பாங்க் ஆஃப் பரோடா வங்கியில் வேலை 517 காலியிடங்கள் - விண்ணப்பிக்க கடைசி நாள்: 29-04-2021...

 பாங்க் ஆஃப் பரோடா வங்கியில் நிரப்பப்பட உள்ள பல்வேறு பணியிடங்களுக்கான வேலைவாய்ப்பு அறிவிப்பு...

நிறுவனம்: Bank of Baroda

மொத்த காலியிடங்கள்: 517

பணி மற்றும் காலியிடங்கள் விவரம்:

பணி: Sr. Relationship Manager - 407

பணி: e- Wealth Relationship Manager - 50

பணி: Territory Head - 44

பணி: Group Head - 06

பணி: Product Head (Investment & Research) - 01

பணி: Head (Operations & Technology) - 01

பணி: Digital Sales Manager - 01

பணி: IT Functional Analyst- Manager - 01

தகுதி: 

ஒவ்வொரு பணிக்கும் தனித்தனியான தகுதிகள் அறிவிக்கப்பட்டுள்ளன. ஏதாவதொரு துறையில் இளங்கலை அல்லது முதுகலை, டிப்ளமோ முடித்தவர்கள் சம்மந்தப்பட்ட பணியிடங்களுக்கு விண்ணப்பிக்கலாம். 

வயதுவரம்பு: 01.04.2021 தேதியின்படி 23 முதல் 31 வயதிற்குள் இருக்க வேண்டும்.

தேர்வு செய்யப்படும் முறை: நேர்முகத் தேர்வு, குழு விவாதம் அடிப்படையில் தகுதியானவர்கள் தேர்வு செய்யப்படுவார்கள்.

விண்ணப்பக் கட்டணம்: பொது மற்றும் ஓபிசி பிரிவினர் ரூ.600, எஸ்சி, எஸ்டி, மாற்றுத்திறனாளிகள், பெண்கள் பிரிவினர் தகவல் கட்டணமாக ரூ.100 செலுத்த வேண்டும்.

விண்ணப்பிக்கும் முறை: https://www.bankofbaroda.in என்ற இணையதளத்தின் மூலம் ஆன்லைனில் விண்ணப்பிக்க வேண்டும்.

ஆன்லைனில் விண்ணப்பிப்பதற்கான கடைசி தேதி: 29.04.2021

மேலும் விவரங்கள் அறிய...

>>> அறிவிப்பு மற்றும் விண்ணப்பப் படிவங்கள் தரவிறக்கம் செய்ய இங்கே சொடுக்கவும்...

 

6ம் தேதி தேர்தல் பணியாற்றிய அரசு ஊழியர்கள், ஆசிரியர்களுக்கு சிறப்பு விடுப்பு - இந்த மாதத்திற்குள் எடுத்துக்கொள்ள அனுமதி...

 தமிழகத்தில் கடந்த 6 ம் தேதி தேர்தல் பணியாற்றிய அரசு ஊழியர்கள் , ஆசிரியர்களுக்கு சிறப்பு விடுப்பு எடுத்துக் கொள்ள தமிழக அரசு அனுமதி வழங்கியுள்ளது. தமிழகத்தில் சட்ட மன்ற தேர்தல் கடந்த 6 ம் தேதி நடந்தது. இந்த தேர்தல் பணியில் அரசு துறைகளை சேர்ந்த வருவாய்த்துறை , ஊரக வளர்ச்சித்துறை , பள்ளிக்கல்வித்துறை , வேளாண்மைத்துறை , சுகாதாரத் துறை , கூட்டுறவு துறை போன்ற 20 க்கும் மேற்பட்ட துறைகளை சேர்ந்தவர்கள் பங்கேற்றனர். உயரதிகாரிகள் முதல் கீழ்நிலை ஊழியர்கள் வரை கடந்த ஒரு மாதமாக பல்வேறு நிலைகளில் தேர்தல் பணியாற்றி வந்தனர். இந்நிலையில் கடந்த 6 ஆம் தேதி தேர்தல் நடந்தது. தேர்தல் நடந்த நாளில் வேலை செய்த அரசு ஊழியர்கள் மற்றும் ஆசிரியர்களுக்கு ஒரு நாள் சிறப்பு விடுப்பு எடுத்துக்கொள்ள தமிழக அரசு அனுமதி வழங்கி உத்தரவிட்டுள்ளது. அதாவது கடந்த 6 ம் தேதி தேர்தல் நாளில் பணியாற்றிய அனைத்து வகையை சேர்ந்த அரசு ஊழியர்கள் மற்றும் ஆசிரியர்கள் இந்த மாத்திற்குள் ஒருநாள் சிறப்பு விடுப்பு எடுத்து கொள்ளலாம் என்று தெரிவிக்கப்பட்டுள்ளது.

