம் குறைந்தவை என்பதை ஆய்வகப் பரிசோதனைகள் உறுதிப்படுத்தின.

தேவையான நடவடிக்கைகள்

உடனடித் தடை: இரு பிராண்டுகளின் கலப்புப் பெருங்காயத் தூள் விற்பனை நிறுத்தப்பட்டுள்ளது.

தன்னார்வத் திரும்பப்பெறல்: சந்தையில் உள்ள தரமற்ற சரக்குகளைத் திரும்பப் பெறுமாறு நிறுவனங்களுக்கு அறிவுறுத்தப்பட்டது.

இது குறித்த செய்தி வெளியீடு 

தரமற்ற தன்மை காரணமாக, இரண்டு முக்கிய மசாலா பிராண்டுகளின் கலப்பு பெருங்காய விற்பனை உத்தரவுக்கு FSSAI தடை விதித்துள்ளது.

பதிவிட்ட நாள்: 29 ஆகஸ்ட் 2026, பிற்பகல் 2:34, PIB மும்பை

மும்பை, ஆகஸ்ட் 29, 2026:

நுகர்வோர் நலன்களைப் பாதுகாக்கவும், உணவுப் பாதுகாப்பை உறுதி செய்யவும், இந்திய உணவுப் பாதுகாப்பு மற்றும் தர நிர்ணய ஆணையம் (FSSAI), மெஸ்ஸர்ஸ் எவரெஸ்ட் ஃபுட் ப்ராடக்ட்ஸ் பிரைவேட் லிமிடெட் மற்றும் மெஸ்ஸர்ஸ் லால்ஜி கோதூ அண்ட் கம்பெனி (எல்ஜி பிராண்ட் யூனிட்) ஆகிய இரண்டு முன்னணி மசாலாப் பொருட்கள் நிறுவனங்களால் தயாரிக்கப்படும் கலப்புப் பெருங்காயத்தை விற்பனை செய்யத் தடை விதித்து உத்தரவு பிறப்பித்துள்ளது.

ஒரு குறிப்பிட்ட பிராண்டின் கலப்பு பெருங்காயத்தின் தரம் குறித்து நுகர்வோர் அளித்த புகாரைத் தொடர்ந்து, FSSAI சந்தையில் உள்ள அனைத்து முக்கிய பிராண்டுகளையும் உள்ளடக்கிய ஒரு விரிவான சந்தைக் கண்காணிப்பைத் தொடங்கியது. இந்தக் கண்காணிப்பின் முதன்மை ஆய்வகப் பரிசோதனை அறிக்கைகள், எவரெஸ்ட் மற்றும் எல்ஜி ஆகிய இரு நிறுவனங்களின் கலப்பு பெருங்காயப் பொருட்களும் தரம் குறைந்தவையாக இருந்தன என்பதைக் குறிப்பிட்டன.

FSSAI, மும்பையில் அமைந்துள்ள மெஸ்ஸர்ஸ் எவரெஸ்ட் ஃபுட் ப்ராடக்ட்ஸ் பிரைவேட் லிமிடெட் மற்றும் எல்ஜி பிராண்ட் யூனிட் ஆகியவற்றின் மத்திய உரிமம் பெற்ற அலகுகளிலிருந்து நேரடியாக சட்டப்பூர்வ மாதிரிகளைச் சேகரித்தது. இந்த மாதிரிகள் மேலதிக பரிசோதனைக்காக ஒரு முதன்மை ஆய்வகத்திற்கு அனுப்பப்பட்டன. மேலும், FSSAI குஜராத் மாநில FDA உடன் இணைந்து, குஜராத்தின் உம்பர்காவ்னில் உள்ள எவரெஸ்ட் ஃபுட் ப்ராடக்ட்ஸ் பிரைவேட் லிமிடெட்டின் மாநில உரிமம் பெற்ற அலகில் ஒரு கூட்டு ஆய்வு மற்றும் மாதிரி சேகரிப்பை நடத்தியது. இந்த நடவடிக்கைகளின் போது சேகரிக்கப்பட்ட கலப்பு பெருங்காயத்தின் அனைத்து சட்டப்பூர்வ மாதிரிகளும் தரம் குறைந்தவை என்பதை முதன்மை ஆய்வகம் உறுதி செய்தது.

