The boy who went with his friends and hurled a petrol bomb at the house of his fellow schoolgirl...

 பெட்ரோல் குண்டு வீசிய பள்ளி சிறுவன்...

விழுப்புரத்தில் உடன் படிக்கும் பள்ளி மாணவியின் வீட்டின் மீது நண்பர்களுடன் சென்று பெட்ரோல் குண்டு வீசிய சிறுவன்...

கொலை மிரட்டலும் விடுத்த நிலையில், நான்கு சிறுவர்களை கைது செய்து கூர்நோக்கு இல்லத்தில் அடைப்பு...

விழுப்புரத்தில், வீட்டில் பெட்ரோல் குண்டு வீசி மிரட்டல் விடுத்த 3 சிறுவர்களை போலீசார் கைது செய்து சிறுவர் சீர்திருத்த பள்ளியில் அடைத்தனர்.

திருடியதை காட்டி கொடுத்த மாணவி - வீடு தேடி வந்து பெட்ரோல் குண்டு வீசிய 4 சிறுவர்கள்... நடந்தது என்ன ?

விழுப்புரம் : விழுப்புரத்தில் கூலித் தொழிலாளியின் வீட்டில் பெட்ரோல் குண்டு வீசிய 4 சிறுவர்களை விழுப்புரம் மேற்கு காவல் நிலைய போலீசார் கைது செய்து சிறுவர் சீர்திருத்த பள்ளியில் அடைத்தனர்.

பெட்ரோல் குண்டு வீசிய 4 சிறுவர்கள்

விழுப்புரம் ஜி.ஆர்.பி. தெருவை சேர்ந்தவர் கூலித்தொழிலாளியான பிரதாப் தனது மனைவி மற்றும் குழந்தைகளுடன்  இரவு, வீட்டினுள் படுத்து உறங்கி  கொண்டிருந்தனர். அப்போது நள்ளிரவு 1.45 மணியளவில் இவரது வீட்டில் திடீரென பயங்கர சத்தத்தை கேட்டு அதிர்ச்சியில் எழுந்த பிரதாப் மற்றும் அவரது மனைவி ராசாத்தி ஆகிய இருவரும் வீட்டில் இருந்து வெளியே வந்து பார்த்தனர்.

அப்போது அதே பகுதியை சேர்ந்த ரகுபதி, மனோஜ், கோகுல், விஷ்னு ஆகிய சிறுவர்கள் வீட்டின் வாயிலில் பாட்டிலில் பெட்ரோல் ஊற்றி திரிபோடுவதை கண்ட பிரதாப் சிறுவர்களை விரட்டிய போது வீட்டின் மீது பெட்ரோல் குண்டு வீசியதை உங்கள் மீது வீசுவோம் என பிரதாப் மற்றும் அவரது மனைவி ராசாத்தியை ஆகிய இருவரையும் திட்டி தாக்கி கொலை மிரட்டல் விடுத்தனர். இதனால் அதிர்ச்சியடைந்த ராசாத்தி, விழுப்புரம் மேற்கு காவல்  நிலையத்தில் புகார் செய்தார்.

அந்த  புகாரின் பேரில் போலீசார் வழக்குப்பதிவு செய்து 4 சிறுவர்களை கைது செய்து சிறுவர் சீர்திருத்த பள்ளியில் அடைத்தனர். இச்சம்பவம் குறித்து போலீசார் விசாரணை செய்ததில் பிரதாப் மகள் பயிலும் பள்ளியில் சிறுவர்களும் பயின்றுவருகிற நிலையில் ரகுபதி பிரதாப்பின் மகள் பையில் இருந்த மோதிரத்தை திருடியதை கண்டுபிடித்து ஆசிரியரிடம் கூறியதால் ஏற்பட்ட பிரச்சனையில் சிறுவர்கள் பிரதாப் வீட்டின் மேல் பெட்ரோல் குண்டு வீசியது தெரியவந்தது. இச்சம்பவம் அப்பகுதியில் பரபரப்பை ஏற்படுத்தியுள்ளது.

