Vaanavil Mandram - School Level Competitions - Guidelines for Registration on EMIS Site

 

 வானவில் மன்றம் - பள்ளி அளவிலான போட்டிகள் - EMIS தளத்தில் பதிவு செய்வதற்கான வழிகாட்டுதல்கள்

Vaanavil Mandram - School Level Competitions - Guidelines for Registration on EMIS Site

>>> காணொளியை காண இங்கே சொடுக்கவும்...

பள்ளி காலை வழிபாட்டுச் செயல்பாடுகள் 28-10-2024

 

 பள்ளி காலை வழிபாட்டுச் செயல்பாடுகள் 28-10-2024 - School Morning Prayer Activities...

திருக்குறள்:

"பால்:அறத்துப்பால்

அதிகாரம் : நடுவுநிலைமை

குறள் எண்: 114

தக்கார் தகவிலர் என்பது அவரவர் எச்சத்தால் காணப்  படும் .

பொருள் : ஒருவர் நேர்மை உடையவரா, இல்லாதவரா என்பது அவரவர் நடத்தையால் தெரியப்படும். நேர்மையானவர்களுக்கு பண்புடைய  மக்கள் பிறப்பதும்,நேர்மை தவறுவோர்க்கு நல்ல மக்கள் அமையாமல் போவது உலகியல் மரபு."

பழமொழி :

He that can stay obtains.

பொறுத்தார் பூமி ஆள்வார்.

இரண்டொழுக்க பண்புகள் : 

‌

*திடீரென  மழை அதிகமாக பெய்யும் நேரத்தில் தகுந்த பாதுகாப்பு நடவடிக்கைகளை மேற்கொள்வேன்.

*மழை பெய்யும் நேரத்தில் மரங்களின் அடியிலோ, மின்கம்பங்களின் அருகிலோ நிற்க மாட்டேன்.

பொன்மொழி :

கடந்து போன நிமிடத்தை விலைக்கு வாங்கி அனுபவிக்க முடிகிற அளவிற்கு இந்த உலகில் யாரும் பணக்காரர்கள் கிடையாது. - ஆஸ்கர் வைல்ட்

பொது அறிவு :

1. தர்ம சக்கரத்தின் இடப்புறம் அமைந்துள்ள விலங்கு எது?

விடை: குதிரை

2.மாநிலத்தின் கீழுள்ள நீதிமன்றங்களை மேற்பார்வையிடும் அதிகாரம் பெற்றவை எது?

விடை: உயர்நீதிமன்றம்

English words & meanings :

Fence- வேலி                                

Fertilizer. -  உரம்

வேளாண்மையும் வாழ்வும் :

சர் ஆல்பர்ட் ஹோவர்ட் என்பவர் தாம் கரிம வேளாண்மையின் தந்தையாகக் கருதப்படுகிறார்.

அக்டோபர் 28

வில்லியம் ஹென்றி கேட்ஸ் (பில் கேட்ஸ்) (English: William Henry Gates or Bill Gates) (பி. அக்டோபர் 28, 1955) மைக்ரோசாப்ட் நிறுவனர்களில் ஒருவர். இவர் அதன் தலைமை கணிப்பொறி மென்பொருள் வல்லுனராகவும் (CSA), முதன்மை செயல் அதிகாரியாகவும் (CEO) பணியாற்றியுள்ளார். கோர்பிஸ் நிறுவனத்தினையும் நிறுவியுள்ளார். போர்பஸ் இதழின்படி உலகின் முதல் பணக்காரர் என்று அறியப்படுகிறார். உலகின் பெரும் செல்வந்தர்கள் பட்டியலில் தொடர்ந்து பன்னிரெண்டு ஆண்டுகளாக முதல் இடத்தினைப் பெற்று வருகிறார். 1999-ல் இவரின் குடும்பச் சொத்து மதிப்பு 100 பில்லியன் டாலர்களைக் கடந்தது.

நீதிக்கதை

பொம்மை

ஆறு வயது சிறுவன் ஒருவன் தனது நான்கு வயது தங்கையை அழைத்துக் கொண்டு  கடைத்தெரு வழியாக சென்றான்.

ஒரு கடையிலிருந்து பொம்மையை பார்த்து, தயங்கி நின்ற தங்கையை பார்த்து, "எந்த பொம்மை உனக்கு வேண்டும்" என்று கேட்டான்.