2011 ஆம் ஆண்டின் FSS (உணவுப் பொருட்கள் தரநிலைகள் மற்றும் சேர்க்கைகள்) ஒழுங்குமுறைகளின் கீழ், பதப்படுத்தப்படாத பெருங்காயம், அரேபிய கோந்து, ஸ்டார்ச்சுகள் மற்றும் மாவு வகைகளைக் கலப்பதன் மூலம் உருவாக்கப்படும் கலப்புப் பெருங்காயம் ஒரு அனுமதிக்கப்பட்ட வகையாகும். இறுதி கலப்புப் பெருங்காயத் தயாரிப்பில் குறைந்தபட்சம் 5% ஆல்கஹாலில் கரையக்கூடிய சாறு இருப்பதை உறுதிசெய்ய, பதப்படுத்தப்படாத பெருங்காயத்தை குறைந்தபட்சம் சேர்க்க வேண்டும் என்று இந்த ஒழுங்குமுறைகள் வலியுறுத்துகின்றன. ஆய்வகக் கண்டுபிடிப்புகள் இந்த பாதுகாப்புத் தரநிலைகளிலிருந்து குறிப்பிடத்தக்க விலகல்களை வெளிப்படுத்தின:

1. குறைந்த ஆல்கஹால் கரையக்கூடிய சாறு: பரிசோதிக்கப்பட்ட கலப்பு பெருங்காய மாதிரிகளில் 0-3% மட்டுமே ஆல்கஹால் கரையக்கூடிய சாறு இருந்தது. இது, கட்டாயப்படுத்தப்பட்ட குறைந்தபட்ச அளவான 5%-ஐ விடக் கணிசமாகக் குறைவாகும். நுகர்வோர் தயாரிப்புகளில் உற்பத்தியாளர்கள், தேவைப்படும் மூலப் பெருங்காயத்தின் அளவை 30-40% குறைவாகச் சேர்த்துள்ளனர் என்பதை இது காட்டுகிறது.
2. பச்சை பெருங்காயத்தில் அதிகப்படியான மாவுச்சத்து: FSSAI, மும்பையில் உள்ள LG பிராண்ட் யூனிட்டில், தயாரிக்கப்பட்ட பொருட்களுடன் ஆறு வகையான பச்சை பெருங்காயங்களையும் மாதிரிக்காக ஆய்வு செய்தது. FSSAI தரநிலைகள் பச்சை பெருங்காயத்தில் மாவுச்சத்தின் அளவை அதிகபட்சமாக 1% என வரம்பிட்டாலும், LG-யின் ஆறு வகையான பச்சை பெருங்காயங்களிலும் 15% முதல் 32% வரை மாவுச்சத்து இருப்பதை ஆய்வகம் உறுதிசெய்தது. இதனால் அவை தரம் குறைந்தவையாக வகைப்படுத்தப்பட்டன. விதிமுறைகளின்படி, பச்சை பெருங்காயத்தில் குறைந்தபட்சம் 12% ஆல்கஹாலில் கரையக்கூடிய சாறு இருக்க வேண்டும்.

கலவைப் பெருங்காயத்தின் பல தொகுப்புகள், நிர்ணயிக்கப்பட்ட தர விதிமுறைகளுக்கு இணங்காதது கண்டறியப்பட்டதால், மும்பையைச் சேர்ந்த மெஸ்ஸர்ஸ் எவரெஸ்ட் ஃபுட் ப்ராடக்ட்ஸ் பிரைவேட் லிமிடெட் மற்றும் எல்ஜி பிராண்ட் யூனிட் ஆகியவற்றுக்கு FSSAI முறைப்படி விற்பனைத் தடை உத்தரவைப் பிறப்பித்துள்ளது. இந்த நிர்வாக நடவடிக்கை, பொது சுகாதாரத்தைப் பாதுகாக்கவும் நுகர்வோர் நலன்களைக் காக்கவும் மேற்கொள்ளப்பட்ட ஒரு முன்னெச்சரிக்கை நடவடிக்கையாகும்.

