சிவில் நீதிபதிகள் பணி நியமன தேர்வுப் பட்டியல் இட ஒதுக்கீட்டில் தவறு நேர்ந்தது எப்படி?

 சிவில் நீதிபதிகள் பணி நியமன தேர்வுப் பட்டியல் இட ஒதுக்கீட்டில் தவறு நேர்ந்தது எப்படி?

~~~~~~~~~~~~~~~~~~~~~~

சமீபத்தில் தமிழ்நாடு அரசுப் பணியாளர் தேர்வாணையத் தால் வெளியிடப்பட்ட  சிவில் நீதிபதிகள் தேர்வுப் பட்டியலில் இட ஒதுக்கீடு சரியாக கடைபிடிக்கப்பட வில்லையெனக் கூறி, புதிய பட்டியலை வெளியிடும்படி சொல்லியிருக்கிறது சென்னை உயர் நீதிமன்றம்.

இதில் தவறு நடந்தது எங்கே?

தமிழ்நாடு அரசுப் பணியாளர் தேர்வாணையம் 245 சிவில் நீதிபதி காலிப் பணியிடங்களை நிரப்புவதற்கான அறிவிப்பை 2023-ஆம் ஆண்டு ஜூன் 1-ஆம் தேதி வெளியிட்டது. 

இதில் நடப்புப் பணியிடங்கள் 153, பின்னடைவுப் பணியிடங்கள் 92 ஆகியவை இடம்பெற்றிருந்தன. 

இந்தப் பணியிடங்களை நிரப்புவதற்கான தேர்வுகள் நடத்தி முடிக்கப்பட்டு, தற்காலிக தேர்வு பட்டியல் கடந்த பிப்ரவரி 16-ஆம் தேதி வெளியிடப்பட்டது.

இந்தத் தேர்வுப் பட்டியல் வெளியான பிறகு, இந்தத் தேர்வை எழுதிய தேர்வர்கள் சிலர் பணியிடங்களை நிரப்பும்போது இட ஒதுக்கீட்டு முறை சரியாக பின்பற்றப்படவில்லை யெனக் கூறி வழக்குத் தொடர்ந்தனர்.

"இந்தப் பட்டியலில் இடஒதுக்கீடு முறை சரியாகப் பின்பற்றப் படவில்லை. அதிக மதிப்பெண் பெற்ற தேர்வர்கள், பொதுப் பட்டியலில் இடம் பெறுவதற்குப் பதிலாக, மிகவும் பிற்படுத்தப்பட்ட மற்றும் பிற்படுத்தப்பட்ட வகுப்பினருக்கான இடஒதுக்கீட்டு இடங்களில் சேர்க்கப்பட்டுள்ளனர். 

இதனால், வேறு சிலர் இட ஒதுக்கீடு பெறுவது பாதிக்கப்பட்டுள்ளது," என்று கூறி, பாதிக்கப்பட்ட ஒன்பது தேர்வர்கள் சென்னை உயர் நீதிமன்றத்தில் வழக்குத் தொடர்ந்தனர்.

இந்த வழக்கை நீதிபதிகள் எஸ்.எம்.சுப்பிரமணியம், கே.ராஜசேகர் ஆகியோர் அடங்கிய அமர்வு விசாரித்தது.

இதில் (பிப்ரவரி 29) வியாழக்கிழமையன்று  தீர்ப்பு வழங்கிய நீதிமன்றம், "அதிக மதிப்பெண்கள் பெற்றவர்கள் இட ஒதுக்கீட்டுப் பிரிவிலும் குறைவான மதிப்பெண்கள் பெற்றவர்கள் பொதுப் பிரிவிலும் இடம் பெற்றுள்ளனர். 

இது இட ஒதுக்கீட்டுத் தத்துவத்திற்கே மாறானது. ஆகவே அந்த பட்டியலை ரத்து செய்கிறோம். 

அதிக மதிப்பெண் பெற்றவர்களை பொதுப் பிரிவில் சேர்த்தும் மற்றவர்களை உரிய இடஒதுக்கீட்டு இடங்களில் சேர்த்தும் திருத்தி அமைக்கப்பட்ட தேர்வுப் பட்டியலை அரசுப் பணியாளர் தேர்வாணையம் இரண்டு வாரங்களில் வெளியிட வேண்டும்," என உத்தரவிட்டுள்ளது.

பாட்டாளி மக்கள் கட்சியின் நிறுவனர் டாக்டர் ராமதாஸ், இதுபோல எதிர்காலத்தில் நடக்காமல் இருக்க, சமூக நீதியில் அக்கறை கொண்ட அதிகாரி ஒருவரை நியமித்து இட ஒதுக்கீடு தேர்வாணையங்களில் சரியாகப் பின்பற்றப்படுகிறதா என்பதைக் கண்காணிக்க வேண்டும் எனக் கூறியிருக்கிறார்.