இன்றைய செய்திகள் தொகுப்பு... 10.04.2021 (சனி)...

 

🌹விட்டுக் கொடுப்பதற்கும் 

விட்டுச் செல்வதற்கும் 

ஒரே ஒரு வித்தயாசம்தான்

உறவுகளை இழந்து விடக்கூடாது என்று நினைப்பவர்கள் விட்டுக் கொடுக்கிறார்கள் 

உறவுகளே தேவையில்லை என்று நினைப்பவர்கள் விட்டுச் செல்கிறார்கள்.!

🌹🌹உயிர் இருக்கு ஆனால் நிம்மதி இல்லை,

வாழ்க்கை இருக்கு ஆனால் அர்த்தம் இல்லை.!!

🌹🌹🌹எவ்வளவு தான் உறவுகளுக்காக நாம் அனுசரித்து வாழ்ந்தாலும் சில தருணங்களில் நாம் நமக்காக வாழ்ந்திருக்கலாம் என்ற விரக்தியை நம் உறவுகளே நமக்கு புகுத்திவிடுகிறார்கள்.!!!

அனைவருக்கும் இனிய காலை வணக்கம்.

🙏🙏🙏🙏🙏🙏🙏🙏🙏🙏

📕📘கொரானா தொற்று பாதிக்கப்பட்ட  அரசு ஊழியர் கொரானா+  எனில் அவர் குணமாகும் வரையிலான நாட்கள் சிறப்பு தற்செயல் விடுப்பாகும் என்பதற்கான அரசாணை...

📕📘ஆன்லைன் கல்வியில் சாதனை: இந்தியாவுக்கு குவியும் பாராட்டு.

📕📘12ஆம் வகுப்பு மாணவர்களுக்கு ஏப்ரல் 16 முதல் செய்முறைத் தேர்வு தொடக்கம் : தேர்வுகள் துறை ஆணை வெளியீடு

📕📘தமிழகத்தில் தொடக்கக்கல்வி பட்டய படிப்புக்கான தேர்வில் 98.5 சதவீத மாணவர்கள் தோல்வி அடைந்துள்ள நிலையில், மறு தேர்வு நடத்தக்கோரி தாக்கலான மனுவுக்கு பள்ளிக்கல்வி செயலர் பதிலளிக்க உயர் நீதிமன்றம் உத்தரவிட்டுள்ளது.

📕📘கேந்திரிய வித்யாலயா பள்ளிகளில் 2021-22ஆம் கல்வி ஆண்டில் 2 மற்றும் அதற்கு மேற்பட்ட வகுப்புகளில் சேர விண்ணப்பப் பதிவு  (ஏப்ரல் 8-ம் தேதி) தொடங்கியுள்ளது. இதற்கு கே.வி. இணையதளத்தில் உள்ள சேர்க்கை விதிமுறைகளைப் படித்துவிட்டு, பள்ளிகளுக்கே நேரடியாகச் சென்று பதிவு செய்யலாம்.

📕📘10, 12ம் வகுப்பு சிபிஎஸ்இ பொதுத் தேர்வுகளை ரத்து செய்ய மாணவர்கள் விருப்பம் - நாளிதழ் செய்தி

📕📘பிளஸ் 2 மாணவர்களுக்கு,நேற்று முதல் ஆய்வக பயிற்சி வகுப்புகள் துவங்கின.தமிழக பள்ளிக்கல்வி பாட திட்டத்தில் படிக்கும், பிளஸ் 2 மாணவர்களுக்கு, மே, 3ல் பொதுத்தேர்வுகள் துவங்க உள்ளன; மே, 21 வரை பொதுத் தேர்வுகள் நடத்தப்படும் என ஏற்கெனவே அறிவிக்கப்பட்டுள்ளது. 

