முகக்கவசம் அணியாதவர்கள் கரோனா சிகிச்சை மையத்தில் கட்டாயம் பணி செய்ய வேண்டும் - உயர்நீதிமன்றம் உத்தரவு...

 

முகக்கவசம் அணியாமல் வெளியே வரும் நபர்கள் கரோனா சிகிச்சை மையத்தில் கட்டாயம் பணி செய்ய வேண்டும் என்று குஜராத் உயர் நீதிமன்றம் உத்தரவு பிறப்பித்துள்ளது.

கரோனா வைரஸ் பரவுவதைகட்டுப்படுத்தும் நோக்கில் குஜராத் மாநிலத்தில் முகக்கவசம் அணிந்துதான் வெளியே வர வேண்டும் என்று மாநில சுகாதாரத் துறை அறிவித்து அதைச் செயல்படுத்தி வருகிறது. ஆனால் சுகாதாரத் துறைஉத்தரவையும் மீறி சிலர் பொதுவெளியில் முகக்கவசம் இன்றிநடமாடி வருகின்றனர். இவ்வாறுபொது இடங்களில் முகக்கவசம் இன்றி அதிகம் பேர் நடமாடுவதை சுட்டிக்காட்டி குஜராத் மாநில உயர் நீதிமன்றத்தில் 50-க்கும் மேற்பட்ட மனுக்கள் தாக்கல் செய்யப்பட்டுள்ளது.

இதுதொடர்பாக தலைமை நீதிபதி விக்ரம்நாத். நீதிபதி பர்திவாலா ஆகியோர் அடங்கியஅமர்வு தாமாக முன்வந்து கடந்த வாரம் விசாரணை நடத்தியது.

அப்போது எச்சரிக்கை மற்றும் அபராதம் ஆகியவற்றுக்கு செவிசாய்க்காமல், தொடர்ந்து முகக்கவசம் அணியாமல் வெளியே சுற்றுபவர்களுக்கு கரோனா சிகிச்சை மையத்தில் பணி செய்யுமாறு தண்டனை வழங்கலாம் என்று நீதிபதிகள் தெரிவித்தனர்.

இந்த வழக்கு நேற்று உயர் நீதிமன்றத்தில் விசாரணைக்கு வந்தது. அப்போது மாநில அரசின் சார்பாக ஆஜரான தலைமை வழக்கறிஞர் கமல் திரிவேதி, "உயர் நீதிமன்ற உத்தரவை அமல்படுத்துவது சிரமம். இதுதொடர்பாக பரிசீலிக்க ஒரு வாரம் அவகாசம் தேவை" என்று கோரிக்கை வைத்தார்.

ஆனால் இதை ஏற்க நீதிபதிகள் மறுத்துவிட்டனர். முகக்கவசம் அணியாமல் வெளியே திரியும் நபர்களைக் கட்டுப்படுத்த இதுபோன்ற தண்டனை விதிப்பது சரியே என்று அவர்கள் தெரிவித்தனர்.

அதன்படி முகக்கவசம் அணியாமல் வெளியே சுற்று பவர்கள் ரூ.1,000 அபராதம்செலுத்துவதுடன் கரோனா சிகிச்சை மையத்தில், 5 முதல்14 நாட்கள் வரை பணியாற்ற வேண்டும் என்று தெரிவிக்கப்பட்டுள்ளது.

மேலும் இந்தப் பணியானது தினசரி குறைந்தபட்சம் 4 மணி முதல் 6 மணி நேரங்கள் வரை நடைபெற வேண்டும் என்றும் தெரிவிக்கப்பட்டுள்ளது. இந்தப்பணிகளில் மருத்துவம் தொடர்பு இல்லாமல் இடத்தை சுத்தப்படுத்துதல், பாத்திரங்களை தூய்மை செய்தல், சமையல் செய்வதில் உதவுதல், உணவு பரிமாறுதல், தகவல் சேகரிப்பு போன்றவையாக அமையலாம் என்றும் நீதிபதிகள்தங்களது உத்தரவில் தெரிவித்துள்ளனர்.

சர்வதேச ஆசிரியர் பரிசு - ரூ.7.38 கோடி வென்ற ஆரம்பப்பள்ளி ஆசிரியர்...