"இதற்கு முன் 2019-ஆம் ஆண்டில் அரசு பள்ளிகளுக்கு 2,144 முதுநிலை பட்டதாரி ஆசிரியர்களை தேர்ந்தெடுக்கும் போதும் இதே குளறுபடிகள் நிகழ்ந்தன. 

இதை எதிர்த்து தொடரப்பட்ட வழக்கை விசாரித்த சென்னை உயர்நீதிமன்றத்தின் ஒற்றை நீதிபதி அமர்வும், இரு நீதிபதிகள் அமர்வும் ஆசிரியர் தேர்வு வாரியம் கடைபிடித்த அளவுகோல் தவறு என்று தீர்ப்பளித்தன.

"ஆனாலும், அதை ஏற்காத ஆசிரியர் தேர்வு வாரியம் உயர்நீதிமன்றத் தீர்ப்பை எதிர்த்து உச்ச நீதிமன்றத்தில் மேல்முறையீடு செய்தது. 

அம்மனுவை விசாரித்த உச்சநீதிமன்றம், தமிழ்நாடு ஆசிரியர் தேர்வு வாரியத்திற்கு கண்டனம் தெரிவித்ததுடன், 27-ஆம் விதிப்படி இட ஒதுக்கீட்டை செயல்படுத்த வேண்டும் என ஆணை பிறப்பித்தது. 

தமிழ்நாடு அரசு (எதிர்) சோபனா வழக்கு என்றழைக்கப்படும் இந்த வழக்கில் உச்ச நீதிமன்றம் அப்போது வழங்கிய தீர்ப்பின் அடிப்படையில் தான் சென்னை உயர்நீதிமன்றம் இந்தத் தீர்ப்பை வழங்கியுள்ளது.

"தேர்வாணையத்தின் 27-ஆம் விதிப்படி இட ஒதுக்கீட்டை எவ்வாறு செயல்படுத்துவது என்பது குறித்து அனைத்து தேர்வாணையங்களுக்கும் தெளிவான வழிகாட்டுதல்கள் வழங்கப்பட வேண்டும்.

"அனைத்துத் தேர்வாணையங்களிலும் இட ஒதுக்கீடு எவ்வாறு செயல்படுத்தப்படுகிறது என்பதைக் கண்காணிக்க சமூகநீதியில் அக்கறை கொண்ட அதிகாரி ஒருவர் நியமிக்கப்பட வேண்டும்," என்று அவர் விடுத்த அறிக்கையில் குறிப்பிட்டிருக்கிறார்.

TNPSC யில் இந்தத் தவறு எப்படி நடந்தது என்பது குறித்து டி.என்.பி.எஸ்.சி வட்டாரங்களில் விசாரித்தபோது, இது விதியைத் தவறாகப் புரிந்துகொண்டதால் நேர்ந்த தவறு எனத் தெரிவித்தனர்.

அதாவது, மொத்தம் 245 நீதிபதிகளைத் தேர்வுசெய்வதற்கு தேர்வு நடத்தப்பட்டது. 

அதில் 92 பணியிடங்கள் ஏற்கனவே நிரப்பப்படாமல் இருந்தவை. 

153 பணியிடங்கள் புதிதாக நிரப்பப்பட வேண்டியவை. இதில் ஏற்கனவே நிரப்பப்படாத பின்னடைவுப் பணியிடங்களைப் பொறுத்தவரை, அவைதான் முதலில் நிரப்பப்பட வேண்டும். 

மேலும், எந்தெந்த இட ஒதுக்கீட்டுப் பிரிவில் அந்தப் பணியிடங்கள் இருக்கின்றனவோ, அதைச் சரியாக பார்த்து அந்தந்த ஒதுக்கீட்டிற்கு ஏற்றபடி நிரப்ப வேண்டும்.

அதைச் செய்யும்போது, அதிக மதிப்பெண்களைப் பெற்ற பிற்படுத்தப்பட்டோர், மிகவும் பிற்படுத்தப்பட்டோர், பட்டியலினத்தோரை வைத்து அந்த இடங்கள் நிரப்பப்பட்டுவிட்டன. 

ஆனால், விதிமுறைப்படி பொதுப் பிரிவினருக்கான இடங்களை நிரப்பிவிட்டு, மீதமுள்ள இடஒதுக்கீட்டுப் பிரிவினரை வைத்துக் கொண்டு இந்தப் பட்டியலை நிரப்பியிருக்க வேண்டும். 