சீர்திருத்தப் பள்ளிகள்

19 ஆம் நூற்றாண்டில் குற்றவியல் குழந்தைகளுக்கு வழங்கப்பட்ட தண்டனை வசதிகள் மற்றும் 1850 இல் தொடங்கி அரசாங்கத்தால் சான்றளிக்கப்பட்டன. சமூகத்தின் மதிப்புகள் மாறியதால், சீர்திருத்தங்களின் பயன்பாடு குறைந்து, அவை பாராளுமன்றச் சட்டத்தின் மூலம் ஒருங்கிணைக்கப்பட்டது. அங்கீகரிக்கப்பட்ட பள்ளிகள் . அவர்களின் சில நடைமுறைகளில் இதேபோன்று இருந்தாலும், தொழில்துறை பள்ளிகள் பாதிக்கப்படக்கூடிய குழந்தைகள் குற்றவாளிகளாக மாறுவதைத் தடுக்கும் நோக்கம் கொண்டது.

சிறைத்தண்டனை விதிக்கப்பட்ட பதினைந்து வயதுக்குட்பட்ட சிறுவர்களை சீர்திருத்தப் பள்ளிகளுக்கு அனுப்புவதற்கு மாஜிஸ்திரேட்டுகளின் அதிகாரம்: 

சிறைத் தண்டனையை நிறைவேற்றும் வகையில், இளமைக் குற்றவாளி அடைக்கப்பட்டிருக்கும் சிறைச்சாலையின் பொறுப்பாளர், பதினைந்து வயதை எட்டாத பட்சத்தில், அந்தச் சிறைச்சாலை அமைந்துள்ள மாவட்ட ஆட்சியரிடம் அவரைக் கொண்டு வரலாம் மற்றும் அத்தகைய மாஜிஸ்திரேட், அத்தகைய இளமைக் குற்றவாளி, சீர்திருத்தப் பள்ளியின் கைதியாகத் தகுதியான நபராகத் தோன்றினால், எஞ்சியிருக்கும் தண்டனைக் காலத்தை அடைவதற்குப் பதிலாக, அவர் ஒரு சீர்திருத்தப் பள்ளிக்கு அனுப்பப்பட்டு, அங்கே காவலில் வைக்கப்பட வேண்டும் என்று அறிவுறுத்தலாம். சட்டப்பிரிவு 8 அல்லது கீழ் குறிப்பிடப்பட்டுள்ள அதே வரம்புகளுக்கு உட்பட்டது, காவலில் வைத்திருக்கும் காலத்தின் மூலம் அங்கீகரிக்கப்பட்ட காலம்.

கோயில் அர்ச்சகர் போக்சோ சட்டத்தின் கீழ் கைது...

கோயில் அர்ச்சகர் போக்சோ சட்டத்தின் கீழ் கைது...

தேனி மாவட்டம் பெரியகுளம் அருகே வடகரை பகுதியில் சிறார்களை கோயிலுக்குள் அழைத்து பாலியல் சீண்டலில் ஈடுபட்ட கோயில் அர்ச்சகர் திலகர் (வயது 70) போக்சோ சட்டத்தின் கீழ் கைது...

குழந்தைகள் தங்களின் பெற்றோரிடம் இது குறித்து தெரிவிக்க, அப்பகுதி மக்கள் கோயிலை நோக்கி திரண்டு வர, அர்ச்சகர் திலகர் உள்ளே இருந்துகொண்டு கோயிலைப் பூட்டியுள்ளார்.

போலீசாருக்கு தகவல் தெரிந்து அவர்கள் வந்து அர்ச்சகர் திலகரை அழைத்துச் சென்று வழக்குப்பதிவு செய்து சிறையில் அடைத்தனர்...

தேனி மாவட்டத்தில் இந்து சமய அறநிலையத் துறைக்குச் சொந்தமான பகவதி அம்மன் கோயிலில் 70 வயது நபர் பூசாரியாக பணிபுரிந்து வருகிறார். இந்நிலையில், நேற்று மாலை கோயில் முன்பாக விளையாடிக் கொண்டிருந்த இரண்டு சிறுமிகளுக்கு இனிப்பு வழங்கி கோயிலுக்குள் அழைத்துச் சென்ற பூசாரி, அவர்களுக்கு பாலியல் தொல்லை அளித்துள்ளார்.

