சந்திரயான் 3-இன் திட்ட இயக்குநராகப் பணியாற்றிய தமிழ்நாட்டைச் சேர்ந்த விஞ்ஞானி திரு.வீரமுத்துவேல் அவர்களுடன் உடன் அலைபேசியில் பேசிய முதலமைச்சர் திரு.மு.க.ஸ்டாலின் அவர்கள் அவருக்கு வாழ்த்துகளைத் தெரிவித்தார் (Chief Minister Mr.M.K.Stalin congratulated Mr.Veeramuthuvel, a scientist from Tamil Nadu who served as the Project Director of Chandrayaan 3, on the phone)...
பள்ளி காலை வழிபாட்டுச் செயல்பாடுகள் - 24.08.2023 - School Morning Prayer Activities...
பள்ளி காலை வழிபாட்டுச் செயல்பாடுகள் - 24.08.2023 - School Morning Prayer Activities...
திருக்குறள் :
பால் :அறத்துப்பால்
இயல்:துறவறவியல்
அதிகாரம்:அருளுடைமை
குறள் :245
அல்லல் அருளாள்வார்க்கு இல்லை வளிவழங்கும்
மல்லன்மா ஞாலங் கரி.
விளக்கம்:
அருள் உடையவர்க்கு இவ்வுலகில் துன்பம் வராது; இதற்குக் காற்று உலவும், வளம் மிக்க இந்தப் பேருலகமே சான்று.
பழமொழி :
Better be alone than in bad company
ஒவ்வாக் கூட்டிலும் தனிமை அழகு.
இரண்டொழுக்க பண்புகள் :
1. இயற்கை வளங்களான நீர், காற்று, நிலத்தை பாதுகாத்து என்னால் முடிந்த அளவு அவற்றை மாசு படுத்தாமல் இருப்பேன்.
2.மின்சாரம் போன்ற எரி பொருட்கள் வீணாக்காமல் சிக்கனமான உபயோகிப்பேன்
பொன்மொழி :
இன்னும் எவ்வளவு தொலைவு இருக்கிறது என பார்ப்பதைவிட எப்போதும், எவ்வளவு தொலைவு கடந்து வந்திருக்கிறீர்கள் என பாருங்கள். இந்த வேறுபாடு எத்தனை எளிதானது என்பது உங்களை வியப்பில் ஆழ்த்தும்”- ஹெய்டி ஜான்சன்
பொது அறிவு :
1. உலக சதுரங்க போட்டியில் வெற்றி பெற்ற முதல் தமிழர் யார்?
விடை: விஸ்வநாதன் ஆனந்த்
2. தமிழ்நாட்டின் நிலப்பரப்பில் காடுகளின் சதவீதம்?
விடை: 17 சதவீதம்
English words & meanings :
Spongology – study of sponges. கடற்பஞ்சு குறித்த அறிவியல்.
Spontaneous - happening natural without any outside force. தானே இயங்குகின்ற
ஆரோக்ய வாழ்வு :
கடுகு - சிறிதளவு இஞ்சி, கால் ஸ்பூன் சீரகப் பொடி, சிறிது பெருங்காயம். சிறிதளவு கடுகுப் பொடி, 2 சிட்டிகை உப்பு ஆகியவற்றை சேர்த்து கொதிக்க வைக்கவும். இதை வடிகட்டி குடித்துவர புளி ஏப்பம் சரியாகும். அஜீரணம் கோளாறு, வயிறு உப்புசம் குணமாகும்.
நீதிக்கதை
ஓர் ஊரில் இரண்டு நண்பர்கள் வாழ்ந்து வந்தனர்.இருவரும் எப்போதும் இணைபிரியாமல் இருந்தனர்.ஒருவன் பாலு. மற்றொருவன் சோமு.இருவரில் சோமு பாலுமீது உண்மையான அன்பு கொண்டிருந்தான்.எப்போதும் பொறுமையாகவும், பணிவுடனும் இருப்பான்.ஆனால் பாலு தன் நட்புதான் உயர்ந்தது. தனக்குதான் நட்பைப் பற்றி அதிகமாகத் தெரியும் என்று பெருமையாகப் பேசிக் கொண்டிருப்பான்.