📕📘மத்திய இடைநிலைக் கல்வி வாரியம் 10 மற்றும் 12 ஆம் வகுப்பு மாணவர்களுக்கான சிபிஎஸ்இ வாரிய தேர்வு 2021 ஆம் கல்வி ஆண்டுக்கான மாதிரி வினாத்தாள்கள் வெளியிட்டுள்ளது. சிபிஎஸ்இ வாரியம் 10, 12 வகுப்புக்கான அனைத்து பாடங்களுக்கும் மாதிரி வினாத்தாள்களை சிபிஎஸ்அகாடெமிக் cbseacademic.nic.in என்ற அதிகாரப்பூர்வ தளத்தில் வெளியிட்டுள்ளது.

📕📘அரசுப் பள்ளி ஆசிரியர்களுக்கு விரைவில் கலந்தாய்வு நடத்தப்படவுள்ளதாக பள்ளிக் கல்வித்துறை அதிகாரிகள் தெரிவித்து உள்ளனர் - நாளிதழ் செய்தி

📕📘இந்தியாவில் 18 வயது நிரம்பியவர்கள் விரும்பிய மதத்திற்கு மாற உரிமை உண்டு.

கட்டாய மதமாற்றத்திற்கு தடைகோரிய வழக்கில் உச்சநீதிமன்றம் கருத்து.

📕📘இதய நோயாளிகளில் 30% நீரிழிவு பிரச்சினையுள்ளவர்கள்: ஆய்வில் தகவல்.                                                                    

📕📘இன்று நடக்கிறது 'நாட்டா' தேர்வு                                                                                  

 📕📘போக்குவரத்து ஆவணங்களை ஜூன் 30 வரை புதுப்பிக்கலாம்.

📕📘ஏப்ரல் 14 முதல் ஏப்ரல் 16 வரை அந்தந்த மாவட்டத்தில் கொரோனா தடுப்பூசி திருவிழா - தமிழக அரசு

📕📘கொரோனாவால் மனச்சோர்வு, மறதி நோய் ஆபத்து" - எச்சரிக்கும் நிபுணர்கள்.

📕📘12 ஆம் வகுப்பு பொதுத்தேர்வு கட்டாயம் நடைபெறும் என தகவல்.

📕📘3 பேருக்கு தொற்று இருந்தால் கட்டுப்பாடு பகுதி என ஸ்டிக்கர் ஒட்டப்படும்.

6 பேருக்கு தொற்று இருந்தால் பேனரும் வைக்கப்படும்.

சென்னை மாநகராட்சி ஆணையர் பிரகாஷ்.

📕📘இங்கிலாந்து ராணி எலிசபெத்தின் கணவர், இளவரசர் பிலிப் மறைவு.

99 வயதான பிலிப், உடல் நலக்குறைவால் 

உயிரிழப்பு.

வின்ஸ்டர் அரண்மனையில் உயிர் பிரிந்ததாக, ராணி எலிசபெத் தகவல்.

📕📘சென்னை கோயம்பேடு சந்தையில் உள்ள சில்லறை கடைகள் திங்கட்கிழமை வரை வழக்கம் போல் செயல்படும் என வியாபாரிகள் அறிவித்துள்ளனர்.

டி.ஆர்.ஓ.வுடன் நடத்தப்பட்ட பேச்சுவார்த்தையில் உடன்பாடு எட்டப்பட்டதை அடுத்து, உள்ளிருப்பு போராட்டத்தை வியாபாரிகள் வாபஸ் பெற்றனர். திங்கட்கிழமை மீண்டும் அதிகாரிகளுடன் பேச்சுவார்த்தை நடத்தி அடுத்தகட்ட முடிவு எடுக்கப்படும் என்று தெரிவித்துள்ளனர்

📕📘நான் வங்கத்து பெண் புலி ; 

பாஜகவுக்கு வளைந்து கொடுக்கமாட்டேன் 

மம்தா பானர்ஜி

📕📘நாடு முழுவதும் கொரோனா தடுப்பூசி போட்டுக் கொண்டவர்களின் எண்ணிக்கை  ஒன்பது கோடியை தாண்டியுள்ளது.

📕📘41 மத்திய பல்கலைக்கழகங்களில் சேருவதற்கான பொது நுழைவுத் தேர்வு ஜூன் மாதத்தில் நடைபெறும்.

நடப்பு ஆண்டில், UG படிப்புகளுக்கு மட்டுமே பொது நுழைவுத் தேர்வு.

PG, Ph.D., படிப்புகளில் சேர தனித்தனியாகவே எழுத வேண்டும்.

உயர்தர திறனறித் தேர்வாக 3 மணி நேரம் நடத்தப்படும்.