மேலும், இந்த முறைகேடுகளை எவ்வாறு சரிசெய்வார்கள் மற்றும் நுகர்வோருக்குத் தரமான கலப்புப் பெருங்காயத்தின் உற்பத்தியை எவ்வாறு உறுதி செய்வார்கள் என்பதை விவரிக்கும் ஒரு விரிவான செயல் திட்டத்தைச் சமர்ப்பிக்குமாறு, சம்பந்தப்பட்ட உணவு வணிக நிறுவனங்களுக்கு FSSAI உத்தரவிட்டுள்ளது. தற்போது சந்தையில் உள்ள தரம் குறைந்த அனைத்துப் பொருட்களையும் தாமாகவே திரும்பப் பெறும் நடவடிக்கையைத் தொடங்குமாறும் உற்பத்தியாளர்களுக்கு அறிவுறுத்தப்பட்டுள்ளது.

***

சுப்ரியா கெய்டடக்/யாஷ் ரானே/பர்சுராம் கோர்

தமிழ்நாடு வீட்டு வசதி வாரியம் - வீடுகள் மற்றும் மனைகள் விற்பனைக்கு - தமிழ்நாடு அரசு செய்தி வெளியீடு

Tamil Nadu Housing Board – Houses and Plots for Sale – Government of Tamil Nadu Press Release

தமிழ்நாடு வீட்டு வசதி வாரியம் - வீடுகள் மற்றும் மனைகள் விற்பனைக்கு - தமிழ்நாடு அரசு செய்தி வெளியீடு

>>> தரவிறக்கம் செய்ய இங்கே சொடுக்கவும் 

தமிழ்த்தாய் வாழ்த்துப் பாடலை அனைத்து நிகழ்ச்சிகளிலும் முதலில் பாடப்படவேண்டும் - தமிழ்நாடு முதலமைச்சர் சமூக வலைதளப் பதிவு

 தமிழ்த்தாய் வாழ்த்துப் பாடலை தமிழ்நாட்டின் அனைத்து நிகழ்ச்சிகளிலும் நிகழ்வு தொடங்குவதற்கு முன் கட்டாயம் முதலில் பாடப்படவேண்டும் என்ற அரசினர் தனித்தீர்மானத்தை தமிழ்நாடு சட்டமன்றப் பேரவையில் அனைத்துக் கட்சிகளும் ஒருமனதாக நிறைவேற்றி தந்தமைக்காக நன்றி தெரிவித்து மாண்புமிகு தமிழ்நாடு முதலமைச்சர் திரு.ச.ஜோசப் விஜய் அவர்கள் வெளியிட்டுள்ள சமூக வலைதளப் பதிவு

SSLC துணைத் தேர்வு முடிவுகள் இன்று வெளியீடு

 

SSLC துணைத் தேர்வு முடிவுகள் இன்று (05.08.2026) பிற்பகல் வெளியீடு - அரசுத் தேர்வுகள் இயக்ககம் செய்தி வெளியீடு 

>>> தரவிறக்கம் செய்ய இங்கே சொடுக்கவும் 

Departmental Examinations - May 2026 | Tentative Answer Keys Release

துறைத் தேர்வுகள் - மே 2026 | தற்காலிக விடைக் குறிப்புகள் வெளியீடு 

DEPARTMENTAL EXAMINATIONS, MAY-2026 – PUBLISHING OF TENTATIVE ANSWER KEY FOR OBJECTIVE TYPE EXAMINATION (TEST CODE-006) IN THE COMMISSION’S WEBSITE – REGARDING (Press Release)

>>> தரவிறக்கம் செய்ய இங்கே சொடுக்கவும் 

Revised Budget of the Government of Tamil Nadu for 2026 | Press Release

 

தமிழ்நாடு அரசு திருத்திய நிதிநிலை அறிக்கை 2026 தாக்கல் செய்தல் குறித்த அறிவிப்பு வெளியீடு

Announcement regarding the presentation of the Revised Budget of the Government of Tamil Nadu for 2026

ஆகஸ்ட் 5 அன்று தமிழ்நாடு பட்ஜெட் தாக்கல்

ஆகஸ்ட் 5ம் தேதி தமிழ்நாடு சட்டப்பேரவையின் பட்ஜெட் கூட்டத்தொடர் தொடங்குகிறது

 -  சபாநாயகர் அறிவிப்பு

* தமிழ்நாடு சட்டமன்றப் பேரவை கூட்டம் அடுத்த மாதம் 2026-ஆம் ஆண்டு, ஆகஸ்ட் மாதம் 5-ஆம் தேதி அதாவது. 5-ஆம் நாள், புதன்கிழமை அன்று காலை 10.00 மணிக்கு, சென்னை-600 009, தலைமைச் செயலகத்திலுள்ள சட்டமன்றப் பேரவை மண்டபத்தில் கூடவுள்ளது.