 இந்தியாவைச் சேர்ந்த ஆரம்பப் பள்ளி ஆசிரியர் ஒருவர் 2020-ஆம் ஆண்டுக்கான ஆண்டுக்கான 10 லட்சம் டாலர் (ரூ.7.38 கோடி) சர்வதேச ஆசிரியர் பரிசை வென்றுள்ளார்.

மகாராஷ்டிர மாநிலம், சோலாப்பூர் மாவட்டம், பரிதேவாடி கிராமத்தைச் சேர்ந்தவர் ரஞ்சித்சிங் டிசாலே (32). பெண் கல்வியை ஊக்குவிக்க முயற்சிகளை மேற்கொண்டது மற்றும் பாட புத்தகத்தில் கியூ.ஆர். குறியீடு முறை மூலம் புரட்சியை ஏற்படுத்தியது போன்ற பணிகள் மூலம் இந்தப் பரிசுக்கு அவர் தேர்வு செய்யப்பட்டுள்ளார்.

உலக அளவில் ஆசிரியர் பணியில் மிகச் சிறந்த பங்களிப்பை ஆற்றிவரும் ஆசிரியர்களை ஊக்குவிக்கும் வகையில், லண்டனைச் சேர்ந்த வர்க்கி அறக்கட்டளை கடந்த 2014-ஆம் ஆண்டு முதல் இந்த சர்வதேச ஆசிரியர் பரிசு திட்டத்தை ஒவ்வொரு ஆண்டும் நடைமுறைப்படுத்தி வருகிறது.  அந்த வகையில் 2020-ஆம் ஆண்டுக்கான இந்தப் பரிசை ரஞ்சித்சிங் வென்றுள்ளார்.

பரிதேவாடி கிராமத்தில் ஜில்லா பரிஷத் ஆரம்பப் பள்ளியில் ஆசிரியராகப் பணியாற்றி வரும் ரஞ்சித்சிங், அந்தப் பள்ளிக்கு 2009-ஆம் ஆண்டு ஆசிரியராக வந்தபோது மிகவும் பாழடைந்த கட்டடத்தில் அந்தப் பள்ளி இயங்கிவந்துள்ளது. மேலும் பள்ளியைச் சுற்றி மாட்டுக் கொட்டகை, தீவன சேமிப்பு அறை என மிக மோசமான சூழல் இருந்துள்ளது. இந்தச் சூழலை மாற்றியமைத்த ரஞ்சித்சிங், பள்ளி மாணவர்களுக்கு பாட புத்தகங்கள் கிடைப்பதை உறுதி செய்தார். பாட புத்தக்கத்தில் சிறப்பு கியூ.ஆர். குறியீடு முறையை அறிமுகம் செய்து, மாணவர்கள் அதை கிளிக் செய்தால் பாடங்களை ஒலி வடிவில் மாணவர்கள் கேட்கவும், பாடங்கள் மற்றும் கதைகளையும் காணொலி வழியில் பார்க்கவும் ஏற்பாடு செய்துகொடுத்துள்ளார். இவருடைய முயற்சி மூலம், அந்த கிராமத்தில் சிறார் திருமணம் வெகுவாக குறைந்து, 100 சதவீத மாணவிகள் பள்ளிக்கு வரும் நிலையை ஏற்படுத்தியுள்ளார்.

இவருடைய பள்ளியில் பாட புத்தக கியூ.ஆர். குறியீடு முன்னோட்ட திட்டம் வெற்றிபெற்றதைத் தொடர்ந்து, மாநிலத்தின் அனைத்து வகுப்புகளுக்கும் இந்த நடைமுறையை மகாராஷ்டிர அறிமுகம் செய்தது. அதுபோல, தேசிய கல்வி ஆராய்ச்சி மற்றும் பயிற்சி (என்சிஇஆர்டி) கவுன்சிலின் அனைத்து பாட புத்தகங்களில் கியூ.ஆர். குறியீடு அறிமுகப்படுத்தப்படும் என்று மத்திய கல்வி அமைச்சகம் அறிவித்தது என்பது குறிப்பிடத்தக்கது.