அவள் விரும்பிய பொம்மையை வாங்கி கையில் கொடுத்துவிட்டு பெரிய மனித தோரணையுடன் கடைக்காரரைப் பார்த்து, "அந்த பொம்மை என்ன விலை? என்றான்.

அதற்கு அந்த கடையின் முதலாளி சிரித்துக் கொண்டே,"உன்னிடம் எவ்வளவு பணம் உள்ளது? என்று கேட்டார்.

அதற்கு அந்த சிறுவன் தான் விளையாட சேகரித்து வைத்திருந்த சிற்பிகளை எடுத்து கடைக்காரரிடம் கொடுத்தான். இது போதுமா? என்று கவலையுடன் கேட்டான். அதற்கு அந்த கவலையான முகத்தை பார்த்துக் கொண்டே," எனக்கு நான்கு சிப்பிகள் போதும் மீதியை நீயே எடுத்துக்கொள்" என்றார்.

சிறுவன் மகிழ்ச்சியோடு மீதி இருந்த சிற்பிகளையும் தன் தங்கையுடன் அந்த

பொம்மையையும் எடுத்துக் கொண்டு சென்றான்.

இதை எல்லாம் கவனித்துக் கொண்டிருந்த அந்தக் கடையின் வேலையாள் தனது முதலாளியிடம், " ஐயா ஒன்றுக்கு உதவாத சிப்பிகளை எடுத்துக்கொண்டு விலையுயர்ந்த பொம்மையை கொடுத்து விட்டீர்களே ஐயா" என்று கேட்டார்.

அதற்கு  முதலாளி, "அந்த சிறுவனுக்கு  பணம்  கொடுத்தால்தான் பொம்மை கிடைக்கும்  என்பது புரியாத வயது  அவனைப் பொறுத்தவரை அவனிடம் உள்ள சிப்பிகளே உயர்ந்தவை. நாம் பணம் கேட்டால் அவனுடைய மனதில் பணம் தான் உயர்ந்தது என்ற எண்ணம் வந்துவிடும்.

அதனை நான் தடுத்து விட்டேன். மேலும், தனது தங்கை கேட்டவற்றை தன்னால் வாங்கித் தர இயலும் என்ற தன்னம்பிக்கையும் அவனது மனதில் விதைத்து விட்டேன்"என்றார்.

மேலும்,"என்றாவது ஒருநாள் அவன் பெரியவனாகி இதை நினைத்துப் பார்க்கும் பொழுது இந்த உலகம் நல்லவர்களால் ஆனது என்ற எண்ணம் அவன் மனதில் எழும் ஆகையால் அவனும் எல்லோரிடமும் அன்பாக நடந்து கொள்வான்" என்றும் கூறினார்.

நீதி: இந்த உலகம் அன்பாலும், மனிதத் தன்மையாலும் கட்டமைக்கப்பட வேண்டும்.

இன்றைய செய்திகள்

28.10.2024

* அரசுப் பள்ளிகளில் தற்காலிகமாக தோற்றுவிக்கப்பட்ட 7,979 பணியிடங்களில் பணியாற்றும் பட்டதாரி ஆசிரியர்களுக்கு டிச.31-ம் தேதி வரை ஊதியம் வழங்க அனுமதி வழங்கி பள்ளிக் கல்வித்துறை உத்தரவு.

* காவிரி நீர்ப்பிடிப்புப் பகுதிகளில் கனமழை பெய்து வருவதால் மேட்டூர் அணைக்கு  நீர்வரத்து  33 ஆயிரம் கனஅடியாக அதிகரிப்பு.

* பிரபல இசைக் கச்சேரிகளின் டிக்கெட் விற்பனையில் முறைகேடு: 5 மாநிலங்களில் அமலாக்கத்துறை சோதனை.

* சட்டவிரோதமாக தங்கியிருந்த இந்தியர்களை திருப்பி அனுப்பியது அமெரிக்கா.

* லா லிகா கால்பந்து: இன்றைய ஆட்டத்தில் ரியல் மாட்ரிட் அணியை வீழ்த்தி பார்சிலோனா அபார வெற்றி.

* ஜப்பான் ஓபன் டென்னிஸ்: இறுதிப்போட்டிக்கு முன்னேறிய அமெரிக்க வீராங்கனை சோபியா கெனின்.

