பல்லி விழுந்த காலை உணவை சாப்பிட்ட 30 மாணவர்கள் மருத்துவமனையில் அனுமதி
பள்ளி மாணவர்கள் 30 பேர் மருத்துவமனையில் அனுமதி - திட்டம் தொடங்கிய 2 நாட்களில் இப்படியா?
காமராஜர் காலை உணவு திட்டம் தொடங்கப்பட்ட இரண்டு நாட்களிலே, பல்லி விழுந்த உணவு சாப்பிட்ட மாணவர்கள் மருத்துவமனையில் அனுமதி.
திருவள்ளூர் அருகே அரசு பள்ளியில் பல்லி விழுந்த காலை உணவு சாப்பிட்ட 30க்கும் மேற்பட்ட மாணவர்கள் மருத்துவமனையில் அனுமதிக்கப்பட்டு சிகிச்சை பெற்று வரும் சம்பவம் அதிர்ச்சியையும் பரபரப்பையும் ஏற்படுத்தி உள்ளது
திருவள்ளூர் அடுத்த கொட்டையூரில் அரசு நடுநிலைப் பள்ளி செயல்பட்டு வருகிறது. இந்தப் பள்ளியில் 40க்கும் மேற்பட்ட மாணவர்கள் ஒன்றாம் வகுப்பு முதல் எட்டாம் வகுப்பு வரை பயின்று வருகின்றனர்.
முதலமைச்சர் ஜோசப் விஜய் அவர்கள் விரிவாக்கப்பட்ட காமராஜர் காலை உணவு திட்டம் இந்தப் பள்ளியில் செயல்படுத்தப்பட்டு வருகிறது. நேற்று காலை பள்ளிக்கு வந்த மாணவர்களுக்கு காலை உணவு பரிமாறப்பட்டது. உணவை மாணவர்கள் காலை சாப்பிட்டு கொண்டு இருந்துள்ளனர். அதில் ஒரு மாணவரின் உணவில் பல்லி விழுந்து இருந்ததை கண்டு அதிர்ச்சி அடைந்துள்ளனர்
அதனைத் தொடர்ந்து அனைத்து மாணவர்களும் சாப்பிடுவதை நிறுத்தியுள்ளனர். பின்னர் மூன்றுக்கும் மேற்பட்ட ஆம்புலன்ஸ் வாகனம் வரவைக்கப்பட்டு மாணவர்களை அனைவரையும் ஆம்புலன்ஸ் வாகனத்தில் ஏற்றி திருவள்ளூர் அரசு மருத்துவமனையில் அனுமதிக்கப்பட்டு சிகிச்சை அளிக்கப்பட்டு வருகிறது.
திமுகவின் ஆட்சியில் கொண்டு வரப்பட்ட அரசு பள்ளி மாணவ, மாணவிகளுக்கான காலை உணவுத்திட்டம், தவெக ஆட்சியில் விரிவாக்கம் செய்யப்பட்டு காமராஜர் காலை உணவு திட்டம் என்று மாற்றப்பட்டது. கடந்த செவ்வாய்க்கிழமை இந்த திட்டத்தை திருவான்மியூரில் உள்ள அரசுப் பள்ளியில் முதலமைச்சர் விஜய் தொடங்கி வைத்தார். பள்ளி குழந்தைகளுக்கு வழங்கப்படும் உணவு நன்றாகவும் சுவை மற்றும் சுகாதாரமிக்கதாகவும் இருக்கும் என்று எதிர்பார்த்த நிலையில், இந்தத் திட்டம் தொடங்கிய இரண்டு நாட்களிலேயே இந்த சம்பவம் நடந்துள்ளது.
கருத்துகள் இல்லை:
கருத்துரையிடுக
குறிப்பு: இந்த வலைப்பதிவின் உறுப்பினர் மட்டுமே ஒரு கருத்துரையை வெளியிடக்கூடும்.