இந்தப் பரிசுக்காக, உலகம் முழுவதிலுமிருந்து சிறந்த ஆசிரியர்களின் பங்களிப்பு குறித்த விவரங்கள் பெறப்பட்டு, அவர்களில் 10 பேர் இறுதிப் போட்டியாளர்களாக தேர்வு செய்யப்படுவர். பின்னர், அந்த 10 பேரில் ஒருவர் வெற்றியாளராக அறிவிக்கப்படுவார்.

இவ்வாண்டு இந்தப் பரிசை வென்ற ரஞ்சித்சிங், தனது பரிசுத் தொகையில் 50 சதவீதத்தை, இறுதிப் போட்டியாளர்களாக தேர்வான பிற 9 பேருடன் சமமாக பகிர்ந்துகொள்ளப்போவதாக அறிவித்து அசத்தியுள்ளார். இதுகுறித்து அவர் கூறுகையில், "மாணவர்கள் வாழ்வில் மாற்றத்தை ஏற்படுத்தும் ஆசிரியர்கள்தான் உலகின் உண்மையான மாற்றத்தை உருவாக்குபவர்கள்.

அந்த வகையில், நான் கொடுப்பதிலும், பகிர்ந்தளிப்பதிலும் நம்பிக்கைக் கொண்டுள்ளேன். எனவே, எனது பரிசுத் தொகையில், 50 சதவீதத்தை பிற இறுதிப் போட்டியாளர்களுடன் பகிர்ந்துகொள்வேன். இதனால் அவர்கள் சார்ந்த நாட்டின் மாணவர்கள் பயனடைவார்கள் என்று நம்புகிறேன்' என்று கூறினார்.

இன்றைய செய்திகள் தொகுப்பு... 04.12.2020 (வெள்ளி)...

 🌹வாழ்க்கையில் தடுமாற்றம் வரலாம் ஆனால் உங்கள் மனம் தடுமாறினால்,உங்கள் வாழ்க்கையையே தடம் மாற்றிவிடும் என்பதை மறந்து விடாதீர்கள்.

🌹🌹பிள்ளைகளை வறுமை தெரியாமல் வளர்க்கலாம்,ஆனால் உங்கள் உழைப்பு தெரியாமல் வளர்க்காதீர்கள்.!!

🌹🌹🌹பிரியமானவர்கள் ஒருபோதும் நம்மை காயப்படுத்தமாட்டார்கள் என்று நம்ப வேண்டாம்.சிலசமயம் எதிரியை விட மோசமாக காயப்படுத்தி விடுவார்கள்.!!! 

அனைவருக்கும் இனிய காலை வணக்கம்.

🙏🙏🙏🙏🙏🙏🙏🙏🙏🙏

🎀🎀பொறியியல் மற்றும் டிப்ளமோ படிக்கும் மாணவிகள் மற்றும் மாற்றுத்திறனாளி மாணவ, மாணவிகளுக்கு ஏஐசிடிஇ  வழங்கும் உதவித்தொகைக்கு விண்ணப்பிப்பதற்கான கால அவகாசம் டிசம்பர் 31 வரை நீட்டிக்கப்பட்டுள்ளது.

🎀🎀பள்ளிகளில் காலியாக உள்ள ஆசிரியர் பணியிடங்களை உடனே நிரப்ப, பள்ளிக் கல்வித்துறை ஆசிரியர் தேர்வு வாரியத்திற்கு கடிதம்

🎀🎀தமிழ்நாடு பள்ளிக் கல்விப் பணி- 01.01.2019 -   அரசு உயர்நிலைப் பள்ளித் தலைமையாசிரியர்கள் நியமனம் செய்யப்பட்டமை - பணிவரன்முறை செய்தல்-  விவரங்கள் கோரி பள்ளிக் கல்வி இணை இயக்குநர் கடிதம்

🎀🎀நெட், ஸ்லெட்டில் தேர்ச்சி பெற்று உரிய தகுதி இருந்தும் யூஜிசி நிர்ணயித்த ஊதியம் கிடைக்கவில்லை - அரசு, தனியார் கல்லூரி உதவிப் பேராசிரியர்கள் வேதனை.