Today's Headlines

* The school education department has given permission to pay salaries to the graduate teachers working in 7,979 posts created temporarily in government schools till 31st December.

* Due to heavy rains in the Cauvery catchment areas, the flow of water to Mettur dam has increased to 33 thousand cubic feet.

* Malpractice in ticket sales of popular music concerts: Enforcement probes in 5 states

* America sent back Indians who stayed illegally.

* La Liga Football: Barcelona beat Real Madrid in today's match.

* Japan Open Tennis: American player Sophia Kenin advanced to finals.

Prepared by

Covai women ICT_போதிமரம்

பயிற்சி அளிக்க ஆசிரியர்களை பயன்படுத்த மாட்டோம் என்ற அமைச்சரின் உறுதிமொழி என்ன ஆயிற்று? - தமிழ்நாடு ஆசிரியர் கூட்டணி

 எண்ணும் எழுத்தும் நேரடி பயிற்சியை கைவிடுக - பயிற்சிக்கு ஆசிரியர்களை பயன்படுத்த மாட்டோம் என்ற அமைச்சரின் உறுதிமொழி என்ன ஆயிற்று? - தமிழ்நாடு ஆசிரியர் கூட்டணி

*தமிழ்நாடு ஆசிரியர் கூட்டணி கோரிக்கை.*

நாமக்கல்

24-10-2024

தொடக்கக்கல்வித்துறையில் நடைபெறும் நிகழ்வுகளை மாண்புமிகு பள்ளிக்கல்வித்துறை அமைச்சர் அவர்களும் முதலமைச்சர் அவர்களும் உடனடி கவனம் செலுத்தி ஆசிரியர்களை கற்பித்தல் பணியில் மட்டும் ஈடுபடுத்த நடவடிக்கை எடுக்க *தமிழ்நாடு ஆசிரியர் கூட்டணி கோரிக்கை.*

எண்ணும் எழுத்தும் நேரடி பயிற்சியை கைவிடுக !

பயிற்சிக்கு ஆசிரியர்களை பயன்படுத்த மாட்டோம் என்ற அமைச்சரின் உறுதி மொழி என்ன ஆயிற்று ?

ஒரே நேரத்தில் ஆசிரியர்களுக்கு 

கலைத் திருவிழா 

எண்ணும் எழுத்தும்

இணையதளப் பயிற்சி

எண்ணும் எழுத்தும் நேரடி பயிற்சி

வாசிப்பு இயக்கம் 

இணையதள பயிற்சி

பள்ளி மேலாண்மை குழு கூட்டம்

ஆசிரியர்கள் கடும் மன உளைச்சலில், மன அழுத்தத்தில் பணியாற்ற வைப்பது ஏன்?

அதிகாரிகள் சிந்திப்பார்களா? 

அமைச்சர் தன் கவனத்தில் கொண்டு குறைகளை நீக்குவது எப்போது?

கடந்த மூன்று ஆண்டுகளாக தமிழக பள்ளிகளில் ஒன்று முதல் ஐந்தாம் வகுப்புவரை எண்ணும் எழுத்தும் எனும் திட்டமானது நடைமுறைப்படுத்தப்பட்டு வருகிறது

இத்திட்டத்திற்கு ஒவ்வொரு பருவத்திற்கும், பருவம் ஆரம்பிப்பதற்கு முன்பாக இரண்டு அல்லது மூன்று நாட்கள் நேரடி பயிற்சி அளிக்கப்பட்டு வந்தன.

இந்த நிலையில் கடந்த மாதம் நடைபெற்ற டிட்டோஜாக் பேச்சுவார்த்தையின் போது டிடோஜாக் அமைப்பின் கோரிக்கையின் ஒன்றான பயிற்சிக்கு ஆசிரியர்களை பயன்படுத்தக் கூடாது என்ற கோரிக்கையை அமைச்சர் ஏற்றுக்கொண்டார்.

இனிவரும் காலங்களில் பயிற்சிக்கு ஆசிரியர்கள் பயன்படுத்த மாட்டோம் என்றும் விருப்பமுள்ள ஒரு சில ஆசிரியர்களை மட்டும் பயன்படுத்துவோம் என்றும் உறுதியளித்தார்.