இதனையடுத்து, பதட்டத்துடன் வெளியே வந்த சிறுமி, இந்த சம்பவம் பற்றி தனது பெற்றோரிடம் தெரிவித்துள்ளார். பின்னர், சிறுமியின் பெற்றோர், உறவினர்கள் மற்றும் அப்பகுதி மக்கள் கோயில் முன்பாக கூடினர். இதனைத் தொடர்ந்து, உறவினர்கள் தாக்க வந்து விடுவார்கள் என நினைத்த பூசாரி, கோயிலை பூட்டிக் கொண்டு கோயிலுக்குள் ஒளிந்து கொண்டார்.

இதனை அடுத்து, வடகரை காவல்துறையினருக்கு கொடுத்த தகவலின் அடிப்படையில், காவல்துறையினர் கோயிலை அடைத்துக் கொண்டு உள்ளே ஒளிந்திருந்த பூசாரியை அழைத்து, கோயிலைத் திறந்து கோவிலுக்குள்ளேயே விசாரணை மேற்கொண்டனர். இதனிடையே, சிறுவர் சிறுமியரின் உறவினர்கள் பெருமளவு திரண்டு பூசாரியைத் தாக்கும் முயற்சியில் ஈடுபட முற்பட்டதால், காவல்துறையினர் கோயில் பூசாரியை வடகரை காவல் நிலையத்திற்கு அழைத்துச் சென்றனர்.

மேலும், இச்சம்பவம் தொடர்பாக பாதிக்கப்பட்ட சிறுமியின் பெற்றோர் கொடுத்த புகாரின் அடிப்படையில், காவல்துறையினர் பூசாரி திலகர் மீது போக்சோ சட்டத்தின் கீழ் வழக்குப் பதிவு செய்தனர். தொடர்ந்து, அவர் நீதிமன்ற உத்தரவின் பேரில் 15 நாட்கள் நீதிமன்றக் காவலில் சிறையில் அடைக்கப்பட்டுள்ளார்.

Application form for getting duplicate Second Copy 12th standard mark list certificate, if it is lost...

 

12ஆம் வகுப்பு மதிப்பெண் சான்றிதழ் தொலைந்து போனால் இரண்டாம் படி நகல் பெறுவதற்கான விண்ணப்பப் படிவம்...

Application form for getting duplicate Second Copy 12th standard mark list certificate, if it is lost...

>>> தரவிறக்கம் செய்ய இங்கே சொடுக்கவும்...

Application form for getting duplicate 10th standard mark certificate is lost...

10ஆம் வகுப்பு மதிப்பெண் சான்றிதழ் தொலைந்து போனால் இரண்டாம் படி பெறுவதற்கான விண்ணப்பப் படிவம்...

Application form for getting duplicate 10th standard mark list certificate, if it is lost...

>>> தரவிறக்கம் செய்ய இங்கே சொடுக்கவும்...

Agenda of the review meeting for all District Chief Education Officers to be held at Chennai on 27-09-2024...

 27-09-2024 அன்று சென்னையில் நடைபெறவுள்ள அனைத்து மாவட்ட முதன்மைக் கல்வி அலுவலர்களுக்கான மீளாய்வுக் கூட்ட கூட்டப்பொருள்...

Agenda of the review meeting for all District Chief Education Officers to be held at Chennai on 27-09-2024...

>>> தரவிறக்கம் செய்ய இங்கே சொடுக்கவும்...

B.Lit., degree is eligible for teaching job - Dr. Ramadoss urges Government to declare...

 

பி.லிட்., பட்டம் ஆசிரியர் பணிக்கு தகுதியானது என அரசு அறிவிக்க மருத்துவர் ராமதாஸ் வலியுறுத்தல்...

அண்ணாமலை பல்கலைக்கழகத்தின் பி.லிட்., பட்டம் ஆசிரியர் பணிக்கு தகுதியானது என அரசு அறிவிக்க மருத்துவர் ராமதாஸ் அவர்கள் வலியுறுத்தல்...

