தமிழ்நாட்டில் ஆட்சியைப் பிடிக்கப் போவது யார்? – இன்று காலை 8 மணிக்கு தொடங்குகிறது வாக்கு எண்ணிக்கை
தமிழ்நாடு, மேற்கு வங்கம், கேரளா, புதுச்சேரி, அஸ்ஸாம் ஆகிய 5 மாநிலங்களில் பதிவான வாக்குகளை எண்ணும் பணி இன்று 04-05-2026 காலை 8 மணிக்கு தொடங்குகிறது.
தமிழ்நாட்டில் மொத்தம் 62 மையங்களில் வாக்கு எண்ணும் பணிகள் நடைபெற உள்ள நிலையில், அங்கு 3 அடுக்கு பாதுகாப்பு ஏற்பாடுகள் செய்யப்பட்டுள்ளன.
முதலில் காலை 8 மணி முதல் தபால் வாக்குகளும், 8.30 மணிக்கு மின்னணு வாக்குப்பதிவு இயந்திரங்களில் (EVM) பதிவான வாக்குகளும் எண்ணப்பட்டு, ஒவ்வொரு சுற்றுவாரியாக முடிவுகள் அறிவிக்கப்படும்.
கடந்த காலங்களில் நண்பகலிலேயே யார் ஆட்சியைப் பிடிக்கப் போகிறார்கள் என்பதை கணித்துவிட முடியும். ஆனால், இந்த முறை நான்குமுனை போட்டிகள் நிலவுவதால் முடிவுகளை கணிக்க மாலை வரை ஆகலாம் எனத் தெரிகிறது.
தேர்தல் முடிவுகள், முன்னிலை நிலவரங்களை இசிஐநெட் (ECINet) செயலியிலும், results.eci.gov.in என்ற இணையதளத்திலும் மக்கள் தெரிந்துகொள்வதற்கான வசதிகளை தேர்தல் ஆணையம் செய்துள்ளது.
வாக்கு எண்ணிக்கை வழிமுறைகள்:
காலை 8.00 மணிக்கு துவங்கும் தபால் வாக்கு எண்ணிக்கையை தொடர்ந்து...
8.30 மணி அளவில் வாக்குப் பதிவு எந்திரங்கள் குறிப்பிட்ட மேசைக்கு கொண்டு வரப்படும்.
ஒவ்வொரு மையத்திலும் சராசரியாக 14 மேசைகள் போடப்படும்.
பெரிய தொகுதியான சோழிங்கநல்லூர் மையத்தில் 28 மேசைகளும்
மதுரவாயல் மையத்தில் 20 மேசைகளும் அமைக்கப்பட்டுள்ளன.
ஒரு சுற்று என்பது 14 மேசைகளிலும் உள்ள வாக்குப்பதிவு எந்திரங்களில் பதிவான வாக்குகள் எண்ணப்பட்டு தேர்தல் அதிகாரி ஒப்புதல் அளித்த பிறகே நிறைவடையும்.
அதற்கு பின்னர்தான் அடுத்த சுற்று எண்ணிக்கை துவங்கும்.
அந்த தொகுதியில் உள்ள அனைத்து வாக்குப்பதிவு எந்திரங்களும் முழுமையாக எண்ணப்பட்டு இறுதி முடிவுகள் தேர்தல் நடத்தும் அதிகாரியால் அதிகாரப்பூர்வமாக வெளியிடப்படும்.
எனவே காலை சுமார் 10.00 மணி அளவில்தான் முன்னணி நிலவரம் தெரியவரும் என தகவல்.
கருத்துகள் இல்லை:
கருத்துரையிடுக
குறிப்பு: இந்த வலைப்பதிவின் உறுப்பினர் மட்டுமே ஒரு கருத்துரையை வெளியிடக்கூடும்.