மேலும் பள்ளிக்கல்வித்துறை செயலாளர் அவர்களும், ஆசிரியர்கள் இனி பயிற்சிக்கு பயன்படுத்தப்பட மாட்டார்கள் வட்டார வளமைய ஆசிரியர் பயிற்றுநர்கள் போதுமான அளவுக்கு இருக்கிறார்கள். அவர்கள் பயிற்சி அளிக்க பயன்படுத்தப்படுவார்கள்.

போதுமான பயிற்சியாளர்கள் இல்லாதநிலை ஏற்படும் போது மட்டும் விருப்பமுள்ள ஆசிரியர்களை பயன்படுத்துவோம் என்று உறுதியளித்தனர்.

அதற்கு முற்றும் மாறாகவும் இனி இணைய வழியில் மட்டுமே பயிற்சிகள் என்ற மாண்புமிகு அமைச்சர் அவர்களின் உறுதிமொழிக்கு மாறாகவும் தற்பொழுது கல்வித்துறை அதிகாரிகள் நேரடி பயிற்சி அளிப்பது மட்டுமல்லாது இணையதள பயிற்சியும் இணைந்து அளிக்கிறார்கள். 

நேரடி பயிற்சிக்கு ஆசிரியர்கள் பயன்படுத்த மாட்டார்கள் என கொடுக்கப்பட்ட உறுதிமொழிக்கு மாறாக முற்றிலும் மாநில, மாவட்ட, வட்டார அளவிலான பயிற்சி கருத்தாளர்களாக ஆசிரியர்களே நியமித்திருப்பது வன்மையாக கண்டிக்கத்தக்கது.

அமைச்சர் மற்றும் கல்வித்துறை செயலாளர் அவர்கள் இதனை கவனத்தில் கொண்டு உடனடியாக இணையதள பயிற்சி கொடுத்த பின்பு நேரடி பயிற்சியை ரத்து செய்ய தமிழ்நாடு ஆசிரியர் கூட்டணி கேட்டுக்கொள்கிறது.

பருவ விடுமுறைக்குப்பின் இரண்டாம் பருவம் இம் ( அக்டோபர்) மாதம் ஏழாம் தேதி தான் பள்ளிகள் திறக்கப்பட்டன. 

இன்றோடு (24-10-24) ஏறக்குறைய 12 நாட்கள் மட்டுமே வேலை நாட்களாக நடைபெற்றுள்ள நிலையில் இந்த 12 நாட்களுக்குள் ஆசிரியர்கள் ஒவ்வொரு நாளும் ஒரு கல்விப் பணி அல்லாத பணியை செய்யக்கூடிய சூழ்நிலையை கல்வித்துறை உருவாக்கி உள்ளது.

இலவச பாடபுத்தகங்கள். இலவச நோட்டுகள், விலையில்லா புத்தகப் பைகள், எண்ணும் எழுத்தும் பயிற்சி புத்தகங்கள் இவற்றையெல்லாம் தினந்தோறும் பெற்று வந்து ஆசிரியர் மாணவர்களுக்கு ஒவ்வொரு நாளும் வழங்கி வந்தனர்.

அது மட்டுமல்ல 1 முதல் 12 ஆம் வகுப்பு வரை கடந்த பருவத்தில் நடைபெற்ற பள்ளி அளவிலான கலைத் திருவிழா போட்டிகளின் தொடர்ச்சியாக இந்த வாரம் குறுவளமைய அளவிலும் வட்டார அளவிலும் பின்பு மாவட்ட அளவிலும் நடத்துவதற்கு திட்டமிடப்பட்டு இந்த 13 நாட்களில் பல நாட்களை கலைத்திருவிழாக்கள் கலந்துகொள்வதிலும், அதற்கான “பயிற்சியிலும் கற்றல் கற்பித்தல் நாட்கள் காவு கொண்டு விட்டன என்பதே நிதர்சனமான உண்மை.

“இதே நாட்களில் தான் எண்ணும் எழுத்தும் இணையதள பயிற்சி 3 நாட்கள், வாசிப்பு இயக்க இணையதள பயிற்சி 2 நாட்கள் என குறிப்பிட்ட கால அளவுக்குள் பயிற்சிகள் முடிக்க வேண்டும் என கட்டாயப்படுத்தப்பட்டு ஆசிரியர்கள் எந்நேரமும் அவர்களின் செல்போன் மூலம் இணையதளத்தில் இருக்கக்கூடிய நிலைமையை உருவாக்கியுள்ளார்கள்.