அண்ணாமலை பல்கலைக்கழகத்தில் பி.லிட் பட்டம் பெற்றவர்களுக்கு ஆசிரியர் பணி மறுப்பதா? என்றும் அண்ணாமலை பல்கலைக்கழகத்தில் பெறப்பட்ட பி.லிட் பட்டம் தமிழாசிரியர் பணிக்கு தகுதியானதுதான் என்று தமிழக அரசு அறிவிக்க வேண்டும் எனவும் பாமக நிறுவனர் ராமதாஸ் வலியுறுத்தியுள்ளார்.

இது குறித்து அவர் வெளியிட்டிருக்கும் அறிக்கையில், “அண்ணாமலை பல்கலைக்கழகத்தில் இளநிலை இலக்கியம் (பி.லிட்) படித்து தேர்ச்சி பெற்றவர்களை, அவர்கள் பட்டதாரி ஆசிரியர் பணிக்கான போட்டித் தேர்வுகளில் வெற்றி பெற்றும் வேலை வழங்க ஆசிரியர் தேர்வு வாரியம் மறுத்திருக்கிறது. அண்ணாமலைப் பல்கலைக்கழகத்தின் பி.லிட் பட்டம் பி.ஏ(தமிழ் இலக்கியம்) படிப்புக்கு இணையானது அல்ல என்று நூற்றுக்கும் மேற்பட்ட பட்டதாரிகளின் வேலைவாய்ப்புகளை தமிழ்நாடு ஆசிரியர் தேர்வு வாரியம் பறிக்க முயல்வது கண்டிக்கத்தக்கதாகும்.

தமிழ்நாட்டில் அரசு பள்ளிகளில் உள்ள பட்டதாரி ஆசிரியர் பணியிடங்களை நிரப்பும் நோக்குடன் 394 தமிழாசிரியர்கள் உள்ளிட்ட 2222 ஆசிரியர்களை போட்டித் தேர்வின் மூலம் தேர்ந்தெடுப்பதற்கான அறிவிக்கையை கடந்த 25.10.2023 ஆம் நாள் தமிழ்நாடு ஆசிரியர் தேர்வு வாரியம் வெளியிட்டது. பின்னர் பணியிடங்களின் எண்ணிக்கை 518 தமிழாசிரியர்கள் உட்பட மொத்தம் 3192 என அதிகரிக்கப்பட்டது.

இந்த பணிகளுக்கான போட்டித்தேர்வு கடந்த பிப்ரவரி 4 ஆம் தேதி நடத்தப்பட்டு முடிவுகள் அறிவிக்கப்பட்டன. அதைத் தொடர்ந்து ஜூன், ஜூலை மாதங்களில் நடைபெற்ற சான்றிதழ் சரிபார்ப்புக்குப் பிறகு ஆகஸ்ட் 24 ஆம் நாள் தற்காலிகமாக தேர்ந்தெடுக்கப்பட்ட ஆசிரியர்கள் பட்டியல் வெளியிடப்பட்டது.

தமிழாசிரியர் பணிக்கு 518 பேர் தேர்வு செய்யப்பட்டுள்ள நிலையில், 164 பேரின் தேர்ச்சி தற்காலிகமாக நிறுத்தி வைக்கப்பட்டிருப்பதாக ஆசிரியர் தேர்வு வாரியம் அறிவித்துள்ளது. அவர்கள் அனைவரும் சிதம்பரம் அண்ணாமலை பல்கலைக்கழகத்தில் பி.லிட் பட்டம் பெற்றவர்கள். அந்தப் பட்டம் தமிழாசிரியர் பணிக்கு அடிப்படைத் தகுதியான பி.ஏ. தமிழ் இலக்கியம் பட்டத்திற்கு இணையானது இல்லை என்பதால் அவர்களின் தேர்ச்சி நிறுத்தி வைக்கப்பட்டிருப்பதாக ஆசிரியர் தேர்வு வாரியம் தெரிவித்திருக்கிறது. இது எந்த வகையிலும் நியாயப்படுத்த முடியாத, சமூகநீதிக்கு எதிரான, ஒருதலைபட்சமான முடிவாகும்.