📕📘சாதாரண மக்களும் எளிதில் அணுகும் வகையில் FASTag முறை  இருக்க வேண்டும் 

-உயர்நீதிமன்றம்

📕📘தமிழக அரசின் தலைமைச் செயலாளர் ராஜுவ்ரஞ்சன், டிஜிபி திரிபாதி, உள்ளிட்ட தமிழக அரசின் மூத்த அதிகாரிகள் திடீரென நேற்று காலை டெல்லி பயணம்                                                                                       

 📕📘ஜெயலலிதா நினைவிடத்தை பார்வையிட மக்களுக்கு நேற்று முதல் அனுமதி.

📕📘கோவையில் முகக்கவசம் அணியாதவர்களுக்கு ரூ.500 அபராதம் 

- கோவை மாநகராட்சி

📕📘அண்ணா பல்கலைக்கழக துணைவேந்தர் சூரப்பா மீதான விசாரணை இறுதிக்கட்டத்தில் உள்ளது.

சூரப்பா நாளை பணி ஓய்வு பெறும் நிலையில், அடுத்த 15 நாட்களுக்குள் விசாரணை முடிக்கப்படும்.

சூரப்பா எங்கு சென்றாலும், விசாரணைக்கு அழைத்தால் ஆஜராக வேண்டும்.

-விசாரணை ஆணையம் தகவல்.

📕📘தமிழகத்தை தொடர்ந்து புதுவையிலும் கொரோனா கட்டுப்பாடுகள் அதிகரிப்பு: முகக் கவசம் அணியாவிட்டால் ரூ.100 அபராதம்.

📕📘சென்னையில் முகக் கவசம் அணியாவிட்டால் ரூ.200 அபராதம் விதிக்கப்படும் என மாநகராட்சி அறிவிப்பு.

📕📘அரக்கோணம் இரட்டை கொலை, தொடர்பாக வன்கொடுமை தடுப்பு சட்டத்தில் வழக்கு பதிவு.

காவல்துறை விசாரணை நேர்மையாகவும், நடுநிலையாகவும் இருக்கும் .குற்றச்செயலில் ஈடுபட்ட அனைவருக்கும் உரிய தண்டனை பெற்று தரப்படும் 

-ஐஜி சங்கர்

📕📘கொரனா பரவலை தடுக்க விதிகளை மீறுவோர் மீது அபராதம் விதிக்கப்படும் என அறிவித்துள்ள சென்னை மாநகராட்சி அவ்வாறு வசூலிக்கப்படும் அபராத தொகை நாள் ஒன்றுக்கு பத்து லட்ச ரூபாய் இருக்க வேண்டும் என்ற இலக்கையும் நிர்ணயித்துள்ளது.

📕📘சென்னையில் பொது இடங்களில் எச்சில் துப்பினால், சமூக இடைவெளியை பின்பற்றாவிட்டால் தலா ₹500 அபராதம் 

- சென்னை மாநகராட்சி

📕📘கொரோனா காரணமாக அரசின் கட்டுப்பாடுகளால், மண்டபம் புக்கிங் செய்தவர்கள் பணத்தை திரும்ப கேட்கிறார்கள், கல்யாண மண்டபங்களை சார்ந்து பணிபுரியும் 20 லட்சம் பேர் வருவாய் இழப்பால் பாதிக்கும் சூழ்நிலை

- அனைத்து கல்யாண மண்டபங்கள் உரிமையாளர் சங்கம்

📕📘தமிழகத்தில்  வன்னியர் சமூகத்துக்கு அளிக்கப்பட்ட 10.5% உள்ஒதுக்கீடுக்கு தடை விதிக்க உச்சநீதிமன்றம் மறுப்பு.

📕📘அரக்கோணம் அருகே தேர்தல் மோதல் இருவரது கொலையில் முடிந்திருப்பது வேதனை அளிக்கிறது.

புதிய அரசு அமையும் வரை தமிழ்நாட்டில் சட்டம் ஒழுங்கு, பொது அமைதியை நிலைநாட்டிட காவல்துறைத் தலைவர் கடும் நடவடிக்கை எடுத்திட வேண்டும்.

-திமுக தலைவர் மு.க.ஸ்டாலின்.

📕📘கிரிஜா வைத்தியநாதன் நியமனத்திற்கு உயர்நீதிமன்றம் தடை

பசுமை தீர்ப்பாயத்தின் நிபுணர் குழு உறுப்பினராக முன்னாள் தலைமைச் செயலாளர் கிரிஜா வைத்தியநாதன் நியமனத்திற்கு தடை விதித்து சென்னை உயர்நீதிமன்றம் உத்தரவிட்டுள்ளது.