ஒரு முறை இருவரும் பக்கத்து ஊருக்கு ஒரு விழாவுக்குப் போகவேண்டி இருந்தது.அதிகாலையிலேயே இருவரும் புறப்பட்டனர்.ஊருக்கு வெளியே ஒரு அடர்ந்த காடு இருந்தது. இருவரும் அந்தக் காட்டின் நடுவே இருந்த ஒத்தையடிப் பாதையில் நடக்கத் தொடங்கினர்.
திடீரென்று ஊஊ என்று சோமு குரல் எழுப்பினான்.
அந்தக் குரலைக் கேட்டு திடுக்கிட்ட பாலு பட்டென்று சோமுவின் கன்னத்தில் ஒரு அறை கொடுத்தான்.திடுக்கிட்ட சோமு சற்றும் கோபப்படாமல் “பாலு, என்னை ஏன் அடித்தாய் என்று தெரிந்து கொள்ளலாமா?”
“இப்படித் திடீரென்று கத்தினால் நான் பயந்து விட மாட்டேனா?இப்போது சொல் ஏன் அப்படிக் கத்தினாய்?”
இந்த பகுதியில் விலங்குகள் ஏதேனும் இருந்தால் விலகி ஓடட்டும் என்றுதான் குரல் எழுப்பினேன் என்று சொன்னவுடன் சோமு மெளனமாக நடந்தான்.அப்போது வழியில் ஒரு ஆறு ஓடிக் கொண்டிருந்தது. அதில் இறங்கிய சோமு ஓடும் நீரில்.’தன்னைத் தன் நண்பன் அடித்து விட்டான்’ என்று எழுதினான்.அதைப் பார்த்த பாலு ஒன்றும் புரியாமல் திகைத்தான்.
அவன் கையைப் பற்றி இழுத்துக் கொண்டு தொடர்ந்து நடந்தான் சோமு.
நடுக்காட்டில் நடந்து கொண்டிருந்தனர் இருவரும்.வழியில் ஒரு சேறு நிறைந்த குட்டை இருந்தது. அதன் கரை ஓரமாக நடந்து கொண்டிருந்த சோமு கால்வழுக்கிக் குட்டையில் விழுந்தான்.அதைப் பார்த்த பாலு அவனைக் காப்பாற்ற தவித்தான். சோமு கொஞ்சம் கொஞ்சமாக சேற்றுள் அமிழ்ந்து கொண்டிருந்தான். வேகமாகத் தன் தலையில் கட்டியிருந்த தலைப் பாகையை அவிழ்த்து சோமுவிடம் வீசி அவனைப் பற்றிக் கொள்ளச் சொல்லி சேற்றிலிருந்து மீட்டான். அதற்காக சோமு ஆயிரம் முறை நன்றி சொன்னான்.உடையைச் சுத்தம் செய்துகொண்டு தொடர்ந்து நடந்தனர்.
சற்றுத் தொலைவு சென்றவுடன் சோமு வழியில் தெரிந்த ஒரு பாறையில் சிறு கல்லால் தன் நண்பன் காப்பாற்றியதை எழுதினான். புன்னகையுடன் அதைப் பார்த்தான் பாலு..
பாலு கேட்டான்.”சோமு இப்போது பழைய கதையில் வருவது போல் கரடி வந்தால் என்ன செய்வாய்?”
“எனக்குத்தான் மரமேறத் தெரியுமே. மரத்தின்மேல் ஏறித் தப்பிவிடுவேன்.”
மரம் ஏறத் தெரியாத பாலு உடனே சிந்தனை வயப்பட்டான்.
அவன் அஞ்சியது போலவே ஒரு சல சலப்பும் உறுமலும் கேட்டது.