சென்னையில் கடந்த 11.04.2023 ஆம் நாள் நடைபெற்ற தமிழ்நாடு உயர்கல்வி மாமன்றத்தின் சமத் தகுதி நிர்ணயக் குழுவின் கூட்டத்தில் அண்ணாமலை பல்கலைக்கழகத்தில் வழங்கப்படும் பி.லிட் பட்டம் பி.ஏ(தமிழ் இலக்கியம்) படிப்புக்கு இணையானது அல்ல என்று தீர்மானம் நிறைவேற்றப்பட்டு இருப்பதைக் காரணம் காட்டி, அண்ணாமலை பல்கலைக்கழகத்தில் பி.லிட் பட்டம் பெற்றவர்களுக்கு ஆசிரியர் பணி மறுக்கப்பட்டிருக்கிறது. ஆசிரியர் தேர்வு வாரியத்தின் இம்முடிவு இரு வகைகளில் தவறு.

முதலாவதாக, 06.09.2012 ஆம் நாள் நடைபெற்ற சமத் தகுதி நிர்ணயக்குழு கூட்டத்தில் அண்ணாமலை பல்கலைக்கழகத்தில் வழங்கப்படும் பி.லிட் பட்டம் வேலைவாய்ப்புகளைப் பொறுத்தவரை சென்னை பல்கலைக்கழகத்தின் பி.லிட். தமிழ் இலக்கியப் பட்டத்திற்கு இணையானது என்று தீர்மானிக்கப்பட்டுள்ளது.

அதன்பின் 11 ஆண்டுகளுக்குப் பிறகு கடந்த ஆண்டு ஏப்ரல் மாதம் நடந்த சமத்தகுதி நிர்ணயக்குழு கூட்டத்தில் தான் அண்ணாமலை பல்கலைக்கழக பி.லிட் பட்டம், பி.ஏ., தமிழ் இலக்கியப் பட்டத்திற்கு இணையானது அல்ல என தீர்மானிக்கப் பட்டுள்ள நிலையில், இடைப்பட்ட காலத்தில் பெறப்பட்ட பி.லிட் பட்டங்கள் அனைத்தும் சென்னை பல்கலையின் பி.லிட். தமிழ் இலக்கிய பட்டத்திற்கு இணையானவையாகவே கருதப்பட வேண்டும். அந்த வகையில், அண்ணாமலை பல்கலைக் கழகத்தில் பி.லிட் பட்டம் பெற்ற அனைவரும் தமிழாசிரியராக நியமிக்கப்பட தகுதியானவர்கள் தான்.

இரண்டாவதாக, ஆசிரியர் தேர்வு வாரியத்தால் கடந்த 25.10.2023 ஆம் நாள் வெளியிடப்பட்ட ஆள்தேர்வு அறிவிக்கையின் 38 ஆம் பக்கத்தில் இடம்பெற்றுள்ள நான்காவது இணைப்பில் வரிசை எண் இரண்டில் அண்ணாமலை பல்கலைக்கழகம், பாரதியார் பல்கலைக்கழகம் ஆகியவற்றின் பி.லிட் பட்டங்கள், சென்னை பல்கலைக்கழகத்தின் பி.லிட் பட்டத்திற்கு இணையானவை என 20.09.2012 தேதியிட்ட அரசாணையில் குறிப்பிடப்பட்டிருப்பது சுட்டிக்காட்டப்பட்டுள்ளது. சென்னை பல்கலைக்கழகத்தின் பி.லிட் பட்டம் தமிழாசிரியர் பணிக்கு தகுதியானது எனும் போது, அண்ணாமலை பல்கலை. பி.லிட் பட்டமும் தகுதியானது தான்.

இவை இரண்டையும் கடந்து பி.ஏ. தமிழ் இலக்கியத்திற்கான பாடத்திட்டத்தில் உள்ள 70, 80% பாடங்களைக் கொண்ட எந்த படிப்பும் பி.ஏ. தமிழ் இலக்கியத்திற்கு இணையானதாகவே பார்க்கப்பட வேண்டும். அண்ணாமலைப் பல்கலைக்கழகத்தில் பி.லிட் பட்டம் பெற்றவர்கள், அதை அடிப்படைத் தகுதியாகக் கொண்டு தமிழ் இலக்கியத்தில் பி.எட் பட்டம் பெற்றுள்ளனர்.