தற்பொழுது இந்த வாரத்திலேயே எண்ணும் எழுத்தும் நேரடி பயிற்சி மட்டுமல்லாமல்...

25 ஆம் தேதி தமிழ்நாடு முழுவதும் பள்ளி மேலாண்மை குழு கூட்டம் நடத்தப்பட வேண்டும் என்றும்...

அதற்கான ஆயத்த பணிகளை, தொடர்ந்து இரண்டு நாட்களாக செய்ய வேண்டும் என்றும் தொடர் அறிவுறுத்தல்கள் வழங்கப்படுகிறது.

இதனால் தலைமையாசிரியர்கள் மற்றும் ஆசிரியர்களை கடும் மன உளைச்சலிலும் வேதனையிலும் ஆழ்த்தியுள்ளது.

பற்றாக்குறைக்கு திருவண்ணாமலை மாவட்டத்தில் 25ஆம் தேதி சாரணர் இயக்க பயிற்சியும் அதுமட்டுமல்லாது வேறு எந்த மாவட்டங்களிலும் இல்லாமல் திருவண்ணாமலை மாவட்ட முதன்மை கல்வி அலுவலர் மட்டும் "தமிழ் தாய் வாழ்த்து மற்றும் தேசிய கீதம்" பாடல் பாடும் போட்டி 1 முதல் 12 ஆம் வகுப்புக்குவரை எந்த வித பிரிவு நிலையும் அல்லாது, 

பள்ளி அளவில் 

குறுவளமைய அளவில், 

வட்டார அளவில் 

மாவட்ட அளவில் 

என இம்மாதத்துக்குள் முடிக்கப்பட வேண்டும் என அழுத்தம் தரப்பட்டு அனைத்து ஆசிரியர்களும் கடும் மன உளைச்சலில் இருக்கிறார்கள் என்பது உண்மையே.

தொடர்ந்து கற்றல் கற்பித்தல் பணியை மட்டும் செய்ய வேண்டிய ஆசிரியர்கள் இது போன்ற பிற பணிகள் மற்றும் பயிற்சிகளாலும் கற்றல் கற்பித்தல் பணியை செய்ய முடியாமல், அரசுப் பள்ளியை நம்பி வந்த ஏழை எளிய மாணவர்களுக்கும் போதிய கற்றல் கற்பித்தல் பணியில் ஈடுபட இயலாத நிலையினால், பெற்றோர்களிடமும் சமுதாயத்திலும் அரசு ஆசிரியர்கள் பெரும் அவப்பெயரை பெறும்வகையில் அதிகாரிகள் நடந்துகொள்வது வேதனையாகவும் கண்டிக்கத் தக்கதாகவும் அமைந்துள்ளது.

அதுமட்டுமல்லாமல் இது அரசுக்கும் அவப்பெயரை ஏற்படுத்துவதுடன், அரசுப்பள்ளிகளின் மீதான நம்பிக்கையை பொதுமக்கள் மத்தியில் தகர்ப்பதாகவும் உள்ளது.

எனவே உடனடியாக மாண்புமிகு தமிழ்நாடு முதலமைச்சர் அவர்களும், மாண்புமிகு பள்ளிக் கல்வித்துறை அமைச்சர் அவர்களும் பள்ளிக் கல்வித்துறையின் மீது உடனடியாக கவனம் செலுத்தி ஆசிரியர்களுக்கு கற்றல் கற்பித்தல் பணிகள் மட்டும் வழங்கிடவும். தற்போது அறிவிக்கப்பட்டுள்ள எண்ணும் எழுத்தும் நேரடி பயிற்சியை ரத்துசெய்து, டிட்டோஜாக் பேச்சுவார்த்தையின் போது அளிக்கப்பட்ட வாக்குறுதிப்படி பயிற்சிகளுக்கு இனிவரும் காலங்களில் ஆசிரியர்களை பயன்படுத்தாத நிலையினை உறுதிசெய்ய வேண்டுமென தமிழ்நாடு ஆசிரியர் கூட்டணி சார்பில் தமிழ்நாடு அரசினை வலியுறுத்துகிறோம். 