📕📘கொரோனா தடுப்பூசி தட்டுப்பாட்டை சரிசெய்து, தடுப்பு நடவடிக்கைகளை விரைவுபடுத்த வலியுறுத்தி ராகுல்காந்தி எம்.பி பிரதமருக்குக் கடிதம்.

📕📘தற்போதய கட்டுப்பாடுகளுக்கு பலன் கிடைக்கவில்லை என்றால் இரவு நேரத்தில் ஊரடங்கு மற்றும் கூடுதல் கட்டுப்பாடுகள் விதிக்க நேரிடும்

- தமிழக அரசு

📕📘சென்னையில் 600-க்கும் மேற்பட்ட பகுதிகளை கொரோனா கட்டுப்பாட்டு பகுதிகளாக அறிவித்துள்ளது தமிழக அரசு.

📕📘உத்தரகாண்டில் உள்ள 51 கோயில்கள் அரசுக் கட்டுப்பாட்டில் இருந்து விடுவிப்பு.

- ஆளும் மாநில பாஜக அரசு அதிரடி அறிவிப்பு.

📕📘புதுச்சேரியில் இன்று முதல் இரவு நேர ஊரடங்கு அமல் 

- துணை நிலை ஆளுநர் தமிழிசை சவுந்தரராஜன் உத்தரவு.

📕📘டெல்லியில் அனைத்து பள்ளிகளையும் மறு அறிவிப்பு வரும் வரை மூட உத்தரவு.

கொரோனா தொற்று அதிகரிப்பால் டெல்லி அரசு நடவடிக்கை.

📕📘அம்பேத்கர் சட்டப் பல்கலைக்கழகத்துக்கு என்.எஸ்.சந்தோஷ் குமார் புதிய துணைவேந்தராக நியமனம்.

கால்நடை பல்கலை., காந்திகிராம் பல்கலை., துணைவேந்தர் நியமனத்துக்கு திமுக எதிர்ப்பு தெரிவித்திருந்த நிலையில், மீண்டும் ஓர் நியமனம்.

-ஆளுநர் பன்வாரிலால் புரோஹித் அறிவிப்பு.

📕📘தமிழகத்தில் 75 மையங்களில் வாக்கு எண்ணிக்கை நடத்த ஏற்பாடு

- மாநில தேர்தல் ஆணையம் அறிவிப்பு

📕📘திருச்சி காந்தி மார்க்கெட்டில் சில்லறை விற்பனை கிடையாது.

சில்லறை விற்பனை கடைகள் ஜி கார்னர் பகுதிக்கு மாற்றம் 

வியாபாரிகள்,  பொதுமக்கள் முகக்கவசம் அணியாவிடில் அபராதம் 

-திருச்சி மாவட்ட ஆட்சியர் அறிவிப்பு

🙏🙏🙏🙏🙏🙏🙏🙏                              

  என்றும் அன்புடன்

சு.வேலுமணி M.A.,B.Ed.,

தலைமையாசிரியர்                                                         & மாவட்டச் செயலாளர்.

தமிழ்நாடு தொடக்கப்பள்ளி ஆசிரியர் மன்றம்,

கரூர் மாவட்டம்.

அலைபேசி:9003599926

தேர்தல் பணியாற்றிய ஆசிரியர்களுக்கு தற்செயல் விடுப்பு ரத்து...

41 மத்திய பல்கலைக் கழகங்களில் சேர பொது நுழைவுத் தேர்வு...

 மத்திய பல்கலைக்கழகங்களில் சேருவதற்கான பொது நுழைவுத் தேர்வு ஜூன் மாதம் நடைபெறும் என மத்திய உயர்கல்வித் துறைச் செயலாளர் அறிவித்துள்ளார். 

மருத்துவப் படிப்புகள் நீட் நுழைவுத் தேர்வை நாடு முழுவதும் தேசிய தேர்வு முகமை நடத்தி வருகிறது. இதேபோல மருத்துவ மேற்படிப்புகளுக்கும் நுழைவுத் தேர்வு நடைபெறுகிறது. மேலும் பொறியியல், கலை மற்றும் அறிவியல் படிப்புகளுக்கும் மத்திய அரசு நுழைவுத் தேர்வை கொண்டு வர திட்டமிட்டு அதற்கான நடவடிக்கைகளை மேற்கொண்டு வருகிறது. 