🎀🎀 2021 பொதுத் தேர்வுகள் ஆன்லைனில் நடைபெறாது; எழுத்துபூர்வமாகவே நடைபெறும் - சிபிஎஸ்இ

🎀🎀ஆவின் நிறுவனத்தில் 20 காலியிடங்களுக்கான அரசு வேலைவாய்ப்பு - கல்வித்தகுதி: 8th, 12th, ITI, Any Degree - விண்ணப்பிக்க கடைசி நாள்: 15-12-2020

🎀🎀கனரா வங்கியில் காலியாக உள்ள 220 அலுவலர் பணியிடங்களுக்கான புதிய அறிவிப்பு. விண்ணப்பிக்க கடைசி நாள்: 15-12-2020.

🎀🎀இந்தியாவில் மிகச் சிறப்பாக செயல்படும் டாப் -10 காவல் நிலையங்கள். தமிழகத்தில் சேலம் சூரமங்கலம் காவல்நிலையத்திற்கு 2ம் இடம். மத்திய உள்துறை அமைச்சகம் பட்டியல் வெளியீடு

🎀🎀டெல்லி விவசாயிகள் போராட்டத்திற்கு ஆதரவு தெரிவித்து திமுக சார்பில் தமிழகம் முழுவதும் டிச.5ம் தேதி மாவட்ட தலைநகரங்களில் ஆர்ப்பாட்டம் நடைபெறும் என அறிவிப்பு. 

🎀🎀சென்னை உயர்நீதிமன்றத்துக்கு புதிதாக நியமிக்கப்பட்டுள்ள 10 நீதிபதிகள் பதவியேற்றனர்.

தலைமை நீதிபதி ஏ.பி.சாஹி புதிய நீதிபதிகளுக்கு பதவிப் பிரமாணம் செய்து வைத்தார்.

🎀🎀தமிழில் குடமுழுக்கு நடத்தாவிடில் கோவில் நிர்வாகத்திற்கு ரூ.10 லட்சம் அபராதம் விதிக்கப்படும்

- உயர்நீதிமன்ற மதுரை கிளை

🎀🎀அரசியலில் அதிகாரமிக்க நபர்களின் ஆசைக்காக புதிய மாவட்டங்கள் உருவாக்கப்படுகிறதா?

தென்காசி, அரியலூர், பெரம்பலூர் மாவட்டங்கள் எதன் அடிப்படையில் பிரிக்கப்பட்டது.

- உயர்நீதிமன்ற மதுரைக் கிளை கேள்வி.                                                        

 🎀🎀Engineering-ல் அரியர் வைத்துள்ளவர்கள் அதை தற்போதைய செமஸ்டரில் எழுத விரும்பினால், வரும் 10-ம் தேதிக்குள்ளாக பதிவு செய்ய வேண்டும்.

-அண்ணா பல்கலைக்கழகம் அறிவிப்பு.

🎀🎀2021ம் ஆண்டு ஜனவரி மாதத்தில் புதிய கட்சி தொடங்குவதாக நடிகர் ரஜினிகாந்த் அறிவித்துள்ளார். மேலும் வருகின்ற டிசம்பர் 31ல் தேதி அறிவிப்பு வெளியாகும். வரப்போகிற சட்டமன்ற தேர்தலில் மக்களின் பேராதரவுடன் வெற்றி பெறுவது நிச்சயம் என்று நடிகர் ரஜினிகாந்த் தனது ட்விட்டர் பக்கத்தில் தெரிவித்துள்ளார்.

👉ரஜினி மக்கள் மன்றத்தின் மேற்பார்வையாளராக தமிழருவி மணியன் நியமனம் செய்யப்ப்பட்டுள்ளார். ஜனவரியில் கட்சி துவங்க இருப்பதால், டாக்டர் ரா.அர்ஜுனமூர்த்தி அவர்கள் தலைமை ஒருங்கிணைப்பாளராகவும் மற்றும் திரு. தமிழருவி மணியன் அவர்கள் மேற்பார்வையாளராகவும் நியமிக்கப்பட்டுள்ளதாக ரஜினிகாந்த் அதிகாரப்பூர்வ அறிவிப்பு வெளியிட்டுள்ளார்.