ஆசிரியர் சங்க மூத்த பொதுச்செயலாளர்,

செ.முத்துசாமி Ex MLC

பொதுசெயலாளர்.

NILP - 2024-25 - Conduct of Final Basic Literacy Test - Activities - Issuance of Guidelines - Proceedings of the Director

 

புதிய பாரத எழுத்தறிவுத்‌ திட்டம்‌ - 2024-25ஆம்‌ ஆண்டு செயல்பாடுகள்‌ - இறுதி அடிப்படை எழுத்தறிவுத்‌ தேர்வு நடத்துதல்‌ - மேற்கொள்ள வேண்டிய செயல்பாடுகள் - வழிகாட்டு நெறிமுறைகள்‌ வழங்குதல்‌ - பள்ளிசாரா மற்றும்‌ வயது வந்தோர்‌ கல்வி இயக்குநர்‌ அவர்களின்‌ செயல்முறைகள்‌ ந.க.எண்‌:065/ஆ2/2024, நாள்‌: 23.10.2024

புதிய பாரத எழுத்தறிவுத் திட்டம் கற்போருக்கான தேர்வு தேதி மற்றும் வழிகாட்டி நெறிமுறைகள் வெளியீடு. NILP திட்ட கற்போருக்கான தேர்வு (10.11.24) ஞாயிற்றுக்கிழமை அன்று நடைபெறுகிறது...

New India Literacy Program - Activities for the year 2024-25 - Conduct of Final Basic Literacy Test - Activities to be undertaken - Issuance of Guidelines - Proceedings of the Director of Non-School and Adult Education No:065/A2/2024, Dated: 23.10.2024

பள்ளிசாரா மற்றும்‌ வயது வந்தோர்‌ கல்வி இயக்குநர்‌ அவர்களின்‌ செயல்முறைகள்‌

முன்னிலை: முனைவர்‌.சு.நாகராஜ முருகன்‌

ந.க.எண்‌:065/ஆ2/2024, நாள்‌: 23.10.2024

பொருள்‌: பள்ளிக்‌ கல்வி - பள்ளிசாரா மற்றும்‌ வயது வந்தோர்‌ கல்வி இயக்ககம்‌ - புதிய. பாரத எழுத்தறிவுத்‌ திட்டம்‌ 2022-27 - நடப்பு 2024-25ஆம்‌ ஆண்டு செயல்பாடுகள்‌ - திட்ட முதற்கட்ட கற்போருக்கு 10.11.24அன்று இறுதி அடிப்படை எழுத்தறிவுத்‌ தேர்வு நடத்துதல்‌ - வழிகாட்டு நெறிமுறைகள்‌ வழங்குதல்‌ - சார்பு.

பார்வை: 1, 2024-25ஆம்‌ ஆண்டிற்கான புதிய பராத எழுத்தறிவுத்‌ திட்ட ஏற்பளிப்புக்‌ குழு கூட்ட (PAB) நாள்‌ 22.03.24

2, அரசாணை நிலை எண்‌.159, பள்ளிக்‌ கல்வித்(எம்‌எஸ்‌) துறை, நாள்‌: 09.07.24

3, இவ்வியக்கக செயல்முறைகள்‌ ந.க.எண்‌.065/ஆ2/2024, நாள்‌: 09.07.24

தமிழ்நாட்டில்‌, 15வயதுக்கு மேற்பட்ட எழுதப்படிக்கத்‌ தெரியாதோருக்கு அடிப்படை எழுத்தறிவுக்‌ கல்வி வழங்கிடும்‌ வகையில்‌ புதிய பாரத எழுத்தறிவுத்‌ திட்டம்‌ கடந்த 2022-23 ஆம்‌ ஆண்டு முதல்‌ அனைத்து 38 மாவட்டங்களிலும்‌ செயல்படுத்தப்பட்டு வருகிறது. இத்திட்டத்தின்கீழ்‌, 2022-23ஆம்‌ ஆண்டு முதல்‌ 2024-25ஆம்‌ ஆண்டு வரை 16 இலட்சம்‌ பேர்‌ பயனடைந்துள்ளனர்‌ என்பது குறிப்பிடத்தக்க அம்சமாகும்‌.