பின்னடைவுப் பட்டியலை முதலில் நிரப்ப வேண்டும் என்பதை சரியாகப் புரிந்துகொள்ளாததால் நேர்ந்த தவறு இது. விரைவிலேயே நீதிமன்றம் கூறியபடி புதிய பட்டியல் வெளியிடப்படும் எனத் தெரிவித்தனர்.

TNPSC வெளியிட்ட சிவில் நீதிபதி தேர்வுப் பட்டியல் ரத்து - சென்னை உயர்நீதிமன்றம் உத்தரவு...

 TNPSC வெளியிட்ட சிவில் நீதிபதி தேர்வுப் பட்டியல் ரத்து - சென்னை உயர்நீதிமன்றம் உத்தரவு...

சிவில் நீதிபதி தேர்வு முடிவுகள் அறிவிக்கப்பட்டு இருந்த நிலையில், இன்று சிவில் நீதிபதிகளின் தேர்வு பட்டியலை ரத்து செய்யுமாறு டிஎன்பிஎஸ்சிக்கு சென்னை உயர் நீதிமன்றம் உத்தரவிட்டுள்ளது. மேலும், புதிய பட்டியலை 2 வாரங்களில் வெளியிட டிஎன்பிஎஸ்சி தேர்வாணையத்திற்கு நீதிமன்றம் உத்தரவிட்டுள்ளது.

டிஎன்பிஎஸ்சி என்று அழைக்கப்படும் தமிழ்நாடு அரசு பணியாளர் தேர்வு ஆணையம் கடந்த ஆண்டு ஜூன் மாதம் தமிழ்நாட்டில் கீழமை நீதிமன்றங்களில் காலியாக உள்ள 245 சிவில் நீதிபதி பணியிடங்களை நிரப்புவதற்கான அறிவிப்பை வெளியிட்டது. இதனை தொடர்ந்து கடந்த கடந்த ஜூன் 30ஆம் தேதியுடன் இந்த பணிக்காக விண்ணப்பிக்கும் அவகாசம் முடிவடைந்தது.

மொத்தம் இந்த தேர்விற்காக 6,031 ஆண்களும், 6,005 பெண்களும், மூன்றாம் பாலினத்தவர் ஒருவர் என மொத்தம் 12,037 பேர் விண்ணப்பித்திருந்தனர். இவர்களுக்கான முதல் நிலை தேர்வு, கடந்த ஆகஸ்ட் மாதம் 19ஆம் தேதி நடந்து முடிந்தது. சென்னை, மதுரை, கோவை, திருச்சி, நெல்லை, சேலம், தஞ்சாவூர், வேலுார், விழுப்புரம் ஆகிய 9 இடங்களில், சிவில் நீதிபதி முதல் நிலை தேர்வுக்கான தேர்வு மையங்கள் அமைக்கப்பட்டிருந்தது.

இதில், தேர்ச்சி பெற்றவர்களுக்கு மெயின் தேர்வு கடந்த நவம்பரில் நடந்து முடிந்தது. இதன் பின்னர் முதன்மை எழுத்து தேர்வானது (மெயின் தேர்வு) கடந்த தாண்டு நவம்பர் 4, 5ஆம் தேதிகளில் நடந்தது. இந்தத் தேர்வில் விண்ணப்பதாரர்கள் பெற்ற மதிப்பெண்கள் மற்றும் அத்தேர்வுக்கான அறிவிப்பில் வெளியிடப்பட்ட பிற விதிகளின் அடிப்படையில் நேர்முக தேர்வுக்கு தற்காலிகமாக 472 பேர் அழைக்கப்பட்டனர். இதற்கான முடிவுகள் கடந்த ஜனவரி மாதம் 5ஆம் தேதி வெளியிடப்பட்டது.

இதனை தொடந்து, கடந்த ஜனவரி 29ஆம் தேதி முதல் பிப்ரவரி 10ஆம் தேதி வரை சென்னையில் உள்ள தமிழ்நாடு அரசு பணியாளர் தேர்வாணைய அலுவலகத்தில் நேர்முக தேர்வு நடைபெற்றது. இந்த நிலையில், சமீபத்தில் சிவில் சர்வீஸ் தேர்வில் தேர்ச்சியானவர்களின் 245 பேர் பட்டியலை டிஎன்பிஎஸ்சி வெளியிட்டது. இந்த நிலையில், 245 சிவில் நீதிபதிகளுக்கான புரவைசனல் பட்டியலை ரத்து செய்ய கோரி ஷீலா உள்ளிட்டோர் சென்னை உயர் நீதிமன்றத்தில் மனு தாக்கல் செய்தனர்.