🎀🎀நடிகர் ரஜினிகாந்த் பாஜகவின் இன்னொரு முகமாக இயங்குவார் என திருமாவளவன் கருத்து தெரிவித்துள்ளார். ஆன்மீக அரசியல் என்பதன் மூலம் வலதுசாரி அரசியல்வாதியாக கட்டிக்கொள்ள ரஜினி விரும்புகிறார்என திருமாவளவன் கூறியுள்ளார். ஒருங்கிணைப்பாளராக நியமனம் மூலம் ரஜினி நெருக்கடிக்கு உள்ளாகி இருக்கலாம் என்ற அச்சம் எழுகிறது என திருமா கூறியுள்ளார்.

🎀🎀சென்னையில் வீடுகளில் பயன்படுத்தப்படும் சமையல் எரிவாயு சிலிண்டரின் விலை ரூ.50 உயர்த்தப்பட்டுள்ளது. டிசம்பர் 1 ம் தேதியன்று விலை மாற்றப்படாமல் இருந்த நிலையில் ரூ.610 லிருந்து ரூ.660 ஆக உயர்த்தப்பட்டுள்ளது.

🎀🎀இந்தியாவில் மலேரியா நோயாளிகளின் எண்ணிக்கை பெருமளவு குறைந்துள்ளது -  உலக சுகாதார மையம் பாராட்டு.

🎀🎀ஜம்மு-காஷ்மீர் தொடர்பான தவறான வரைபடத்தை காட்டும் இணைப்பை உடனடியாக நீக்குமாறு, விக்கிபீடியா தளத்திற்கு மத்திய அரசு நோட்டீஸ் அனுப்பியுள்ளது.

🎀🎀தீவிரவாதம் என்பது உலகளாவிய அச்சுறுத்தல் சர்வதேச ஒருங்கிணைப்பால் மட்டுமே அதனை கட்டுப்படுத்த முடியும் - ஐநா வில் இந்தியா வலியுறுத்தல்.

🎀🎀கொரோனா தடுப்பூசி அனைவருக்கும் இலவசம் - ஜப்பான் நாடாளுமன்றத்தில் மசோதா நிறைவேற்றம்.

🎀🎀ரஷ்யாவில் பொதுமக்களுக்கு கொரோனா தடுப்பூசி செலுத்த அந்நாட்டு அதிபர் விளாதிமிர் புதின் உத்தரவு. ஆசிரியர்களுக்கும், சுகாதார பணியாளர்களுக்கும், தடுப்பூசி செலுத்துவதில் முன்னுரிமை வழங்கப்படும் எனவும், புதின் தெரிவித்துள்ளார்.

🎀🎀மாடர்னா தடுப்பூசியின் பயன்பாட்டிற்கு டிசம்பர் 17ந் தேதிக்குப் பிறகு, அமெரிக்கா அனுமதி வழங்கும் என அந்நிறுவனத்தின் சிஇஓ ஸ்டீபன் பான்செல் தெரிவித்துள்ளார்.

🎀🎀93வது ஆஸ்கர் விருது வழங்கும் விழா அடுத்த ஆண்டு ஏப்ரல் 25ம் தேதி நடைபெறும் என அறிவிக்கப்பட்டுள்ளது.

🎀🎀2024ல் நடைபெற உள்ள அமெரிக்க அதிபர் தேர்தலில் போட்டியிட ட்ரம்ப் விருப்பம் தெரிவித்துள்ளார்.

🎀🎀தமிழக வீரர் நடராஜனின் கதை அனைவருக்குமே முன் மாதிரி என ஹர்திக் பாண்ட்யா புகழாரம் சூட்டி உள்ளார்.

🎀🎀புரெவி புயலின் காரணமாக இன்று 6 மாவட்டங்களுக்கு பொது விடுமுறை

1.தூத்துக்குடி

2.திருநெல்வேலி

3.கன்னியாகுமரி

4.இராமநாதபுரம்

5.தென்காசி

6.விருதுநகர்                                                          

🎀🎀2021ஆம் ஆண்டு ஜனவரியில் பள்ளிகளைத்  (10-ஆம் 12-ஆம் வகுப்பு மாணவர்களுக்கு) திறக்கக்கோரி  அனைத்து மாநில முதல்வர்களுக்கும் இந்திய பள்ளி சான்றிதழ் தேர்வுகளுக்கான கவுன்சில் கடிதம் எழுதியுள்ளது

🎀🎀காலியாக உள்ள 1500  முதுகலை ஆசிரியர் பணியிடத்திற்கு ஆசிரியர்களை   விரைந்து நியமிக்க பள்ளி கல்வித்துறை ஆசிரியர் தேர்வு வாரியத்திற்கு கடிதம். 