பார்வை-3இல்‌ காணும்‌ செயல்முறைகளின்படி, 2024-25ஆம்‌ ஆண்டில்‌ அனைத்து எழுதப்படிக்கத்‌ தெரியாதோர்‌ அனைவரையும்‌ 100% கண்டறிந்து, அவர்கள்‌ அனைவருக்கும்‌ அடிப்படை எழுத்தறிவுக்‌ கல்வி கற்கும்‌ வாய்ப்பை வழங்கிடும்‌ வகையில்‌ திட்டச்‌ செயல்பாடுகளை இரண்டு கட்டங்களாகப்‌ பிரித்து செயல்படுத்த திட்டமிடப்பட்டுள்ளதன்‌ அடிப்படையில்‌, திட்ட முதற்கட்டத்தில்‌ விரிவான கணக்கெடுப்பின்படி கண்டறியப்பட்டுள்ள 6.14இலட்சம்‌ நபர்களுள்‌, 5.09இலட்சம்‌ நபர்கள்‌ அரசு மற்றும்‌ அரசு உதவிபெறும்‌ பள்ளி வளாகங்களில்‌ அமைக்கப்பட்டுள்ள 30,113 கற்போர்‌ எழுத்தறிவு மையங்களில்‌ சேர்க்கப்பட்டு அவர்களுக்கு 30,113 தன்னார்வலர்களின்‌ உதவியுடன்‌ 200 மணி நேரக்‌ கற்பித்தல்‌ மற்றும்‌ கற்றல்‌ செயல்பாடுகள்‌ 2024-ஜுலை மாதம்‌ தொடர்ந்து மேற்கொள்ளப்பட்டு வருகின்றன. திட்ட இரண்டாம்‌ கட்டம்‌ 2024-நவம்பர்‌ மாதம்‌ முதல்‌ 2025-மார்ச்‌ மாதம்‌ வரை செயல்படுத்தப்படும்‌.

தற்போது, திட்ட முதற்கட்டத்தின்கீழ்‌. விரிவான கணக்கெடுப்பின்‌ மூலம்‌ கண்டறியப்பட்டு, அனைத்து 38 மாவட்டங்களிலும்‌ இணைப்பில்‌ கண்டுள்ளபடி எழுத்தறிவு மையங்களில்‌ சேர்க்கப்பட்டுள்ள 5,09,459 கற்போருக்கு வருகின்ற 10.11.24 (ஞாயிற்றுக்கிழமை) அன்று அடிப்படை எழுத்தறிவுத்‌ தேர்வு நடத்தத்‌ திட்டமிடப்பட்டுள்ளது. இந்த அடிப்படை எழுத்தறிவுத்‌ தேர்வு நடத்துவது சார்ந்த வழிகாட்டு நெறிமுறைகள்‌ அனைத்து மாவட்ட முதன்மைக்‌ கல்வி அலுவலர்களுக்குப்‌ பின்வருமாறு வழங்கப்படுகிறது.

>>> தரவிறக்கம் செய்ய இங்கே சொடுக்கவும்...

இந்திய அஞ்சல் துறை சார்பில் கடிதம் எழுதும் போட்டி - முதல் பரிசு ரூ.50000

 

கடிதம் எழுதும் போட்டிக்கு கட்டுரைகளை அனுப்பலாம் 

இந்திய அஞ்சல் துறை சார்பில் கடிதம் எழுதும் போட்டி - முதல் பரிசு ரூ.50000

போட்டியில் பங்குபெறுவோர் பெயர் மற்றும் பள்ளியின் முகவரி தவறாமல் குறிப்பிட வேண்டும்.

தேசிய அளவில் வெற்றி பெறுவோருக்கு முதல் பரிசு ரூ.50 ஆயிரமும், 2-வது பரிசு ரூ.25 ஆயிரமும், 3-வது பரிசு ரூ.10 ஆயிரமும் வழங்கப்படும்.

இந்திய அஞ்சல் துறை சார்பில் கடிதம் எழுதும் போட்டி அறிவிக்கப்பட்டுள்ளது.

 அஞ்சலகங்களின் முதுநிலை கோட்ட கண்காணிப்பாளர் வெளியிட்டுள்ள செய்திக்குறிப்பில் கூறியிருப்பதாவது:-

இந்திய அஞ்சல் துறை சார்பில் தேசிய அளவில் கடிதம் எழுதும் போட்டி கடந்த செப்டம்பர் மாதம் 14ஆம் தேதி தொடங்கி நடைபெற்று வருகிறது.