அதைத் தொடர்ந்து ஆசிரியர் வாரியம் நடத்திய ஆசிரியர் தகுதித் தேர்வில் வெற்றி பெற்று தமிழாசிரியர் ஆக தகுதி பெற்றுள்ளனர். இத்தகைய சூழலில் பொருந்தாதக் காரணங்களைக் கூறி 164 பட்டதாரி ஆசிரியர்களின் வேலைவாய்ப்பை பறிப்பது மிகப்பெரிய சமூக அநீதி ஆகும். இந்த அநீதியை களைய வேண்டிய பொறுப்பு தமிழ்நாடு அரசுக்கு உண்டு.

எனவே, அண்ணாமலை பல்கலைக்கழகத்தின் பெறப்பட்ட பி.லிட் பட்டம் தமிழாசிரியர் பணிக்கு தகுதியானது தான் என்று தமிழ்நாடு அரசு அறிவிக்க வேண்டும். இது தொடர்பான வழிகாட்டுதல்களை ஆசிரியர் தேர்வு வாரியத்திற்கு தமிழ்நாடு உயர்கல்வி மாமன்றத்துடன் இணைந்து உயர்கல்வித்துறை வழங்க வேண்டும், அதன்மூலம் தேர்ச்சி நிறுத்தி வைக்கப்பட்டுள்ள அண்ணாமலைப் பல்கலைக்கழக பி.லிட் பட்டதாரிகள் 164 பேருக்கும் தமிழாசிரியர் பணி வழங்கப்படுவதை அரசு உறுதி செய்ய வேண்டும்” எனத் தெரிவித்துள்ளார்.

பள்ளி காலை வழிபாட்டு செயல்பாடுகள் - 26-09-2024...

  

 

பள்ளி காலை வழிபாட்டு செயல்பாடுகள் - 26-09-2024  - School Morning Prayer Activities...

திருக்குறள்:

பால்: பொருட்பால்

அதிகாரம் :நட்பு ஆராய்தல்

குறள் எண்:794

குடிப்பிறந்து தன்கண் பழிநாணு வானைக்

கொடுத்தும் கொளல்வேண்டும் நட்பு.

பொருள் :உயர்ந்த குடியில் பிறந்து, தன்னிடத்தில் வரக்கூடிய பழிக்கு நாணுகின்றவனைப் பொருள் கொடுத்தாவது நட்பு கொள்ள வேண்டும்.

பழமொழி :

கடுகு சிறுத்தாலும் காரம் குறையாது.

Don't measure the worth of a person by their size.

இரண்டொழுக்க பண்புகள் : 

* தேர்வுகள் எழுதுவது எனது கற்றல் திறனை நானே அறிந்து கொள்ள உதவும். எனவே தேர்வுக்கு நன்கு படித்து தயாராவேன்.                             

* கையெழுத்து அழகாக இருந்தால் நான் எழுதும் விபரம் பிறருக்கு நன்கு புரியும்.  எனவே எப்போதும் அழகாக எழுதுவேன்.

பொன்மொழி :

நேர்மறை எண்ணங்களே சாதனைக்கு வழிகாட்டும் ---ஹெலன் கெல்லர்

பொது அறிவு :

1. கீரின்விச் கோட்டிற்கு மேற்கே செல்லச்செல்ல

விடை: நேரம் குறையும்.

2. நான்கு பக்கங்களிலும் கடலால் சூழப்பட்ட நிலப்பகுதி

விடை: தீவு

English words & meanings :

burning-எரித்தல்,

caustic-நாசமாக்குகிற

வேளாண்மையும் வாழ்வும் :

ஏரியை வடிவைமைத்த பிறகு அதிலிருந்து தண்ணீர் வெளியேறத் தமிழன் கண்டுபிடித்த தொழில்நுட்பம்தான் "மடை"