சோமுவும் சட்டென நின்றான்.பாலுவின் கரத்தைப் பற்றிக் கொண்டான்.தர தரவென்று அவனை இழுத்துச் மரமேறத் தெரியாத பாலுவைத் தன் முதுகின்மேல் ஏறி மரக்கிளையைப் பிடித்துக் கொண்டு மரத்தின் உச்சிக்குப் போக உதவினான்.பின் தானும் ஏறி உச்சியில் அமர்ந்து கொண்டான்.காடு முழுவதும் நன்கு தெரிந்தது.பாலு எவ்வளவு பெரிய காடு என்று ஆச்சரியப்பட்டான்
சோமு”பாலு, மெதுவாகப் பேசு.அருகே ஏதோ விலங்கு இருக்கு”என்றவுடன் பாலு வாயை இருக்க மூடிக் கொண்டான்.சற்று நேரத்தில் ஒரு புலி இரைக்காக அங்குமிங்கும் அலைந்தபடி செல்வதைக் கண்டனர்.பாலு அச்சத்தில் சோமுவைக் கட்டிக் கொண்டான்.
அந்தப் புலி வெகு தூரம் சென்று விட்டதை மரத்தின் மேல் இருந்து பார்த்தபின் இருவரும் கீழே இறங்கினர்.அச்சத்துடன் இருவரும் மிக வேகமாக ஊரைச் சென்றடைந்தனர்.
“சோமு, நான் புலிக்கு இரையாகாமல் என்னைக் காத்தாய்.நீயே உண்மையான நண்பன்."பாலு,”நான் சேற்றில் அமிழ்ந்து போகாமல் என்னைக் காத்தாய் நீயே என் உண்மையான நண்பன்.”
“அதுசரி சோமு, முதல்முறை உன்னை அடித்தேன் அதை நீரில் எழுதினாய். மறுமுறை சேற்றிலிருந்து காப்பாற்றியதைக் கல்மேல் எழுதினாயே. அதுதான் ஏனென்று விளங்கவில்லை.”
“நண்பன்தவறாகத் தீங்கு செய்யும் பொழுது அதை நீர்மேல் எழுத்துப் போல மறந்துவிட வேண்டும். ஆனால் அவன் செய்யும் நன்மையைக் கல்மேல் எழுத்துப் போல ஒருகாலும் மறக்காமல் இருக்கவேண்டும்.அதற்காகத் தான் நீர்மேலும் கல்மேலும் அந்த செய்கைகளை எழுதினேன். ஒரு உண்மையான நண்பனை பொறுத்துப் போவதுதான் உண்மையான நட்பு.ஒருவர் பொறை இருவர் நட்பு என்பதுதான் நட்பின் இலக்கணம் என்றான்.
இன்றைய செய்திகள்
24.08.2023
*சந்திராயன் -3 நிலவின் தென்துருவத்தில் தடம் பதித்த இந்தியா!
திட்ட இயக்குனர் வீரமுத்துவேல் உள்ளிட்டோருக்கு இஸ்ரோ தலைவர் வாழ்த்து.
*'லேண்டர்' கருவியை வெற்றிகரமாக நிலவில்
தரையிறக்கியதால் விண்வெளி ஆராய்ச்சியில் இந்தியா நான்காவது இடத்தை பெற்றுள்ளது.
*34 படிகளை 4 நிமிடத்தில் ஏறிய 10 மாத குழந்தை - உலக சாதனை புத்தகத்தில் இடம் பிடித்தார் அதியன் பார்த்தசாரதி.
*திருநங்கை பிரிவில் முதுகலை மருத்துவ படிப்புக்கு தேர்வான முதல் டாக்டர் ரூத் ஜான் கொய்யாலா.
*உலகக்கோப்பை செஸ் சாம்பியன்ஷிப்: இறுதிப் போட்டியில் பிரக்ஞானந்தாவின் இரண்டாவது சுற்றும் டிராவில் முடிவடைந்தது. டைபிரேக்கர் சுற்று இன்று நடைபெறும் என அறிவிக்கப்பட்டுள்ளது.
Today's Headlines
* Chandrayaan-3's successful landing on the south pole of the moon is immense inspiration and showcasing! ISRO Chairman congratulated Project Director Veeramuthuvel and others.
*'Lander' instrument successfully landed on the moon
The landing made India fourth in space exploration.
*10-month-old baby who climbed 34 steps in 4 minutes - Athyan Parthasarathy has entered the world record book.
* Dr. Ruth John Koyala was the first to be selected for a post-graduate medical course in the transgender category.
*World Cup Chess Championship: Pragnananda's second round in the final ended in a draw. The tiebreaker round will be held today.