🎀🎀எல்ஐசி நிறுவனத்தின் பொன்விழா கல்வி உதவித் தொகைதிட்டம் சார்பில், பொருளாதாரத்தில் நலிவுற்ற மாணவ, மாணவியருக்கு கல்வி உதவித் தொகைவழங்கப்படும் என அறிவிக்கப்பட்டுள்ளது. இதற்கு விண்ணப்பிக்க வரும் 31-ம் தேதி கடைசி நாள் ஆகும்

🎀🎀மத்திய அரசு ஊழியர்களுக்கு 24% அகவிலைப்படி உயர்ந்தது என்று பரவும் தகவல் வெறும் வதந்தியே என மத்திய அரசு தெரிவித்துள்ளது.

🎀🎀தமிழகம் முழுவதும் மாவட்டத்திற்கு 20-பேர் வீதம் தொழில்நுட்ப களப்பணிக்கு அறிவியல், கணித பட்டதாரி ஆசிரியர்கள் 640 பேர் தேர்வு 

🎀🎀தொழிற்கல்வி படிக்கும் ஆசிரியர்களின் பிள்ளைகளுக்கு, கல்வி உதவி தொகை வழங்கப்படும்' என, பள்ளி கல்வி துறை அறிவித்துள்ளது.தமிழக தேசிய ஆசிரியர் நல நிதியில் இருந்து, இந்த தொகை வழங்கப்படும். ஆண்டு அடிப்படை ஊதியம் மட்டும், 7.20 லட்சம் ரூபாய்க்குள் இருப்பவர்களின் பிள்ளைகள், படிப்பு உதவி தொகை பெறலாம். இதற்கு, ஜன., 31க்குள், பள்ளி கல்வி இயக்குனரகத்துக்கு விண்ணப்பிக்க வேண்டும்.  

🙏🙏🙏🙏🙏🙏🙏🙏                                

என்றும் அன்புடன்

சு.வேலுமணி M.A.,B.Ed.,

தலைமையாசிரியர்                                                         & மாவட்டச் செயலாளர்.

தமிழ்நாடு தொடக்கப்பள்ளி ஆசிரியர் மன்றம்,

கரூர் மாவட்டம்.

அலைபேசி:9003599926

காலியாகவுள்ள 1500 முதுகலை ஆசிரியர் பணியிடங்களை விரைவில் நிரப்ப வலியுறுத்தி பள்ளிக் கல்வித் துறை ஆசிரியர் தேர்வு வாரியத்திற்கு கடிதம்...

 அரசுப் பள்ளிகளில் காலியாகவுள்ள 1500 முதுகலை ஆசிரியர் பணியிடங்களை விரைவில் நிரப்ப வலியுறுத்தி பள்ளிக் கல்வித் துறை ஆசிரியர் தேர்வு வாரியத்திற்கு கடிதம்...

அரசு உதவி பெறும் பள்ளிகளின் முக்கியத்துவம் என்ன?

மாநில அளவிலான கலா உத்சவ் நிகழ்ச்சி - கோவை பள்ளி மாணவர்கள் 18 பேர் தேர்வு...

 மாநில அளவிலான கலா உத்சவ் நிகழ்ச்சிக்குக் கோவை பள்ளி மாணவர்கள் 18 பேர் தேர்வு செய்யப்பட்டுள்ளனர்.

ஒருங்கிணைந்த பள்ளிக் கல்வித் திட்டம் சார்பில், பள்ளி மாணவர்களின் கலைத் திறனை ஊக்குவித்து பாரம்பரிய மற்றும் நாட்டுப்புறக் கலைகளை மீட்டெடுத்து உயிர்ப்புடன் வைத்திருக்கும் வகையில், கலா உத்சவ் நிகழ்ச்சி ஆண்டுதோறும் நடத்தப்பட்டு வருகிறது.