இந்த மனுவில், சிவில் நீதிபதிகளுக்கான தேர்வில், பின்னடைவு காலி பணியிடங்களை நிரப்பாமல் இட ஒதுக்கீடு முறை தவறாக பின்பற்றப்பட்டுள்ளதாக தெரிவிக்கப்பட்டிருந்தது. இந்த வழக்கை விசாரித்த நீதிபதி, சிவில் நீதிபதிகளின் தேர்வு பட்டியலை ரத்து செய்யுமாறு டிஎன்பிஎஸ்சிக்கு உத்தரவிட்டுள்ளது. மேலும், புதிய பட்டியலை 2 வாரங்களில் வெளியிட டிஎன்பிஎஸ்சி தேர்வாணையத்திற்கு நீதிமன்றம் உத்தரவிட்டுள்ளது.

இந்தியாவில் உள்ள உயர் நீதிமன்ற நீதிபதிகளுக்கான நியமனம் மற்றும் தகுதி (Appointment and Qualification of High Court Judges in India)...

 இந்தியாவில் உள்ள உயர் நீதிமன்ற நீதிபதிகளுக்கான நியமனம் மற்றும் தகுதி (Appointment and Qualification of High Court Judges in India)...

 நாட்டில் 21 உயர் நீதிமன்றங்கள் உள்ளன, அவற்றின் அதிகார வரம்பு அனைத்து 28 மாநிலங்கள் மற்றும் 7 யூனியன் பிரதேசங்களுக்கும் நீட்டிக்கப்பட்டுள்ளது. சில நீதிமன்றங்கள் ஒன்றுக்கும் மேற்பட்ட மாநிலங்கள்/யூனியன் பிரதேசங்களை அவற்றின் அதிகார வரம்பிற்குள் கொண்டுள்ளன. எடுத்துக்காட்டாக, கவுகாத்தியில் உள்ள உயர்நீதிமன்றம் அசாம், மணிப்பூர், மேகாலயா, நாகாலாந்து, திரிபுரா, மிசோரம் மற்றும் அருணாச்சலப் பிரதேசம் ஆகியவற்றின் அதிகார வரம்பைக் கொண்டுள்ளது. சென்னை, கொல்கத்தா, எர்ணாகுளம் ஆகிய இடங்களில் உள்ள உயர் நீதிமன்றங்கள் இரட்டை அதிகார வரம்புகளைக் கொண்டுள்ளன, அதே சமயம் சண்டிகரில் உள்ள உயர் நீதிமன்றம் பஞ்சாப், ஹரியானா மற்றும் சண்டிகர் ஆகியவற்றை உள்ளடக்கியது. மாநிலத்தின் நீதித்துறையின் தலைவராக உயர் நீதிமன்றம் உள்ளது. உயர் நீதிமன்றம் ஒரு தலைமை நீதிபதி மற்றும் பிற நீதிபதிகளைக் கொண்டுள்ளது, அவர்களின் எண்ணிக்கை அவ்வப்போது மாறுபடும். இரண்டு ஆண்டுகளுக்கு மிகாமல் இருக்கும் காலத்திற்கான கூடுதல் நீதிபதிகள் தற்காலிக அடிப்படையில் ஜனாதிபதியால் நியமிக்கப்படலாம்.

 நியமனம் மற்றும் தகுதிகள்: 

உயர் நீதிமன்ற நீதிபதிகள் இந்தியத் தலைமை நீதிபதி, மாநில ஆளுநர் மற்றும் சம்பந்தப்பட்ட நீதிமன்றத்தின் தலைமை நீதிபதி ஆகியோருடன் கலந்தாலோசித்து குடியரசுத் தலைவரால் நியமிக்கப்படுகின்றனர். 

உயர்நீதிமன்ற நீதிபதியாக நியமிக்கப்படுவதற்கு, 

அந்த நபர் இந்தியக் குடிமகனாக இருக்க வேண்டும், 

அவர் இந்தியாவில் உள்ள எந்த நீதிமன்றத்திலும் பத்து ஆண்டுகளுக்குக் குறையாத காலம் நீதிபதியாகப் பணியாற்றியவராக இருக்க வேண்டும். 

இந்தியக் குடியரசுத் தலைவரால் புகழ்பெற்றதாகக் கருதக்கூடிய எந்தவொரு உயர் நீதிமன்றத்திலும் பத்தாண்டுகள் பணிபுரியும் வழக்கறிஞர்களும் தகுதியுடையவர்கள்.

 இந்தியாவில் உயர்நீதிமன்றத்தில் நீதிபதி ஆவது எப்படி? 

உயர் நீதிமன்றம் மாநில நீதித்துறை நிர்வாகத்தின் தலைவர். உயர்நீதிமன்றத்தில் நீதிபதி ஆவதற்கான தகுதிகள் ஒரு நபர் இந்திய குடிமகனாக இருக்க வேண்டும். 