வருமானவரித்துறைக்கு முதலில் நேர வரையறை நிர்ணயிக்க வேண்டும் - ட்விட்டரில் வரி செலுத்தியவர்களின் பதிவும், வருமான வரி துறையின் பதிலும் (First needs to set a time limit to The Income Tax department – Posts of tax payers on Twitter and the response of the Income Tax department)...
வருமானவரித்துறைக்கு முதலில் நேர வரையறை நிர்ணயிக்க வேண்டும் - ட்விட்டரில் வரி செலுத்தியவர்களின் பதிவும், வருமான வரி துறையின் பதிலும் (First needs to set a time limit to The Income Tax department – Posts of tax payers on Twitter and the response of the Income Tax department)...
நான் ஜூன் மாதத்தில் தாக்கல் செய்தேன், இன்னும் எனது பணத்தைத் திரும்பப் பெற காத்திருக்கிறேன். இரண்டு முறை நினைவூட்டியும் பதில் இல்லை. குறித்த காலத்தில் பணியை முடிக்க உங்களுக்கும் நேர வரையறை இருக்க வேண்டும். நீங்கள் டைம்லைனை எங்களுக்காக வைத்தீர்கள், உங்களுக்காக அல்ல. (I did in June and still waiting for my refund.. raised 2 tickets calls but no response. Their should be time limte for you guys aslo. Bec you put timline to us and not for you.)
ஜூன் 23 ஆம் தேதி தாக்கல் செய்யப்பட்ட ஐடிஆர் இன்னும் செயலாக்கப்படவில்லை. மிக மெதுவாக உள்ள, இது போன்ற தொழில்நுட்பத் திறன் எதிர்பார்த்தபடி இல்லை. இ-ஃபைலிங்-ஐச் சரிபார்ப்பதைக் கேட்பதற்குப் பதிலாக, தாக்கல் செய்த செயலாக்கத்தில் கவனம் செலுத்துங்கள். ( Itr filed in June 23 still not processed...not as expected too slow with such technological competence.... instead of asking for e verify you people should focus on processing of itr filed)..
ஜூன் மாதத்தில் தாக்கல் செய்யப்பட்ட ரிட்டர்ன்கள் இன்னும் செயலாக்கத்திற்கு எடுத்துக்கொள்ளப்படவில்லை. உங்கள் வேகத்தையும் அதிகரிக்கவும், முந்தைய போர்ட்டலை விட மெதுவாக செயலாக்கப்பட்டால் 4200 கோடி செலவழித்து என்ன பயன் (Returns filed in June itself, yet to be picked up for processing. Increase your speed as well, what’s the use of spending 4200 crores if the returns are processed slower than the previous portal!!)
அன்புள்ள @Devil_MUFC,
orm@cpc.incometax.gov.in என்ற மின்னஞ்சல் முகவரியில் உங்களின் விவரங்களை (PAN மற்றும் உங்கள் மொபைல் எண்ணுடன்) பகிர்ந்து கொள்ளுமாறு கேட்டுக்கொள்கிறோம். இதன் மூலம் எங்கள் குழு உங்களைத் தொடர்பு கொள்ள முடியும்.
Dear @Devil_MUFC,
May we request you to share your details (along with PAN & your mobile no.) with us at orm@cpc.incometax.gov.in so that our team can get in touch with you.
வரி செலுத்துவோருக்கு வருமானவரித்துறையின் அறிவிப்பு (Income Tax Department Notice to Tax Payers)...
வரி செலுத்துவோருக்கு வருமானவரித்துறையின் அறிவிப்பு (Income Tax Department Notice to Tax Payers)...
அன்புள்ள வரி செலுத்துவோரே,
உங்கள் வருமான வரி மின்னணு தாக்கல் செயல்முறையை இன்றே முடிக்கவும்!
தாக்கல் செய்த 30 நாட்களுக்குள் உங்கள் ஐடிஆரை சரிபார்க்க மறக்காதீர்கள். தாமதமான சரிபார்ப்பு வருமான வரிச் சட்டம், 1961 இன் விதிகளின்படி தாமதக் கட்டணம் விதிக்கப்படலாம். தாமதிக்க வேண்டாம், இன்றே உங்கள் ஐடிஆரைச் சரிபார்க்கவும்!