அதன்படி இந்த ஆண்டுக்கான போட்டிகள் கோவை கல்வி மாவட்டம், மாவட்ட அளவில் முடிந்து, மாநில அளவில் நடைபெற உள்ளன. மாநில அளவிலான போட்டிக்கு முதன்மைக் கல்வி அலுவலர் மற்றும் மாவட்டக் கல்வி அலுவலர்கள் முன்னிலையில், நடுவர் குழுவினர் தேர்ந்தெடுத்த மாணவர்களின் பட்டியல் நேற்று வெளியிடப்பட்டது. அதில் 18 மாணவர்கள் தேர்வு செய்யப்பட்டுள்ளனர்.

இதுகுறித்து ஒருங்கிணைந்த பள்ளிக்கல்வி உதவித் திட்ட அலுவலர் கண்ணன் கூறியதாவது:

''குரலிசைப் போட்டி கிளாசிக் பிரிவில் சிஎஸ் அகாடமி பள்ளி மாணவர் சங்கல்ப், அல்வேர்னியா கான்வென்ட் மாணவி ஹிருத்திகா, நாட்டுப்புறப் பாடல் பிரிவில் ஆர்.கே.ரங்கம்மாள் பள்ளி மாணவர் யஷ்வந்த், கணபதி அரசு மேல்நிலைப்பள்ளி மாணவி அபிநயா ஆகியோர் தேர்வு செய்யப்பட்டுள்ளனர்.

இசைக் கருவிகள் இசைத்தல் கிளாசிக் பிரிவில் பிஎஸ்ஜிஆர் கிருஷ்ணம்மாள் பள்ளி மாணவி ஸ்ரீரஞ்சனி, பாரதிய வித்யாபவன் பள்ளி மாணவர் அகிலேஷ், நாட்டுப்புறக் கருவிகள் இசைத்தல் பிரிவில் ஒத்தக்கால்மண்டபம் அரசு மேல்நிலைப்பள்ளி மாணவர் மதன்குமார், ஒண்டிபுதூர் ஆர்சி அரசு மேல்நிலைப்பள்ளி மாணவி தனுஷ்யா ஆகியோர் தேர்வாகியுள்ளனர்.

கிளாசிக் நடனப் பிரிவில் பெ.நா.பாளையம் சிவானந்தா பள்ளி மாணவி புவனேஷ் ராஜமாணிக்கம், வித்ய விகாஷினி பள்ளி மாணவி மானசா, நாட்டுப்புற நடனப் பிரிவில் சரவணம்பட்டி அரசு உயர்நிலைப்பள்ளி மாணவர் ராகவா, மாணவி பூமாதேவி ஆகியோர் தேர்வு செய்யப்பட்டுள்ளனர்.

மணற்சிற்பங்கள் உருவாக்கும் பிரிவில் அசோகபுரம் அரசுப் பள்ளி மாணவர் கைலாஷ், பிரசென்டேஷன் கான்வென்ட் மாணவி விஷ்ணு தீபா, கணபதி அரசு மேல்நிலைப்பள்ளி மாணவி சந்துரு, கிணத்துக்கடவு அரசு மேல்நிலைப்பள்ளி மாணவி கிருத்திகா, பொம்மலாட்டம் பிரிவில் விளாங்குறிச்சி அரசு மேல்நிலைப்பள்ளி மாணவர் லோகநாதன், மாணவி பூவிழி ஆகியோர் தேர்வாகியுள்ளனர்''.

இவ்வாறு கண்ணன் கூறினார்.

அரசாணை எண். 454, நாள்: 03-12-2020 - புரெவி புயல் பாதிப்பு காரணமாக நாளை 6 மாவட்டங்களுக்கு பொது விடுமுறை அறிவித்து தமிழ்நாடு அரசு...

புரெவி புயலால் 6 மாவட்டங்களுக்கு நாளை விடுமுறை :

1. கன்னியாகுமரி

2.தென்காசி

3. ராமநாதபுரம்

4. விருதுநகர்

5. தூத்துக்குடி

6. நெல்லை

இந்த விடுமுறையை ஜனவரி 2021- ல் 09-01-2021 சனிக்கிழமை அன்று ஈடு செய்ய வேண்டும்...