Teacher assaults HeadMistress – Shocking video
தலைமை ஆசிரியையை தாக்கிய ஆசிரியை - அதிர்ச்சி காணொளி
கரூரில், அரசுப் பள்ளித் தலைமை ஆசிரியையை இடைநிலை ஆசிரியை மாணவர்களின் முன்னிலையிலேயே தாக்கும் வீடியோ சமூக வலைதளங்களில் வைரலாகி வருகிறது. கரூர் மாவட்டம், தாந்தோன்றிமலை ஊராட்சி ஒன்றியத்துக்கு உட்பட்ட ஆண்டாங்கோவில் அரசு தொடக்கப் பள்ளியில் தலைமை ஆசிரியையாக புவனா என்பவரும், இடைநிலை ஆசிரியையாகக் கலைமதி என்பவரும் பணியாற்றி வருகின்றனர். ஆசிரியை கலைமதி சரியாகப் பள்ளிக்கு வருவதில்லை என்றும், பணியைச் சரியாகக் கவனிப்பதில்லை என்றும் வட்டாரக் கல்வி அலுவலரிடம் தலைமை ஆசிரியை புவனா புகார் அளித்துள்ளார். இந்தப் புகாரின் பேரில் அதிகாரிகள் விசாரணை நடத்தியுள்ளனர். இதனால் ஆத்திரமடைந்த ஆசிரியை கலைமதி, கடந்த ஜூலை 30-ஆம் தேதி வகுப்பறையில் மாணவர்கள் மத்தியில் தலைமை ஆசிரியை புவனாவைத் தாக்கியுள்ளார். இந்தச் சம்பவத்தை வேறொரு ஆசிரியை தனது செல் போனில் பதிவு செய்துள்ளார். அந்த வீடியோ தற்போது சமூக வலைதளங்களில் வெளியாகி வைரலாகி அதிர்ச்சியை ஏற்படுத்தி வருகிறது.
கருத்துகள் இல்லை:
கருத்துரையிடுக
குறிப்பு: இந்த வலைப்பதிவின் உறுப்பினர் மட்டுமே ஒரு கருத்துரையை வெளியிடக்கூடும்.