இளநிலைப் பட்டப் படிப்புடன் LLB/ LLM / BL பட்டம் பெற்றிருக்க வேண்டும். 

அவர் இந்தியாவில் 10 ஆண்டுகள் நீதித்துறை பதவி வகித்திருக்க வேண்டும் அல்லது 10 ஆண்டுகள் உயர் நீதிமன்றத்தின் வழக்கறிஞராக இருந்திருக்க வேண்டும்.

 பணி நிபந்தனைகள்: 

உயர் நீதிமன்ற நீதிபதிகள் ஓய்வு பெறும் வயது 65 ஆக உள்ளது. அரசியலமைப்பில் குறிப்பிடப்பட்டுள்ள நடைமுறையின்படி நாடாளுமன்றத்தின் இரு அவைகளாலும் பதவி நீக்கம் செய்யப்பட்டாலும், அவர்களை நீக்க முடியாது. இதுவரை எந்த ஒரு நீதிபதியும் பதவி நீக்கம் செய்யப்படவில்லை. பதவி நீக்க நடவடிக்கை தொடங்கப்பட்ட ஒரு சந்தர்ப்பத்தில்,  தேவையான பெரும்பான்மையை திரட்ட முடியவில்லை. 

சம்பளம் மற்றும் இதர நன்மைகள்: 

தலைமை நீதிபதி மாத சம்பளம் ரூ. 2,50,000 மற்ற நீதிபதிகளுக்கு மாத சம்பளம் ரூ. 2,25,000. அவர்களுக்கு இலவச வசதிகளுடன் கூடிய தங்கும் உரிமையும் உண்டு. இந்த ஊதியம் மற்றும் படிகளை அவர்களுக்கு குறைக்க முடியாது. 

மாநில சட்டப் பேரவைகளால் சம்பளம் மாற்றப்படாது. 

நீதிபதிகள் எந்தவிதமான அரசியல் அழுத்தம் அல்லது செல்வாக்கிலிருந்தும் தனிமைப்படுத்தப்பட்டிருப்பதை இந்த விதி உறுதி செய்கிறது. 

எவ்வாறாயினும், நீதிபதிகள் உச்ச நீதிமன்றம் அல்லது உயர் நீதிமன்றத்தில் வாதிடவோ அல்லது செயல்படவோ தடை விதிக்கப்பட்டுள்ளனர்.

>>> உயர் நீதிமன்றம் மற்றும் உச்ச நீதிமன்ற நீதிபதிகள் (சம்பளம் மற்றும் பணி நிபந்தனைகள்) திருத்த மசோதா, 2017 & 2021...

The High Courts in India: Appointment and Qualification for Judges!

There are 21 High Court Courts in the country with their jurisdiction extending to all the 28 States and 7 Union Territories. Some courts have more than one States/ Union Territory under their jurisdiction. For example, the High Court at Guwahati has jurisdiction over Assam, Manipur, Meghalaya, Nagaland, Tripura, Mizoram and Arunachal Pradesh.

The High Courts at Chennai, Kolkata, Ernakulum have dual jurisdictions while the High Court at Chandigarh covers Punjab, Haryana and Chandigarh.

The High court stands at the head of the judiciary in the State. The High Court comprises a Chief Justice and other judges, their number varying from time to time. Additional judges for a period not exceeding two years may be appointed by the President on a temporary basis.

Appointment and Qualifications:

Judges of the High courts are appointed by the President in consultation with the Chief Justice of India, Governor of the State and also the Chief justice of the concerned court.

For appointment as a judge of a High Court the person must be an Indian citizen who has worked as a judge in any court in India for a period not less than ten years. Advocates with a ten year standing in any High Court are also eligible besides jurists whom the President of India may consider as eminent.

How to Become a Judge in High Court in India?

The high court is the chief of the state judicial administration. 

Qualifications to Become a Judge in High Court

A person must be a citizen of India.

Must have an LLB/LLM degree.

He/she should have held a judicial office in India for 10 years or he should have been an advocate of a high court for 10 years.

Service Conditions:

The age of retirement in respect of the Judges of the High Court stands at 65 years. They cannot be removed except though impeachment by both Houses of the Parliament in accordance with the procedure prescribed in the Constitution. No judge has so far been removed by impeachment. In one instance where the impeachment proceedings had been initiated, the address could not muster the requisite majority.

Salary and Fringe Benefits:

The Chief Justice gets a salary of Rs. 2,50,000 p.m. while the other judges are paid a monthly salary of Rs. 2,25,000. They are also entitled to free furnished accommodation. These pay and allowances cannot be changed to their disadvantage.

