ஒருங்கிணைந்த பள்ளிக் கல்வி
மாநிலத் திட்ட இயக்ககம், சென்னை - 06
ந.க.எண்: 8 /ஒபக/SCG/2021 நாள் 11 .03.2022
பொருள்: ஒருங்கிணைந்த பள்ளிக் கல்வி - 2021-2022 ஆம் நிதியாண்டு - அரசு தொடக்கநிலை/ நடுநிலை /உயர்நிலை மற்றும் மேல்நிலைப் பள்ளிகளுக்கு - பள்ளி மானியத் தொகைக்கான (Composite School Grant) - பயன்பாட்டுச் சான்றிதழ் மற்றும் அதற்கான வழிகாட்டுதல் - சார்பு.
பார்வை: 1: இவ்வியக்கக செயல்முறைகள் ந.க.எண் 8/ஒபக/ SCG (Secondary) / 2020-2021 நாள் : 21.08.2021.
2. இவ்வியக்கக செயல்முறைகள் ந.க.எண்8/ஒபக/ SCG (Secondary) / 2020-2021 நாள் : 05 .01.2022 .
3. இவ்வியக்கக செயல்முறைகள் ந.க.எண்8/ஒபக/ SCG (Elementary) / 2020-2021 நாள் : 22 .10 .2021.
4. இவ்வியக்கக செயல்முறைகள் ந.க.எண்8/ஒபக/ SCG (Elementary) / 2020-2021 நாள் : 03 .01.2022 .
அனைத்து அரசு தொடக்க, நடுநிலை/ உயர்நிலை / மேல்நிலைப் பள்ளிகளில் தரமான கல்வியை வழங்குவதற்கும், மாணவர்கள் நல்ல சூழலில் கல்வி கற்பதற்கும் மற்றும் பள்ளி வசதிகளை பராமரிப்பதற்கும் நிதி ஆதாரமாக ஆண்டு தோறும் ஒருங்கிணைந்த பள்ளிக் கல்வி மூலம் பள்ளி மானியம் வழங்கப்படுகிறது.
பார்வை 1 மற்றும். 2 -ல் ஒன்றிய கல்வி அமைச்சகத்தின், திட்ட ஒப்புதல் குழு 2021-2022 ஆம் ஆண்டிற்கு ஒருங்கிணைந்த பள்ளிக் கல்வியின் கீழ் தொடர் செலவினத்திற்காக, UDISE 2019-2020 ன்படி, பள்ளி மாணவர்களின் எண்ணிக்கைக் கேற்ப 6,177 அரசு உயர்நிலை மற்றும் மேல்நிலைப் பள்ளிகளுக்கு ரூ.3837.85 இலட்சம் பள்ளி மானியம் வழங்கப்பட்டது.
பார்வை 3 மற்றும் 4 -ல் UDISE 2019-2020 ன்படி, பள்ளி மாணவர்களின் எண்ணிக்கைக்கேற்ப 31214 அனைத்து அரசு தொடக்க நிலை மற்றும் நடுநிலை நகராட்சி / மாநகராட்சி/ நலத்துறைப் பள்ளிகளுக்கு ரூ.7790.3 இலட்சம் பள்ளி மானியம் வழங்கப்பட்டது.
மேலும் பள்ளி மானியத் தொகையில், மாநில திட்ட இயக்ககத்தால் வழங்கப்பட்ட வழிகாட்டு நெறிமுறைகளின் முக்கியத்துவம் குறித்து அந்தந்த மாவட்டங்களில் கூட்டம் நடத்தி அதற்கான செலவின விவரம் மற்றும் கூட்டத்தின் தொகுப்பறிக்கையினை 18.03.2021-க்குள் மாநில திட்ட இயக்ககத்திற்கு அனுப்புதல் வேண்டும். இறுதியாக அனைத்து பள்ளிகளும் மார்ச் மாத (31.03.2022) இறுதிக்குள் செலவிடுவதை உறுதி செய்யவும், பள்ளிகளில் தலைமை ஆசிரியர்கள் செலவின விவரத்தை EMIS Portal- ல் பதிவேற்றம் செய்வதை உறுதி செய்யவும் அனைத்து முதன்மைக் கல்வி அலுவலர்கள் கேட்டுக்கொள்ளப் படுகிறார்கள்..