* தமிழ்நாடு சட்டமன்றப் பேரவை விதி 181(1)-. 2026-2027-ஆம் ஆண்டிற்கான திருத்திய நிதிநிலை அறிக்கையினை 2026-ஆம் ஆண்டு ஆகஸ்ட் மாதம் 5-ஆம் நாள், புதன்கிழமை அன்று பேரவைக்கு அளிக்க வேண்டுமென்று மாண்புமிகு ஆளுநர் அவர்கள் 'நாள்' குறித்துள்ளார்கள்.

மேலும், அன்று காலை 10.00 மணிக்கு 2026-2027-ஆம் ஆண்டிற்கான திருத்திய நிதிநிலை அறிக்கை பேரவைக்கு அளிக்கப்பெறும்.

மாண்புமிகு பேரவைத் தலைவர் தமிழ்நாடு சட்டமன்றப் பேரவை.

தலைமைச் செயலகம்,

சென்னை - 600 009.

21.7.2026

மாணவர்களுக்கு பிணையில்லா கல்விக் கடன் (Collateral Free Education Loan) | செய்தி வெளியீடு

கல்லூரி மாணவர்களுக்கு பிணையில்லா கல்விக் கடன் (Collateral Free Education Loan) விரைவாக வழங்க நடவடிக்கை எடுக்கப்படும் - தமிழ்நாடு அரசு செய்தி வெளியீடு

>>> தரவிறக்கம் செய்ய இங்கே சொடுக்கவும் 

"தமிழ்நாடு நாள்" | பள்ளி மாணவர்களுக்கான பேச்சுப் போட்டி மற்றும் கட்டுரைப் போட்டிகள் அறிவிப்பு

"Tamil Nadu Day" | Announcement of Speech and Essay Competitions for School Students

"தமிழ்நாடு நாள்" | பள்ளி மாணவர்களுக்கான பேச்சுப் போட்டி மற்றும் கட்டுரைப் போட்டிகள் அறிவிப்பு

"தமிழ்நாடு நாள்" விழாவை முன்னிட்டு, தமிழ் வளர்ச்சித் துறையின் சார்பில் 6 ஆம் வகுப்பு முதல் 12 ஆம் வகுப்பு வரை பயிலும் பள்ளி மாணவர்களுக்கான பேச்சுப் போட்டி மற்றும் கட்டுரைப் போட்டிகள் நடைபெறவுள்ளன

செய்தி வெளியீடு எண்: 385 , நாள்: 13.07.2026

செய்தி வெளியீடு

தமிழ் வளர்ச்சித் துறை

மெட்ராஸ் மாகாணம் என இருந்த நிலப்பரப்பிற்கு தமிழ்நாடு எனப் பெயர் சூட்டப்பெற்ற அந்தப் பொன்னான வரலாற்றை, நம் இளைய தலைமுறை நெஞ்சங்களில் ஆழப் பதிக்க வேண்டும். மொழியால் ஒன்றுபட்ட அந்த வீர வரலாற்றை, நம் பள்ளி மாணவர்கள் ஒவ்வொருவரும் உணர வேண்டும். தமிழ் உணர்வைச் சுமக்க வேண்டும் என்பது தான் தமிழ்நாடு அரசின் விருப்பமாகும். அதற்காகத்தான். 'தமிழ்நாடு நாள்' விழாவை முன்னிட்டு, தமிழ் வளர்ச்சித் துறையின் சார்பில் 6 ஆம் வகுப்பு முதல் 12 ஆம் வகுப்பு வரை பயிலும் பள்ளி மாணவர்களுக்கான பேச்சுப் போட்டி மற்றும் கட்டுரைப் போட்டி நடத்தப்பெறுகின்றன.

இது வெறும் போட்டி மட்டுமல்ல; நம் தமிழ் மொழியின் பெருமையுடன். நம் தமிழ்நாட்டின் வரலாற்றைப் பறைசாற்றும் பெருவிழா! மாணவச் செல்வங்கள் அலைகடலென திரண்டு இந்தப் போட்டிகளில் பங்கேற்று தங்கள் திறமைகளை வெளிக்கொணர வேண்டுகிறேன்.