செப்டம்பர் 26

மன்மோகன் சிங் அவர்களின் பிறந்தநாள்

மன்மோகன் சிங் (Manmohan Singh, பஞ்சாபி: ਮਨਮੋਹਨ ਸਿੰਘ, பிறப்பு: செப்டம்பர் 26, 1932) இந்தியாவின் 14 ஆவது, பிரதமர் ஆவார். மன்மோகன் சிங், மேற்கு பஞ்சாபிலுள்ள கா என்னும் (தற்போது பாகிஸ்தானில் உள்ளது) ஊரில் பிறந்தார். இவர் இந்திய தேசிய காங்கிரசு கட்சியைச் சேர்ந்தவர். மே 22, 2004 இல் இந்தியப் பிரதமராகப் பதவியேற்றார்

1991 முதல் 1996 வரை பி. வி. நரசிம்ம ராவ் அமைச்சரவையில் மன்மோகன் சிங் நிதி அமைச்சராக பணியாற்றினார். கல்வியாலும், பயிற்சியாலும் தேர்ந்த பொருளாதாரவியல் வல்லுநரான அவர், இந்தியாவின் பொருளாதார தாராளமயமாக்கல் கொள்கையின் துவக்கத்தில் பெரும்பங்கு வகித்தார். மன்மோகன் சிங் பொருளாதாரத்தில் முனைவர் பட்டம் பெற்றவர். மேலும் மத்திய ரிசர்வ் வங்கியின் தலைவராகவும் பதவி வகித்துள்ளார். அவர் நிதியமைச்சராகும் முன் பின்தங்கிய நிலையில் இருந்த இந்திய பொருளாதாரம், இவரின் கொள்கைகளால் முன்னேறத் துவங்கியது எனக் கருதப்படுகிறது.

நீதிக்கதை

விதியை மாற்றி அமைக்கலாம்

ஒருமுறை ஒரு ராஜா பெரிய ராணுவப்படை ஒன்றை தயார் செய்து போருக்கு தயாரானார் எப்படியும் இந்த போரில் தாம் வெல்வோம் என்ற நம்பிக்கையுடன் இருந்தார்.

ஆனால் அந்தப் படை வீரர்களோ பெரும் சந்தேகத்துடனே இருந்தார்கள்.  மேலும் சோர்ந்து போய், நம்பிக்கையற்று  இருந்தார்கள்.

அதனால் அந்த ராஜா தனது  தனது வீரர்களுக்கு நம்பிக்கையூட்ட,தைரியத்தை வரவழைக்க என்ன செய்யலாம் என்று யோசனை கேட்க ஒரு ஜென் துறவியை பார்க்க  புறப்பட்டார்.

அப்போது துறவி ராஜாவிடம் ஒரு யோசனை கூறினார். அதேபோல் ராஜாவும் செய்தார்.

அது என்னவென்றால், அந்த ராஜா போருக்கு செல்லும் வழியில் உள்ள கோவிலில் பூஜை செய்துவிட்டு  ஒரு நாணயத்தை எடுத்து வீரர்களிடம் காண்பித்து "நான் இப்போது இந்த நாணயத்தை சுழற்றி விடுவேன் தலை விழுந்தால் நாம் போரில் ஜெயிப்போம் இல்லையெனில் தோற்போம்" என்று துறவி கூறியதை படைவீரர்களிடம் கூறினார்.

"நம் தலைவிதி இந்த  நாணயத்தை பொறு த்து அமையட்டும்" என்று மன்னர் கூறியபடி நாணயத்தை சுழற்றினார். அனைவரும் ஆர்வத்துடன் நாணயத்தை பார்த்திருந்தனர்.

தலை விழுந்தது. அந்த வீரர்கள் மிகவும் சந்தோஷத்துடன் நாம் கண்டிப்பாக வெற்றி பெறுவோம் என்று நம்பிக்கையுடன் போர்க்களத்தை நோக்கி புறப்பட்டனர்.

போர்க்களத்தில் வெற்றியும் பெற்றனர். அப்போது துணை தளபதி அவர்கள் "பார்த்தீர்களா!மன்னா  நாம் தான் வெற்றி பெற்று பெறுவோம் என்று இருக்கிறது. நாம் தான் வெற்றி பெற்றுள்ளோம். விதியை யாராலும் மாற்ற முடியாது" என்று கூறினார்.