 'எழுதுவதின் மகிழ்ச்சி: நவீன யுகத்தில் கடிதங்களின் முக்கியத்துவம்' என்ற தலைப்பில் நடத்தப்படும் இந்த போட்டியில் அனைத்து வயதினரும் கலந்துகொள்ளலாம்.

தமிழ், ஆங்கிலம் மற்றும் இந்தி இவற்றில் ஏதேனும் ஒரு மொழியில் கடிதம் எழுதி முதன்மை அஞ்சல் துறை தலைவர், தமிழ்நாடு வட்டம், சென்னை-600002 என்ற முகவரிக்கு வருகிற டிசம்பர் மாதம் 14ஆம் தேதிக்குள் அனுப்பி வைக்க வேண்டும்.

உள்நாட்டு கடிதப்பிரிவில் 500 வார்த்தைகளுக்கு மிகாமலும், கடித உறை பிரிவில் எழுதுவோர் 1,000 வார்த்தைகளுக்கு மிகாமலும் கைப்பட எழுதி தபாலில் அனுப்பி வைக்க வேண்டும். 18 வயது நிறைவு பெற்றவர், பெறாதவர் என்ற வயதிற்கான சான்று கடிதத்தில் குறிப்பிட வேண்டும். போட்டியில் பங்குபெறுவோர் பெயர் மற்றும் பள்ளியின் முகவரி தவறாமல் குறிப்பிட வேண்டும்.

போட்டியில் தமிழ்நாடு வட்ட அளவில் வெற்றி பெறுவோருக்கு முதல் பரிசு ரூ.25 ஆயிரமும், 2-வது பரிசு ரூ.10 ஆயிரமும், 3-வது பரிசு ரூ.5 ஆயிரமும் வழங்கப்படும். தேசிய அளவில் வெற்றி பெறுவோருக்கு முதல் பரிசு ரூ.50 ஆயிரமும்,2-வது பரிசு ரூ.25 ஆயிரமும், 3-வது பரிசு ரூ.10 ஆயிரமும் வழங்கப்படும்.

இவ்வாறு அதில் கூறப்பட்டுள்ளது.

Annual Increment Format

ஆண்டு சம்பள உயர்வு நமூனா

Annual Increment Format

>>> தரவிறக்கம் செய்ய இங்கே சொடுக்கவும்...

தீபாவளி பண்டிகை - 14,086 சிறப்பு பேருந்துகள் இயக்கப்படும் பேருந்து நிலையங்கள்

 

தீபாவளி பண்டிகை - 14,086 சிறப்பு பேருந்துகள் இயக்கப்படும் பேருந்து நிலையங்கள்

தீபாவளி பண்டிகையையொட்டி 14,086 சிறப்பு பேருந்துகள் இயக்கம்

தீபாவளி பண்டிகையை முன்னிட்டு அக்டோபர் 28, 29 மற்றும் 30 ஆகிய தேதிகளில் சென்னையில் இருந்து இயக்கப்படும் சிறப்பு பேருந்துகள்

கிளாம்பாக்கம் = திருச்சி, கரூர், மதுரை, நெல்லை, செங்கோட்டை, தூத்துக்குடி உள்ளிட்ட பகுதிகளுக்கு சிறப்பு பேருந்துகள் இயக்கம்

கோயம்பேடு = வேலூர், ஆரணி, ஆற்காடு, திருப்பத்தூர், காஞ்சிபுரம், ஓசூர் மற்றும் பெங்களூர் செல்லும் பேருந்துகள் மற்றும் திருத்தணி வழியாக திருப்பதி செல்லும் பேருந்துகள்...

மாதவரம் புதிய பேருந்து நிலையம் = ஆந்திர மாநிலத்திற்கு செல்லும் பேருந்துகள், வழக்கமாக இயக்கப்படும் திருச்சி, சேலம், கும்பகோணம் மற்றும் திருவண்ணாமலை பேருந்துகள்

கடைசி நேர கூட்ட நெரிசலை தவிர்க்க முன்கூட்டியே திட்டமிட்டு முன்பதிவு செய்து பயணிக்க அறிவுறுத்தல்