Dear Taxpayers,
Complete your e-filing process today!
Do not forget to verify your ITR within 30 days of filing.
Delayed verification may lead to levy of late fee in accordance with provisions of the Income-tax Act, 1961.
Don’t delay, verify your ITR today!
>>> கல்வி அஞ்சல் Youtube Channel-ஐ Subscribe செய்ய...
சம்பளம் பெறும் ஊழியர்கள் TDS மூலமாகவே வரியை செலுத்தவேண்டும் - Advance Tax மூலமாக செலுத்தக்கூடாது - அவர்களாகவே தங்களின் PAN எண்ணில் நேரடியாக வரிசெலுத்தக்கூடாது - இதனை ஊழியர்களுக்கு சம்பளபட்டுவாடா அதிகாரிகள் தெரியப்படுத்தி அறிவுறுத்த வேண்டும் - வருமானவரித்துறை தெளிவுரை (TDS & E-filing - IT Dept Clarification - Salaried employees should pay tax through TDS - Not through Advance Tax - They should not pay tax directly on their PAN number - DDOs (Drawing and Disbursing Officers) should inform the employees about this - Income Tax Department Clarification)...
சம்பளம் பெறும் ஊழியர்கள் TDS மூலமாகவே வரியை செலுத்தவேண்டும் - வருமானவரித்துறை தெளிவுரை...
* சம்பளம்பெறும் ஊழியர்கள் TDS மூலமாகவே வரியை செலுத்தவேண்டும்.
* Advance Tax மூலமாக செலுத்தக்கூடாது.
* ஆகையால் இதனை ஊழியர்களுக்கு சம்பளபட்டுவாடா அதிகாரிகள் தெரியப்படுத்தி அறிவுறுத்த வேண்டும்.
* அவர்களாகவே தங்களின் PAN எண்ணில் நேரடியாக வரிசெலுத்தக்கூடாது....
மகப்பேறு காலத்தில் மனைவியை கவனிக்க கணவருக்கு விடுமுறை வழங்க வேண்டும் - உயர்நீதிமன்றம் - நாளிதழ் செய்தி (Husband should be given leave to take care of wife during maternity, High Court - Daily News)...
மகப்பேறு காலத்தில் மனைவியை கவனிக்க கணவருக்கு விடுமுறை வழங்க வேண்டும் - உயர்நீதிமன்றம் - நாளிதழ் செய்தி (Husband should be given leave to take care of wife during maternity, High Court - Daily News)...
மகப்பேறு காலத்தில் மனைவியை உடனிருந்து கவனிக்க கணவருக்கும் விடுமுறை வழங்க வேண்டும் என உயர் நீதிமன்றம் கருத்து தெரிவித்துள்ளது.
தென்காசி மாவட்டம் கடையம் காவல் நிலைய ஆய்வாளர் சரவணன். இவர் உயர் நீதிமன்ற கிளையில் தாக்கல் செய்த மனு: என் மனைவி கர்ப்பமாக உள்ளார். பிரசவ காலத்தில் மனைவியுடன் இருப்பதற்காக எனக்கு மே 1 முதல் 90 நாட்கள் விடுமுறை கேட்டு உயர் அதிகாரிகளுக்கு விண்ணப்பித்தேன். எனக்கு விடுமுறை அளிக்கப்பட்டது. பின்னர் சட்டம் ஒழுங்கு பிரச்சினையை காரணம் காட்டி எனக்கு வழங்கப்பட்ட விடுமுறை ரத்து செய்யப்பட்டது.
இதை எதிர்த்து உயர் நீதிமன்ற கிளையில் மனு தாக்கல் செய்தேன். அதனை விசாரித்த உயர் நீதிமன்றம், என் விடுமுறை விண்ணப்பத்தை பரிசீலிக்க உத்தரவிட்டது. இதையடுத்து மே 1 முதல் 30 நாள் எனக்கு விடுமுறை வழங்கப்பட்டது. மே 31-ல் மனைவிக்கு குழந்தை பிறந்தது. இதனால் என்னால் பணிக்கு திரும்ப முடியவில்லை. இது குறித்து காவல் துறை உயர் அதிகாரிகளுக்கு வாட்ஸ்அப் வழியாக தகவல் அனுப்பினேன். இதனை ஏற்க மறுத்து நடத்தை விதிகளை மீறியதாக எனக்கு குற்றச்சாட்டு குறிப்பாணை அனுப்பப்பட்டது. இதை ரத்து செய்து உத்தரவிட வேண்டும் என்று மனுவில் கூறப்பட்டிருந்தது.