அப்போது மன்னரோ, தன்னிடம் இருந்த நாணயத்தின் இரு பக்கத்திலும் தலை இருப்பதை காண்பித்தார். இதைக் கொண்டே துறவி கூறியபடி,தாம் தம் படைவீரர்களுக்கு உற்சாகத்தையும் நம்பிக்கையையும் அளித்ததாக விளக்கினார்.

நீதி: நம்பிக்கையுடன் செயல்பட்டால் எத்தகைய காரியத்தையும் எளிதில் முடிக்கலாம்.விதியையும்  மாற்றி அமைக்கலாம்.

இன்றைய செய்திகள்

26.09.2024

*50 லட்சம் இளைஞர்களுக்கு வேலை உருவாக்க இலக்கு முதல்வர் மு.க.ஸ்டாலின். 

* அரசு, அரசு உதவிபெறும் மற்றும் தனியார் பள்ளிகளில் 1 முதல் 12 வகுப்புகளுக்கான காலாண்டுத் தேர்வு நடந்து வரும் நிலையில் , காலாண்டு விடுமுறை நீட்டிப்பு குறித்த அறிவிப்பு வெளியாகியுள்ளது. அக்டோபர் 7ஆம் தேதி பள்ளிகள் திறக்கும்.

*அரசுப் போட்டித் தேர்வுகளில் மாற்றுத்திறனாளிகள் அதிக அளவில் தேர்வாக வேண்டும் என்பதை மையமாக வைத்து, ஆண்டுதோறும் 200 பேருக்கு சிறப்பு பயிற்சி வழங்க ₹12.90 லட்சம் ஒதுக்கி அரசாணை வெளியீடு!

*மயிலாப்பூரில் உள்ள எஸ்.ஐ. காது கேளாதோருக்கான மேல்நிலைப் பள்ளியில் முதல்கட்ட வகுப்புகள் நடத்தப்படும்.

* ஆசியாவின் 3ஆவது சக்திவாய்ந்த நாடு இந்தியா: லோவி மதிப்பீட்டு நிறுவனம் அறிவிப்பு!!

* இந்திய விமானப் படை துணைத் தளபதியாக ஏர் மார்ஷல் எஸ்.பி. தார்கர் நியமிக்கப்பட்டுள்ளார்.

* பாரிஸ் பாராலிம்பிக் போட்டிகளில் பதக்கம் வென்ற வீரர் மற்றும் வீராங்கனைகளுக்கு முதல்வர்  ஊக்கத் தொகை வழங்கி கவுரவிப்பு.

* ஹாங்சோ ஓபன் டென்னிஸ் தொடரில் ஆண்கள் இரட்டையர் பிரிவில் இந்திய இணை சாம்பியன் பட்டம் வென்றது.

* ஐ.எஸ்.எல். கால்பந்து ; ஐதராபாத் அணியை வீழ்த்தி பஞ்சாப் வெற்றி.

* ஐ.சி.சி. டெஸ்ட் தரவரிசை: தொடர்ந்து முதலிடத்தில் நீடிக்கும் அஸ்வின்.

Today's Headlines

* Chief Minister M. K. Stalin's said the government's target is to create jobs for 50 lakh youth.

* While the quarterly examination for classes 1 to 12 is going on in government, government-aided and private schools, an announcement has been made regarding the extension of the quarterly vacation. Schools will re open on October 7.

*Focusing on the fact that disabled persons should be selected in large numbers in government competitive examinations,₹12.90 lakh is allotted to provide special training to 200 people every year.

* First Stage classes will be held in the SI  Higher Secondary School for the Deaf in Mylapore.

* India is Asia's 3rd most powerful country: Loewy Ratings Announces!!

* Air Marshal S.P. Darkar is appointed as the Deputy Commander of the Indian Air Force.

* Those who won the Medal at the Paris  CM Stalin has awarded the winners with incentives.

*India won the men's doubles co-champion title at the Hangzhou Open tennis tournament.

*ISL football; Punjab won by defeating Hyderabad.

* ICC Test rankings: Ashwin continues at number one.

Prepared by

Covai women ICT_போதிமரம்