சென்னை மாவட்டத்தில் பள்ளி மாணவர்களுக்கான கட்டுரை, பேச்சுப்போட்டிகள் 14.07.2026 செவ்வாய்க் கிழமை அன்று காலை 9.00 மணிக்கு சிந்தாதிரிப்பேட்டை கல்யாணம் பெண்கள் மேல்நிலைப் பள்ளியில் வருகைப் பதிவேட்டையும் பதிவு செய்யுமாறு கேட்டுக் கொள்ளப்பெறுகிறது.

தமிழ்நாடு நாள் கருவானது முதல் உருவானது வரை எனும் தலைப்பில் கட்டுரைப் போட்டியும் "நான் விரும்பும் தமிழ்நாடு"."அன்றைய மெட்ராஸ் மாகாணம் இன்றைய நவீன தமிழ்நாடு", "இளைஞர்களின் பார்வையில் தமிழ்நாடு", "கல்வியில் சிறந்த தமிழ்நாடு", "வீரம் செறிந்த தமிழ்நாடு" ஆகிய தலைப்புகளில் பேச்சுப் போட்டிகள் நடைபெறவுள்ளன.

இப்போட்டிகளில் கலந்துகொள்ளவுள்ள மாணவ மாணவிகள் தாங்கள் பயிலும் பள்ளித் தலைமையாசிரியரிடம் பரிந்துரைக்கடிதம் பெற்றுவர வேண்டும். போட்டியில் முதல் பரிசு பெறும் மாணவ/ மாணவியர் மாநில அளவிலான போட்டியில் கலந்துகொள்ள வேண்டும்.

தமிழ் வளர்ச்சி இயக்குநர்

வெளியீடு: இயக்குநர், செய்தி மக்கள் தொடர்புத்துறை, சென்னை-9

>>> கல்வி அஞ்சல் Whatsapp குழுவில் இணைய...

>>> கல்வி அஞ்சல் Telegram குழுவில் இணைய...

Birth Certificate தொடர்பாக மாவட்ட ஆட்சித் தலைவரின் பத்திரிகைச் செய்தி

 

பிறப்புச் சான்றிதழ் தொடர்பாக தேனி மாவட்ட ஆட்சித் தலைவரின் பத்திரிகைச் செய்தி

Press release by the District Collector regarding birth certificates

குறிப்பு: அனைத்து மாவட்டங்களுக்கும் பொருந்தும்

>>> தரவிறக்கம் செய்ய இங்கே சொடுக்கவும் 

செ.வெ.எண். 42, நாள். 10.07.2026

பத்திரிகைச் செய்தி

பிறப்புப் பதிவு-குழந்தையின் முதல் உரிமை. பிறப்புச் சான்றிதழ் குழந்தையின் சட்டப்பூர்வ வயது குறித்த ஆதாரம், குடியுரிமைக்கான ஆதாரம் ஆகும். குழந்தையின் பெயருடன் கூடிய பிறப்புச் சான்றுதான் முழுமை பெற்ற சான்றிதழ் ஆகும்.

குழந்தையை பள்ளியில் சேர்க்க, வாக்காளர் அடையாள அட்டை பெற, ஓட்டுநர் உரிமம்பெற, அரசுப் பணிகளில் சேர, கடவுச்சீட்டிற்கு விண்ணப்பிக்க குழந்தையின் பெயருடன் கூடிய பிறப்புச்சான்று இன்றியமையாத ஆவணமாகும்.

ஒரு குழந்தையின் பிறப்பு பெயரின்றி பதிவு செய்யப்பட்டிருந்தால் அப்பிறப்பு பதிவு செய்யப்பட்ட நாளிலிருந்து 12 மாத காலத்திற்குள் பெற்றோர் அல்லது பாதுகாவலர் எழுத்து வடிவிலான உறுதிமொழியை சம்பந்தப்பட்ட பிறப்பு (ம) இறப்பு பதிவாளரிடம் சமர்ப்பித்து குழந்தையின் பெயரினை தாமத கட்டணமின்றி பதிவுசெய்து கொள்ளலாம்.