இந்த நிலையில்  நாடு முழுவதும் உள்ள 41 மத்திய பல்கலைக்கழகங்களில் சேருவதற்கான பொது நுழைவுத் தேர்வு ஜூன் மாதத்தில் நடைபெறும் என மத்திய உயர்கல்வித் துறைச் செயலாளர் அமித் கரே தெரிவித்துள்ளார்.

நடப்பு ஆண்டில் இளங்கலை படிப்புகளுக்கு மட்டுமே பொது நுழைவுத் தேர்வு நடத்தப்படும் என்றும், முதுகலை, முனைவர் படிப்புகளில் சேர தனித்தனியாகவே நுழைவுத் தேர்வை எழுத வேண்டும் என்றும் அவர் கூறினார். உயர்தர திறனறித் தேர்வாக 3 மணி நேரங்களுக்கு தேர்வு நடைபெறும் எனவும், தேர்வை தேசிய தேர்வு முகமையே நடத்தும் என்றும் அவர் தகவல் தெரிவித்துள்ளார்.

Google Pay & Pay Tm போன்ற மொபைல் வேலெட்களில் புதிய மாற்றங்கள் – ரிசர்வ் வங்கி அறிவிப்பு...

 டிஜிட்டல் சேவைகளிலும், பண பரிவர்த்தனைகளிலும் அதிகமாக பயன்படுத்தப்படும் மொபைல் வேலெட் சேவைகளில் தற்போது புதிய மாற்றங்களை ஏற்படுத்தி இருப்பதாக ரிசர்வ் வங்கி புதிய முடிவினை வெளியிட்டு உள்ளது.

இன்றைய காலகட்டத்தில் டிஜிட்டல் சேவைகளிலும், பண பரிவர்தனை பணிகளில் அதிகமாக Google Pay & Pay Tm மொபைல் வேலெட் சேவைகள் பயன்படுத்தப்பட்டு வருகிறது. குறிப்பாக மொபைல் ரீசார்ஜ், ஆன்லைன் டாக்ஸி புக்கிங், ஆன்லைன் பேமெண்ட் சேவை போன்ற பணிகளில் மிக முக்கிய சேவை பயன்பாடாக மொபைல் வேலெட் உள்ளது.

ரிசர்வ் வங்கியின் புதிய அறிவிப்புகள் :

ஒரு வாடிக்கையாளர் மொபைல் வேலெட்-ல் இருந்து பணத்தை வங்கிகளுக்கு அனுப்பவும், ஒரு மொபைல் வேலெட்-ல் இருந்து பிற நிறுவனத்தின் மொபைல் வேலெட்-களுக்கு பணம் அனுப்பவும் வழி வகை செய்யப்பட்டுள்ளது.

இது வரை 1 லட்சம் ரூபாய் வரையில் மட்டுமே வேலெட், ப்ரீபெய்டு கார்டு போன்ற ப்ரீபெய்டு இன்ஸ்ட்ரூமென்ட்ஸ்-க்கு இருப்புத் தொகை வைத்து கொள்ள அனுமதி அளிக்கப்பட்டு இருந்தது.

அதனை தற்போது ரூ.2 லட்சம் வரை உயர்த்தியுள்ளதாக RBI வங்கி அறிவித்து உள்ளது.

RTGS மற்றும் NEFT போன்ற பண பரிவர்த்தனை மற்றும் பரிமாற்ற முறையினை பயன்படுத்திக் கொள்ள மொபைல் வேலெட் சேவைகளுக்கு அனுமதி அளிக்கப்பட்டு உள்ளது.

இந்த மொபைல் வேலெட்டினை பயன்படுத்தி ஏடிஎம் களில் பணம் எடுத்திடவும் மாற்றம் கொண்டு வர ரிசர்வ் வங்கி முடிவு செய்துள்ளது.

இப்புதிய மாற்றங்கள் நடைமுறைப்படுத்தப்பட்டால் வங்கி கணக்கு திறக்க வேண்டிய தேவை இல்லை. இந்த சேவைகளின் மூலமாகவே அனைத்தையும் பூர்த்தி செய்து கொள்ள முடியும்.

அரசு ஊழியர்கள், ஆசிரியர்கள் 62% பேர் மட்டுமே தபால் வாக்களிப்பு - 38% இன்னும் செலுத்தவில்லை...