இந்த மனுவை விசாரித்து நீதிபதி எல்.விக்டோரியாகவுரி பிறப்பித்த உத்தரவு: இந்தியாவில் மனைவியின் மகப்பேறு காலத்தில் மனைவியை உடனிருந்து கவனிக்க தந்தைக்கு விடுமுறை வழங்க வேண்டும் என கடந்த 20 ஆண்டுகளாக பேசப்படுகிறது. குழந்தை பிறக்கும்போது தந்தையும் உடனிருப்பது அவசியமானது. குழந்தை வளர்ப்பதில் தாய், தந்தை இருவருக்கும் முக்கிய பங்கு உண்டு.
பல்வேறு நாடுகளில் மகப்பேறு காலத்தில் தாயுடன் தந்தைக்கும் சேர்த்து விடுமுறை வழங்கப்படுகிறது. இந்தியாவில் மனைவியின் மகப்பேறு காலத்தில் தந்தைக்கு விடுமுறை அளிப்பதற்கான தனிச் சட்டம் இல்லை. இருப்பினும் மத்திய குடிமைப் பணிகள் (விடுமுறை) விதியில் தந்தையருக்கான விடுப்பு குறித்து கூறப்பட்டுள்ளது. இந்தியாவில் மகப்பேறு காலத்தில் மனைவியுடன் கணவர் இருப்பதற்கு தனிச்சட்டம் நிறைவேற்ற அவசியம் ஏற்பட்டுள்ளது. இந்த வழக்கில் மனுதாரர் பொறுப்புள்ள தந்தையாக செயல்பட்டுள்ளார். இதனால் அவருக்கு வழங்கப்பட்ட குற்றச்சாட்டு குறிப்பாணை ரத்து செய்யப்படுகிறது என்று நீதிபதி உத்தரவில் கூறியுள்ளார்.
இந்தியாவில் தனியார் நிறுவனங்களைப் பொறுத்தவரை, குழந்தை பெறும்போது தந்தையருக்கு விடுப்பு வழங்கப் படுவதில்லை. ஆனால், Central Civil Services (Leave) Rules, 1972-ல் மகப்பேறு காலத்தில் தந்தைக்கும் விடுப்பு வழங்குவது குறித்து கூறப்பட்டுள்ளது. ஆனால், தமிழ்நாடு உட்பட இது எந்த மாநிலத்திலும் நடைமுறையில் இல்லை.
மகப்பேறு காலத்தில் மனைவியுடன் கணவர் இருப்பதற்கு தனி சட்டம் உருவாக்கப்படுவது அவசியமாக உள்ளது, இந்த வழக்கில் காவல் ஆய்வாளர் பொறுப்புள்ள தந்தையாகச் செயல் பட்டுள்ளார். அதனால் அவருக்கு விளக்கம் கேட்டு வழங்கப்பட்ட அழைப்பாணை ரத்து செய்யப்படுகிறது. மேலும், அவர் கடையம் காவல் நிலையத்தில் காவல் அதிகாரியாகப் பணியில் சேர உத்தரவிடப்படுகிறது’ எனத் தீர்ப்பளித்துள்ளார். மதுரை உயர் நீதிமன்றக் கிளையின் இந்தத் தீர்ப்பு நாடு முழுவதும் பெரும் கவனத்தை ஈர்த்துள்ளது.
இதற்கு குழுசேர்:
இடுகைகள் (Atom)
Birthday Celebration by Cake Cutting in Govt School - BEO Transfer to Chengalpattu - HM Transfer to Vellore
அரசுபள்ளியில் கேக் வெட்டி பிறந்தநாள் கொண்டாட்டம் - வட்டார கல்வி அலுவலர் செங்கல்பட்டுக்கு மாற்றம் - தலைமை ஆசிரியர் வேலூருக்கு இடமாற்றம் ஆம்பூ...