12 மாதங்களுக்கு பின் குழந்தையின் பெயரினை 15 வருடத்திற்குள் காலதாமத கட்டணம் ரூ.200 செலுத்தி, உரிய அலுவலரின் அனுமதி பெற்று பதிவு செய்து கொள்ளலாம். இவ்வாறு 15 வருடத்திற்கு மேற்பட்ட மற்றும் 2011-ஆம் ஆண்டுக்கு முன்னர் எப்போது பிறந்திருந்தாலும் குழந்தையின் பெயர் பதிவு செய்யப்படாத பிறப்புகளுக்கு வரும் 26.09.2026 வரை பெயர் பதிவு செய்திட கால அவகாசம் வழங்கப்பட்டுள்ளது.

குழந்தையின் பெயரினை இதுவரை பிறப்புச் சான்றிதழில் பதிவு செய்யாதோர் பிறப்பு பதிவு செய்யப்பட்ட நகராட்சி அலுவலகம், வட்டாட்சியர் அலுவலகம், பேரூராட்சி அலுவலகம் மற்றும் அரசு மருத்துவமனைகளில் உள்ள பிறப்பு (ம) இறப்பு பதிவாளர் அலுவலகங்களில் விண்ணப்பித்து குழந்தையின் பெயரினை பதிவுசெய்து கொள்ளலாம்.

பிறப்புச் சான்றில் குழந்தையின் பெயரினை ஒருமுறை பதிவு செய்த பின்னர் எக்காரணம் கொண்டும் பெயரினை மாற்றம் செய்ய இயலாது. எனவே, பொதுமக்கள் அனைவரும் இந்த அறிய வாய்ப்பினை பயன்படுத்தி 26.09.2026-க்குள் குழந்தையின் பெயரினை பிறப்புச் சான்றில் பதிவுசெய்து பயன்பெறுமாறு மாவட்ட பிறப்பு (ம) இறப்பு பதிவாளர் / மாவட்ட வருவாய் அலுவலர் திரு.ப.ராஜகுமார் அவர்கள் தெரிவித்துள்ளார்.

வெளியீடு: செய்தி மக்கள் தொடர்பு அலுவலகம், தேனி

மாணவர்களுக்கு ரூ.7.5இலட்சம் வரை பிணையம் இல்லாமல் கல்விக்கடன்

 

Collateral-free education loans up to Rs. 7.5 lakh for students - District Collector's press release

 வங்கிகளில் மாணவர்களுக்கு ரூ.7.5இலட்சம் வரை பிணையம் இல்லாமல் கல்விக்கடன் - மாவட்ட ஆட்சியர் செய்தி வெளியீடு

>>> தரவிறக்கம் செய்ய இங்கே சொடுக்கவும் 

செ.வெ.எண்.29 , நாள்.07.07.2026

பத்திரிகைச் செய்தி

தேனி மாவட்ட ஆட்சித்தலைவர் மரு.இரா.வைத்திநாதன், இ.ஆ.ப., அவர்கள் செய்திக்குறிப்பில் தெரிவித்ததாவது,

 தேனி மாவட்டத்தில் உயர்கல்வி பயில விரும்பும் மாணவர்கள் வங்கிகளில் ரூ.7.5இலட்சம் வரை பிணையம் இல்லாமல் கடன் பெறுவதற்கு https://pmvidyalaxmi.co.in/ என்ற இணையதளத்தில் விண்ணப்பிக்கலாம்.

விண்ணப்பிக்கும்பொழுது மாணவர்களின் ஆதார் அட்டை, கல்லூரி சேர்க்கை கடிதம், கல்வி கட்டணம், 10 மற்றும் 12-ஆம் வகுப்பு மதிப்பெண் சான்றிதழ், வங்கி கணக்குப் புத்தகம், பெற்றோர்களின் வருமானச் சான்றிதழ் மற்றும் பெற்றோர்களின் ஆதார் அட்டை, வருமான வரி அட்டை, வங்கி கணக்கு புத்தகம் ஆகிய ஆவணங்களுடன் விண்ணப்பிக்க வேண்டும்.

மேலும், மாணவர்கள் மூன்று வங்கிகளில் விண்ணப்பிக்கலாம் என மாவட்ட ஆட்சித்தலைவர் மரு.இரா.வைத்திநாதன், இ.ஆ.ப., அவர்கள் தெரிவித்துள்ளார்.

வெளியீடு: செய்தி மக்கள் தொடர்பு அலுவலகம், தேனி.