The salaries are not put to vote in the State Legislatures. This provision ensures that the judges remain insulated from any kind of political pressure or influence. The Judges however are barred from pleading or acting in a court except at the Supreme Court or a High Court other than the one in which he held office.

உயர் நீதிமன்றம் மற்றும் உச்ச நீதிமன்ற நீதிபதிகள் (சம்பளம் மற்றும் பணி நிபந்தனைகள்) திருத்த மசோதா, 2017 & 2021 [The High Court and the Supreme Court Judges (Salaries and Conditions of Service) Amendment Bill, 2017 & 2021]...

 

உயர் நீதிமன்றம் மற்றும் உச்ச நீதிமன்ற நீதிபதிகள் (சம்பளம் மற்றும் பணி நிபந்தனைகள்) திருத்த மசோதா, 2017 & 2021 [The High Court and the Supreme Court Judges (Salaries and Conditions of Service) Amendment Bill, 2017 & 2021]...

உயர்நீதிமன்றம் மற்றும் உச்ச நீதிமன்ற நீதிபதிகள் (சம்பளம் மற்றும் பணி நிபந்தனைகள்) திருத்த மசோதா, 2017, சட்டம் மற்றும் நீதித்துறை அமைச்சர் திரு. ரவிசங்கர் பிரசாத் அவர்களால் லோக்சபாவில் டிசம்பர் 21, 2017 அன்று அறிமுகப்படுத்தப்பட்டது. 

இந்த மசோதா திருத்தமானது 

(i) உயர் நீதிமன்ற நீதிபதிகள் (சம்பளங்கள் மற்றும் பணி நிபந்தனைகள்) சட்டம், 1954; மற்றும் 

(ii) உச்ச நீதிமன்ற நீதிபதிகள் (சம்பளங்கள் மற்றும் பணி நிபந்தனைகள்) சட்டம், 1958. இந்தச் சட்டங்கள் உயர் நீதிமன்றங்கள் மற்றும் உச்ச நீதிமன்ற நீதிபதிகளின் சம்பளம் மற்றும் சேவை நிபந்தனைகளை ஒழுங்குபடுத்துகின்றன. 

சம்பளம்: இரண்டு சட்டங்களும் உச்ச நீதிமன்றம் மற்றும் உயர் நீதிமன்ற நீதிபதிகளின் சம்பளத்தைக் குறிப்பிடுகின்றன. 

ஜனவரி 1, 2016 முதல் நடைமுறைக்கு வரும் வகையில் அவர்களின் சம்பளத்தை திருத்த மசோதா அமல்: 

அட்டவணை 1: நீதிபதிகளின் சம்பளம் (மாதந்தோறும்)

Table 1: Salary of judges (per month)

பதவி	தற்போது (ரூ.)	முன்மொழியப்பட்டது (ரூ.)
இந்திய தலைமை நீதிபதி (Chief Justice of India)	1,00,000	2,80,000
உச்ச நீதிமன்றத்தின் மற்ற நீதிபதிகள் (Other Judges of the Supreme Court)	90,000	2,50,000
உயர்நீதிமன்ற தலைமை நீதிபதி (Chief Justice of High Court)	90,000	2,50,000
உயர் நீதிமன்றத்தின் மற்ற நீதிபதிகள் (Other Judges of High Court)	80,000	2,25,000

 

ஆதாரங்கள் : 

உயர் நீதிமன்ற நீதிபதிகள் (சம்பளங்கள் மற்றும் பணி நிபந்தனைகள்) சட்டம், 1954; உச்ச நீதிமன்ற நீதிபதிகள் (சம்பளங்கள் மற்றும் பணி நிபந்தனைகள்) சட்டம், 1958; உயர் நீதிமன்றம் மற்றும் உச்ச நீதிமன்ற நீதிபதிகள் (சம்பளம் மற்றும் பணி நிபந்தனைகள்) திருத்த மசோதா, 2017; 

படிகள் : 

இரண்டு சட்டங்களின் கீழ், உயர் நீதிமன்றம் மற்றும் உச்ச நீதிமன்ற நீதிபதிகளுக்கு, பார்வையாளர்களை உபசரிப்பதற்காக ஏற்படும் செலவினங்களை ஈடுசெய்ய, ஒரு தொகை படி வழங்கப்படுகிறது. 

செப்டம்பர் 22, 2017 முதல் இந்த படியை திருத்த மசோதா அமலாக்குகிறது. 

அட்டவணை 2: 

நீதிபதிகளின் தனிப்பட்ட செலவுகளுக்கான படி (மாதத்திற்கு) 

Table 2: Sumptuary Allowance of judges (per month)

பதவி (Designation)	தற்போது (ரூ.) Present (Rs)	முன்மொழியப்பட்டது (ரூ.) Proposed (Rs)
இந்திய தலைமை நீதிபதி (Chief Justice of India)	20,000	45,000
உச்ச நீதிமன்றத்தின் மற்ற நீதிபதிகள் (Other Judges of the Supreme Court)	15,000	34,000
உயர்நீதிமன்ற தலைமை நீதிபதி (Chief Justice of High Court)	15,000	34,000
உயர் நீதிமன்றத்தின் மற்ற நீதிபதிகள் (Other Judges of High Court)	12,000	27,000

 

ஆதாரங்கள் : 

உயர் நீதிமன்ற நீதிபதிகள் (சம்பளங்கள் மற்றும் பணி நிபந்தனைகள்) சட்டம், 1954; உச்ச நீதிமன்ற நீதிபதிகள் (சம்பளங்கள் மற்றும் பணி நிபந்தனைகள்) சட்டம், 1958; உயர் நீதிமன்றம் மற்றும் உச்ச நீதிமன்ற நீதிபதிகள் (சம்பளம் மற்றும் பணி நிபந்தனைகள்) திருத்த மசோதா, 2017; 

உயர் நீதிமன்றம் மற்றும் உச்ச நீதிமன்ற நீதிபதிகள், உத்தியோகபூர்வ இல்லத்தை வாடகை செலுத்தாமல் பயன்படுத்துவதற்கு உரிமையுடையவர்கள் என இரண்டு சட்டங்கள் குறிப்பிடுகின்றன. மேலும், நீதிபதிகள் இந்த உரிமையைப் பயன்படுத்தாவிட்டால், அவர்களுக்கு அவர்களின் சம்பளத்தின் 30%க்கு சமமான மாதாந்திர உதவித்தொகை வழங்கப்படும். இந்தச் சலுகையை அவர்களின் சம்பளத்தில் 24% ஆக மாற்றியமைக்க மசோதா முயல்கிறது. 

மேலும், இந்தக் படி பின்வருமாறு திருத்தப்படும் என்று குறிப்பிடுகிறது: 

(i) அகவிலைப்படி (DA) 25% ஐத் தாண்டும்போது சம்பளத்தில் 27%, மற்றும் 

(ii) DA 50% ஐ தாண்டும்போது சம்பளத்தில் 30%. 

ஓய்வூதியம்: 

இரண்டு சட்டங்களும் உயர் நீதிமன்ற மற்றும் உச்ச நீதிமன்ற நீதிபதிகளுக்கான ஓய்வூதியத்தைக் குறிப்பிடுகின்றன: 

(i) அவர்கள் முன்பு மத்திய அல்லது மாநில அரசாங்கங்களின் கீழ் ஓய்வூதியம் பெறக்கூடிய பதவியை வகித்திருந்தால் அல்லது 

(ii) அவர்கள் அத்தகைய பதவியை வகிக்கவில்லை என்றால். 

இந்த இரண்டு பிரிவுகளின் கீழும் நீதிபதிகளுக்கான ஓய்வூதியத்தை திருத்த மசோதா முயல்கிறது. 

மேலும், இந்த நீதிபதிகளுக்கு வழங்கப்படும் அதிகபட்ச ஓய்வூதியத்தின் உச்சவரம்பையும் இது திருத்துகிறது (அட்டவணை 3 ஐப் பார்க்கவும்). 

அட்டவணை 3: நீதிபதிகளின் அதிகபட்ச ஓய்வூதியம் (ஆண்டுக்கு) 

பதவி (Designation)	தற்போது (ரூ.) Present (Rs)	முன்மொழியப்பட்டது (ரூ.) Proposed (Rs)
இந்திய தலைமை நீதிபதி (Chief Justice of India)	6,00,000	16,80,000
உச்ச நீதிமன்றத்தின் மற்ற நீதிபதிகள் (Other Judges of the Supreme Court)	5,40,000	15,00,000
உயர்நீதிமன்ற தலைமை நீதிபதி (Chief Justice of High Court)	5,40,000	15,00,000
உயர் நீதிமன்றத்தின் மற்ற நீதிபதிகள் (Other Judges of High Court)	4,80,000	13,50,000

ஆதாரங்கள் : 

உயர் நீதிமன்ற நீதிபதிகள் (சம்பளங்கள் மற்றும் பணி நிபந்தனைகள்) சட்டம், 1954; உச்ச நீதிமன்ற நீதிபதிகள் (சம்பளங்கள் மற்றும் பணி நிபந்தனைகள்) சட்டம், 1958; உயர் நீதிமன்றம் மற்றும் உச்ச நீதிமன்ற நீதிபதிகள் (சம்பளம் மற்றும் பணி நிபந்தனைகள்) திருத்த மசோதா, 2017...

நன்றி: 

https://prsindia.org/billtrack/the-high-court-and-the-supreme-court-judges-salaries-and-conditions-of-service-amendment-bill-2017

உயர்நீதிமன்றம் மற்றும் உச்ச நீதிமன்ற நீதிபதிகள் (சம்பளங்கள் மற்றும் சேவை நிபந்தனைகள்) திருத்த மசோதா, 2021

நவம்பர் 30, 2021 அன்று மக்களவையில் சட்டம் மற்றும் நீதித்துறை அமைச்சர் திரு. கிரண் ரிஜிஜுவால் அறிமுகப்படுத்தப்பட்டது. 

மசோதா திருத்தங்கள் : 

(i) உயர் நீதிமன்ற நீதிபதிகள் (சம்பளம் மற்றும் பணி நிபந்தனைகள்) சட்டம், 1954, மற்றும் 

(ii) உச்ச நீதிமன்ற நீதிபதிகள் (சம்பளங்கள் மற்றும் பணி நிபந்தனைகள்) சட்டம், 1958. இந்தச் சட்டங்கள் சம்பளம் மற்றும் நிபந்தனைகளை ஒழுங்குபடுத்துகின்றன. 

இந்திய உயர் நீதிமன்றங்கள் மற்றும் உச்ச நீதிமன்ற நீதிபதிகளின் பணி. ஓய்வூதியம் அல்லது குடும்ப ஓய்வூதியத்தின் கூடுதல் அளவு சட்டங்களின் கீழ், உச்ச நீதிமன்றம் மற்றும் உயர் நீதிமன்றங்களின் ஓய்வு பெற்ற நீதிபதிகள் மற்றும் அவர்களது குடும்ப உறுப்பினர்கள் ஓய்வூதியம் அல்லது குடும்ப ஓய்வூதியம் பெற உரிமை உண்டு. 

குறிப்பிட்ட அளவுகோலின்படி குறிப்பிட்ட வயதை அடையும் போது, ​​கூடுதல் அளவு ஓய்வூதியம் அல்லது குடும்ப ஓய்வூதியம் பெறுவதற்கு அவர்களுக்கு உரிமையுண்டு. இந்த அளவுகோலில் ஐந்து வயது அடைப்புக்குறிகள் உள்ளன (குறைந்தபட்ச வயது 80, 85, 90, 95 மற்றும் 100 ஆண்டுகள்), 

மேலும் கூடுதல் அளவு வயதுக்கு ஏற்ப அதிகரிக்கிறது (ஓய்வூதியம் அல்லது குடும்ப ஓய்வூதியத்தில் 20% முதல் 100% வரை). 

சம்பந்தப்பட்ட வயது வரம்புக்குட்பட்ட குறைந்தபட்ச வயதை நிறைவு செய்யும் மாதத்தின் முதல் நாளிலிருந்து ஒரு நபர் கூடுதல் ஓய்வூதியம் அல்லது குடும்ப ஓய்வூதியத்திற்கு உரிமையாளராக இருப்பார் என்பதை மசோதா தெளிவுபடுத்துகிறது.

நன்றி: 

https://prsindia.org/billtrack/the-high-court-and-supreme-court-judges-salaries-and-conditions-of-service-amendment-bill-2021

>>> இந்தியாவில் உள்ள உயர் நீதிமன்ற நீதிபதிகளுக்கான நியமனம் மற்றும் தகுதி...

62 சிவில் நீதிபதிகள் புதிதாக பணி நியமனம் & 26 நீதிபதிகள் பணியிடமாற்றம் - சென்னை உயர்நீதிமன்றப் பதிவாளர் உத்தரவு (R.O.C.No. 2737/2021/RG/B2 - POSTING OF NEWLY RECRUITED CIVIL JUDGES / CIVIL JUDGES TRANSFER & POSTINGS - NOTIFICATION No. 309 / 2021)...

The newly recruited 62 Civil Judges mentioned in Column (1) below, who have been provisionally selected and appointed by direct recruitment in the Tamil Nadu State Judicial Service vide G.O.(4D).No.47, Home (Courts-I) Department, dated 09.09.2021, are posted to the posts mentioned in Column (2) against their respective names:-...

>>>  62 சிவில் நீதிபதிகள்  புதிதாக பணி நியமனம் & 26 நீதிபதிகள் பணியிடமாற்றம் - சென்னை உயர்நீதிமன்றப் பதிவாளர் உத்தரவு (R.O.C.No. 2737/2021/RG/B2 - POSTING OF NEWLY  RECRUITED CIVIL JUDGES / CIVIL JUDGES  TRANSFER & POSTINGS  - NOTIFICATION No. 309 / 2021)...